Երվանդ Բոզոյան

Քաղաքագիտական բանաձև, որն աշխատել է աշխարհի բոլոր երկրներում, կամ ինչ է կատարվում ՀՀ–ում

248
Քաղաքագետ Երվանդ Բոզոյանը Sputnik Արմենիայի եթերում անդրադարձել է հունվարի 11-ին Մոսկվայում կայանալիք Փաշինյան–Պուտին–Ալիև հանդիպման արդյունքում նոր փաստաթղթի ստորագրման հավանականությանն ու դրանով պայմանավորված ներքաղաքական զարգացումներին։ 
Բոզոյան. «Անկախ նրանից` Փաշինյանն ինչ թուղթ է ստորագրելու, տոտալ անվստահություն կա նրա նկատմամբ»

Քաղաքագետ Երվանդ Բոզոյանի դիտարկմամբ` նոյեմբերի 9-ից հետո ՀՀ վարչապետ Նիկոլ Փաշինյանի հանրային լեգիտիմությունը գրեթե զրոյացվել է և այսօր կա մեծ անվստահություն պետական բոլոր ինստիտուտների նկատմամբ։ Վերջին ինստիտուտը բանակն էր, սակայն նրա հանդեպ նույնպես չկա վստահություն, հետևաբար, առկա պայմաններում հնարավոր նոր փաստաթղթի ստորագրման հավանականությունն առաջացնում է լուրջ մտավախություն։

«Երբ պատերազմի ժամանակ եղած սուտն ի հայտ եկավ, «Հաղթելու ենք» կարգախոսը փլուզվեց, հասարակությունն այլևս հակված չէ հավատալ իշխանության որևէ խոսքին։ Նույնիսկ եթե որոշ ձևակերպումներ մոտ են իրականությանը, միևնույնն է, մարդիկ կասկած են հայտնում այդ ձևակերպումների առթիվ։ Անկախ նրանից, թե Փաշինյանն ինչ թուղթ է ստորագրելու, բնական է, որ հասարակության մեջ կա տոտալ անվստահություն ցանկացած փաստաթղթի նկատմամբ»,– նշեց քաղաքագետը։

Բոզոյանի կարծիքով` հասարակությունն, ի դեմս գործող իշխանության, չի տեսնում որևէ հեռանկար Հայաստանի հետագա զարգացման և առավել ևս անվտանգության խնդիրները լուծելու առումով։

Ըստ նրա` սովորաբար նման պայմաններում ամենաարագ փոփոխությունը լինում է պետական հեղաշրջման ճանապարհով, որովհետև երբ բոլորի համար ակնհայտ է, որ ղեկավարը պարտվել է և այլևս չի կարող պետությունը ներկայացնել, օբյեկտիվորեն չունի քաղաքական ռեսուրս, ապա պետական բոլոր ինստիտուտները բնականաբար անում են ամեն ինչ, որպեսզի ձերբազատվեն նրանից, որ պահպանեն իշխանությունը։

Բոզոյանի գնահատմամբ` սա քաղաքագիտական բանաձև է, որն աշխատել է աշխարհի բոլոր երկրներում։ 

Քաղաքագետի խոսքով` հավանականությունը շատ մեծ է, որ Հայաստանում վերևից կկատարվի փոփոխություն, հակառակ դեպքում կլինի պետության փտում, ինչի արդյունքում ընդդիմության մեջ ի հայտ կգան մարդիկ, որոնք կպահանջեն սոցիալական ուղղվածության ավելի ռադիկալ գործողություններ, որպեսզի հրապարակում հավաքվեն ավելի լայն զանգվածներ։ Ըստ նրա` գործընթացը կարող է տևել ամիսներ, բայց իշխանափոխությունն անխուսափելի է, որովհետև ձախողված ղեկավարը չի կարող արդյունավետ կառավարել, նրան լուրջ չեն վերաբերվի ո՛չ Հայաստանում, ո՛չ արտասահմանում։      

Արամ Ա-ն հունվարի 11-ին կայանալիք Փաշինյան-Ալիև հանդիպումից առաջ կոչով է հանդես եկել

