Երվանդ Բոզոյան

Ինչ պետք է արվի Փաշինյանի հեռացումից հետո. քաղաքագետը վերլուծում է ստեղծված իրավիճակը

448
(Թարմացված է 19:56 15.11.2020)
Քաղաքագետ Երվանդ Բոզոյան Sputnik Արմենիայի եթերում վերլուծել է եռակողմ հայտարարության հետևանքներն ու խոսել Փաշինյանի անցնցում հեռացման մասին։
«Եթե ճիշտ որոշումներ չկայացնենք, կվտանգենք նաև Հայաստանի պետականությունը». Բոզոյան

Քաղաքագետ Երվանդ Բոզոյանի գնահատմամբ` նոյեմբերի 9-ին Հայաստանի, Ռուսաստանի և Ադրբեջանի առաջնորդների ստորագրած համատեղ հայտարարությունը «կատաստրոֆայի նման մի բան է», որը մեծ ազդեցություն է ունենալու մեր ժողովրդի գիտակցության և մեր հետագա զարգացման վրա։ Ըստ նրա` ամենակարևորը, սակայն, այն է, որ մենք կարողանանք դուրս գալ այս ծանր վիճակից, որովհետև, եթե ճիշտ որոշումներ չկայացնենք կվտանգենք նաև Հայաստանի պետականությունը։

Քաղաքագետը համոզված է, որ այս աղետը վերջին երկուսուկես տարիների ընթացքում իշխանության վարած քաղաքականության հետևանք էր։

«Այդ ամենը սկսվեց բանակցային գործընթացի տապալումից, շարունակվեց ժողովրդի և քաղաքական դաշտի պառակտմամբ, հակասահմանադրական ակտիվ գործողություններով, դատարանների ոչնչացմամբ, ընդդիմադիր գործիչների հետապնդմամբ և այսպես շարունակ»,- ասաց նա։

Ստեղծված իրավիճակում, երբ հազարավոր մարդիկ Նիկոլ Փաշինյանի հրաժարականի պահանջով հանրահավաքներ են անում, Բոզոյանը քաղաքացիական պատերազմի վտանգը մտացածին է համարում։ Նրա խոսքով` ինչ քաղաքացիական պատերազմի մասին է խոսքը, եթե հասարակության ճնշող մեծամասնությունն արդեն հասկացել է` ինչ է կատարվել։

«Քաղաքացիական պատերազմի վտանգ լինում է այն դեպքում, երբ որ հասարակությունը բաժանվում է երկու հավասար մասի, այսօր այդպիսի բան չի կարող լինել, քանի որ պարտված իշխանությունը, պատերազմում տանուլ տված իշխանությունը չի կարող ունենալ որևէ սոցիալական շերտ հասարակության մեջ։ Հասարակության ճնշող մեծամասնությունն արդեն հասկացել է` ինչ է կատարվել, իսկ այն մարդիկ, որոնք հավատացել են, արդեն հասկացել են, որ խաբվել են»,- նշեց մեր զրուցակիցը։

Գործող իշխանությանը հրաժեշտ տալու հարցում հասարակության շրջանում կա կոնսենսուս, պարզապես պետք է ամեն ինչ անել, որ այդ հեռացումը լինի խաղաղ և քաղաքակիրթ ճանապարհով։

«Մեզ պետք չէ արյունոտ ճանապարհը, այնպես, ինչպես հեռացավ Սադամ Հուսեյնը կամ Քադաֆին։ Այդ ճանապարհը մեզ ոչ մի լավ տեղ չի տանի, նույնիսկ եթե հաշվի առնենք, որ մեր ժողովուրդը շատ զայրացած է»,- ընդգծեց քաղաքագետը։ 

Նրա կարծիքով` դեկտեմբերի 1-ից հետո, երբ գործող վարչապետն իր հիմնական առաքելությունն ավարտած կլինի, Հայաստանում կստեղծվի համազգային կոնսենսուս, կձևավորվի ժամանակավոր կառավարություն, որն էլ ամիսների ընթացքում կանցկացնի արտահերթ ընտրություններ, իսկ նոր ձևավորված իշխանությունն արդեն կստանձնի բանակցային գործընթացն անցկացնելու առաքելությունը։

