Ստեփան Դանիելյան

Հայաստանը կարող է դառնալ տարածաշրջանի դուռը. Դանիելյանը`ապաշրջափակման մասին

183
Քաղաքագետ Ստեփան Դանիելյանը Sputnik Արմենիայի եթերում խոսել է տարածաշրջանում սպասվող աշխարհաքաղաքական ու աշխարհատնտեսական այն փոփոխությունների մասին, որոնք կարող են ծագել Մոսկվայում ստորագրված եռակողմ հայտարարության կետերի իրականացման դեպքում։
Դանիելյան. «Տարածաշրջանային ծրագրերի կարևոր էլեմենտը անվտանգության վերահսկողությունն է ՌԴ–ի կողմից»

Ստեփան Դանիելյանի դիտարկմամբ` կոմունիկացիաների ապաշրջափակումը կարող է ոչ միայն տարածաշրջանային, այլև ավելի ընդգրկուն նշանակություն ունենալ։ Աշխարհաքաղաքականության կարևորագույն էլեմենտներից մեկը կոմունիկացիաների անխափան աշխատանքն է, և աշխարհում պայքար է գնում հենց կոմունիկացիների, գլոբալ ենթակառուցվածքների համար։ Ըստ նրա` կարող է լինել երկու ուղղություն` Հյուսիս–Հարավ և Արևմուտք–Արևելք։ 

«Հյուսիս–Հարավի պարագայում բնականաբար Պարսից ծոցը Ռուսաստանին ու Եվրոպային կարող է կապել Հնդկաստանի ու Չինաստանի հետ, և այդ դեպքում ամբողջությամբ փոխվում է տրամաբանությունը նաև մեր տարածաշրջանում, իսկ Արևմուտք–Արևելքի դեպքում Միջին Ասիայի էներգակիրները Թուրքիայով կարող են հասնել Եվրոպա և այլ տարածաշրջաններ։ Հայաստանը կարող է դառնալ խաչմերուկ, որտեղ շատ լուրջ շահեր են բախվում։ Կարևոր էլեմենտ է նաև այդ ամենի անվտանգության վերահսկողությունը Ռուսաստանի միջոցով»,– նշեց քաղաքագետը։

Դանիելյանի կարծիքով` Հայաստանը ժամանակին կարծես մեր տարածաշրջանի փականն էր, հիմա կարող է դառնալ դուռը` համապատասխան հետևություններով հանդերձ։ Նա չի կարծում, որ մենք այստեղ ժամանակի առումով հետ ենք մնացել, ուղղակի գլոբալ լուրջ խաղացողների միջև այժմ քաղաքական դասավորությունն այնպիսին է, որ տարածաշրջանի բացման գործընթացը ձեռնտու է նրանց։ Ուստի պատահական չէ, որ գերտերությունները լուրջ են վերաբերում հարցին, լուրջ հետաքրքրություններ են ցուցաբերում Կովկասի հանդեպ։ 

Ի՞նչ կարող էր ստանալ Հայաստանը հունվարի 11-ի հանդիպումից, որ չստացավ. Մանուկյանի կարծիքը

«Այսպես, թե այնպես Հայաստանը միանում է մեգածրագրերին, պարզապես հարցն այն է, թե մեր երկիրը միանում է որպես քաղաքական օբյեկտ, թե սուբյեկտ։ Այստեղ նաև Արցախի խնդիրն է առաջ գալիս, և այն, թե մենք ինչ լծակներ ունենք այդ հարցում։ Սուբյեկտ դառնալու համար առաջին հերթին պետք է Հայաստանի իշխանությունը ներկայացնի ժողովրդի շահերը և ունենա վստահություն, որովհետև սուբյեկտայնություն ասելով` նկատի ունենք այն, որ ինքնիշխանությունը պատկանում է ժողովրդին, մինչդեռ այսօր իշխանության և ժողովրդի միջև մեծ անդունդ է գոյացել, որի պայմաններում սուբյեկտայնության մասին խոսելը լուրջ չէ»,– նշեց քաղաքագետը։

