Արամ Սարգսյան

Ինչու է բացառված Թուրքիայի առաջարկը` բանակցությունների քառակողմ ձևաչափ ստեղծելու մասին

197
(Թարմացված է 17:25 14.10.2020)
Հայաստանի դեմոկրատական կուսակցության նախագահ Արամ Սարգսյանը Sputnik Արմենիայի եթերում անդրադարձել է քառակողմ բանակցություններ անցկացնելու Թուրքիայի առաջարկին և դրանից բխող վտանգներին։
Սարգսյան. «Քառակողմ բանակցությունների ձևաչափ ստեղծելու Թուրիքայի առաջարկը բացառված է»

Պաշտոնական Անկարան առաջարկում է Լեռնային Ղարաբաղի հակամարտության կարգավորման շուրջ քառակողմ բանակցություններ վարել Թուրքիայի, Ռուսաստանի, Ադրբեջանի և Հայաստանի միջև։ «Քանի որ Ռուսաստանը Հայաստանի կողքին է, իսկ մենք սատարում ենք Ադրբեջանին, եկեք չորսով հանդիպենք` քննարկելու այդ խնդիրների լուծումը։ Մինսկի խումբը ավելի քան 30 տարի չի կարողացել լուծում գտնել, եկել է ժամանակը նոր մեխանիզմ գտնելու»,– հայտարարել է Թուրքիայի նախագահի ներկայացուցիչ Իբրահիմ Քալինը։ 

Հայաստանի դեմոկրատական կուսակցության նախագահ Արամ Սարգսյանի դիտարկմամբ`  նման ձևաչափը բացառվում է, որովհետև դա կնշանակի, որ մենք միանշանակ թողնում ենք, որպեսզի Թուրքիան որոշումներ կայացնի Անդրկովկասի հետ կապված խնդիրների վերաբերյալ և իրականացնի իր ցանկությունը` ստեղծել պանթուրքական աշխարհ և այդ ճանապարհին կանգ չառնել որևէ արգելքի առջև։

«Թուրքիայի առաջարկն ունի քարոզչական նպատակ, որ նոր ձևաչափն իբր կլինի ավելի արդյունավետ, բայց ես համոզված եմ, որ դա որևէ արդյունք չի տալու։ Երկրորդ` մենք իրավունք չունենք հրաժարվելու Մինսկի խմբի համանախագահների գործող ձևաչափից, որոնհետև նրանք են 1992 թվականից սկսած իրականացնում միջնորդական առաքելությունը»,– նշում է Սարգսյանը։

Նրա կարծիքով` հայկական կողմը պետք է ներկայացնի Ալիևի ու Էրդողանի լկտի սուտը, թե իբր Ղարաբաղը երբեք որևէ մեկինը չի եղել, բացի իրենցից։ Հետևաբար մենք պետք է ի լուր աշխարհի ցույց տանք ճշմարտությունը թե՛ իրավական, թե՛ պատմական տեսանկյունից, ինչը կարող է դերակատարություն ունենալ։ 

Մենք համաձայն չենք այն դիրքորոշման հետ, որը հնչեցրել են Թուրքիան և նախագահ Ալիևը. Լավրով

«Եթե հայկական կողմը հիմնավոր ձևով մեզ ընդառաջ եկող երկրներին ներկայացնի այն, ինչն իրավական առումով եղել է ուղղակի անթերի, ապա Արցախի անկախության ճանաչման քայլը կլինի ճիշտ։ Բայց մենք հիմքեր չենք տալիս, այլ պարզապես առաջարկում ենք ճանաչել Արցախի անկախությունը, մինչդեռ վերջինս արդեն իսկ ինքնորոշվել է ու իրավական քայլերով, օրինական ճանապարհով անջատվել է Ադրբեջանից»,– նշում է ՀԴԿ նախագահը։

