Գագիկ Ղազինյան

Վարչապետի գործունեությունը սպառնում է պետության շահին, հնարավոր չէ սպասել. Ղազինյան

277
(Թարմացված է 17:22 25.12.2020)
Իրավաբանական գիտությունների դոկտոր, պրոֆեսոր, ՀՀ ԳԱԱ ակադեմիկոս Գագիկ Ղազինյանը Sputnik Արմենիայի եթերում անդրադարձել է 20 իրավաբան–գիտնականների նամակին, որոնք ՀՀ գլխավոր դատախազ Արթուր Դավթյանին ներկայացրել են վարչապետ Նիկոլ Փաշինյանին ձերբակալելու հանրային պահանջ։
Ղազինյան. «Իրավաբանների հանրային պահանջը բացարձակապես չի կարող դիտվել որպես հեղաշրջման փորձ»

Գագիկ Ղազինյանի դիտարկմամբ` եթե լիներ սովորական, ավարտված հանցագործություն և չունենար վտանգավոր շարունակություն, եթե չլիներ նման ենթադրություն կամ համոզմունք, որ այն շարունակվում է, ապա ձերբակալումը նման շեշտադրում չէր ունենա, այլ կլիներ որպես մեղադրյալ ներգրավել, գործը քննել, ապացուցել, հիմնավորել դավաճանությունը և այլն։ Ըստ նրա` քանի որ տարածքների հանձնման գործընթացը շարունակվում է և այլ տարածքներ ընդգրկելու լուրջ միտումներ ունի, ուստի այդ պատճառով էլ իրավաբանները դիմել են, որպեսզի վարչապետն անհապաղ ձերբակալվի, որպեսզի կասեցվի նրա պաշտոնավարումը, և դրանով իսկ կասեցվեն հետագա ոչ բարենպաստ, ոչ հայանպաստ, ոչ հայաստանանպաստ զարգացումները։ 

«Իրավական հիմքերի մասին շատ–շատ է խոսվել մասնագետների, քարտեզագետների, իրավաբանների, քաղաքագետների հետ։ Հիշեցնեմ ևս մեկ անգամ, որ որևէ իրավական ակտ` միջազգային պայմանագիր, ՀՀ ներպետական սահմանների մասին օրենք գոյություն չունի, որ կանոնակարգի այս ձևով սահմանների հաստատումն ու հողերի հանձնումը։ Եթե կա ինչ–որ բան, ապա դա հանրության համար անհայտ է, ուստի որևէ պայմանավորվածություն չի կարող լինել իրավական՝ լինի դա բանավոր, թե գրավոր»,– նշեց ՀՀ ԳԱԱ ակադեմիկոսը։ 

Ղազինյանի համոզմամբ` բոլոր պայմանավորվածությունները ձեռք են բերվել ոչ թե պատերազմից հետո, այլ ավելի առաջ, որովհետև ըստ տարբեր աղբյուրների` ադրբեջանցի զինվորականները կամ հողերի հավակնություններ ունեցող պաշտոնյաները, որոնք ներկայանում են մեր բնակիչներին, ցույց են տալիս հայալեզու քարտեզներ, որոնցում նշված է, որ տվյալ գյուղը կամ գյուղի մի մասը պատկանում է Ադրբեջանին։ 

Նիկոլ Փաշինյանի հրաժարականը օրերի հարց է․ Արսեն Բաբայան

«Հասկանու՞մ եք, դա հնարավոր չէր անել մեկ օրում կամ մեկ ժամում։ Դա վաղօրոք նախապատրաստված էր, նախապես գծված, թե ինչը պետք է տրվեր, ինչը` ոչ։ Երևի թե այդ հատվածում ադրբեջանցիների կամքին համահունչ չվերջացավ պատերազմը և նրանք կցանկանային ամբողջությամբ լուծվեր հարցը, որ ընդհանրապես խնդիրներ չծագեին։ Ի դեպ, դրանք լոկ տարածքներ չեն, այլ պլացդարմ են պատրաստում հաջորդ պատերազմի համար, որն իրադարձությունների նման ընթացքի դեպքում կդառնա անխուսափելի, որովհետև թիրախը Սյունիքն է, իսկ գերնպատակը Նախիջևանը ցամաքով Ադրբեջանին միացնելը»,– նշեց ՀՀ ԳԱԱ ակադեմիկոսը։ 