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

ՀՀ վարչապետ Նիկոլ Փաշինյանը Facebook–ի իր էջում գրել էր, որ անձամբ իր և բոլորի համար չափազանց ծանր որոշում է կայացրել:

Փաշինյանի հայտարարությունից հետո բազմաթիվ մարդիկ շարժվել են դեպի Հանրապետության հրապարակ, մի խումբը ներխուժել է կառավարության գլխավոր մասնաշենք ու վարչապետի աշխատասենյակ, մի մասն էլ շարժվել է դեպի Բաղրամյան պողոտա ու մտել Ազգային ժողովի շենք։ ԱԺ նախագահ Արարատ Միրզոյանը ծեծի է ենթարկվել, նրան տեղափոխել են հիվանդանոց։

Նշենք, որ Թուրքիայի աջակցությամբ Ադրբեջանի սանձազերծած պատերազմի ընթացքում, ըստ վերջին տվյալների, հայկական կողմից զոհվել են 1434 զինծառայողներ։ Քաղաքացիական անձանց շրջանում կա 50 զոհ ու 148 վիրավոր։

448
թեգերը:
հեղափոխություն, Արցախյան պատերազմ, Արցախ, Ղարաբաղյան հակամարտություն, Լեռնային Ղարաբաղ, Եռակողմ հայտարարություն, Նիկոլ Փաշինյան
թեմա:
Իրադրությունը Հայաստանում և Արցախում հայտարարության ստորագրումից հետո (565)
Ըստ թեմայի
«Չէ որ ես եմ սա գրել». Պուտինը չի վերընթերցել Ղարաբաղյան հայտարարության տեքստը. տեսանյութ
Արցախում խաղաղ բնակչության հանդեպ հանցագործությունների լրացուցիչ փաստեր են արձանագրվել
Իսրայելական և թուրքական ԱԹՍ–ները նույնը չեն. ՊՆ–ն մեկնաբանել է Տոնոյանի մասին տեսանյութը
Կարեն Խաչատրյան

100 տարի առաջ Թուրքիան ցանկանում էր ջնջել Հայաստանը. ինչպես տեղի ունեցավ խորհրդայնացումը

261
(Թարմացված է 15:34 29.11.2020)
Պատմական գիտությունների դոկտոր, պրոֆեսոր, ՀՀ ԳԱԱ պատմության ինստիտուտի փոխտնօրեն, խորհրդային շրջանի պատմության ոլորտի Հայաստանի առաջատար մասնագետ Կարեն Խաչատրյանը Sputnik Արմենիայի եթերում անդրադարձել է Հայկական ԽՍՀ կազմավորման 100-ամյա հոբելյանին։
Խաչատրյան. «Հայաստանի խորհրդայնացմամբ վերականգնվեց հայ–ռուսական դարավոր զինակցությունը»

Կարեն Խաչատրյանի դիտարկմամբ` ուղիղ հարյուր տարի առաջ հայությունն ապրում էր մի ճակատագրական ժամանակաշրջան, երբ քեմալական Թուրքիայի կողմից սանձազերծված պատերազմում մենք տանուլ տվեցինք, ինչի հետևանքները շատ ծանր էին Հայաստանի ազգաբնակչության համար, և շատ ավելի ծանր կլինեին, եթե Հայաստանը չխորհրդայնացվեր։ 

«Դա, իհարկե, իրականացվեց դրսից, նաև ուժի միջոցով, բայց ի պատիվ Հայաստանի Առաջին հանրապետության իշխանությունների` նրանք գնացին խորհրդայնացման համաձայնագրի ստորագրմանը և խաղաղ պայմաններում իշխանությունը փոխանցեցին նոր ուժերին, որոնք ապահովեցին ռազմաքաղաքական դաշինքը Խորհրդային Ռուսաստանի հետ»,– նշեց պատմաբանը։ 

Խաչատրյանի գնահատմամբ` վերականգնվեց հայ-ռուսական զինակցությունը, որն ունի դարերի պատմություն։ Ըստ նրա` 100 տարի առաջ էլ քեմալական Թուրքիայի ցանկությունը եղել է Հայաստանի ոչնչացումը և ցամաքային կապի հաստատումն Ադրբեջանի հետ, ու թեև բոլշևիկյան Ռուսաստանը համագործակցում էր Թուրքիայի ու խորհրդայնացված Ադրբեջանի հետ, այդուհանդերձ Հայաստանի ոչնչացումն ու երկու թուրքալեզու երկրների միավորումը թույլ չտվեց։   

