Երվանդ Բոզոյան

Ինչու է Ալիևը դժգոհում բանակցային գործընթացից, և ինչ է թաքնված այդ դժգոհության հետևում

77
(Թարմացված է 21:39 21.09.2020)
Քաղաքագետ Երվանդ Բոզոյանը Sputnik Արմենիայի եթերում անդրադարձել է Ադրբեջանի նախագահ Իլհամ Ալիևի հայտարարությանը, որն առնչվում է Ղարաբաղյան հիմնախնդրի բանակցային գործընթացին։
Բոզոյան. «Դժգոհելով բանակցային գործընթացից` Ադրբեջանը ձգտում է մեղքը բարդել Հայաստանի վրա»

Քաղաքագետ Երվանդ Բոզոյանի դիտարկմամբ` տավուշյան դեպքերից հետո Ալիևի լեգիտիմությունն Ադրբեջանում զգալիորեն թուլացել է, այդ երկրի հասարակությունը պահանջում է ավելի կոշտ դիրքորոշում, և հենց դրանով էլ պայմանավորված է նրա պահվածքը։

«Արտգործնախարարի փոփոխությունը, ավելի կոշտ հռետորաբանությամբ հանդես գալը վկայում է այն մասին, որ Ալիևը փորձում է միջնորդներին ցույց տալ, թե այլևս չի կարող հանդուրժել մի վիճակ, երբ բանակցություններն ընթանում են հանուն բանակցությունների, ուստի իմիտացիայի առումով հղում է անում Փաշինյանի հայտնի հայտարարությանը, ըստ որի` Արցախը Հայաստան է և վերջ։ Ալիևն այս տեսանկյունից նշում է, որ եթե մասնակցի բանակցություններին, ապա դա կնշանակի կապիտուլյացիա Ադրբեջանի հասարակության կողմից»,– Sputnik Արմենիայի հետ զրույցում ասաց նա։

Երվանդ Բոզոյանի կարծիքով` բոլորն էլ հասկանում են, որ Հայաստանը չի պատրաստվում պատերազմի, պատերազմը շահավետ է Ադրբեջանին, այդ երկիրը վերջին քսան տարիներին չի էլ թաքցրել, որ դժգոհ է բանակցային գործընթացից, բայց իրենց պետք է այդ ամենը ֆորմալ առումով բարդել հայկական կողմի վրա։

Ադրբեջանական կողմի սահմանային դիրքերի ամրապնդմանը հաջորդելու են նոր սադրանքներ. Մինասյան

«Ցավոք, հայկական կողմն է տվել այդ հիմքը։ Տարբեր տրամաչափի գործիչներ հայտարարում են, որ ամեն եկող իշխանություն պետք է նոր տարածքներ գրավի։ Նման ձևակերպումները գուցե պոպուլիստական բնույթ են կրում և կարող են դուր գալ հասարակության զգալի մասին, սակայն այդ մարդիկ պատասխանատվություն չեն կրում իրենց խոսքերի համար` հիմք տալով Ադրբեջանին հղում անել այդ ձևակերպումներին ու հայտարարել, թե Հայաստանը պատրաստվում է պատերազմի»,– նշեց քաղաքագետը։

Բոզոյանի համոզմամբ` Ադրբեջանը փորձում է դիվանագիտական հիմք ստեղծել, որպեսզի հնարավոր պատերազմի մեջ ներքաշվի նաև Թուրքիան։ Ըստ նրա` վերջին շրջանում թմբկահարվում է այն թեզը, թե այս տարածաշրջան են ներխուժել Քրդական բանվորական կուսակցության անդամները, որոնք պատերազմելու են Ադրբեջանի դեմ՝ հօգուտ Հայաստանի, նրանք թուրքական ճակատից տեղափոխվել են Արցախ, և Հայաստանը խրախուսում է ահաբեկչությունը, ինչն էլ շաղկապված է Թուրքիայի շահերի հետ, հետևաբար հիմք է ստեղծվում, որպեսզի Թուրքիան լեգիտիմ իրավունք ունենա միջամտելու գործընթացին։ Բոզոյանի կարծիքով` Հայաստանում, ցավոք սրտի, այդ հռետորաբանությունը լավ չի գիտակցվում, իսկ քաղաքական վերնախավը զբաղված է ներքին ռազբորկաներով։

