Թևան Պողոսյան

Ո՞ր դեպքում ՄԽ համանախագահող երկրները շահագրգռված կլինեն բեկում մտցնել արցախյան հարցում

172
(Թարմացված է 22:59 13.01.2021)
«Մարդկային զարգացման միջազգային կենտրոնի» ղեկավար Թևան Պողոսյանը Sputnik Արմենիայի եթերում անդրադարձել է ԵԱՀԿ Մինսկի խմբի գործունեությանը և դրա միջնորդությամբ Արցախի կարգավիճակում բեկում մտցնելու հնարավորություններին։

 

Պողոսյան. «Ադրբեջանը ամեն կերպ փորձել և փորձելու է խոչընդոտել ՄԽ աշխատանքներին»

1994 թվականից սկած` Ղարաբաղյան հարցի կարգավորման վերաբերյալ Ադրբեջանը որդեգրել է հայկական կողմի բոլոր քայլերը ձախողելու և ռևանշիստական քաղաքականություն։ Sputnik Արմենիայի հետ զրույցում նման կարծիք հայտնեց Թևան Պողոսյանը` անդրադառնալով Արցախի կարգավիճակի խնդրին։

Մինչև արցախյան երկրորդ պատերազմն էլ, այսօր էլ Ադրբեջանի ղեկավարությունն ամեն կերպ փորձել և փորձելու է խոչընդոտել ԵԱՀԿ Մինսկի խմբի միջնորդությամբ խնդրի կարգավորմանն ուղղված բոլոր ջանքերը։ «Ադրբեջանը միշտ էլ խոչընդոտել այդ գործընթացներին, սակայն Ադրբեջանի քայլերը պետք է հաշվարկել ճիշտ ձևով և հաղթահարել դրանք` մեր շահերն առաջ տանելով»,- ասաց նա։

Պողոսյանի խոսքով` ԵԱՀԿ Մինսկի խմբի ֆորմատով խնդրի կարգավորման դեռևս չենք հասել, քանի որ իշխանությունները հարցին անհրաժեշտ լրջություն չեն հաղորդել։ 

Ըստ Պողոսյանի` տեսանելի ապագայում էլ կանաչ լույսը հազիվ թե վառվի, եթե օրվա իշխանությունները շարունակեն պաշտոնավարել, սակայն այդ ֆորմատով աշխատանքները պետք է շարունակել այնքան ժամանակ, քանի դեռ Արցախի միջազգային ճանաչման չենք հասել։

«Եթե ՌԴ-ին, Ֆրանսիային կամ ԱՄՆ-ին պետք լինի Արցախի հարցում բեկում մտցնել, նրանք դա կանեն, այլ հարց է` կարողանալու են  Հայաստանն ու Արցախն այնպես անել, որ 3-ն էլ համատեղ ցանկանան Մինսկի խմբի շրջանակներում բեկում մտցնել»,- նշեց Պողոսյանը։ 

Նրա դիտարկմամբ` Հայաստանում պետք է ձևավորվի նոր իշխանություն, որը կկարողանա ներկայացնել այնպիսի մոտեցումներ, որ համանախագահող 3 երկրներից յուրաքանչյուրը` սեփական շահերից ելնելով, շահագրգռված լինեն խնդրի կարգավորմամբ զբաղվել։

Ադրբեջանցիները պատրաստ չեն հայերի հետ բարիդրացիական հարաբերությունների. Արտակ Բեգլարյան

172
թեգերը:
Թևան Պողոսյան, Արցախ, Ղարաբաղյան հակամարտություն, Լեռնային Ղարաբաղ, ԵԱՀԿ Մինսկի Խումբ, Հայաստան, Ադրբեջան
Զարեհ Սինանյան

Բնակարանաշինություն, նոր աշխատատեղեր. Սփյուռքը պատրաստ է օգնել արցախցիներին

13
(Թարմացված է 20:26 25.01.2021)
ՀՀ վարչապետի աշխատակազմի սփյուռքի գործերի գլխավոր հանձնակատար Զարեհ Սինանյանը Sputnik Արմենիայի հետ զրույցում հույս է հայտնել, որ Հայաստանի և Արցախի պաշտոնյանների հետ շարունակական աշխատանքի շնորհիվ կհաջողվի հաղթահարել խորը ճգնաժամը և մուտք գործել զարգացման նոր փուլ։
Սփյուռքը դուրս է եկել շոկային վիճակից. Զարեհ Սինանյանը` Արցախում իրականացվող ծրագրերի մասին

