Հրանտ Միքայելյան

Ընթացող պատերազմական գործողություններից հետո կմնան բազմաթիվ կարմիր գծեր. քաղաքագետ

275
Քաղաքագետ, «Կովկաս» ինստիտուտի փորձագետ Հրանտ Միքայելյանը Sputnik Արմենիայի եթերում անդրադարձել է ՀՀ վարչապետ Նիկոլ Փաշինյանի հարցազրույցին, որում մասնավորապես շոշափվել է հակամարտող կողմերի փոխզիջումների հարցը։
Միքայելյան. «Եթե զիջումները լինելու են համարժեք և հայելային, ապա Փաշինյանի մոտեցումը ճիշտ է»

Եթե Ղարաբաղյան հակամարտության հարցում զիջումները լինելու են համարժեք և իսկապես հայելային, ապա Փաշինյանի մոտեցումը ճիշտ է։ Նման դիտարկում է արել քաղաքագետ Հրանտ Միքայելյանը, անդրադառնալով AFP գործակալության հետ հարցազրույցում ՀՀ վարչապետի արած հետևյալ արտահայտությանը` «Լեռնային Ղարաբաղը և Հայաստանը պատրաստ են զիջումների այնքանով, որքանով Ադրբեջանն է պատրաստ զիջումների»։ Ըստ քաղաքագետի` թեև պահը պատեհ չէ այն ընկալելու համար, այդուհանդերձ, հայկական կողմը միշտ ասել է, որ պատրաստ է փոխզիջումների։ 

«Այժմ մենք մի կողմից կառուցողական ենք, մյուս կողմից` պարտվողական չենք, և եթե կարողանանք պաշտոնական մակարդակով այս բալանսը պահպանել, ապա դիվանագիտական տեսանկյունից դա կլինի միանգամայն ճիշտ գիծ»,– նշում է քաղաքագետը։ 

Հրանտ Միքայելյանի կարծիքով` խնդիրն այն է, որ մենք ռեսուրսների տեսանկյունից գտնվում ենք համեմատաբար թույլ դիրքում, որովհետև մեր դեմ կռվում են Ադրբեջանն ու Թուրքիան, հետևաբար, Հայաստանը պետք է գոնե քաղաքական առումով միջազգային հանրության առջև ավելի կառուցողական լինի, հանդես գա ավելի լավ դիրքերից, որպեսզի նույն միջազգային հանրության կողմից ստանա շոշափելի աջակցություն։

«Աջակցելով Հայաստանին` աջակցում ես խաղաղությանը, աջակցելով Ադրբեջանին ու Թուրքիային` աջակցում ես պատերազմին։ Շատ կարևոր է, որ ՀՀ իշխանության ներկայիս քաղաքական գիծը հասցվի միջազգային հանրությանը, այդ դեպքում մենք իսկապես կունենանք նաև դիվանագիտական հաջողություն»,– նշում է քաղաքագետը։

Հրադադարի վերաբերյալ պայմանավորվածություն չկա. ՊԲ–ն հերքում է

Նրա գնահատմամբ` ընթացող պատերազմական գործողություններից հետո կմնան բազմաթիվ կարմիր գծեր։ Ըստ նրա` հայոց բանակն ատամներով կռվում է իր հողի համար, և եթե մենք իսկույն գնանք բանակցությունների և խաղաղ ճանապարհով հանձնենք այն, ինչն Ադրբեջանը ցանկանում է վերցնել պատերազմով, ապա դա մեղմ ասած` կլինի սխալ քաղաքականություն։

Միքայելյանի համոզմամբ` Արցախը Հայաստանի հետ պետք է միշտ ունենա անմիջական կապ, որքան լայն, այնքան լավ, խոսքն այստեղ լոկ Լաչինի մասին չէ, այլ նաև Քելբաջարի։

Ընդ որում` Հայաստանի հետ շանտաժով ու սպառնալիքներով խոսելն Ադրբեջանը դարձրել է սովորական գործելաոճ, մինչդեռ մենք պետք է հասնենք նրան, որ այդ գործելակերպին մեկընդմիշտ վերջ տրվի։      

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 8-ի ժամը 11։00-ի դրությամբ` հակառակորդի կրակոցների հետևանքով զոհվել են 324 զինծառայողներ և 19 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 4069 զոհ ունի, ավելի քան 5000 վիրավոր։ 

