Էդգար Քալանթարյան

Նոր ծրագիր Տավուշում, կամ ինչ են ասել Իտալիայում, երբ տավուշցի պատանին հորովել է երգել

3583
(Թարմացված է 12:44 26.12.2020)
«Մխիթար» երիտասարդական կենտրոնի տնօրեն Էդգար Քալանթարյանը Sputnik Արմենիայի եթերում պատմել է սահմանամերձ Չորաթանում  իրականացվող հայ-իտալական համագործակցության արդյունքում իրականացվող նոր ծրագրի մասին և անդրադարձել կենտրոնի գործունեությունը։
««Մխիթար» երիտասարդական կենտրոնում մեծ ուշադրություն է դարձվում հայրենասիրական ոգու ձևավորմանը». Էդգար Քալանթարյան

Տավուշի մարզի սահմանամերձ  Չորաթան համայնքի դպրոցահասակ երեխաները 2021 թվականի հունվարից անվճար անգլերեն սովորելու հնարավորություն կունենան։ Գաղափարը «Մխիթար» երիտասարդական կենտրոնինն է, որի հիմնադիրները 2001 թվականին որոշեցին տարիների ընթացքում ձևավորված ընկերական հարաբերություններն ի շահ երկրի ծառայեցնել։ 

«Երեխաները հնարավորություն կունենան ուսումնասիրել օտար լեզուներ, կիրառել համակարգչային տեխնոլոգիաներ, որը կնպաստի այդ երեխաների կղզիացման վերացմանը»,- Sputnik Արմենիայի հետ զրույցում ասաց կենտրոնի տնօրեն Էդգար Քալանթարյանը։

Նա նշեց, որ երբ որոշել են կենտրոնը հիմնել, որտեղ հնարավոր կլիներ մատաղ սերնդին ազգային մշակույթին ավելի մոտիկից հաղորդակից դարձնել, օտար լեզուների ուսուցման դասասենյակ ունենալու մասին չէին էլ մտածել։ Այսօր էլ, տարիներ առաջ էլ, կենտրոնի գաղափարախոսությունը մեկն է` հայրենանվեր ու արժանապատիվ սերունդ դաստիարակել։

««Մխիթար» երիտասարդական կենտրոնում մեծ ուշադրություն է դարձվում հայրենասիրական ոգու ձևավորմանը։ Այստեղ գործում են հայկական ավանդական պարի, գորգագործության, ասմունքի, ճատրակի, գոբելենի, մակրամեի և այլ` թվով 15-16 խմբակներ»,- նշեց Քալանթարյանը։

Ծրագրի արդյունքում չորաթանցի երեխաները հնարավորություն ունեն հաղորդակից դառնալ իտալական մշակույթին, ինչպես նաև փոխայցելությունների շնորհիվ ներկայացնել մեր երկրի բազմադարյա մշակութային ժառանգությունը։

«Սպինելլիի դպրոցի հետ համագործակցության արդյունքում մեր երեխաները մի քանի օր եղան Իտալիայի տարբեր քաղաքներում և 2017 թվականին միասին աղոթք բարձրացրինք Սուրբ Մինասի եկեղեցում, միասին աղոթեցինք Սուրբ Մինասի շիրիմին և երբ մեր երեխաներից մեկը երգում էր հայկական հորովելը, պատասխանատուն մեզ ասաց` ննջիր խաղաղությամբ, սուրբ, քանի որ դու լսեցիր քո մայրենիով այս գեղեցիկ աղոթք-երգը»,-պատմեց կենտրոնի հիմնադիրը։

Հակապետական ու ապազգային. կառավարության ծրագրած արշավն ընդդեմ մայրենիի

Համագործակցության շրջանակում նաև իտալացիներն են սահմանամերձ համայնքներ այցելում։ Այցելություն նախատեսված էր նաև այս տարի, սակայն Covid-ն այստեղ էլ է իր սև գործն արել. Սկանդիչի համայնքապետի գլխավորությամբ Հայաստան նախատեսված այցը սահմանների փակ լինելու պատճառով ստիպված են եղել չեղարկել։

Հայաստանում կանցկացվի «Հայաստան. դարերի խորքից բխած հակամարտության կովկասյան ժողովուրդների միջև. ծագումը, ընթացքը և հեռանկարները» խորագրով կոնֆերանս
© Photo : provided by Edgar Kalantaryan
Հայաստանում կանցկացվի «Հայաստան. դարերի խորքից բխած հակամարտության կովկասյան ժողովուրդների միջև. ծագումը, ընթացքը և հեռանկարները» խորագրով կոնֆերանս

