Արա Գալոյան

Ինքնահոսի մատնված երկիր, կամ պատերազմող Հայաստանում որևէ հրահանգ տնտեսությունը չի ստացել

84
(Թարմացված է 16:54 10.12.2020)
Տնտեսագետ, «Պոլիտէկոնոմիա» հետազոտական կենտրոնի տնտեսական մեկնաբան Արա Գալոյանը Sputnik Արմենիայի եթերում անդրադարձել է հետպատերազմյան շրջանի տնտեսական իրողություններին։ 

 

Գալոյան. «Իշխանափոխությունից հետո մեր տնտեսությունը շարունակեց ապրել իներցիոն հարահոսով»

Տնտեսագետ Արա Գալոյանի դիտարկմամբ` իշխանափոխությունից հետո մեր տնտեսությունը շարունակում է ապրել իներցիոն հարահոսով, այսինքն` ինչ եղել էր, այնպես էլ շարունակվում է է։ Ըստ նրա` թեև համավարակը որոշակի բացասական ազդեցություն և հետևանքներ թողեց, բայցևայնպես, ամենահետաքրքիր պահն այն է, որ եթե տարիներ անց որևէ մեկը փորձի զբաղվել մեր տնտեսության պատմությամբ, վիճակագրությամբ, հատկապես հոկտեմբեր ամսվա վերլուծությամբ, որն ըստ էության պատերազմական գործողությունների ամենաբուռն ամիսն էր, ապա ոչ մի տնտեսական փաստ չի գտնի. ամեն ինչ ընթացել է հարահոսով։

 

«Իսկ տնտեսության մեջ հեղափոխական փոփոխություններ անելու խոստումները, որոնց ի սկզբանե սառն էին վերաբերվում մասնագետները, այդպես էլ չիրականացան, և իշխանություններն էլ ի վերջո հասկացան, որ ի վիճակի չեն տնտեսության մեջ որևէ բան անել։ Պատկերացնո՞ւմ եք` պետությունը պատերազմ է մղում, բայց դրան զուգահեռ բեռնափոխադրությունը շարունակում է անկում ապրել, ցուցանիշը նախորդ տարվա հոկտեմբերի համեմատ ցածր է երկու տոկոսով։ Որևէ մոբիլիզացիա, որևէ ուղղորդում, որևէ հրահանգ տնտեսությունը չի ստացել և շարունակել է ապրել իներցիոն կյանքով»,– նշեց տնտեսագետը։

Գալոյանի կարծիքով` նույն հոկտեմբերին մենք Թուրքիայի հետ 16 միլիոն դոլարի առևտուր ենք արել, ինչը կազմում է թուրքական ապրանքների Հայաստան ներմուծման ընդհանուր ծավալը, մինչդեռ պարզ չէր, թե ինչ պետք է անի տնտեսությունը պատերազմի ընթացքում, և այդ առումով հնարավոր չէ պետպատվերի շրջանակում գտնել որևէ փաստ, իրողություն։ Ըստ նրա` պետք է ձևավորվեին կոնկրետ հանձնարարականներ և՛ պատերազմից առաջ, և՛ առավել ևս` դրա ընթացքում։

ՀՀ տնտեսությունը շուրջ 5%–ով անկում է ապրել. մի փոքր օգնել են պղնձի և ոսկու «պարերը»

«Տնտեսությունը բազամաշերտ է, այնտեղ ամեն ինչ թաքցնել հնարավոր չէ։ Երբ ժողովրդի եկամուտները պակասում են, նա սկսում է հրաժարվել հրուշակեղենից և սննդամթերքի ծախսերի մեջ մեծանում է լոկ հացի բաժինը, այդ մասին են վկայում նաև վիճակագրական տվյալները։ Հարկավոր է մտածել, թե ճգնաժամի պայմաններում ինչ տնտեսական համակարգեր կարող են աշխատել, որ ոլորտներում կարող ենք ինչ–որ բան արտադրել ու վաճառել աշխարհին։ Խոստումներն ու ենթադրյալ բարձր տեխնոլոգիաները ոչինչ չտվեցին»,– նշեց տնտեսագետը։

Գալոյանի խոսքով` ավելի շատ կան տնտեսական առաջընթացին խանգարող խոչընդոտներ, քան աջակցող քայլեր, չկա հստակ տնտեսական ծրագիր։    