Ըստ վերջին տվյալների՝ Ադրբեջանի զինված ուժերը կորցրել են 17 ինքնաթիռ, 16 ուղղաթիռ, 145 անօդաչու սարք, 3 ՏՈՍ-1 «Սոլնցեպեկ», 4 «Սմերչ» համազարկային կրակի ռեակտիվ համակարգ, 496 տանկ և ՀՄՄ:

Փայլուն օպերացիա Արցախում. ազատագրվել է դիրքերից մեկը, փրկվել 19 զինվորի կյանք

Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։

Հեծանիվի անվադողը՝ «ժգուտ», պատկերասրահն էլ՝ տեսակավորման կայան. կամավոր դարձած հայություն

275
թեգերը:
Արցախ, Նիկոլ Փաշինյան, Ղարաբաղյան հակամարտություն, Հրանտ Միքայելյան (քաղաքագետ)
Ըստ թեմայի
Հակառակորդի զոհերի թիվը հատել է 4000-ի սահմանը. նոր տվյալներ
Ոչնչացվել է թշնամու 4 միավոր Դ-30 հաուբից` անձնակազմով և զինամթերքով. ՀՀ ՊՆ խոսնակ
Պուտինը Ղարաբաղի հարցով երկխոսություններ է վարում բարձրագույն մակարդակներով․ Պեսկով
Հրանտ Միքայելյան

Չի բացառվում, որ խաղաղապահները կտեղակայվեն առանց Ադրբեջանի համաձայնության. Միքայելյան

1082
(Թարմացված է 11:50 25.10.2020)
Քաղաքագետ, «Կովկաս» ինստիտուտի փորձագետ Հրանտ Միքայելյանը Sputnik Արմենիայի եթերում անդրադարձել է արցախյան ռազմաճակատում խաղաղապահ ուժեր տեղակայելու հնարավորությանն ու այդ գործընթացին առնչվող նախադրյալներին։
Միքայելյան. «Չի բացառվում, որ խաղաղապահները կտեղակայվեն առանց Ադրբեջանի համաձայնության»

Հրանտ Միքայելյանի դիտարկմամբ` հակամարտության գոտում խաղաղապահների տեղակայման հարցում կարևոր է հաշվի առնել մի քանի հանգամանք։ Առաջին` արդյո՞ք բոլոր կողմերն իրենց համաձայնությունը կտան այդ տարբերակին, քանի որ Հայաստանն այդ տարբերակը քննարկում է ու համարում է հնարավոր, մինչդեռ Ադրբեջանում հարցի քննարկման ժամանակ առաջ են քաշվում այնպիսի նախապայմաններ, որոնք անհնարին են դարձնում նշված գործընթացը։

«Երկրորդ հանգամանքն առնչվում է խաղաղապահ ուժերի կազմին, այսինքն` ովքե՞ր են իրականացնելու այդ առաքելությունը։ Հայաստանում համարում են, որ լինելու են հիմնականում ռուսաստանցի խաղաղապահները, սակայն այս հարցում նույնպես անհրաժեշտ է բոլոր կողմերի համաձայնությունը, որպեսզի դրանից հետո քննարկվեն գործընթացի հետ կապված այլ մանրամասներ»,– նշում է քաղաքագետը։

Միքայելյանը մատնանշում է երրորդ, ոչ պակաս կարևոր հանգամանքը, թե որտեղ են տեղակայվելու խաղաղապահները, այսինքն` դա լինելու է նախկին ԼՂԻՄ–ի սահմաններու՞մ, թե՞ Արցախի Հանրապետության սահմաններում, թե՞ հաշվի է առնվելու առճակատման ամբողջ երկայնքով առկա գիծը։ Ըստ նրա, դա բանակցություններում քննարկվելիք թեմա է, հետևաբար շատ կարևոր է հասկանալ և պարզել մի քանի հանգամանք։

«Այդուհանդերձ խաղաղապահների տեղակայման համար արդեն իսկ կան որոշակի նախադրյալներ։ Օրինակ` Հայաստանի դրական կեցվածքը, թեև Ադրբեջանում, ինչպես տեսնում եմ, այդ հարցում դեռ պահը չի հասունացել։ Չնայած որոշակի առաջընթաց կա, սակայն դեռ հեռու ենք այս խնդրի վերջնական կարգավորումից։ Տեսականորեն չի բացառվում, որ խաղաղապահների տեղակայումը կարող է իրականացվել առանց Ադրբեջանի համաձայնության, եթե Հայաստանը հասնի լիակատար հաղթանակի այս պատերազմում»,– նշում է քաղաքագետը։