248
թեգերը:
Հայաստան, Երվանդ Բոզոյան, բանաձև
Ըստ թեմայի
Ինչ պետք է արվի Փաշինյանի հեռացումից հետո. քաղաքագետը վերլուծում է ստեղծված իրավիճակը
Սպառնալիքները մեծացել են, բայց մեր դիրքը շահեկան է. ինչպես պետք է դրանից օգտվի Հայաստանը
Ինչու է Ալիևը դժգոհում բանակցային գործընթացից, և ինչ է թաքնված այդ դժգոհության հետևում
Ինգա Զարաֆյան

Եթե Ադրբեջանը վտանգի Սևանի ջրային պաշարները, թիրախում կհայտնվի ողջ տարածաշրջանը. Զարաֆյան

84
(Թարմացված է 22:02 27.01.2021)
Ի՞նչ վտանգ է սպառնում Սևանա լճին և որքանո՞վ են արդարացված բնապահպանների մտահոգությունները. բնապահպան, «Էկոլուր» ՀԿ նախագահ Ինգա Զարաֆյանի հետ Sputnik Արմենիայի եթերում զրուցել ենք հնարավոր ռիսկերի մասին։
«Եթե Ադրբեջանը որոշի վտանգել Սևանա լճի ջրային պաշարները, թիրախում կհայտնվի ամբողջ տարածաշրջանը». Զարաֆյան

Եթե ադրբեջանական կողմը մի օր որոշի Հայաստանին կանգնեցնել բնապահպանական աղետի առաջ և վտանգել Սևանա լճի ջրային պաշարները, թիրախում կհայտնվեն նաև Վրաստանը, Իրանը, Թուրքիան և նույն ինքը Ադրբեջանը, քանի որ նշված բոլոր պետությունները սնվում են Հայաստանի վերգետնյա ջրային պաշարներից։ Sputnik Արմենիայի հետ զրույցում նման կարծիք հայտնեց բնապահպան Ինգա Զարաֆյանը` մեկնաբանելով մի շարք բնապահպանների շրջանում առաջացած անհանգստությունը, թե թշնամու հսկողության տակ գտնվող Որոտան և Արփա գետերի ակունքները և Սևանա լիճը վտանգված են։

 «Քանի որ Ադրբեջանը, Վրաստանը, Իրանը և Թուրքիան գտնվում են մեր վերգետնյա ջրերի ազդեցության տակ, դժվար է պատկերացնել, որ պետական մակարդակով պլանավորած գործողություններ լինեն, որոնք կվտանգեն մեր ջրավազանները»,- ասաց նա։

Զարաֆյանն օրերս անձամբ է այցելել Սոթքի մոտակայքում գտնվող Գեղամասար և Մեծ Մասրիկ համայնքներ, հանդիպել բնակիչներին, որոնք ևս մտահոգված են ջրային պաշարների ճակատագրով։ Բնակիչներին բնապահպանը հորդորել է չշտապել, իսկ իր գործընկերներին կոչ է անում նման հայտարարություններ անելիս զգուշավորություն ցուցաբերել։

«Վտանգի մասին խոսելու համար պետք է հասկանալ, թե դրանց քանի՞ տոկոսն է անցնում Ադրբեջանի վերահսկողության տակ, կոնկրետ ո՞ր տարածքների, ո՞ր ակնունքների մասին է խոսքը։ Մինչդեռ, մենք չենք տեսել այդպիսի հաշվարկներ, ամեն մի հայտարարության տակ պետք է հաշվարկ լինի չէ՞»,- նշեց բնապահպանը։

Նրա խոսքով` նման որևէ տվյալ չի ներկայացրել շրջակա միջավայրի նախարար Ռոմանոս Պետրոսյանը, որը նախօրեին հրավիրած ասուլիսում նշել էր, որ Սևանա լիճը սնուցող Որոտան և Արփա գետերի ակունքները մնացել են Ադրբեջանի վերահսկողության տակ։

Սահմանների հարցը Գեղարքունիքում լուրջ խնդիրներ է ստեղծել. ի՞նչ է արձանագրել պաշտպանը

Ավելի ուշ նախարարի մամուլի քարտուղար Էդգար Առաքելյանը պարզաբանում էր տարածել՝ նշելով, թե նախարարը նկատի է ունեցել ոչ թե նշված գետերի անմիջական ակունքները, այլ Որոտան և Արփա գետերի ջրահավաք ավազանների մաս կազմող որոշակի տարածքները, որտեղ կան տվյալ գետերը սնուցող աղբյուրներ։ Դրանք Սևանա լիճը սնող ջրահավաք ավազանի վրա որոշակի ազդեցություն կարող են ունենալ։

