Ռոբերի Նազարյան

Ադրբեջանի նախնական պլանը ձախողվել է. Բաքուն մարտի է նետում ռեզերվային տեխնիկան

1179
«Ռազմինֆո» կայքի վերլուծաբան Ռոբերտ Նազարյանը Sputnik Արմենիայի եթերում անդրադարձել է Ադրբեջանի կողմից կիրառվող մարտավարությանը, մասնավորապես ավիացիայի օգտագործմանն ու նախապատրաստական աշխատանքներին։
Նազարյան. «Ադրբեջանի կողմից ռեզերվի օգտագործումը վյակում է, որ նա չի հասել նախնական նպատակին»

Ըստ վերջին տեղեկությունների` Ադրբեջանը կրել է նաև օդուժի կորուստներ, զրկվել է 50 ԱԹՍ–ից, 6 ուղղաթիռից և 1 ինքնաթիռից։

Ռոբերտ Նազարյանի դիտարկմամբ` Ադրբեջանը մարտական գործողություններին պատրաստվելուց առաջ բավական մեծ ուշադրություն է դարձրել ավիացիային և հատկապես ԱԹՍ–ների կիրառելիության խնդրին։ Փորձագիտական վերլուծությունները վկայում են այն մասին, որ Ադրբեջանի տրամադրության տակ են գտնվում նաև թուրքական «Բայրաքթար» մակնիշի անօդաչու թռչող սարքերը, որոնք մինչ այդ չկային ադրբեջանական սպառազինության մեջ։

«Հուլիսի 29-ին մեկնարկած թուրք–ադրբեջանական զորավարժություններից հետո թուրքական տեխնիկան F-16 կործանիչների հետ մեկտեղ փաստացի մնաց Ադրբեջանի տարածքում, և վերջինս կիրառում է թուրքական տեխնիկան, այդ թվում ավիացիոն միավորները, ինչի մասին անդրադարձ է եղել նաև Արցախի ՊԲ հրապարակումներում։ Հետևությունը մեկն է. եթե օդային հարվածներով խոցվում են հակառակորդի ՀՕՊ միջոցները, ապա դա տեղավորվում է հարձակողական բնույթի գործողություններ ծավալելու տրամաբանության մեջ։ Այլ կերպ չի կարող բացատրվել հայկական կողմի ՀՕՊ շղթան կոտրելու ադրբեջանական ձգտումը»,– նշում է վերլուծաբանը։

Ռոբերտ Նազարյանի կարծիքով`փաստերի համադրությամբ կարելի է եզրակացնել, որ Ադրբեջանը նախահարձակ կողմ է և պատերազմին պատրաստվել է առնվազն մեկ ամիս առաջ, և պատրաստության մասին առաջին տեսանելի ապացույցները ֆիքսվել են մասնավորապես թուրք–ադրբեջանական զորավարժությունների ավարտից հետո։

Մերոնք վիրտուոզ են. հայկական կողմը ադրբեջանական տանկ է ոչնչացրել ականանետով

«Ադրբեջանի կողմից ԱԹՍ–ների զանգվածային կիրառումը սկսվել է դեռ 2016 թվականի ապրիլյան պատերազմից, այսինքն` ցանկացած ռազմական բախում արդեն իսկ ենթադրում է անօդաչուների օգտագործում Ադրբեջանի կողմից։ Ընդ որում աշխատելու են ինչպես հետախուզական, այնպես էլ հարվածային ԱԹՍ–ները։ ՀՀ ՊՆ հրապարակումներից և Արցախում գտնվող մեր լրագրողների տարածած լուսանկարներից երևում է, որ Ադրբեջանը հարվածային ԱԹՍ–ներ կիրառում է նաև խաղաղ բնակչության ուղղությամբ»,– նշում է վերլուծաբանը։ 

Անդրադառնալով Վարդենիս քաղաքի և հարակից գյուղերի հրթիռակոծումներին` Ռոբերտ Նազարյանը շեշտում է, որ Ադրբեջանին չի հաջողվել Արցախի հետ շփման գծում հասնել իր նախնական նպատակին, հետևաբար կոնֆլիկտը տեղափոխել է ՀՀ տարածք ավելի մեծ սադրիչ գործողություններ սկսելու համար։ Ըստ վերլուծաբանի` Ադրբեջանը հրթիռակոծումների համար նախապես հող էր պատրաստել և առնվազն երկու օր հայտարարություններ էր տարածում, որ Վարդենիսից հայկական կողմն իբր հարվածել է Դաշքեստանին, ինչը բնականաբար ապատեղեկատվություն է։ 

