Ֆրանսիայի կողմից Արցախի ճանաչման օրինագիծը կարող է ուղենշային լինել մյուս երկրների համար
Գանդահարյան. «Արցախի ճանաչման համար այժմ ստեղծվել է իրավաքաղաքական բարենպաստ ենթահող»
Արդեն հայտնի է, որ Ֆրանսիայի Ազգային ժողովը քննարկելու է Արցախի ճանաչման օրինագիծը, որը ներկայացվել է խորհրդարանի ստորին պալատին։ Նախագիծն առաջինը ստորագրել է Սոցիալիստական կուսակցության ներկայացուցիչ Ֆրանսուա Պուպոնը։
©
REUTERS / Ludovic Marin/Pool via REUTERS
Շահան Գանդահարյանի փոխանցմամբ` Արցախի Հանրապետության ճանաչման համար այժմ ստեղծվել է իրավաքաղաական բարենպաստ ենթահող։ Ըստ նրա`Ֆրանսիան ձևվորված հակաթուրքական առանցքներում գրավել է առաջնային տեղ, բավական լարված են երկու երկրների հարաբերությունները հատկապես արևելյան միջերկրածովյան տարածաշրջանում Թուրքիայի ոտնձգությունների պատճառով։
«Ֆրանսիան առաջատար երկիր է նման երևույթները զսպելու և կարմիր գծերը չհատելու հարցում Թուրքիային զգուշացնելու առումով։ Փարիզի և Անկարայի շահերը բավականին սուր կերպով բախվում են նաև Լիբիային վերաբերող հիմնախնդրում։ Ֆրանսիան ԵՄ կարևոր ու հիմնական երկրներից է, հայ–ադրբեջանական հակամարտությունում Մինսկի խմբի համանախագահող երկիր է, ՆԱՏՕ–ի անդամ, ՄԱԿ–ի ԱԽ մշտական անդամ, և այս ամենը շատ կարևոր դերակատարություն ունի»,– նշում է Բեյրութի «Ազդակ» թերթի գլխավոր խմբագիրը։
Արցախցի կանայք և երեխաները լուռ ակցիա են արել ՌԴ–ի, ԱՄՆ–ի և Ֆրանսիայի դեսպանատների առջև
Շահան Գանդահարյանի դիտարկմամբ` այն երևույթը, որ Ֆրանսիայի նման երկրի Ազգային ժողովը քննարկելու է Արցախի ճանաչման օրինագիծը, ուղենշային կարող է լինել մյուս երկրների համար։ Դա ուղերձ է նաև, որ թուրքական ագրեսիայի շարունակության դեպքում կարող է սկսվել Արցախի ճանաչման միջազգային գործընթացը, ինչի նախադրյալներն արդեն իսկ կան, քանի որ առանձին եվրոպական քաղաքների մակարդակով սկսվել է այն։
«Ֆրանսիայի Ալֆորվիլ քաղաքն արդեն իսկ ճանաչել է Արցախի անկախությունը։ Գիտեք, այնտեղ ահավոր ճնշում կար դեռ Արցախյան պատերազմից առաջ։ Ադրբեջանը տարիներ շարունակ բողոքում էր այն կապակցությամբ, որ ֆրանսիական քաղաքները համագործակցում էին Արցախի քաղաքների հետ, և ֆրանսիացիները ստիպված որոշ դեպքերում փոխում էին համագործակցության եզրաբանությունը։ Բայց հիմա եվրոպական քաղաքների մակարդակով սկսվել է Արցախի ճանաչման աշխույժ գործընթաց։ Ալֆորվիլին հետևեց աշխարհամասի ամենահեղինակավոր քաղաքներից մեկի` Միլանի քաղաքային խորհրդի որոշումը։ Լյուքսեմբուրգի և Բելգիայի խորհրդարանները հանդես են եկել Արցախի դեմ ագրեսիան դատապարտող բանաձևով։ Այս ամենը կունենա շղթայական հաջորդականության ազդեցություն»,– նշում է Բեյրութի «Ազդակ» թերթի գլխավոր խմբագիրը։
©
Sputnik / Ирина Калашникова
Շահան Գանդահարյանի տեղեկացմամբ` շատ կարևոր խորհրդակցություն է տեղի ունեցել Մեծի Տանն Կիլիկիո կաթողիկոսությունում Վեհափառ հայրապետ Արամ Առաջինի նախաձեռնությամբ, որին հրավիրվել էին համասփյուռքյան գործունեություն ծավալող հոգևոր, ազգային, միութենական բոլոր կառույցների ներկայացուցիչները։ Այդ հավաքը համահայկական օրակարգի առաջնային կետ է համարել Արցախի միջազգային ճանաչման ուղղությամբ տարվող լոբբիստական աշխատանքն ու ռազմավարությունը։ Ճամաչման համար պարարտ հող է ստեղծվել ինչպես պատերազմի այս օրերին, այնպես էլ հետագայի համար, երբ բոլորը կընդգծեն Արցախի ու Ադրբեջանի անհամատեղելիությունը, մանավանդ Ադրբեջանն արդեն փաստեց, որ վերածվել է Թուրքիայի մարզի և ահաբեկչական խմբավորումներ ընդունող տարածքի։
Ի՞նչ անել, որ ՀՀ մշտական բնակչությունը չդառնա 2.5 մլն
Մարկոսյան. «Բազմազավակ ընտանիքների համար ավելի կարևոր է երկարաժամկետ կտրվածքով դրամական աջակցությունը»
Արտակ Մարկոսյանի դիտարկմամբ` բազմազավակ ընտանիքներին ցուցաբերվող աջակցությունը դեռ համակարգված չէ, նախկինում եղել են և այսօր էլ կիրառվում են սոցաջակցության ծրագրեր, որոնք միտված են բազմազավակ ընտանիքներին օգնելուն, բայց կոնկրետ օրենք և հստակ միջոցառումների հայեցակարգ դեռ չկա։
«Բնականաբար գործում են մինչև 18 տարեկան երեխաներին մատուցվող անվճար առողջապահական ծառայությունները, բայց կոնկրետ բազմազավակ ընտանիքների համար կան առաջնահերթ խնդիրներ, ու թեև երեխայի ծնվելիս ընտանիքը ստանում է խնամքի նպաստ, սակայն ավելի կարևոր է երկար ժամանակահատվածի համար ամսական դրամական աջակցության տրամադրումը»,– նշեց նախարարության ԿՍԱԳՀ խորհրդականը։
Մարկոսյանի կարծիքով` պարզապես այլընտրանք չկա, որովհետև միայն բազմազավակությանը միտված ծրագրերով կարող ենք լուծել ժողովրդագրական խնդիրները։ Ըստ նրա`մենք, ցավոք, գտնվում ենք ժողովրդագրական փոսում և կանխատեսումների համաձայն` մեզ սպասում է դեպոպուլյացիա, սակայն իրավունք չունենք ցույց տալու այդ դեպոպուլյացիան, քանի որ մինչ օրս ՀՀ մշտական բնակչությունը չի նվազել ավելի շատ այն պատճառով, որ ունեցել ենք բնակչության բնական աճ։
«Մեր բնական աճը նախորդ տարիներին եղել է դրական, հետևաբար պետք է թույլ չտանք, որ բնական աճը փոխակերպվի բացասականով, որովհետև այդ դեպքում մշտական թվաքանակը կլինի ոչ թե 2 միլիոն 963 հազար, այլ մոտ 2 միլիոն 500 հազար։ Այդ պարագայում մեր վիճակն ավելի վատ կլիներ»,– նշեց նախարարության ԿՍԱԳՀ խորհրդականը։
Մարկոսյանի համոզմամբ` բոլոր ծրագրերը պետք է միտված լինեն նրան, որ ընտանիքների համար ստեղծեն բարեկեցիկ պայմաններ, որպեսզի երեխա ունենալը բեռ չդառնա։ Ըստ այդմ` ընտանիքները պետք է նախապես ունենան հստակ ամրագրված սոցիալական երաշխիքներ։
Ուզում եմ` էլ չկրակեն ու տուն վերադառնանք. Մկրտչյանների բազմազավակ ընտանիքի ոդիսականը
Տեղեկացնենք, որ շրջանառվող օրինագծի համաձայն` Հայաստանում պաշտոնապես բազմազավակ կճանաչվեն 4 և ավելի երեխաներ ունեցող ընտանիքները։
Առաջարկվող օրենքը նախատեսում է դրամական աջակցություն, առողջության ապահովագրություն, բնակարանային պայմանների բարելավման աջակցություն, բնակարանի կամ ապաստանի տրամադրում, կրթության վճարի փոխհատուցում, պատմական և մշակութային կենտրոններ այցելությունների վճարի փոխհատուցում, աշխատող բազմազավակ ծնողներին ամենամյա լրացուցիչ արձակուրդի տրամադրում:
Պաշտոնական խողովակով որևէ հրավերք չենք ստացել. Աբովյանը հերքո՞ւմ է Լիլիթ Մակունցի ասածները
