Դավիթ Բաբայան

Ո՞ր դեպքում է հնարավոր շտկել իրավիճակը. Դավիթ Բաբայանն առաջարկում է դրսում մեղավոր չփնտրել

524
(Թարմացված է 19:12 29.12.2020)
Ղարաբաղյան հիմնախնդրի բանակցային գործընթացի մասնակից, Արցախի Պահպանողական կուսակցության առաջնորդ Դավիթ Բաբայանը Sputnik Արմենիայի եթերում անդրադարձել է վարչապետ Փաշինյանի տեսակետին, թե արդյոք ճկուն քաղաքականության պարագայում կարող էինք խուսափել պատերազմից։  
Բաբայան. «Անընդունելի է, երբ պատերազմի պատճառները փորձում են ման գալ դրսում»

Դավիթ Բաբայանի դիտարկմամբ` Արցախը սարսափելի պատերազմից հետո մտել է պատմական մի նոր փուլ, և ավելի բարդ աղետ մեր ժողովուրդը թերևս տեսել է միայն 1915 թվականի ցեղասպանության ժամանակ։

«Ամեն օր առավոտյան արթնանում ենք ու տեսնում Շուշին հակառակորդի ենթակայության տակ։ Պատկերացրեք բոլորիս զգացմունքները։ Արցախն այսքան փոքր երբեք չի եղել, մեզ մնացել է մեկուկես մելիքության տարածք։ Կարծում եմ, որ պատերազմի հետ կապված ամեն ինչ պետք է ենթարկվի մանրակրկիտ քննության, երբ ստեղծվի համապատասխան հանձնաժողով, ինչպիսին, օրինակ, ստեղծվեց Ապրիլյան պատերազմի հանգամանքները պարզելու համար։ Այդպիսի հանձնաժողով պետք է ստեղծվի առավել ևս նման կործանարար պատերազմի, նրա հետևանքների ու պատճառների պարզաբանման համար»,– նշեց Արցախի Պահպանողական կուսակցության առաջնորդը։

Բաբայանի կարծիքով`չկա առանձին ռուսական, ամերիկյան կամ ֆրանսիական առաջարկ, բոլոր առաջարկներն էլ համաձայնեցվել են Մինսկի խմբի համանախագահների կողմից, այսինքն միշտ ցուցաբերվել է եռանախագահության ընդհանուր մոտեցում, ուստի որևէ մեկը, ըստ Բաբայանի, չի կարող այլ կարծիք ունենալ, որովհետև դա փաստ է։ 

«Ռուսաստանին առանձնացնելը ճիշտ չէ, որովհետև դա չի արտացոլում իրավիճակը և չեղած տեղում տալիս է շահարկումների թեմա։ Ինչ վերաբերում է տարածքներին, ապա դրանց մասին խոսակցությունները եղել են միշտ, բայց դա չի նշանակում, որ հնարավոր չէր խուսափել պատերազմից։ Չեմ ընդունում, որ պատերազմի պատճառները փորձում են ման գալ դրսում։ Բոլոր արհավիրքների պատճառները պետք է փնտրենք մեր մեջ, որևէ մեկը մեղավոր չէր, նույնիսկ թուրքն ու ադրբեջանցին, որովհետև ի դեմս Թուրքիայի և Ադրբեջանի` ունենք ամենաազնիվ թշնամիները, քանզի նրանք երբեք չեն թաքցրել իրենց բուն նպատակը` Արցախի ու Հայաստանի կործանումը»,– նշեց Արցախի Պահպանողական կուսակցության առաջնորդը։

Հնարավոր է` առաջիկա օրերին գերիների նոր փոխանակում տեղի ունենա. Արցախի նախագահի խորհրդական

