Նորայր Դունամալյան

Փաշինյանը ժամանա՞կ է շահում. ինչ խնդիր է լուծում նրա ներկայացրած «ճանապարհային քարտեզը»

238
(Թարմացված է 21:30 18.11.2020)
Քաղաքագետ Նորայր Դունամալյանը կարծում է, որ վարչապետ Նիկոլ Փաշինյանի հրապարակած ճանապարհային քարտեզում բացակայում է ամենակարևոր կետը։
Ճանապարհային քարտեզ. որն է ամենակարևոր կետը, և ինչու է այն բացակայում քարտեզից

Նիկոլ Փաշինյանի առաջարկած ճանապարհային քարտեզում բացակայում էր հրաժարականի կետը։ Sputnik Արմենիայի հետ զրույցում նման կարծիք հայտնեց քաղաքագետ Նիկոլայ Դունամալյանը` մեկնաբանելով ՀՀ վարչապետի հրապարակած ճանապարհային քարտեզում տեղ գտած կետերը։

Փաշինյանն այսօր Facebook–ի իր էջում ներկայացրել էր առաջիկա ամիսների ճանապարհային քարտեզը և հայտնել, որ 2021 թվականի հունիսին հանդես կգա այդ քարտեզի իրագործման հաշվետվությամբ։

«Միակ կետը, որ չկար այստեղ, հրաժարականի կետն էր, որը կարող էր բալանսավորել և տրամաբանություն հաղորդել առաջարկներին և այս կետերին։ Դա կտար որոշ քայլերի շղթա, որը կօգտագործվեր այս ճգնաժամից դուրս գալու նպատակով»,- ասաց նա։

Դունամալյանի խոսքով` Փաշինյանը փորձում է ժամանակ շահել և մնալ վարչապետի պաշտոնում` զուգահեռաբար փորձելով հնարավորինս բարելավել կառավարման որակը, բայց հասարակությունը նրան վստահելու որևէ երաշխիք չունի։

Մյուս կողմից, ըստ քաղաքագետի, ընդդիմադիրների կողմից Փաշինյանի հրաժարականի պահանջը չպետք է դառնա ինքնանպատակ։

«Չպետք է շարունակվի նույն գործընթացը, ինչ եղել է այս 25-30 տարվա ընթացքում, այսինքն`մենք պետք է հասկանանք, թե ինչ ենք ուզում»,- նշեց Դունամալյանը։

Անդրադառնալով վարչապետի` Ղարաբաղյան հակամարտության շուրջ բանակցային գործընթացի վերականգման կետին` քաղաքագետն ընդգծեց` նախ պետք է հասկանալ` այդ բանակցությունների համար հիմքեր կան, թե ոչ, ինչի շուրջ են ընթանալու բանակցություններն այն դեպքում, երբ Հայաստանի և Ադրբեջանի դիրքերն էական փոփոխություններ են կրել։

Կառավարության կառուցվածքային փոփոխություն չի քննարկվում. Փաշինյան

238
թեգերը:
Նիկոլ Փաշինյան, Նորայր Դունամալյան
Ըստ թեմայի
Իշխանական բուրգը փլուզված է. ինչու է ստում Փաշինյանը. քաղտեխնոլոգ
Փաշինյանին դավաճան անվանելն ընդհանրապես հիմքեր չունի. Պուտին
Ուշ թե շուտ նա ստիպված է լինելու պատասխանել այդ հարցերին. ինչու է Փաշինյանը խուսանավում
Տարոն Հովհաննիսյան

Ի՞նչ կտա Հայաստանին Արցախի միջազգային ճանաչման վերաբերյալ Ֆրանսիայի Սենատի բանաձևը

14
«Օրբելի» կենտրոնի վերլուծաբան Տարոն Հովհաննիսյանը Sputnik Արմենիայի եթերում անդրադարձել է Արցախի Հանրապետության անկախությունը ճանաչելու վերաբերյալ Ֆրանսիայի Սենատի բանաձևին հաջորդած ադրբեջանական կողմի արձագանքներին։
«Ֆրանսիայի Սենատի բանաձևը Արցախի միջազգային ճանաչման հող է նախապատրաստում». Հովհաննիսյան

Ադրբեջանի խորհրդարանը հայտարարություն է ընդունել, որում Ֆրանսիայի Սենատին բողոք է հայտնել Լեռնային Ղարաբաղի վերաբերյալ բանաձևի կապակցությամբ, իսկ կառավարությանն առաջարկել է դիմել ԵԱՀԿ-ին` Ֆրանսիային Մինսկի խմբի համանախագահների կազմից հեռացնելու համար:

Տարոն Հովհաննիսյանի դիտարկմամբ` Ադրբեջանի համար տվյալ բանաձևն իհարկե խիստ անցանկալի է, ինչպես և Արցախի միջազգային ճանաչմանն ուղղված ցանկացած քայլ։ Ադրբեջանական կողմը բավականին ցավոտ է ընդունում նման որոշումները, հետևաբար այս պահին ողջ հնարավոր ռեսուրսները գործի են դրել, որպեսզի վարկաբեկեն Ֆրանսիայի Սենատի կողմից ընդունված բանաձևն ու Ֆրանսիայի դերակատարությունը։

Ադրբեջանական կողմը հասկանում է, որ հակամարտությունից կամ կարգավորման գործընթացից, օրինակ, Ռուսաստանին, դուրս մղելը հնարվոր չէ, քանզի ռուս խաղաղապահներն արդեն Լեռնային Ղարաբաղում են։ Այս պարագայում ամենաթույլ օղակը հենց Ֆրանսիան է, հետո նոր ԱՄՆ–ն, հետևաբար Ադրբեջանն ակտիվ կերպով թիրախավորում է հենց Ֆրանսիային` որպես առիթ օգտագործելով նաև Սենատի կողմից ընդունված բանաձևը»,– նշեց վերլուծաբանը։ 

ԼՂ անկախության միակողմանի ճանաչումն օգուտ չի բերի ոչ մեկին. Ֆրանսիայի ԱԳՆ–ի արձագանքը

Հովհաննիսյանի կարծիքով` հավանականությունը ցածր է, որ Ֆրանսիայի կառավարությունը կճանաչի Արցախի անկախությունը` հաշվի առնելով այդ երկրի ԱԳՆ ներկայացուցչի ելույթը Սենատում, ուստի դրական ակնկալիքներն այս պահին իրատեսական չեն, թեև Սենատի ընդունած բանաձևը մյուս կողմից միջազգային ասպարեզում Արցախի ճանաչման համար հող է նախապատրաստում։ 

Վերլուծաբանի համոզմամբ` Ֆրանսիայի Սենատի բանաձևը կարող է հիմք հանդիսանալ նաև մեր հետագա քաղաքականության մշակման համար` հաշվի առնելով թե՛ տեղում առկա իրողությունները, թե՛ Ռուսաստանի գործոնը և ունեցած դերը։ Ըստ նրա` կարևոր է, թե մենք ինչ խնդիր ենք դնում մեր առջև և դրա լուծման նպատակով ինչ քայլեր ենք նախատեսում։ 

Եթե մեր պետության համար շարունակում է գերակա խնդիր մնալ Արցախի միջազգային ճամաչումը և Ադրբեջանի կազմից ցանկացած կարգավիճակով դուրս մնալու առաջնահերթությունը, ապա դրան զուգահեռ պետք է հարթակներ ձևավորվեն` հետագայում ներկայացնելու և ցույց տալու համար, որ միջազգային իրավունքի և հայկական բնակչության իրավունքների պաշտպանության տեսանկյունից միակ ճիշտ ելքն Արցախի անկախության ճանաչումն է։  

Հայաստանն ու Ադրբեջանը ԵՄ-ի համար «երկրորդ կարգի» երկրներ են․ Լավրով

Հիշեցնենք, որ նոյեմբերի 25-ին Ֆրանսիայի Սենատը ձայների բացարձակ մեծամասնությամբ բանաձև ընդունեց՝ կոչ անելով երկրի կառավարությանը ճանաչել Արցախը։

 

 

 

 

 

14
թեգերը:
բանաձև, Ֆրանսիա, Արցախ, Տարոն Հովհաննիսյան
Ըստ թեմայի
Ֆրանսիայի Սենատն Արցախի անկախությունը ճանաչելու մասին բանաձև ընդունեց
Մեզ ասվել է, որ համանախագահները դեմ են. Մարուքյանը՝ Արցախի անկախությունը չճանաչելու մասին
ՀՀ նորանշանակ արտգործնախարարն ու Գուտերեշն Արցախի հետ կապված հարցեր են քննարկել
Կարապետ Կարապետյան

Ո՞ւր գնալ, ինչո՞վ ապրել. տունն ու գյուղը կորցրած վուրգավանցու ապագան անորոշ է

30
Ադրբեջանի վերահսկողության տակ հայտնված Քաշաթաղի Վուրգավան համայնքի` Շիրակում հայտնված բնակիչը Sputnik Արմենիայի հետ զրույցում ասում է, որ կորցրել է ամեն ինչ ու հիմա չգիտի` որտեղ և ինչպես պետք է ապրի իր ընտանիքը։
Ո՞ւր գնալ, ինչո՞վ ապրել. տունն ու գյուղը կորցրած վուրգավանցու ապագան անորոշ է. Կարապետ Կարապետյան

