Տիգրան Քեյան

Ինչ է պետք անել Երևանում խցանումներից խուսափելու համար. Քեյանը լուծում է առաջարկում

131
(Թարմացված է 18:19 16.09.2020)
«Վարորդի ընկեր» ՀԿ նախագահ Տիգրան Քեյանը Sputnik Արմենիայի եթերում անդրադարձել է մայրաքաղաքի փողոցներում առկա խցանումների խնդրին, որն ավելի է սրվել ուսումնական տարվա մեկնարկի հետ։ 
Քեյան. «Խցանումից խուսափելու համար պետք է երթևեկության հանդեպ իրականացնել պատշաճ հսկողություն»

Երևանի Մյասնիկյան պողոտայում պարբերաբար տեղի ունեցող խցանումների պատճառը Հերացի փողոցում գտնվող հիմնարկների դիմաց մեքենաների կայանումն է. երբեմն մեքենաները զբաղեցնում են նաև երթևեկելի երկրորդ, երրորդ գոտիները, մինչդեռ համարժեք հսկողության պարագայում այդքան ծանրաբեռնվածություն չի լինի։ Sputnik Արմենիայի եթերում նման տեսակետ է հայտնել «Վարորդի ընկեր» ՀԿ նախագահ Տիգրան Քեյանը, անդրադառնալով ուսումնական տարվա մեկնարկով պայմանավորված խցանումների աճին։ 

«Քանի որ դպրոցներում այժմ գործում է երկրորդ, որոշներում` նաև երրորդ հերթ, ապա կենտրոնում գտնվող դպրոցների մոտ երեխաներին ուղեկցող ծնողների հոսքը կրկնապատկվում է հերթափոխի ժամանակ, նրանցից շատերը վարում են մեքենա, ուստի ծանրաբեռնվածությունն ազդում է այդ հատվածների երթևեկության վրա։ Լավ կլիներ, որ ուսանողների ու պետական ծառայողների ժամային գրաֆիկը չհամընկներ, որպեսզի լրացուցիչ հոսք չառաջանար։ Քաղաքապետարանը կարող է նույնիսկ մտածել այն մասին, որ որոշ շենքերի աշխատակազմերին տեղափոխի քաղաքի այլ հատվածներ։ Մեզ մոտ ամեն ինչ տեղակայված է Երևանի կենտրոնում»,– նշում է «Վարորդի ընկեր» ՀԿ նախագահը։

Նրա կարծիքով` ամենագլոբալ հարցը վերաբերում է մայրաքաղաքում շրջանաձև մեծ երթևեկություն կազմակերպելուն, թեև դա կապված է մեծ գումարների հետ։

Խցանումները կպակասեն. վարորդներին խոստացած ԱՊՊԱ–ի նոր հավելվածն արդեն գործում է

Ըստ Քեյանի` շրջանաձև երթուղին հնարավորություն կտա շատերին շրջանցել քաղաքի կենտրոնն ու չընկնել խցանումների մեջ։ Քեյանի գնահատմամբ` խցանումներին մեծապես նպաստում է նաև տաքսիների թվաքանակի ավելացումը, քանի որ շատ մարդիկ չեն աշխատում իրենց մասնագիտությամբ, հետևաբար, ընտանիքի կարիքները հոգալու համար ստիպված տաքսի են վարում։  

Երևանը փրկվում է խցանումներից. ինչպես ընդլայնել մետրոն և բեռնաթափել մայրաքաղաքի փողոցները

131
թեգերը:
Տիգրան Քեյան, Երևան, խցանում
Ըստ թեմայի
Քեյան. «Գծատերերին պետք է հարկային արտոնություններ տալ»
Տուգանքների քանակն ավելանում է, բայց երթևեկության արդյունավետության արդյունքը զրո է. Քեյան
«Բջջային հավելվածի ու ծածուկ ծառայության պարագայում ՃՈ–ն արդեն կարող է լուծարվել». Քեյան

Իրավիճակը շարունակում է լարված մնալ. Sputnik Արմենիայի ռադիոեթերը` ուղիղ տեսահեռարձակմամբ

56
(Թարմացված է 09:04 28.09.2020)
Այս ժամի լուրերը Արցախից` ըստ պաշտոնական լրահոսի. Հայկական ԶՈւ-ն վերականգնել է նախկինում կորցրած մի շարք դիրքեր։ «Ցավոք քիչ առաջ տեղեկություն ստացանք, որ հրետակոծվել է Մարտունի քաղաքը». զրուցել ենք Արցախի նախագահի մամուլի խոսնակ Վարհամ Պողոսյանի հետ։
56
Վարդան Ոսկանյան

Արցախի դեմ ադրբեջանական ագրեսիան ոտնահարում է նաև Իրանի անվտանգային շահերը. Ոսկանյան

157
(Թարմացված է 22:40 27.09.2020)
Իրանագետ, ԵՊՀ արևելագիտության ամբիոնի վարիչ Վարդան Ոսկանյանը Sputnik Արմենիայի եթերում անդրադարձել է Արցախի դեմ սանձազերծված լայնածավալ ագրեսիային և հատկապես Իրանի դիրքորոշմանը, առավել ևս, որ մարտական գործողություններն ընթանում են Իրանի հետ սահմանի հարևանությամբ։ 
Ոսկանյան. «Արցախի դեմ Ադրբեջանի ագրեսիան ոտնահարում է նաև Իրանի անվտանգային շահերը»

Իրանագետ, ԵՊՀ արևելագիտության ամբիոնի վարիչ Վարդան Ոսկանյանի դիտարկմամբ` