Սուրեն Սարգսյան

Ինչու Հայաստանը պետք է շտապի շնորհավորել ԱՄՆ նորընտիր նախագահ Բայդենին

359
(Թարմացված է 19:22 08.11.2020)
Ամերիկյան հետազոտությունների հայկական կենտրոնի տնօրեն Սուրեն Սարգսյանը Sputnik Արմենիայի եթերում անդրադարձել է ԱՄՆ-ի նախագահի ընտրություններում թեկնածու Ջո Բայեդենի հաղթանակին և պարզաբանել, թե ինչու Հայաստանը պետք է շտապի շնորհավորել նրան:
Ինչու Հայաստանը պետք է շտապի շնորհավորել Բայդենին. Ամերիկյան հետազոտությունների հայկական կենտրոնի տնօրենի մեկնաբանությունը

Սուրեն Սարգսյանը նկատում է, որ աշխարհի տարբեր առաջնորդներ արդեն շնորհավորել են ԱՄՆ նորընտիր նախագահին, այդ թվում Բայդենի ամենամտերիմ գործիչները՝ Իսրայելի և Հնդկաստանի վարչապետները։ Շնորհավորել է նաև մեր հարևան Վրաստանի վարչապետը։ Սարգսյանը կարծում է, որ արդեն ժամանակն է, որ հայկական կողմն էլ շնորհավորի։ Նրա խոսքով` շուտ շնորհավորելը ավելի կհեշտացնի հետագայում ադմինիստրացիայի հետ հարաբերությունների կարգավորումը:

«Հայաստանի ներկա իշխանությունները պետք է մի կողմ դնեն բոլոր տեսակի ներքաղաքական տարաձայնությունները, օգտագործեն նախկին իշխանությունների կապերը Բայդենի վարչակազմի հետ, որպեսզի առավել օպերատիվ և էֆեկտիվ կապ հաստատեն նոր քաղաքական թիմի հետ, որը մեծ հաշվով, որքան նոր է, նույնքան էլ հին է: Այս առումով, իրոք պետք է համագործակցել նախկին իշխանությունների հետ և մեզ համար այս կարևոր պահին գործակցություն ձևավորել ԱՄՆ-ի հետ՝ որպես առաջնահերթություն ունենալով հենց Արցախյան հիմնախնդիրը»,-նշում է Սարգսյանը:

Սուրեն Սարգսյանն իրատեսական է համարում հակաադրբեջանական բանաձևի վերականգնումը. պետք է խնդրել Բայդենին վերահաստատել 907-րդ բանաձևը վերականգնելու և Ադրբեջանին ռազմական օգնություն չտրամադրելու վերաբերյալ իր դիրքորոշումը: Քաղաքագետի կարծիքով` սա իրատեսական է, քանի որ դրա մասին Բայդենը հայտարարություն է արել։ Սարգսյանը նշում է, որ այսօր դա մեր իշխանությունների, մեր համայնքի, մեր լոբբիստների համար պետք է լինի թիվ մեկ խնդիրը: 

«ԱՄՆ հայկական համայնքային կազմակերպությունները արդեն շնորհավորել են Բայդենին, մենք կարող ենք հետևել նրանց օրինակին: Մենք այժմ պետք է առաջնորդվենք մեր շահերով, իսկ մեր շահերից է բխում նոր վարչակազմի հետ լավ հարաբերությունների հաստատումը»,-նշում է Սարգսյանը: 

Միաժամանակ, ըստ Սարգսյանի, պետք է պահպանել հարաբերությունները Թրամփի և հանրապետականների հետ, քանի որ նախ Թրմափը մինչև հունվարի 20-ը համարվում է ԱՄՆ նախախագահ և ապա 2024-ին, Սարգսյանի կանխատեսմամբ, նա նորից կառաջադրվի ԱՄՆ նախագահի պաշտոնում: 

Թյուրքական ETIM-ներն ահաբեկիչներ չե՞ն․ ԱՄՆ-ի որոշումը զայրացրել է Չինաստանին

Այս պահին ընտրությունների արդյունքների չեղարկումը, միջազգայնագետը իրատեսական չի համարում. Բայդենը բավական վստահ է հաղթանակ տարել։ Սակայն պարզ է, որ Թրամփը գնալու է մինչև վերջ, փորձելու է պայքարել, այդ թվում և դատական ատյաններում: 