Ի՞նչն է ավելի կարևոր՝ մարդկային կյա՞նքը, թե՞ տնտեսության զարգացումը

84
թեգերը:
Հայաստան, տնտեսություն, Արա Գալոյան, տնտեսագետ
Ըստ թեմայի
Հարկեր փուչիկներից և լարովի շնիկներից. որոշել են փողոցային առևտուրն էլ հարկային դաշտ բերել
Չի կարելի թնդանոթներով գնալ ճնճղուկների որսի, կամ ինչ օգուտ կտան մանրավաճառները բյուջեին
Աշխարհը վերահաշվարկել է Covid-19-ի վնասները. Հայաստանի վերջին հույսը գյուղատնտեսությունն է
Բենիամին Պողոսյան

Իրանի կողմից ատոմային ռումբի ձեռքբերումն Իսրայելի համար համարվում է կարմիր գիծ. Պողոսյան

31
(Թարմացված է 11:34 07.03.2021)
Քաղաքական գիտության Հայաստանի ասոցիացիայի գործադիր տնօրեն Բենիամին Պողոսյանը Sputnik Արմենիայի եթերում անդրադարձել է Իրանի միջուկային ծրագրի ճակատագրին և դրանով պայմանավորված իրանա–ամերիկյան հարաբերություններին։ 
Պողոսյան. «Իրանի կողմից ատոմային ռումբի ձեռքբերումն Իսրայելի համար համարվում է կարմիր գիծ»

Բենիամին Պողոսյանի դիտարկմամբ` երբ Բայդենն ընտրվեց նախագահ, որոշակի ազդակներ փոխանցեց Իրանին, որ պատրաստ է վերանայել միջուկային ծրագրին վերադառնալու հնարավորությունը, եթե Իրանն իր հերթին չեղյալ հայտարարի բոլոր խախտումները, որոնք կատարում էր 2019 թվականի մայիսին։ Ըստ նրա` Իրանի պատասխանը հստակ էր, որովհետև հոգևոր առաջնորդը հայտարարեց, թե առաջինը ԱՄՆ–ն է դուրս եկել պայմանագրից ու սահմանել դրան հակասող նոր պատժամիջոցներ, հետևաբար եթե ԱՄՆ–ն ցանկանում է վերադառնալ պայմանագրին, ապա պետք է չեղարկի պատժամիջոցները։

«Միացյալ Նահանգներն ակնարկում է նաև, որ պատրաստ է վերադառնալ պայմանագրին առանց փոփոխության, եթե լինի թեկուզ անուղղակի պայմանավորվածություն, որ գործարքին վերադառնալուց հետո անմիջապես պետք է սկսվեն բանակցություններ ամերիկյան կողմի համար ևս երկու կարևոր հարցերի շուրջ։ Առաջինն Իրանի տարածաշրջանային քաղաքականությունն է, իսկ երկրորդն Իրանի բալիստիկ հրթիռային ծրագրերը։ Մինչդեռ Իրանի ղեկավարությունն ու հոգրևոր առաջնորդը հայտարարեցին, որ մեկը մյուսի հետ որևէ կերպ կապել պետք չէ, և Իրանը թեկուզ անուղղակիորեն որևէ պարտավորություն այդ առումով չի ստանձնի»,– նշեց քաղաքագետը։

Պողոսյանի կարծիքով` իրանա–ամերիկյան հարաբերություններում ստեղծվել է որոշակի պատային իրավիճակ, Իրանի խորհրդարանը նախապես ընդունել էր հատուկ օրենք, որով փետրվարի վերջից ՄԱԳԱՏԷ–ի դիտորդներն այլևս մուտք չէին գործելու Իրան, սակայն այդ հարցում կարծես գտնվեց միջանկյալ լուծում, ըստ որի` դիտորդները չեն այցելի, բայց Իրանն ինքը կլուսանկարահանի օբյեկտներն ու ՄԱԳԱՏԷ–ին կփոխանցի տեսանյութերը։

«Իրանում պահպանողական կամ ավելի կոշտ գծի կողմնակիցները նույնիսկ պահանջում էին երկրի նախագահի դեմ քրեական գործ հարուցել` պնդելով, որ միջազգային կառույցի հետ ձեռք բերված համաձայնագիրն օրենքի կոպիտ խախտում է։  Այդուհանդերձ դա կտևի երեք ամիս, որից հետո միջազգային հանրությունը մուտք չի ունենա Իրանի միջուկային օբյեկտներ»,– նշեց քաղաքագետը։

