Բենիամին Պողոսյան

Արցախի հարցում ոչինչ չարեց, հիմա էլ Թուրքիային գործիք կդարձնի. Պողոսյանը` ԱՄՆ–ի մասին

294
(Թարմացված է 00:39 19.12.2020)
Քաղաքագետ Բենիամին Պողոսյանը Sputnik Արմենիայի եթերում անդրադարձել է ԱՄՆ պետքարտուղար Մայք Պոմպեոյի օգնականի հայտարարությանն առ այն, որ ՌԴ–ն իր խաղաղապահների ներկայությամբ անհավասարակշիռ իրավիճակ է ստեղծում տարբեր տարածաշրջաններում։
Պողոսյան. ԱՄՆ–ն Թուրքիային օգտագործելու է որպես Ռուսաստանի ազդեցության թուլացման գործիք

Քաղաքական գիտության Հայաստանի ասոցիացիայի գործադիր տնօրեն Բենիամին Պողոսյանի դիտարկմամբ` եթե փորձենք հասկանալ, թե ԱՄՆ–ն ինչ դիրքորոշում ուներ արցախյան պատերազմի ընթացքում, ապա կարելի է արձանագրել մեկ հանգամանք, որ այդ պետությունը իրավիճակը որևէ կերպ փոխելու առումով փաստացի ոչինչ չարեց։ ԱՄՆ–ն կազմակերպեց Հայաստանի և Ադրբեջանի արտգործնախարարների հանդիպում, փորձեց հրադադարի հաստատման հարցում միջնորդ հանդիսանալ, սակայն ջանքերն անցան ապարդյուն։

«Խաղաղապահ գործունեություն ծավալելու համար հայտարարությունները որևէ նշանակություն չունեն։ ԱՄՆ–ն բոլոր հնարավորություններն ուներ շատ շտապ ՄԱԿ–ի Անվտանգության խորհրդի նիստ հրավիրելու` փորձելով ապահովել տվյալ խորհրդի մանդատն ու քայլեր ձեռնարկել այդ ուղղությամբ։ Թուրքիան անմիջականորեն ներգրավված էր պատերազմում`խախտելով հումանիտար իրավունքի բոլոր նորմերը, սակայն ՆԱՏՕ–ն, որին անդամակցում է Թուրքիան, որևէ կերպ չարձագանքեց` վերջինիս զսպելու համար, մինչդեռ ԱՄՆ–ն Հյուսիսատալանտյան դաշինքում ազդեցիկ երկիր է և նույնպես կարող էր ազդել Թուրքիայի վրա»,– Sputnik Արմենիայի հետ զրույցում ասաց քաղաքագետը։

Պողոսյանի գնահատմամբ` ԱՄՆ–ն փաստացի ոչինչ չի արել 44-օրյա պատերազմի ընթացքում, եթե ոչ պատերազմը կանխելու, ապա գոնե Թուրքիայի ներգրավվածությունը զսպելու առումով։ Քաղաքագետն ընդգծեց նաև ռուս–ամերիկյան լարված հարաբերությունների հանգամանքը` ասելով, որ Ջո Բայդենի ընտրությամբ ԱՄՆ–ն միանշանակ ավելի կոշտ քաղաքականություն է դրսևորելու Ռուսաստանի նկատմամբ, որպեսզի հնարավորինս թուլացնի վերջինիս ազդեցությունը հետխորհրդային տարածքում, մասնավորապես սևծովյան ընդլայնված ավազանում, որի մաս է կազմում Հարավային Կովկասը։

Քաղաքագետի կարծիքով` ԱՄՆ–ն կովկասյան տարածաշրջանում կփորձի հենվել Թուրքիայի վրա, քանի որ կան լուրջ խնդիրներ կապված Էրդողանի վարած քաղաքականության հետ։ Ըստ նրա` ԱՄՆ–ն ամեն կերպ ձգտելու է Թուրքիային վերադարձնել Արևմտյան բլոկի ազդեցության տակ` նրան օգտագործելով որպես Ռուսաստանի ազդեցության թուլացման գործիք։