Պարզ է, չէ՞, որ Ալիևն ինքն իրեն չէր մեղադրելու. Դավիթ Տոնոյան

Հիշեցնենք՝ Իլհամ Ալիևն օրերս բացասաբար է գնահատել բանակցային գործընթացի ներկա վիճակը։ Նրա նշել է, որ բանակցություններն իրականում չեն ընթանում և Հայաստանի ղեկավարությունը փաստացի խախտել է բանակցային գործընթացը։

77
թեգերը:
Ադրբեջան, Իլհամ Ալիև, Երվանդ Բոզոյան, բանակցային գործընթաց, Հայաստան
Ըստ թեմայի
Բանակցությունները լռություն են սիրում, կամ ռուսական ալիքների վրա կախված «դամոկլյան սուրը»
ԵԱՀԿ Մինսկի խումբը Երևանին և Բաքվին կոչ է արել պատրաստվել բանակցությունների
Ժոզեպ Բորելը բանակցություններ է անցկացրել Հայաստանի և Ադրբեջանի արտգործնախարարների հետ
Ինչ կտա մոնիթորինգային համակարգը բանակցություններին. փորձագետը` Փաշինյանի առաջարկի մասին
Թևան Պողոսյան

ՌԴ–ին պաշտոնական նամակով դիմելն ավելի կարևոր էր, քան Ժնևի հանդիպումը. Պողոսյան

190
(Թարմացված է 23:17 31.10.2020)
Թևան Պողոսյանը կարծում է, որ ժնևյան պայմանավորվածությունները «դրսի աշխարհի համար» խուսափելու տեղ թողնող ձևակերպումներ են և Ադրբեջանին թույլ են տալիս խուսանավել։
Պողոսյան. «Որևէ մեկս պատրանքներ չունեինք, որ Ադրբեջանը պահպանելու է պայմանավորվածությունները»

«Մարդկային զարգացման միջազգային կենտրոնի» ղեկավար Թևան Պողոսյանը պաշտոնական նամակով Ռուսաստանի Դաշնությանը դիմելն ավելի կարևոր է համարում, քան Ժնևի հանդիպումը, որովհետև, նրա խոսքով, որևէ մեկը պատրանքներ չուներ, որ Ադրբեջանը պահպանելու է պայմանավորվածությունները։

«Հանդիպման արդյունքները նույնն էին, ինչ նախկին բոլոր քննարկումներում։ Կա ինչ–որ փաստաթուղթ, որի վրա միգուցե ապագայում պատմության մեջ կասեն` նայեք` փորձեր ենք ունեցել։ Բայց քանի որ մենք այս պահին խոսում ենք արդեն այն փաստից հետո, երբ նույն այդ հանդիպումից հետո կրակել են Ստեփանակերտի շուկայի ու Շուշիի վրա, հանդիպման արդյունքը գնահատում եմ` կրակելը Ստեփանակերտի շուկայի վրա»,– մեկնաբանելով Ժնևում կայացած Մնացականյան–Բայրամով հանդիպումը` Sputnik Արմենիային ասաց Պողոսյանը։

Նշենք, որ Ժնևում կողմերը պայմանավորվել են միջազգային մարդասիրական իրավունքին համապատասխան միտումնավոր հարձակումներ չգործել քաղաքացիական բնակչության կամ ոչ ռազմական օբյեկտների վրա։

Ըստ «Մարդկային զարգացման միջազգային կենտրոնի» ղեկավարի` այդ պայմանավորվածությունները «դրսի աշխարհի համար» խուսափելու տեղ թողնող ձևակերպումներ են և Ադրբեջանին թույլ են տալիս խուսանավել։

«Եթե կպնի` պատահաբար է կպել, դա կոնկրետ թիրախավորած չէր։ Որ հարցնես, ադրբեջանցիներն ասելու են` դե, ուզում էինք ուրիշ տեղ կպնել, այդտեղ կպանք, ներողություն։ Մոտավորապես այսպիսի մի բան։ Կամ եթե վաղը մերոնք էլ կրակեն, նույն կերպ կարող են պատասխանել` դուք մեզ հարցնում եք` նպատակաուղղված թիրախավորե՞լ եք, մենք ասում ենք` ո՛չ, պատահաբար է ստացվել, ու թեման փակվում է»։

ԵԱՀԿ Մինսկի խմբի համանախագահների հայտարարության մեջ նշված էր նաև, որ համանախագահները շարունակելու են ինտենսիվ աշխատանքը կողմերի հետ՝ փորձելով գտնել հակամարտության խաղաղ կարգավորման ուղիներ։