Հայաստան-սփյուռք համագործակցությունն ակտիվացման փուլում է: Sputnik Արմենիայի հետ զրույցում նման կարծիք հայտնեց ՀՀ վարչապետի աշխատակազմի սփյուռքի գործերի գլխավոր հանձնակատար Զարեհ Սինանյանը։

«Հայաստանին և Արցախին զուգահեռ նաև սփյուռքն է դուրս գալիս այս շոկային վիճակից։ Որոշ համայնքներում դա տեղի է ունենում շատ ավելի արագ, քան այլ համայնքներում, օրինակ` Ֆրանսիայում և Ռուսաստանում բավական առողջ է մթնոլորտը, և համագործակցության բազում եզրեր կան»,- ասաց նա։

Նրա խոսքով`մարդիկ բավականին ակտիվ են և հասկանում են, որ այսօր առավել քան երբևէ  հայրենիքը`Հայաստանն ու Արցախն օգնության կարիք ունեն. տասնյակ հազարավոր տեղահանվածներ, որոնք թեև այս պահին Արցախի տարածքում են, զրկվել են սեփական բնակարաններից և եկամտի աղբյուրներից, ու առաջնահերթ նրանց պետք է աջակցել։

«Հայաստանի կառավարությունն էլ ամեն ջանք գործադրում է, որ արցախցի մեր հայրենակիցները ուտելիքի և կենցաղային իրերի կարիք չունենան, բայց ժամանակն է նաև նոր աշխատատեղեր ստեղծելու մասին մտածել։ Շահութաբերության հիման վրա ձեռնարկությունների հիմնումն Արցախի տարածքում լինելու է շատ կարևոր ուղղություն, և չեմ կասկածում, որ մոտակա տարիներին մենք դրա ականատեսը կլինենք»,- նշեց Սինանյանը։

Սփյուռքի գործերի գլխավոր հանձնակատարը համոզված է, որ Հայաստանի և Արցախի պաշտոնյանների հետ շարունակական աշխատանքի շնորհիվ կհաջողվի ամենասեղմ ժամկետներում կենտրոնանալ բնակարանաշինության վրա, տնտեսական վերածննդի ծրագիր կազմել և թևակոխել զարգացման նոր փուլ։

Հիշեցնենք` հունվարի 23-ին ՀՀ վարչապետի աշխատակազմի սփյուռքի գործերի գլխավոր հանձնակատար Զարեհ Սինանյանը ճանաչողական այցով մեկնել էր Արցախ, հանդիպել մի շարք պաշտոնյանների հետ և քննարկել կարճաժամկետ ու միջնաժամկետ ծրագրեր, որոնք նախատեսվում է կյանքի կոչել սփյուռքի մեր հայրենակիցների գործուն մասնակցությամբ։

13
Ըստ թեմայի
Հայերի դեմ պայքարում են այն ահաբեկիչները, որոնց Ռուսաստանը չի հասցրել վերացնել. Սինանյան
Զինադադարի հաստատումից հետո երկու լիբանանահայ է անհետացել. Սինանյան
ՀՀ–ն սփյուռքին է պետք, սփյուռքը՝ հայրենիքին. Ջորկաեֆները հանդիպել են Զարեհ Սինանյանին
Սուրեն Սարգսյան

ԱՄՆ–ում դեսպան լինելու համար Մակունցը չունի դիվանագիտական փորձ և քաղաքական ծանրակշռություն

50
(Թարմացված է 12:18 25.01.2021)
Ամերիկյան հետազոտությունների հայկական կենտրոնի տնօրեն Սուրեն Սարգսյանը Sputnik Արմենիայի եթերում անդրադարձել է ԱԺ «Իմ քայլը» խմբակցության ղեկավար Լիլիթ Մակունցին ԱՄՆ-ում ՀՀ դեսպան նշանակվելու մասին տեղեկությանը։
Սարգսյան. «Մակունցը չունի դիվանագիտական փորձ և քաղաքական ծանրակշռություն` ԱՄՆ–ում դեսպան աշախատելու համար»

