Իվետա Տոնոյան

Նաիրա Զոհրաբյանին ուզում են լռեցնել. Տոնոյանը` «Իմ քայլի» նախաձեռնության մասին

180
(Թարմացված է 19:58 25.12.2020)
ԲՀԿ–ական պատգամավոր Իվետա Տոնոյանը Sputnik Արմենիայի եթերում անդրադարձել է «Իմ քայլի» նախաձեռնությանը, որով առաջարկվում է դադարեցնել Նաիրա Զոհրաբյանի լիազորությունները ԱԺ Մարդու իրավունքների պաշտպանության և հանրային հարցերի մշտական հանձնաժողովի նախագահի պաշտոնում։
Տոնոյան. «Նաիրա Զոհրաբյանի դեմ իրականացվում է քաղաքական հետապնդում»

ԱԺ «Բարգավաճ Հայաստան» խմբակցության պատգամավոր Իվետա Տոնոյանի կարծիքով` իշխանությունն այս քայլով հերթական անգամ ապացուցում է, որ իր ձեռքի տակ եղած բոլոր հնարավոր և անհնարին լծակներն օգտագործելով`պարզապես իրականացնում է քաղաքական հետապնդում և անում քաղաքական ընդդիմախոսներին լռեցնելու փորձեր։

«Տիկին Զոհրաբյանը ֆեյսբուքյան իր էջում անձնական կարծիք է արտահայտում այս կամ այն հարցի առթիվ և հնչեցրած անձնական կարծիքը որպես քաղաքական հետապնդում օգտագործելն ու Նաիրա Զոհրաբյանին ԱԺ հանձնաժողովի նախագահի մանդատից զրկելու փորձը տեղավորվում է քաղաքական ընդդիմախոսներին լռեցնելու տրամաբանության մեջ»,– Sputnik Արմենիային ասաց ԱԺ «Բարգավաճ Հայաստան» խմբակցության պատգամավորը։

Տոնոյանն իշխանության ներկայացուցիչներին խորհուրդ է տալիս նույն ջանասիրությամբ հետևել սեփական գործընկերների, իրենց խմբակցության ներկայացուցիչների թե՛ հրապարակային հայտարարություններին, թե՛ ֆեյսբուքյան գրառումներին։

Նա շեշտում է` Զոհրաբյանն իր անձնական տեսակետն է արտահայտել ֆեյսբուքյան անձնական էջում, ոչ թե հանձնաժողովի ֆեյսբուքյան էջում։

Տոնոյանի տեղեկացմամբ` հարցն իրենց խմբակցությունում դեռ չեն քննարկել, և եթե նման բան տեղի ունենա, ապա գործընկերներին կտեղեկացնեն այդ մասին։

Հիշեցնենք` ԱԺ նախագահին «Իմ քայլի» ներկայացրած որոշման նախագիծն արդեն հրապարակվել է ԱԺ–ի պաշտոնական կայքում։
Հետաքրքրական է, որ որպես իր առաջարկի հիմնավորում` իշխող խմբակցությունը վկայակոչում է Նաիրա Զոհրաբյանի ֆեյսբուքյան գրառումները։ Ըստ նախագծի` Զոհրաբյանը դեկտեմբերի 17-ին Facebook-ում գրել է. «Ես ատում եմ քեզ, ժեխ, որ իշխանության բերեցիր քո նմանին, ով դանդաղ փակում է մեր պետականության էջը»։

 

180
թեգերը:
Իվետա Տոնոյան, «Իմ քայլը» խմբակցություն, Հայաստան
Ըստ թեմայի
Խնդիրն իշխանություն–ընդդիմություն կոնֆլիկտի մեջ չէ. Վահե Հովհաննիսյանը` ճգնաժամի մասին
Երևանում մեկնարկել են անհնազանդության ակցիաները. ընդդիմությունը փակում է փողոցները
Քաշքշուկ Սայաթ-Նովա փողոցում. ընդդիմությունը փակել է Սարալանջի ճանապարհը
Գոռ Մադոյան

