Հայկ Դեմոյան

Ադրբեջանը Հադրութից դուրս կբերի՞ իր զինուժը. Դեմոյանը` փախստականների վերադարձի մասին

1133
Պատմական գիտությունների դոկտոր Հայկ Դեմոյանը Sputnik Արմենիայի եթերում խոսել է փախստականների վերադարձի և Հադրութից ադրբեջանական զորքի դուրսբերման անհրաժեշտության մասին։
Ադրբեջանը Հադրութից դուրս կբերի՞ սեփական զինուժը. Հայկ Դեմոյանը` փախստականների վերադարձի մասին

Նոյեմբերի 9-ի եռակողմ հայտարարության ստորագրումից առ այսօր հայկական կողմը որևէ խախտում թույլ չի տվել, բայց Ադրբեջանը պարբերաբար խախտում է հայտարարությամբ ամրագրված ռազմագերիների և փախստականների հետ վերադարձի կետերը։ Sputnik Արմենիայի հետ զրույցում նման կարծիք հայտնեց պատմական գիտությունների դոկտոր Հայկ Դեմոյանը։ 

«Եթե փաստաթղթում նշված է փախստականների վերադարձ, ուրեմն նրանք պետք է վերադառնան Հադրութ, իսկ ադրբեջանական զինուժի ներկայությունն այնտեղի բնակչության համար ապահովության երաշխիք չէ»,- ասաց նա։ 

Սա նշանակում է, որ հայտարարության կետերն իրագործելիս ադրբեջանական կողմը ստիպված կլինի դուրս բերել սեփական ԶՈւ-ն Հադրութի տարածքից։ Ինչ վերաբերում է ադրբեջանական կողմից պարբերաբար հնչող հայտարարություններին, թե իրենց վերահսկողության տակ անցած տարածքներում պատրաստվում են տարբեր ենթակառուցվածքներ, անգամ՝ միջազգային օդանավակայան կառուցել, Դեմոյանի կարծիքով` դրանք հիմնականում քարոզչական բնույթ են կրում։

«Իրենք կարող են Զանգելանում տիեզերակայան կառուցելու մասին էլ հայտարարել, որ զարմացնեն մեզ, բայց արդյոք Ադրբեջանը կուզենա ենթակառուցվածքներ ստեղծել, որոնք անընդհատ խոցելի կլինեն»,- նշեց Դեմոյանը։

Նրա խոսքով` Ալիևը բավականին բարդ իրավիճակում է հայտնվել, քանի որ խոշոր պատերազմ սանձազերծելով չի լուծել Ղարաբաղի հարցը, մյուս կողմից Հադրութից ադրբեջանական զինուժի դուրսբերումն այլևս չի ընկալվի՝ մեծաթիվ զոհերի և կորուստների պարագայում։

Եռակողմ բանակցություններ են ընթանում, թե որտեղ պետք է կանգնեն սահմանապահները

«Իրենք շատ լավ հասկանում են, որ Հադրութը վերադարձնելով՝ Ադրբեջանի գոնե արևմտյան հատվածը բաժանվում է համարյա 4 հատվածների, որոնցից յուրաքանչյուրն առանձին-առանձին և ընդհանրապես 4-ը միասին, ըստ իս, խոցելի են լինելու, որովհետև 2 կամ 3 կողմից շրջապատված են լինելու հայկական ներկայությամբ»,- հավելեց պատմաբանը։

Բացի այդ, Հադրութից է սնվում նաև Շուշին, եթե այն վերադառնա հայկական վերահսկողության տակ, Շուշիում ադրբեջանցիների վերաբնակեցման հարցը ևս մնում է օդից կախված, քանի որ հազիվ թե ադրբեջանցիները համաձայնեն գալ և ապրել մի քաղաքում, որը շրջափակված կլինի հայկական բնակավայրերով։ 

1133
թեգերը:
Փախստական, Ադրբեջան, Հայաստան, Արցախ, Հայկ Դեմոյան
թեմա:
Իրադրությունը Հայաստանում և Արցախում հայտարարության ստորագրումից հետո (793)
Ըստ թեմայի
Եռակողմ հայտարարությունը գաղտնի հավելվածներ չունի. ի՞նչ հիմքով են գծվում սահմանները
Ռուսաստանի և Թուրքիայի ԱԳ նախարարները կքննարկեն Ղարաբաղի հարցով եռակողմ հայտարարությունը
Եռակողմ հայտարարության իրականացման համար համալիր աշխատանք է սպասվում․ Զախարովա
Սուրեն Սուրենյանց

Իշխանությունը չի գիտակցում այն ազգային աղետը, որի առաջ կանգնեցրել է երկիրը. Սուրենյանց

86
(Թարմացված է 22:59 16.01.2021)
Քաղաքագետ Սուրեն Սուրենյանցի խոսքով` իշխող քաղաքական թիմը երկիրը ճգնաժամից դուրս բերելու ուղղությամբ որևէ քայլ չի ձեռնարկում։
«Գործող իշխանությունը չի գիտակցում այն ազգային աղետը, որի առաջ կանգնեցրել է երկիրը». Սուրենյանց

