Ռուբեն Մելքոնյան

Ռուսաստանը Թուրքիային զսպելու համարժեք գործիքակազմ ունի. թուրքագետ

440
(Թարմացված է 18:02 28.09.2020)
ԵՊՀ արևելագիտության ֆակուլտետի դեկան, թուրքագետ Ռուբեն Մելքոնյանը Sputnik Արմենիայի եթերում անդրադարձել է հայ–ադրբեջանական կոնֆլիկտում Թուրքիայի ներգրավվածության աստիճանին և Հարավային Կովկասում Ռուսաստանի ու Թուրքիայի շահերի բախման խնդրին։ 
Մելքոնյան. «Թուրքիայի ներգրավվածությունը Հվ. Կովկասում կարող է ունենալ ամենածայրաhեղ դրսևորումներ»

Ռուբեն Մելքոնյանի դիտարկմամբ` հաշվի առնելով Թուրքիայի վերջին տարիների փոփոխված նկրտումներն ու պահվածքը, ինչպես նաև դրանց կոնկրետ կիրառումը տարբեր կոնֆլիկտներում և ընդհանրապես այդ պետության քաղաքական դիմանկարը, կարող ենք ասել, որ նրա ագրեսիվ քաղաքականությունը, միջազգային չափորոշիչները ոտնահարող քաղաքական ոճը կարող են ունենալ ամենածայրահեղական դրսևորումները, ուստի մենք ցավոք սրտի պետք է ավելի շատ հակված լինենք վատատեսական սցենարների ու Թուրքիայից սպասել ամենաբասացական, ամենաագրեսիվ քայլերը։ 

«Սրանք ոչ միայն խոսքեր են, այլև հենված են Թուրքիայի կողմից վերջին տարիներին հետևողականորեն իրականացված քաղաքական գծի ուսումնասիրության վրա։ Պետք չէ սպասել դրական կամ միջազգային տարբեր չափորոշիչները հարգելու գործընթաց մի պետությունից, որը վարում է բացահայտ ահաբեկչական և ցեղասպան քաղաքականություն, այսինքն դա մի պետություն է, որն իր բնույթով եղել է ցեղասպան, իսկ հիմա դրան ավելացել է ևս մեկ բաղադրիչ` դառնալով ահաբեկչական մտածողությամբ պետություն»,– նշում է թուրքագետը։

Անդրադառնալով այն հարցին, որ Թուրքիան Հարավային Կովկասում ըստ էության մտել է Ռուսաստանի կենսական շահերի գոտի, Ռուբեն Մելքոնյանն ընդգծում է, որ մենք վերջին տարիներին ռուս–թուրքական տարատեսակ բախումներ նկատում ենք տարբեր տարածաշրջաններում կոնֆլիկտների թեժացման, հրահրման և դրանց հանգուցալուծման պայքարի տիրույթում։ 

«Թուրքիան կոնկրետ Սիրիայում ահաբեկիչ վարձկանների միջոցով իր ուղղակի ռազմական մասնակցությամբ թեժացնում էր խնդիրը ու նաև զբաղվում մարդկության դեմ հանցագործությամբ` իրականացնելով Սիրիայի խաղաղ բնակչության սպանդ, իսկ այդ նույն կոնֆիկտի շրջանակներում Ռուսաստանն ակտիվորեն ընդգրկվեց որպես հակաահաբեկչական իրական պայքար ծավալող պետություն։  Հիմնականում Ռուսաստանի ջանքերի շնորհիվ սիրիական կոնֆլիկտը այս պահին գոնե ունի քիչ թե շատ ավելի հանդարտ բնույթ»,– նշում է թուրքագետը։

Ադրբեջանի և Թուրքիայի գործողությունները պետք է միջազգային գնահատականի արժանանան. ՀՀ ԱԺ

Ռուբեն Մելքոնյանի գնահատմամբ` ներկայումս փաստորեն տեղի է ունենում ռուս–թուրքական «պրոկսի» պատերազմ տարբեր տարածաշրջաններում` կոնֆլիկտներ, ահաբեկչություններ, ցեղասպանություններ հրահրելու և դրա դեմ պայքարելու շրջանակներում, հետևաբար ղարաբաղյան հիմնախնդիրն ու Հարավային Կովկասի հարցն ըստ էության նման հարթակներից է, որտեղ մի քանի տասնամյակ  է, ինչ տեսնում ենք ռուս–թուրքական նմանատիպ գործընթաց։ 

Ըստ Մելքոնյանի` արցախյան ճակատում ներկա լարվածության համատեքստում կա որոշակի տեսական խնդիր. քանի որ վերջին շրջանում փոխվել է թուրքական նկրտումների ագրեսիվության աստիճանը, ուստի փոխվել է նաև Թուրքիային զսպելու մեխանիզմների արդյունավետությունը։ Այն զսպող մեխանիզմները, որ ուներ Ռուսաստանը Թուրքիայի հանդեպ 10 կամ 20 տարի առաջ, հիմա կարիք ունեն վերանայման, որովհետև Թուրքիան ավելի ագրեսիվ պետություն է դարձել։

Թուրքիան աշխարհում միակ երկիրն է, որը աջակցում է Արցախում հակամարտության սրմանը. Փայլան

Այդուհանդերձ, ըստ թուրքագետի, Ռուսաստանն ունի համարժեք գործիքակազմ, և Հարավային Կովկասն էլ լինելով նրա կենսական հետաքրքրությունների շրջանակում` անպայմանորեն կնպաստի, որ Ռուսաստանը որոշակի քայլեր անի խաղաղության հաստատման ուղղությամբ։   

 

440
թեգերը:
տարածաշրջան, Թուրքիա, Ռուսաստան, Ռուբեն Մելքոնյան (թուրքագետ)
Ըստ թեմայի
Թուրքիան չպետք է կրակին բենզին լցնի Ղարաբաղում. Կարո Փայլան
«Քուրդ ժողովուրդը դատապարտում է Ադրբեջանին ու Թուրքիային և զորակցում հայերին». Հասանով
Թուրքիան հավաքագրում է օտարազգի ահաբեկիչ զինյալների և տեղափոխում Ադրբեջան. ՀՀ ԱԳՆ
Սուրեն Սարգսյան

Ովքեր են մեր բարեկամները, ովքեր` թշնամիները, կամ ինչու Վաշինգտոնից կարևոր մեսիջներ չկան

181
(Թարմացված է 21:47 19.10.2020)
Քաղաքագետ Սուրեն Սարգսյանը Sputnik Արմենիայի եթերում անդրադարձել է ԱՄՆ նախագահ Դոնալդ Թրամփի ելույթին, որում վերջինս նշել  էր, որ կաշխատեն Ղարաբաղյան հակամարտության վերաբերյալ որոշ ուղղություններով:
«Վաշինգտոնից կարևոր մեսիջներ չենք լսում, ինչը զարմանալի է». Սարգսյան

ԱՄՆ-ն մեր տարածաշրջանում այն ազդեցությունը չունի, ինչ որ ուներ ժամանակին: Sputnik Արմենիայի հետ զրույցում նման կարծիք հայտնեց քաղաքագետ Սուրեն Սարգսյանը՝ մեկնաբանելով արցախա-ադրբեջանական հակամարտության գոտում ընթացող պատերազմական գործողությունների վերաբերյալ ԱՄՆ նախագահ Դոնալդ Թրամփի հայտարարությունը:

«ԱՄՆ-ն չունի այն ազդեցությունը և ազդեցության այն մեխանիզմները, ինչը, օրինակ, ՌԴ-ն: Կարծում եմ՝ ԱՄՆ-ն որպես ՄԽ համանախագահ` իր հնարավորությունները կամ աջակցությունը փոխանցել է Մոսկվային, որպեսզի Մոսկվան ավելի ակտիվ զբաղվի խնդրի խաղաղ կարգավորմամբ կամ բանակցությունների սեղանի շուրջ կողմերին նստեցնելով»,- ասաց նա:

Քաղաքագետի խոսքով՝ ԱՄՆ պասիվությունը պայմանավորված է նաև առաջիկա  ընտրական գործընթացներով, որոնք բավականին լուրջ պայքար են ենթադրում:

Ինչ վերաբերում է այս օրերին ԱՄՆ տարբեր նահանգներում հայ համայնքի կողմից կազմակերպվող բազմահազարանոց բողոքի ակցիաներին, ապա դրանք, ըստ քաղաքագետի, միտված են ճնշում գործադրելու վարչակազմի վրա՝ Հայաստանի և Արցախի հարցում առավել բարենպաստ քաղաքական գիծ որդեգրելու համար, բայց չեն կարող էական ազդեցություն ունենալ հակամարտության վերաբերյալ ԱՄՆ դիրքորոշման հարցում:

«Համայնքն իր առջև խնդիր է դրել  նախ հանրային իրազեկման մեծ արշավներ իրականացնել և ստիպել, որ առաջադեմ լրատվամիջոցները հնարավորինս անդրադառնան խնդրին և օբյեկտիվորեն լուսաբանեն այն: Նաև յուրահատուկ ճնշում է գործադրվում օրենսդիր իշխանության ներկայացուցիչների վրա, որպեսզի նրանք  էլ իրենց հերթին ճնշում գործադրեն վարչակազմի վրա: Համայնքը մասքիմալ համախմբված է և բավականին ակտիվ աշխատում է, որ հայանպաստ բանաձևեր ընդունվեն Կոնգրեսում, որոնք էլ ինչ-որ ձևով կազդեն վարչակազմի քաղաքականության վրա»,- նշեց Սարգսյանը:

Կտրուկ բեկում մտցնել Արցախի իրադարձություններում. ՀՅԴ անդամները հանդիպել են ԼՂՀ նախագահին

Քաղաքագետի դիտարկմամբ՝ պատերազմական գործողությունների ֆոնին աշխարհի լռությունն ու անտարբերությունը տեղաշարժելու համար մեր դիվանագիտությունը պետք է ավելի ակտիվ գործի և նաև կողմնորոշվի, թե մենք ինչ ենք ուզում աշխարհից, ինչ է ուզում աշխարհը մեզանից, ովքեր են մեր ընկերներն ու բարեկամները, և ովքեր` մեր թշնամիները: Միայն այս ամենը հստակեցնելու  դեպքում աշխարհի հետ մեր շփումներն առավել քան երբևէ` կլինեն արդյունավետ: 

Նշենք, որ ԱՄՆ–ն ԵԱՀԿ Մինսկի խմբի 3 համանախագահող երկրներից մեկն է։

Հիշեցնենք՝ առավոտյան Նևադայում իր ընտրազանգվածի հետ հանդիպման ժամանակ ԱՄՆ նախագահ Դոնալդ Թրամփն անդրադարձել էր նաև արցախա-ադրբեջանական հակամարտությանը, նշել, որ ԱՄՆ-ն կաշխատի որոշ ուղղություններով և հավելել, որ նախանձում է հայերին, քանի որ նրանք հզոր ոգի ունեն և սիրում են իրենց երկիրը։

Լավրովը նշել է, որ փորձում են Ղարաբաղում կրակի դադարեցման վերահսկման մեխանիզմ ստեղծել

181
թեգերը:
Դոնալդ Թրամփ, ԱՄՆ, Ղարաբաղյան հակամարտություն, Սուրեն Սարգսյան
թեմա:
Ադրբեջանական ագրեսիան Արցախում - 2020
Ըստ թեմայի
Մերկելը խոսել է Փաշինյանի հետ, աջակցել Պուտինի, Մակրոնի և Թրամփի համատեղ հայտարարությանը
Թրամփն Ադրբեջանին պետք է ասի, որ չի հանդուրժի ռազմական գործողություններ Ղարաբաղում. Բայդեն
«Կաշխատենք ինչ-որ ուղղություններով». Թրամփն իր ելույթում անդրադարձել է հայերին
Կարեն Վերանյան

