Արմեն Բադալյան

Արմեն Սարգսյանը փորձում է քաղաքական գործընթացները տեղափոխել նախագահական նստավայր

168
(Թարմացված է 16:18 11.01.2021)
Քաղտեխնոլոգ Արմեն Բադալյանը Sputnik Արմենիայի եթերում անդրադարձել է ՀՀ նախագահ Արմեն Սարգսյանի ծավալուն հոդվածի կարևոր դրույթներին։ 
Բադալյան. «Սարգսյանը փորձում է դուրս մղել Հայրենիքի փրկության շարժումը` բարձրացնելով ՀՀ նախագահի ինստիտուտը»

Արմեն Բադալյանի դիտարկմամբ` ՀՀ նախագահի հոդվածը ծրագրային է, այլ ոչ թե հպանցիկ ակնարկ քաղաքական իրավիճակի մասին։ Քաղտեխնոլոգը համամիտ է նախագահի հետ այն հարցում, որ արցախյան պատերազմում կրած պարտությունը նախորդ երեսուն տարիների ընթացքում գոյություն ունեցած համակարգի պարտությունն էր, և ոչ միայն գործող իշխանության պարտությունը։

«Ինչ վերաբերում է հոդվածի այլ մասերին, ապա նկատելի է մի երևույթ. մի կողմից ստեղծվել է Հայրենիքի փրկության շարժումը, որը ցանկանում է օրակարգ ձևավորել` հասնելով վարչապետի հրաժարականին և լուծել առկա խնդիրները, իսկ մյուս կողմից ՀՀ նախագահը շատ զգուշորեն ակնարկում է այն մասին, որ հանրությունն ապագայում չպետք է սպասի փրկիչներին։ Արմեն Սարգսյանը փարձում է դուրս մղել Հայրենիքի փրկության շարժումը` բարձրացնելով ՀՀ նախագահի ինստիտուտը և իր միջոցով իրականացնել ապագա համաձայնության կառավարության ձևավորման գործընթացը»,– նշեց քաղտեխնոլոգը։

Բադալյանի կարծիքով` եթե նախագահին հաջողվի ճիշտ օգտագործել քաղաքական լծակները, ապա կարող է գրանցել հաղթանակ։

Ըստ նրա` Արմեն Սարգսյանը թեև փորձում է տարանջատել ՀՀ նախագահի ինստիտուտը գործող իշխանություններից, այդուհանդերձ ակներև է, որ նա, ինչ ստորագրել է, չէր կարող անել առանց վարչապետի անհամաձայնության։ Բայց այժմ ՀՀ նախագահը տեսնում է, որ վարչապետի վարկանիշն անկում է ապրում, վստահ չէ, որ վարչապետը կարող է երկար մնալ իր պաշտոնում, հետևաբար Արմեն Սարգսյանն, ըստ քաղտեխնոլոգի, փորձում է քաղաքական գործընթացները տեղափոխել նախագահական նստավայր։

«2–3 ժամից ուզում են վաճառել Սյունիքի մարզը». քաղաքացիները փակել են «Զվարթնոցի» ճանապարհը

Հիշեցնենք, որ ՀՀ նախագահ Արմեն Սարգսյանը «Դեպի «Չորրորդ Հանրապետություն»» վերտառությամբ իր հոդվածում հայտարարել է, որ մենք տանուլ տվեցինք այն պահին, երբ Արցախը վերադարձնելու առաքելությունը համարեցինք ավարտված: Նա շեշտել է, որ դրանով մենք հաջողացրել էինք խաբել միայն ինքներս մեզ և դրանով իսկ արդեն ստորագրել պարտության թղթի տակ: 