«Խորհրդային Հայաստանը եղել է պետություն մեծ պետության կազմում, ուներ վարչաքաղաքական տարածք, իշխանության մարմիններ և վիթխարի հաջողությունների հասավ այդ ժամանակաշրջանում տնտեսության, գիտության, կրթության, մշակույթի բնագավառներում։ Այդ գործում անշուշտ մեծ դերակատարում են ունեցել Խորհրդային Հայաստանի ղեկավարները, ովքեր կուսակցականից զատ`  եղել են ազգային գործիչներ, հատկապես Ալեքսանդր Միասնիկյանը, որ դրեց Հայկական ԽՍՀ–ի ամուր հիմքերը և մեծ ներդրում ունեցավ ԼՂԻՄ–ի ձևավորման գործում»,– նշեց պատմաբանը։   

Ռուսաստանի ԱԻՆ-ն օգնում է վերականգնել Ասկերանի դպրոցներից մեկը

Պատմաբանի գնահատմամբ` Խորհրդային Հայաստանի 70-ամյա ժամանակաշրջանը հայ ժողովրդի պատմության ամբողջ տարեգրության մեջ անվտանգության, խաղաղ ու ստեղծագործ աշխատանքի ժամանակաշրջան էր։ Ըստ նրա` հայերը խորհրդային եղբայրական մյուս ժողովուրդների հետ ուս ուսի տված հաղթանակ տարան նաև Հայրենական Մեծ պատերազմում, ինչն անխոս նաև հայ ժողովրդի մեծ հաղթանակն էր, իսկ պարտության դեպքում թուրքական վտանգը մնում էր արդիական` սպառնալով հերթական ցեղասպանությամբ։ 

261
թեգերը:
ԽՍՀՄ, Ռուսաստան, Թուրքիա, Հայաստան
Ըստ թեմայի
Գոնե ռուս ժողովրդի նվերները թողնեին. Պուտինը խոսել է ԽՍՀՄ–ից դուրս եկածների մասին
Պուտինն ասել է` ինչը կարող էր ԽՍՀՄ ժողովուրդների համատարած ոչնչացման հանգեցնել
ՌԴ-ում չեն բացառել, որ COVID-19-ի դեմ պատվաստանյութ կմատակարարեն նախկին ԽՍՀՄ երկրներ
Արամ Սաֆարյան

Հայկական ԽՍՀ–ն նպաստավոր պայմաններ է ստեղծել անկախ Հայաստանի ձևավորման համար. վերլուծաբան

174
(Թարմացված է 11:13 29.11.2020)
Եվրասիական փորձագիտական ակումբի համակարգող, քաղաքական վերլուծաբան Արամ Սաֆարյանը Sputnik Արմենիայի եթերում անդրադարձել է Հայկական ԽՍՀ կազմավորման 100-ամյակին։
Սաֆարյան. «Հայկական ԽՍՀ–ն նպաստավոր պայմաններ է ստեղծել անկախ Հայաստանի ձևավորման համար»

Արամ Սաֆարյանի դիտարկմամբ`Խորհրդային Հայաստանը ձևավորվեց շատ ողբերգական ու դրամատիկ պայմաններում, երբ դեռ չէր ավարտվել Հայոց ցեղասպանությունը, արևմտահայությունը դադարել էր գոյություն ունենալ, իսկ Արևելյան Հայաստանի հայերի վրա կախվել էր ֆիզիկական ոչնչացման վտանգը։ Առաջին հանրապետությունն արյունաքամ եղավ, պարտվեց Թուրքիայի հետ անհավասար ու շատ դաժան պատերազմում, ինչից հետո խորհրդային Հեղկոմը նոյեմբերի 29–ին Կարմիր 11-րդ բանակի զորամիավորումների առաջն ընկած` Ղազախից մտավ Իջևան ու հայտարարեց Հայաստանի խորհրդայնացման մասին։