Ղարաբաղում խաղաղապահների տեղակայումը դեռ քիչ հավանական է․ ռուս փորձագետը բացել է փակագծերը

Անդրադառնալով այն հարցին, որ խաղաղապահների տեղակայման մասին հայտարարությունը զուգադիպեց Անկարայից հնչող այն ցանկության հետ, որ Թուրքիան պատրաստակամ է զորքեր ուղարկել Ադրբեջան, եթե Բաքուն պաշտոնապես դիմի իրենց։ Միքայելյանն ընդգծում է, որ Թուրքիան ցանկանում է մշտական ներկայություն ունենալ Անդրկովկասում, ինչը համահունչ է այդ երկրի վաղուց հայտնած դիրքորոշմանը, ըստ որի`թուրքական զինուժն Ադրբեջանում կտեղակայվի այն ծավալով, որքան կցանկանա Ադրբեջանը։ Բայց Թուրքիայի ներկայության ծավալները ձեռնտու չեն տարածաշրջանի մյուս խաղացողներին, թուրքական զինուժի ներկայությունն ընդհանրապես չի հանդուրժի հատկապես Հայաստանը, որովհետև դա միանշանակ հակասում է իր կենսական շահերին։

1082
թեգերը:
Ադրբեջան, Հայաստան, խաղաղապահ, Արցախ, Ղարաբաղյան հակամարտություն, Լեռնային Ղարաբաղ
Ըստ թեմայի
ԱՄՆ–ն պետք է քայլեր ձեռնարկի և Ադրբեջանին ստիպի պահպանել հրադադարի ռեժիմը. Ֆրանկ Փալոն
Տեղային նշանակության մարտեր են ընթանում ճակատային գծի բոլոր ուղղություններում. ՊԲ
Ադրբեջանը «խոցել» է դեռ 15 տարի առաջ խոցված ինքնաթիռը. հերթական կեղծարարությունը
Ակցիա Թբիլիսիում

Վրաստանը կճանաչի՞ Արցախի անկախությունը. Էրոյանցը` հայերի կազմակերպած ակցիայի մասին

595
(Թարմացված է 18:42 23.10.2020)
Վրացագետ Ալիկ Էրոյանցը Sputnik Արմենիայի եթերում անդրադարձել է Թբիլիսիում Վրաստանի հայ քաղաքացիների բողոքի բազմամարդ երթին` ի աջակցություն Արցախին և Հայաստանին։
Էրոյանց. Վրաստանի կողմից Արցախի անկախության ճանաչումն այս պահին իրատեսական չէ

Ալիկ Էրոյանցի դիտարկմամբ` ինչպես ամբողջ աշխարհում, այդ թվում նաև Վրաստանում մեր հայրենակիցները ոտքի են կանգնել և, բնականաբար, չեն կարող անտարբեր մնալ այն ամենի հանդեպ, ինչ կատարվում է մեր տարածաշրջանում, մասնավորապես արցախա–ադրբեջանական սահմանին։ Վիրահայությունը նույնպես ցանկանում է աջակցություն ցուցաբերել Արցախին ու Հայաստանին, ճակատում կռվող զինվորներին։

Ավելի վաղ հայտնել էինք, որ երեկ Թբիլիսիում բազմամարդ ակցիա է անցկացվել։ Ցուցարարները հայտարարել են, որ սեպտեմբերի 27-ին Ադրբեջանը բացահայտ կերպով լայնամասշտաբ հարձակում է սկսել Արցախի վրա` նպատակ ունենալով պատերազմի միջոցով լուծելու արցախյան հիմնահարցը։ Երթի մասնակիցներն անցել են Թբիլիսիի փողոցներով «Արցախը Հայաստան է» և «Ճանաչել Արցախը» գրությամբ պաստառներով։

«Ակցիան, բնականաբար, ուղղված է ադրբեջանա–թուրքական ագրեսիային։ Վրաստանի մայրաքաղաքում նախորդ անգամ հավաք էր անցկացվել հոկտեմբերի 1-ին ընդդիմադիր «Մթավարի» հեռուստաընկերության շենքի մոտ` արդար լուսաբանման պահանջով, քանի որ լրատվամիջոցը կողմնապահորեն էր ներկայացնում իրավիճակը»,– նշում է վրացագետը։

