Կարեն Քոչարյան

Իշխանական բուրգը փլուզված է. ինչու է ստում Փաշինյանը. քաղտեխնոլոգ

276
Քաղտեխնոլոգ Կարեն Քոչարյանը Sputnik Արմենիայի եթերում նշել է, որ առաջիկայում ականատես կլինենք իշխանության ներկայացուցիչների նոր հրաժարականների։
Վարչապետի բերանում «դուզը խոսք չկա». Քոչարյանը` իշխանական բուրգի փլուզման մասին

Sputnik Արմենիայի հետ զրույցում քաղտեխնոլոգ Կարեն Քոչարյանը մեկնաբանել է իշխանական պատգամավորների սպասվող հրաժարականների մասին լուրերը։

«Իշխանական բուրգը փլուզված է, ներսից` նեխած, ընդամենը կա վախ Նիկոլ Փաշինյանից, որն իր անհավասարակշիռ, պաշտոնյային ոչ վայել բառապաշարով վախեցնում է թիմակիցներին։ Նա չի կարող խուսափել հրաժարականից, կարող է երկարաձգել իր պաշտոնավարումը` փորձելով որոշակի երաշխիքներ ստանալ իր, իր ընտանիքի, իր մտերիմների համար»,- ասաց նա։

Նրա դիտարկմամբ` իշխանության ներսում բոլորն էլ հասկանում են, որ Նիկոլ Փաշինյանը պաշտոնավարելու որևէ շանս չունի։

Մանդատը վայր դնելը փախուստ է իրականությունից. պատասխանատվության կենթարկվե՞ն պատգամավորները

Ինչ վերաբերում է տեսակետին, թե վարչապետի հրաժարականն այս փուլում երկիրը կարող է ցնցումների առաջ կանգնեցնել, Քոչարյանը նշեց, որ եթե ամեն ինչ համակարգված լինի, հնարավոր է այդ ամենից խուսափել, մինչդեռ, եթե Փաշինյանը շարունակի համառել և հասարակությանը խաբել, ցնցումներ անխուսափելի են։ 

«Ժողովրդական լեզվով ասած` այդ մարդու բերանում դուզ խոսք չկա։ Իրեն հարցնում են` մինչև հայտարարությունը ստորագրելն այլ առաջարկներ եղե՞լ են, ասում է` բացարձակ սուտ է, հետո ասում է, որ ռուս խաղաղապահները Հայաստան են եկել հայտարարությունը ստորագրելուց հետո միայն, բայց ամբողջ Երևանը 3-4 օր չէր քնում ինքնաթիռների ձայնից, և ստորագրելուց 10 րոպե հետո մենք տեսանք` ինչպես ռուսական զորքը սկսեց մտնել Լաչինի միջանցքով, և այսպես շարունակ»։

Քաղտեխնոլոգի խոսքով` առաջիկայում ականատես կլինենք նոր հրաժարականների, քանի որ արդեն 5 օր է, որ գրեթե բոլոր պետական ինստիտուտներն անգործության են մատնված։

Հիշեցնենք, որ մանդատից հրաժարվելու ցանկության մասին հայտարարել է ԱԺ «Իմ քայլը» խմբակցության պատգամավորներ Լուսինե Բադալյանը, Գայանե Աբրահամյանն ասել է, որ հրաժարվում է մանդատից, իսկ Թագուհի Թովմասյանը նշել է, որ դուրս է գալիս «Իմ քայլից»։

Կուսակցությունից ու աշխատանքից հեռանալու որոշման մասին է հայտնել նաև ՀՀ փոխվարչապետ Տիգրան Ավինյանի գրասենյակի ղեկավար Վարագ Սիսեռյանը:

Ավելի վաղ «Իմ քայլը» խմբակցության պատգամավոր Վարդան Աթաբեկյանը հայտնել է, որ դուրս է գալիս խմբակցությունից և գործելու է որպես անկախ պատգամավոր։