Սուրեն Սարգսյանի դիտարկմամբ` յուրաքանչյուր պետություն ազատ է ցանկացած մարդու այլ երկրում նշանակել որպես  դիվանագիտական ներկայացուցիչ. դրա համար գործընթաց է տեղի ունենում, ուղարկվում է ագրեման, և եթե ընդունող կողմը որևէ առարկություն չունի, համապատասխան ժամկետների ընթացքում անձն այցելում է դեսպանին ընդունող երկիր։ 

«Խնդիրն այն է, որ մենք, ըստ էության, ԱՄՆ–ում մշտապես` դեռ 1990-ականների սկզբից, ունեցել ենք բարձր մակարդակի,  պրոֆեսիոնալ դիվանագետներ։ Լավագույնները ծառայել են Վաշինգտոնում և դրանով իսկ մշտապես բարձր են պահել հայ–ամերիկյան հարաբերությունները։ Այդ առումով կարելի է առանձնացնել Ռուբեն Շուգարյանին, Արման Կիրակոսյանին, Թաթուլ Մարգարյանին, Վարուժան Ներսիսյանին և Գրիգոր Հովհաննիսյանին, որոնք պրոֆեսիոնալ կադրեր էին` փայլուն կրթությամբ, համապատասխան գիտելիքներով ու փորձով»,– նշեց Սարգսյանը։

Նա առանձնահատուկ կերպով նշեց նաև ՀՀ նախկին վարչապետ Տիգրան Սարգսյանի պաշտոնավարումն ԱՄՆ–ում արտակարգ և լիազոր դեսպանի պաշտոնում, որի օրոք ջերմ հարաբերություններ հաստատվեցին ամերիկյան վարչակազմի և հատկապես փոխնախագահ Ջո Բայդենի հետ, ով այժմ դարձել է ԱՄՆ–ի նախագահը։ 

«ԱՄՆ–ում դեսպանի պաշտոնը մեզ համար չափազանց կարևոր է և այստեղ պետք է նշանակվեն պրոֆեսիոնալ դիվանագետներ կամ այնպիսի քաղաքական ծանր քաշայիններ, ովքեր ի վիճակի կլինեն ճանաչել, իմանալ Վաշինգտոնն ու հասկանալ, թե ինչպես աշխատել ամերիկյան կողմի հետ` երկկողմ հարաբերությունները առաջ մղելու համար։ Կարծում եմ, որ Լիլիթ Մակունցը չունի դիվանագիտական փորձ և քաղաքական ծանրակշռություն։ Նրա անձի դեմ բնավ ոչինչ չունեմ, բայց կարծում եմ, որ այս պահի դրությամբ անիմաստ է ԱՄՆ–ում մեր գործող դեսպանին հետ կանչելը։ Ավելին` ՀՀ վերջին երեք դեսպանները Վաշինգտոնում պաշտոնավարել են ընդամենը 2,5 տարի, ինչը նույնպես նորմալ չէ դիվանագիտական պրակտիկայում։ 2,5 տարին մեկ ԱՄՆ–ում դեսպան փոխելը կարող է ոչ դրական, ոչ լուրջ ընկալում ձևավորել մեր նկատմամբ»,– նշեց Ամերիկյան հետազոտությունների հայկական կենտրոնի տնօրենը։

Արմեն Գրիգորյանը շնորհավորել է ԱՄՆ–ի իր պաշտոնակցին և հանդիպման հույս հայտնել

Սարգսյանի կարծիքով` մենք այժմ ունենք լուրջ և պրոֆեսիոնալ դիվանագետների կարիք` հաշվի առնելով, որ հայ-ամերիկյան հարաբերությունները գտնվում են պատմականորեն ամենացածր մակարդակի վրա։      

Նշենք, որ երեկ ԱԺ «Իմ քայլը» խմբակցության նախագահ Լիլիթ Մակունցը հաստատեց, որ օրակարգում քննարկվում է իր` ԱՄՆ ՀՀ արտակարգ և լիազոր դեսպան նշանակելու հարցը։

