Հովհաննես Քոչարյան

Թիկնազորի վերաբերյալ միստիկ պատմությունների պատճառը օրենքի պահանջից շեղվելն է

873
(Թարմացված է 23:07 25.11.2020)
ՀՀ ոստիկանապետի նախկին տեղակալ Հովհաննես Քոչարյանը Sputnik Արմենիայի եթերում անդրադարձել է վերջին օրերին ընդդիմադիր ուժերի հանրահավաքներն ու ակցիաները ցրող` «չինական տարբերանշան» կրող համազգեստով ուժայինների խնդրին։
Քոչարյան. «Ոստիկանական զգեստի միստիկ պատմությունների պատճառը օրենքի պահանջից շեղվելն

Հովհաննես Քոչարյանի տեղեկացմամբ` այդ երևույթին վերջ էր տրված 2008 թվականի մարտի 1-ի դեպքերից հետո, որովհետև օրենսդրությունը զգալիորեն բարեփոխվեց և սահմանվեց հստակ օրենսդրական պահանջ, որի համաձայն` հասարակական կարգի պահպանություն իրականացնող ոստիկանության ծառայողները պարտավոր են կրել այնպիսի համազգեստ, որը կտա նրանց նույնականացնելու հնարավորություն։ 

«Դիմակների մասին խոսք չկա, բայց նույնականացման պահանջն օբյեկտիվորեն վերաբերում է արտաքինից դիմագծերը տեսանելի լինելու հանգամանքին, այսինքն` հասարակական կարգի պահպանման ժամանակ, երբ կանխվում են որոշակի խմբային գործողություններ, ոստիկանության ծառայողներն անպայման պետք է ունենան տարբերանշանով և հատուկ համարանիշերով համազգեստ, որ ընդհուպ մինչև պաշտոնն ու անձնական տվյալները հնարավոր լինի նույնականացնել։ Սա օրենքի պահանջն է, և ցանկացած շեղում անթույլատրելի է, քանզի կարող է բերել նման նեգատիվ գնահատականների»,– նշեց ՀՀ ոստիկանապետի նախկին տեղակալը։

Հիշեցնենք, որ ԱԱԾ նախկին տնօրեն Արթուր Վանեցյանն ավելի վաղ նշել էր, որ չինական տարբերանշանով անհասկանալի համազգեստով մարդիկ ոստիկանության հետ որևէ կապ չունեն։ 

Ոստիկաննները խուզարկում են Միհրան Հակոբյանի տունը

Անդրադառնալով Վանեցյանի այն դիտարկմանը, որ անհասկանալի հանդերձանքով միտինգ ցրողներից շատերի դիմակի տակ մորուք կար, Հովհաննես Քոչարյանն ասաց, որ անտեղյակ է մորուքավոր աշխատակիցների մասին, բայց այդ հանգամանքն էլ մի կողմ դնելով` ընդգծեց, որ պետք է երևույթին գնահատական տալ զուտ իրավական կարգավորումների տեսանկյունից։ 

«Ես գրեթե կասկած չունեմ, որ դրանք ոստիկանության ծառայողներ են, ուղղակի թե այդ համազգեստն ինչու էր ընտրվել և ինչ նպատակով, ինձ համար հանելուկ է, որովհետև այնպես չէ, որ հատկապես ոստիկանության զորքերի սպայակազմը տեղյակ չէր կամ առաջին անգամ էր բախվում նման խնդրի։ Դա վաղուց արդեն իր ժամանակը գերապրած խնդիր է, և զարմացա, որ նորից բերվեց ոստիկանական պրակտիկա, ինչից վաղուց էինք հրաժարվել»,– նշեց ՀՀ ոստիկանապետի նախկին տեղակալը։ 

Անդրադառնալով այն հարցին, թե պետությունն իրավասու՞ է արդյոք հասարակական կարգը վերականգնելու գործում դիմել այլ երկրի և ներգրավել արտերկրից ժամանած հատուկ ջոկատայինների, Հովհաննես Քոչարյանն ընդգծեց, որ դա տեսականորեն հնարավոր է, եթե խնդիրը կարգավորված է միջազգային պայմանագրերով, բայց ինչ վիճակում պետք է լինեն տվյալ երկրի իրավապահ մարմինները, որ դիմեն այլ պետության իրավապահ մարմինների ներգրավմանը։

