Թևան Պողոսյան

Եթե Սերժ Սարգսյանը խուսափեր պատասխանատվությունից, չէր գնա երրորդ ժամկետին. Թևան Պողոսյան

495
(Թարմացված է 18:29 16.11.2020)
«Մարդկային զարգացման միջազգային կենտրոն» հասարակական կազմակերպության նախագահ Թևան Պողոսյանն անդրադարձել է Նիկոլ Փաշինյանի այն տեսակետին, որն առնչվում է ղարաբաղյան խնդրում բանակցային գործընթացը շարունակաբար ձգելու և տարածքներ հանձնելուց խուսափելու հանգամանքին։
Պողոսյան. «Գուցե ավելի ամուր լինեինք, եթե ժամանակը չվատնեինք նախկին–ներկա, սևի ու սպիտակի բաժանման վրա»

Թևան Պողոսյանի դիտարկմամբ` 2016-ի դասերն այլ էին, որոնք պետք է քաղվեին, մեզ անհրաժեշտ էր ազգային միասնականություն, որպեսզի պատրաստ լինեինք պատերազմին։

Նիկոլ Փաշինյանն այսօր կայացած առցանց ասուլիսի ժամանակ հայտնեց, որ 1998թ–ից սկսած բանակցային գործընթացում եղել է միայն մեկ շատ կոնկրետ թեմա` տարածքները պետք է հանձնվեն Ադրբեջանին, և հայկական կողմի քաղաքականությունը եղել է միայն մի բան` ժամանակ ձգել, բայց 2016թ–ին այդ ձգված լարն արդեն կտրվել էր։

Պողոսյանը Sputnik Արմենիայի հետ զրույցում անդրադարձավ այն հարցին, թե դրանով չէ՞ր պայմանավորված նաև այն հանգամանքը, որ Սերժ Սարգսյանը հեռացավ` պատասխանատվությունը թողնելով Նիկոլ Փաշինյանին։ Նրա խոսքով` Փաշինյանն ակնարկում էր, որ տարածքները հանձնելու պայմանը եղել է միշտ, և դա պարզ էր դեռ 1994 թվականից։ Դա ընկալել են Լևոն Տեր–Պետրոսյանն ու նրան հաջորդած ՀՀ մյուս ղեկավարները։

«Ադրբեջանի պահանջը գաղտնիք չէր, ազգովի գիտեինք այդ մասին։ 2017 թվականից ի վեր բազմաթիվ անգամ ասել եմ, որ Ադրբեջանը 2011 թվականին կայացրել է հիմնախնդիրը պատերազմի միջոցով լուծելու քաղաքական որոշում։ Հարցն այն է, թե մենք ինչ ենք արել այդ կապակցությամբ։ Եթե Վիեննայի և Սանկտ Պետերբուրգի պայմանավորվածությունները տալիս էին ավելի երկար ժամանակ, որպեսզի պատրաստվեինք պատերազմին, ապա անհրաժեշտ էր օգտագործել այդ հանգամանքը, ոչ թե մի կողմ դնել»,– նշեց «Մարդկային զարգացման միջազգային կենտրոն» ՀԿ նախագահը։

Պողոսյանի կարծիքով` պետք է մտածել այն մասին, թե կարող էինք ապահովել բանակցությունների շարունակականությունը, մինչդեռ ընկել ենք այն հարցի հետևից, թե ով եկավ իշխանության, ով գնաց։

«Կարող եմ թվել մի քանի սցենար, որոնց համաձայն` 2018 թվականի իշխանափոխությունը կարող էր և չլինել։ Օրինակ` կարող էին լինել այլ թեկնածուներ, որոնց առկայության դեպքում Սերժ Սարգսյանը գուցե չգնար կառավարման երրորդ ժամկետին կամ նշանակեր ինչ–որ մեկին ու մի քանի ամիս անց ունենար նույն մեծամասնությունն ԱԺ–ում և հանգիստ կրկին գար իշխանության»,– ասաց նա։

ՀԿ–ի նախագահի խոսքով` հիմա «եթե»–ների ժամանակը չէ, հետևաբար պետք է կենտրոնանանք այն հարցի վրա, թե ինչ պետք է անել երկրի բնականոն կենսագործունեությունն ապահովելու համար և զբաղվել ապագային միտված օրակարգի խնդիրներով, և դա պետք է գիտակցեն նաև զանգվածային լրատվամիջոցները։