«Ես շատ ուրախ կլինեի նման աշխատանքի համար, երբ Ստեփանակերտի շուկայի վրա առաջին իսկ կրակոցից հետո, լուսանկարների հրապարակումից նույնիսկ մեկ րոպե չանցած իրենց օգնականները արթնացնեին մարդկանց տարբեր ժամային գոտիներում և ասեին` դե, հիմա հայտարարություն արեք։ Ես կհասկանայի, որ իրենք շատ ակտիվ աշխատում են։ Այլ պարագայում ակտիվ աշխատանքներն ի՞նչ է` սկանդինավյան խաղաղապահներին բերելու խնդիրն է, որ քննարկվում է, թե ինչ–որ այլ բաներ... Կան գործիքակազմեր, որոնցով իրենք կարող են ազդել»,– ասաց Պողոսյանը։

Նրա խոսքով` ոնց որ թե բոլորն էլ գիտեն, որ այնտեղ կան միջազգային ահաբեկիչներ` ոչ մի բան չեն անում, բոլորը գիտեն, որ դա Թուրքիայի ներգրավվածությունն է` ոչ մի պատժամիջոց, ոչ մի հայտարարություն Թուրքիայի դեմ։

«Դեռ հակառակը` թուրքերն են վախեցնում, հրաման են տալիս, գնում, եկեղեցում մարդու վիզ են կտրում Եվրոպայի մեջտեղը քսանմեկերորդ դարում»,– նշեց Պողոսյանը։

«Մարդկային զարգացման միջազգային կենտրոնի» ղեկավարն այս պարագայում մատնանշում է դիվանագիտական դաշտում պատերազմի յուրահատկությունների հանգամանքը։ «Այո՛, նրանք աշխատում են իրենց շահերից, կարողություններից ելնելով, բայց խնդիրն այն է, որ այսօր մեր հայրենիքում պատերազմ է, մենք մեր Հայրենական պատերազմը պետք է տանենք։ Եվ ինձ համար, օրինակ, շատ ավելի հետաքրքիր ու կարևոր լուր էր, որ ի վերջո Հայաստանի Հանրապետությունը պաշտոնական նամակով դիմեց Ռուսաստանի Դաշնությանը։

Պողոսյանի խոսքով` Ռուսաստանին պաշտոնական նամակով դիմելը ավելի կարևոր էր, քան Ժնևի հանդիպումը։

190
թեգերը:
Թևան Պողոսյան, Ադրբեջան, Հայաստան
Ըստ թեմայի
Զոհրաբ Մնացականյանի և Ջեյհուն Բայրամովի ժնևյան հանդիպումը 6 ժամ է տևել
Հայկական զինված ուժերը մշակում են հրադադարի վերֆիկացիայի առաջարկներ. Արծրուն Հովհաննիսյան
«Ադրբեջանը ջրից չոր դուրս գալու անհաջող ճիգեր է անում». ՀՀ Պն խոսնակի արձագանքը
Դավիթ Բաբայան

Այս պահին կա 2 գերխնդիր. Դավիթ Բաբայանը` Շուշիի, առաջնագծի և դիվանագիտական աշխատանքի մասին

1041
(Թարմացված է 21:04 30.10.2020)
Արցախի նախագահի խորհրդականը չի բացառում, որ Ղարաբաղյան հակամարտության հարցերը քննարկելու համար ԵԱՀԿ ՄԽ եռանախագահության ձևաչափին զուգահեռ լինեն նաև այլ` տարածաշրջանային ձևաչափեր:
Բաբայան. «Մենք տեսնում ենք, որ դիվանագիտական աշխատանքը ուժեղանում է, և տարբեր երկրներ են ներգրավվում»

Արցախի նախագահի խորհրդական Դավիթ Բաբայանը Sputnik Արմենիայի հետ զրույցում, խոսելով սահմանին տիրող իրավիճակի մասին, հայտնեց, որ այն որևէ ձևով չի տարբերվում նախորդ օրերից, այսինքն լայնածավալ պատերազմ է։

«Հակառակորդը փորձում է մխրճվել մեր պաշտպանության համակարգ, մենք պահում ենք։ Գիշերվանից համառ մարտեր էին ընթանում որոշ հատվածներում։ Հակառակորդը փորձել է հենարան ստեղծել` այնուհետև իր գործողությունները Շուշիի վրա ծավալելու համար, և այդ հենարանը ոչնչացվել է մեր բանակի, տղաների, աշխարհազորի կողմից»,– նշեց Արցախի նախագահի խորհրդականը։