168
թեգերը:
Հայաստան, հոդված, Նախագահ, Արմեն Սարգսյան, Արմեն Բադալյան
թեմա:
Իրադրությունը Հայաստանում և Արցախում հայտարարության ստորագրումից հետո (798)
Ըստ թեմայի
Ընդդիմության առաջնորդները հանդիպում են ՀՀ արտաքին գործերի նախարար Արա Այվազյանի հետ
«Նիկոլը persona non grata է Հայաստանում»․ Սաղաթելյանը՝ ընդդիմության ձեռքբերումների մասին
Փաշինյանը չի ներկայացնում Հայաստանը և Արցախը․ Վազգեն Մանուկյանի հայտարարությունը
Ամատունի Վիրաբյան

Վիճելի տարածքների, Սոթքի հետ կապված քարտեզները սկանավորել են և ուղարկել նախարարություններ

97
(Թարմացված է 16:00 21.01.2021)
Ազգային արխիվի նախկին տնօրեն Ամատունի Վիրաբյանը Sputnik Արմենիայի եթերում անդրադարձել է այն հարցին, թե պահվե՞լ է արդյոք արխիվում փաստագրական բազա, որն առնչվում է ՀՀ–ի և Ադրբեջանի սահմանազատման աշխատանքներին և կարող է լույս սփռել հետպատերազմական իրողությունների վրա։
Ամատունի Վիրաբյան. «Հայաստանի և Ադրբեջանի համար պետք է ստեղծվի մոտ 1000 էջանոց տարբեր քարտեզների ժողովածու»

Ազգային արխիվում պահպանվել են այն հատվածների քարտեզները, որոնք եղել են վիճելի և քննարկվել են 1980–ական թվականներին Վլադիմիր Մովսիսյանի գլխավորած հանձնաժողովի կողմից։ Տեղեկությունը Sputnik Արմենիային հայտնեց Ազգային արխիվի նախկին տնօրեն Ամատունի Վիրաբյանը։

«Ես ծանոթ եմ 1944–46 թվականների քարտեզներին, ենթադրում եմ, որ դրանք վերջերս ստացել են Մոսկվայից։ Գիտեք` իրականում Ադրբեջանի հետ սահմանազատում երբևէ չի եղել։ Սահմանազատումն առհասարակ գործընթաց է, երբ երկկողմանի հանձնաժողովն անցնում է կոնկրետ վայրերով և որոշում` այս քարը ձեր տարածքում է, այս քարը` մեր տարածքում, և սյուներ են տնկում։ Այդպիսի բան երբեք չի կատարվել։ Ուղղակի խնդիրն այն է, որ դա եղել է վարչական սահման` այս լեռան կատարից մինչև մյուս լեռան կատարը։ Սահմանազատումը շատ բարդ ու երկար ժամանակ պահանջող աշխատանք է»,– ասաց նա։

Վիրաբյանը նշեց այն հանգամանքը, որ թեև 1991 թվականից Վրաստանն ու Հայաստանն անկախ պետություններ են, սակայն սահմանազատման գործընթացը մինչ օրս չի ավարտվել, իսկ Ադրբեջանի հետ որևէ հատվածում երբեք սահմանազատում չի կատարվել, ուղղակի եղել են վիճելի տարածքներ, և հարցերը լուծվել են պարիտետի սկզբունքը պահպանելով։

«Հայաստանի և Ադրբեջանի համար պետք է ստեղծվի մոտ 1000 էջանոց տարբեր քարտեզների ժողովածու, յուրաքանչյուր 5 կիլոմետրի համար առանձին քարտեզ։ Դե, պատկերացրեք, թե քանի քարտեզ պետք է պատրաստվի, այնպես որ քարտեզը հիմք ընդունելը ճիշտ չէ, առավել ևս, որ ոչ մի քարտեզում մանրամասն սահմանազատում չկա»,– նշեց ազգային արխիվի տնօրենը։