 

294
թեգերը:
Ռուսաստան, ԱՄՆ, Հայաստան, Բենիամին Պողոսյան, Արցախ
Ըստ թեմայի
«Արցախում ժամը վեցից վախում ես` թուրքը գա դեմդ, ասի` էս իմն ա». Դադիվանքի վանահոր երեցկին
«Փոխել Թուրքիայի պահվածքը»․ ինչի՞ համար է Արևմուտքը պատժում Էրդողանին
Ուկրաինան ու Թուրքիան ռազմական ոլորտի համագործակցությունը խորացնելու հարցեր են քննարկել
Կարեն Վրթանեսյան

Կարսի թուրք–ադրբեջանական զորավարժությունները կարող են մտահոգիչ լինել նաև ՌԴ–ի համար

75
(Թարմացված է 15:01 18.01.2021)
Ռազմական փորձագետ, «Ռազմինֆո» կայքի համակարգող Կարեն Վրթանեսյանը Sputnik Արմենիայի եթերում անդրադարձել է Կարսում փետրվարի 1-12–ը նախատեսված թուրք–ադրբեջանական զորավարժություններին։ 
«Կարսի թուրք–ադրբեջանական զորավարժությունները կարող են մտահոգիչ լինել նաև ՌԴ–ի համար». Կարեն Վրթանեսյան

Կարեն Վրթանեսյանի դիտարկմամբ` ցանկացած զորավարժություն պարունակում է նաև քարոզչական մեսիջներ, սակայն պետք է հասկանալ, որ այն նախևառաջ ուժեղացնում է զորավարժություն անողին. թուրքերն ու ադրբեջանցիներն ըստ այդմ ներդաշնակեցնում են իրենց ստորաբաժանումների համագործակցությունը։ 

«Պարտադիր չի, որ ամեն զորավարժությունից հետո պատերազմ սկսվի, թեև հիշողությունները վերջին թուրք–ադրբեջանական զորավարժություններից դեռ թարմ են, բայցևայնպես այդ ամենը մտահոգիչ է` անկախ այն հանգամանքից, թե ինչի են նախապատրաստվում։ Խնդիրն այն է, որ կա ինչ–որ գործընթաց»,– նշեց ռազմական փորձագետը։

Անդրադառնալով այն հանգամանքին, որ Կարսը մոտ է Հայաստանի հետ սահմանի այն հատվածին, ուր տեղակայված է ռուսական բազան, րթանեսյանն ընդգծեց, որ այդ հանգամանքը կարող է մտահոգիչ լինել նաև ռուսական կողմի համար։

«Եթե անգամ երկրներն անմիջական կոնֆլիկտի մեջ չեն, բայց նրանց սահմանների մոտ տեղի է ունենում ենթակառուցվածքների զարգացում, ապա դա իր հերթին բերում է զինված ուժերի վերախմբավորման և ռազմավարության վերանայման։ Ռուսաստանի համար թուրքական ցանկացած ռազմական ենթակառուցվածքային ակտիվությունն այդ հատվածում բնականաբար պետք է մտահոգիչ լինի»,–նշեց ռազմական փորձագետը։ 

Վրթանեսյանը հիշեցրեց, որ սա զորավարժությունների առաջին դեպքը չէ, նման բան նույն տեղում եղել է, և հարց հնչեցրեց, թե արդյո՞ք ՀՀ գործող իշխանությունը կարող է ինչ–որ կերպ պատասխանել հակառակորդին։ Ըստ նրա` հետպատերազմյան շրջանի վերջին գործողություններից տպավորություն չի առաջացել, որ հայկական կողմն այս պահին ի վիճակի է ինչ–որ բանի պատասխանել։  

«Ադրբեջանցիները մեր վարորդներին վիզը կտրելու նշան են տալիս». ընդդիմադիրների դժգոհությունը

Հիշեցնենք, որ ադրբեջանցի զինծառայողները, որոնք մասնակցելու են թուրք-ադրբեջանական համատեղ «Ձմեռ-2021» զորավարժություններին, արդեն մեկնել են Կարս:

Ադրբեջանա-թուրքական վերջին համատեղ լայնածավալ մարտավարական և թռիչքային-մարտավարական զորավարժությունները՝ երկու երկրի ցամաքային զորքերի և ռազմաօդային ուժերի մասնակցությամբ, անցկացվել էին 2020 թվականի օգոստոսին։ 

75
թեգերը:
Ադրբեջան, Թուրքիա, Ռուսաստան, Հայաստան, Զորավարժություններ, Կարեն Վրթանեսյան
Ըստ թեմայի
Շուտով Էրդողանը կհեռացվի իր թիմի կողմից. Դավութօղլու
Նոր թռիչքներ չեն լինի․ Ռուսաստանը դուրս է գալիս Բաց երկնքի պայմանագրից
Լավրովն «էկզոտիկ» է համարել Ղարաբաղը Ռուսաստանի կազմ մտցնելու առաջարկը
Արմեն Բադալյան

Վազգեն Մանուկյանը ճիշտ արե՞ց, որ մարզեր գնաց. Արմեն Բադալյանի տեսակետը

128
(Թարմացված է 16:17 17.01.2021)
Քաղտեխնոլոգ Արմեն Բադալյանը Sputnik Արմենիայի եթերում անդրադարձել է միացյալ ընդդիմության առաջադրած վարչապետի թեկնածու Վազգեն Մանուկյանի մարզային այցերին և ընդդիմության վարած մարտավարությանը։
Բադալյան. «Մարզեր գնալը ճիշտ է, բոլորն էլ տեսան, որ միայն Երևանի վրա կենտրոնանալը ոչ մի արդյունք չտվեց»

Արմեն Բադալյանի դիտարկմամբ` երբ պայքարը սկսվեց, նոյեմբեր–դեկտեմբեր ամիսներն էին, և պետք է նշել, որ դեկտեմբերի երկրորդ կեսից մինչև հունվարի վերջն ընկած ժամանակահատվածում, ինչպես ցույց են տվել նախորդ երեսուն տարիները, պայքարը հաջող չի ստացվում, որովհետև դա, ըստ Բադալյանի, քաղաքական տեսանկյունից մեռած սեզոն է համարվում, սովորաբար ցրտի պատճառով ակտիվ գործողություններ չեն իրականացվում։

«Քանի որ եղանակները հետզհետե տաքանում են, Հայրենիքի փրկության շարժման պայքարը բնականաբար կարող է ակտիվանալ։ Ընդդիմությունը մեկնել է մարզեր, որովհետև չի կարելի շարժումը զուտ որպես երևանյան շարժում ներկայացնել, ի վերջո սա միայն երևանցիների խնդիրը չէ, այլ ամբողջ հանրապետության, հետևաբար եթե ուզում ես որևէ գործողություն կատարել, չես կարող հենվել միայն Երևանի վրա, այլ պետք է ընդգրկես պայքարի հնարավորինս լայն տարածք, որպեսզի իշխանության դեմ ձեռնարկվող գործընթացն աջակցություն ստանա մարզերում»,– Sputnik Արմենիայի հետ զրույցում ասաց քաղտեխնոլոգը։

Բադալյանը նույնիսկ տարօրինակ համարեց այն հանգամանքը, որ կուսակցությունների ղեկավարների մակարդակով նախորդ տարվա նոյեմբեր–դեկտեմբեր ամիսներին մարզային այցեր չեն կայացել, և բոլորն էլ տեսան, որ միայն Երևանի վրա կենտրոնանալը ոչ մի արդյունք չտվեց։

«Կողքից տեսանելի է, որ միացյալ ընդդիմությունն ունի միաժամանակ թե՛ Երևանում, թե՛ մարզերում պայքարելու կազմակերպչական, ֆինանսական, լրատվական, ինտելեկտուալ և մարդկային ռեսուրս, այլ բան է, թե ինչպես է այդ ռեսուրսն օգտագործվում պայքարը ճիշտ իրականացնելու համար։ Չէի ասի, թե այդ ռեսուրսը կիրառվում է իդեալականորեն, որովհետև պետք է տիրապետել նաև օգտագործման մեթոդներին»,– նշեց քաղտեխնոլոգը։

