Ադրբեջանցիները շատ ցավագին են տանում Խուդաֆերինի ջրամբարի տարածքից զրկվելու փաստը
(Թարմացված է 21:53 20.10.2020)
Իրանագետ–էներգետիկ Արմեն Մանվելյանը Sputnik Արմենիայի եթերում անդրադարձել է Արցախի հարավում գտնվող և Իրանին սահմանակից Խուդաֆերինի ջրամբարի և ՀԷԿ–ի ռազմավարական ու էներգետիկ նշանակությանը։
Մանվելյան. «Խուդաֆերինի ջրամբարն ու ՀԷԿ–ը կառուցվել են հենց այն շրջանում, երբ մենք արդեն ազատագրել էինք այդ տարածաշրջանը»
Տեղեկատվության համաձայն` ադրբեջանական զինուժը հարավային՝ Խուդաֆերինի ջրամբարի ուղղությամբ, մեծ կորուստներ կրելով նահանջում է։ «Զգուշացրել էինք՝ դժոխք եք մուտք գործում»,- գրել է ՀՀ պաշտպանության նախարարի մամուլի խոսնակ Շուշան Ստեփանյանը Facebook-ի իր էջում։
Արմեն Մանվելյանի դիտարկմամբ` խնդիրը պետք է ավելի լայն իմաստով քննարկել, որովհետև հարցը վերաբերում է ոչ միայն Խուդաֆերինի ջրամբարին, այլ նաև Արցախի ամբողջ հարավային հատվածին։ Ըստ նրա` ադրբեջանցիները նպատակադրվել են հայերին դուրս մղել Արաքսի հովտից ու հեռացնել Իրանի հետ սահմանից։
©
Photo : Facebook / Shushan Stepanyan
«Այդ տեսանկյունից ջրամբարն ու ՀԷԿ–ն ունեն ռազմավարական մեծ կարևորություն, ինչ–որ առումով նաև խորհրդանշական դերակատարություն, որովհետև կառուցվել են հենց այն շրջանում, երբ Արցախի Պաշտպանության բանակն արդեն ազատագրել էր այդ տարածաշրջանը։ Դրանից հետո իրանական կողմի հետ սկսվեց համագործակցության պրոցես, ինչի արդյունքում կառուցվեցին ջրամբարն ու ՀԷԿ–ը»,– նշում է էներգետիկ–իրանագետը։
Արմեն Մանվելյանի փոխանցմամբ` կոնկրետ ջրամբարը հետաքրքիր է այն առումով, որ նրա և ՀԷԿ–ի կառուցման աշխատանքները նույնիսկ հայտնի չեն եղել Ադրբեջանին, այդ մասին Բաքվում իմացել են շատ ավելի ուշ, ինչը վկայում է այն մասին, թե ինչպիսի լրջությամբ են հայերն ու իրանցիները մոտեցել հարցին։
Չի բացառվում` ադրբեջանական ստորաբաժանումները նահանջեն կամ փախչեն իրանական տարածք
«Թեև պետք է նշել, որ պաշտոնապես այն չի կոչվում համատեղ ծրագիր, քանի որ ֆինասավորումն իրականացրել է իրանական կողմը, հետևաբար Ադրբեջանը չի կարող որևէ հավակնություն ունենալ Խուդաֆերինի նկատմամբ»,–նշում է էներգետիկ–իրանագետը։
Անդրադառնալով այն տեղեկությանը, որ Ալիևը դեռ ապրիլյան պատերազմի ժամանակ չկարողացավ լուծել հարցը և այս տարվա մարտի 5-ին նորից այցելեց Իրան ու խոսեց Խուդաֆերինի մասին, Արմեն Մանվելյանն ընդգծում է, որ ադրբեջանցիները շատ ցավագին են տանում Խուդաֆերինից զրկվելու փաստը, և ժամանակի ընթացքում թեև բազմիցս բողոքել են հայ–իրանական այդ համատեղ ծրագրի առթիվ, սակայն ըստ էության անկարող են որևէ բան փոխել։
ՀՀ-ում Իրանի դեսպանության ռազմական կցորդն այցելել է պաշտպանության նախարարություն
Իրանագետի գնահատմամբ` կարևոր նշանակություն ունի նաև այն հանգամանքը, որ կոնֆլիկտի գոտում հրադադարի վերահսկման վերիֆիկացիոն մեխանիզմների ու նոր սահմանների հաստատման դեպքում ջրամբարը նախկինի պես կարող է դառնալ Իրանի ու Արցախի համակործակցության օբյեկտը։