Նշենք, որ երեկ ամերիկյան խոշորագույն լրատվամիջոցները՝ Fox News, CNN, NBC և AP գործակալությունը տեղեկացրել էին, որ ԱՄՆ-ի նախագահական ընտրություններում հաղթել է Ջո Բայդենը։ Նա ստացել է ընտրիչների ավելի քան 270 ձայնը։

359
թեգերը:
Հայաստան, Նախագահ, Դոնալդ Թրամփ, Ջո Բայդեն, ԱՄՆ
Ըստ թեմայի
Կեղծվո՞ւմ են ընտրությունների արդյունքները ԱՄՆ-ում, կամ քվեարկությունը կայացավ, հաղթող չկա
Զարմանալի ընտրություններ, կամ ԱՄՆ նախագահ դարձավ Ջո Բայդենը, բայց վերընտրվեց Դոնալդ Թրամփը
Հաշվարկված էր. պատերազմը սկսվեց, երբ ԱՄՆ-ն և Եվրոպան այլ գործերով էին զբաղված. ՀՀ նախագահ
Կարապետ Կարապետյան

Ո՞ւր գնալ, ինչո՞վ ապրել. տունն ու գյուղը կորցրած վուրգավանցու ապագան անորոշ է

24
Ադրբեջանի վերահսկողության տակ հայտնված Քաշաթաղի Վուրգավան համայնքի` Շիրակում հայտնված բնակիչը Sputnik Արմենիայի հետ զրույցում ասում է, որ կորցրել է ամեն ինչ ու հիմա չգիտի` որտեղ և ինչպես պետք է ապրի իր ընտանիքը։
Ո՞ւր գնալ, ինչո՞վ ապրել. տունն ու գյուղը կորցրած վուրգավանցու ապագան անորոշ է. Կարապետ Կարապետյան

Վուրգավան համայնքը Քաշաթաղի շրջանի այն 52 գյուղերի շարքում է, որոնք անցել են Ադրբեջանին: Արցախի հերոս Վուրգ Ոսկանյանի անունը կրող և 40 ընտանիք ունեցող գյուղը հողին է հավասարված, իսկ վուրգավանցին էլ հիմա անտուն ու անգյուղ են մնացել: 59-ամյա Կարապետ Կարապետյանը թոռներին գրկած Աղավնագետով է կնոջ ու հարսի հետ փախել ադրբեջանցիների հարձակումից. սարսափով է հիշում կատարվածը։

«Գյուղն ավերված է. Խնձորեսկից ու Տեղից հեռադիտակով ենք տեսել, տանկերով մտել, տներն ավիրել են։ Հիմա այստեղ ենք, բայց այստեղ էլ ապագա չենք տեսնում։ Այսօր մարդիկ մեզ այստեղ պահեցին, բայց հետո, հետոյի մեջ ապագա չեմ տեսնում` ո՛չ տուն ունեմ, ո՛չ տեղ: Պետությունը կհոգա՞, տուն կտա՝ էդ էլ իրանց խղճին: Այսպես անորոշության մեջ ենք», -Sputnik Արմենիային ասում է Կարապետ Կարապետյանը:

Արցունքներն աչքերին հիշում է, որ ադրբեջանցիներին է թողել  ոչ միայն տունը, այլ նաև տարիների ստեղծած ապրուստը՝ անասուններն ու այգիները: Իր ընտանիքի հետ հիմա ժամանակավոր բնակություն է հաստատել Շիրակի մարզի Թորսգյուղում, բայց ուշքն ու միտքն իր թոռների ապագան է, իսկ այդ ապագան իր ու իր համագյուղացիների համար մշուշոտ է։ Ո՞ւր գնալ, ինչո՞վ ապրել. այս հարցերն անպատասխան են։

121 արցախյան համայնք դարձան ադրբեջանական. որոնք են դրանք

ՀՀ կառավարությունը հրապարակել է սեպտեմբերի 27-ից Ադրբեջանի կողմից Արցախի դեմ սանձազերծած պատերազմի ու նոյեմբերի 9-ին ստորագրված եռակողմ հայտարարության հետևանքով Ադրբեջանի վերահսկողության տակ անցած հայկական գյուղերի ու քաղաքների ցանկը։ Հրապարակված տեղեկությունների համաձայն` Ադրբեջանի վերահսկողության տակ է անցնում 121 համայնք։