Լենա Նազարյանն ու իր քաղաքական թիմը երկրի զարգացման հավակնոտ ծրագիր ներկայացնելու փոխարեն զբաղված են անհեթեթ հայտարարություններ հնչեցելով։ Sputnik Արմենիայի հետ զրույցում նման կարծիք հայտնեց քաղաքագետ Սուրեն Սուրենյանցը` մեկնաբանելով ԱԺ փոխխոսնակի այն տեսակետը, թե հզորանալու և կորցրածը հետ բերելու փորձագիտական շրջանակների մոտեցումները հետադիմական են։

«Սա շատ վտանգավոր մեսիջ է, որը ապացուցում է այն միտքը, որ պարտության սիմվոլ իշխանությունը չի կարող նպաստել երկրի զարգացման հավակնոտ օրակարգի իրականացմանը»,- ասաց նա։

Սուրենյանցի կարծիքով` իշխող թիմում ոչ միայն հաշտվել են պարտության մտքի հետ, այլև մոռացել են պետական օրակարգի մասին և այս պահին մտահոգված են միայն սեփական իշխանությունը պահպանելու խնդրով։

«Սեփական իշխանության պահպանման մոլուցքն այնքան ուժեղ է, որ դրա հաշվին խժռվում է երկրի ինքնիշխանությունը, նրա զարգացման ռեսուրսը։ Գործող իշխանությունն իր առաջին և մյուս դեմքերով չի գիտակցում այն ազգային աղետը, որի առաջ կանգնեցրել է երկիրը»,- նշեց Սուրենյանցը։

Հիշեցնենք` հունվարի 15-ին ԱԺ փոխխոսնակ Լենա Նազարյանը Sputnik ռադիոկայանի եթերում հայտարարեց, որ տարբեր փորձագետների`մի քանի տարի խաղաղ ապրելու, հզորանալու, վերազինվելու և մեր բաժին հաղթանակը հետ բերելու մտածողությունը համարում է հետադիմական և վնասակար։

86
թեգերը:
աղետ, Իշխանություն, Սուրեն Սուրենյանց
Ռուբեն Մելքոնյան

Հայաստանը հիմա տարածաշրջանային խաղացող չէ և կորցրել է իր սուբյեկտայնությունը. Մելքոնյան

60
(Թարմացված է 17:14 16.01.2021)
ԵՊՀ արևելագիտության ֆակուլտետի դեկան, թուրքագետ Ռուբեն Մելքոնյանը Sputnik Արմենիայի եթերում անդրադարձել է արցախյան պատերազմից հետո տարածաշրջանային զարգացումներին և այդ համատեքստում մասնավորապես Թուրքիայի վարքագծին։ 
Մելքոնյան. «Թուրքիան հավակնություններ ունի Կովկասում, բայց երբեք նման մեծ հնարավորություններ չի ունեցել»

Ռուբեն Մելքոնյանի դիտարկմամբ` Մերձավոր Արևելքում իրադարձությունները միշտ թեժ են եղել և հիմա էլ շարունակում են այդպիսին մնալ, և պատմության որ շրջանն էլ դիտարկենք՝ կպարզվի, որ տվյալ տարածաշրջանում բախվել են գերտերությունների շահերը։

«Հիմա էլ տրամաբանությունը չի փոխվել։ Արցախյան պատերազմից հետո մի փոքր ավելի դադարի կամ ավելի քիչ էսկալացիոն գործընթացներ են տեղի ունենում, սակայն դա ամենևին չի նշանակում, որ ամեն ինչ հանդարտվել է և լուծվել։ Այստեղ պրոբլեմները շարունակում են մնալ, դրանց բնույթը, եթե կարելի է ասել` կոնֆիգուրացիան, մի փոքր փոխվել է, թեև խաղացողները մնացել են նույնը»,– նշեց թուրքագետը։

Մելքոնյանի կարծիքով` ցավոք սրտի Հայաստանն այդ ամենից դուրս եկավ որպես այլևս ոչ խաղացող` կորցնելով իր սուբյեկտայնությունը, և եթե նախկինում մինչպատերազմյան շրջանի գործընթացներում Հայաստանը հանդիսանում էր որպես առանձին սուբյեկտ, հիմա, ըստ նրա, այն նույնիսկ քննարկումներում չի կարողանում իր կարծիքն արտահայտել ու հետամուտ լինել իր նպատակներին, իսկ երբեմն անգամ մեր երկրի անունը կարող է առհասարակ չհիշատակվել։

«Ենթադրում եմ` կուլիսային զրույցներում այս ամենն ավելի ցայտուն է, համենայնդեպս վերջին մոսկովյան հանդիպման ժամանակ տեսանք, որ Ադրբեջանի նախագահն արտահայտեց գոհունակություն, մինչդեռ ՀՀ վարչապետն ասաց, որ չի ստացվել գերիների վերադարձի հարցը լուծել»,– նշեց թուրքագետը։