Ի՞նչ անել, որ ՀՀ մշտական բնակչությունը չդառնա 2.5 մլն
Մարկոսյան. «Բազմազավակ ընտանիքների համար ավելի կարևոր է երկարաժամկետ կտրվածքով դրամական աջակցությունը»
Արտակ Մարկոսյանի դիտարկմամբ` բազմազավակ ընտանիքներին ցուցաբերվող աջակցությունը դեռ համակարգված չէ, նախկինում եղել են և այսօր էլ կիրառվում են սոցաջակցության ծրագրեր, որոնք միտված են բազմազավակ ընտանիքներին օգնելուն, բայց կոնկրետ օրենք և հստակ միջոցառումների հայեցակարգ դեռ չկա։
«Բնականաբար գործում են մինչև 18 տարեկան երեխաներին մատուցվող անվճար առողջապահական ծառայությունները, բայց կոնկրետ բազմազավակ ընտանիքների համար կան առաջնահերթ խնդիրներ, ու թեև երեխայի ծնվելիս ընտանիքը ստանում է խնամքի նպաստ, սակայն ավելի կարևոր է երկար ժամանակահատվածի համար ամսական դրամական աջակցության տրամադրումը»,– նշեց նախարարության ԿՍԱԳՀ խորհրդականը։
Մարկոսյանի կարծիքով` պարզապես այլընտրանք չկա, որովհետև միայն բազմազավակությանը միտված ծրագրերով կարող ենք լուծել ժողովրդագրական խնդիրները։ Ըստ նրա`մենք, ցավոք, գտնվում ենք ժողովրդագրական փոսում և կանխատեսումների համաձայն` մեզ սպասում է դեպոպուլյացիա, սակայն իրավունք չունենք ցույց տալու այդ դեպոպուլյացիան, քանի որ մինչ օրս ՀՀ մշտական բնակչությունը չի նվազել ավելի շատ այն պատճառով, որ ունեցել ենք բնակչության բնական աճ։
«Մեր բնական աճը նախորդ տարիներին եղել է դրական, հետևաբար պետք է թույլ չտանք, որ բնական աճը փոխակերպվի բացասականով, որովհետև այդ դեպքում մշտական թվաքանակը կլինի ոչ թե 2 միլիոն 963 հազար, այլ մոտ 2 միլիոն 500 հազար։ Այդ պարագայում մեր վիճակն ավելի վատ կլիներ»,– նշեց նախարարության ԿՍԱԳՀ խորհրդականը։
Մարկոսյանի համոզմամբ` բոլոր ծրագրերը պետք է միտված լինեն նրան, որ ընտանիքների համար ստեղծեն բարեկեցիկ պայմաններ, որպեսզի երեխա ունենալը բեռ չդառնա։ Ըստ այդմ` ընտանիքները պետք է նախապես ունենան հստակ ամրագրված սոցիալական երաշխիքներ։
Ուզում եմ` էլ չկրակեն ու տուն վերադառնանք. Մկրտչյանների բազմազավակ ընտանիքի ոդիսականը
Տեղեկացնենք, որ շրջանառվող օրինագծի համաձայն` Հայաստանում պաշտոնապես բազմազավակ կճանաչվեն 4 և ավելի երեխաներ ունեցող ընտանիքները։
Առաջարկվող օրենքը նախատեսում է դրամական աջակցություն, առողջության ապահովագրություն, բնակարանային պայմանների բարելավման աջակցություն, բնակարանի կամ ապաստանի տրամադրում, կրթության վճարի փոխհատուցում, պատմական և մշակութային կենտրոններ այցելությունների վճարի փոխհատուցում, աշխատող բազմազավակ ծնողներին ամենամյա լրացուցիչ արձակուրդի տրամադրում:
Պաշտոնական խողովակով որևէ հրավերք չենք ստացել. Աբովյանը հերքո՞ւմ է Լիլիթ Մակունցի ասածները
(Թարմացված է 21:51 04.03.2021)