«Սերժ Սարգսյանը կարող էր ոչինչ չանել, երրորդ անգամ իր թեկնածությունը չառաջադրել, առավել ևս եթե տեղյակ էր տարածքները հանձնելու պայմանի մասին։ Նա ավարտել էր պաշտոնավարման ժամկետը, ու եթե նա խուսափեր կարգավորման խնդրից, կարող էր առաջադրել մեկ այլ թեկնածուի, ինչո՞ւ էր գնում պաշտոնավարման երրորդ ժամկետին։ Հարցը խորքային է, ով ցանկանում է գնալ, գնում է։ Այդպես հեռացավ, օրինակ, Լևոն Տեր–Պետրոսյանը»,– նշում է ՀԿ նախագահը։

Պողոսյանի համոզմամբ` ուշ թե շուտ գալու էր հիմնախնդրի կարգավորման պահը, և գուցե ավելի պատրաստ լինեինք, եթե ավելի շատ ժամանակ ունենայինք, գուցե ավելի ամուր լինեինք, եթե ժամանակը չվատնեինք նախկին–ներկա, սևի ու սպիտակի բաժանման վրա, ուստի անհրաժեշտ էր միացնել, այլ ոչ թե բաժանել։

495
թեգերը:
Թևան Պողոսյան, Հայաստան
Ըստ թեմայի
Փաշինյանն ակնկալում է, որ ընդդիմությունն էլ բռնությունը բացառելու հայտարարություն կանի
Պատերազմն ավելի շուտ կարող էր կանգնել այն պայմաններով, ինչ հիմա է. Փաշինյան
«Նախկին բարձրաստիճան պաշտոնյաներն Արցախի մասին լալահառաչ ճառեր են ասում». Փաշինյան
Կարեն Խաչատրյան

100 տարի առաջ Թուրքիան ցանկանում էր ջնջել Հայաստանը. ինչպես տեղի ունեցավ խորհրդայնացումը

263
(Թարմացված է 15:34 29.11.2020)
Պատմական գիտությունների դոկտոր, պրոֆեսոր, ՀՀ ԳԱԱ պատմության ինստիտուտի փոխտնօրեն, խորհրդային շրջանի պատմության ոլորտի Հայաստանի առաջատար մասնագետ Կարեն Խաչատրյանը Sputnik Արմենիայի եթերում անդրադարձել է Հայկական ԽՍՀ կազմավորման 100-ամյա հոբելյանին։
Խաչատրյան. «Հայաստանի խորհրդայնացմամբ վերականգնվեց հայ–ռուսական դարավոր զինակցությունը»

Կարեն Խաչատրյանի դիտարկմամբ` ուղիղ հարյուր տարի առաջ հայությունն ապրում էր մի ճակատագրական ժամանակաշրջան, երբ քեմալական Թուրքիայի կողմից սանձազերծված պատերազմում մենք տանուլ տվեցինք, ինչի հետևանքները շատ ծանր էին Հայաստանի ազգաբնակչության համար, և շատ ավելի ծանր կլինեին, եթե Հայաստանը չխորհրդայնացվեր։ 

«Դա, իհարկե, իրականացվեց դրսից, նաև ուժի միջոցով, բայց ի պատիվ Հայաստանի Առաջին հանրապետության իշխանությունների` նրանք գնացին խորհրդայնացման համաձայնագրի ստորագրմանը և խաղաղ պայմաններում իշխանությունը փոխանցեցին նոր ուժերին, որոնք ապահովեցին ռազմաքաղաքական դաշինքը Խորհրդային Ռուսաստանի հետ»,– նշեց պատմաբանը։ 

Խաչատրյանի գնահատմամբ` վերականգնվեց հայ-ռուսական զինակցությունը, որն ունի դարերի պատմություն։ Ըստ նրա` 100 տարի առաջ էլ քեմալական Թուրքիայի ցանկությունը եղել է Հայաստանի ոչնչացումը և ցամաքային կապի հաստատումն Ադրբեջանի հետ, ու թեև բոլշևիկյան Ռուսաստանը համագործակցում էր Թուրքիայի ու խորհրդայնացված Ադրբեջանի հետ, այդուհանդերձ Հայաստանի ոչնչացումն ու երկու թուրքալեզու երկրների միավորումը թույլ չտվեց։   

«Խորհրդային Հայաստանը եղել է պետություն մեծ պետության կազմում, ուներ վարչաքաղաքական տարածք, իշխանության մարմիններ և վիթխարի հաջողությունների հասավ այդ ժամանակաշրջանում տնտեսության, գիտության, կրթության, մշակույթի բնագավառներում։ Այդ գործում անշուշտ մեծ դերակատարում են ունեցել Խորհրդային Հայաստանի ղեկավարները, ովքեր կուսակցականից զատ`  եղել են ազգային գործիչներ, հատկապես Ալեքսանդր Միասնիկյանը, որ դրեց Հայկական ԽՍՀ–ի ամուր հիմքերը և մեծ ներդրում ունեցավ ԼՂԻՄ–ի ձևավորման գործում»,– նշեց պատմաբանը։   

Ռուսաստանի ԱԻՆ-ն օգնում է վերականգնել Ասկերանի դպրոցներից մեկը

Պատմաբանի գնահատմամբ` Խորհրդային Հայաստանի 70-ամյա ժամանակաշրջանը հայ ժողովրդի պատմության ամբողջ տարեգրության մեջ անվտանգության, խաղաղ ու ստեղծագործ աշխատանքի ժամանակաշրջան էր։ Ըստ նրա` հայերը խորհրդային եղբայրական մյուս ժողովուրդների հետ ուս ուսի տված հաղթանակ տարան նաև Հայրենական Մեծ պատերազմում, ինչն անխոս նաև հայ ժողովրդի մեծ հաղթանակն էր, իսկ պարտության դեպքում թուրքական վտանգը մնում էր արդիական` սպառնալով հերթական ցեղասպանությամբ։ 

263
թեգերը:
ԽՍՀՄ, Ռուսաստան, Թուրքիա, Հայաստան
Ըստ թեմայի
Գոնե ռուս ժողովրդի նվերները թողնեին. Պուտինը խոսել է ԽՍՀՄ–ից դուրս եկածների մասին
Պուտինն ասել է` ինչը կարող էր ԽՍՀՄ ժողովուրդների համատարած ոչնչացման հանգեցնել
ՌԴ-ում չեն բացառել, որ COVID-19-ի դեմ պատվաստանյութ կմատակարարեն նախկին ԽՍՀՄ երկրներ
Արամ Սաֆարյան

Հայկական ԽՍՀ–ն նպաստավոր պայմաններ է ստեղծել անկախ Հայաստանի ձևավորման համար. վերլուծաբան

180
(Թարմացված է 11:13 29.11.2020)
Եվրասիական փորձագիտական ակումբի համակարգող, քաղաքական վերլուծաբան Արամ Սաֆարյանը Sputnik Արմենիայի եթերում անդրադարձել է Հայկական ԽՍՀ կազմավորման 100-ամյակին։
Սաֆարյան. «Հայկական ԽՍՀ–ն նպաստավոր պայմաններ է ստեղծել անկախ Հայաստանի ձևավորման համար»

Արամ Սաֆարյանի դիտարկմամբ`Խորհրդային Հայաստանը ձևավորվեց շատ ողբերգական ու դրամատիկ պայմաններում, երբ դեռ չէր ավարտվել Հայոց ցեղասպանությունը, արևմտահայությունը դադարել էր գոյություն ունենալ, իսկ Արևելյան Հայաստանի հայերի վրա կախվել էր ֆիզիկական ոչնչացման վտանգը։ Առաջին հանրապետությունն արյունաքամ եղավ, պարտվեց Թուրքիայի հետ անհավասար ու շատ դաժան պատերազմում, ինչից հետո խորհրդային Հեղկոմը նոյեմբերի 29–ին Կարմիր 11-րդ բանակի զորամիավորումների առաջն ընկած` Ղազախից մտավ Իջևան ու հայտարարեց Հայաստանի խորհրդայնացման մասին։

«Մեր ակումբի երկու տասնյակ հետազոտողներս` պատմաբաններ, քաղաքագետներ, սոցիոլոգներ, փիլիսոփաներ, մշակութաբաններ, խնդիր դրեցինք ուսումնասիրել Հայկական ԽՍՀ–ի պատմական հիմնական դասերն ու գծերը, գնահատել նրա պատմական դերը հայ ժողովրդի ճակատագրում` սկսած առաջին օրվանից մինչև 1991 թվականը, երբ այն դադարեց գոյություն ունենալ»,– նշեց Եվրասիական փորձագիտական ակումբի համակարգողը։

