Տարոն Հովհաննիսյան

Ի՞նչ կտա Հայաստանին Արցախի միջազգային ճանաչման վերաբերյալ Ֆրանսիայի Սենատի բանաձևը

253
«Օրբելի» կենտրոնի վերլուծաբան Տարոն Հովհաննիսյանը Sputnik Արմենիայի եթերում անդրադարձել է Արցախի Հանրապետության անկախությունը ճանաչելու վերաբերյալ Ֆրանսիայի Սենատի բանաձևին հաջորդած ադրբեջանական կողմի արձագանքներին։
«Ֆրանսիայի Սենատի բանաձևը Արցախի միջազգային ճանաչման հող է նախապատրաստում». Հովհաննիսյան

Ադրբեջանի խորհրդարանը հայտարարություն է ընդունել, որում Ֆրանսիայի Սենատին բողոք է հայտնել Լեռնային Ղարաբաղի վերաբերյալ բանաձևի կապակցությամբ, իսկ կառավարությանն առաջարկել է դիմել ԵԱՀԿ-ին` Ֆրանսիային Մինսկի խմբի համանախագահների կազմից հեռացնելու համար:

Տարոն Հովհաննիսյանի դիտարկմամբ` Ադրբեջանի համար տվյալ բանաձևն իհարկե խիստ անցանկալի է, ինչպես և Արցախի միջազգային ճանաչմանն ուղղված ցանկացած քայլ։ Ադրբեջանական կողմը բավականին ցավոտ է ընդունում նման որոշումները, հետևաբար այս պահին ողջ հնարավոր ռեսուրսները գործի են դրել, որպեսզի վարկաբեկեն Ֆրանսիայի Սենատի կողմից ընդունված բանաձևն ու Ֆրանսիայի դերակատարությունը։

Ադրբեջանական կողմը հասկանում է, որ հակամարտությունից կամ կարգավորման գործընթացից, օրինակ, Ռուսաստանին, դուրս մղելը հնարվոր չէ, քանզի ռուս խաղաղապահներն արդեն Լեռնային Ղարաբաղում են։ Այս պարագայում ամենաթույլ օղակը հենց Ֆրանսիան է, հետո նոր ԱՄՆ–ն, հետևաբար Ադրբեջանն ակտիվ կերպով թիրախավորում է հենց Ֆրանսիային` որպես առիթ օգտագործելով նաև Սենատի կողմից ընդունված բանաձևը»,– նշեց վերլուծաբանը։ 

ԼՂ անկախության միակողմանի ճանաչումն օգուտ չի բերի ոչ մեկին. Ֆրանսիայի ԱԳՆ–ի արձագանքը

Հովհաննիսյանի կարծիքով` հավանականությունը ցածր է, որ Ֆրանսիայի կառավարությունը կճանաչի Արցախի անկախությունը` հաշվի առնելով այդ երկրի ԱԳՆ ներկայացուցչի ելույթը Սենատում, ուստի դրական ակնկալիքներն այս պահին իրատեսական չեն, թեև Սենատի ընդունած բանաձևը մյուս կողմից միջազգային ասպարեզում Արցախի ճանաչման համար հող է նախապատրաստում։ 

Վերլուծաբանի համոզմամբ` Ֆրանսիայի Սենատի բանաձևը կարող է հիմք հանդիսանալ նաև մեր հետագա քաղաքականության մշակման համար` հաշվի առնելով թե՛ տեղում առկա իրողությունները, թե՛ Ռուսաստանի գործոնը և ունեցած դերը։ Ըստ նրա` կարևոր է, թե մենք ինչ խնդիր ենք դնում մեր առջև և դրա լուծման նպատակով ինչ քայլեր ենք նախատեսում։ 

Եթե մեր պետության համար շարունակում է գերակա խնդիր մնալ Արցախի միջազգային ճամաչումը և Ադրբեջանի կազմից ցանկացած կարգավիճակով դուրս մնալու առաջնահերթությունը, ապա դրան զուգահեռ պետք է հարթակներ ձևավորվեն` հետագայում ներկայացնելու և ցույց տալու համար, որ միջազգային իրավունքի և հայկական բնակչության իրավունքների պաշտպանության տեսանկյունից միակ ճիշտ ելքն Արցախի անկախության ճանաչումն է։  

Հայաստանն ու Ադրբեջանը ԵՄ-ի համար «երկրորդ կարգի» երկրներ են․ Լավրով

Հիշեցնենք, որ նոյեմբերի 25-ին Ֆրանսիայի Սենատը ձայների բացարձակ մեծամասնությամբ բանաձև ընդունեց՝ կոչ անելով երկրի կառավարությանը ճանաչել Արցախը։