Թուրքիան կողմ է, որ Իրանի դեմ պատժամիջոցները վերացվեն

Պողոսյանի համոզմամբ` դա չի նշանակում, որ երեք ամիս հետո Իրանը կունենա միջուկային զենք, որովհետև նման զենք ստեղծելու համար առնվազն պետք է ունենալ մինչև 90 և ավելի տոկոս հարստացված ուրան, թեև 20 տոկոսից 90–ի հասնելը տեխնիկապես բարդ խնդիր չէ։ Ըստ նրա` Իրանի կողմից ատոմային ռումբի ձեռքբերումն Իսրայելի համար համարվում է կարմիր գիծ, որն իր հերթին հայտարարում է` եթե ԱՄՆ–ն չփորձի կանգնեցնել այդ գործընթացը, ապա Իսրայելն իրեն միակողմանի իրավունք կվերապահի ռազմական հարված հասցնել Իրանին։ Քաղաքագետի կարծիքով` մինչև Իրանի համապետական ընտրություններ դժվար թե միջուկային ծրագրի շուրջ բանակցություններում լինի որևէ փոփոխություն։  

31
թեգերը:
Իսրայել, ԱՄՆ, Իրանի Իսլամական Հանրապետություն
Ստեփան Դանիելյան

Ժողովրդի կամքը, Սահմանադրությունն ու իրականությունը. ինչպե՞ս ազատվել այս իշխանությունից

248
(Թարմացված է 10:03 07.03.2021)
Քաղաքագետ Ստեփան Դանիելյանը Sputnik Արմենիայի եթերում անդրադարձել է այսօրվա հանրահավաքում Վազգեն Մանուկյանի հնչեցրած կոչերին, որոնք առնչվում են ցանցային պայքարի մարտավարությանն ու համաժողովրդական անհնազանդությանը։ 
Դանիելյան. «Իմքայլականներն» այժմ ստանում են այն, ինչ ժամանակին իրենք են արել

Ստեփան Դանիելյանի դիտարկմամբ`Վազգեն Մանուկյանը նկատի ունի այն, որ թեև կան մեծ դժգոհություններ գործող իշխանությունից և մեծամասնությունը համարում է, որ այն պետք է հրաժարական տա, սակայն կա նաև տարբեր վերաբերմունք հարթակում գտնվող ուժերի նկատմամբ և այդ առումով` գերնպատակը պետության փրկությունն է, գործող իշխանության հեռացումը։ Պայքար չի գնում իշխանության համար, հետևաբար, պետք է միավորվել գաղափարի, այլ ոչ թե միայն հարթակում կանգնած ուժերի ձևաչափի շուրջ։

«Պետք է միավորվել գերխնդիրը լուծելու համար, իսկ թե հետագայում ով կգա իշխանության, կորոշվի ընտրությունների ժամանակ։ Այսպես թե այնպես, լինելու է ժամանակավոր կառավարություն, ուստի անհրաժեշտ է այս փուլում միավորվել նպատակի շուրջ, այլ ոչ թե քննարկել, թե ովքեր կարող են լինել ընդդիմության շարքերում, ինչը բոլորովին այլ հարց է»,– նշեց քաղաքագետը։

Դանիելյանի կարծիքով` պայքարի տարբեր մարտավարությունները կարելի է համադրել, այսինքն` պայքար մղել և՛ միասնաբար, և՛ ցանցային տարբերակով, տարբեր բևեռների միջոցով, որովհետև բոլորի ցանկությունն այսպես թե այնպես նույնն է` հեռացնել գործող իշխանությանը, հասնել նրա հրաժարականին։  

«Տարբեր երկրների ու նաև Հայաստանի Սահմանադրության մեջ գրված է, որ իշխանությունը պատկանում է ժողովրդին ու պետք է արտահայտի նրա կամքը։ Այդ կետն ամրագրված է ժողովրդավարական երկրներում։ Եթե իշխանությունը դուրս է գալիս ժողովրդի կամքի դեմ, ժողովուրդն ապստամբելու, ուժ կիրառելու իրավունք ունի։ Ի դեպ, նման հռետորաբանություն օգտագործում էր այն ուժը, որը 2018 թվականին եկավ իշխանության, բայց հիմա նույն ուժն անընդհատ շահարկելով ժողովրդի անունը` իրականացնում է հակասահմանադրական գործողություններ»,– նշեց քաղաքագետը։