Եռակողմ աշխատանքային խումբը կզբաղվի տարածաշրջանում բնականոն կյանքի վերականգնման հարցերով

Դանիելյանի գնահատմամբ` աշխարհաքաղաքականության մեջ կարևոր են նախևառաջ գերտերությունների տեսակետները, նրանց կամքն ու շահերը։ Քաղաքագետը վկայակոչեց իրանական ասացվածքը, ըստ որի` ով տիրում է Ղարաբաղին, տիրում է ամբողջ Կովկասին, և հենց ղարաբաղյան հիմնախնդրի շնորհիվ է, որ կա ռուսական ներկայություն և Մինսկի համանախագահների ձևաչափ։ Այնպես որ տարածաշրջանային կոմունիկացիաներն առանց գերտերությունների համաձայնության չեն կարող աշխատել, և եթե կոմունիկացիաները տնտեսական հզորագույն կռվան են, ապա տնտեսությունն ու քաղաքականությունն իրարից տարանջատելն ուղղակի անհնար է։   

183
թեգերը:
ապաշրջափակում, տարածաշրջան, Հայաստան
Ըստ թեմայի
Հայաստանի զբոսաշրջության ոլորտի ներկայացուցիչներն ահազանգում են «պատային իրավիճակի» մասին
Սյունիքը համարում եմ մեր պետականության ողնաշարը. Նիկոլ Փաշինյան
Պուտինն Էրդողանին հայտնել է մոսկովյան եռակողմ հանդիպման արդյունքների մասին
Ինգա Զարաֆյան

Եթե Ադրբեջանը վտանգի Սևանի ջրային պաշարները, թիրախում կհայտնվի ողջ տարածաշրջանը. Զարաֆյան

127
(Թարմացված է 22:02 27.01.2021)
Ի՞նչ վտանգ է սպառնում Սևանա լճին և որքանո՞վ են արդարացված բնապահպանների մտահոգությունները. բնապահպան, «Էկոլուր» ՀԿ նախագահ Ինգա Զարաֆյանի հետ Sputnik Արմենիայի եթերում զրուցել ենք հնարավոր ռիսկերի մասին։
«Եթե Ադրբեջանը որոշի վտանգել Սևանա լճի ջրային պաշարները, թիրախում կհայտնվի ամբողջ տարածաշրջանը». Զարաֆյան

Եթե ադրբեջանական կողմը մի օր որոշի Հայաստանին կանգնեցնել բնապահպանական աղետի առաջ և վտանգել Սևանա լճի ջրային պաշարները, թիրախում կհայտնվեն նաև Վրաստանը, Իրանը, Թուրքիան և նույն ինքը Ադրբեջանը, քանի որ նշված բոլոր պետությունները սնվում են Հայաստանի վերգետնյա ջրային պաշարներից։ Sputnik Արմենիայի հետ զրույցում նման կարծիք հայտնեց բնապահպան Ինգա Զարաֆյանը` մեկնաբանելով մի շարք բնապահպանների շրջանում առաջացած անհանգստությունը, թե թշնամու հսկողության տակ գտնվող Որոտան և Արփա գետերի ակունքները և Սևանա լիճը վտանգված են։

 «Քանի որ Ադրբեջանը, Վրաստանը, Իրանը և Թուրքիան գտնվում են մեր վերգետնյա ջրերի ազդեցության տակ, դժվար է պատկերացնել, որ պետական մակարդակով պլանավորած գործողություններ լինեն, որոնք կվտանգեն մեր ջրավազանները»,- ասաց նա։

Զարաֆյանն օրերս անձամբ է այցելել Սոթքի մոտակայքում գտնվող Գեղամասար և Մեծ Մասրիկ համայնքներ, հանդիպել բնակիչներին, որոնք ևս մտահոգված են ջրային պաշարների ճակատագրով։ Բնակիչներին բնապահպանը հորդորել է չշտապել, իսկ իր գործընկերներին կոչ է անում նման հայտարարություններ անելիս զգուշավորություն ցուցաբերել։

