Վահե Դավթյան

Հայաստանում էլեկտրաէներգիայի սակագների բարձրացումն անկառավարելի է դառնում. Դավթյան

234
(Թարմացված է 17:12 12.01.2021)
Էներգետիկ անվտանգության ինստիտուտի տնօրեն Վահե Դավթյանը Sputnik Արմենիայի եթերում անդրադարձել է այն տեղեկատվությանը, ըստ որի` Ադրբեջանի կողմից սանձազերծված պատերազմի հետևանքով Արցախի Հանրապետությունն ունեցել է 112,5 մեգավատ տրվածքային հզորությամբ ՀԷԿ-երի կորուստ:
Դավթյան. «Հայաստանում ատոմային էներգետիկայի զարգացումը հայտնվել է մեծ հարցականի տակ»

Վահե Դավթյանի տեղեկացմամբ` Արցախում գործում էր 36 ՀԷԿ, որոնցից երեսունը տարածքային «փոխակերպումների» արդյունքում անցան թշնամուն, մնաց վեցը, որոնցից ամենաառանցքայինը Սարսանգի ՀԷԿ–ն է 50 ՄԳՎտ/Ժ հզորությամբ, մնացածներն ունեն համեմատաբար փոքր հզորություններ։

«Արցախի Հանրապետությունը խոշոր հաշվով վերջին տարիներին դրսևորում էր զարգացման փայլուն դինամիկա` էլեկտրաէներգիայի ոլորտում հասնելով բացարձակ ինքնաբավության, և նույնիսկ 2018 թվականից սկսել էր էլեկտրաէներգիայի արտահանում իրականացնել։ Չլինելով ճանաչված պետություն` Արցախն իհարկե չէր կարող ուղղակի առևտրատնտեսական կապերի մեջ մտնել երրորդ պետությունների հետ, ուստի ընդհանուր ռազմավարությունը կայանում էր նրանում, որ հետզհետե ավելացներ Արցախից Հայաստան ներկրվող էլեկտրաէներգիայի ծավալները` ապագայում հյուսիս–հարավ էներգետիկ միջանցքով այդ էլեկտրաէներգիան արտաքին շուկաներ, մասնավորապես Վրաստան և Իրան արտահանելու նպատակադրությամբ»,– նշեց Էներգետիկ անվտանգության ինստիտուտի տնօրենը։ 

Դավթյանի դիտարկմամբ` այժմ ակնհայտ է, որ Արցախը, որն ունակ էր մինչև պատերազմը տարեկան արտադրել 800-850 միլիոն ԿՎտ/Ժ էլեկտրաէներգիա, արդեն կորցրել է այդ ռեսուրսը և որևէ արտահանման ռազմավարության մասին խոսք լինել չի կարող, ճիշտ հակառակը` այժմ Արցախն է կախված Հայաստանից ներկրվող էլեկտրաէներգիայի ծավալներից։ Փորձագետը հիշեցրեց, որ 2021 թ. նախնական էներգետիկ բալանսով նախատեսված էր, որ ՀՀ-ն Արցախի Հանրապետությունից կներկրի 330 մլն կՎտ/ժ էլեկտրաէներգիա, և սակագնային այն թանկացումը, որին սպասում ենք փետրվարի 1-ից, նաև հետևանքն է այն իրողության, որ Արցախը պատերազմի արդյունքում էներգետիկ ռեսուրսներ է կորցրել։

Արցախի տնտեսության ազդեցությունը ՀՀ–ի վրա էական էր, հիմա դա չունենք. Վահագն Խաչատրյան

«Մյուս կողմից մեր ատոմակայանն այս տարի գեներացնելու է շուրջ 560 միլիոն ԿՎտ/ժ–ով պակաս էլեկտրաէներգիա, ինչին գումարվում է 2020թ.–ի ամռանը գազի սակագների բարձրացումը հատկապես 10 հազար խ/մ սպառողների համար, որոնց թվին են դասվում նաև ՋԷԿ–երը, հետևաբար ստեղծվում է մի իրավիճակ, երբ Հայաստանում էլեկտրաէներգիայի սակագների բարձրացումն այլևս դառնում է անկառավարելի»,– նշեց Էներգետիկ անվտանգության ինստիտուտի տնօրենը։ 