276
թեգերը:
Պատգամավոր, Իշխանություն, Կարեն Քոչարյան (քաղտեխնոլոգ)
թեմա:
Իրադրությունը Հայաստանում և Արցախում հայտարարության ստորագրումից հետո (631)
Ըստ թեմայի
ԱԺ «Իմ քայլը» խմբակցության ևս մեկ պատգամավոր պատրաստվում է վայր դնել մանդատը
«Իմ քայլի» պատգամավորներից մեկը սպառնալիքներ է ստացել. ՄԻՊ–ը դիմել է ոստիկանությանը
Գագիկ Ծառուկյանին ուզում են զրկել պատգամավորական մանդատից
Էդուարդ Անտինյանի

Հրադադարը երկարատև խաղաղություն չէ, այլ կործանումից փրկվելու վատագույն լուծում. Անտինյան

145
(Թարմացված է 20:53 04.12.2020)
«Շրջադարձ հանուն զարգացման» հասարակական կազմակերպության նախագահ, քաղաքագետ Էդուարդ Անտինյանը Sputnik Արմենիայի եթերում անդրադարձել է ԵԱՀԿ նախարարների խորհրդի 27-րդ հանդիպման ժամանակ ՀՀ արտգործնախարար Արա Այվազյանի ելույթին։ 
Անտինյան. «Հրադադարը երկարատև խաղաղություն չէ, ուղղակի կործանումից փրկվելու վատագույն լուծում էր»

Նախարարը նշել է, որ տարածաշրջանում տևական և կայուն խաղաղությանն ուղղված լուծումը մասնավորապես ընդգրկում է Արցախի կարգավիճակը` հիմնված ինքնորոշման իրավունքի իրացման վրա, ինչպես նաև Ադրբեջանի կողմից Արցախի տարածքների դեօկուպացիան։  

Էդուարդ Անտինյանի դիտարկմամբ` պետք է արձանագրել մի շատ կարևոր հանգամանք, որ արցախյան առաջին պատերազմի ժամանակ, երբ Ադրբեջանն էր աղերսում զինադադար կամ խաղաղություն, հայկական զորքը կանգնեց այնտեղ, որտեղ կայացվեց որոշումը։ Հայկական կողմի վերահսկողության տակ անցան յոթ շրջանները, իսկ Արցախը դե–ֆակտո անկախացավ և օրգանապես կապվեց Հայաստանի հետ։ Ըստ Անտինյանի`այս անգամ Ադրբեջանին ասվեց դադարեցնել ռազմական գործողություններն այնտեղ, որտեղ արդեն իր դիրքերն են, սակայն մեկ տարբերությամբ` մենք հանձնեցինք նաև տարածքներ, որոնք Ադրբեջանը չէր վերցրել։ 

«Պատերազմից առաջ անընդհատ խոսվում էր «անջատում` հանուն փրկության» տարբերակի մասին, բայց այսօր չենք տեսնում` արդյո՞ք նման խնդիր դեռ կա, որովհետև շատ հարցեր տակավին մնում են չկարգավորված։ Թվում է, թե ՀՀ արտգործնախարարի հայտարարությունը շատ ոգևորիչ է, բայց Արցախի տարածքային ամբողջականությունն արդեն իսկ խախտված է` անկախ կարգավիճակից, և պարզ չէ՝ ձեռք կբերի՞ անկախություն, կմիանա՞ Հայաստանին կամ Ռուսաստանին, թե՞ կմնա Ադրբեջանի կազմում, այստեղ մենք լուրջ անելիք ունենք»,– նշեց քաղաքագետը։

 Կյանքի է կոչվում ԼՂ–ի վերաբերյալ ստորագրված եռակողմ հայտարարությունը. Վլադիմիր Պուտին

Անտինյանի կարծիքով` պետք է հասկանալ, թե էլ ինչ է խոստացել Փաշինյանը հակառակ կողմին, որպեսզի թյուրիմացության մեջ չընկնենք, այսինքն` կարո՞ղ է հայկական կողմն Արցախի կարգավիճակի կամ անկախության հարցը բարձրացնի, իսկ Ադրբեջանը հայտարարի, որ այդ դեպքում կխախտվեն պայմանավորվածությունները, ինչն, ըստ ՌԴ նախագահի, կհանգեցնի կործանման։   