 

 

 

 

 

253
թեգերը:
բանաձև, Ֆրանսիա, Արցախ, Տարոն Հովհաննիսյան
Ըստ թեմայի
Ֆրանսիայի Սենատն Արցախի անկախությունը ճանաչելու մասին բանաձև ընդունեց
Մեզ ասվել է, որ համանախագահները դեմ են. Մարուքյանը՝ Արցախի անկախությունը չճանաչելու մասին
ՀՀ նորանշանակ արտգործնախարարն ու Գուտերեշն Արցախի հետ կապված հարցեր են քննարկել
Կառլեն Խաչատրյան

Ինչո՞վ է զբաղված ՏՄՊՊՀ-ն և ինչո՞ւ դեղատներն անբարեխիղճ գործելաոճի համար չեն պատժվում

10
Տնտեսագետ Կառլեն Խաչատրյանը Sputnik Արմենիայի եթերում թվարկել է այն հնարավոր գործոնները, որոնք ձևավորում են դեղորայքի շուկայում գների թռիչքային աճը։
«Դեղորայքի թանկացման հարցում էական նշանակություն ունի դոլարի արժեվորումը, սակայն չեմ բացառում նաև սպեկուլյատիվ գործոնները». Կառլեն Խաչատրյան

Դեղորայքի գների բարձրացման հարցում էական նշանակություն ունի դոլարի արժեվորումը, սակայն, չի բացառվում, որ գործ ունենք նաև գերիշխող դիրքի չարաշահման ու սպեկուլյատիվ գործոնների հետ։ Sputnik Արմենիայի հետ զրույցում նման կարծիք հայտնեց տնտեսագետ Կառլեն Խաչատրյանը` մեկնաբանելով մամուլում տարածված տեղեկությունները, թե դեղերի շուկան դուրս է եկել վերահսկողությունից, իսկ դեղատները նման անբարեխիղճ գործելաոճի համար չեն պատժվում։

«Վերջին 2 ամիսների ընթացքում դոլարը մոտ 10 տոկոսով է արժեվորվել, սակայն այն դեպքերում, երբ քաղաքացիները հանդիպում են 65-70 տոկոսով դեղերի գնի բարձրացման, թանկացումը միայն դոլարի փոխարժեքով չի կարելի պայմանավորել»,- ասաց նա։

Հայաստանում դեղորայքի շուկայում առկա չարաշահումների ուսումնասիրությամբ զբաղվում է ՏՄՊՊՀ-ն, որն, ըստ Խաչատրյանի, վերջին 2.5 տարում այնքան էլ բարեխիղճ չի գործում։

«Վերջին 2-2.5 տարիների ընթացքում պետական որևէ մարմին իր գործառույթները պատշաճ մակարդակով չի իրականացնում կամ կադրային բավարար ներուժ չկա, ղեկավար անձնակազմը պատրաստ չէ, պահանջկոտ չէ, դրա համար էլ այս իրավիճակում ենք»,- նշեց տնտեսագետը։

Նրա համոզմամբ, եթե ոլորտի համար պատասխանատու հանձնաժողովը տարբեր պատճառաբանություններով մեկնաբանություններ չի ներկայացնում կամ փորձում է իր գործառույթները չկատարելը քողարկել «ուսումնասիրություններն ընթացքի մեջ» են պատճառաբանությամբ, դա ոչ այլ ինչ է, եթե ոչ անկարողության ու անգործության ուղղակի հետևանք։

«Հույս չունենաք, որ լավ ենք ապրելու». Վազգեն Մանուկյանը Գյումրիում է

Նշենք, որ այսօր «Ժողովուրդ» թերթը գրել էր, որ դեղատները անբարեխիղճ գործելաոճի համար չեն պատժվում, իսկ ՀՀ տնտեսական մրցակցության պաշտպանության պետական հանձնաժողովը վստահեցնում է, որ դեղերի շրջանառության ոլորտն ուսումնասիրում են:

10
թեգերը:
գին, Կառլեն Խաչատրյան, Տնտեսական մրցակցության պաշտպանության պետական հանձնաժողով (ՏՄՊՊՀ), Դեղ
Ըստ թեմայի
«Ասաց՝ մամ, ծաղկեպսակը դու սարքի». Եռաբլուրում ծաղիկները ձյունից շատ էին ու անիմաստ թանկ
Գնաճը մինչև ո՞ւր կհասնի. էկոնոմիկայի նախարարը վստահեցնում է` մենք դեռ լավ վիճակում ենք
Գները նվազեցրել և բարձրացրել են. ձվի շուկայում գործող 7 ընկերություն է տուգանվել
Արմեն Մկրտչյան