Ղազինյանի գնահատմամբ` իրավաբանների հանրային պահանջը բացարձակապես չի կարող դիտվել որպես հեղաշրջման փորձ, որովհետև դրան հետևող գործընթացները պետք է լինեն Ազգային ժողովում. ոչ ոք իշխանություն չի զավթում։ Ըստ նրա` վարչապետի գործունեությունը սպառնում է պետության շահին, հնարավոր չէ սպասել, և դա զուտ իրավական գործընթաց է։   

Հիշեցնենք, որ իրավաբան–գիտնականների նամակում նշված է, որ ՀՀ և ԱՀ միջև միջազգային պայմանագրի ստորագրման փոխարեն Հայաստանի և Ադրբեջանի հետ արտաքին սահմանը տեղորոշվում է սոսկ ձեռք բերված` մեր երկրի հանրության համար ոչ հասանելի, գաղտնի, երկկողմ, բանավոր (կամ գրավոր) համաձայնության հիմքով, որի ուժով վարչապետ Նիկոլ Փաշինյանի անմիջական ղեկավարությամբ Ադրբեջանի վերահսկողության տակ են անցնում ՀՀ ինքնիշխան տարածքի այնպիսի կարևոր և անվտանգության գոտի համարվող ենթակառուցվածքներ, ինչպիսիք են մայրաքաղաքը Սյունիքի մարզի հետ կապող Գորիս–Կապան ավտոճանապարհի մի մասը, ոսկու մեծ պաշար ունեցող Սոթքի հանքավայրի մեծ մասը, ռազմավարական նշանակության դիրքեր և բարձունքներ։

277
թեգերը:
Ձերբակալություն, դատախազ, Վարչապետ, Գագիկ Ղազինյան
թեմա:
Իրադրությունը Հայաստանում և Արցախում հայտարարության ստորագրումից հետո (798)
Ըստ թեմայի
Վարչապետի գրառումը ևս մեկ ապացույց էր, որ դատախազությունը Փաշինյանի խամաճիկն է. Ալումյան
Դատախազության շենքի մոտ հավաքված քաղաքացիները պահանջում են քրգործ հարուցել Փաշինյանի դեմ
Դատախազներն անօրինական որոշումների չեն գնալու. պաշտոնանկություններ կլինե՞ն. «Ժողովուրդ»
Փոքրիկ տեղեկատվական սադրանք. դատախազի խորհրդականը հերքում է դիմումների մասին լուրը
Շուշիի արդեն նախկին քաղաքապետ Արծվիկ Սարգսյան

Ինչո՞ւ Փաշինյանն այդքան չի սիրում Շուշին. Սարգսյանը` վարչապետի աղմկոտ հայտարարության մասին

16
Շուշիի արդեն նախկին քաղաքապետ Արծվիկ Սարգսյանի հետ Sputnik Արմենիայի եթերում զրուցել ենք նախօրեին ՀՀ վարչապետ Նիկոլ Փաշինյանի՝ Շուշիի հայկական լինել-չլինելու վերաբերյալ դիրքորոշման շուրջ։ 
Ինչո՞ւ Փաշինյանն այդքան չի սիրում Շուշին. Շուշիի արդեն նախկին քաղաքապետը` վարչապետի աղմկոտ հայտարարության մասին

ԱԺ բարձր ամբիոնից Շուշիի մասին հայտարարությունը բարկացրել է հայոց հինավուրց բերդաքաղաքի նախկին քաղաքապետ Արծվիկ Սարգսյանին։ Թշնամու ջրաղացին ջուր լցնելը նա առնվազն մեծագույն սխալ է համարում։ Ո՞վ չգիտի, որ սովետական տարիներին Շուշիում շատ ադրբեջանցիներ են բնակվել։ 

«Եթե Շուշին ադրբեջանցիներով բնակեցված է եղել, ապա Քարին Տակում, Հադրութում, Ավետարանոցում, Սղնախում ադրբեջանցի չի եղել։ Ինչո՞ւ այդ հարցերը չեն բարձրաձայնում, ինչո՞ւ չեն ասում, որ դրանք հայկական են եղել, իսկ հիմա ադրբեջանցիներն են այնտեղ»,- Sputnik Արմենիայի հետ զրույցում ասաց նա։

Նախկին քաղաքապետն ասում է` պետք չի Ալիևին հաճոյանալու համար նոր դեպրեսիայի մեջ գցել առանց այն էլ ճնշված ու ընկճված հայ ժողովրդին։ Փոխարենն առաջարկում է նույն ոգևորությամբ ու պատրաստակամությամբ հիշել ու հիշեցնել հայկական Նախիջևանի, Գետաշենի, Շահումյանի ու Արծվաշենի մասին։