Էրոյանցի կարծիքով` նրանք, ովքեր տեղյակ են Վրաստանում տիրող իրավիճակին, կփաստեն, որ վերջին տասնամյակի ընթացքում Ադրբեջանի ու Թուրքիայի կողմից հարևան երկրում խոր արմատներ գցելուն և ազդեցությունը մեծացնելուն ուղղված զարգացումները նպաստել են նրան, որ նաև մեդիադաշտում իրականացվում են ակտիվ գործողություններ հատկապես այս պատերազմական շրջանում, ինչն էլ բերում է որոշակի հաջողության, քանզի «Մթավարի» հեռուստաընկերությունն ուղղորդվում է Սաակաշվիլու կողմից և որդեգրել է ադրբեջանամետ դիրքորոշում։

«Բողոքի ակցիաներով տեղի հայությունն արտահայտում է իր դժգոհությունը նմանատիպ երևույթների դեմ և կոչ անում անկողմնակալ լուսաբանել իրադարձությունները։ Թեև էլեկտրոնային ռեսուրսների ոլորտում մենք ունենք խնդիր, սակայն լրատվամիջոցները, որոնց թղթակիցներն այժմ էլ գտնվում են Արցախում, ընդհանուր առմամբ չեզոքություն են պահպանում, ինչը չի կարելի ասել «Մթավարի» հեռուստաընկերության մասին»,– նշում է վրացագետը։

Անդրադառնալով այն հարցին, թե որքանով է իրատեսական այն հեռանկարը, որ Վրաստանը կճանաչի Արցախի անկախությունը, ինչն ի դեպ պահանջում էին նաև բողոքի երթի մասնակիցները, Էրոյանցն ընդգծում է, որ դա իրականությանը մոտ չէ, և պետք է հասկանալ այն տրամաբանությունը, որ Վրաստանն ունի խնդիր Հարավային Օսեթիայի և Աբխազիայի հետ կապված, ուստի Վրաստանում փորձում են զուգահեռներ անցկացնել ու նմանեցնել նշված տարածքային խնդիրները, որոնց առկայության պարագայում Վրաստանի կողմից Արցախի անկախության ճանաչումն այս պահին իրատեսական չէ։

Այդուհանդերձ Էրոյանցը կարծում է, որ այդ պրոցեսն ամբողջ աշխարհում պետք է գործարկվի, իսկ թե որքանով այն կհաջողի, այդ թվում` նաև Վրաստանում, ցույց կտա ժամանակը։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 23-ի ժամը 14։30-ի դրությամբ` հակառակորդի կրակոցների հետևանքով զոհվել են 927 զինծառայողներ և 37 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6539 զոհ ունի և բազմաթիվ վիրավորներ։ 

Ըստ վերջին տվյալների՝ Ադրբեջանի զինված ուժերը կորցրել են 24 ինքնաթիռ, 16 ուղղաթիռ, 206 անօդաչու սարք, 4 ՏՈՍ-1 «Սոլնցեպեկ» համազարկային կրակի ռեակտիվ համակարգ, 588 տանկ և ՀՄՄ:

Հայը, «սիրիացին» ու բելառուսը. «հին գելերը» մեկնել են առաջնագիծ

Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։ 

Պատերազմ Արցախում` առանց սեփական զինվորների. ո՞րն է Էրդողանի գերնպատակը

595
թեգերը:
Արցախ
Ըստ թեմայի
«Կանգնեցրեք երկրորդ Հիտլերին». բողոքի ակցիա ՀՀ–ում Գերմանիայի դեսպանատան առջև
«Եվրոպայում գիտեն` ով է սկսել պատերազմը». ԵՄ դեսպանն ընդունել է բողոքի ակցիա անողներին
Իսրայելի հայերը բողոքի ակցիա են իրականացրել Երուսաղեմի ԱԳՆ շենքի դիմաց
«Արյունոտ լվացք» Տորոնտոյում. հայ երիտասարդները լուռ ակցիա են կազմակերպել
Последствия ночного ракетного обстрела Степанакерта (17 октября 2020). Карабах

Ադրբեջանը հետագա սադրանքների համար տեղեկատվական հող է նախապատրաստում. ՊԲ

0
(Թարմացված է 08:47 26.10.2020)
Արցախի պաշտպանության նախարարությունը մեկնաբանել է ադրբեջանական կողմի Twitter-ում արված հրապարակումները։