«Ադրբեջանի կողմից Արցախի տարածքների դեօկուպացիան ողջունելի կլինի, բայց պատերազմի արդյունքում մենք զիջել ենք ավելին, քան Ադրբեջանը գրավել էր։ Իհարկե Արևմուտքը կարող է նախաձեռնություն ցուցաբերելու մեծ ցանկություն հայտնել, բայց մենք պետք է բավական զգույշ լինենք, որպեսզի չդառնանք որևէ մեկի շահերի մանրադրամն աշխարհաքաղաքական վայրիվերումներում։ Արևմուտքը նախաձեռնություն հանդես կբերի, բայց մեզանից էլ է ընդառաջ քայլ սպասելու »,– նշեց քաղաքագետը։

Անտինյանի գնահատմամբ` հրադադարի հայտարարությունը մեզ չի բերելու երկարատև խաղաղություն, դա ուղղակի կործանումից փրկվելու վատագույն լուծումն էր։ 

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն ընդունեցին ռազմական գործողությունների դադարեցման վերաբերյալ։

Եռակողմ հայտարարության մեջ մասնավորապես նշվում է, որ մինչև նոյեմբերի 15-ը Ադրբեջանին է վերադարձնում Քելբաջարը (ավելի ուշ այդ ժամկետը 10 օրով երկարաձգվեց-խմբ.), մինչև նոյեմբերի 20-ը՝ Աղդամի շրջանը, մինչև դեկտեմբերի 1-ը՝ Լաչինի շրջանը` թողնելով միջանցք 5 կմ լայնությամբ, որը ապահովելու է Հայաստանի կապը, սակայն չի շոշափելու Շուշին։ 

Հայաստանն ապահովում է տրանսպորտային կապ Ադրբեջանի արևմտյան շրջանների և Նախիջևանի Ինքնավար Հանրապետության միջև։ 

Ինչ տվեց Արցախի վերաբերյալ եռակողմ հայտարարությունը․ քարտեզ

145
թեգերը:
Եռակողմ հայտարարություն, Արցախ, Էդուարդ Անտինյան
Ըստ թեմայի
Արարատ Միրզոյանը դե՞մ է եղել եռակողմ հայտարարության ստորագրմանը. «Հրապարակ»
Եռակողմ հայտարարությունը նոր հնարավորություններ է ստեղծում Վրաստանի համար. ՌԴ ԱԳՆ
Ֆրանսիան կարծում է, որ եռակողմ համաձայնագրի որոշ կետեր հաշվի առնված չեն
Սերոբ Խաչատրյան

Որն է բարձրագույն կրթության մասին օրենքի ամենաաղմկահարույց կետը. մեկնաբանում է փորձագետը

43
Կրթության հարցերով փորձագետ Սերոբ Խաչատրյանը Sputnik Արմենիայի եթերում անդրադարձել է «Բարձրագույն կրթության և գիտության մասին» ու հարակից օրենքների նախագծերի փաթեթն ԱԺ ուղարկելու կառավարության որոշմանը:
«Փորձ է արվում բուհերում նշանակել սեփական «կոմիսարներին»». Խաչատրյան

Կրթության հարցերով փորձագետ Սերոբ Խաչատրյանի կարծիքով՝  «Բարձրագույն կրթության և գիտության մասին» ու հարակից օրենքների նախագծերը վերանայման կարիք ունեին, մինչդեռ գործադիրը հապճեպ ու հանկարծակի փաստաթղթին հավանություն տվեց և բազմաթիվ հարցականներ պարունակող նախագիծն ԱԺ ուղարկեց:

«Սպասվում էր, որ պետք է վերանայվի, նոր տարբերակ բերվի, քննարկումներ արվեն, մանավանդ և գիտությունների ազգային ակադեմիայի հետ կապված ահագին հարցեր կային, չհաշված մնացած հարցերը: Շատ անակնկալ է, որ այսպես անհետաձգելի ընդունվում է»,- ասաց նա: 

