Ստեփան Դանիելյան

Ինչու Փաշինյանը հրաժարական չի տալիս, կամ վարչապետի ինքնապաշտպանվելու տարբերակը

308
(Թարմացված է 21:09 01.12.2020)
Քաղաքագետ Ստեփան Դանիելյանը Sputnik Արմենիայի եթերում անդրադարձել է ներքաղաքական զարգացումներին, մասնավորապես Նիկոլ Փաշինյանի գրառումներին ու դրանց հաջորդած ՀՀ և Արցախի նախկին նախագահների արձագանքներին։
Դանիելյան. Վարչապետը փորձում է պատասխանատվությունը կիսել այլոց հետ` նրանց ներքաշելով դրա մեջ

Ստեփան Դանիելյանի դիտարկմամբ` ՀՀ վարչապետը հիմա հոգեբանական առումով գտնվում է ոչ սթափ վիճակում, որովհետև կատարվածի համար նրա վրա կա շատ մեծ ճնշում և պատասխանատվություն։ Ինչպես նաև կան հանրային մեղադրանքները, որոնք հնչում են ամեն օր։ 

Ըստ նրա` ազդեցություն են ունենում հատկապես «Նիկոլ, դավաճա՛ն» վանկարկումները, հետևաբար Փաշինյանը փորձում է այդ ամենի համար գտնել որևէ արդարացում` ցույց տալով, որ կային իրենից անկախ սուբյեկտիվ հանգամանքներ։
«Վարչապետը փորձում է նաև պատասխանատվությունը կիսել այլոց հետ` ներքաշելով նրանց դրա մեջ։ Այսինքն` նա կաշին փրկելու խնդիր ունի։ Եթե հրաժարական չի տալիս, ապա դա ունի ինքնապաշտպանական բնույթ` նա վախենում է պետական պաշտպանությունից զրկվելու և դատարանի առջև կանգնելու հեռանկարից, ինչն անպայման տեղի է ունենալու»,– նշեց քաղաքագետը։

Դանիելյանի կարծիքով` Նիկոլ Փաշինյանի պահվածքն ու դրդապատճառները վերոհիշյալ գործոնների հաշվառման պարագայում լիովին հասկանալի են։

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն ընդունեցին ռազմական գործողությունների դադարեցման վերաբերյալ։

Եռակողմ հայտարարության մեջ մասնավորապես նշվում է, որ մինչև նոյեմբերի 15-ը Ադրբեջանին է վերադարձնում Քելբաջարը (ավելի ուշ այդ ժամկետը 10 օրով երկարաձգվեց-խմբ.), մինչև նոյեմբերի 20-ը՝ Աղդամի շրջանը, մինչև դեկտեմբերի 1-ը՝ Լաչինի շրջանը` թողնելով միջանցք 5 կմ լայնությամբ, որը ապահովելու է Հայաստանի կապը, սակայն չի շոշափելու Շուշին։

Հայաստանն ապահովում է տրանսպորտային կապ Ադրբեջանի արևմտյան շրջանների և Նախիջևանի Ինքնավար Հանրապետության միջև։

Ինչ տվեց Արցախի վերաբերյալ եռակողմ հայտարարությունը․ քարտեզ

Շփման գծի երկայնքով Լեռնային Ղարաբաղում և Լաչինի միջանցքում հաստատվում են ռուսական խաղաղապահ ուժեր 1960 զինվորականի չափով, հրազենային զենքով, 90 զրահատրանսպորտային և 380 ավտոմեքենաներով և հատուկ տեխնիկայով։

Խաղաղապահները մնում են հինգ տարի ժամանակով` ավտոմատ երկարացման հնարավորությամբ, եթե հաջորդ հինգ տարվա համար կողմերը ժամկետի լրանալուց վեց ամիս առաջ չեն հայտարարում այս դրույթի կիրառությունը դադարեցնելու մասին։

Նշվում է նաև, որ ներքին տեղահանվածները և փախստականները վերադառնում են ԼՂ և հարակից շրջաններ, իրականացվում է ռազմագերիների փոխանակություն և մյուս պահվող անձանց փոխանակություն, ապաարգելափակվում են բոլոր տնտեսական և տրանսպորտային կապերը տարածաշրջանում։

Հայտարարության ստորագրումից հետո ՀՀ վարչապետ Նիկոլ Փաշինյանը Facebook–ի իր էջում գրեց, որ անձամբ իր և բոլորի համար չափազանց ծանր որոշում է կայացրել:

Փարիզը Ղարաբաղի մասին եռակողմ հայտարարության մասին իմացել է Փաշինյանի Facebook-յան էջից

Փաշինյանի հայտարարությունից հետո բազմաթիվ մարդիկ շարժվեցին դեպի Հանրապետության հրապարակ, մի խումբը ներխուժեց կառավարության գլխավոր մասնաշենք ու վարչապետի աշխատասենյակ, մի մասն էլ շարժվեց դեպի Բաղրամյան պողոտա ու մտավ Ազգային ժողովի շենք։ ԱԺ նախագահ Արարատ Միրզոյանը ծեծի ենթարկվեց, նրան տեղափոխեցին հիվանդանոց։

Նշենք, որ Թուրքիայի աջակցությամբ Ադրբեջանի սանձազերծած պատերազմի ընթացքում, ըստ վերջին տվյալների, հայկական կողմից զոհվել են 1712 զինծառայողներ։ Քաղաքացիական անձանց շրջանում կա 50 զոհ ու 148 վիրավոր։

308
թեգերը:
Արցախյան պատերազմ, դավաճանություն, Հրաժարական, Նիկոլ Փաշինյան
թեմա:
Իրադրությունը Հայաստանում և Արցախում հայտարարության ստորագրումից հետո (793)
Ըստ թեմայի
Նիկոլ Փաշինյանն Արայիկ Հարությունյանին գործուղել է Սյունիքի մարզ
Փաշինյանը պետական դավաճան է, նա հանձնել է մեր կյանքի գնով պահված դիրքերը. զինվորականներ
Ինչպե՞ս էիք պատկերացնում արցախյան հարցի լուծումը. հարցախույզ Երևանում
Արմեն Բադալյան

Վազգեն Մանուկյանը ճիշտ արե՞ց, որ մարզեր գնաց. Արմեն Բադալյանի տեսակետը

106
(Թարմացված է 16:17 17.01.2021)
Քաղտեխնոլոգ Արմեն Բադալյանը Sputnik Արմենիայի եթերում անդրադարձել է միացյալ ընդդիմության առաջադրած վարչապետի թեկնածու Վազգեն Մանուկյանի մարզային այցերին և ընդդիմության վարած մարտավարությանը։
Բադալյան. «Մարզեր գնալը ճիշտ է, բոլորն էլ տեսան, որ միայն Երևանի վրա կենտրոնանալը ոչ մի արդյունք չտվեց»

Արմեն Բադալյանի դիտարկմամբ` երբ պայքարը սկսվեց, նոյեմբեր–դեկտեմբեր ամիսներն էին, և պետք է նշել, որ դեկտեմբերի երկրորդ կեսից մինչև հունվարի վերջն ընկած ժամանակահատվածում, ինչպես ցույց են տվել նախորդ երեսուն տարիները, պայքարը հաջող չի ստացվում, որովհետև դա, ըստ Բադալյանի, քաղաքական տեսանկյունից մեռած սեզոն է համարվում, սովորաբար ցրտի պատճառով ակտիվ գործողություններ չեն իրականացվում։

«Քանի որ եղանակները հետզհետե տաքանում են, Հայրենիքի փրկության շարժման պայքարը բնականաբար կարող է ակտիվանալ։ Ընդդիմությունը մեկնել է մարզեր, որովհետև չի կարելի շարժումը զուտ որպես երևանյան շարժում ներկայացնել, ի վերջո սա միայն երևանցիների խնդիրը չէ, այլ ամբողջ հանրապետության, հետևաբար եթե ուզում ես որևէ գործողություն կատարել, չես կարող հենվել միայն Երևանի վրա, այլ պետք է ընդգրկես պայքարի հնարավորինս լայն տարածք, որպեսզի իշխանության դեմ ձեռնարկվող գործընթացն աջակցություն ստանա մարզերում»,– Sputnik Արմենիայի հետ զրույցում ասաց քաղտեխնոլոգը։

Բադալյանը նույնիսկ տարօրինակ համարեց այն հանգամանքը, որ կուսակցությունների ղեկավարների մակարդակով նախորդ տարվա նոյեմբեր–դեկտեմբեր ամիսներին մարզային այցեր չեն կայացել, և բոլորն էլ տեսան, որ միայն Երևանի վրա կենտրոնանալը ոչ մի արդյունք չտվեց։