Բադալյանի կարծիքով` Հայաստանում այժմ առաջացել է քաղաքական ճգնաժամ, իշխանությունը թույլ է այնքան, որ վարչապետը չի կարողանում որոշ մարզեր գնալ, նա մերժված է հայկական ինստիտուտների կողմից, բայց դեռ ուժեղ է այնքան, որ պահպանում է պաշտոնը, իսկ ընդդիմությունն ուժեղ է այնքան, որ իշխանությունը չի կարողանում ճնշումների միջոցով նրան ամբողջովին կազմաքանդել, բայց նաև թույլ է այնքան, որ չի կարողանում տապալել իշխանությանը։

Քաղտեխնոլոգի գնահատմամբ`իշխանությունն էլ, ընդդիմությունն էլ ունեն պարտված կարգավիճակ, ինչը պատային իրավավիճակ է ստեղծում, և այսպես, ըստ նրա, երկար չի կարող շարունակվել, իրավիճակը պետք է հանգուցալուծում ստանա։

Հիշեցնենք` Վազգեն Մանուկյանն օրերս այցելել էր Գյումրի, այնուհետև Վանաձոր։

128
թեգերը:
Արմեն Բադալյան, Վազգեն Մանուկյան, Հայաստան
Ըստ թեմայի
Լենա Նազարյանը համաձայն չէ, որ Արցախի տարածքները պետք է վերադարձնենք պատերազմի միջոցով
Սեյրան Օհանյանի և Արթուր Դավթյանի միջև «սև կատու» է անցել. փոխադարձ հայտարարություններ
Մեզ ինչո՞ւ եք այդ տականքների հետ համեմատել. շիշ հավաքողը վիրավորվել է Մանուկյանի խոսքերից
Պատվո պահակախումբ. 13 հունվարի, 2020

Ցանկանու՞մ ես ծառայել Զինված ուժերի պատվո պահակային վաշտում․ դիմելու ժամանակն է

0
(Թարմացված է 17:14 18.01.2021)
Պատվո պահակային վաշտում ծառայելու համար զորակոչիկները պետք է դիմեն առաջիկա 12 օրերի ընթացքում։

ԵՐԵՎԱՆ, 18 հունվարի – Sputnik. Ձմեռային զորակոչի շրջանակներում զորակոչիկներին ՀՀ ԶՈւ ուժերի պատվո պահակային վաշտում զինվորական ծառայության նշանակելու նպատակով իրականացվելու է ընտրություն: Տեղեկությունը հայտնում է ՀՀ պաշտպանության նախարարության մամուլի ծառայությունը։ Նշվում է, որ ընտրությունն անցկացվելու է փետրվարի 2-ին և 3-ին N զորամասի տարածքում։

«Զինված ուժերի պատվո պահակային վաշտում ծառայել ցանկացող զորակոչիկները մինչև հունվարի 30-ը կարող են դիմել ՀՀ ՊՆ զորակոչային և զորահավաքային համալրման ծառայության տարածքային ստորաբաժանումներ (զինկոմիսարիատներ)»,- նշված է հաղորդագրության մեջ։

Հավելենք, որ պատվո պահակախմբում ծառայելու համար զորակոչիկի հասակը պետք է լինի 180-ից 190 սմ, դեմքի և մարմնի երևացող այլ հատվածներում չպետք է լինեն դաջվածքներ և սպիներ, մարմնի զանգվածի ու հասակի հարաբերակցությունը պետք է կանոնավոր լինի։

Ընտրությունը կատարելիս հաշվի են առնում նաև գեղեցիկ և համաչափ դիմագծերը, առանց որևէ շտկման և գունային ճիշտ զգացողությամբ տեսողությունը, ոչ պակաս, քան 6 մետր հեռավորության վրա շշուկային խոսքն ընկալելու կարողությունը:

0
թեգերը:
զորակոչ, Զինվոր, Բանակ