Արամ Սարգսյանի գնահատմամբ` Ռուսաստանը նույնպես դեմ կարտահայտվի քառակողմ ձևաչափ ստեղծելու Թուրքիայի առաջարկին, որովհետև Մոսկվայում շատ լավ հասկանում են, թե դա ինչ հետևանքներ կարող է ունենալ։ Ռուսաստանը պարբերաբար նշում է Անդրկովկաս տեղափոխված ահաբեկիչների մասին, որոնց ժամանելուն անմիջականորեն նպատսել է հենց Թուրքիան, ովքեր կռվում են Ադրբեջանի կողմում և նրանց առկայությունն Անդրկովկասում հենց ամենամեծ վտանգն է։

Թուրքիան Հարավային Կովկասը լցրել է ահաբեկիչներով. ՀՀ ԱԳ նախարարի հարցազրույցը

Բացի դրանից, Թուրքիան հովանավորում և կառավարում է Ադրբեջանի գործողությունները։ Վերջինս ապրիլյան քառօրյա պատերազմից հետո խնդրեց զինադադար, մինչդեռ հիմա ոգևորված է Թուրքիայի աջակցությամբ։  

197
թեգերը:
Ադրբեջան, Թուրքիա, Արամ Սարգսյան, Արցախ, Ղարաբաղյան հակամարտություն, Լեռնային Ղարաբաղ, Հայաստան
թեմա:
Ղարաբաղյան հակամարտություն (385)
Ըստ թեմայի
Ադրբեջանը երկու զինծառայողի է գերեվարել. հայկական կողմը դիմել է Եվրոպական դատարան
ՄԻԵԴ–ը որոշեց` Ադրբեջանը պետք է պատժի սեփական մարդասպանին` Ռամիլ Սաֆարովին
Սահմանին հայտնված լրտեսական ԱԹՍ–ն. ո՞ր դեպքում պատերազմին կխառնվի Իրանը
Գեղարքունիքում ադրբեջանական ԱԹՍ–ի հարվածի հետևանքով երեխա է վիրավորվել
Դավիթ Բաբայան

Այս պահին կա 2 գերխնդիր. Դավիթ Բաբայանը` Շուշիի, առաջնագծի և դիվանագիտական աշխատանքի մասին

547
(Թարմացված է 21:04 30.10.2020)
Արցախի նախագահի խորհրդականը չի բացառում, որ Ղարաբաղյան հակամարտության հարցերը քննարկելու համար ԵԱՀԿ ՄԽ եռանախագահության ձևաչափին զուգահեռ լինեն նաև այլ` տարածաշրջանային ձևաչափեր:
Բաբայան. «Մենք տեսնում ենք, որ դիվանագիտական աշխատանքը ուժեղանում է, և տարբեր երկրներ են ներգրավվում»

Արցախի նախագահի խորհրդական Դավիթ Բաբայանը Sputnik Արմենիայի հետ զրույցում, խոսելով սահմանին տիրող իրավիճակի մասին, հայտնեց, որ այն որևէ ձևով չի տարբերվում նախորդ օրերից, այսինքն լայնածավալ պատերազմ է։

«Հակառակորդը փորձում է մխրճվել մեր պաշտպանության համակարգ, մենք պահում ենք։ Գիշերվանից համառ մարտեր էին ընթանում որոշ հատվածներում։ Հակառակորդը փորձել է հենարան ստեղծել` այնուհետև իր գործողությունները Շուշիի վրա ծավալելու համար, և այդ հենարանը ոչնչացվել է մեր բանակի, տղաների, աշխարհազորի կողմից»,– նշեց Արցախի նախագահի խորհրդականը։

Բաբայանն անդրադարձավ նաև պատերազմին զուգահեռ ընթացող դիվանագիտական աշխատանքներին։ Իրանի ակտիվացման ու պաշտոնական բանագնաց, ԻԻՀ արտաքին գործերի նախարարի տեղակալ Աբբաս Արաղչիի` Ժնևում մեկնարկած Մնացականյան–Բայրամով հանդիպմանը նախորդած Բաքու, Մոսկվա, Երևան կատարած այցերի մասին խոսելով` Արցախի նախագահի խորհրդականն ընդգծեց Իրանի հավասարակշռված դերակատարությունը տարածաշրջանում։