Դավթյանի դիտարկմամբ` նախատեսված էր, որ ատոմակայանի մոդեռնիզացման արդյունքում նրա ՕԳԳ–ն կբարձրանա և կարտադրի մոտ 600 միլիոն ԿՎտ/Ժ–ով ավելի էլեկտրաէներգիա, ինչը միջնաժամկետ կտրվածքով թերևս կարող է կանխել սակագնային կտրուկ աճը, սակայն երկարաժամկետ կտրվածքի պարագայում տեսնում ենք, որ ՀՀ–ում ատոմային էներգետիկայի զարգացումը հայտնվել է մեծ հարցականի տակ, որովհետև հայկական կողմը հրաժարվել է ռուսական վարկի մնացորդից և խզելով ՌԴ–ի հետ ժամանակին կնքված միջպետական պայմանագիրը` էապես վնասել է հայ–ռուսական էներգետիկ երկխոսությանը։ 

Փորձագետի կարծիքով` ՀՀ միջուկային էներգետիկայի ոլորտից Ռուսաստանի դուրս գալը մեծ հարցականի տակ է դնում 2026 թվականից հետո նոր բլոկի կառուցման հավանականությունը, և այդ հարցը տեղ չի գտնում Հայաստանի վերջին շրջանի տնտեսական և էներգետիկ օրակարգում։ 

234
թեգերը:
Վահե Դավթյան, ատոմակայան, էլեկտրաէներգիա, Արցախ
Ըստ թեմայի
2021թ.–ին Հայաստանը ստիպված կլինի ապահովել Արցախի հացի ու էլեկտրաէներգիայի պահանջարկը
Արցախի ոստիկանությունը պարզաբանում է տարածել գիշերը Ստեփանակերտում հնչած կրակոցների մասով
Արցախի Ասկերանի, Մարտունու, Մարտակերտի և Շուշիի շրջաններում բնակելի տներ կտրամադրվեն
Գրիգոր Բալասանյան

«Իրանի դեմ լուրջ տանդեմն այսօր էլ է տեսանելի». Բալասանյանը` ԱՄՆ քաղաքականության մասին

42
(Թարմացված է 22:15 22.01.2021)
Փորձագետ, ԵՊՀ Միջազգային հարաբերությունների և դիվանագիտության ամբիոնի դոցենտ Գրիգոր Բալասանյանը Sputnik Արմենիայի եթերում անդրադարձել է մերձավորարևելյան տարածաշրջանում վերջին իրադարձություններից հետո առաջացած իրավիճակին և հատկապես Իրանի շուրջ ընթացող զարգացումներին։
Բալասանյան. «Այսօր էլ տեսանելի է ԱՄՆ–Իսրայել լուրջ տանդեմն Իրանի դեմ»

Գրիգոր Բալասանյանի դիտարկմամբ` ԱՄՆ–ում կայացած նախագահական ընտրությունների ֆոնին իրանական կողմը թաքուն լավատեսությամբ փորձեց արձանագրել, որ այդ ընտրությունների արդյունքում ԱՄՆ–Իրան հարաբերություններում որոշակի ջերմացում և բարելավում կնկատվի, և Վաշինգտոնը կհրաժարվի այն թշնամական քաղաքականությունից, որ վերջին տասնամյակներին վարում է Իրանի նկատմամբ, սակայն միջազգայնագետը վկայակոչեց միջազգային հարաբերությունների փորձը, ըստ որի` ԱՄՆ–ի յուրաքանչյուր նախագահի ընտրություններից հետո երկրի արտաքին քաղաքականության մեջ մեծ հաշվով ոչինչ չի փոխվում։

Եռակողմ հայտարարության 9-րդ կետը. ձեռնտո՞ւ է Իրանին Նախիջևանի միջանցքի բացումը

«Բայդենի այն հայտարարությունները, որ իրենք կվերանայեն Թրամփի վարած քաղաքականությունը և Իրանի հետ կապված որոշակի զիջումների, թուլացումների կգնան, արվեցին քարոզարշավի ժամանակահատվածում ընտրազանգվածին իր կողմ ներգրավելու համար, որովհետև ԱՄՆ–ն Իրանի հետ կապված ունի շատ լուրջ ծրագրեր»,– նշեց միջազգայնագետը։

ՀՀ էկոնոմիկայի նախարարն ու ևս երկու պաշտոնյա կգործուղվեն Իրան

Բալասանյանի կարծիքով` մի կողմից առկա է Իրանի նախագահ Հասան Ռոհանիի հուսադրող հայտարարությունն ու թաքուն լավատեսությունն առ այն, որ միգուցե կարող է ինչ–որ բան փոխվել ԱՄՆ–ի քաղաքականության մեջ, բայց մյուս կողմից այսօր էլ տեսանելի է ԱՄՆ–Իսրայել լուրջ տանդեմն Իրանի դեմ, որովհետև Իրանն այդ երկրների համար Մերձավոր Արևելքում այն գործոնն է, որն ընդդիմանում է ամերիկյան աշխարհաքաղաքականության ամբողջ ծավալով իրականացմանը։

