Էդուարդ Անտինյան

Մենք զիջել ենք տարածքներ, բայց չենք կորցրել մեր իրավունքները. քաղաքագետը բացատրեց` ինչպես

324
(Թարմացված է 01:28 17.11.2020)
«Շրջադարձ հանուն զարգացման» հասարակական կազմակերպության նախագահ, քաղաքագետ Էդուարդ Անտինյանը Sputnik Արմենիայի եթերում անդրադարձել է այն հարցին, թե հայկական կողմը Արցախյան պատերազմից հետո ինչ դիրքերից պետք է շարունակի բանակցությունները։
Անտինյան. «Դժվար է պատկերացնել` ինչպես պետք է հայերն ու ադրբեջանցիները միասին խաղաղ գոյակցեն»

Էդուարդ Անտինյանի դիտարկմամբ` նախ պետք է հասկանալ, թե ինչ փաստաթուղթ է ստորագրվել։

Ըստ նրա` դա ընդամենը հայտարարություն է, որոշ դեպքերում ասում են` իրավաբանական ուժ չունի, Հայաստանի որոշ կառույցների համար պարտադիր չէ, որովհետև խոսքը Լեռնային Ղարաբաղի տարածքների մասին է։ Այդուհանդերձ,ք քաղաքագետի խոսքով, դա հրադադարի փաստաթուղթ է, ոչ ավելին, իսկ մնացածը ենթակա է բանակցության։

«Իհարկե, դժվար եմ պատկերացնում, որ Հայաստանը կարող է այսօր բանակցել Ադրբեջանի հետ, այսպես կոտրված ու ջախջախված նստել մի սեղանի շուրջ։ Գուցե համանախագահների հետ պետք է չուշացնել հանդիպումները, որպեսզի առաջ տանենք մեր շահերը։ Երբ 1994 թվականին կնքվեց զինադադար, Ադրբեջանը կորցրեց ԼՂԻՄ–ն ու հարակից յոթ շրջանները, սակայն դա նրան չզրկեց տարածքների համար պայքարելու իր իրավունքից, չխանգարեց, որ համանախագահողները փաստաթղթեր պատրաստեին` հարգելով ադրբեջանական կողմի իրավունքները։ Այժմ նույն վիճակում հայտնվել ենք մենք, զիջել ենք տարածքներ, բայց ամենևին չենք կորցրել մեր իրավունքները»,– նշում է քաղաքագետը։

ՀՀ ԱԳ նախարար Զոհրաբ Մնացականյանը հրաժարականի դիմում է գրել

Անտինյանի կարծիքով` ոչ թե պետք է մտածենք ժամ առաջ Ադրբեջանի հետ բանակցությունների սեղանի շուրջ նստելու, այլ համանախագահների հետ ակտիվորեն աշխատելու մասին, որպեսզի պահպանվի ԼՂ տարածքը, որպեսզի վերականգնվեն Լեռնային Ղարաբաղի տարածքի նկատմամբ մեր իրավունքները։   

«Շատ ցավալի է այն, ինչ կատարվեց, այդուհանդերձ պետությունը պետք է դուրս գա այս վիճակից ու փորձի բանակցություններ վարել։ Պետք է նաև տրվի պատասխան այն հարցին, թե արդյո՞ք ՀՀ գործող իշխանությունները պատրաստ են բանակցություններ վարել, արդյո՞ք ի վիճակի են ըստ արժանվույն պաշտպանել մեր շահերը, որովհետև ցանկացած գնով պատերազմական գործողությունները դադարեցնելու հանգամանքը չի նշանակում, որ կորցրել ենք մեր իրավունքները»,– նշում է քաղաքագետը։

Անտինյանի համոզմամբ` կյանքը ցույց տվեց, թե ինչպիսի ավերածությունների և խաղաղ բնակչության վրա ինչպիսի զենքեր կիրառելու էր պատրաստ Ադրբեջանը։ Ուստի դժվար է պատկերացնել, թե ինչպես պետք է մի քանի օր հետո հայերն ու ադրբեջանցիներն իրար հետ խաղաղ գոյակցեն նույն տեղում։ Քաղաքագետի գնահատմամբ` դա չի ստացվի, այլ կծվեն նոր խնդիրներ։

Նշենք, որ այսօր ՀՀ վարչապետ Նիկոլ Փաշինյանը ասել է, որ գործնականում այժմ տեղի է ունենում բանակցային նոր օրակարգի ձևավորման գործընթաց։ Նրա խոսքով` եթե պարզվի, որ հանրային վստահությունը բավարար չէ, չենք կարող մասնակցել այդ բանակցություններին։