Բաբայանի խոսքով` հակամարտության կարգավորման գործընթացում Իրանը հանդես է գալիս իր համար օբյեկտիվ տեսակետներից։

«Հասկանալով Իրանի յուրահատկությունը` ներքաղաքական, էթնոքաղաքական, մենք պետք է հասկանանք, որ դա այդքան էլ հեշտ գործ չէ` նման հակամարտության մեջ պահպանել հավասարակշռված մոտեցում։ Բայց Թեհրանը միշտ էլ այդպիսի մոտեցում ցուցաբերել է. հետևաբար ողջունում ենք Թեհրանի ներգրավումը այդ գործընթացին, որովհետև այդ գործում կապ չունի, որ նա ԵԱՀԿ ՄԽ–ի եռանախագահության անդամ չէ, բայց այնուամենայնիվ ակտիվ դերակատարություն ունի տարածաշրջանում խաղաղության և կայունության պահպանման գործում»,– ասաց նա։

Բաբայանի խոսքով` դիվանագիտական աշխատանքը ուժեղանում է, և տարբեր երկրներ ավելի ակտիվ ձևով են ներգրավվում դիվանագիտական, քաղաքական ասպարեզներում։

«Մենք արժևորում ենք ցանկացած հանդիպում և այս հանդիպումը ևս (իրանի բանագնացի – խմբ.)։ Չենք բացառում, որ կարող է լինել մի համաձայնագիր, որ Ադրբեջանը էլի կխախտի, բայց դա կարևոր չէ. կարևորը, որ հանդիպեն, և ցանկացած երկխոսություն իհարկե իր լուման պետք է որ ներդնի խաղաղ կարգավորման գործընթացում»,–հավելեց Արցախի նախագահի խորհրդականը։

Որքանո՞վ է Արցախի համար ընդունելի Իրանի առաջարկած Իրան–Ռուսաստան—Թուրքիա ձևաչափը. մանավանդ որ Իրանը թերագնահատել է ԵԱՀԿ ՄԽ–ի անցած երեք տասնամյակների գործունեությունը։

Արցախի նախագահի խորհրդականը հիշեցրեց`մենք երբևիցե դեմ չենք եղել ԵԱՀԿ ՄԽ ձևաչափին։

«Միշտ ասել ենք, որ հակամարտությունը պետք է կարգավորվի այս ձևաչափի ներքո։ Հիմա էլ ենք կարծում։ Բայց հաշվի առնելով խորքային փոփոխությունները տարածաշրջանում` իսկապես խորքային մի շարք փոփոխություններ են տեղի ունեցել` Թուրքիան է մտել խաղի մեջ, Թուրքիան ներխուժել է Անդրկովկաս, և կարելի է ասել` Ադրբեջանի դեպքում անշլյուսի պես բան է տեղի ունեցել, ոնց որ ֆաշիստական Գերմանիայի և Ավստրիայի միջև։ Սա նոր իրականություն է, և Թուրքիան կամավոր դուրս չի գալու տարածաշրջանից` դա բոլորի համար պետք է պարզ լինի։ Այս իրավիճակում, երբ Թուրքիան է ներխուժում և նույնպես ուզում է դերակատարություն ունենալ, բնական է, որ Իրանն էլ պետք է նման դերակատարություն ունենա։ Ես չեմ բացառում, որ ԵԱՀԿ ՄԽ եռանախագահության ձևաչափին զուգահեռ լինեն նաև այլ` տարածաշրջանային ձևաչափեր` հարցերը քննարկելու համար։ Ժամանակը ցույց կտա` ինչպես է զարգանում այդ ամենը»,– ասաց Բաբայանը։