Համավարակի տեսքով ֆորսմաժորային վիճակը կարող է խառնել բոլորի խաղաքարտերը. Մադոյան

26
(Թարմացված է 23:38 18.01.2021)
«Օրբելի» հետազոտական կենտրոնի վերլուծաբան Գոռ Մադոյանը Sputnik Արմենիայի եթերում անդրադարձել է Հայաստանում գարնանն արտահերթ խորհրդարանական ընտրություններ անցկացնելու հեռանկարին, ինչպես նաև «Իմ քայլի» պատգամավորների վարքագծին, որոնք լքում են խմբակցությունը։ 
Մադոյան. «Արտահերթ ընտրությունների կոնկրետ ժամկետների մասին խոսելն այս պահին ճիշտ չէ»

Գոռ Մադոյանի դիտարկմամբ` եթե երկրում կորոնավիրուսի պատճառով սահմանափակումները խստացվեն կամ համաճարակի նոր ալիք սկսվի, ընտրություններ չեն կարող անցկացվել։ Ըստ նրա` ներկա պահին արտահերթ ընտրություններն անհրաժեշտ են և պետք է անցկացվեն հնարավորինս շուտ, քանի որ երկիրը քաղաքական առումով վերբեռնման կարիք ունի, սակայն առկա է ֆորսմաժորային իրավիճակ համավարակի տեսքով, ինչը կարող է խառնել բոլորի քաղաքական խաղաքարտերը։ 

«Այդ առումով խոսել արտահերթ ընտրությունների կոնկրետ ժամկետների մասին ճիշտ չէ։ Շատ ավելի տրամաբանական է, որ եթե ամեն ինչ գնա այս տեմպերով, այսիքն` համաճարակային վիճակը թուլանա և քաղաքական ուժերը, գոնե դրանց մեծամասնությունը այս կամ այն կերպ գան կոնսենսուսի, նույնիսկ լռելյայն կոնսենսուսի` առանց հայտարարությունների, գուցե այդ դեպքում լինեն ընտրություններ, բայց կոնկրետ ժամկետների առումով կան բազմաթիվ հարցականներ, որոնք պայմանավորված են տարբեր հանգամանքներով և հնարավոր չէ դրանք բոլորը հաշվարկել»,– նշեց վերլուծաբանը։ 

Անդրադառնալով «իմքայլական» պատգամավորների խմբակցությունից դուրս գալու խնդրին` Մադոյանն ընդգծեց, որ «Իմ քայլը» դաշինքն ԱԺ–ում մեծամասնություն է, ձևավորվել է հեղափոխության արդյունքում և ընդհանուր էյֆորիայի տակ այնտեղ բավականին տարասեռ պատգամավորներ են հայտնվել, որոնք կուսակցական կուռ համակարգ չեն տեսել։ Ուստի շատ բնական է, որ երբ նվազել է հանրային լեգիտիմությունը պատերազմից հետո, նրանք պետք է դուրս գային խմբակցությունից և ներկայանային որպես անկախ պատգամավորներ։

Վերլուծաբանի կարծիքով` անկախ պատգամավորների ինստիտուտը խնդրահարույց է։ Ըստ նրա` եթե պատգամավորները կուսակցություններ չեն ձևավորելու և եթե խոսվում է ամբողջովին համամասնական ընտրակարգի անցնելու մասին, հետևաբար անկախ պատգամավորների պարագայում ռեյտինգայինի գաղափարն, ըստ էության, այլևս չի գործի։

Մադոյանի խոսքով` նրանց, ովքեր 2018 թվականին ընդունում էին պատգամավորական մանդատն ու նշում, որ ծառայում են մեկ գաղափարի և կիսում են նույն քաղաքական ծրագիրը, իհարկե ոչ ոք չէր խոստացել, որ քաղաքական պատասխանատվությունը միշտ պետք է լինի քաղցր ու ցանկալի։ Նրանք կիսում էին միայն լավը, իսկ վատի դեպքում հեռացան պատասխանատվությունից։ 