324
թեգերը:
Ադրբեջան, ԵԱՀԿ Մինսկի Խումբ, Ղարաբաղյան հակամարտություն, Լեռնային Ղարաբաղ, Արցախյան պատերազմ, Արցախ, Հայաստան, Եռակողմ հայտարարություն, Նիկոլ Փաշինյան
թեմա:
Իրադրությունը Հայաստանում և Արցախում հայտարարության ստորագրումից հետո (598)
Ըստ թեմայի
«Այլևս չունեմ ուժ, եռանդ ու հավես». Երևանի ավագանու իմքայլական անդամը վայր է դնում մանդատը
Պուտինն ու Մակրոնը մանրամասն քննարկել են Լեռնային Ղարաբաղի շուրջ ստեղծված իրավիճակը
Չի տիրապետում ՊՆ-ին վերաբերող տարրական գիտելիքների. ՊՆ–ն պատասխանում է Անդրանիկ Քոչարյանին
Արամ Վարդևանյան

Ի՞նչ ազդեցություն ունի Փաշինյանը դատարանների վրա. Վարդևանյանը՝ աղմկոտ հանդիպման մասին

0
Sputnik Արմենիայի եթերում  փաստաբան Արամ Վարդևանյանի հետ զրուցել ենք վարչապետ Նիկոլ Փաշինյանի և դատաիրավական համակարգի ներկայացուցիչների մասնակցությամբ տեղի ունեցած խորհրդակցության իրավաչափության վերաբերյալ:
Ինչ ազդեցություն ունի Փաշինյանը դատարանների վրա. Արամ Վարդևանյանը՝ գործադիրում տեղի ունեցած աղմկոտ հանդիպման մասին

ՀՀ վարչապետ Նիկոլ Փաշինյանի և դատաիրավական համակարգի ներկայացուցիչների հանդիպումն անընդունելի և անօրինական է: Sputnik Արմենիայի հետ զրույցում նման կարծիք հայտնեց Ռոբերտ Քոչարյանի փաստաբանական թիմի անդամ Արամ Վարդևանյանը՝ անդրադառնալով նոյեմբերի 30-ին կառավարությունում հրավիրված խորհրդակցությանը, որում վարչապետն անդրադարձել էր նոյեմբերի 9-ին Հայաստանում տեղի ունեցած զանգվածային անկարգությունների վերաբերյալ կալանքի միջնորդությունների մերժմանը: 

«Նույնիսկ ոչ իրավաչափ ձևակերպումը շատ մեղմ է, դա անընդունելի է, դա անօրինական է և առհասարակ առնչություն չունի իրավական և ժողովրդավարական պետության սկզբունքների, գաղափարների, ինստիտուտների հետ»,- ասաց նա:

Հանդիպման մասին տեսանյութը, որում կառավարության ղեկավարն անթաքույց իր վերաբերմունքն է արտահայտում մերժված միջնորդությունների վերաբերյալ, ըստ փաստաբանի, վկայում է այն մասին, որ Փաշինյանն ուղղակի ներգործություն ունի դատաիրավական համակարգի որոշումների վրա: Նրա խոսքով՝ այս մասին է վկայում նաև օրերս վարչապետի կատարած գրառումներից մեկը, որում նա խոստովանել է, որ անձամբ է խնդրել, որ մեղադրող կողմը չառարկի Ռոբերտ Քոչարյանի անձնագիրը հետ վերադարձնելու միջնորդությանը:

«Սա խոսում է այն մասին, որ Ռոբերտ Քոչարյանի նկատմամբ 2.5 տարի քաղաքական հետապնդում է իրականացվում: Փաստորեն, երբ վարչապետը նման խնդրանք է ներկայացնում դատախազներին, ժամերի ընթացքում անձնագիրը վերադարձվում է, իսկ, երբ հակառակի մասին է խնդրանք ներկայացվում, 2.5 տարի մենք ունենում ենք այն, ինչ ունենք: Ի՞նչ իրավունք ունի ՀՀ գործադիր իշխանությունը դատական իշխանության տիրույթում գտնվող հարցեր բարձրաձայնել»,- վրդովմունք հայտնեց Վարդևանյանը: 

Փաստաբանը տեղեկություններ ունի, որ հանդիպմանը ներկա դատավորներն ու իրավապահները նույն պահին, երբ Փաշինյանը խոսել է միջնորդությունների մասին, հակադարձել են վարչապետին և գլխավոր դատախազին՝ նշելով, որ նրանցից և ոչ ոք իրավասու չէ կոնկրետ գործեր և կոնկրետ խափանման միջոցի հարցեր քննարկել: Սա այն դեպքում, երբ գործադիրի ղեկավարը գրեթե ամեն օր խոսում է ժողովրդավարության մասին:

Թեպետ խորհրդակցությանը հրավիրվածների մեծամասնությունը մերժել էր վարչապետի հրավերը, սակայն, մասնագետի կարծիքով, ճիշտ կլիներ, որ բոլորը բոյկոտեին և չմասնակցեին այդ քննարկմանը: Վարդևանյանը հույս ունի, որ հանդիպման մասնակիցները կատարվածի վերաբերյալ հրապարակային կհայտնեն իրենց վերաբերմունքը:

0
թեգերը:
խորհրդակցություն, Նիկոլ Փաշինյան, Դատավոր
Ըստ թեմայի
Դատավորները պարգևավճար չեն ստանում, բայց 24 մլն դրամ են հավաքել բանակի համար
Ո՞ր դատավորներն են գնացել Նիկոլ Փաշինյանի հետ հանդիպման. «Ժողովուրդ»
«Պատերի տակ վնգստացող դատավորնե՞ր ենք, թե՞ ազնիվ պրոֆեսիոնալներ». ԲԴԽ նախագահի կոչը
Վիգեն Հակոբյան

Արցախում կադրային փոփոխությունների գործում վերջին խոսքն արդեն Փաշինյանինը չէ

70
Քաղտեխնոլոգ Վիգեն Հակոբյանը Sputnik Արմենիայի եթերում անդրադարձել է Արցախի նախագահ Արայիկ Հարությունյանի կողմից ազգային համաձայնության կառավարություն ստեղծելու նախաձեռնությանն ու Վիտալի Բալասանյանին Արցախի ԱԽ քարտուղար նշանակելուն։ 
Հակոբյան. «Բալասանյանի ԱԽ վերադարձով Արցախում փոխվում են քաղաքական վեկտորները»

Վիգեն Հակոբյանի դիտարկմամբ` Արայիկ Հարությունյանը փորձում է ինչ–որ կերպ ձևավորել համապատասխան ներքաղաքական ու հասարակական մթնոլորտ, որովհետև այնտեղ էլ գլոբալ կապիտուլյացիայից հետո իշխանության նկատմամբ վստահությունը, մեղմ ասած, բարձր մակարդակի վրա չէ և այդ պարագայում բնական է, որ գործող իշխանությունը և անձամբ Արայիկ Հարությունյանը փորձում է ամեն ինչ անել, որպեսզի քիչ թե շատ արդյունավետ իշխանություն կազմավորվի։

«Հասկանալի է, որ Վիտալի Բալասանյանի վերադարձը Արցախի անվտանգության խորհուրդ զուտ կադրային փոփոխություն չէ, փաստորեն վերադառնում է մի անձ, ով իր քաղաքական հայացքներով կտրուկ դեմ է այսօրվա ՀՀ իշխանությունների վարած քաղաքականությանն ու անձամբ Նիկոլ Փաշինյանին, հետևաբար Արցախում ոչ միայն ազգային համաձայնության կառավարություն ձևավորելու փորձ է արվում, այլև, ըստ էության, նշմարվում է քաղաքական վեկտորների լուրջ փոփոխություն»,– նշեց քաղտեխնոլոգը։

Հակոբյանի համոզմամբ` Արայիկ Հարությունյանը Վիտալի Բալասանյանի նշանակումը համաձայնեցրել է ՀՀ վարչապետ Նիկոլ Փաշինյանի հետ, բայց իրավիճակի առանձնահատկությունն այն է, որ Փաշինյանն էլ այժմ յուրաքանչյուր նման կադրային քայլ պետք է համաձայնեցնի արդեն մեկ այլ աշխարհաքաղաքական ուժային կենտրոնի հետ, ինչից հետո է միայն ընդունվում վերջնական որոշում։ 

«Վիտալի Բալասանյանի վերադարձն Արցախի իշխանություն ոչ միայն վերահաստատվում է, այլև ինչ–որ առումով պարտադրվում է։ Հիմա Նիկոլ Փաշինյանի քաղաքական կշիռը ցածր է ոչ միայն Հայաստանում, այլև Արցախում, քանի որ նրա կառավարման օրոք Հայաստանն Արցախի անվտանգության երաշխավորից աստիճանաբար վերածվեց դիտորդի»,– նշեց քաղտեխնոլոգը։

«Հերքում ենք նմանօրինակ սին ենթադրությունները». ՀՀ ԱԳՆ-ն պատասխանել է Վիտալի Բալասանյանին

Հակոբյանի կարծիքով` կադրային փոփոխությունների և Արցախում ազգային համաձայնության կառավարություն ձևավորելու գործընթացում Նիկոլ Փաշինյանի խոսքն արդեն վերջնական չէ, և արդեն ժամանակավրեպ է այն թեզը, որ միայն Փաշինյանի համաձայնությամբ են լուծվում նման հարցերը։  

Նշենք, որ մինչ այս Արցախի անվտանգության խորհրդի քարտուղարի պաշտոնը զբաղեցնում էր Սամվել Բաբայանը, նա նոյեմբերի 10-ին հայտարարեց, որ դադարեցնում է իր լիազորությունները։ 

Հիշեցնենք` Բալասանյանը ԱԽ քարտուղար է եղել նաև 2016-ից 2019 թվականներին, պաշտոնից ազատվել է 2019–ի հունիսի 11-ին։

70
թեգերը:
Վիգեն Հակոբյան, Վիտալի Բալասանյան, Արցախ
Ըստ թեմայի
Արայիկ Հարությունյանը ցանկանում է Արցախում ազգային համաձայնության իշխանություն ձևավորել
Վաղարշակ Հարությունյանը մեկնել է Արցախ և հանդիպել Արայիկ Հարությունյանի հետ
Մանե Թանդիլյանը պաշտոն ստացավ Արցախում