Խաչատրյանը նախագծի նոր տարբերակին դեռ չի հասցրել ծանոթանալ, բայց լսել է՝ առաջին տարբերակում եղած խնդրահարույց կետերից քչերն են փոփոխվել:  Տևական քննարկումների և լսումների արդյունքում հաջողվել է դեկաններին նշանակելու կետն ընտրություններով փոխարինել: Մինչդեռ ամենաաղմկահարույց կետը՝ բուհերի ռեկտորների նշանակման հարցը անփոփոխ է մնացել: Եթե օրենքն ընդունվի, այսուհետ բուհերի ռեկտորներին ոչ թե կընտրեն, այլ ԿԳՄՍ նախարարը կնշանակի: Մյուս աղմկոտ կետը վերաբերում է բուհի ռեկտորի գիտական աստիճանին:

«Շատ բուհեր ունեն ռեկտորի թեկնածուի ընտրության բարձր չափանիշներ, օրինակ` պետք է ռեկտորն անպայման լինի դոկտոր պրոֆեսոր, իսկ նոր օրենքով կարող են գիտությունների թեկնածուին էլ նշանակել ԵՊՀ ռեկտոր»,- նշեց փորձագետը:

Թերի ու լրամշակման կարիք  ունեցող նախագծին միս ու արյուն տալու կառավարության որոշումը, ըստ Խաչատրյանի, կոնկրետ նպատակ ունի՝ բուհերին կախվածության մեջ դնել կառավարությունից:

«Այստեղ ուղղակի ակնհայտ միտում կա շատ արագ ընդունել օրենքը, և բուհերը վերցնել կառավարության հսկողության ներքո, գուցե նաև զգալով, որ բուհերը կարող են ձեռքից գնալ, փորձ է արվում այս ծանր վիճակում, ճգնաժամային պահն օգտագործել և բուհերում  նշանակել սեփական կոմիսարներին, ինչն անընդունելի է»,- ավելացնում է Խաչատրյանը:

Փորձագետը չի բառացում, որ կառավարության այս հանկարծակի որոշումն ուղիղ կապ ունի նաև ներքաղաքական վերջին զարգացումների հետ:

Կրթությունը` սկանդալների ոլորտ. ի՞նչ ելք է տեսնում փորձագետը ստեղծված իրավիճակից

Հիշեցնենք, որ երեկ՝ դեկտեմբերի 3-ին, կառավարությունը հավանություն տվեց չզեկուցվող հարցերից «Բարձրագույն կրթության և գիտության մասին» ու հարակից օրենքներում փոփոխություններ կատարելու փաթեթին, որով նախատեսվում են մի շարք փոփոխություններ կատարել գործող օրենքում: 

Մասնավորապես, բուհերի ռեկտորները, գիտական կազմակերպությունների տնօրենները նախատեսվող օրենքների փոփոխությամբ նշանակվելու են ԿԳՄՍ նախարարության կողմից մինչև 5 տարի ժամկետով։ Հարցականի տակ է դրվում նաև ԳԱԱ գործունեությունը:

43
թեգերը:
ԱԺ, ՀՀ կառավարություն, Օրենք, ռեկտոր, բուհ, Սերոբ Խաչատրյան
Ըստ թեմայի
Բուհ–աշխատաշուկա կապի տեմպերը մտահոգիչ են. ինչ է ցույց տալիս ուսումնասիրությունը
«Բուհը չի կարող անորոշության մեջ ապրել». ՀՊՏՀ–ն բողոքի ակցիա է անում կառավարության դիմաց
Հայաստանում մեկնարկել է ռուսական բուհերում սովորելու համար թեկնածուների նախնական գրանցումը
Ռոբերտ Քոչարյան