ԵՐԵՎԱՆ, 26 հոկտեմբերի – Sputnik. Ադրբեջանի պաշտպանության նախարարությունը դեռևս ժամը 08:00-ն չլրացած, շտապեց հայկական կողմին մեղադրել հրադադարը կոպտորեն խախտելու մեջ, բայց որոշ ժամանակ անց հեռացրեց այդ տեղեկատվությունը:

Հաշված րոպեներ անց Ադրբեջանի ՊՆ-ն տարածեց հերթական ապատեղեկատվությունը՝ նշելով, թե հայկական ուժերը հարավային ուղղությամբ հրետակոծության են ենթարկում ադրբեջանական դիրքերը։ Նման դիտարկում է արել Արցախի պաշտպանության նախարարությունը։

«Արցախի Հանրապետության պաշտպանության նախարարությունը հայտարարում է, որ ՊԲ-ի ստորաբաժանումները խստորեն հետևում են ձեռք բերված պայմանավորվածություններին, իսկ թշնամական կողմի մեղադրանքները ոչ միայն իրականության հետ որևէ առնչություն չունեն, այլև արվել են վերջինիս հետագա սադրանքների համար տեղեկատվական հող նախապատրաստելու համատեքստում»,– հայտնում է Ստեփանյանը։

Նշենք, որ ՀՀ վարչապետ Նիկոլ Փաշինյանն այսօր հայտարարել էր, որ ինչպես և համաձայնեցվել է երեկ Վաշինգտոնում` ԱՄՆ միջնորդությամբ, հայկական կողմը ժամը 08.00-ից լիարժեք կպահպանի հրադադարի ռեժիմը։

Հոկտեմբերի 25–ին, ԱՄՆ-ը հայտարարեց հոկտեմբերի 26-ին՝ առավոտյան ժամը 8:00-ից Լեռնային Ղարաբաղում նոր հումանիտար հրադադար հաստատելու մասին։ Սա սեպտեմբերի 27-ից` ադրբեջանական լայնածավալ ագրեսիայից հետո, հրադադարի երրորդ փորձն է։

Հիշեցնենք` Հայաստանի և Ադրբեջանի արտգործնախարարներ Զոհրաբ Մնացականյանն ու Ջեյհուն Բայրամովը հոկտեմբերի 9–ին Մոսկվա էին մեկնել` խորհրդատվություններ անցկացնելու։ ՌԴ արտգործնախարար Սերգեյ Լավրովի հետ համատեղ հանդիպումը տևեց գրեթե 11 ժամ և ավարտվեց համաձայնագրի ընդունմամբ, որը հակամարտության կարգավորման չորս կետ է պարունակում։

Մասնավորապես, կողմերը պայմանավորվել են, որ հոկտեմբերի 10-ին, ժամը 12։00-ից սկսած հումանիտար նպատակներով հրադադար կհաստատվի ռազմագերիներին, այլ պահվող անձանց և զոհվածների մարմինները փոխանակելու համար՝ Միջազգային Կարմիր խաչի չափանիշներին համապատասխան։ Հրադադարի վերաբերյալ պայմանավորվածությունից հետո Ադրբեջանը շարունակում էր հրետակոծել Արցախը։

Հոկտեմբերի 17-ին ՀՀ արտգործնախարարությունը հայտնեց, որ Հայաստանի Հանրապետությունը և Ադրբեջանի Հանրապետությունը երկրորդ պայմանավորվածությունն են ձեռք բերել. որոշվել է հոկտեմբերի 18-ին, տեղական ժամանակով ժամը 00:00-ից հաստատել մարդասիրական զինադադար։

Արցախի ՊԲ–ն, սակայն, հոկտեմբերի 18-ի առավոտյան տեղեկացրեց, որ 07:20-ի սահմաններում հրետանային ակտիվ կրակից հետո ադրբեջանական զինուժը հարավային ուղղությամբ անցել է հարձակման: Երկուստեք եղել են զոհեր ու վիրավորներ:

Ադրբեջանը մինչև այսօր էլ խախտում է հրադադարի վերաբերյալ պայմանավորվածությունները։

0
թեգերը:
Ադրբեջան, Շուշան Ստեփանյան, հրադադար, ԱՄՆ, Արցախ, Ղարաբաղյան հակամարտություն, Լեռնային Ղարաբաղ, Հայաստան