Անժելա Էլիբեգովա

Ինչու է ուշանում ՀՀ ղեկավարության կոշտ արձագանքը. Էլիբեգովան` Ալիևի հայտարարության մասին

339
Ադրբեջանագետը չի բացառում, որ ՀՀ ղեկավարությունը միակողմանի որոշում է կայացրել որևէ պարագայում չհակադարձել Ադրբեջանի նախագահին։
«Ինչու է ուշանում ՀՀ ղեկավարության կոշտ արձագանքը». Էլիբեգովան` Ալիևի հայտարարության մասին

Ադրբեջանն իրավունք չունի որևէ կերպ համակարգելու Հայաստանի և Արցախի միջև պաշտոնական և մասնավոր կապերը կամ խառնվել այդ գործընթացին, հետևաբար նման սպառնալիքները ոչ այլ ինչ են, եթե ոչ սադրանք, որին ռուսական կողմը ևս պետք է լուրջ ուշադրություն դարձնի։  Sputnik Արմենիայի հետ զրույցում նման կարծիք հայտնեց ադրբեջանագետ Անժելա Էլիբեգովան` մեկնաբանելով Իլհամ Ալիևի այն հայտարարությունը, որ Հայաստանից որևէ մեկն իրավունք չունի այցելելու Արցախ` առանց Ադրբեջանի իմացության։

Էլիբեգովայի խոսքով`շատ կարևոր է, որ ՀՀ ղեկավարությունն այդ հարցում շատ կոշտ դիրքորոշում հայտնի և հակադարձի Ալիևին, ինչը մինչ այս պահը չենք տեսնում։ 

«Մենք տեսնում ենք արձագանք ԱԳՆ-ից, որն իրավացի է, նման պնդումները բացարձակ անհիմն են, և տեսնում ենք ՄԻՊ-ի արձագանքը, բայց փաստացի ՀՀ ղեկավարությունը որևէ կերպ չի հակադարձում Ալիևին և որևէ կերպ չի փորձում սաստել նման պահվածքը, նման վարքագիծը և նման բառամթերքը, որն օգտագործում է Ադրբեջանի նախագահը»,- ասաց նա։ 

Ադրբեջանագետը չի բացառում, որ ՀՀ ղեկավարությունը միակողմանի որոշում է կայացրել որևէ պարագայում չհակադարձել Ադրբեջանի նախագահին, քանի որ և՛ մինչպատերազմական շրջանում, և՛ պատերազմի ժամանակ, և՛ հետպատերազմական ընթացքում չեն փորձել զսպել Ադրբեջանի նախագահին իր բոլոր սպառնալիքների, վիրավորանքների ու ոչ կոռեկտ արտահայտությունների համար։

«Մեկ, երկու, երեք, կարելի է որպես վրիպակ դիտարկել, բայց երբ դա պրակտիկա է դառնում և կրկնվում է արդեն տասնյակ անգամ, նշանակում է, որ կա հստակ որոշում՝ չհակադարձել Ալիևին»,- նշեց նա։

Արման Թաթոյանը հայտարարություն է արել Ադրբեջանում գտնվող գերիների վերաբերյալ

Հիշեցնենք` Ադրբեջանի նախագահ Իլհամ Ալիևը հունվարի 7-ին տեղի ունեցած ելույթում անդրադարձել էր նաև հայ պաշտոնյաների արցախյան այցերին և հայտարարել, որ այսուհետ ոչ միայն պաշտոնյաները, այլև Հայաստանի բնակիչները կզղջան, եթե Արցախ այցելեն առանց Ադրբեջանի իմացության։

339
թեգերը:
Հայաստան, Անժելա Էլիբեգովա, Ադրբեջան
թեմա:
Իրադրությունը Հայաստանում և Արցախում հայտարարության ստորագրումից հետո (799)
Ըստ թեմայի
Ադրբեջանցիները դիրքավորվել ու օդանավակայանի մոտ վրաններ են տեղադրել. Կապանի քաղաքապետ
Ադրբեջանի նախագահը ոտնահարում է միջազգային մարդասիրական իրավունքը. ՀՀ ՄԻՊ
Ադրբեջանին հանձնած ՀՀ տարածքների հարցով դատարան ենք դիմելու. Արծվիկ Մինասյան
Զարեհ Սինանյան