Հայտնի է` Իրանի ԱԳ նախարարը երբ կայցելի Հայաստան

42
թեգերը:
Գրիգոր Բալասանյան, ԱՄՆ, Իրանի Իսլամական Հանրապետություն
Ըստ թեմայի
Աննախադեպ իրավիճակին համարժեք քայլեր. ինչու է Իրանը որոշել ՀՕՊ զորավարժություններ սկսել 
Իրանի արտգործնախարարն ասել է՝ ով է գեներալ Սոլեյմանիի սպանության գլխավոր «շահառուն»
«Հյուսիսային հոսք – 2»․ ԱՄՆ-ը եվրոպական ընկերություններին սպառնում է նոր պատժամիջոցներով
Արմեն Պետրոսյան

Թուրքիան թուլացրել է իր դերակատարումը, բայց չպետք է մոռանալ Էրդողանի քայլերը. Պետրոսյան

55
(Թարմացված է 18:38 22.01.2021)
Արաբագետ Արմեն Պետրոսյանը Sputnik Արմենիայի եթերում անդրադարձել է այն հարցին, թե Ջո Բայդենի նոր վարչակազմը ինչպիսի քաղաքականություն կվարի Մերձավոր Արևելքում և ինչպես կվերաբերվի մասնավորապես Թուրքիային։
Պետրոսյան. «Բայդենի վարչակազմի հետ աշխատանքի առումով Թուրքիայում լրջորեն նախապատրաստվել են»

Արմեն Պետրոսյանի դիտարկմամբ` բավականաչափ բարդ է կանխատեսել, թե ինչպիսի քաղաքականություն կիրականացնի ԱՄՆ–ն, որովհետև այնպես է ստացվել, որ տարածաշրջանային գործընթացները շղթայական փոխկապակցվածության տրամաբանություն են ձեռք բերել հատկապես Ռուսաստանի և Թուրքիայի ներգրավվածությամբ տարբեր խնդիրներում։

«Ականատես ենք լինում, որ մի հակամարտության գոտում, որտեղ այս երկու երկրները հարաբերվում են, կա շահերի զիջում, բայց մեկ այլ հակամարտության գոտում նոր ակնկալիքների դաշտ է բացվում։ Այդ առումով կարելի է Ռուսաստանի ու Թուրքիայի փոխգործակցությունը դիտարկել Սիրիայի և Արցախի հետ կապված վերջին զարգացումների համատեքստում։ Անկարան Սիրիայում զիջեց, բայց արցախյան խնդրում Ռուսաստանի հետ հասավ համաձայնության»,– նշեց արաբագետը։

Պետրոսյանի կարծիքով` Թուրքիան շատ լավ կարողանում է օգտագործել իր առավելություններն ու կարևորությունը տարածաշրջանային բոլոր աշխարհաքաղաքական դերակատարների հետ հարաբերություններում և միաժամանակ հասկանում է, որ ԱՄՆ–ի համար կարևոր երկիր է, ու օգտագործում է կարևորության հանգամանքը, զուգահեռաբար Ռուսաստանն ամեն կերպ փորձում է Թուրքիային դուրս բերել ՆԱՏՕ–ից, ուստի վերջինս իր հերթին ձգտում է օգտագործել նաև այդ հանգամանքը, աշխարհագրական դիրքը, իսկ Եվրոպայի հետ հարաբերվելիս Թուրքիան փորձում է օգտագործել սիրիացի միգրանտների հետ կապված ճգնաժամը։

«Իսկ արդեն Բայդենի վարչակազմի հետ աշխատանքների առումով Թուրքիայում, բնականաբար, արդեն իսկ լրջորեն նախապատրաստվել են և անգամ որոշակի դիրքավորում են ստանձնել։ Եթե նկատել եք, առնվազն վերջին մեկ ամսվա կտրվածքով Թուրքիան թուլացրել է իր նախկին հավակնոտ և ապակայունացնող դերակատարումը գրեթե բոլոր հակամարտային գոտիներում, փոխել է հռետորաբանությունը Հայաստանի նկատմամբ և խոսում է սահմանները բացելու, համատեղ ձևաչափեր ստեղծելու մասին»,– նշեց արաբագետը։