«Չէ՞ որ 1920 թ-ի կոտորածից հետո սկսել են Շուշին հայաթափել։ Ինչու՞ վարչապետը չի խոսում Նախիջևանի, Գետաշենի, Շահումյանի մասին, թող դրանց մասին էլ բարձրաձայնի, որ Ալիևն իմանա, որ դա էլ մերն է, մենք էլ պահանջատեր ենք դրանց համար»,- նշեց Սարգսյանը։

Նրա խոսքով` թե՛ ադրբեջանցիներով բնակեցված, թե՛ դժբախտ ու դժգույն քաղաք լինելու Փաշինյանի հայտարարությունները նպատակաուղղված են և չեն կարող պատմության չիմացության հետևանք լինել։ Իսկ այդ հայտարարություններից հետո նախկին համայնքապետին այլ բան չի մնում, քան մտածել, որ Շուշիի անկումն էլ մտացածին է եղել։

«Կարծում եմ, որ Շուշին հանձնել են։ Երբ կռվում էինք, չէի մտածում, որ այդպիսի բան կարող է լինել, չնայած մարդիկ ասում էին, որ Շուշին հանձնված է, բայց ես չէի ընդունում դա, բայց այսօր արդեն փաստ է դառնում, որ այն պլանավորված է եղել»,- հավելեց նախկին քաղաքապետը։

Հիշեցնենք` հունվարի 20-ին վարչապետ ՀՀ Նիկոլ Փաշինյանը ԱԺ-ում կառավարության անդամների հետ հարցուպատասխանի ժամանակ, պատասխանելով ԲՀԿ–ական պատգամավոր Նաիրա Զոհրաբյանին, հայտարարեց, որ Շուշին հակամարտությունից և ազատագրումից առաջ ունեցել է 90 և ավելի տոկոս ադրբեջանական բնակչություն, ապա հռետորական հարց հնչեցրեց`ուզում եք ասել, որ 90 և ավելի տոկոս ադրբեջանական բնակչություն ունեցող Շուշին հայկակա՞ն է իր այդ կարգավիճակով։ 

16
թեգերը:
Արցախյան պատերազմ, Նիկոլ Փաշինյան, Շուշի
Ըստ թեմայի
Արցախի Ասկերանի, Մարտունու, Մարտակերտի և Շուշիի շրջաններում բնակելի տներ կտրամադրվեն
«Շուշին ծախածն ընդդեմ Շուշին ազատագրածների». բողոքի ակցիա` Քոչարյանի դատական նիստից առաջ
Ալիևը կնոջ հետ Շուշի է այցելել. նա սկիզբ է դրել Ֆիզուլիի օդանավակայանի շինարարությանը
Ամատունի Վիրաբյան

Վիճելի տարածքների, Սոթքի հետ կապված քարտեզները սկանավորել են և ուղարկել նախարարություններ

99
(Թարմացված է 16:00 21.01.2021)
Ազգային արխիվի նախկին տնօրեն Ամատունի Վիրաբյանը Sputnik Արմենիայի եթերում անդրադարձել է այն հարցին, թե պահվե՞լ է արդյոք արխիվում փաստագրական բազա, որն առնչվում է ՀՀ–ի և Ադրբեջանի սահմանազատման աշխատանքներին և կարող է լույս սփռել հետպատերազմական իրողությունների վրա։
Ամատունի Վիրաբյան. «Հայաստանի և Ադրբեջանի համար պետք է ստեղծվի մոտ 1000 էջանոց տարբեր քարտեզների ժողովածու»

Ազգային արխիվում պահպանվել են այն հատվածների քարտեզները, որոնք եղել են վիճելի և քննարկվել են 1980–ական թվականներին Վլադիմիր Մովսիսյանի գլխավորած հանձնաժողովի կողմից։ Տեղեկությունը Sputnik Արմենիային հայտնեց Ազգային արխիվի նախկին տնօրեն Ամատունի Վիրաբյանը։

«Ես ծանոթ եմ 1944–46 թվականների քարտեզներին, ենթադրում եմ, որ դրանք վերջերս ստացել են Մոսկվայից։ Գիտեք` իրականում Ադրբեջանի հետ սահմանազատում երբևէ չի եղել։ Սահմանազատումն առհասարակ գործընթաց է, երբ երկկողմանի հանձնաժողովն անցնում է կոնկրետ վայրերով և որոշում` այս քարը ձեր տարածքում է, այս քարը` մեր տարածքում, և սյուներ են տնկում։ Այդպիսի բան երբեք չի կատարվել։ Ուղղակի խնդիրն այն է, որ դա եղել է վարչական սահման` այս լեռան կատարից մինչև մյուս լեռան կատարը։ Սահմանազատումը շատ բարդ ու երկար ժամանակ պահանջող աշխատանք է»,– ասաց նա։