Բնակարանաշինություն, նոր աշխատատեղեր. Սփյուռքը պատրաստ է օգնել արցախցիներին

10
(Թարմացված է 20:26 25.01.2021)
ՀՀ վարչապետի աշխատակազմի սփյուռքի գործերի գլխավոր հանձնակատար Զարեհ Սինանյանը Sputnik Արմենիայի հետ զրույցում հույս է հայտնել, որ Հայաստանի և Արցախի պաշտոնյանների հետ շարունակական աշխատանքի շնորհիվ կհաջողվի հաղթահարել խորը ճգնաժամը և մուտք գործել զարգացման նոր փուլ։
Սփյուռքը դուրս է եկել շոկային վիճակից. Զարեհ Սինանյանը` Արցախում իրականացվող ծրագրերի մասին

Հայաստան-սփյուռք համագործակցությունն ակտիվացման փուլում է: Sputnik Արմենիայի հետ զրույցում նման կարծիք հայտնեց ՀՀ վարչապետի աշխատակազմի սփյուռքի գործերի գլխավոր հանձնակատար Զարեհ Սինանյանը։

«Հայաստանին և Արցախին զուգահեռ նաև սփյուռքն է դուրս գալիս այս շոկային վիճակից։ Որոշ համայնքներում դա տեղի է ունենում շատ ավելի արագ, քան այլ համայնքներում, օրինակ` Ֆրանսիայում և Ռուսաստանում բավական առողջ է մթնոլորտը, և համագործակցության բազում եզրեր կան»,- ասաց նա։

Նրա խոսքով`մարդիկ բավականին ակտիվ են և հասկանում են, որ այսօր առավել քան երբևէ  հայրենիքը`Հայաստանն ու Արցախն օգնության կարիք ունեն. տասնյակ հազարավոր տեղահանվածներ, որոնք թեև այս պահին Արցախի տարածքում են, զրկվել են սեփական բնակարաններից և եկամտի աղբյուրներից, ու առաջնահերթ նրանց պետք է աջակցել։

«Հայաստանի կառավարությունն էլ ամեն ջանք գործադրում է, որ արցախցի մեր հայրենակիցները ուտելիքի և կենցաղային իրերի կարիք չունենան, բայց ժամանակն է նաև նոր աշխատատեղեր ստեղծելու մասին մտածել։ Շահութաբերության հիման վրա ձեռնարկությունների հիմնումն Արցախի տարածքում լինելու է շատ կարևոր ուղղություն, և չեմ կասկածում, որ մոտակա տարիներին մենք դրա ականատեսը կլինենք»,- նշեց Սինանյանը։

Սփյուռքի գործերի գլխավոր հանձնակատարը համոզված է, որ Հայաստանի և Արցախի պաշտոնյանների հետ շարունակական աշխատանքի շնորհիվ կհաջողվի ամենասեղմ ժամկետներում կենտրոնանալ բնակարանաշինության վրա, տնտեսական վերածննդի ծրագիր կազմել և թևակոխել զարգացման նոր փուլ։

Հիշեցնենք` հունվարի 23-ին ՀՀ վարչապետի աշխատակազմի սփյուռքի գործերի գլխավոր հանձնակատար Զարեհ Սինանյանը ճանաչողական այցով մեկնել էր Արցախ, հանդիպել մի շարք պաշտոնյանների հետ և քննարկել կարճաժամկետ ու միջնաժամկետ ծրագրեր, որոնք նախատեսվում է կյանքի կոչել սփյուռքի մեր հայրենակիցների գործուն մասնակցությամբ։

10
Ըստ թեմայի
Հայերի դեմ պայքարում են այն ահաբեկիչները, որոնց Ռուսաստանը չի հասցրել վերացնել. Սինանյան
Զինադադարի հաստատումից հետո երկու լիբանանահայ է անհետացել. Սինանյան
ՀՀ–ն սփյուռքին է պետք, սփյուռքը՝ հայրենիքին. Ջորկաեֆները հանդիպել են Զարեհ Սինանյանին
Սուրեն Սարգսյան

ԱՄՆ–ում դեսպան լինելու համար Մակունցը չունի դիվանագիտական փորձ և քաղաքական ծանրակշռություն

50
(Թարմացված է 12:18 25.01.2021)
Ամերիկյան հետազոտությունների հայկական կենտրոնի տնօրեն Սուրեն Սարգսյանը Sputnik Արմենիայի եթերում անդրադարձել է ԱԺ «Իմ քայլը» խմբակցության ղեկավար Լիլիթ Մակունցին ԱՄՆ-ում ՀՀ դեսպան նշանակվելու մասին տեղեկությանը։
Սարգսյան. «Մակունցը չունի դիվանագիտական փորձ և քաղաքական ծանրակշռություն` ԱՄՆ–ում դեսպան աշախատելու համար»