«Ցավոտ փոխզիջումների» մասին հարցին պատասխանելով` նա կրկին մատնանշեց դիվանագիտական աշխատանքների և ժամանակի հանգամանքը. «Այս պահին մենք տանում ենք արյունալի մարտեր, և խոսել ցանկացած քաղաքական բաներից պետք է միայն պատերազմի ավարտից հետո։ Ինչպիսին կլինեն այդ փոխզիջումները` ում համար ցավոտ, ում համար ոչ պակաս ցավոտ` ցույց կտա ժամանակը»։

Արցախի նախագահի խորհրդականի խոսքով` այս պահին, սակայն, կա երկու գերխնդիր` պետք է ամեն ինչ անենք, որպեսզի պահպանենք Արցախը և կանգնեցնենք պատերազմը։

547
թեգերը:
առաջնագիծ, Իրանի Իսլամական Հանրապետություն, Շուշի, Դավիթ Բաբայան, Արցախ
Ըստ թեմայի
Ճակատ մեկնելու ցանկություն հայտնածները Երևանում սովորում են ողջ մնալու արվեստը. տեսանյութ
Բելգիացի պատգամավորները ցնցված են Արցախում տեսածից. Արայիկ Հարությունյանը ընդունել է նրանց
Դավիթ Տոնոյանն ու ԱՄՆ դեսպանը քննարկել են Արցախի թեման
Գևորգ Հայրապետյան

Ինչ անել ադրբեջանցի հաքերների զոհը չդառնալու համար. խորհուրդ է տալիս Հայրապետյանը

178
(Թարմացված է 18:13 27.10.2020)
Անձնական տվյալների պաշտպանության գործակալության պետ Գևորգ Հայրապետյանը Sputnik Արմենիայի հետ զրույցում անդրադարձել է թշնամու կողմից իրականացվող ևս մեկ վտանգավոր գործունեությանը, որ կարող է վտանգի ենթարկել անձնական տվյալները:
Ինչ անել ադրբեջանցի հաքերների զոհը չդառնալու համար. խորհուրդ է տալիս Հայրապետյանը

Անձնական տվյալների պաշտպանության գործակալությունը մոնիթորինգի արդյունքում պարզել է, որ ադրբեջանցի հաքերներին հաջողվել է կոտրել Հայաստանի մասնավոր սեկտորի մի քանի տեսանկարահանող սարքեր և տեսագրությունը տեղադրել Youtube-ում: Խոսքը բնակարանների տեսախցիկների և մի քանի տնտեսվարողների տեսանկարահանող սարքերի մասին է:

«Այսինքն` նրանք կարողացել են մարդկանց տանը, խանութում և այլ վայրերում տեղադրված տեսախցիկների հասանելիություն ստանալ, քանի որ դրանք բավականաչափ պաշտպանված չեն»,- Sputnik Արմենիային ասաց Հայրապետյանը։

Նրա խոսքով՝ տեսախցիկներ ունեցողները պետք է պաշտպանության համապատասխան միջոցառումներ իրականացնեն` ընտրելով ապահով գաղտնաբառ: Եթե ինքնուրույն հնարավոր չէ ապահովել տեսահսկման համակարգերի անվտանգությունը, ապա պետք է դիմել համապատասխան մասնագետների, իսկ եթե չկա օգտագործման խիստ անհրաժեշտություն, ճիշտ կլինի որոշ ժամանակով անջատել սարքերը։

Հայրապետյանը զգոնության կոչ արեց և ասաց, որ տեսահսկման համակարգերին միջամտություն նկատելու դեպքում անհապաղ պետք է տեղեկացնել իրենց գործակալությանը և իրավապահ մարմիններին:

Ինչպես տարբերել թացը չորից, կամ ինչ պետք է իմանան հայերը պատերազմի ժամանակ

178
թեգերը:
հաքեր, Ադրբեջան, Հայաստան
Ըստ թեմայի
Հայ հաքերները կոտրել են Իլհամ Ալիևի պաշտոնական կայքը
Ադրբեջանական 13 հեռուստաալիքով հայկական տեսանյութ է ցուցադրվել
Ինչպես պաշտպանել Facebook-յան էջերն ադրբեջանական հարձակումներից. կարևոր կանոններ