Նախկին փոխոստիկանապետի գնահատմամբ`նման դեպքում պետք է արձանագրվի, որ հայաստանյան իրավապահ մարմիններ գոյություն չունեն, կազմալուծված են և չեն կարող հասարակական կարգի պահպանման խնդիրներ լուծել։ Այդուհանդերձ Հովհաննես Քոչարյանը կարծում է, որ մեր ոստիկանությունն այդ վիճակում չէ և այլ միջոցներ ներգրավելու խնդիր էլ չկա, մանավանդ որ հանրահավաքներն ու բողոքի ակցիաները մարդաշատ չեն։

Դիմակավորված ոստիկանները չպետք է մասնակցեն խաղաղ հավաքների դադարեցմանը. Հայաստանի ՄԻՊ

Ըստ նրա` պարզապես բամբասանքների, միստիկ պատմությունների, օլիգարխների, մութ ուժերի թիկնազորի ներգրավման խնդիրը կապված է զուտ համազգեստի հետ, և այդ ամենի պատճառն օրենքի տառից ու պահանջից շեղվելու հետևանք է։ 

873
թեգերը:
ոստիկան, համազգեստ, Հովհաննես Քոչարյան
Ըստ թեմայի
Հակաիրավական քայլերի դիմողներն ամենախիստ պատասխանատվության կենթարկվեն. ոստիկանություն
Երևանում ցուցարարներին վրաերթի ենթարկած 27–ամյա վարորդը հայտնաբերվել է. ՀՀ ոստիկանություն
Երևանում ոստիկանների գործողությունների հետևանքով վնասվեց ցուցարարներից մեկի գլուխը
Արմեն Բադալյան

Վազգեն Մանուկյանը ճիշտ արե՞ց, որ մարզեր գնաց. Արմեն Բադալյանի տեսակետը

107
(Թարմացված է 16:17 17.01.2021)
Քաղտեխնոլոգ Արմեն Բադալյանը Sputnik Արմենիայի եթերում անդրադարձել է միացյալ ընդդիմության առաջադրած վարչապետի թեկնածու Վազգեն Մանուկյանի մարզային այցերին և ընդդիմության վարած մարտավարությանը։
Բադալյան. «Մարզեր գնալը ճիշտ է, բոլորն էլ տեսան, որ միայն Երևանի վրա կենտրոնանալը ոչ մի արդյունք չտվեց»

Արմեն Բադալյանի դիտարկմամբ` երբ պայքարը սկսվեց, նոյեմբեր–դեկտեմբեր ամիսներն էին, և պետք է նշել, որ դեկտեմբերի երկրորդ կեսից մինչև հունվարի վերջն ընկած ժամանակահատվածում, ինչպես ցույց են տվել նախորդ երեսուն տարիները, պայքարը հաջող չի ստացվում, որովհետև դա, ըստ Բադալյանի, քաղաքական տեսանկյունից մեռած սեզոն է համարվում, սովորաբար ցրտի պատճառով ակտիվ գործողություններ չեն իրականացվում։

«Քանի որ եղանակները հետզհետե տաքանում են, Հայրենիքի փրկության շարժման պայքարը բնականաբար կարող է ակտիվանալ։ Ընդդիմությունը մեկնել է մարզեր, որովհետև չի կարելի շարժումը զուտ որպես երևանյան շարժում ներկայացնել, ի վերջո սա միայն երևանցիների խնդիրը չէ, այլ ամբողջ հանրապետության, հետևաբար եթե ուզում ես որևէ գործողություն կատարել, չես կարող հենվել միայն Երևանի վրա, այլ պետք է ընդգրկես պայքարի հնարավորինս լայն տարածք, որպեսզի իշխանության դեմ ձեռնարկվող գործընթացն աջակցություն ստանա մարզերում»,– Sputnik Արմենիայի հետ զրույցում ասաց քաղտեխնոլոգը։

Բադալյանը նույնիսկ տարօրինակ համարեց այն հանգամանքը, որ կուսակցությունների ղեկավարների մակարդակով նախորդ տարվա նոյեմբեր–դեկտեմբեր ամիսներին մարզային այցեր չեն կայացել, և բոլորն էլ տեսան, որ միայն Երևանի վրա կենտրոնանալը ոչ մի արդյունք չտվեց։

«Կողքից տեսանելի է, որ միացյալ ընդդիմությունն ունի միաժամանակ թե՛ Երևանում, թե՛ մարզերում պայքարելու կազմակերպչական, ֆինանսական, լրատվական, ինտելեկտուալ և մարդկային ռեսուրս, այլ բան է, թե ինչպես է այդ ռեսուրսն օգտագործվում պայքարը ճիշտ իրականացնելու համար։ Չէի ասի, թե այդ ռեսուրսը կիրառվում է իդեալականորեն, որովհետև պետք է տիրապետել նաև օգտագործման մեթոդներին»,– նշեց քաղտեխնոլոգը։