Պետք է չեզոքացնել թուրք-ադրբեջանական մտադրությունները. ՀԱՊԿ-ում ՀՀ ներկայացուցիչ

Ռոբերտ Նազարյանի գնահատմամբ` Եվլախում խոցված ադրբեջանական զինտեխնիկան գրանցված էր այդ երկրի պետական սահմանապահ ծառայության հաշվեկշռում, և եթե Ադրբեջանը մարտական գործողությունների արդեն երկրորդ օրը մարտի է նետում իր ռեզերվը, որը կոչված չէր առաջնագծում մարտնչելու, ապա դա ևս վկայում է այն մասին, որ Ադրբեջանի նախնական պլանը ձախողվել է։

1179
թեգերը:
Թուրքիա, Զորավարժություններ, հայ-ադրբեջանական, Ռոբերտ Նազարյան
թեմա:
Ադրբեջանական ագրեսիան Հայաստանի դեմ - 2020 (176)
Ըստ թեմայի
Թուրքիան աջակցում է Ադրբեջանին էլեկտրոնային դրոնների, F-16 կործանիչների միջոցով. Սարգսյան
Սիրիայում ապացույցներ ունեն, որ Թուրքիան գրոհայիններ է ուղարկել Ադրբեջան
Թուրքիան բացառապես ուժի լեզուն է հասկանում. ինչ սպասել ՄԱԿ-ի ԱԽ քննարկումներից
Հրանտ Միքայելյան

Ո՞րն է թուրքական և ադրբեջանական շուկաների բացման քաղաքական գինը

115
«Կովկաս» ինստիտուտի վերլուծաբան Հրանտ Միքայելյանը Sputnik Արմենիայի եթերում անդրադարձել է ՀՀ էկոնոմիկայի նորանշանակ նախարար Վահան Քերոբյանի տեսակետին, որն առնչվում է հետպատերազմյան տնտեսությունը զարգացնելու հեռանկարին։ 
Միքայելյան. «Անհրաժեշտ է հասկանալ թուրքական և ադրբեջանական շուկաների բացման քաղաքական գինը»

Էկոնոմիկայի նախարարը Հանրային հեռուստաընկերությանը տված հարցազրույցում մասնավորապես նշել էր, որ բացվելու են թուրքական նավահանգիստները և ընձեռվելու են բազմաթիվ լավ հնարավորություններ։ Ըստ նրա` գուցեև բացվի Ադրբեջանի շուկան մեզ համար, և մեր շուկան` Ադրբեջանի համար։

Հրանտ Միքայելյանի դիտարկմամբ` հայտարարության քաղաքական ենթատեքստի առումով պետք է հիշել, որ դրանում կա կոնկրետ կետ, որի համաձայն` տարածաշրջանում բոլոր կոմունիկացիաները պետք է ապաշրջափակվեն, այդուհանդերձ դժվար է ակնկալել, որ Ադրբեջանն ու Թուրքիան կգնան այդ քայլին, քանզի նրանց կողմից նման արձագանք դեռ չկա։ 

«Ճանապարհների շրջափակումը Հայաստանի վրա ճնշում գործադրելու միջոց է, և իրավիճակը դժվար թե շատ արագ փոխվի, մանավանդ որ չկա որևէ հաշտություն, և Թուրքիայի ու Ադրբեջանի մոտեցումները Հայաստանի ու հայերի նկատմամբ չեն փոխվել։ Իսկ ինչ վերաբերում է տնտեսական ենթատեքստին, ապա կոմունիկացիաների ապաշրջափակումը թեև կարող է դրական ազդեցություն ունենալ մեր տնտեսության վրա, բայցևայնպես թուրքական սահմանի բացման հետ կապված հաշվարկները, որոնք ակտիվորեն ներկայացվում էին տասը տարի առաջ, ցույց տվեցին, որ առավելություններն այդքան էլ մեծ չեն կարող լինել»,– նշեց վերլուծաբանը։ 

Միքայելյանի կարծիքով` գուցե այդ դեպքում մեր ՀՆԱ–ն կավելանա կես տոկոսով, սակայն այդ դեպքում անհրաժեշտ է հասկանալ դրա քաղաքական գինը և մտածել պոտենցիալ վտանգների մասին։