«Բարգավաճ Հայաստան» խմբակցության քարտուղար Արման Աբովյանը Sputnik Արմենիայի եթերում խոսել է Նիկոլ Փաշինյանի կողմից Գագիկ Ծառուկյանին ուղարկված հանդիպման հրավերի և արտահերթ խորհրդարանական ընտրությունների վերաբերյալ քննարկումների մասին։Հրավերք չի՞ եղել. Աբովյանը պարզաբանում է Մակունցի ասածները
Ես` որպես «Բարգավաճ Հայաստան» խմբակցության քարտուղար, ոչ մի պաշտոնական փաստաթուղթ չեմ ստացել։ Sputnik Արմենիայի հետ զրույցում ասաց Արման Աբովյանը` մեկնաբանելով «Իմ քայլը» խմբակցության ղեկավար Լիլիթ Մակունցի այն հայտարարությունը, թե Նիկոլ Փաշինյանը Գագիկ Ծառուկյանին հանդիպման հրավեր է ուղարկել։
Նրա խոսքով` ԲՀԿ-ում դեռևս չեն քննարկել ներքաղաքական իրավիճակն ու արտահերթ ընտրությունների անցկացման հարցը։
©
Photo : official site of the MoD of RA
«Դեռևս քննարկում չենք ունեցել։ Առաջիկայում անպայման քննարկում կունենանք։ Մոտավոր ժամկետներ չեմ կարող ասել»,- նշեց Աբովյանը։
Հիշեցնենք, որ այսօր` փետրվարի 4-ին, «Իմ քայլը» խմբակցության ղեկավար Լիլիթ Մակունցը լրագրողների հետ զրույցում հայտնել էր, որ ՀՀ վարչապետ Նիկոլ Փաշինյանը ԲՀԿ ղեկավար Գագիկ Ծառուկյանին հանդիպելու հրավեր է ուղարկել։
Փաշինյանն ավելի վաղ հայտել էր, որ հանդիպումներ է ունենալու խորհրդարանական ընդդիմադիր ուժերի հետ` արտահերթ խորհրդարանական ընտրություններ անցկացնելու հարցը քննարկելու համար։ Արդեն իսկ կայացել է Մարուքյան–Փաշինյան հանդիպումը։ ԼՀԿ առաջնորդը հայտնել է, որ Հայաստանում ստեղծված ներքաղաքական իրավիճակից դուրս գալու ճանապարհը արտահերթ ընտրություններն են, որն անցկացնելու կամք ունի նաև վարչապետը։
Պուգաչովան անցել է Անջելինա Ջոլիին. ովքեր են իսկական կանայք` ըստ ռուսաստանցիների
(Թարմացված է 23:49 04.03.2021)
Հանրային կարծիքի ուսումնասիրման համառուսական կենտրոնի հետազոտությունը նվիրված է մարտի 8-ի Կանանց միջազգային օրվան:
ԵՐԵՎԱՆ, 4 մարտի - Sputnik. Ռուսաստանցիներն իսկական կին են համարում Ալլա Պուգաչովային, Սոֆյա Ռոտարուին և Վալենտինա Մատվիենկոյին: Այսպիսին են ՀԿՈւՀԿ–ի (Հանրային կարծիքի ուսումնասիրման համառուսական կենտրոն)` Կանանց միջազգային օրվան՝ Մարտի 8-ին նվիրված հարցման արդյունքները։
ՀԿՈւՀԿ–ի տվյալներով՝ հարցվածների 6 տոկոսը իսկական կին է անվանել Պուգաչովային, 3 տոկոսը՝ Ռոտարուին, ևս 3 տոկոսը՝ Մատվիենկոյին:
©
Sputnik / Екатерина Чеснокова
Բացի նրանցից, ռուսաստանցիներն իսկական կանանց ցուցակում են ներառել Իրինա Խակամադային (2%), Վալերիային (2%), Ալիսա Ֆրեյնդլիխին (2%), Չուլպան Խամատովային (2%) և Անջելինա Ջոլիին (1%):
«ՀԿՈւՀԿ- Sputnik» համառուսաստանյան նախաձեռնողական հարցումն անցկացվել է փետրվարի 14-ին, մարտի 2-3-ին 18-ից բարձր տարիքի 1600 ռուսաստանցիների շրջանում: Հարցումն անցկացվել է հեռախոսով։
Կանանց միջազգային օրն ամեն տարի նշվում է մարտի 8-ին։ Առաջին անգամ տոնի անցկացման գաղափարը ծագել է 20-րդ դարի սկզբին։ Կանանց միջազգային օրը նշվում են կանանց ձեռքբերումները՝ անկախ ազգային կամ էթնիկ, լեզվական, մշակութային, տնտեսական և քաղաքական պատկանելություններից։