Բադալյանի կարծիքով` Հայաստանում այժմ առաջացել է քաղաքական ճգնաժամ, իշխանությունը թույլ է այնքան, որ վարչապետը չի կարողանում որոշ մարզեր գնալ, նա մերժված է հայկական ինստիտուտների կողմից, բայց դեռ ուժեղ է այնքան, որ պահպանում է պաշտոնը, իսկ ընդդիմությունն ուժեղ է այնքան, որ իշխանությունը չի կարողանում ճնշումների միջոցով նրան ամբողջովին կազմաքանդել, բայց նաև թույլ է այնքան, որ չի կարողանում տապալել իշխանությանը։

Քաղտեխնոլոգի գնահատմամբ`իշխանությունն էլ, ընդդիմությունն էլ ունեն պարտված կարգավիճակ, ինչը պատային իրավավիճակ է ստեղծում, և այսպես, ըստ նրա, երկար չի կարող շարունակվել, իրավիճակը պետք է հանգուցալուծում ստանա։

Հիշեցնենք` Վազգեն Մանուկյանն օրերս այցելել էր Գյումրի, այնուհետև Վանաձոր։

107
թեգերը:
Արմեն Բադալյան, Վազգեն Մանուկյան, Հայաստան
Ըստ թեմայի
Լենա Նազարյանը համաձայն չէ, որ Արցախի տարածքները պետք է վերադարձնենք պատերազմի միջոցով
Սեյրան Օհանյանի և Արթուր Դավթյանի միջև «սև կատու» է անցել. փոխադարձ հայտարարություններ
Մեզ ինչո՞ւ եք այդ տականքների հետ համեմատել. շիշ հավաքողը վիրավորվել է Մանուկյանի խոսքերից
Լամարա Մանուկյան

Ինչպե՞ս է եղանակային փոփոխությունն ազդում մարդու օրգանիզմի վրա. պարզաբանում է Մանուկյանը

104
(Թարմացված է 11:27 17.01.2021)
Եղանակային փոփոխությունները կարող են նվազեցնել մարդկանց սթրեսակայունությունը, ուղիղ ազդեցություն ունենալ նրանց տրամադրության վրա, բարձրացնել աշխատունակությունը։ Sputnik Արմենիան զրուցել է թերապևտ-սրտաբան Լամարա Մանուկյանի հետ։
«Մրսածության դեպքում որպես հետևանք լինում է իմուն համակարգի անկում և ավելի մեծ է քովիդով վարակվելու հակվածությունը». Լամարա Մանուկյան

Եղանակային փոփոխությունների ժամանակ հատկապես հաճախակիանում են զարկերակային ճնշման տատանումները, սիրտ-անոթային հիվանդությունները։

«Այս ընթացքում ունենում ենք նաև չկարգավորվող զարկերակային գերճնշում, այսինքն` հիվանդներն իրենց նշանակած դեղորայքն օգտագործելիս չեն հասնում ցանկալի արդյունքի»,- Sputnik Արմենիայի հետ զրույցում ասաց թերապևտ-սրտաբան Լամարա Մանուկյանը։

Հետտոնական շրջանում, որպես կանոն, նկատվում են նաև աղեստամոքսային տրակտի հիվանդությունների, ստամոքսի խոցերի սրացումներ։

Մասնագետի խոսքով` այս տարի բավականին շատ են եղել մրսածության հետևանքով տարբեր շնչառական խնդիրներով դիմող քաղաքացիները, ինչը, ըստ նրա, կորոնավիրուսի համավարակի առկայության պարագայում լրջագույն խնդիր է համարվում։

«Եթե մարդը մրսածություն կամ այլ շնչառական վարակ ունի, իմունային համակարգի անկում է լինում, և հավանականությունն ավելի մեծ է, որ նա վարակվի կորոնավիրուսով»,- նշեց մասնագետը։

Պարզվում է` եղանակային փոփոխությունները կարող են նվազեցնել մարդկանց սթրեսակայունությունը, ուղիղ ազդեցություն ունենալ նրանց տրամադրության վրա, բարձրացնել աշխատունակությունը։