50
թեգերը:
Սուրեն Սարգսյան, Դեսպան, Հայաստան, ԱՄՆ, Լիլիթ Մակունց
Ըստ թեմայի
Փոխվարչապետ Մհեր Գրիգորյանն ընդունել է Ֆրանսիայի դեսպանին
Օնիկ Գասպարյանն ընդունել է Հայաստանում ԱՄՆ դեսպան Լին Թրեյսիին
«Ոչ կոռեկտ են». Պեսկովի արձագանքը` Ռուսաստանի ցույցերի վերաբերյալ ԱՄՆ–ի հայտարարությանը
Արխիվային լուսանկար. 20 նոյեմբերի, 2020, Ստեփանակերտ

Մեկ օրում Արցախ է վերադարձել 220-ից ավելի բնակիչ

0
(Թարմացված է 21:21 25.01.2021)
Խաղաղապահ առաքելության ընթացքում Լեռնային Ղարաբաղում վնասազերծվել է 23 813 պայթյունավտանգ առարկա։

ԵՐԵՎԱՆ, 25 հունվարի – Sputnik. 222 արցախցիներ խաղաղապահների ուղեկցությամբ Հայաստանից վերադարձել են Արցախ։ Տեղեկությունը հաղորդում է Ռուսաստանի պաշտպանության նախարարության մամուլի ծառայությունը։

«Ռուսական խաղաղապահ զորախմբի զինծառայողների կողմից ապահովվում է քաղաքացիների անվտանգ վերադարձն իրենց մշտական բնակության վայրեր, ցուցաբերվում է մարդասիրական օգնություն, վերականգնվում են քաղաքացիական ենթակառուցվածքի օբյեկտները», - ասված է հաղորդագրությունում։

Ընդհանուր առմամբ, ռուսական պաշտպանական գերատեսչության տվյալներով, Լեռնային Ղարաբաղում մշտական բնակության վայրեր են վերադարձել 51065 փախստականներ:

ՌԴ պաշտպանության նախարարության Միջազգային հակաականային կենտրոնի մասնագետները շարունակում են Լեռնային Ղարաբաղի տարածքի ականազերծման աշխատանքները։ 2020 թ. նոյեմբերի 23-ից ի վեր չպայթած զինամթերքից մաքրվել է 672,3 հա տարածք, 225,8 կմ ճանապարհ, 883 բնակելի շինություն, այդ թվում՝ 25 հանրային նշանակության օբյեկտ, հայտնաբերվել և վնասազերծվել է 23 813 պայթյունավտանգ առարկա։

Նշվում է, որ խաղաղապահներն իրավիճակի շուրջօրյա մոնիթորինգ և հրադադարի ռեժիմի պահպանման վերահսկողություն են իրականացնում 27 դիտակետերում, վերականգնում են քաղաքացիական ենթակառուցվածքները:

Ռուս խաղաղապահ զորախմբի պատասխանատվության գոտում հնարավոր միջադեպերի կանխմանն ուղղված ջանքերը համակարգելու նպատակով շարունակական գործակցություն է պահպանվում Ադրբեջանի և Հայաստանի զինված ուժերի գլխավոր շտաբների հետ:

Հիշեցնենք` 2020թ.–ի նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

Մարտակերտում խաղաղապահները մշակում են հրադադարի խախտման դեպքում իրենց գործողությունները

Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվել է Ռուսաստանի Դաշնության խաղաղապահ զորակազմը ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:

Ռուսաստանի Դաշնության խաղաղապահ զորախումբը տեղակայմանը զուգահեռ դուրս են բերվում հայկական զինված ուժերը։ Ռուսաստանի Դաշնության խաղաղապահ զորակազմը տեղակայվում է 5 տարի ժամկետով` 5 տարվա ժամանակահատվածով ավտոմատ երկարաձգմամբ, եթե կողմերից որևէ մեկը ժամկետի ավարտից 6 ամիս առաջ չհայտարարի այդ դրույթի կիրառումը դադարեցնելու մտադրության մասին:

Ղարաբաղում խաղաղապահ գործողության գինն ու վարկանիշը. թվերն ավելի քան խոսուն են

0
թեգերը:
Ռուսաստան, խաղաղապահ, Արցախ
Ըստ թեմայի
Ի՞նչ է պահանջում Ադրբեջանը Արցախում խաղաղապահների ներկայության փոխարեն. Մինասյան
Արցախում ռուս խաղաղապահների համար ևս 5 մոդուլային ավան կկառուցվի
ՌԴ խաղաղապահների տարածքներն Արցախում ախտահանվում են, շարունակվում են նաև պատվաստումները