«Մեր ակումբի երկու տասնյակ հետազոտողներս` պատմաբաններ, քաղաքագետներ, սոցիոլոգներ, փիլիսոփաներ, մշակութաբաններ, խնդիր դրեցինք ուսումնասիրել Հայկական ԽՍՀ–ի պատմական հիմնական դասերն ու գծերը, գնահատել նրա պատմական դերը հայ ժողովրդի ճակատագրում` սկսած առաջին օրվանից մինչև 1991 թվականը, երբ այն դադարեց գոյություն ունենալ»,– նշեց Եվրասիական փորձագիտական ակումբի համակարգողը։

Սաֆարյանի տեղեկացմամբ` օրերս տեղի ունեցավ «Խորհրդային Հայաստանը հայ ժողովրդի պատմական ճակատագրերում. Հայկական ԽՍՀ կազմավորման 100-ամյակին» գրքի շնորհանդեսը։ Ըստ նրա` ակումբի մասնագետները, ովքեր հայտնի մասնագետներ են իրենց ոլորտներում, եկել են ընդհանուր եզրակացության, ըստ որի` Հայկական ԽՍՀ–ի գոյության տարիների ամբողջությունը հայոց բազմադարյա պատմության մեջ ընդհանուր առմամբ շատ բարենպաստ ժամանակաշրջան է եղել հայ ժողովրդի տնտեսական, քաղաքական, մշակութային, գիտակրթական զարգացման մեջ։ 

Արամ Սաֆարյան. «Մեզ անթերի քաղաքական դիրքորոշումներ են անհրաժեշտ»

Սաֆարյանի համոզմամբ` Հայկական ԽՍՀ–ն 70 տարի շարունակ եղել է հայկական պետականության զարգացման ուրույն ժամանակաշրջան, որը նպաստավոր պայմաններ է ստեղծել 1991 թվականի անկախության հռչակման և անկախ Հայաստանի ձևավորման համար։

174
թեգերը:
Արամ Սաֆարյան, Հայաստան, ԽՍՀՄ
Ըստ թեմայի
Գոնե ռուս ժողովրդի նվերները թողնեին. Պուտինը խոսել է ԽՍՀՄ–ից դուրս եկածների մասին
Պուտինն ասել է` ինչը կարող էր ԽՍՀՄ ժողովուրդների համատարած ոչնչացման հանգեցնել
ՌԴ-ում չեն բացառել, որ COVID-19-ի դեմ պատվաստանյութ կմատակարարեն նախկին ԽՍՀՄ երկրներ
Ջո Բայդեն

Բայդենը պետք է հատուկ կոշիկ կրի. Թրամփն առողջություն է մաղթել նրան

13
(Թարմացված է 11:36 30.11.2020)
ԱՄՆ նորընտիր նախագահի ոսկրերի ռենտգենային հետազոտության արդյունքում ոտնաթաթի ոսկրերում ճաքեր են հայտնաբերվել:

ԵՐԵՎԱՆ, 30 նոյեմբերի - Sputnik. ԱՄՆ-ի նորընտիր նախագահ, 78-ամյա Ջո Բայդենը սայթաքել և վայր է ընկել, հաղորդում է ՌԻԱ Նովոստին:

Բայդենի բժիշկ Քեվին Օ'քոննորը հայտնել է, որ ոսկրերի ռենտգենային հետազոտության արդյունքում ոտնաթաթի ոսկրերում ճաքեր են հայտնաբերվել:

Բայդենը մի քանի շաբաթ պետք է հատուկ վիրակապ ու կոշիկ կրի:

ԱՄՆ նախագահ Դոնալդ Թրամփը շուտափույթ ապաքինում է մաղթել նախագահական ընտրություններում իր մրցակից Ջո Բայդենին։

«Շուտ ապաքինվեք»,-գրել է Թրամփն իր թվիթերյան էջում:

«Հարյուր հազարավոր կեղծ ձայներ». Թրամփը վստահ է՝ ընտրությունների արդյունքները կփոխվեն

Հիշեցնենք, որ նոյեմբերի 3-ին տեղի ունացած նախագահական ընտրություններում հաղթանակ է տարել Ջո Բայդենը։ Գործող նախագահ Թրամփը մի շարք տեղամասերում վերահաշվարկ է պահանջել։

13
թեգերը:
Դոնալդ Թրամփ, Ջո Բայդեն