(Թարմացված է 21:51 04.03.2021)
«Բարգավաճ Հայաստան» խմբակցության քարտուղար Արման Աբովյանը Sputnik Արմենիայի եթերում խոսել է Նիկոլ Փաշինյանի կողմից Գագիկ Ծառուկյանին ուղարկված հանդիպման հրավերի և արտահերթ խորհրդարանական ընտրությունների վերաբերյալ քննարկումների մասին։Հրավերք չի՞ եղել. Աբովյանը պարզաբանում է Մակունցի ասածները
Ես` որպես «Բարգավաճ Հայաստան» խմբակցության քարտուղար, ոչ մի պաշտոնական փաստաթուղթ չեմ ստացել։ Sputnik Արմենիայի հետ զրույցում ասաց Արման Աբովյանը` մեկնաբանելով «Իմ քայլը» խմբակցության ղեկավար Լիլիթ Մակունցի այն հայտարարությունը, թե Նիկոլ Փաշինյանը Գագիկ Ծառուկյանին հանդիպման հրավեր է ուղարկել։
Նրա խոսքով` ԲՀԿ-ում դեռևս չեն քննարկել ներքաղաքական իրավիճակն ու արտահերթ ընտրությունների անցկացման հարցը։
©
Photo : official site of the MoD of RA
«Դեռևս քննարկում չենք ունեցել։ Առաջիկայում անպայման քննարկում կունենանք։ Մոտավոր ժամկետներ չեմ կարող ասել»,- նշեց Աբովյանը։
Հիշեցնենք, որ այսօր` փետրվարի 4-ին, «Իմ քայլը» խմբակցության ղեկավար Լիլիթ Մակունցը լրագրողների հետ զրույցում հայտնել էր, որ ՀՀ վարչապետ Նիկոլ Փաշինյանը ԲՀԿ ղեկավար Գագիկ Ծառուկյանին հանդիպելու հրավեր է ուղարկել։
Փաշինյանն ավելի վաղ հայտել էր, որ հանդիպումներ է ունենալու խորհրդարանական ընդդիմադիր ուժերի հետ` արտահերթ խորհրդարանական ընտրություններ անցկացնելու հարցը քննարկելու համար։ Արդեն իսկ կայացել է Մարուքյան–Փաշինյան հանդիպումը։ ԼՀԿ առաջնորդը հայտնել է, որ Հայաստանում ստեղծված ներքաղաքական իրավիճակից դուրս գալու ճանապարհը արտահերթ ընտրություններն են, որն անցկացնելու կամք ունի նաև վարչապետը։
Պուգաչովան անցել է Անջելինա Ջոլիին. ովքեր են իսկական կանայք` ըստ ռուսաստանցիների
(Թարմացված է 23:49 04.03.2021)
Հանրային կարծիքի ուսումնասիրման համառուսական կենտրոնի հետազոտությունը նվիրված է մարտի 8-ի Կանանց միջազգային օրվան:
ԵՐԵՎԱՆ, 4 մարտի - Sputnik. Ռուսաստանցիներն իսկական կին են համարում Ալլա Պուգաչովային, Սոֆյա Ռոտարուին և Վալենտինա Մատվիենկոյին: Այսպիսին են ՀԿՈւՀԿ–ի (Հանրային կարծիքի ուսումնասիրման համառուսական կենտրոն)` Կանանց միջազգային օրվան՝ Մարտի 8-ին նվիրված հարցման արդյունքները։
ՀԿՈւՀԿ–ի տվյալներով՝ հարցվածների 6 տոկոսը իսկական կին է անվանել Պուգաչովային, 3 տոկոսը՝ Ռոտարուին, ևս 3 տոկոսը՝ Մատվիենկոյին:
©
Sputnik / Екатерина Чеснокова
Բացի նրանցից, ռուսաստանցիներն իսկական կանանց ցուցակում են ներառել Իրինա Խակամադային (2%), Վալերիային (2%), Ալիսա Ֆրեյնդլիխին (2%), Չուլպան Խամատովային (2%) և Անջելինա Ջոլիին (1%):
«ՀԿՈւՀԿ- Sputnik» համառուսաստանյան նախաձեռնողական հարցումն անցկացվել է փետրվարի 14-ին, մարտի 2-3-ին 18-ից բարձր տարիքի 1600 ռուսաստանցիների շրջանում: Հարցումն անցկացվել է հեռախոսով։
Կանանց միջազգային օրն ամեն տարի նշվում է մարտի 8-ին։ Առաջին անգամ տոնի անցկացման գաղափարը ծագել է 20-րդ դարի սկզբին։ Կանանց միջազգային օրը նշվում են կանանց ձեռքբերումները՝ անկախ ազգային կամ էթնիկ, լեզվական, մշակութային, տնտեսական և քաղաքական պատկանելություններից։