Հեռուստաընկերությունները մրցույթի արդյունքները կարող են բողոքարկել. Մկրտչյան

31
(Թարմացված է 21:19 15.01.2021)
Հեռուստատեսության և ռադիոյի հանձնաժողովի անդամ Արմեն Մկրտչյանը Sputnik Արմենիայի եթերում անդրադարձել է հեռուստաընկերությունների համար նախատեսված հանրապետական և մայրաքաղաքային սփռման մրցույթի ընթացքին և արդյունքներին։
Մկրտչյան. «Մրցույթի առթիվ գուցե իմացել են, որ ճնշումների չենք տրվում, դրա համար էլ չեն ճնշել»

Արմեն Մկրտչյանն ընդգծեց, որ միշտ էլ լինում են քննարկումներ, և այս անգամ էլ որոշ լրատվական միջոցներ, կայքեր փորձեցին որոշ գնահատականներ տալ։ Մկրտչյանի տեղեկացմամբ`նույնիսկ որոշներն ասում էին, որ առանձին հեռուստաընկերություններ չեն ստանա արտոնագիր, մի քանի օր շարունակ եղան շահարկումներ, սակայն այսօր կայացած քվեարկությունը, մրցույթն ինքնին ցույց տվեց, որ նախապես տարածված տեղեկություններն այդքան էլ ճիշտ չէին։

«Ես երկու անգամ, որպես հանձնաժողովի անդամ, մասնակցել եմ մրցույթի. մեկը երկու տարի առաջ, որն առնչվում էր ռադիոհաճախականություններին, մյուսը` տասը տարի առաջ, որն առնչվում էր մուլտիպլեքսին։ Իմ մասով միանշանակ կարող եմ ասել, որ որևէ միջամտություն ո՛չ նախորդներին, ո՛չ էլ այս մրցույթին չի եղել։ Եղել է զուտ պարտավորություն` աշխատել օրենքով և հնարավորինս օբյեկտիվ գնահատական, միավորներ տալ ինչպես գործող, այնպես էլ նոր հեռուստաընկերություններին։ Միգուցե իմացել են, որ ճնշումների չենք տրվում, դրա համար էլ չեն ճնշել»,– նշեց ՀՌՀ անդամը։ 

Մկրտչյանի դիտարկմամբ` հանձնաժողովում կարող են լինել տարբեր մոտեցումներ, յուրաքանչյուրն ունի իր առողջ սուբյեկտիվիզմն օրենքի շրջանակներում, ուստի կարծիքները կարող են տարբերվել, իսկ ինչ վերաբերում է մրցույթի արդյունքների առթիվ հնարավոր բողոքներին, ապա ՀՌՀ անդամն ընդգծեց, որ մրցույթն անցկացվել է մի քանի ժամ առաջ, և հեռուստաընկերությունները նույնիսկ դեռ չեն ստացել որոշումները, որպեսզի ուսումնասիրեն, ուստի չբացառեց, որ ստանալուց հետո օրենքի համաձայն, եթե լինեն բողոքներ, պետական մարմնի ցանկացած որոշում կարող է բողոքարկվել վարչական դատարանում։      

Ո՞ր ՀԸ-երը հանրապետական ու մայրաքաղաքային սփռում ստացան. հայտնի են մրցույթի արդյունքները

Հիշեցնենք, որ մրցույթի արդյունքում առաջիկա 7 տարին հանրապետական սփռման հնարավորություն ստացան «Արմենիա ԹԻՎԻ» ՓԲԸ-ն, «Հուսաբեր» ՓԲԸ-ն (Երկիր Մեդիա), «Շանթ» ՍՊԸ-ն, Ա ԹԻՎԻ ՍՊԸ-ն, «Մուլտիմեդիա կենտրոն TV» ՓԲԸ-ն, իսկ մայրաքաղաքային սփռման սլոթերում լինելու հնարավորություն ստացան «Շարկ» ՍՊԸ-ն (5-րդ ալիք), «Արմնյուզ» ՓԲԸ-ն, Freenews ՍՊԸ-ն, «Արփի մեդիան», Դար 21-ը, «Մո ԹԻՎԻ»-ն:

31
թեգերը:
Դատարան, մրցույթ, Հեռուստատեսության և ռադիոյի հանձնաժողով (ՀՌԱՀ), Տիգրան Հակոբյան (Հեռուստատեսության ու ռադիոյի հանձնաժողովի նախագահ ), Հեռուստատեսություն