Ազգայինը տարածելուց զատ, կենտրոնը ևս մեկ կարևորագույն խնդիր է լուծում։ Խմբավարներից շատերը տարիներ առաջ այստեղ այցելած սաներն են, որոնք կենտրոնի աջակցությամբ վերապատրաստվել են և հայրենի Չորաթանում աշխատանք գտել։ Հետագայում, երբ համագործակցության եզրերն էլ ավելի խորանան, չի բացառվում, որ այստեղ նաև Երևանից ու դրսից մասնագետներ հրավիրեն դասավանդելու։ 

Իսկ մինչ այդ, տարին կամփոփեն երկկողմ կոնֆերանսով, որն ունի «Հայաստան. դարերի խորքից բխած հակամարտության կովկասյան ժողովուրդների միջև. ծագումը, ընթացքը և հեռանկարները» խորագիրը։

Հայաստանում կանցկացվի «Հայաստան. դարերի խորքից բխած հակամարտության կովկասյան ժողովուրդների միջև. ծագումը, ընթացքը և հեռանկարները» խորագրով կոնֆերանս
© Photo : provided by Edgar Kalantaryan
Հայաստանում կանցկացվի «Հայաստան. դարերի խորքից բխած հակամարտության կովկասյան ժողովուրդների միջև. ծագումը, ընթացքը և հեռանկարները» խորագրով կոնֆերանս

Դուդուկ նվագող ու հայերեն բանաստեղծություններ գրող հրեան, կամ սեր առաջին հայացքից

3583
թեգերը:
Իտալիա, Տավուշ, Չորաթան
Ըստ թեմայի
Լեզվաբանականում` օտար լեզու, տնտեսագիտականում` մաթեմատիկա. ինչպես են ընտրվել առարկաները
Ժամանակն է, որ դատավորների ու դատախազների համար պարտադիր լինի օտար լեզուներին տիրապետելը
Օտար լեզուների շարքում ռուսերենն ունի կարևոր ու առանձնահատուկ նշանակություն. Փաշինյան
Դավիթ Հարությունով

Մենք զիջում էինք Ադրբեջանին. փորձագետը` պատերազմի ժամանակ ունեցած սպառազինության մասին

55
Ե՞րբ և ո՞վ պետք է պատասխան տա պատերազմի հետևանքների համար. հետպատերազմյան շրջանում բոլորին հուզող կարևորագույն հարցերից մեկը մնում է օդում կախված։

Ռազմական փորձագետ Դավիթ Հարությունովը Դավիթ Գալստյանի, նույն ինքը «Պատրոն Դավիթի» վերաբերյալ կազմված քրեական գործերը մեկնաբանել չի ցանկանում։ Ասում է` տեղեկությունները շատ են, այս պահին դժվար է բոլորը վերլուծել։ Իսկ ահա նախապատերազմյան շրջանում զենք-զինամթերքի և ռազմական տեխնիկայի ձեռքբերման առումով ասելիք կա։ Նրա դիտարկմամբ, այն բավականին բարդ խնդիր է և ամենևին էլ մեծ աղմուկ հանած ՍՈւ-30-երով չի սահմանափակվում։

«Մի շարք ուղղություններով կան բավականին լուրջ բացթողումներ, որոնք եղել են մինչև պատերազմը և ձևավորվել են վերջին 10-15 տարվա ընթացքում»,- Sputnik Արմենիայի հետ զրույցում ասաց նա։

Նրա խոսքով`պատերազմը ցույց տվեց, որ օդուժը, որը ժամանակակից պատերազմների կարևորագույն բաղադրիչներից է, Հայաստանը չի զարգացրել։ Թեպետ 2018-ից այդ բացը լրացնելու փորձեր արվել են, սակայն, փաստ է, որ այդ հարցում Հայաստանը զիջում էր Ադրբեջանին։ 

Իսկ թե որքանով էր ճիշտ այդքան թանկարժեք ՍՈւ-30-եր գնել այն դեպքում, երբ կոնֆլիկտը շատ մոտ էր, ըստ փորձագետի, այն բավականին լուրջ հարցեր է առաջացնում։ Բայց պատերազմը ցույց տվեց, որ բանակը նաև էժանագին ու պարզունակ միջոցների խնդիր ուներ, որոնք պատերազմի շեմին կանգնած երկրում պետք է առաջնահերթ լուծում ստանային։

«Անհատական պաշտպանության միջոցներ, քնապարկերի հայտնի պատմությունը, հակատանկային միջոցներ. ցանկը բավականին երկար է, էլի կարելի է թվարկել։ Տրամաբանական կլիներ այդ լոկալ ու ավելի էժան հարցերը լուծել, հետո ամբիզցիոզ ՍՈւ-30-երին անցնել»,- նշեց Հարությունովը։