84
թեգերը:
բնապահպանական, Գետ, Ադրբեջան, Հայաստան, Սևանա լիճ
Ըստ թեմայի
Հայաստանի և Ադրբեջանի միջև երբևէ սահմանազատում չի եղել․ որ քարտեզի մասին է խոսում Ավինյանը
ՀՀ ՄԻՊ–ը դիմել է միջազգային կառույցներին ՀՀ սահմանների որոշման ոչ լեգիտիմության հարցով
Օդային սահմանի խախտում չի եղել. նախարարն այցելել է հակաօդային պաշտպանության ստորաբաժանում
Վիգեն Հակոբյան

Փաշինյանը ե՞րբ վերածվեց «կաղ բադիկի». քաղտեխնոլոգի դիտարկումները

48
Քաղտեխնոլոգ Վիգեն Հակոբյանը Sputnik Արմենիայի եթերում անդրադարձել է ԱԺ «Իմ քայլը» խմբակցության ներսում քննարկված հարցին, որն առնչվում է սահմանադրական փոփոխությունների միջոցով խորհրդարանի ինքալուծարման խնդրին։  
Հակոբյան. «Փաշինյանը փորձում է արտահերթ ընտրությունների շուրջ ձևավորել կոնսոլիդացիա»

Վիգեն Հակոբյանի դիտարկմամբ` եթե նման նախագիծ իրոք շրջանառվի, ապա դա վկայում է որոշակի անվստահության մասին, ինչի ապացույցն այն է, որ վերջին շրջանում «Ի քայլը» խորհրդարանական ընդդիմությանն անընդհատ առաջարկում է արտահերթ ընտրություններ անցկացնել, բայց միայն մեկ նախապայմանով` իրար հետ հուշագիր ստորագրեն, որ բոլորը եկել են նման եզրակացության և համատեղ ուժերով են անցկացնելու գալիք ընտրությունները։

«Հնարավոր հուշագրի հիմքում այն երաշխիքներն են, որ Նիկոլ Փաշինյանի հրաժարականի դեպքում ԱԺ ընդդիմադիր խմբակցություններից որևէ մեկն իր թեկնածուին չառաջադրի։ Այդուհանդերձ հարց է առաջանում` եթե նույնիսկ առաջադրեն, ապա ի՞նչ մտահոգություններ կարող է ունենալ բացարձակ մեծամասնություն ունեցող խորհրդարանական ուժը։ Պարզվում է` մտահոգություններ կան»,– նշեց քաղտեխնոլոգը։

Հակոբյանի խոսքով` իշխող ուժը կարծում է, որ երկու ընդդիմադիր խմբակցությունները կարող են պայմանավորվել` ապահովելով 50–ից ավել ձայներ և պակասող ձայները կարող են ներգրավել այսօրվա իշխող ուժից։

Ըստ նրա` խնդիրը քաղաքական տեսնակյունից դիտարկելիս` գալիս ենք եզրակացության, որ Նիկոլ Փաշինյանը գուցե շատ ավելի լավ իմանալով իր խմբակցության պոտենցիալը և մարդկային ռեսուրսը` նման մտահոգություններ ունի, այդ պատճառով էլ փորձում է մի կողմից ապահովագրել գործընթացը, սակայն մյուս կողմից Փաշինյանն, ըստ էության, փորձում է արտահերթ ընտրությունների շուրջ ձևավորել կոնսոլիդացիա և հուշագրի ստորագրմամբ լեգիտիմացնել գործընթացը։

Քաղտեխնոլոգի կարծիքով` այն պահից սկսած, երբ Փաշինյանը հայտարարեց արտահերթ ընտրություններ անցկացնելու մասին, նա վերածվեց «կաղ բադիկի», քանզի քաղաքական դաշտում գործող բոլոր ուժերին հասկանալի է, որ ներկա իշխանությունն ըստ էության իր վերջին ամիսներն է ապրում և իշխող ուժի շատ ներկայացուցիչներ հասկանում են, որ ապագա խորհրդարանում հայտնվելու շատ քիչ հնարավորություններ կան և իրենք իշխանության մեջ այլևս դերակատարում չեն ունենալու։ 

«Այս կետից սկսած` կարող ենք գործնական քայլերի գնալ». Ավինյանը` արտահերթ ընտրության մասին