Սուրեն Սարգսյանի դիտարկմամբ` յուրաքանչյուր պետություն ազատ է ցանկացած մարդու այլ երկրում նշանակել որպես  դիվանագիտական ներկայացուցիչ. դրա համար գործընթաց է տեղի ունենում, ուղարկվում է ագրեման, և եթե ընդունող կողմը որևէ առարկություն չունի, համապատասխան ժամկետների ընթացքում անձն այցելում է դեսպանին ընդունող երկիր։ 

«Խնդիրն այն է, որ մենք, ըստ էության, ԱՄՆ–ում մշտապես` դեռ 1990-ականների սկզբից, ունեցել ենք բարձր մակարդակի,  պրոֆեսիոնալ դիվանագետներ։ Լավագույնները ծառայել են Վաշինգտոնում և դրանով իսկ մշտապես բարձր են պահել հայ–ամերիկյան հարաբերությունները։ Այդ առումով կարելի է առանձնացնել Ռուբեն Շուգարյանին, Արման Կիրակոսյանին, Թաթուլ Մարգարյանին, Վարուժան Ներսիսյանին և Գրիգոր Հովհաննիսյանին, որոնք պրոֆեսիոնալ կադրեր էին` փայլուն կրթությամբ, համապատասխան գիտելիքներով ու փորձով»,– նշեց Սարգսյանը։

Նա առանձնահատուկ կերպով նշեց նաև ՀՀ նախկին վարչապետ Տիգրան Սարգսյանի պաշտոնավարումն ԱՄՆ–ում արտակարգ և լիազոր դեսպանի պաշտոնում, որի օրոք ջերմ հարաբերություններ հաստատվեցին ամերիկյան վարչակազմի և հատկապես փոխնախագահ Ջո Բայդենի հետ, ով այժմ դարձել է ԱՄՆ–ի նախագահը։ 

«ԱՄՆ–ում դեսպանի պաշտոնը մեզ համար չափազանց կարևոր է և այստեղ պետք է նշանակվեն պրոֆեսիոնալ դիվանագետներ կամ այնպիսի քաղաքական ծանր քաշայիններ, ովքեր ի վիճակի կլինեն ճանաչել, իմանալ Վաշինգտոնն ու հասկանալ, թե ինչպես աշխատել ամերիկյան կողմի հետ` երկկողմ հարաբերությունները առաջ մղելու համար։ Կարծում եմ, որ Լիլիթ Մակունցը չունի դիվանագիտական փորձ և քաղաքական ծանրակշռություն։ Նրա անձի դեմ բնավ ոչինչ չունեմ, բայց կարծում եմ, որ այս պահի դրությամբ անիմաստ է ԱՄՆ–ում մեր գործող դեսպանին հետ կանչելը։ Ավելին` ՀՀ վերջին երեք դեսպանները Վաշինգտոնում պաշտոնավարել են ընդամենը 2,5 տարի, ինչը նույնպես նորմալ չէ դիվանագիտական պրակտիկայում։ 2,5 տարին մեկ ԱՄՆ–ում դեսպան փոխելը կարող է ոչ դրական, ոչ լուրջ ընկալում ձևավորել մեր նկատմամբ»,– նշեց Ամերիկյան հետազոտությունների հայկական կենտրոնի տնօրենը։

Արմեն Գրիգորյանը շնորհավորել է ԱՄՆ–ի իր պաշտոնակցին և հանդիպման հույս հայտնել

Սարգսյանի կարծիքով` մենք այժմ ունենք լուրջ և պրոֆեսիոնալ դիվանագետների կարիք` հաշվի առնելով, որ հայ-ամերիկյան հարաբերությունները գտնվում են պատմականորեն ամենացածր մակարդակի վրա։      

Նշենք, որ երեկ ԱԺ «Իմ քայլը» խմբակցության նախագահ Լիլիթ Մակունցը հաստատեց, որ օրակարգում քննարկվում է իր` ԱՄՆ ՀՀ արտակարգ և լիազոր դեսպան նշանակելու հարցը։

50
թեգերը:
Սուրեն Սարգսյան, Դեսպան, Հայաստան, ԱՄՆ, Լիլիթ Մակունց
Ըստ թեմայի
Փոխվարչապետ Մհեր Գրիգորյանն ընդունել է Ֆրանսիայի դեսպանին
Օնիկ Գասպարյանն ընդունել է Հայաստանում ԱՄՆ դեսպան Լին Թրեյսիին
«Ոչ կոռեկտ են». Պեսկովի արձագանքը` Ռուսաստանի ցույցերի վերաբերյալ ԱՄՆ–ի հայտարարությանը