Հետպատերազմյան շրջանում բոլորին հուզող կարևորագույն հարցերից մեկը`երբ և ով պետք է պատասխան տա, մնում է օդում կախված. այն ենթադրում է որոշակի հետաքննություն, մինչդեռ ո՛չ գործողները, ոչ էլ ընդդիմադիրները իշխանության գալու դեպքում ի զորու չեն օբյեկտիվ քննություն անցկացնել։

Ուզում եք լսել, ուրեմն բռնվեք... բանակի սպառազինությունների թեման բորբոքվում է նոր թափով

Փորձագետի դիտարկմամբ` մի դեպքում գործ կունենանք կողմնակալության, երկրորդ դեպքում`հաշվեհարդարի հետ, մինչդեռ այդ հետաքննությունը ոչ այնքան պատասխանատվության առումով է կարևոր, որքան խնդիրների վերհանման, դրանք շտկելու ճանապարհները նախանշելու համար։

Նշենք, որ ՀՀ պաշտպանության նախկին նախարար Դավիթ Տոնոյանը «Մեդիամաքսին» տված հարցազրույցում մեկնաբանել է հանրային ու քաղաքական շրջանակներում բուռն քննարկման առարկա դարձած բազմաթիվ հարցեր, խոսել պատերազմում կրած պարտության, դրա հետևանքների ու մեղավորներին պատասխանատվության ենթարկելու մասին։

55
թեգերը:
Դավիթ Հարությունով (ռազմական փորձագետ), սպառազինություն, Ադրբեջան, Հայաստան, Արցախյան պատերազմ
Ըստ թեմայի
Ե՛վ պատերազմը կանգնեցնել, և՛ Շուշին պահել․ որն էր Հայաստանի իշխանության հիմնական սխալը
Ով ինչ ստացավ պատերազմից հետո. նախկին փոխվարչապետը վերլուծել է պատճառներն ու հետևանքները
Սոցիալական աջակցության ինչ տարբերակներ կան պատերազմից տուժածների համար
Սուրեն Պարսյան

Հնարավոր է՝ ՀՀ-ի պետական պարտքը հատի 10 միլիարդ դոլարի սահմանը. Սուրեն Պարսյան

27
(Թարմացված է 23:09 25.01.2021)
ՀՅԴ Բյուրոյի տնտեսական հետազոտությունների գրասենյակի պատասխանատու Սուրեն Պարսյանը Sputnik Արմենիայի եթերում անդրադարձել է այն տեղեկությանը, ըստ որի` Հայաստանը ծրագրում է 10-ամյա եվրապարտատոմսեր տեղաբաշխել դոլարով։
Պարսյան. «Մեր կառավարությունը, ըստ էության, նստած է «պարտքային ասեղի» վրա»

Սուրեն Պարսյանի դիտարկմամբ` եվրապարտատոմսերի հիմնական նպատակը պետական բյուջեն լրացուցիչ գումարներով ապահովելն է, ինչի միջոցով կֆինանսավորվեն ընթացիկ ծախսերը։ Ըստ նրա` մենք թռիչքաձև զարգացում կամ տնտեսական աճ չենք ունենալու այդ պարտատոմսերով, քանի որ դրանց շնորհիվ կհատկացվեն թոշակներ, աշխատավարձեր, պարգևատրումներ, պետական ապարատի պահպանման համար նախատեսված գումարներ։

«Ակնհայտ է, որ մենք տնտեսական աճ ապահովող գործոններ այս պահին չենք նախատեսում, հետևաբար հաջորդ տարիների ընթացքում չենք կարողանալու տնտեսությունը զարգացնել, որպեսզի գան լրացուցիչ եկամուտներ և դրա շնորհիվ պարտքերը փակենք։ Արդեն պաշտոնական վիճակագրության համաձայն` 2020 թվականի դեկտեմբերի 31-ի դրությամբ մեր պետական պարտքը հասել է 8 միլիարդ դոլարի, այս տարի պետական բյուջեի շրջանակներում լրացուցիչ 1 միլիարդի չափով պարտք ևս կավելանա, ինչին գումարվելու է նաև պատերազմի ընթացքում զենքի ձեռքբերման համար նախատեսված վարկը, ուստի հնարավոր է, որ այս տարվա ընթացքում անցնենք նույնիսկ 10 միլիարդի սահմանը»,– նշեց տնտեսագետը։