«Վտանգի մասին խոսելու համար պետք է հասկանալ, թե դրանց քանի՞ տոկոսն է անցնում Ադրբեջանի վերահսկողության տակ, կոնկրետ ո՞ր տարածքների, ո՞ր ակնունքների մասին է խոսքը։ Մինչդեռ, մենք չենք տեսել այդպիսի հաշվարկներ, ամեն մի հայտարարության տակ պետք է հաշվարկ լինի չէ՞»,- նշեց բնապահպանը։

Նրա խոսքով` նման որևէ տվյալ չի ներկայացրել շրջակա միջավայրի նախարար Ռոմանոս Պետրոսյանը, որը նախօրեին հրավիրած ասուլիսում նշել էր, որ Սևանա լիճը սնուցող Որոտան և Արփա գետերի ակունքները մնացել են Ադրբեջանի վերահսկողության տակ։

Սահմանների հարցը Գեղարքունիքում լուրջ խնդիրներ է ստեղծել. ի՞նչ է արձանագրել պաշտպանը

Ավելի ուշ նախարարի մամուլի քարտուղար Էդգար Առաքելյանը պարզաբանում էր տարածել՝ նշելով, թե նախարարը նկատի է ունեցել ոչ թե նշված գետերի անմիջական ակունքները, այլ Որոտան և Արփա գետերի ջրահավաք ավազանների մաս կազմող որոշակի տարածքները, որտեղ կան տվյալ գետերը սնուցող աղբյուրներ։ Դրանք Սևանա լիճը սնող ջրահավաք ավազանի վրա որոշակի ազդեցություն կարող են ունենալ։

127
թեգերը:
բնապահպանական, Գետ, Ադրբեջան, Հայաստան, Սևանա լիճ
Ըստ թեմայի
Հայաստանի և Ադրբեջանի միջև երբևէ սահմանազատում չի եղել․ որ քարտեզի մասին է խոսում Ավինյանը
ՀՀ ՄԻՊ–ը դիմել է միջազգային կառույցներին ՀՀ սահմանների որոշման ոչ լեգիտիմության հարցով
Օդային սահմանի խախտում չի եղել. նախարարն այցելել է հակաօդային պաշտպանության ստորաբաժանում
Վիգեն Հակոբյան

Փաշինյանը ե՞րբ վերածվեց «կաղ բադիկի». քաղտեխնոլոգի դիտարկումները

52
Քաղտեխնոլոգ Վիգեն Հակոբյանը Sputnik Արմենիայի եթերում անդրադարձել է ԱԺ «Իմ քայլը» խմբակցության ներսում քննարկված հարցին, որն առնչվում է սահմանադրական փոփոխությունների միջոցով խորհրդարանի ինքալուծարման խնդրին։  
Հակոբյան. «Փաշինյանը փորձում է արտահերթ ընտրությունների շուրջ ձևավորել կոնսոլիդացիա»

Վիգեն Հակոբյանի դիտարկմամբ` եթե նման նախագիծ իրոք շրջանառվի, ապա դա վկայում է որոշակի անվստահության մասին, ինչի ապացույցն այն է, որ վերջին շրջանում «Ի քայլը» խորհրդարանական ընդդիմությանն անընդհատ առաջարկում է արտահերթ ընտրություններ անցկացնել, բայց միայն մեկ նախապայմանով` իրար հետ հուշագիր ստորագրեն, որ բոլորը եկել են նման եզրակացության և համատեղ ուժերով են անցկացնելու գալիք ընտրությունները։