24
թեգերը:
Ադրբեջան, տուն, Գյուղ, Քաշաթաղ, Արցախ
Ըստ թեմայի
Զոհվել է «Արցախի հերոսի» կոչմանն արժանացած Դավիթ Գրիգորյանը
«Արցախն Ադրբեջանին է հանձնում ոչ թե 121, այլ 181 բնակավայր». ԱԺ փոխնախագահ
Դպրոցներն ու մանկապարտեզները կգործեն դեկտեմբերի 1-ից․ Ստեփանակերտի քաղաքապետ
Գևորգ Գորգիսյան

«Հուսանք` «Իմ քայլն» էլ կողմ կքվեարկի ռազմական դրությունը չեղարկելու օգտին». Գորգիսյան

33
(Թարմացված է 13:22 26.11.2020)
ԱԺ «Լուսավոր Հայաստան» խմբակցության պատգամավոր Գևորգ Գորգիսյանը Sputnik Արմենիայի եթերում անդրադարձել է խորհրդարանի պաշտպանության և անվտանգության հարցերի մշտական հանձնաժողովի նիստին, որի ընթացքում քննարկվել է ՀՀ–ում ռազմական դրությունը չեղարկելու նախագիծը։
Գորգիսյան. «Հուսանք` «Իմ քայլը» նույնպես կողմ կքվերակի ռազմական դրությունը չեղարկելու օգտին»

Գևորգ Գորգիսյանի դիտարկմամբ` կառավարության և զինված ուժերի ներկայացուցիչներն իրականում չբերեցին այնպիսի հիմնավորումներ, որ ռազմական դրության չեղարկումը կարող է որևէ կերպ խանգարել երկրի անվտանգության գործընթացներին կամ այլ պրոցեսների, որոնք անհրաժեշտ են հանրապետությունում։

«Կառավարությունն ուներ 16 օր, ուստի կարող էր համապատասխան փոփոխություններ մտցնել իր որոշումներում` իմանալով, որ ընդդիմությունը ցանկանում է օր առաջ հանել ռազմական դրությունը, բայց գործադիրը մարմինը դա չի արել և իր անգործությունը փորձում է արդարացնել` նշելով լրացուցիչ ժամանակի հանգամանքը»,– Sputnik Արմենիայի հետ զրույցում ասաց ԱԺ պատգամավորը։

Գորգիսյանը` որպես հիմնական զեկուցող, ներկայացրել է իրենց համար ընդունելի տարբերակը, որպեսզի քննարկվի և կառավարությունը նշի կոնկրետ ժամկետ, որի ընթացքում կկարողանա կատարել հիշյալ փոփոխությունները, իսկ նախագծի հեղինակներն էլ ըստ այդմ լրացումներ կկատարեն նախագծի մեջ։

«Բայց իշխանության ներկայացուցիչներն այդ տարբերակին էլ չհամաձայնեցին։ Նրանք առանց որևէ հիմնավորման ցանկանում են երկարաձգել ռազմական դրությունը»,– նշեց ԱԺ պատգամավորը։

Գորգիսյանի գնահատմամբ` հանձնաժողովի դիրքորոշումը կարելի է դիտարկել որպես «Իմ քայլը» խմբակցության մոտեցում, սակայն «Լուսավոր Հայաստանը» ներկայացնելու է իր փաստարկները, անելու է ամեն ինչ, որպեսզի համոզի, որ հիմա կա ռազմական դրությունը վերացնելու կարիք` հույս կապելով նաև գործընկերների ողջախոհության հետ։

Պատգամավորի կարծիքով` նիստին ներկայացած «Իմ քայլը» խմբակցության ներկայացուցիչները քննարկման ժամանակ կտեսնեն, որ իրենց, որպես իշխող ուժի, հակափաստարկները համոզիչ չեն, կառավարությունը թերացել է և 16 օրում չի գտել այն լուծումները, չի կիրառել համապատասխան գործառույթները, որոնք անհրաժեշտ են առանց ռազմական դրության պահպանման։

«Դա հնարավոր էր, խոսքն ընդամենը կառավարության մի քանի որոշումներին է առնչվում։ Այդուհանդերձ հույս ունենք, որ իշխանական թևի պատգամավորները կքվեարկեն խղճի մտոք և կողմ կարտահայտվեն ռազմական դրությունը վերացնելու օգտին։ «Բարգավաճ Հայաստան» խմբակցության մեր ընդդիմադիր գործընկերների հետ այս հարցում արդեն ունենք համախոհություն։ Արտախորհրդարանական ընդդիմադիր ուժերի հետ հարցը չենք քննարկել, սակայն նրանց ելույթներից տեսնում ենք, որ նույնպես պահանջում են չեղարկել ռազմական դրությունը»,– նշեց ԱԺ պատգամավորը։