Բաբայանի գնահատմամբ` ռազմավարական կարևոր նշանակություն ունեցող մեր տարածաշրջանում հակամարտության կարգավորումը բարոյական կամ իրավական կատեգորիա չէ, շատ բան կարող է թղթին գրված լինել, բայց դա չի նշանակում, որ այդպես էլ պետք է լիներ։ Ըստ նրա` ղարաբաղյան հակամարտության կարգավորումն ըստ էության աշխարհաքաղաքական հավասարակշռվածության պահպանումն էր, որով շահագրգռված են եղել բոլոր կողմերը, իսկ այժմ իրավիճակը փոխվել է, որովհետև տեղի են ունեցել այլ գործընթացներ, որոնցից միանշանակ կարելի էր խուսափել։ 

Բաբայանի համոզմամբ` ամեն ինչ կախված է երկու գործոնից` պրոֆեսիոնալիզմից և բարոյահոգեբանական արժեհամակարգից, և եթե առկա են այդ գործոնները, ապա հնարավոր է դուրս գալ նույնիսկ ամենաբարդ իրավիճակից։

Նա նաև շեշտեց, որ պետք է ամեն ինչ անել, որպեսզի իրական կյանքն ու վիրտուալ դաշտն իրարից տարբերվեն։ 

524
թեգերը:
Արցախյան պատերազմ, Դավիթ Բաբայան
թեմա:
Իրադրությունը Հայաստանում և Արցախում հայտարարության ստորագրումից հետո (793)
Ըստ թեմայի
Բարի գալուստ Ադրբեջան. ադրբեջանցիները Գորիս-Կապան ճանապարհին ցուցանակ են տեղադրել
Ադրբեջանցիները պահանջել են մեկ օրում ազատել Շուռնուխ գյուղի կեսը. Գորիսի փոխքաղաքապետ
Շուշիի ողբերգության հետքերով. ի՞նչ է կատարվել հոկտեմբերի 4-ին ոստիկանների հետ
Սուրեն Սուրենյանց

Իշխանությունը չի գիտակցում այն ազգային աղետը, որի առաջ կանգնեցրել է երկիրը. Սուրենյանց

77
(Թարմացված է 22:59 16.01.2021)
Քաղաքագետ Սուրեն Սուրենյանցի խոսքով` իշխող քաղաքական թիմը երկիրը ճգնաժամից դուրս բերելու ուղղությամբ որևէ քայլ չի ձեռնարկում։
«Գործող իշխանությունը չի գիտակցում այն ազգային աղետը, որի առաջ կանգնեցրել է երկիրը». Սուրենյանց

Լենա Նազարյանն ու իր քաղաքական թիմը երկրի զարգացման հավակնոտ ծրագիր ներկայացնելու փոխարեն զբաղված են անհեթեթ հայտարարություններ հնչեցելով։ Sputnik Արմենիայի հետ զրույցում նման կարծիք հայտնեց քաղաքագետ Սուրեն Սուրենյանցը` մեկնաբանելով ԱԺ փոխխոսնակի այն տեսակետը, թե հզորանալու և կորցրածը հետ բերելու փորձագիտական շրջանակների մոտեցումները հետադիմական են։

«Սա շատ վտանգավոր մեսիջ է, որը ապացուցում է այն միտքը, որ պարտության սիմվոլ իշխանությունը չի կարող նպաստել երկրի զարգացման հավակնոտ օրակարգի իրականացմանը»,- ասաց նա։

Սուրենյանցի կարծիքով` իշխող թիմում ոչ միայն հաշտվել են պարտության մտքի հետ, այլև մոռացել են պետական օրակարգի մասին և այս պահին մտահոգված են միայն սեփական իշխանությունը պահպանելու խնդրով։

«Սեփական իշխանության պահպանման մոլուցքն այնքան ուժեղ է, որ դրա հաշվին խժռվում է երկրի ինքնիշխանությունը, նրա զարգացման ռեսուրսը։ Գործող իշխանությունն իր առաջին և մյուս դեմքերով չի գիտակցում այն ազգային աղետը, որի առաջ կանգնեցրել է երկիրը»,- նշեց Սուրենյանցը։

Հիշեցնենք` հունվարի 15-ին ԱԺ փոխխոսնակ Լենա Նազարյանը Sputnik ռադիոկայանի եթերում հայտարարեց, որ տարբեր փորձագետների`մի քանի տարի խաղաղ ապրելու, հզորանալու, վերազինվելու և մեր բաժին հաղթանակը հետ բերելու մտածողությունը համարում է հետադիմական և վնասակար։