«Կողքից տեսանելի է, որ միացյալ ընդդիմությունն ունի միաժամանակ թե՛ Երևանում, թե՛ մարզերում պայքարելու կազմակերպչական, ֆինանսական, լրատվական, ինտելեկտուալ և մարդկային ռեսուրս, այլ բան է, թե ինչպես է այդ ռեսուրսն օգտագործվում պայքարը ճիշտ իրականացնելու համար։ Չէի ասի, թե այդ ռեսուրսը կիրառվում է իդեալականորեն, որովհետև պետք է տիրապետել նաև օգտագործման մեթոդներին»,– նշեց քաղտեխնոլոգը։

Բադալյանի կարծիքով` Հայաստանում այժմ առաջացել է քաղաքական ճգնաժամ, իշխանությունը թույլ է այնքան, որ վարչապետը չի կարողանում որոշ մարզեր գնալ, նա մերժված է հայկական ինստիտուտների կողմից, բայց դեռ ուժեղ է այնքան, որ պահպանում է պաշտոնը, իսկ ընդդիմությունն ուժեղ է այնքան, որ իշխանությունը չի կարողանում ճնշումների միջոցով նրան ամբողջովին կազմաքանդել, բայց նաև թույլ է այնքան, որ չի կարողանում տապալել իշխանությանը։

Քաղտեխնոլոգի գնահատմամբ`իշխանությունն էլ, ընդդիմությունն էլ ունեն պարտված կարգավիճակ, ինչը պատային իրավավիճակ է ստեղծում, և այսպես, ըստ նրա, երկար չի կարող շարունակվել, իրավիճակը պետք է հանգուցալուծում ստանա։

Հիշեցնենք` Վազգեն Մանուկյանն օրերս այցելել էր Գյումրի, այնուհետև Վանաձոր։

106
թեգերը:
Արմեն Բադալյան, Վազգեն Մանուկյան, Հայաստան
Ըստ թեմայի
Լենա Նազարյանը համաձայն չէ, որ Արցախի տարածքները պետք է վերադարձնենք պատերազմի միջոցով
Սեյրան Օհանյանի և Արթուր Դավթյանի միջև «սև կատու» է անցել. փոխադարձ հայտարարություններ
Մեզ ինչո՞ւ եք այդ տականքների հետ համեմատել. շիշ հավաքողը վիրավորվել է Մանուկյանի խոսքերից
Լամարա Մանուկյան

Ինչպե՞ս է եղանակային փոփոխությունն ազդում մարդու օրգանիզմի վրա. պարզաբանում է Մանուկյանը

100
(Թարմացված է 11:27 17.01.2021)
Եղանակային փոփոխությունները կարող են նվազեցնել մարդկանց սթրեսակայունությունը, ուղիղ ազդեցություն ունենալ նրանց տրամադրության վրա, բարձրացնել աշխատունակությունը։ Sputnik Արմենիան զրուցել է թերապևտ-սրտաբան Լամարա Մանուկյանի հետ։
«Մրսածության դեպքում որպես հետևանք լինում է իմուն համակարգի անկում և ավելի մեծ է քովիդով վարակվելու հակվածությունը». Լամարա Մանուկյան

Եղանակային փոփոխությունների ժամանակ հատկապես հաճախակիանում են զարկերակային ճնշման տատանումները, սիրտ-անոթային հիվանդությունները։

«Այս ընթացքում ունենում ենք նաև չկարգավորվող զարկերակային գերճնշում, այսինքն` հիվանդներն իրենց նշանակած դեղորայքն օգտագործելիս չեն հասնում ցանկալի արդյունքի»,- Sputnik Արմենիայի հետ զրույցում ասաց թերապևտ-սրտաբան Լամարա Մանուկյանը։

Հետտոնական շրջանում, որպես կանոն, նկատվում են նաև աղեստամոքսային տրակտի հիվանդությունների, ստամոքսի խոցերի սրացումներ։

Մասնագետի խոսքով` այս տարի բավականին շատ են եղել մրսածության հետևանքով տարբեր շնչառական խնդիրներով դիմող քաղաքացիները, ինչը, ըստ նրա, կորոնավիրուսի համավարակի առկայության պարագայում լրջագույն խնդիր է համարվում։

«Եթե մարդը մրսածություն կամ այլ շնչառական վարակ ունի, իմունային համակարգի անկում է լինում, և հավանականությունն ավելի մեծ է, որ նա վարակվի կորոնավիրուսով»,- նշեց մասնագետը։

Պարզվում է` եղանակային փոփոխությունները կարող են նվազեցնել մարդկանց սթրեսակայունությունը, ուղիղ ազդեցություն ունենալ նրանց տրամադրության վրա, բարձրացնել աշխատունակությունը։