Պետրոսյանի գնահատմամբ` Թուրքիան փորձում է դրական, կառուցողական միջավայր ձևավորել, որպեսզի այդ հիմքերի վրա սկսի բանակցություններն ու հետագա աշխատանքներն ԱՄՆ–ի հետ, բայց չպետք է մոռանալ, որ Էրդողանի կառավարության քայլերը մեծ հաշվով կրում են կարճաժամկետ, իմիտացիոն բնույթ։

Անկարա-Բաքու-Իսլամաբադ եռյակ. պատահակա՞ն է զորավարժությունների վայրի ընտրությունը ՀՀ-ի մոտ

55
թեգերը:
ԱՄՆ, Արմեն Պետրոսյան, Թուրքիա
Ըստ թեմայի
Թուրք–ադրբեջանական զորավարժություններ. նոր պատերա՞զմ, թե՞ քաղաքական ցուցադրություն
Հայը Թուրքիայում սպա լինել չի կարող, կամ Հրանտ Դինքի միակ իրավունքը
«Մենք դատապարտված ենք հարևանության. միակ ուղին երկխոսությունն է». թուրքահայ հոդվածագիր
Ռեջեփ Թայիփ Էրդողան

«Թուրքական բանակը կարող է մի օր գիշերը գալ այնտեղ». Էրդողանը սպառնացել է Սինջար մտնել

0
(Թարմացված է 14:19 23.01.2021)
Էրդողանն օգտագործել է նույն արտահայտությունը, որն արել էր 2019 թվականի հոկտեմբերին Սիրիայի հյուսիսում քրդական ձևավորումների դեմ Թուրքիայի ԶՈւ-ի «Խաղաղության աղբյուր» գործողությունից առաջ։

ԵՐԵՎԱՆ, 23 հունվարի – Sputnik. Թուրքիայի նախագահ Ռեջեփ Թայիփ Էրդողանը հայտարարել է, որ Անկարան պատրաստ է իրաքյան բանակի հետ Քուրդիստանի աշխատանքային կուսակցության (ՔԱԿ) անդամների դեմ համատեղ գործողություն անցկացնել Իրաքի հյուսիսում գտնվող Սինջար շրջանում։

Ավելի վաղ Թուրքիայի արտգործնախարար Խուլուսի Աքարն Իրաք կատարած այցի ժամանակ կողմ էր արտահայտվել Բաղդադի ու Էրբիլի համատեղ պայքարին Թուրքիայում արգելված ՔԱԿ-ի դեմ։

«Մենք պատրաստ ենք համատեղ (Իրաքի հետ) գործողություն իրականացնել Սինջարում։ Ինչ վերաբերում է ժամկետներին, ապա նման բաների մասին նախապես չեն խոսում», - ասել է Էրդողանը լրագրողների հետ զրույցում։

Նա ավելացրել է, որ թուրքական բանակը «կարող է մի օր գիշերը գալ այնտեղ»։ Նա օգտագործել է նույն արտահայտությունը, որն արել էր 2019 թվականի հոկտեմբերին Սիրիայի հյուսիսում քրդական ձևավորումների դեմ Թուրքիայի ԶՈւ-ի «Խաղաղության աղբյուր» գործողությունից առաջ։

«Փոխել Թուրքիայի պահվածքը»․ ինչի՞ համար է Արևմուտքը պատժում Էրդողանին

Թուրքական կողմի տվյալներով՝ 2015 թվականի հուլիսին Թուրքիայի ու ՔԱԿ-ի զինված հակամարտության վերսկսելուց հետո քուրդ ապստամբների հարձակումների հետևանքով մոտ հազար զինվորական ու ոստիկան է մահացել, նաև մոտ 500 քաղաքացիական անձ։ Իրաքի հյուսիսում գտնվում են ՔԱԿ-ի բազաները, որոնց դեմ Թուրքիայի ԶՈւ-ն օդային ու ցամաքային գործողություններ է անցկացնում՝ հինգ տարվա ընթացքում չեզոքացնելով ավելի քան 10 հազար ՔԱԿ անդամ։

Մեծ խաղը շարունակվում է, կամ ի՞նչ է նշանակում Էրդողանի մասնակցությունը Բաքվի շքերթին

0
թեգերը:
Իրաք, Թուրքիա, Ռեջեփ Թայիփ Էրդողան
Ըստ թեմայի
Եվրախորհրդարանը բանաձևով քննադատել է Թուրքիայի ապակայունացնող դերը ԼՂ–ում
Թուրքիան թուլացրել է իր դերակատարումը, բայց չպետք է մոռանալ Էրդողանի քայլերը. Պետրոսյան
Ադրբեջանն ու Թուրքիան կրկին համատեղ զորավարժություններ կանցկացնեն. տեսանյութ