Անդրադառնալով էկոնոմիկայի նախարարի լավատեսությանը` Միքայելյանն ընդգծում է, որ թուրքական ապրանքների ներմուծման արգելքը գործելու է կես տարով, և իշխանությունը կարող է այդ արգելքը չերկարաձգել ու իր կողմից լուծել խնդիրը, սակայն վերլուծաբանը հորդորում է չմոռանալ, որ Թուրքիան տնտեսության ոլորտում և հասարակության ներսում կարող է ազդեցիկ դիրքերի հասնել, ինչպես եղավ օրինակ Աջարիայում, հետևաբար այստեղ խոսքը վերաբերում է ոչ միայն օգուտներին, այլև՝ պրոբլեմներին։ 

«Թուրքական ապրանքների ներմուծման արգելքի պարագայում տեղական արտադրողը կարող է միայն մասամբ լրացնել 200-270 մլն դոլարի շրջանառության բացը։ Երբ գործում են պատժամիջոցներ, տեղական արտադրողը պետք է հասկանա պլանավորման հորիզոնը և օրինակ հինգ տարվա կտրվածքով ավելացնի իր հզորությունները, կատարի ներդրումներ, մինչդեռ կես տարվա տնտեսական արգելքի պարագայում առկա հզորությունները բավարար չեն լինի ցանկալի արդյունք ապահովելու համար»,– նշեց վերլուծաբանը։ 

Մնում է «Okul defteri»–ների էջերին, կամ ինչո՞ւ Թուրքայի տնտեսությունն այլևս «չի ձգում»

Միքայելյանի գնահատմամբ` թեև տեղական արտադրողն ամբողջության չի կարող լրացնել բացը, բայց երբ կառավարությունը սերտորեն աշխատի արտադրողների հետ, տա հնարավորություններ ու արտոնություններ, այդ դեպքում գուցե դրությունը շահեկանորեն կփոխվի։

115
թեգերը:
Հրանտ Միքայելյան (քաղաքագետ), տնտեսություն, Թուրքիա, Հայաստան
Ըստ թեմայի
Կորոնավիրուսը, Հայաստանի տնտեսությունն ու պոպուլիզմը. ի՞նչ սպասել ապագայում
Ի՞նչ հետևանք կունենա թուրքական ապրանքների ներկրման արգելքը ՀՀ տնտեսության վրա
Ռազմական դրությունն իր ազդեցությունն է ունեցել տնտեսության վրա. Մհեր Գրիգորյան
Արմեն Բադալյան

Քոչարյանի գրասենյակը ցույց է տալիս, որ գործող վարչապետը ստում է

110
(Թարմացված է 17:10 30.11.2020)
Քաղաքագետ Արմեն Բադալյանը Sputnik Արմենիայի եթերում ներկայացրել է իր դիտարկումները վարչապետ Նիկոլ Փաշինյանի վերջին գրառման վերաբերյալ:
«Երկար ժամանակ է` վարչապետն օգտագործում է մի մեթոդ՝ մեղավոր են բոլորը, բացի իրենից». Բադալյան

ՀՀ երկու նախագահներն ունեն մեղքի իրենց բաժինը պատերազմում պարտության և կապիտուլյացիայի համար, բայց ինքը՝ գործող վարչապետը, ամենևին էլ մեղավոր չէ: Սա է Նիկոլ Փաշինյանի վերջին և դրան նախորդող գրառումների հիմնական մեխը: Sputnik Արմենիայի հետ զրույցում նման կարծիք հայտնեց քաղաքագետ Արմեն Բադալյանը՝ մեկնաբանելով Նիկոլ Փաշինյանի վերջին գրառումը, որում վարչապետը հայտնել էր, թե ինչու Ռոբերտ Քոչարյանը և Լևոն-Տեր Պետրոսյանը չեն մեկնել Մոսկվա:

«Արդեն երկար ժամանակ է, ինչ վարչապետն օգտագործում է մի մեթոդ՝ արցախյան պատերազմում մեղավոր են բոլորը, բացի իրենից: Այս գրառումը տեղավորվում է հենց այդ մեթոդի մեջ, այսինքն՝ այստեղ անուղղակիորեն մեղավոր են ներկայացվում ՀՀ առաջին և երկրորդ նախագահները, որոնք չգնացին Մոսկվա և հայերի համար լավ լուծում չբերեցին, չնայած ինքը միջնորդեց, որ ՀՀ երկրորդ նախագահի անձնագիրը վերադարձնեն»,- ասաց նա:

Վարչապետի այս գրառումը հաջորդեց ՀՀ երկրորդ նախագահի գրասենյակի ղեկավար Վիկտոր Սողոմոնյանի երեկվա գրառմանը, որով վերջինս կասկածի տակ էր դրել Փաշինյանի նախորդ երկու գրառումների ճշմարտացիությունը և խոստացել՝ առաջիկայում մանրամասներ ներկայացնել: Իսկ Փաշինյանն իր նախորդ հրապարակումներում նշել էր, որ 2018-ից արցախյան հիմնախնդրի կարգավորման գործընթացը մտել էր փակուղի և տարածքներն Ադրբեջանին վերադարձնելու և պատերազմին այլընտրանք չկար, իսկ երկրորդ գրառմամբ՝ բացատրել, թե ինչու չի համաձայնել հոկտեմբերի 19-ին պատերազմը դադարեցնելու Վլադիմիր Պուտինի առաջարկին:

Ինչպես միշտ, նա սուտ է խոսում. Վիկտոր Սողոմոնյանը` Փաշինյանի գրառումների մասին

Քաղաքագետի խոսքով՝ Ռոբերտ Քոչարյանը արցախյան հակամարտության, ինչպես նաև արցախա-ադրբեջանական վերջին պատերազմի ընթացքում բավականաչափ շփումներ է ունեցել ինչպես Արցախի գործող և նախկին ղեկավարության, այնպես էլ ՌԴ ղեկավար կազմի հետ, հետևաբար՝քաջատեղյակ էր գործընթացների վերաբերյալ:

Իսկ դա նշանակում է, որ ո՛չ երկրորդ նախագահը, ո՛չ էլ երկրորդ նախագահի գրասենյակը ձեռքերը ծալած չեն նստի։ 

«Այդ բոլորի մեջ մտնում է նաև երկրորդ նախագահը, իսկ երկրորդ նախագահի գրասենյակը բնականաբար ամեն ինչ անելու է, որ գործող վարչապետը մեղքի իր բաժինը չտարածի ուրիշների վրա, այդ թվում՝ երկրորդ նախագահի, և կփորձի ցույց տալ, որ գործող վարչապետը ստում է: Ենթադրում եմ՝ միգուցե և իրենք որոշակի տեղեկություններ հայտնեն, որը բնականաբար հակասության մեջ կլինի վարչապետի ներկայացրած այս տեղեկություններին»,- նշեց Բադալյանը: 

Ըստ քաղաքագետի՝ Փաշինյանի՝ սեփական անձը արդարացնող գրառումները կարող են երկար շարունակվել, քանի որ եթե ամբողջ ինֆորմացիան մեկ լայվի միջոցով հայտնի, հետագայում ասելիք չի ունենա: 

Քաղաքացին ձվով հարվածե՞լ է Նիկոլ Փաշինյանի մեքենային. ոստիկանության պատասխանը

Հիշեցնենք՝ ՀՀ վարչապետ Նիկոլ Փաշինյանը այսօր առավոտյան կատարած գրառման մեջ մանրամասներ էր հայտնել, թե ինչու ՀՀ առաջին և երկրորդ նախագահները Մոսկվա չեն մեկնել:

110
թեգերը:
Ռոբերտ Քոչարյան, Նիկոլ Փաշինյան, Արմեն Բադալյան
թեմա:
Իրադրությունը Հայաստանում և Արցախում հայտարարության ստորագրումից հետո
Ըստ թեմայի
Ի՞նչ է հորդորել Նիկոլ Փաշինյանը գերեվարվածների ու անհետ կորածների հարազատներին
Հոկտեմբերի 19-ին Արցախի նախագահն ինձ ասաց, որ պետք է կանգնեցնել պատերազմը. Փաշինյան
Ո՛չ Հադրութի և ո՛չ էլ Շուշիի մասին խոսք չի եղել. Շարմազանովն արձագանքել է Փաշինյանին

Ծուխ, կրակ, կոտրված ցուցափեղկեր. Փարիզի բողոքի ակցիաները` լուսանկարներով

0
(Թարմացված է 00:21 01.12.2020)
  • Բողոքի ակցիաներ Փարիզում
  • Ֆրանսիացիներին որոշ օրենքներ դուր չեն եկել. բողոքի ակցիաներ Փարիզում
  • Ֆրանսիացիներին որոշ օրենքներ դուր չեն եկել. բողոքի ակցիաներ Փարիզում
  • Բազմամարդ բողոքի ակցիաներ Փարիզում
  • Ցույցերից ավերված Փարիզը
  • Բազմամարդ բողոքի ակցիաներ Փարիզում
  • Ցույցերից ավերված Փարիզը
  • Ցույցերից ավերված Փարիզը
  • Բազմամարդ բողոքի ակցիաներ Փարիզում
  • Բազմամարդ բողոքի ակցիաներ Փարիզում
  • Բազմամարդ բողոքի ակցիաներ Փարիզում
  • Բազմամարդ բողոքի ակցիաներ Փարիզում
Ֆրանսիայի ՆԳՆ տվյալներով ՝ Փարիզում փողոց է դուրս եկել 46 հազար մարդ, իսկ ամբողջ երկրում՝ 133 հազար մարդ։ Բողոքի ակցիաների կազմակերպիչները պնդում են, որ ամբողջ երկրում փողոց է դուրս եկել 500 հազար մարդ։