48
թեգերը:
Ընտրություններ, Հայաստան, Նիկոլ Փաշինյան, քաղտեխնոլոգ, Վիգեն Հակոբյան
Ըստ թեմայի
Փաշինյանի պատրանքներն ու մոսկովյան արձագանքը. ինչու է վարչապետը ժամանակ ձգում
Ինչու Փաշինյանը որոշեց գնալ արտահերթ ընտրությունների. պարզաբանում է քաղտեխնոլոգը
Ժամանակը Հայաստանի օգտին չի աշխատում, կամ ո՞րն էր Փաշինյանի և հեղափոխության «պլան Ա»-ն
Второй президент Республики Армения Роберт Кочарян в гостях у Sputnik Армения

«Մասնակցելու ենք և կրելու ենք». Քոչարյանը կմասնակցի արտահերթ ընտրություններին

81
(Թարմացված է 01:27 28.01.2021)
Ինչ վերաբերում է Փաշինյանի հրաժարականը պահանջող քաղաքական ուժերին, երկրորդ նախագահը շեշտեց, որ կիսում է նրանց դիրքորոշումը ՀՀ ժամանակավոր կառավարություն ստեղծելու մասին:

ԵՐԵՎԱՆ, 28 հունվարի - Sputnik. ՀՀ երկրորդ նախագահ Ռոբերտ Քոչարյանը կմասնակցի առաջիկա արտահերթ ընտրություններին՝ իր քաղաքական թիմով:
Այս մասին նա հայտարարեց այսօր հայաստանյան մի քանի կայքերին տված հարցազրույցում:

«Մասնակցելու ենք և կրելու ենք»,- ասաց Քոչարյանը՝ հավելելով, որ դրա համար ունի քաղաքական թիմ, հետևորդներ ու անհրաժեշտ գործիքակազմ:

Իսկ թե ինչու մինչև հիմա ակտիվություն չի դրսևորել ՀՀ գործող իշխանոթյան դեմ այքարում, Քոչարյանը մեկնաբանեց նրանով, որ չի ցանկացել իշխանությունների հնարավորություն տալ իր վերադարձով վախեցնել թիմակիցներին:

«Ես ինձ հեռու պահեցի այդ գործընթացներից, որ իմ գործոնը չօգտագործվի այդ 20-30 պատգամավորներին վախեցնելու համար»,- ասաց Քոչարյանը:

Ինչ վերաբերում է Փաշինյանի հրաժարականը պահանջող քաղաքական ուժերին, երկրորդ նախագահը շեշտեց, որ կիսում է նրանց դիրքորոշումը ՀՀ ժամանակավոր կառավարություն ստեղծելու ու արտահերթ ընտրություններ կազմակերպելու առումով, հատկապես, որ ժամանակավոր կառավարության ղեկավարը չի մասնակցելու ընտրություններին՝ հնարավոր չարաշահումներ թույլ չտալու համար:

Ի՞նչ մտավախություններ ունի Ռոբերտ Քոչարյանը ճանապարհների ապաշրջափակման հեռանկարից

Նշենք, որ նոյեմբերի 9–ի եռակողմ հայտարարությունից հետո Հայաստանի ընդդիմադիր կուսակցությունները պահանջում են վարչապետ Նիկոլ Փաշինյանի հրաժարականը։ Նրանք ժամանակավոր` ազգային համաձայնության կառավարության վարչապետի միասնական թեկնածու են առաջարկում Վազգեն Մանուկյանին։

Արցախում ամեն օր նոր տարածքային կորուստներ են գրանցվում. Քոչարյան

Իշխանությունը, սակայն, այդ տարբերակին համաձայն չէ։ Նրանք առաջարկում են միանգամից գնալ արտահերթ խորհրդարանական ընտրությունների։

81
թեգերը:
ընդդիմություն, Հայաստան, Ազգային ժողովի ընտրություններ, Ընտրություններ, Ռոբերտ Քոչարյան
Ըստ թեմայի
Եթե ՀՀ վարչապետը լիներ թուրքական գործակալ, կաներ այն ամենը, ինչ արվել է. Ռոբերտ Քոչարյան
Ինչու էր թշնամին խնայում Արցախի նախագահի նստավայրը. Քոչարյանն իր վարկածը ներկայացրեց
Ռուսաստանի գործընկեր ու դաշնակից երկրից Հայաստանը վերածվել է ՌԴ–ի պրոտեկտորատի. Քոչարյան