Բաբայանն անդրադարձավ նաև պատերազմին զուգահեռ ընթացող դիվանագիտական աշխատանքներին։ Իրանի ակտիվացման ու պաշտոնական բանագնաց, ԻԻՀ արտաքին գործերի նախարարի տեղակալ Աբբաս Արաղչիի` Ժնևում մեկնարկած Մնացականյան–Բայրամով հանդիպմանը նախորդած Բաքու, Մոսկվա, Երևան կատարած այցերի մասին խոսելով` Արցախի նախագահի խորհրդականն ընդգծեց Իրանի հավասարակշռված դերակատարությունը տարածաշրջանում։

Բաբայանի խոսքով` հակամարտության կարգավորման գործընթացում Իրանը հանդես է գալիս իր համար օբյեկտիվ տեսակետներից։

«Հասկանալով Իրանի յուրահատկությունը` ներքաղաքական, էթնոքաղաքական, մենք պետք է հասկանանք, որ դա այդքան էլ հեշտ գործ չէ` նման հակամարտության մեջ պահպանել հավասարակշռված մոտեցում։ Բայց Թեհրանը միշտ էլ այդպիսի մոտեցում ցուցաբերել է. հետևաբար ողջունում ենք Թեհրանի ներգրավումը այդ գործընթացին, որովհետև այդ գործում կապ չունի, որ նա ԵԱՀԿ ՄԽ–ի եռանախագահության անդամ չէ, բայց այնուամենայնիվ ակտիվ դերակատարություն ունի տարածաշրջանում խաղաղության և կայունության պահպանման գործում»,– ասաց նա։

Բաբայանի խոսքով` դիվանագիտական աշխատանքը ուժեղանում է, և տարբեր երկրներ ավելի ակտիվ ձևով են ներգրավվում դիվանագիտական, քաղաքական ասպարեզներում։

«Մենք արժևորում ենք ցանկացած հանդիպում և այս հանդիպումը ևս (իրանի բանագնացի – խմբ.)։ Չենք բացառում, որ կարող է լինել մի համաձայնագիր, որ Ադրբեջանը էլի կխախտի, բայց դա կարևոր չէ. կարևորը, որ հանդիպեն, և ցանկացած երկխոսություն իհարկե իր լուման պետք է որ ներդնի խաղաղ կարգավորման գործընթացում»,–հավելեց Արցախի նախագահի խորհրդականը։

Որքանո՞վ է Արցախի համար ընդունելի Իրանի առաջարկած Իրան–Ռուսաստան—Թուրքիա ձևաչափը. մանավանդ որ Իրանը թերագնահատել է ԵԱՀԿ ՄԽ–ի անցած երեք տասնամյակների գործունեությունը։

Արցախի նախագահի խորհրդականը հիշեցրեց`մենք երբևիցե դեմ չենք եղել ԵԱՀԿ ՄԽ ձևաչափին։

«Միշտ ասել ենք, որ հակամարտությունը պետք է կարգավորվի այս ձևաչափի ներքո։ Հիմա էլ ենք կարծում։ Բայց հաշվի առնելով խորքային փոփոխությունները տարածաշրջանում` իսկապես խորքային մի շարք փոփոխություններ են տեղի ունեցել` Թուրքիան է մտել խաղի մեջ, Թուրքիան ներխուժել է Անդրկովկաս, և կարելի է ասել` Ադրբեջանի դեպքում անշլյուսի պես բան է տեղի ունեցել, ոնց որ ֆաշիստական Գերմանիայի և Ավստրիայի միջև։ Սա նոր իրականություն է, և Թուրքիան կամավոր դուրս չի գալու տարածաշրջանից` դա բոլորի համար պետք է պարզ լինի։ Այս իրավիճակում, երբ Թուրքիան է ներխուժում և նույնպես ուզում է դերակատարություն ունենալ, բնական է, որ Իրանն էլ պետք է նման դերակատարություն ունենա։ Ես չեմ բացառում, որ ԵԱՀԿ ՄԽ եռանախագահության ձևաչափին զուգահեռ լինեն նաև այլ` տարածաշրջանային ձևաչափեր` հարցերը քննարկելու համար։ Ժամանակը ցույց կտա` ինչպես է զարգանում այդ ամենը»,– ասաց Բաբայանը։