Եղանակային փոփոխություններից առաջացած ռիսկերից խուսափելու համար մասնագետը խորհուրդ է տալիս վիտամիներով հարուստ սնունդ ընդունել, խուսափել գազավորված ըմպելիքներից և մարզվել։

Ո՞ր ժամին է պետք քնել նիհարելու համար. խորհուրդ է տալիս Լիլիթ Բաբասյանը

104
թեգերը:
բժիշկ, եղանակ, Հայաստան
Ըստ թեմայի
Ճապոնիայում կորոնավիրուսի նոր տեսակ են գտել
Կորոնավիրուսը տարածվում է. Արցախի մի քանի համայնքներում ելումուտը սահմանափակվում է
Ում չի կարելի մեղր ուտել. բժիշկի խորհուրդները
Ալեքսեյ Նավալնուն ձերբակալել են Մոսկվայի «Շերեմետևո» օդանավակայանում

Նավալնուն ձերբակալել են Մոսկվայի «Շերեմետևո» օդանավակայանում. տեսանյութ

0
(Թարմացված է 23:25 17.01.2021)
Ալեքսեյ Նավալնու հետագա խափանման միջոցը կորոշի դատարանը, մինչ այդ նա կմնա կալանքի տակ։

ԵՐԵՎԱՆ, 17 հունվարի – Sputnik. Ռուսաստանցի քաղաքական գործիչ և բլոգերԱլեքսեյ Նավալնին Գերմանիայից Ռուսաստան է վերադարձել և ձերբակալվել օդանավակայանում։ Տեղեկությունը հայտնում է ՌԻԱ Նովոստին` հղում անելով Պատիժների կատարման դաշնային ծառայությանը (ՊԿԴԾ)։

«Ռուսաստանի Դաշնության ՊԿԴԾ օպերատիվ վարչության Մոսկվայի հետախուզության բաժնի աշխատակիցները «Շերեմետևո» օդանավակայանում ձերբակալել են Ալեքսեյ Նավալնուն, որը պայմանական ազատազրկման ժամկետը բազմիցս խախտելու համար հետախուզվում էր 2020 թվականի դեկտեմբերի 29–ից», - հավելել են գերատեսչությունում:

Նավալնու հետագա խափանման միջոցը կորոշի դատարանը, մինչ այդ նա կմնա կալանքի տակ։

Հիշեցնենք` Նավալնուն հիվանդանոց էին տեղափոխել 2020 թվականի օգոստոսի 20-ին Օմսկում, երբ նրա ինքնազգացողությունը վատացել էր Տոմսկից Մոսկվա թռչող ինքնաթիռում։ Զննումից հետո Օմսկի հիվանդանոցի բժիշկները որպես հիմնական ախտորոշում նշել էին նյութափոխանակության խանգարումը, որն արյան մեջ շաքարի մակարդակի կտրուկ անկում էր առաջացրել։

Մերկելը գաղտնի հանդիպել է Նավալնու հետ. Spiegel

Ավելի ուշ ընդդիմադիր գործչին ինքնաթիռով տեղափոխեցին Գերմանիա։ ԳԴՀ կառավարությունը, հղում անելով ռազմական բժիշկներին, հայտարարեց, որ Նավալնուն թունավորել են «Նովիչոկ» թունավոր նյութերի շարքին պատկանող սուբստանցիայով։ Կրեմլում այդ կապակցությամբ հայտարարեցին, որ Բեռլինը Մոսկվային չի տեղեկացրել Նավալնու՝ «Նովիչոկով» թունավորված լինելու իր եզրակացությունների մասին, Ռուսաստանը նման տվյալներ չունի:

Մինչ այդ Նավալնու դեմ երկու պայմանական ազատազրկման դատավճիռ էր կայացվել՝ 16 մլն ռուբլի վատնելու և ավելի քան 30 մլն ռուբլի յուրացնելու գործերով:

«Բեռլինը բլեֆ է անում». Զախարովան մեկնաբանել է Նավալնու գործը

0
թեգերը:
Ձերբակալություն, Շերեմետևո, Ալեքսեյ Նավալնի, Ռուսաստան
Ըստ թեմայի
Նավալնին չի օգնի. Գերմանիայում սխալ են որակել «Հյուսիսային հոսք - 2»–ը կասեցնելու կոչերը
Գերմանիան Նավալնուն կստիպի լռել, քանի որ նրա վերադարձը հղի է կանխատեսելի հետևանքներով
Թրամփը չի ցանկանում խառնվել Նավալնու հետ կապված «մութ պատմությանը»