Ինչի՞ համար էր վարչապետը հանդիպել ԱԺ «Իմ քայլը» խմբակցության հետ․ Մակունցը մանրամասնում է

26
թեգերը:
«Իմ քայլը» խմբակցություն, Պատգամավոր, խորհրդարան, Ընտրություններ
Ըստ թեմայի
Սոֆյա Հովսեփյանը երկար մտածելուց հետո որոշել է դուրս գալ «Իմ քայլը» խմբակցությունից
Ինչո՞ւ են իշխանական պատգամավորները լքում «Իմ քայլը» խմբակցությունը
Ովքեր են արցախյան իրադարձությունների ֆոնին լքել «Իմ քայլը»
Լարիսա Ալավերդյան

ՌԴ–ն փորձում է հստակություն մտցնել ՀՀ իշխանության փոխարեն. Լավրովի հայտարարության հետքերով

61
Հայաստանի առաջին օմբուդսման, «Ընդդեմ իրավական կամայականության» ՀԿ նախագահ Լարիսա Ալավերդյանը Sputnik Արմենիայի եթերում անդրադարձել է ՌԴ արտգործնախարար Սերգեյ Լավրովի` հայ գերիների մասին արած հայտարարությանը։
ՌԴ-ն փորձում է հստակություն մտցնել ՀՀ իշխանության փոխարեն. Լարիսա Ալավերդյանը` Լավրովի հայտարարության մասին

Ադրբեջանում գտնվող հայ գերիների մասին Լավրովի հայտարարությունը հայ հասարակությանն իրազեկելու փորձ է։ Sputnik Արմենիայի հետ զրույցում նման կարծիք հայտնեց Հայաստանի առաջին օմբուդսման, «Ընդդեմ իրավական կամայականության» ՀԿ նախագահ Լարիսա Ալավերդյանը։ 

«Հայաստանի պատկան մարմինների անգործության կամ ամբողջական տեղեկություն չտրամադրելու հետևանքով  առաջ են գալիս տարբեր ասեկոսեներ և տարակարծություններ, քանի որ նրանք չեն տրամադրում ամբողջական և կոնկրետ տեղեկություններ»,- ասաց նա։ 

Ալավերդյանի խոսքով` ՌԴ արտգործնախարարը որոշել է պարզություն մտցնել այդ հարցում`Հայաստանի իշխանությունների փոխարեն։

Գաղտնիք չէ, որ բոլոր ծնողները չէ, որ իրազեկված են` իրենց զավակները գերեվարված են, թե ոչ, ողջ են, թե մահացած. իշխանությունը վախենում է նրանց ամբողջական թիվը հրապարակել։

«Դա կարող է լինել մի պատկառելի թիվ և հնարավոր է` շատ ավելի մեծ բողոքի ալիք բարձրացնի հասարակության կողմից. Կարծում եմ` իրենք տալիս են մաս-մաս այդ տեղեկությունը, և դա քաղաքականություն է, որը ես համարում եմ անտեղի»,- նշեց նա։

Ալավերդյանի կարծիքով` Ադրբեջանում գտնվող բոլոր գերիները պետք է վերադարձվեն բանակցային ճանապարհով, որից հետո միայն դրանց կտրվի իրավական գնահատական։

Ռուսաստանն ուզում է լուծել գերիների հարցը․ Լավրովը մանրամասներ է հայտնել

Հիշեցնենք` 2020 թվականի ամփոփիչ ասուլիսում Ռուսաստանի արտաքին գործերի նախարար Սերգեյ Լավրովն այսօր` հունվարի 18–ին, անդրադարձավ նաև հայ գերիների խնդրին և նշեց, որ հայակական կողմից ներկայացված ցուցակներն ամբողջական չեն և այժմ կողմերն աշխատում են դրանց ճշգրտման ուղղությամբ։