Սաֆարյանի տեղեկացմամբ` օրերս տեղի ունեցավ «Խորհրդային Հայաստանը հայ ժողովրդի պատմական ճակատագրերում. Հայկական ԽՍՀ կազմավորման 100-ամյակին» գրքի շնորհանդեսը։ Ըստ նրա` ակումբի մասնագետները, ովքեր հայտնի մասնագետներ են իրենց ոլորտներում, եկել են ընդհանուր եզրակացության, ըստ որի` Հայկական ԽՍՀ–ի գոյության տարիների ամբողջությունը հայոց բազմադարյա պատմության մեջ ընդհանուր առմամբ շատ բարենպաստ ժամանակաշրջան է եղել հայ ժողովրդի տնտեսական, քաղաքական, մշակութային, գիտակրթական զարգացման մեջ։ 

Արամ Սաֆարյան. «Մեզ անթերի քաղաքական դիրքորոշումներ են անհրաժեշտ»

Սաֆարյանի համոզմամբ` Հայկական ԽՍՀ–ն 70 տարի շարունակ եղել է հայկական պետականության զարգացման ուրույն ժամանակաշրջան, որը նպաստավոր պայմաններ է ստեղծել 1991 թվականի անկախության հռչակման և անկախ Հայաստանի ձևավորման համար։

180
թեգերը:
Արամ Սաֆարյան, Հայաստան, ԽՍՀՄ
Ըստ թեմայի
Գոնե ռուս ժողովրդի նվերները թողնեին. Պուտինը խոսել է ԽՍՀՄ–ից դուրս եկածների մասին
Պուտինն ասել է` ինչը կարող էր ԽՍՀՄ ժողովուրդների համատարած ոչնչացման հանգեցնել
ՌԴ-ում չեն բացառել, որ COVID-19-ի դեմ պատվաստանյութ կմատակարարեն նախկին ԽՍՀՄ երկրներ
Ճանապարհ

ՀՀ-ից Արցախ տանող ճանապարհի որոշ հատվածներ դժվարանցանելի են

0
(Թարմացված է 12:04 30.11.2020)
Արցախցիներին Ստեփանակերտ անվճար տեղափոխող ավտոբուսներն այսօր եղանակային վատ պայմանների պատճառով Երևանից չեն մեկնել։

ԵՐԵՎԱՆ, 30 նոյեմբերի - Sputnik. Արցախի Արտակարգ իրավիճակների պետական ծառայությունը հայտնում է, որ Արցախի Հանրապետության տարածքում ավտոճանապարհները հիմնականում անցանելի են:

ՀՀ-ից դեպի Արցախ միջպետական մայրուղու որոշ հատվածներ դժվարանցանելի են: Վայոց ձորի մարզի Վայք և Եղեգնաձոր քաղաքներում տեղում է ձյուն։

Սյունիքի մարզի «Զանգեր» կոչվող հատվածում մերկասառույց է: Դժվարանցանելի է Գորիս-Բերձոր ավտոճանապարհը: Լիսագոր-Շուշի հատվածում մառախուղ է և թույլ տեսանելիություն:

Վարորդներին խորհուրդ է տրվում երթևեկել բացառապես ձմեռային անվադողերով:

Հիշեցնենք՝ Երևանի «Կիլիկիա» ավտոկայանից դեպի Ստեփանակերտ անվճար ուղևորվող ավտոբուսներն այսօր՝ նոյեմբերի 30-ին, եղանակային վատ պայմանների պատճառով չեն մեկնել։

Սոթքի ոսկու հանքավայր տանող ճանապարհը փակ է. ինչ իրավիճակ է հիմա այդ տարածքում

0
թեգերը:
ձյուն, Ճանապարհ, Արցախ
Ըստ թեմայի
Առաջին ձյունը. Գավառում և Ջերմուկում ձմեռը «փորձարկումներ» է անում
Սյունիքի մարզում ձյուն է տեղում
Երևանում տեղում է առաջին ձյունը․ տեսանյութ