Վուրգավան համայնքը Քաշաթաղի շրջանի այն 52 գյուղերի շարքում է, որոնք անցել են Ադրբեջանին: Արցախի հերոս Վուրգ Ոսկանյանի անունը կրող և 40 ընտանիք ունեցող գյուղը հողին է հավասարված, իսկ վուրգավանցին էլ հիմա անտուն ու անգյուղ են մնացել: 59-ամյա Կարապետ Կարապետյանը թոռներին գրկած Աղավնագետով է կնոջ ու հարսի հետ փախել ադրբեջանցիների հարձակումից. սարսափով է հիշում կատարվածը։

«Գյուղն ավերված է. Խնձորեսկից ու Տեղից հեռադիտակով ենք տեսել, տանկերով մտել, տներն ավիրել են։ Հիմա այստեղ ենք, բայց այստեղ էլ ապագա չենք տեսնում։ Այսօր մարդիկ մեզ այստեղ պահեցին, բայց հետո, հետոյի մեջ ապագա չեմ տեսնում` ո՛չ տուն ունեմ, ո՛չ տեղ: Պետությունը կհոգա՞, տուն կտա՝ էդ էլ իրանց խղճին: Այսպես անորոշության մեջ ենք», -Sputnik Արմենիային ասում է Կարապետ Կարապետյանը:

Արցունքներն աչքերին հիշում է, որ ադրբեջանցիներին է թողել  ոչ միայն տունը, այլ նաև տարիների ստեղծած ապրուստը՝ անասուններն ու այգիները: Իր ընտանիքի հետ հիմա ժամանակավոր բնակություն է հաստատել Շիրակի մարզի Թորսգյուղում, բայց ուշքն ու միտքն իր թոռների ապագան է, իսկ այդ ապագան իր ու իր համագյուղացիների համար մշուշոտ է։ Ո՞ւր գնալ, ինչո՞վ ապրել. այս հարցերն անպատասխան են։

121 արցախյան համայնք դարձան ադրբեջանական. որոնք են դրանք

ՀՀ կառավարությունը հրապարակել է սեպտեմբերի 27-ից Ադրբեջանի կողմից Արցախի դեմ սանձազերծած պատերազմի ու նոյեմբերի 9-ին ստորագրված եռակողմ հայտարարության հետևանքով Ադրբեջանի վերահսկողության տակ անցած հայկական գյուղերի ու քաղաքների ցանկը։ Հրապարակված տեղեկությունների համաձայն` Ադրբեջանի վերահսկողության տակ է անցնում 121 համայնք։

30
թեգերը:
Ադրբեջան, տուն, Գյուղ, Քաշաթաղ, Արցախ
Ըստ թեմայի
Զոհվել է «Արցախի հերոսի» կոչմանն արժանացած Դավիթ Գրիգորյանը
«Արցախն Ադրբեջանին է հանձնում ոչ թե 121, այլ 181 բնակավայր». ԱԺ փոխնախագահ
Դպրոցներն ու մանկապարտեզները կգործեն դեկտեմբերի 1-ից․ Ստեփանակերտի քաղաքապետ
ՀՀ ԱԱԾ

ԱԱԾ-ն խուզարկում է ԲՀԿ Երիտասարդների միության նախագահի բնակարանը

0
Աշոտ Անդրեասյանը շեշտել է, որ խուզարկության հիմնավոր պատճառները բացակայում են։

ԵՐԵՎԱՆ, 26 նոյեմբերի - Sputnik. ԱԱԾ աշխատակիցներն այս պահին խուզարկում են ԲՀԿ Երիտասարդների միության նախագահ Աշոտ Անդրեասյանի բնակարանը: Տեղեկությունը հայտնում է ինքը՝ Աշոտ Անդրեասյանը Facebook-ի իր էջում։

«Խուզարկության հիմնավոր պատճառները բացակայում են: Նշեմ նաև, որ գիշերը կրկին անգամ ապօրինի կերպով մեքենաս բերման են ենթարկել կենտրոնի ոստիկանական բաժանմունք առանց որևէ ծանուցման և հիմքի։

Ապօրինաբար բացել են մեքենայիս դռները և խուզարկել են այն վնասելով իմ անձնական գույքը»,-նշված է գրառման մեջ։

Անդրեասյանը նշել է, որ այդ ամենը խոսում է «երկրում տիրող ամենաթողության և խուլիգան ղեկավար ունենալու մասին»։

«Քաղաքական շինծու հետապնդումներով չեք լռեցնելու մեզ և չեք կոծկելու ձեր դավաճանությունը»,-եզրափակել է նա։

 

0