Լավրովն «էկզոտիկ» է համարել Ղարաբաղը Ռուսաստանի կազմ մտցնելու առաջարկը

61
թեգերը:
Արցախ, գերի, Լարիսա Ալավերդյան, Սերգեյ Լավրով
Ըստ թեմայի
Պատճառ չկա, որ Հայաստանի պաշտոնյաները չայցելեն Ղարաբաղ. Լավրով
Արցախի կարգավիճակը միտումնավոր չի հիշատակվել նոյեմբերի 9-ի հայտարարության մեջ․ Լավրով
«Նոր պատերազմ՝ նոր տարածքներ». Լավրովը կոչ արեց զգացմունքային հայտարարություններ չանել

Պարենային ինքնաբավության խնդիրն Արցախում դժվար թե լուծվի առկա հողատարածքներով. Ավետիսյան

0
(Թարմացված է 23:51 18.01.2021)
«Ամբերդ» հետազոտական կենտրոնի ավագ փորձագետ, տնտեսագիտության դոկտոր, պրոֆեսոր Սամվել Ավետիսյանը Sputnik Արմենիայի հետ զրույցի ընթացքում խոսել է պարենային անվտանգության խնդիրների մասին, որոնք ավելի ցցուն են դարձել արցախյան պատերազմից հետո։

Սամվել Ավետիսյանի դիտարկմամբ` պարենային անվտանգությունը դարձել է ամենակարևոր հիմնախնդիրներից մեկը, և Հայաստանին պատուհասած երկու արհավիրքները` համավարակն ու պատերազմն էական ազդեցություն են թողել պարենային անվտանգության վրա։

«Սկզբում կորոնավիրուսը խաթարեց հասարակական կյանքի ռիթմը, իսկ հետո արցախյան պատերազմն իր հետ բերեց զգալի կորուստներ, մասնավորապես Արցախի գյուղնախարարի վկայությամբ` հողատարածքների 75 տոկոսն անցավ թշնամուն։ Եթե հաշվի առնենք, որ Արցախում գյուղատնտեսական նշանակության հողատարածքների 90 տոկոսը դրված էր հացահատիկի ու հատիկաընդեղենային մշակաբույսերի տակ, ապա պարզ է դառնում, թե որն է կորուստի առյուծի բաժինը»,– նշեց տնտեսագետը։

Ավետիսյանը ևս մեկ անգամ հիշեցրեց, որ մեր պարենային պաշարները համալրվում էին նաև Արցախից եկած ցորենով, քանզի տարեկան ներկրվում էր 30 հազար տոննա ցորեն, 18 հազար տոննա գարի, և հիմա քիչ է ասել, որ պաշարներն այլևս չեն գա, որովհետև, Ավետիսյանի կանխատեսմամբ, կստեղծվի մի իրավիճակ, երբ ստիպված կլինենք արդեն մեր բաժնից մաս հանել Արցախի համար։

Մասնագետի համոզմամբ`պարենային ինքնաբավության խնդիրն Արցախում դժվար թե լուծվի պատերազմից հետո մնացած հողատարածքներով։ Նա անդրադարձավ Հայաստանի և Արցախի պարենային հաշվեկշռի կազմման մեթոդաբանությանը, ինչպես նաև պարենային ինքնաբավությանը միտված պետական քաղաքականությանը` խոսելով գործարարների հետ կնքվելիք ֆյուչերսային, այսինքն` ապագային միտված պայմանագրերի անհրաժեշտության մասին։

0
թեգերը:
Սամվել Ավետիսյան, Պատերազմ, կորոնավիրուս, Արցախ
թեմա:
Sputnik զրույց
Ըստ թեմայի
Երբ ուղիղ մահվան աչքերին ես նայում, կամ սարկավագ Քամալյանի պատերազմական պատմությունները
Մինչև ապրիլ բան չի փոխվի. տնտեսագետը հուշում է` ինչ է պետք անել կյանքը լավացնելու համար
«Փաշինյանը նվազագույնը 38,4 մլրդ դոլարի վնաս է հասցրել Հայաստանին». Մեսրոպ Մանուկյան
Արցախ վերադարձած ընտանիքները կշարունակեն ապահովվել պարենամթերքով և անհրաժեշտ պարագաներով