Հիմա Ռուսաստանի հետ ավելի խորը ինտեգրում է պետք. Ռոբերտ Քոչարյան

44
(Թարմացված է 00:24 05.12.2020)
Երկրորդ նախագահը վստահ է, որ ներկա իշխանությունները չեն կարող Ռուսաստանի հետ խորացնել հարաբերությունները։

ԵՐԵՎԱՆ, 5 դեկտեմբերի - Sputnik. Այս պատերազմում զինտեխնիկայի ահռելի մեծ կորուստներ ենք կրել։ Այդ ամենը սեփական ուժերով վերականգնելու և մարտունակ բանակ ունենալու հնարավորություն չունենք։ «5-րդ ալիքի» հետ հարցազրույցում ասեց ՀՀ երկրորդ նախագահ Ռոբերտ Քոչարյանը։

«Մենք այսօր նույնիսկ բանակ չունենք, որ Սյունիքում սահման պահի։ Գյուղացիները` աշխարհազորով, տղամարդկանցով հավաքված, գյուղի սահմանն են պահում՝ պետական սահմանը։ Ո՞ւր է մեր կառավարությունը։ Ադրբեջանցիներն այն կողմից գալիս են, սահման են գծում, մեր կողմից մեկը չկա, որ բանակցի, ասի՝ այս կողմից չէ, դա այն կողմն է։ Գյուղապետն է դա անում։ Սա՞ է կառավարությունը»,- վրդովված աաց նախագահն ու շեշտեց, որ այս ամենը բնականոն ընթացքի բերելու և բանակի մարտունակությունը վերականգնելու համար մեզ Ռուսաստանն է պետք։

Վստահ է, որ պետք է ավելի խոր ինտերգման բանաձևեր գտնել՝ նաև հաշվի առնելով Թուրքիայի գործոնը, որը փորձելու է հնարավորինս թուլացնել Հայաստանին։ Ուստի և՛ անվտանգության, և՛ տնտեսական ոլորտում Ռուսաստանի հետ հարաբերություններն ավելի պետք է զարգանան։

«Եթե ես լինեի, պատերազմ չէր սկսվի». Ռոբերտ Քոչարյան

«Բանակցելու հարց է...Եվ այստեղ պետք է լինի իշխանություն, որն ունի բացարձակ վստահություն Ռուսաստանի հետ հարաբերությունները ճիշտ կառուցելու համար։ Սա այն հանգամանքներից ևս մեկն է, որը ենթադրում է շատ արագ իշխանափոխություն, որ մենք կարողանանք սկսել այդ գործընթացը։ Մենք այսօր պաշտպանված չենք, և երկրորդ հարվածը ստանալու վտանգը, այո, կա»,- նշեց Քոչարյանը։

Վարչապետի հրահանգով անցկացված «օպերացիան» դարձավ պատերազմի ամենամեծ ձախողումը. Քոչարյան

Նա վստահ է՝ այս իշխանությունների հետ դա անհնար է։ Հիշեցրեց այն, որ ԱԱԾ նախկին պետ Արգիշտի Քարամյանի առջև խնդիր էր դրվել «ազատվել ռուսական գործակալներից»։ Ասում է՝ խոսքը Ռուսաստանում կրթություն ստացած մարդկանց մասին է։ Այս պայմաններում ինչպե՞ս կարող էին մեր երկրների հատուկ ծառայությունները համագործակցել։

44
թեգերը:
Ռուսաստան, Նիկոլ Փաշինյան, Հայաստան, Ռոբերտ Քոչարյան
թեմա:
Հայաստան-Ռուսաստան համագործակցություն
Ըստ թեմայի
Արայիկ Հարությունյանը չի համաձայնել հանդիպել Ռոբերտ Քոչարյանի հետ. ասել է՝ «իրեն կուտեն»
Ինչ հարաբերություններ ուներ Մանուկյանը «նախկինների» հետ, կամ պաշտոն ստանալու նուրբ արվեստը
«Փոքրիկ ծակոց»․ Կիսելյովը` Sputnik Լատվիայի և Baltnews-ի աշխատակիցների ձերբակալման մասին