Վիրաբյանին հայտնի չէ, թե «Գեոդեզիայի ու քարտեզագրության» ՊՈԱԿ–ի լուծարումից հետո ինչ է եղել է այդ կառույցի փաստագրական բազան, սակայն շեշտեց, որ այնտեղից որևէ քարտեզ կամ նախագիծ արխիվ չի փոխանցվել։ Նրա տեղեկացմամբ` 2020 թվականի նոյեմբեր–դեկտեմբերին ազգային արխիվում եղած փաստական նյութերի հազարավոր էջեր, այդ թվում` վիճելի տարածքների, Սոթքի հետ կապված քարտեզներ սկանավորվել են և սկավառակով փոխանցվել շահագրգիռ գերատեսչություններին` ՊՆ–ին, ԱԳՆ–ին, տարածքային կառավարման և արդարադատության նախարարություններին, և այդ գործն իրականացնելու համար մի քանի օր սկան անող բազմաթիվ մեքենաներ են աշխատել։

97
թեգերը:
Ամատունի Վիրաբյան, քարտեզ, Հայաստան
Ըստ թեմայի
Ադրբեջանցիներին կարելի է, մեզ` չէ՞. արցախցիների բողոքի ակցիայի հետքերով
Տևական ժամանակ է` Google-ը ջնջել է Ղարաբաղի սահմանները. Պապյանը` քարտեզների մասին
Արման Թաթոյանը հրապարակել է ադրբեջանցիների մոտ առկա քարտեզները
Թևան Պողոսյան

«Բոլորս ենք պարտվել». Թևան Պողոսյանը` իշխանության և ընդդիմության ձախողումների մասին

86
(Թարմացված է 23:47 20.01.2021)
«Մարդկային զարգացման միջազգային կենտրոնի» ղեկավար Թևան Պողոսյանը Sputnik Արմենիայի եթերում անդրադարձել է Հայաստանի ներքաղաքական իրավիճակին։
«Բոլորս ենք պարտվել». Թևան Պողոսյանը` իշխանության և ընդդիմության ձախողումների մասին

Հետպատերազմական Հայաստանում բոլորս ենք պարտվել` իշխանությունը, ընդդիմությունը, Հայաստանում և դրսում բնակվող յուրաքանչյուր հայ։ Իշխանությունը պարտվել է նախընտրական փուլում բերած ծրագրի իրականացման, ընդդիմությունը` իշխանափոխության գործընթացը տապալելու հարցում, իսկ 10 միլիոն հայերը պարտվել են իշխանություններին, որոնց հավատացին 2018-ին։ Sputnik Արմենիայի հետ զրույցում նման կարծիք հայտնեց «Մարդկային զարգացման միջազգային կենտրոնի» ղեկավար Թևան Պողոսյանը։

«Հեղափոխության արդյունքում ձևավորված ազգային երազանքը կյանքի չի կոչվել, տնտեսությունը փլուզված է, երկիրը ճգնաժամի մեջ է, որևէ պետական ինստիտուտ չի աշխատում, գերիները չեն վերադարձվել, նշանակում է` բոլորս ենք պարտվել»,-ասաց նա։

Պողոսյանի խոսքով` արցախա-ադրբեջանական պատերազմի հետևանքով ստորագրված կապիտուլյացիան է պատճառը, որ Ալիևը հանդես է գալիս ցինիկ պահվածքով, հայ ժողովրդի վրա մատ է թափ տալիս, իսկ թիվ մեկ պատասխանատուն եղել և մնում է գործող իշխանությունը։

Արտաքին քաղաքականության մեջ շտկումներ կլինեն. նախարարն ասաց` ինչն են հաշվի առնելու

«Պատերազմը մեծագույնս իշխանության վրա է, որը պետք է օրենքի համաձայն զինակոչ աներ, մոբիլիզացիան իրականացներ, հրամաններ տար, ընդդիմությունն էլ այդ ժամանակ լծակներ չուներ, ընդամենը կարող էր կամավոր մասնակցություն ցուցաբերել»,- նշեց «Մարդկային զարգացման միջազգային կենտրոնի» ղեկավարը։

Ըստ նրա` այս իրավիճակում պետք է առաջնորդվել ոչ թե հասարակությանը ընդդիմության-իշխանության բաժանելով, այլ ամբողջ ազգին համախմբելով։