«Հնարավոր հուշագրի հիմքում այն երաշխիքներն են, որ Նիկոլ Փաշինյանի հրաժարականի դեպքում ԱԺ ընդդիմադիր խմբակցություններից որևէ մեկն իր թեկնածուին չառաջադրի։ Այդուհանդերձ հարց է առաջանում` եթե նույնիսկ առաջադրեն, ապա ի՞նչ մտահոգություններ կարող է ունենալ բացարձակ մեծամասնություն ունեցող խորհրդարանական ուժը։ Պարզվում է` մտահոգություններ կան»,– նշեց քաղտեխնոլոգը։

Հակոբյանի խոսքով` իշխող ուժը կարծում է, որ երկու ընդդիմադիր խմբակցությունները կարող են պայմանավորվել` ապահովելով 50–ից ավել ձայներ և պակասող ձայները կարող են ներգրավել այսօրվա իշխող ուժից։

Ըստ նրա` խնդիրը քաղաքական տեսնակյունից դիտարկելիս` գալիս ենք եզրակացության, որ Նիկոլ Փաշինյանը գուցե շատ ավելի լավ իմանալով իր խմբակցության պոտենցիալը և մարդկային ռեսուրսը` նման մտահոգություններ ունի, այդ պատճառով էլ փորձում է մի կողմից ապահովագրել գործընթացը, սակայն մյուս կողմից Փաշինյանն, ըստ էության, փորձում է արտահերթ ընտրությունների շուրջ ձևավորել կոնսոլիդացիա և հուշագրի ստորագրմամբ լեգիտիմացնել գործընթացը։

Քաղտեխնոլոգի կարծիքով` այն պահից սկսած, երբ Փաշինյանը հայտարարեց արտահերթ ընտրություններ անցկացնելու մասին, նա վերածվեց «կաղ բադիկի», քանզի քաղաքական դաշտում գործող բոլոր ուժերին հասկանալի է, որ ներկա իշխանությունն ըստ էության իր վերջին ամիսներն է ապրում և իշխող ուժի շատ ներկայացուցիչներ հասկանում են, որ ապագա խորհրդարանում հայտնվելու շատ քիչ հնարավորություններ կան և իրենք իշխանության մեջ այլևս դերակատարում չեն ունենալու։ 

«Այս կետից սկսած` կարող ենք գործնական քայլերի գնալ». Ավինյանը` արտահերթ ընտրության մասին

52
թեգերը:
Ընտրություններ, Հայաստան, Նիկոլ Փաշինյան, քաղտեխնոլոգ, Վիգեն Հակոբյան
Ըստ թեմայի
Փաշինյանի պատրանքներն ու մոսկովյան արձագանքը. ինչու է վարչապետը ժամանակ ձգում
Ինչու Փաշինյանը որոշեց գնալ արտահերթ ընտրությունների. պարզաբանում է քաղտեխնոլոգը
Ժամանակը Հայաստանի օգտին չի աշխատում, կամ ո՞րն էր Փաշինյանի և հեղափոխության «պլան Ա»-ն
Օնիկ Գասպարյան

Թշնամին մեր տան դարպասների մոտ է. Օնիկ Գասպարյանը Բանակի օրվա առթիվ ուղերձ է հղել

0
(Թարմացված է 11:13 28.01.2021)
ՀՀ ԶՈւ ԳՇ պետը նշում է, որ բանակն այսօր հաճախ քննադատության է արժանանում, բայց չպիտի վհատվի։ Զինվորը, սպան, գեներալը, նրա խոսքով, գլուխը կարող է խոնարհել միայն մեր զոհված ընկերների սուրբ հիշատակի և նրանց հարազատների առջև։

ԵՐԵՎԱՆ, 28 հունվարի – Sputnik. ՀՀ ԶՈւ գլխավոր շտաբի պետ, գեներալ-գնդապետ Օնիկ Գասպարյանը ՀՀ զինված ուժերի կազմավորման 29-ամյակի առթիվ ուղերձ է հղել` նշելով, որ յուրաքանչյուրիս համար պատմական նշանակություն ունեցող այս օրը մենք նշում ենք դառնության զգացումով, բայց մեր սրտերը լցված են նաև հպարտությամբ:

ԳՇ պետն ընդգծում է, որ 2020թ. սեպտեմբերի 27-ին զինված ուժերը պատվով ընդունեցին նետված մարտահրավերը և, 44 օր հերոսաբար դիմակայելով, կատարեցին իրենց առջև դրված մարտական խնդիրները` մարտնչելով բազմակի անգամ գերազանցող թշնամու ուժերի դեմ և պատճառելով նրան մեծաթիվ կորուստներ:

Գասպարյանն արձանագրում է, որ անհավասար պայքարում հայկական զինուժը, ցավոք, նույնպես կրեց անդառնալի կորուստներ, բայց, նրա համոզմամբ, հակառակորդը դեռ երկար է հիշելու մեր զինվորի ու սպայի վճռականությունը, տոկունությունը, խիզախությունը, մինչև վերջ պայքարելու անկոտրում կամքն ու անմնացորդ նվիրումը:

Փոքրերն ուզում են զինվոր դառնալ, մեծերը հիշում են մեր բանակի նվաճումները. հարցում Երևանում

ԳՇ պետի խոսքով` այսօր բանակը հաճախ քննադատության է արժանանում, բայց չպիտի վհատվի։ Զինվորը, սպան, գեներալը, նրա խոսքով, գլուխը կարող է խոնարհել միայն մեր զոհված ընկերների սուրբ հիշատակի և նրանց հարազատների առջև։

«Հասկանում ենք, որ մեզանից սպասում էին առավելը։ Մեր հայրենակիցներն անսահման հավատով էին լցված Հայոց բանակի հանդեպ և կարող եմ ամենայն պատասխանատվությամբ բարձրաձայնել` մենք մինչև վերջ հավատարիմ մնացինք տրված երդմանն ու կատարեցինք պետության, ժողովրդի առջև մեր սրբազան պարտքը»,– ասված է ուղերձում։

Գասպարյանը նշում է նաև, որ բանակն այսօր ավելի մեծ աջակցության կարիք ունի և, որքան էլ դժվար լինի, շարունակում է կատարել հայրենիքի պաշտպանության գործը` կազմակերպելով մարտական հերթապահություն նոր բնագծերում, ձեռնարկելով գործուն միջոցներ մարտունակության վերականգնման ուղղությամբ:

Ավարտին եմ հասցնելու զոհված ընկերներիս գործը. մայոր Մեսրոպյանն իրեն պարտված չի համարում

«Իսկ հուսահատվածներին, մեր հանդեպ վստահությունը կորցրածներին, տարբեր ուժերի կողմից մեզ քննադատողներին, երբեմն նաև բացահայտ վիրավորողներին հավաստիացնում եմ` հայոց բանակն արագ ապաքինվելու է ստացած վերքերից և ցույց է տալու թշնամուն իր բազկի ուժը։ Միշտ պետք է հիշենք` թշնամին մեր տան դարպասների մոտ է և չի հրաժարվել հայկական օջախներն ավերելու նենգ մտադրությունից»,– եզրափակում է ԳՇ պետը:

Հիշեցնենք`ՀՀ ՊՆ–ն հայտարարել էր, որ Բանակի օրվա առթիվ այսօր` հունվարի 28-ին, տոնական զանգվածային միջոցառումներ չեն իրականացվելու։

Բանակի տոնը դիմավորում ենք պատերազմի ողբերգական հետևանքների ցավը մեր հոգում. Գարեգին Բ

0
թեգերը:
Բանակ, Օնիկ Գասպարյան, Հայաստան
Ըստ թեմայի
Նիկոլ Փաշինյանն այցելել է Եռաբլուր
Եթե ՀՀ վարչապետը լիներ թուրքական գործակալ, կաներ այն ամենը, ինչ արվել է. Ռոբերտ Քոչարյան
Հայոց բանակի ստեղծման օրը կանցնի առանց տոնական հանդիսությունների