Դանիելյանի խոսքով` եթե վերընթերցենք իմքայլական պատգամավորների այն ժամանակվա ելույթները, ակնհայտ է, որ նրանք նույնպես իրենց քայլերը բացատրում էին ժողովրդի կամարտահայտությամբ, որ ժողովրդի կամքը բարձր է Սահմանադրությունից, բայց այժմ նրանք ստանում են այն, ինչ արել են ժամանակին։

Արմեն Սարգսյանը Հայրենիքի փրկության շարժման ղեկավարների հետ հանդիպում է խնդրել

Ինչպես իրենք էին ժողովրդին կոչ արել ուժ կիրառել Ազգային ժողովի նկատմամբ, շրջափակել օրենսդիր մարմնի շենքը, հիմա նույնն, ըստ Դանիելյանի, կարելի է կատարել նրանց նկատմամբ։  

Եթե նախագահը ՍԴ չդիմի, Շուշիի անկումն իր խղճի վրա է. Վազգեն Մանուկյան

248
թեգերը:
Նիկոլ Փաշինյան, Իշխանություն, Վազգեն Մանուկյան, ընդդիմություն, Ստեփան Դանիելյան
Ըստ թեմայի
Գուցե Ադրբեջանը մեր իշխանության վրա ճնշման այլ լծակներ ունի, որոնց մասին տեղյակ չենք
ԱԺ երկու ֆրակցիաները կարծես խաղի մեջ են և՛ ընդդիմության, և՛ իշխանության հետ. Դանիելյան
«Սխալ կլինի թողնել, որ Փաշինյանն իր թիմով մասնակցի ընտրություններին ու վերարտադրվի»
Վերնիսաժ

Ամենևին ոչ տոնական Վերնիսաժ, կամ ինչով է ապրում Երևանի ամենակոլորիտային տոնավաճառը

36
Կանանց միջազգային տոնի՝ մարտի 8-ի նախօրեին Sputnik Արմենիայի թղթակիցն այցելել է երևանցիների սիրած տոնավաճառն ու զրուցել վաճառողների հետ

Վերնիսաժում նախատոնական իրարանցում չի նկատվում։ Անցորդները թռուցիկ նայում են վաճառասեղաններին ու գրեթե կանգ չեն առնում։ Վաճառողներն էլ հավաքվում են խմբերով՝ ջերմանալով գարնանային արևի ճառագայթների տակ ու տարբեր թեմաներ քննարկում։ Վաճառասեղանին մոտեցող գնորդին տեսնելով՝ անմիջապես գալիս ու սկսում են ներկայացնել ապրանքը։

Кожаные сумки на ереванской ярмарке Вернисаж в преддверии восьмого марта
© Sputnik / Aram Nersesyan
Վերնիսաժ

«Առանց զբոսաշրջիկների Վերնիսաժն իրեն նման չէ։ Տեղացիներն ամեն ինչի գինը գիտեն, պատկերացնում են, թե ինչ են ուզում, րոպեների ընթացքում գնում ու հեռանում են։ Իսկ զբոսաշրջիկները երկար են ընտրում, գեղեցիկ առևտուր են անում, փորձում խորամանկել, իսկ եթե նրանց թվում է, թե ստացվել է, թեյավճար են թողնում։ Նրանց շնորհիվ մենք մարքեթինգային հնարքներ ու մի քանի լեզու ենք սովորել», - ասում է պայուսակներ վաճառող տղամարդը։

Ювелирные украшения на ереванской ярмарке Вернисаж в преддверии восьмого марта
© Sputnik / Aram Nersesyan
Վերնիսաժ

Այստեղ կարելի է արծաթյա զարդեր, կաշվե իրեր, հյուսած պայուսակներ, մետաքսյա շարֆեր, խեցեղեն, կավից ու փայտից պատրաստված հուշանվերներ և շատ այլ բաներ գտնել։ Մարտի 8-ի նախօրեին առավել մարդաշատ են, այսպես կոչված, «կանանց» շարքերը։ Ընդ որում այստեղ գնորդները ոչ միայն տղամարդիկ են, այլև կանայք։ Ճիշտ է, գնման ձևն ակնհայտ տարբերվում է։  Կանայք հիմնականում ըստ գնի են նվեր ընտրում, 6-30 դոլար միջին արժողությամբ, իսկ տղամարդիկ փորձում են որևէ օրիգինալ բան գտնել, տոն օրերին էլ գինը նրանց համար էական չէ։ 