77
թեգերը:
աղետ, Իշխանություն, Սուրեն Սուրենյանց
Ռուբեն Մելքոնյան

Հայաստանը հիմա տարածաշրջանային խաղացող չէ և կորցրել է իր սուբյեկտայնությունը. Մելքոնյան

58
(Թարմացված է 17:14 16.01.2021)
ԵՊՀ արևելագիտության ֆակուլտետի դեկան, թուրքագետ Ռուբեն Մելքոնյանը Sputnik Արմենիայի եթերում անդրադարձել է արցախյան պատերազմից հետո տարածաշրջանային զարգացումներին և այդ համատեքստում մասնավորապես Թուրքիայի վարքագծին։ 
Մելքոնյան. «Թուրքիան հավակնություններ ունի Կովկասում, բայց երբեք նման մեծ հնարավորություններ չի ունեցել»

Ռուբեն Մելքոնյանի դիտարկմամբ` Մերձավոր Արևելքում իրադարձությունները միշտ թեժ են եղել և հիմա էլ շարունակում են այդպիսին մնալ, և պատմության որ շրջանն էլ դիտարկենք՝ կպարզվի, որ տվյալ տարածաշրջանում բախվել են գերտերությունների շահերը։

«Հիմա էլ տրամաբանությունը չի փոխվել։ Արցախյան պատերազմից հետո մի փոքր ավելի դադարի կամ ավելի քիչ էսկալացիոն գործընթացներ են տեղի ունենում, սակայն դա ամենևին չի նշանակում, որ ամեն ինչ հանդարտվել է և լուծվել։ Այստեղ պրոբլեմները շարունակում են մնալ, դրանց բնույթը, եթե կարելի է ասել` կոնֆիգուրացիան, մի փոքր փոխվել է, թեև խաղացողները մնացել են նույնը»,– նշեց թուրքագետը։

Մելքոնյանի կարծիքով` ցավոք սրտի Հայաստանն այդ ամենից դուրս եկավ որպես այլևս ոչ խաղացող` կորցնելով իր սուբյեկտայնությունը, և եթե նախկինում մինչպատերազմյան շրջանի գործընթացներում Հայաստանը հանդիսանում էր որպես առանձին սուբյեկտ, հիմա, ըստ նրա, այն նույնիսկ քննարկումներում չի կարողանում իր կարծիքն արտահայտել ու հետամուտ լինել իր նպատակներին, իսկ երբեմն անգամ մեր երկրի անունը կարող է առհասարակ չհիշատակվել։

«Ենթադրում եմ` կուլիսային զրույցներում այս ամենն ավելի ցայտուն է, համենայնդեպս վերջին մոսկովյան հանդիպման ժամանակ տեսանք, որ Ադրբեջանի նախագահն արտահայտեց գոհունակություն, մինչդեռ ՀՀ վարչապետն ասաց, որ չի ստացվել գերիների վերադարձի հարցը լուծել»,– նշեց թուրքագետը։

Ինչ գին ենք վճարելու Ադրբեջանը Թուրքիային կապող Նախիջևանի միջանցքի դիմաց

Անդրադառնալով նաև Թուրքիայի վարքագծին` Մելքոնյանն ընդգծեց, որ այդ երկիրն այս տարածաշրջանում ունի մեծ հավակնություններ, բայց երբեք նման մեծ հնարավորություններ չի ունեցել, որովհետև արցախյան պատերազմից հետո հայտնվել է շահեկան դրության մեջ, քանզի ներթափանցեց կոնֆլիկտի մեջ, և անկախ այն հանգամանքից, թե Մինսկի խմբի համանախագահների ձևաչափը մնում է, թե ոչ, Թուրքիան այստեղ արդեն իսկ ունի որոշակի դերակատարություն։ 