Վիրաբյանը նշեց այն հանգամանքը, որ թեև 1991 թվականից Վրաստանն ու Հայաստանն անկախ պետություններ են, սակայն սահմանազատման գործընթացը մինչ օրս չի ավարտվել, իսկ Ադրբեջանի հետ որևէ հատվածում երբեք սահմանազատում չի կատարվել, ուղղակի եղել են վիճելի տարածքներ, և հարցերը լուծվել են պարիտետի սկզբունքը պահպանելով։

«Հայաստանի և Ադրբեջանի համար պետք է ստեղծվի մոտ 1000 էջանոց տարբեր քարտեզների ժողովածու, յուրաքանչյուր 5 կիլոմետրի համար առանձին քարտեզ։ Դե, պատկերացրեք, թե քանի քարտեզ պետք է պատրաստվի, այնպես որ քարտեզը հիմք ընդունելը ճիշտ չէ, առավել ևս, որ ոչ մի քարտեզում մանրամասն սահմանազատում չկա»,– նշեց ազգային արխիվի տնօրենը։

Վիրաբյանին հայտնի չէ, թե «Գեոդեզիայի ու քարտեզագրության» ՊՈԱԿ–ի լուծարումից հետո ինչ է եղել է այդ կառույցի փաստագրական բազան, սակայն շեշտեց, որ այնտեղից որևէ քարտեզ կամ նախագիծ արխիվ չի փոխանցվել։ Նրա տեղեկացմամբ` 2020 թվականի նոյեմբեր–դեկտեմբերին ազգային արխիվում եղած փաստական նյութերի հազարավոր էջեր, այդ թվում` վիճելի տարածքների, Սոթքի հետ կապված քարտեզներ սկանավորվել են և սկավառակով փոխանցվել շահագրգիռ գերատեսչություններին` ՊՆ–ին, ԱԳՆ–ին, տարածքային կառավարման և արդարադատության նախարարություններին, և այդ գործն իրականացնելու համար մի քանի օր սկան անող բազմաթիվ մեքենաներ են աշխատել։

99
թեգերը:
Ամատունի Վիրաբյան, քարտեզ, Հայաստան
Ըստ թեմայի
Ադրբեջանցիներին կարելի է, մեզ` չէ՞. արցախցիների բողոքի ակցիայի հետքերով
Տևական ժամանակ է` Google-ը ջնջել է Ղարաբաղի սահմանները. Պապյանը` քարտեզների մասին
Արման Թաթոյանը հրապարակել է ադրբեջանցիների մոտ առկա քարտեզները
Акция протеста водителей общественного транспорта (14 апреля 2020). Еревaн

Սպանություն Արագածոտնի մարզում. 19-ամյա տղային դանակի մի քանի հարված են հասցրել

0
Դատաբժշկի նախնական եզրակացության համաձայն՝ սպանված տղայի մարմնի վրա կան սուր, կտրող-ծակող առարկայի հարվածի հետքեր։

ԵՐԵՎԱՆ, 21 հունվարի – Sputnik. Արագածոտնի մարզում այսօր 19-ամյա երիտասարդի են սպանել։ Տեղեկությունը հայտնում է shamshyan.com–ը։

«Ժամը 13:50-ի սահմանում ոստիկանության Աշտարակի բաժինն «Աշտարակ» ԲԿ–ից ահազանգ է ստացել, որ մահացած վիճակում իրենց մոտ է տեղափոխվել մի դի: Ոստիկաններն ու քննիչները պարզել են, որ մահացածը Արագածոտնի մարզի Սասունիկ գյուղի բնակիչ, 19-ամյա Արմեն Սարգսյանն է»,–գրում է կայքը։

Դատաբժշկի նախնական եզրակացության համաձայն՝ նրա մարմնի վրա կան սուր, կտրող-ծակող առարկայի հարվածի մի քանի հետքեր:

Ոստիկաններն ու քննիչները պարզել են, որ նրան դանակահարել են Աշտարակ քաղաքի Միկոյան եղբայրներ, 33 հասցեի հարակից տարածքում:

Փաստի առթիվ ՀՀ քրեական օրենսգրքի 104 հոդվածի 1-ին մասի հատկանիշներով (սպանության) հարուցվել է քրեական գործ:

0