Եղանակային փոփոխություններից առաջացած ռիսկերից խուսափելու համար մասնագետը խորհուրդ է տալիս վիտամիներով հարուստ սնունդ ընդունել, խուսափել գազավորված ըմպելիքներից և մարզվել։

Ո՞ր ժամին է պետք քնել նիհարելու համար. խորհուրդ է տալիս Լիլիթ Բաբասյանը

100
թեգերը:
բժիշկ, եղանակ, Հայաստան
Ըստ թեմայի
Ճապոնիայում կորոնավիրուսի նոր տեսակ են գտել
Կորոնավիրուսը տարածվում է. Արցախի մի քանի համայնքներում ելումուտը սահմանափակվում է
Ում չի կարելի մեղր ուտել. բժիշկի խորհուրդները
Ալեքսեյ Նավալնուն ձերբակալել են Մոսկվայի «Շերեմետևո» օդանավակայանում

Նավալնուն ձերբակալել են Մոսկվայի «Շերեմետևո» օդանավակայանում. տեսանյութ

0
(Թարմացված է 23:25 17.01.2021)
Ալեքսեյ Նավալնու հետագա խափանման միջոցը կորոշի դատարանը, մինչ այդ նա կմնա կալանքի տակ։

ԵՐԵՎԱՆ, 17 հունվարի – Sputnik. Ռուսաստանցի քաղաքական գործիչ և բլոգերԱլեքսեյ Նավալնին Գերմանիայից Ռուսաստան է վերադարձել և ձերբակալվել օդանավակայանում։ Տեղեկությունը հայտնում է ՌԻԱ Նովոստին` հղում անելով Պատիժների կատարման դաշնային ծառայությանը (ՊԿԴԾ)։

«Ռուսաստանի Դաշնության ՊԿԴԾ օպերատիվ վարչության Մոսկվայի հետախուզության բաժնի աշխատակիցները «Շերեմետևո» օդանավակայանում ձերբակալել են Ալեքսեյ Նավալնուն, որը պայմանական ազատազրկման ժամկետը բազմիցս խախտելու համար հետախուզվում էր 2020 թվականի դեկտեմբերի 29–ից», - հավելել են գերատեսչությունում:

Նավալնու հետագա խափանման միջոցը կորոշի դատարանը, մինչ այդ նա կմնա կալանքի տակ։

Հիշեցնենք` Նավալնուն հիվանդանոց էին տեղափոխել 2020 թվականի օգոստոսի 20-ին Օմսկում, երբ նրա ինքնազգացողությունը վատացել էր Տոմսկից Մոսկվա թռչող ինքնաթիռում։ Զննումից հետո Օմսկի հիվանդանոցի բժիշկները որպես հիմնական ախտորոշում նշել էին նյութափոխանակության խանգարումը, որն արյան մեջ շաքարի մակարդակի կտրուկ անկում էր առաջացրել։

Մերկելը գաղտնի հանդիպել է Նավալնու հետ. Spiegel

Ավելի ուշ ընդդիմադիր գործչին ինքնաթիռով տեղափոխեցին Գերմանիա։ ԳԴՀ կառավարությունը, հղում անելով ռազմական բժիշկներին, հայտարարեց, որ Նավալնուն թունավորել են «Նովիչոկ» թունավոր նյութերի շարքին պատկանող սուբստանցիայով։ Կրեմլում այդ կապակցությամբ հայտարարեցին, որ Բեռլինը Մոսկվային չի տեղեկացրել Նավալնու՝ «Նովիչոկով» թունավորված լինելու իր եզրակացությունների մասին, Ռուսաստանը նման տվյալներ չունի:

Մինչ այդ Նավալնու դեմ երկու պայմանական ազատազրկման դատավճիռ էր կայացվել՝ 16 մլն ռուբլի վատնելու և ավելի քան 30 մլն ռուբլի յուրացնելու գործերով:

«Բեռլինը բլեֆ է անում». Զախարովան մեկնաբանել է Նավալնու գործը

0
թեգերը:
Ձերբակալություն, Շերեմետևո, Ալեքսեյ Նավալնի, Ռուսաստան
Ըստ թեմայի
Նավալնին չի օգնի. Գերմանիայում սխալ են որակել «Հյուսիսային հոսք - 2»–ը կասեցնելու կոչերը
Գերմանիան Նավալնուն կստիպի լռել, քանի որ նրա վերադարձը հղի է կանխատեսելի հետևանքներով
Թրամփը չի ցանկանում խառնվել Նավալնու հետ կապված «մութ պատմությանը»