Ինչ գին ենք վճարելու Ադրբեջանը Թուրքիային կապող Նախիջևանի միջանցքի դիմաց

Անդրադառնալով նաև Թուրքիայի վարքագծին` Մելքոնյանն ընդգծեց, որ այդ երկիրն այս տարածաշրջանում ունի մեծ հավակնություններ, բայց երբեք նման մեծ հնարավորություններ չի ունեցել, որովհետև արցախյան պատերազմից հետո հայտնվել է շահեկան դրության մեջ, քանզի ներթափանցեց կոնֆլիկտի մեջ, և անկախ այն հանգամանքից, թե Մինսկի խմբի համանախագահների ձևաչափը մնում է, թե ոչ, Թուրքիան այստեղ արդեն իսկ ունի որոշակի դերակատարություն։ 

Մելքոնյանի գնահատմամբ` Թուրքիան այլևս այն պետությունը չէ, որ կար 2010 թվականին, որովհետև արդեն դե–ֆակտո, եթե ոչ դե–յուրե, ունի այլ կարգավիճակ։ Կարևոր գործոն է նաև Թուրքիայի ռազմական ներկայությունն Ադրբեջանում, ինչն ավելի լեգիտիմացվեց արցախյան պատերազմից հետո, և Թուրքիան մեր տարածաշրջանում մեկ քայլ առաջ եկավ։

60
թեգերը:
Թուրքիա, Հայաստան, Ռուբեն Մելքոնյան (թուրքագետ)
Ըստ թեմայի
Թուրքիայում համաշխարհային պատերազմ է «եփվում»․ Վասերմանը կոչ է արել պատրաստվել վատագույնին
Թուրքիան ավիաբազաներ է ստեղծում ադրբեջանական երեք քաղաքում
Չավուշօղլուն ասել է` ինչպես են Թուրքիան և Ֆրանսիան փորձում կարգավորել հարաբերությունները
Ջահ

Հունվարի 18-ին լույս չի լինի Երևանի ու 4 մարզի որոշ հատվածներում

0
Պլանային նորոգման աշխատանքներ են իրականացվելու մայրաքաղաքում, Կոտայքի, Արարատի, Վայոց Ձորի և Սյունիքի մարզերում։

ԵՐԵՎԱՆ, 17 հունվարի – Sputnik. «Հայաստանի էլեկտրական ցանցեր» ընկերությունը տեղեկացնում է, որ հունվարի 18-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը`

Երևան քաղաքում՝

11։00-17:00 Խորենացի փ. 3-17 շենքեր, Արմենակյան փ. 1-67 սեփական տներ, Նորքի Այգիներ փ. 301-305 սեփական տներ և հարակից ոչ բնակիչ-բաժանորդներ, թիվ 75 դպրոց, Ներքին Շենգավիթ 3, 4, 12, 13 փողոցների սեփական տներ, Ներքին Շենգավիթ 1, 2, 9, 10, 11 փողոցների սեփական տներ և հարակից ոչ բնակիչ բաժանորդներ,

Կոտայքի մարզում՝

11։00-17։00 Աբովյան քաղաքի 3-րդ միկրոշրջան 13 շենք, Կապուտան, Կամարիս, Գեղաշեն, Նոր-Գյուղ գյուղեր մասնակի, Ջրվեժ՝ Բագրևանդ թաղամաս, Բալահովիտ գյուղ մասնակի,

10։00-16։00 Պռոշյան համայնք մասնակի, Հուշարձան թաղամաս, “Եթեր” խմբագրություն, Զինմաս, Վերին, Արևմտյան, Նոր թաղամասեր և հարակից արտադրական տարածքներ,

Հայաստանում 2021-ի փետրվարից հնարավոր է`լույսը թանկանա. ինչպե՞ս կարելի էր խուսափել դրանից

Արարատի մարզում՝

10:00-16:00 Ոստան գյուղ մասնակի,

Վայոց Ձորի մարզում՝

10:00-13:00 Վայք քաղաքի Կամո և Երիտասարդական փողոցները` մասնակի,

11:00-15:00 Գլաձոր և Աղնջաձոր գյուղերը` մասնակի,

Սյունիքի մարզում՝

11:00-17:00 Նորավան գյուղ:

Սպառած էլեկտրաէներգիայի, անջատումների, ինչպես նաև այլ հարցերի առնչությամբ կարող եք զանգահարել 1-80 և 0 8000 0 180 շուրջօրյա գործող հեռախոսահամարներով:

Ջերմաստիճանն աստիճանաբար կնվազի 12-15 աստիճանով. եղանակի տեսություն

0
թեգերը:
Մարզ, Երևան, էլեկտրաէներգիա, Հայաստան
Ըստ թեմայի
Մինչև ապրիլ բան չի փոխվի. տնտեսագետը հուշում է` ինչ է պետք անել կյանքը լավացնելու համար
Գազալցակայաններում գազը թանկացել է ու պարզ չէ՝ հետո ինչ կլինի
Բարև, թանկացումներ․ Արարատի մարզի մի քանի գծատերեր ապօրինի բարձրացրել են ուղեվարձը