«Հավանաբար միայն հայ կանայք են միմյանց նվեր գնում մարտի 8-ին։ Նրանք ընտրում են այնպիսի իրեր, որոնք իրենց գնից ավելի թանկ տեսք ունեն։ Տղամարդիկ էլ մեծ զարդեր, բնական քարեր ու ձեռագործ հավաքածուներ են նախընտրում», - պատմում է ոսկերչական իրեր վաճառողը։

Кулоны Древо жизни на ереванской ярмарке Вернисаж в преддверии восьмого марта
© Sputnik / Aram Nersesyan
Վերնիսաժ

Նա բացահայտում է վաճառողների գաղտնիքը․ սկզբում առաջարկում են ամենաթանկ ապրանքը, այնուհետև աստիճանաբար անցնում էժանին։ Եթե մարդը գործի գիտակ է, նախևառաջ նրան վարպետների գործեր են առաջարկում։ Նման հաճախորդներին դեմքով են ճանաչում և փոքր զեղչեր անում։ Իսկ եթե հաճախորդը խորհրդի կարիք ունի՝ ինչ ընտրել զարդի հետ, նրան խորհուրդ են տալիս այցելել ձեռագործ պայուսակների և շարֆերի տաղավար։

Текстиль с разнообразным принтом на ереванской ярмарке Вернисаж в преддверии восьмого марта
© Sputnik / Aram Nersesyan
Վերնիսաժ

Շարֆեր վաճառող կինը պատմում է, որ հիմնականում դրանք նախընտրում են կանայք։ Նրանք երկար ընտրում են, հարցնում պատրաստման տեխնոլոգիան, երբեմն նույնիսկ զանգահարում ու խորհուրդ են հարցնում ընկերուհիներից։ Իսկ տղամարդիկ պայուսակներ ու դրամապանակներ են նախընտրում, բերում են կնոջը, որպեսզի նա անձամբ իր համար որևէ բան ընտրի։ Շատ դեպքեր են եղել, երբ ընտանեկան զույգը սկսել է վիճել և արդյունքում ոչինչ չի գնել։ Եղել են նաև դեպքեր, երբ տղամարդը զայրացել ու միանգամից մի քանի պայուսակ է գնել՝ ծանոթ բոլոր կանանց համար, բացի կնոջից։

- Իսկ ձեզ կանանց տոնին նվերներ նվիրո՞ւմ են։

- Շարֆեր՝ ոչ բայց զարդեր երբեմն նվիրում են։

- Այստեղի վարպետների՞ գործեր են։

- Այո, երբ կրում եմ, նրանք ճանաչում են իրենց գործերը։

Ювелирные украшения на ереванской ярмарке Вернисаж в преддверии восьмого марта
© Sputnik / Aram Nersesyan
Վերնիսաժ

Իսկ Անահիտը, որը իր պատրաստած զարդերն է վաճառում, պատմում է, որ հաճախ իրեն ծաղիկներ էին նվիրում, և նա որոշեց դրանք օգտագործել իր աշխատանքներում։  Նրա հաճախորդները հիմնականում կանայք են։ Աղջիկներն իրենց մայրիկներին ու տատիկներին մեծ կախազարդեր են նվիրում, իսկ իրենց՝ նուրբ ծաղիկներով ականջօղեր։ Հայ կանայք նախընտրում են նուրբ գույներ ու իրենց հայտնի ծաղիկներ։

«Այս ծաղիկները երբեք չեն թոռոմի։ Ամեն անգամ կանայք այս զարդերը կրելիս կհիշեն ինձ և նրան, ով  իրենց նվիրել է։ Մի՞թե հրաշք չէ», - ասում է նա ժպիտով։

Глиняная посуда на ереванской ярмарке Вернисаж в преддверии восьмого марта
© Sputnik / Aram Nersesyan
Վերնիսաժ

Հարևան վաճառասեղանի վաճառողն արագ միանում է զրույցին ու ասում, որ հրաշքն այն է, երբ կավի փոքր կտորից թեթև բաժակ է ստացվում, որից ամեն առավոտ կարելի է համեղ սուրճ խմել ու դրական հույզեր ստանալ։ Նա անմիջապես հիշում է, որ իր բաժակները գնել են տասնյակ երկրներից զբոսաշրջիկներ ու դրանցից սուրճ են խմում աշխարհի տարբեր քաղաքների բնակիչներ՝ Մոսկվայից մինչև Լոս Անջելես։ Տղամարդը պատմում է, թե ինչ սիրով է պատրաստում բաժակները, և ակամայից ուզում ես գնել նրա գոնե մեկ արտադրանք։