«Ցավոտ փոխզիջումների» մասին հարցին պատասխանելով` նա կրկին մատնանշեց դիվանագիտական աշխատանքների և ժամանակի հանգամանքը. «Այս պահին մենք տանում ենք արյունալի մարտեր, և խոսել ցանկացած քաղաքական բաներից պետք է միայն պատերազմի ավարտից հետո։ Ինչպիսին կլինեն այդ փոխզիջումները` ում համար ցավոտ, ում համար ոչ պակաս ցավոտ` ցույց կտա ժամանակը»։

Արցախի նախագահի խորհրդականի խոսքով` այս պահին, սակայն, կա երկու գերխնդիր` պետք է ամեն ինչ անենք, որպեսզի պահպանենք Արցախը և կանգնեցնենք պատերազմը։

1041
թեգերը:
առաջնագիծ, Իրանի Իսլամական Հանրապետություն, Շուշի, Դավիթ Բաբայան, Արցախ
Ըստ թեմայի
Ճակատ մեկնելու ցանկություն հայտնածները Երևանում սովորում են ողջ մնալու արվեստը. տեսանյութ
Բելգիացի պատգամավորները ցնցված են Արցախում տեսածից. Արայիկ Հարությունյանը ընդունել է նրանց
Դավիթ Տոնոյանն ու ԱՄՆ դեսպանը քննարկել են Արցախի թեման

Չկողմնորոշվող Ադրբեջան. տոնում են Ջալալ Հարությունյանի «մահը», հետո նրա դեմ գործ հարուցում

0
Ադրբեջանը հերթական չստացված բեմադրությունն է արել։ Այս անգամ «Սմերչի» հրթիռը խնամքով անցք է բացել սեղանի մեջ՝ չտեղաշարժելով աթոռները։

Ադրբեջանական քարոզչամեքենան շարունակում է ապատեղեկատվական հեղեղը։ Այդ շարքում զավեշտալի տեղեկություններն իրար հերթ չեն տալիս։ ՀՀ պաշտպանության նախարարությունը «Կեղծիք՝ մանկամտության մակարդակի» խորագրով տեսանյութ է հրապարակել, որում պատմում են մասնավորապես Արցախի պաշտպանության նախկին նախարար Ջալալ Հարությունյանի վերաբերյալ վերջին օրերին հյուսված կեղծ տեղեկությունների, ապա զավեշտալի որոշումների ու հայտարարությունների մասին։

Հոկտեմբերի 27-ին նախագահ Ալիևը տեսանյութ էր հրապարակել՝ հայտնելով, թե իրենց հաջողվել է մահացու վիրավորել Ջալալ Հարությունյանին։ Այս տեղեկությունն արագ հերքվեց, իսկ դրանից օրեր անց Բաքուն ինքն իրեն հակասեց։ Ադրբեջանի գլխավոր դատախազությունը քրեական գործ է հարուցել և միջազգային հետախուզում հայտարարել Ջալալ Հարությունյանի նկատմամբ։ Այն Ջալալ Հարությունյանին, որի «մահը» օրեր առաջ տոնում էր ադրբեջանական քաղաքական վերնախավը։

«Այս կերպ խոստովանեցին, որ ՊԲ նախկին հրամանատարը ողջ է կամ էլ խելագարության այն աստիճանին են հասել, որ ուրվականներին են հետապնդում»,- նշվում է տեսանյութում։

Հետախուզվողների պատվավոր շարքում է նաև ԱՀ նախագահ Արայիկ Հարությունյանը, նրա խորհրդական Դավիթ Բաբայանը, ՀՀ ԱԺ պատգամավոր Արման Բաբաջանյանը։ Նրանք մեղադրվում են Գյանջան հրետակոծելու և խաղաղ բնակչության հանդեպ հանցագործությունների համար։

Դրանից հետո էլ Ադրբեջանը հերթական չստացված բեմադրությունն է ներկայացրել։ Նախագահի խորհրդական Հիքմեթ Հաջիևը Twitter-ի իր էջում լուսանկար է հրապարակել, որում «Սմերչի» հրթիռը խնամքով անցք է բացել սեղանի մեջ, ապա մխրճվել գետինն ու չի պայթել։ Անգամ աթոռներն են նույն դիրքում խնամքով դրված։

0