Մելքոնյանի գնահատմամբ` Թուրքիան այլևս այն պետությունը չէ, որ կար 2010 թվականին, որովհետև արդեն դե–ֆակտո, եթե ոչ դե–յուրե, ունի այլ կարգավիճակ։ Կարևոր գործոն է նաև Թուրքիայի ռազմական ներկայությունն Ադրբեջանում, ինչն ավելի լեգիտիմացվեց արցախյան պատերազմից հետո, և Թուրքիան մեր տարածաշրջանում մեկ քայլ առաջ եկավ։

58
թեգերը:
Թուրքիա, Հայաստան, Ռուբեն Մելքոնյան (թուրքագետ)
Ըստ թեմայի
Թուրքիայում համաշխարհային պատերազմ է «եփվում»․ Վասերմանը կոչ է արել պատրաստվել վատագույնին
Թուրքիան ավիաբազաներ է ստեղծում ադրբեջանական երեք քաղաքում
Չավուշօղլուն ասել է` ինչպես են Թուրքիան և Ֆրանսիան փորձում կարգավորել հարաբերությունները
Արայիկ Հարությունյան, արխիվային լուսանկար

Արցախի շուրջօրյա էլեկտրամատակարարումը վերականգնված է, բայց մեկ խնդիր կա. Արցախի նախագահ

0
(Թարմացված է 10:04 17.01.2021)
Արցախում ամբողջությամբ վերականգնված է նաև գազամատակարարումը, իսկ կապի ու հեռահաղորդակցության բնագավառում դեռևս զգալի աշխատանքներ կան կատարելու:

ԵՐԵՎԱՆ, 17 հունվարի – Sputnik. Մարտունու շրջանի Բերդաշենի ենթաշրջանում ևս ավարտվել են էլեկտրաէներգիայի կանոնավոր մատակարարման ապահովմանն ուղղված աշխատանքները: Տեղեկությունը հայտնում է Արցախի նախագահ Արայիկ Հարությունյանը։

«Այսպիսով կարող ենք փաստել, որ հանրապետության բոլոր բնակավայրերում արդեն ընդհանուր առմամբ վերականգնված է շուրջօրյա էլեկտրամատակարարումը, և մնացել է վերջնականորեն կարգավորել համապատասխան հզորության ապահովման խնդիրը: Ամբողջությամբ վերականգնված է նաև գազամատակարարումը, իսկ կապի ու հեռահաղորդակցության բնագավառում դեռևս զգալի աշխատանքներ կան կատարելու»,– Facebook–ի իր էջում գրել է նա:

Հարությունյանը նշել է, որ պատերազմական գործողությունների հետևանքով ոչնչացվել կամ վնասվել էին Արցախի էլեկտրամատակարարման գրեթե բոլոր ենթակայաններն ու ցանցի բազմաթիվ հատվածներ: Այդուհանդերձ, համակարգի աշխատակիցների նվիրված ու արհեստավարժ աշխատանքի շնորհիվ անգամ պատերազմական թեժ պայմաններում հնարավոր է դարձել երաշխավորել կայուն էլեկտրամատակարարում բնակավայրերի հիմնական մասում:

Արցախի նախագահը երախտագիտություն է հայտնել ենթակառուցվածքային համակարգերի բոլոր այն աշխատակիցներին, որոնք, անտեսելով բոլոր վտանգներն ու դժվարությունները, նաև իրենց կյանքի գնով ապահովել են կենսական պայմաններն Արցախում:

Կորոնավիրուսը տարածվում է. Արցախի մի քանի համայնքներում ելումուտը սահմանափակվում է

 

0
թեգերը:
էլեկտրաէներգիա, Արցախի նախագահ Արայիկ Հարությունյան, Արցախ
Ըստ թեմայի
Պատերազմի հետքերն Արցախում. ջրամատակարարման որոշ ծրագրեր պետք է վերանայել
Լենա Նազարյանը համաձայն չէ, որ Արցախի տարածքները պետք է վերադարձնենք պատերազմի միջոցով
Ծրագրեր են սկսվել Արցախի վերահսկողությունից դուրս մնացած համայնքների բնակիչների համար