-Վաճառեք ինձ այդ բաժակը։

- Ինչ ես ասում, քույրիկ ջան, նվիրում եմ, շուտով մարտի 8 է։

- Չէ, այդպես չեմ վերցնի։

Торговые ларьки с ювелирными укоашениями на ереванской ярмарке Вернисаж в преддверии восьмого марта
© Sputnik / Aram Nersesyan
Վերնիսաժ

- Էդ դեպքում թող քո տղամարդը քեզ համար գնի, ես քեզ ոչինչ չեմ վաճառի։

-Մի՛ նեղացեք։

- Չեմ նեղանում, դա մարքեթինգ է, եթե այն քեզ դուր է եկել, ուրեմն դու այն կվերցնես, կգաս ու երկու հատ էլ նույնից կգնես, - ծիծաղելով ասում է վաճառողը։

- Իսկ ի՞նչ եք ձեր կնոջը նվիրելու։

- Ծաղիկներ, այսօր ադամանդի գին ունեն դրանք։

Հանկարծ տղամարդը մատնացույց է անում հուշանվերների վաճառասեղանին՝ խորհուրդ տալով անպայման այցելել ։ Նա գործընկերոջը ձայն է տալիս՝ ասելով, որ ցույց տա ինձ «այս շուկայի ամենագեղեցիկ բանը», ու աչքով անում նրան։

Сувениры и безделушки на ереванской ярмарке Вернисаж в преддверии восьмого марта
© Sputnik / Aram Nersesyan
Վերնիսաժ

Մոտենում ենք ու նկատում ծածկի տակ կախված հրեշտակներին։ Մինչդեռ հիանում ենք նրանցով՝ վաճառողը գտնում ու մեզ է պարզում կանաչ զգեստով գանգրահեր հրեշտակին։

- Ձեզ է նման, - ասում է վաճառողը։

Մենք սկսում ենք ծիծաղել, իսկ տղամարդիկ պահը բաց չեն թողնում ու շնորհավորում են գալիք տոնի կապակցությամբ։ Մենք հեռանում ենք։ Բայց թվում է, թե տոնավաճառը բազմամարդ ու ավելի ուրախ է դառնում։

  • Վերնիսաժը մարտի 8-ի նախօրեին
    Վերնիսաժը մարտի 8-ի նախօրեին
    © Sputnik / Aram Nersesyan
  • Վերնիսաժը մարտի 8-ի նախօրեին
    Վերնիսաժը մարտի 8-ի նախօրեին
    © Sputnik / Aram Nersesyan
  • Վերնիսաժը մարտի 8-ի նախօրեին
    Վերնիսաժը մարտի 8-ի նախօրեին
    © Sputnik / Aram Nersesyan
  • Վերնիսաժը մարտի 8-ի նախօրեին
    Վերնիսաժը մարտի 8-ի նախօրեին
    © Sputnik / Aram Nersesyan
  • Վերնիսաժը մարտի 8-ի նախօրեին
    Վերնիսաժը մարտի 8-ի նախօրեին
    © Sputnik / Aram Nersesyan
  • Վերնիսաժը մարտի 8-ի նախօրեին
    Վերնիսաժը մարտի 8-ի նախօրեին
    © Sputnik / Aram Nersesyan
  • Վերնիսաժը մարտի 8-ի նախօրեին
    Վերնիսաժը մարտի 8-ի նախօրեին
    © Sputnik / Aram Nersesyan
  • Վերնիսաժը մարտի 8-ի նախօրեին
    Վերնիսաժը մարտի 8-ի նախօրեին
    © Sputnik / Aram Nersesyan
  • Վերնիսաժը մարտի 8-ի նախօրեին
    Վերնիսաժը մարտի 8-ի նախօրեին
    © Sputnik / Aram Nersesyan
  • Վերնիսաժը մարտի 8-ի նախօրեին
    Վերնիսաժը մարտի 8-ի նախօրեին
    © Sputnik / Andranik Ghazaryan
1 / 10
© Sputnik / Aram Nersesyan
Վերնիսաժը մարտի 8-ի նախօրեին
36
թեգերը:
Մարտի 8, Վերնիսաժ, տոնավաճառ