Գորգիսյանը նաև հավելեց, որ իրենք մշակել են քայլեր` քվեարկության բացասական ելքի դեպքում իրականացնելու համար, սակայն հայտնեց, որ այդ մասին կտեղեկացնեն ապագայում։

Հիշեցնենք` ԱԺ-ում այսօր քննարկվում է Հայաստանում հաստատված ռազմական դրությունը չեղարկելու մասին ԱԺ «Լուսավոր Հայաստան» խմբակցության ներկայացրած նախագիծը։ Առաջարկվում է երկրում ստեղծված իրավիճակից դուրս գալու ճանապարհային քարտեզ, որի քայլերի մեջ մտնում է ռազմական դրության վերացումը և վարչապետ Նիկոլ Փաշինյանի հրաժարականը։

Բանն այն է, որ ՀՀ վարչապետին անվստահություն հայտնելու իրավական գործընթացը նախատեսված է ՀՀ Սահմանադրության 115-րդ հոդվածով, որի վերջին` 4-րդ կետը, սակայն, արգելում է ռազմական դրության ժամանակ վարչապետին անվստահություն հայտնելու մասին Ազգային ժողովի որոշման նախագիծ ներկայացնելն ու քննարկելը։

33
թեգերը:
ռազմական դրություն, Գևորգ Գորգիսյան, Հայաստան
Ըստ թեմայի
«Պետք է մոռանալ թավիշը». ինչ է քննարկել «Իմ քայլը» փակ դռների հետևում. «Ժողովուրդ»
«Ափալ–թափալի վերջը շառ ա». ՀՀ սահմանները կարող են մնալ անպաշտպան
Ռազմական դրությունն իր ազդեցությունն է ունեցել տնտեսության վրա. Մհեր Գրիգորյան
Սոթք

Ադրբեջանցիները Սոթքի հանքի տարածքում են` բանակցություններ են վարում. համայնքի ղեկավար

0
(Թարմացված է 19:05 26.11.2020)
Գեղամասար խոշորացված համայնքի ղեկավարը Sputnik Արմենիայի հետ զրույցում հաստատել է լուրերը, որ ադրբեջանցիները հիմա Սոթքի հանքի տարածքում են։ Պաշտպանության նախարարությունը հերքում է տարածված տեղեկությունը։

ԵՐԵՎԱՆ, 26 նոյեմբերի – Sputnik. Ադրբեջանցիներն այս պահին Սոթքի հանքի տարածքում են` բանակցություններ են վարում։ Sputnik Արմենիայի հետ զրույցում ասաց Գեղամասար խոշորացված համայնքի (որտեղ ներառված է նաև Սոթքը) ղեկավար Հակոբ Ավետյանը։

Մամուլում լուրեր են շրջանառվում, որ ադրբեջանական բանակը մտել է Սոթքի հանքավայր և աշխատակիցներին ժամանակ են տվել դուրս գալու համար: ՀՀ պաշտպանության նախարարությունը հերքել էր լուրերը, որ ադրբեջանցի զինվորականները մտել են Սոթքի հանքավայր։

«Այնպես չէ, որ հիմա պատերազմական իրավիճակ է կամ էլ լարված է, բանակցություններ են գնում։ Երկու կողմը հանդիպել են ու բանակցում են։ Այս պահին վտանգավոր իրավիճակ չէ` խաղաղ պայմաններում են բանակցություններն ընթանում»,–ասաց Ավետյանը։

Հարցին` արդյո՞ք ճիշտ են լուրերը, որ Սոքթի հանքի աշխատակիցներին ադրբեջանցիները ժամանակ են տվել հեռանալու համար, քանի որ տարածքն իրենց պիտի հանձնեն` Ավետյանը պատասխանեց, որ բանակցությունների արդյունքում ամեն ինչ կորոշվի։

Փոխանցվու՞մ է Ադրբեջանին, թե՞ ոչ․ Բերձորում խառը իրավիճակ է

Նրա խոսքով` տեղում ներկա են Հայաստանի պաշտպանության նախարարության ներկայացուցիչները և այլ պատկան մարմինների ներկայացուցիչներ, ինչպես նաև Ադրբեջանի ՊՆ ներկայացուցիչներ։

0
թեգերը:
ադրբեջանցի, Գյուղապետ, Քարվաճառ, Սոթք-Քարվաճառ ավտոճանապարհ, Սոթքի հանքավայր
թեմա:
Իրադրությունը Հայաստանում և Արցախում հայտարարության ստորագրումից հետո