Պարսյանի կարծիքով` այս իրավիճակում պետք է լուրջ վերանայենք մեր ֆինանսական քաղաքականությունը, այդ շրջանակներում կարողանանք ներքին ֆինանսական աղբյուրները բացահայտել։ Ըստ նրա` հնարավոր է անցնել պրոգրեսիվ հարկման, որի պայմաններում պետք է գործի «շատից շատ, քչից քիչ» սկզբունքը։ 

«Գործող իշխանությունները դրան հակառակ քայլեր են ձեռնարկում, բարձր եկամտաբեր ոլորտների, հարուստների, բարձր աշխատավարձ ստացողների հարկերը նվազեցրին, բայց դրա հաշվին ավելացրին պետական պարտքը, ինչը սխալ քաղաքականություն է։ Սա տանելու է նրան, որ Հայաստանը պարտադրված ընդունելու է Արժույթի համաշխարհային կազմակերպության, Համաշխարհային բանկի պարտադիր պայմանները, ինչի արդյունքում առողջապահությունը, կրթությունը անցնելու են ավելացված արժեքի լրացուցիչ հարկման»,– նշեց տնտեսագետը։

Նրա գնահատմամբ` գները կավելանան, ծառայությունները կթանկանան, կրթությունն ու առողջապահությունը կդառնան անմատչելի, հետևաբար Հայաստանը գնալով մտնում է ֆինանսատնտեսական լուրջ ճգնաժամի մեջ, կառավարությունն ըստ էության նստած է պարտքային ասեղի վրա, օր օրի պետական պարտքն ավելանում է և դառնում անկառավարելի ու բարձր ռիսկային, և այս կերպ շարունակվելու դեպքում Արժույթի միջազգային կազմակերպությունը կվերանայի մեր նկատմամբ բոլոր պահանջները, վարկանիշները, ինչի արդյունքում վարկային միջոցները մեզ համար կդառնան ավելի թանկ, Հայաստանի վարկունակությունը կնվազի։

Հայաստանի պետական պարտքը 2026 թվականին կրկին կնվազի ՀՆԱ–ի 60%-ից․ ԱՄՀ

27
թեգերը:
Հայաստան, պետական պարտք, Սուրեն Պարսյան
Ըստ թեմայի
Ինչպես Բայդենի քաղաքականությունը կազդի աշխարհի, այդ թվում` Հայաստանի տնտեսության վրա
Հայաստանի պետական պարտքը պատերազմի օրերին էլ շարունակում է սպասարկվել
«Հայաստան» հիմնադրամից կառավարությանը տված գումարը պետք է լինի պարտքի տեսքով. ՀՀ նախագահ
Մերկասառույց

10 մեքենաներ արգելափակվել էին ձյան մեջ․ փրկարարներն օգնություն են ցուցաբերել

0
(Թարմացված է 00:04 26.01.2021)
Արգելափակված մեքենաները եղել են Գեղարքունիքի, Արագածոտնի և Կոտայքի մարզերում։

ԵՐԵՎԱՆ, 26 հունվարի – Sputnik. Վերջին մեկ օրվա ընթացքում փրկարարները հանրապետության տարբեր հատվածներում արգելափակումից մեքենաներ են դուրս բերել։ Տեղեկությունը հայտնում է ԱԻՆ մամուլի ծառայությունը։

«Հունվարի 24-ից 25-ն ԱԻՆ ՓԾ ճգնաժամային կառավարման ազգային կենտրոնում 10 ահազանգ է ստացվել հանրապետության տարբեր տարածքներում ձյան մեջ արգելափակված ավտոմեքենաների վերաբերյալ»,- նշված է հաղորդագրության մեջ։

Մասնավորապես, արգելափակված մեքենաները եղել են Գեղարքունիքի մարզի Գավառ, Վարդենիս, Վայոց ձորի մարզի Ջերմուկ, Արագածոտնի մարզի Ապարան քաղաքներում, Ջամշլու գյուղում, Կոտայքի մարզի Գեղարդ գյուղում, Ալագյազ-Վարդաբլուր ավտոճանապարհին։

Դեպքի վայր ժամանած փրկարարներն արգելափակումից դուրս են բերել 10 ավտոմեքենա։ 9 քաղաքացու ցուցաբերվել է համապատասխան օգնություն։

0
թեգերը:
ավտոմեքենա, ձյուն, Ճանապարհ
թեմա:
Վթար, պատահար, սպանություն, գողություն
Ըստ թեմայի
Գորիս-Տաթև ճանապարհը բքի պատճառով փակ է
Մի քանի օր շարունակ ձյուն չի տեղա. եղանակի տեսություն
Առատ ձյուն, ավտոերթ, դատ, հերոս-եղբայրներ. շաբաթվա տպավորիչ լուսանկարները