Ոչ միայն Փարիզում, այլև ամբողջ Ֆրանսիայում բազմահազարանոց հանրահավաքներ են տեղի ունեցել Ֆրանսիայի խորհրդարանի ստորին պալատի կողմից առաջին ընթերցմամբ հավանության արժանացած «Գլոբալ անվտանգության մասին» օրենքի դեմ: Վրդովմունք է առաջացրել է 24-րդ հոդվածը, որը օրինագծի տեքստում մտցվել է ոստիկանական արհմիությունների ճնշմամբ։

Այն տուգանքներ է նախատեսում ոստիկանների լուսանկարահանման և տեսանկարահանման համար, եթե այդ կադրերի տարածումը «սպառնում է առանձին պաշտոնյաների ֆիզիկական կամ հոգեկան անձեռնմխելիությանը»:

Կտրուկ քննադատության է արժանացել օրինագծի ևս մեկ դրույթ, ըստ որի լրագրողները պետք է նախապես գրանցվեն` ցույցերը լուսաբանելու համար: Եվրահանձնաժողովն արդեն իր կարծիքն է հայտնել նոր դրույթի վերաբերյալ՝ զգուշացնելով, որ ԶԼՄ-ները այսուհետ էլ պետք է ազատ կատարեն իրենց աշխատանքը: Ընդդիմությունը պահանջում է, որ նախագահ Էմանուել Մակրոնը հետ կանչի փաստաթուղթը, որը դեռ պետք է ստանա Սենատի հավանությունը։

0
  • Բողոքի ակցիաներ Փարիզում
    © Sputnik / Dominique Boutin

    Բողոքի ակցիաներ Փարիզում

  • Ֆրանսիացիներին որոշ օրենքներ դուր չեն եկել. բողոքի ակցիաներ Փարիզում
    © Sputnik / Dominique Boutin

    Ֆրանսիացիներին որոշ օրենքներ դուր չեն եկել. բողոքի ակցիաներ Փարիզում

  • Ֆրանսիացիներին որոշ օրենքներ դուր չեն եկել. բողոքի ակցիաներ Փարիզում
    © Sputnik / Dominique Boutin

    Ֆրանսիացիներին որոշ օրենքներ դուր չեն եկել. բողոքի ակցիաներ Փարիզում

  • Բազմամարդ բողոքի ակցիաներ Փարիզում
    © Sputnik / Dominique Boutin

    Բազմամարդ բողոքի ակցիաներ Փարիզում

  • Ցույցերից ավերված Փարիզը
    © Sputnik / Dominique Boutin

    Ցույցերից ավերված Փարիզը

  • Բազմամարդ բողոքի ակցիաներ Փարիզում
    © Sputnik / Dominique Boutin

    Բազմամարդ բողոքի ակցիաներ Փարիզում

  • Ցույցերից ավերված Փարիզը
    © Sputnik / Dominique Boutin

    Ցույցերից ավերված Փարիզը

  • Ցույցերից ավերված Փարիզը
    © Sputnik / Dominique Boutin

    Ցույցերից ավերված Փարիզը

  • Բազմամարդ բողոքի ակցիաներ Փարիզում
    © Sputnik / Dominique Boutin

    Բազմամարդ բողոքի ակցիաներ Փարիզում

  • Բազմամարդ բողոքի ակցիաներ Փարիզում
    © Sputnik / Dominique Boutin

    Բազմամարդ բողոքի ակցիաներ Փարիզում

  • Բազմամարդ բողոքի ակցիաներ Փարիզում
    © Sputnik / Dominique Boutin

    Բազմամարդ բողոքի ակցիաներ Փարիզում

  • Բազմամարդ բողոքի ակցիաներ Փարիզում
    © Sputnik / Dominique Boutin

    Բազմամարդ բողոքի ակցիաներ Փարիզում

թեգերը:
Բողոքի ակցիա, Ֆրանսիա, Փարիզ