«Պետք է գիտակցենք, որ կողքի հայի ցավը իմ ցավն է, որ կողքի հայն այն մարդն է, որի հետ ուս ուսի տված հայրենիք պետք է կառուցենք ու պաշտպանենք, որ թշնամին բոլորիս թշնամին է, ոչ թե միմյանց քննադատենք, այլ մտածենք` ինչպես ենք այս ճգնաժամերը հաղթահարում»,- ընդգծեց Պողոսյանը։

Նա հիշեցրեց, որ այդ մասին է նաև ՀՀ նախագահ Արմեն Սարգսյանի «Դեպի «Չորրորդ Հանրապետություն»» հոդվածը:

«Այս կետից սկսած` կարող ենք գործնական քայլերի գնալ». Ավինյանը` արտահերթ ընտրության մասին

86
թեգերը:
ընդդիմություն, Իշխանություն, Պատերազմ, Թևան Պողոսյան, Հայաստան
Ըստ թեմայի
«8 տարի գերիներ են եղել, ինչո՞ւ հին կառավարությունից հրաժարական չէիք պահանջում»․ Փաշինյան
Ձեր կառավարության ներկայացուցիչներին ասեք` ճիշտ բառեր օգտագործեն. Սիմոնյանը` Բադասյանին
Ապաշրջափակման հարցի լուծումն անվտանգային երաշխիք կարող է լինել. փոխվարչապետ
Արխիվային լուսանկար

ՀՀ քաղաքացին Կիևում դատապարտվել է Պորոշենկոյի վարչակազմի աշխատակցի սպանության համար

0
(Թարմացված է 18:40 21.01.2021)
Դեպքը 2019 թվականին է եղել։ Նշվում է, որ մեղադրյալը մասամբ է ընդունել մեղքը։

ԵՐԵՎԱՆ, 21 հունվարի — Sputnik. Կիևի դատարանը Հայաստանի Հանրապետության քաղաքացուն դատապարտել է 8 տարվա ազատազրկման՝ Պյոտր Պորոշենկոյի պաշտոնավարման ընթացքում Ուկրաինայի նախագահի աշխատակազմի աշխատակցի վրա հարձակման համար։ Այս մասին հայտնում է ՌԻԱ Նովոստին՝ վկայակոչելով Կիևի դատախազության մամուլի ծառայությունը։

2019 թվականի մարտին Կիևի Շևչենկովի շրջանային դատարանը ձերբակալել էր Հայաստանի Հանրապետության քաղաքացու, որը կասկածվում էր Ուկրաինայի նախագահի աշխատակազմի աշխատակից Ալեքսանդր Բուխտատովի վրա ավազակային հարձակման մեջ:

Դատախազության տվյալներով՝ հանցագործությունը տեղի է ունեցել 2019 թվականի մարտին Կիևում:

«Մեղադրյալը հանցակցի հետ միասին դիմավորել են տուժածին փողոցում և ավազակային հարձակում գործել ՝ տղամարդուն գլխի շրջանում առնվազն չորս հարված հասցնելով։ Հաջորդ օրը տղամարդու մարմինը գտել են տեղի բնակիչները։ Պարզվել է, որ սպանվածը Ուկրաինայի նախագահի աշխատակազմի աշխատակիցներից մեկն է», - ասվում է գերատեսչության հաղորդագրության մեջ։

Նշվում է, որ մեղադրյալը մասամբ ընդունել է մեղքը։

Փակել են կնոջ բերանը, դանակով հարվածել ամուսնուն. ավազակային հարձակում Արարատի մարզում

0
թեգերը:
Սպանություն, Պյոտր Պորոշենկո, Կիև
Ըստ թեմայի
Կիևում Ադրբեջանի և Թուրքիայի դրոշներով ավտոերթ են արել ու կրակել. 14 ձերբակալված կա
Կիևում հայկական սրճարան են այրել․ Ուկրաինայի հայերի միությունը հայտարարություն է արել
Կիևում տղամարդը բանկի մասնաճյուղ է ներխուժել ու սպառնում է ռումբ պայթեցնել․ տեսանյութ