Ինչպես կավարտվեն Թուրքիային ՆԱՏՕ–ից հեռացնելու գործողությունները

403
Ռազմական փորձագետ Կարեն Վերանյանը Sputnik Արմենիայի եթերում անդրադարձել է ՆԱՏՕ–ից Թուրքիային դուրս մղելու խնդրին և այն հարցին, թե այդ երկրի ծավալապաշտական, ագրեսիվ քաղաքականությունն ինչպես կարող է ազդել դաշինքի անդամ երկրների հետ փոխհարաբերությունների վրա։
Վերանյան. «ՆԱՏՕ–ն խրախուսում է Էրդողանին, որ անկաշկանդ իրականացնի նեոօսմանյան հավակնությունները»

Հանրապետական Թալսի Գաբբարդի նախաձեռնությամբ ԱՄՆ–ի Կոնգրեսի ներկայացուցիչների պալատ է ներկայացվել բանաձև` Թուրքիային ՆԱՏՕ–ից հեռացնելու պահանջով, և կոչ է արվում այդ ուղղությամբ համապատասխան աշխատանքներ իրականացնել դաշնակիցների հետ։

   

Կարեն Վերանյանի դիտարկմամբ` առկա գործընթացները, որոնք ուղղված են Թուրքիայի և մասնավորապես Էրդողանի ապակառուցողական քաղաքականությունը զսպելուն կամ հակազդելուն, ըստ էության շատ կարևոր են և լավ կլինի, որ դրանցում ներգրավվեն առաջատար երկրները, միջազգային ասպարեզում գործող հիմնական խաղացողները։ Այդուհանդերձ Կարեն Վերանյանը համոզված չէ, որ այդ գործողությունները կհանգեցնեն կտրուկ փոփոխությունների, և առաջիկայում Թուրքիային կհեռացնեն ՆԱՏՕ–ից։

«Որքան էլ Թուրքիան փորձի այս կամ այն տարածաշրջանում զորքեր տեղակայել և խնդիրներ առաջացնի միջազգային անվտանգության համակարգում` փորձելով տարածել իր ազդեցության շրջանակներն ու ընդլայնել հնարավորությունները, այդուհանդերձ Արևմուտքում և հատկապես ԱՄՆ–ում փորձում են դեռևս շարժվել այն տրամաբանությամբ, որ կարելի է խաղարկել թուրքական խաղաթուղթը»,– նշում է ռազմական փորձագետը։

Կարեն Վերանյանի կարծիքով` ՆԱՏՕ–ն որպես միջազգային ռազմաքաղաքական կառույց, ըստ էության խրախուսում է Թուրքիային և անձամբ Էրդողանին, որպեսզի վերջինս շատ անկաշկանդ իրականացնի իր նեոօսմանյան հավակնությունները։ Այդուհանդերձ Վերանյանն ընդգծում է, որ հյուսիսատլանտյան  դաշինքում ոչ բոլորն են ոգևորված Էրդողանի ծրագրերից, բայցևայնպես թեկուզ կառույցի եվրոպական հատվածի կողմից սահմանված հատվածական իրավաքաղաքական կամ տնտեսական պատժամիջոցները բավարար չեն, որպեսզի Թուրքիան դառնա ավելի անվտանգ և վստահելի գործընկեր։ 

«Անհրաժեշտ են համակարգված, կոնսոլիդացված շահերի ներգրավմամբ շատ հստակ քայլեր` համաձայնեցված թե՛ եվրոպական, թե՛ ամերիկյան ճակատում, որպեսզի հնարավոր լինի Թուրքիային զսպել, հետևաբար հատվածական պատժամիջոցների սահմանումը որևէ կերպ էական ազդեցություն չի ունենա Էրդողանի վարքագծի վրա»,– նշում է ռազմական փորձագետը։

Լսելի չէ ՆԱՏՕ-ի ձայնը, բավականաչափ լսելի չէ Եվրամիության ձայնը. Սարգսյանը` պատերազմի մասին

Կարեն Վերանյանի գնահատմամբ` Արևմուտքը լուռ համաձայնությամբ հետևում է, թե Էրդողանն ինչպես է միջամտում տարբեր երկրների ներքին գործերին` խախտելով նրանց տարածքային ամբողջականությունն ու ռազմական գործողություններ հրահրելով։

403
թեգերը:
Թուրքիա, ՆԱՏՕ, Արցախյան պատերազմ
թեմա:
Ադրբեջանական ագրեսիան Արցախում - 2020
Ըստ թեմայի
Թուրքիան ունի՞ կանաչ լույս ՆԱՏՕ-ից. ՀՀ նախագահը հարց է հղում դաշինքի անդամ երկրներին
ՆԱՏՕ–ին անդամակցելու հարցն արդեն ռազմական տիրույթում չէ. Մելիքյանը` Վրաստանի մասին
Հունաստանն ու ՆԱՏՕ-ն դատապարտել են Արցախում պատերազմ հրահրող արտաքին ուժերի միջամտությունը
Մարտունի. արխիվային լուսանկար

Հյուսիսային թևում հակառակորդը կիրառում է ավիացիա և հրետանի. ինչ իրավիճակ է հարավային թևում

119
(Թարմացված է 10:43 20.10.2020)
ՊԲ ստորաբաժանումները ձեռնարկում են համապատասխան միջոցներ հակառակորդի հարձակումը կասեցնելու համար։

ԵՐԵՎԱՆ, 20 հոկտեմբերի – Sputnik. Հյուսիսային թևում հակառակորդը կիրառում է ավիացիա և հրետանի։ Տեղեկությունը Facebook-ի իր էջում հայտնել է ՀՀ ՊՆ մամուլի խոսնակ Շուշան Ստեփանյանը։

«Հարավային ուղղությամբ ինտենսիվ ծանր մարտերը շարունակվում են։ ՊԲ ստորաբաժանումները ձեռնարկում են համապատասխան միջոցներ հակառակորդի հարձակումը կասեցնելու համար»,–գրել է նա։

Ինչպես արդեն տեղեկացրել ենք, ՊԲ առավոտյան հաղորդել է, որ գիշերվա ընթացքում արցախա-ադրբեջանական հակամարտության գոտում իրադրությունը եղել է հարաբերական կայուն-լարված: Առանձին հատվածներում շարունակվել են հրետանային մենամարտերը:

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 18-ի ժամը 19:00-ի դրությամբ` հակառակորդի կրակոցների հետևանքով զոհվել են 729 զինծառայողներ և 37 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6259 զոհ ունի և բազմաթիվ վիրավորներ։

Ըստ վերջին տվյալների՝ Ադրբեջանի զինված ուժերը կորցրել են 22 ինքնաթիռ, 16 ուղղաթիռ, 195 անօդաչու սարք, 4 ՏՈՍ-1 «Սոլնցեպեկ» համազարկային կրակի ռեակտիվ համակարգ, 566 տանկ և ՀՄՄ:

Ղազանչեցոցը 2 անգամ վերականգնած ճարտարապետը վստահեցնում է` եկեղեցին ավերված երկար չի մնա

Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։

«Թող իմանան` մենք ողջ ենք, լավ ենք». առաջնագծի տղաների` ժպիտ պարգևող լուսանկարները

119
թեգերը:
հայ-ադրբեջանական, Ադրբեջան, հրետակոծություն, հրետանի, Ղարաբաղյան հակամարտություն, Լեռնային Ղարաբաղ, Արցախ
թեմա:
Ադրբեջանական ագրեսիան Արցախում - 2020
Ըստ թեմայի
Քննարկվում են հրադադարի պահպանման վերահսկողության մեխանիզմները. ՄԱԿ-ում ՌԴ ներկայացուցիչ
Հերոս հրետանավորները. նրանք անում են ավելին, քան հնարավոր է պատկերացնել
«Զենք, որը չունեին մեր նախնիները». ԱՄՆ–ում հայուհիները յուրօրինակ ակցիա են իրականացրել