7-8 հոգով 200 հոգանոց դիվերսիոն խումբ են ջախջախել. տեսանյութ

0
(Թարմացված է 23:36 30.10.2020)
Ուրախ են, որ թույլ չեն տվել իրենց ընկերների թափած արյան տեղում ադրբեջանական դրոշ ծածանվի։

Մինչև հրադադարի լուրը սահման էր հասնում, թշնամին արդեն կրակում էր։ Արցախի Հանրային հեռուստաընկերությունը տեսանյութ է նկարահանել Արցախի հյուսիսային ուղղությամբ տեղակայված դիրքերից մեկում։ Ասում են՝ սեպտեմբերի 27-ից սկսած՝ ոչ մի հանգիստ օր չի եղել։

Ամենածանրը սեպտեմբերի 29 -ին էր. բացի հրետանային կրակից, թշնամին որոշեց դիվերսիոն հարձակում իրականացնել։

«Մոտ 200 հոգանոց խումբը, երկու ուղղությամբ բաժանված, հարձակում իրականացրեց։ Առաջինը հարձակվեց այս դիրքի ուղղությամբ, ներթափանցեց խրամատ։ Մոտ 2-3 ժամ տևած մարտից հետո նահանջել են»,- պատմում է զինծառայողներից մեկն ու նշում՝ նահանջ անվանելը չափազանցված է, քանի որ խուճապահար փախչում էին՝ իրենց հետևից նաև զենք, զինամթերք թողնելով։

Փախչել ոչ բոլորն են հասցրել. միջդիրքային տարածությունում թշնամու մարմիններ կան, յոթ դիվերսանտ էլ խրամատում են վնասազերծվել։ Նրանց մարմինները գրեթե մեկ ամիս անց մեր զինծառայողները հողով են ծածկել, քանի որ սկսել էին քայքայվել։

Ասում են՝ դիվերսանտների շարքում միայն ադրբեջանցիներ չէին, տարբեր ազգերի ներկայացուցիչներ կային։ Զինգրքույկներից են իմացել։ Վնասազերծվածների թվում կապիտան, մայոր, ավագ լեյտենանտ, լեյտենանտ կան։

«Մեր մի ժամկետայինն իրենց 200-300 հոգուն կարող է կանգնեցնել»,- ասում է զինծառայողներից մեկը։

Այս դիրքում կորուստներ էլ են ունեցել։ Ուրախալին այն է, որ դիրքը պահել են, թույլ չեն տվել, որ ընկերների թափած արյան տեղում ադրբեջանական դրոշ ծածանվի։

Կամավորներն էլ են միացել զինծառայողներին։ Խոստանում են՝ թույլ չեն տալու հակառակորդն այս հողին տիրանա։

Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 30-ի ժամը 14։00-ի դրությամբ` հակառակորդի կրակոցների հետևանքով Արցախում զոհվել են 1166 զինծառայողներ և 39 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6914 զոհ ունի և բազմաթիվ վիրավորներ։ 

Ըստ վերջին տվյալների՝ Ադրբեջանի զինված ուժերը կորցրել են 25 ինքնաթիռ, 16 ուղղաթիռ, 232 անօդաչու սարք, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ, 649 տանկ և ՀՄՄ:

Ես չգնամ, էլ ո՞վ գնա. Արցախից եկած մարզիկն ու մարզիչը պատմում են տղաների հերոսության մասին

Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։ 

Անմարդկային են կռվում․ հադրութցի Մարո բաբոն սպասում է հաղթանակին ու «հնդկական» երեկոներին

0
Ըստ թեմայի
«Բաշնյան» մի 200 մետր թռավ, չէի սպասում. պատմում է Արցախի հերոս զինվորը
Ես չգնամ, էլ ո՞վ գնա. Արցախից եկած մարզիկն ու մարզիչը պատմում են տղաների հերոսության մասին
Ոչնչացրել են ադրբեջանական տանկեր, մարտական մեքենաներ, կենդանի ուժ. նորօրյա հերոսները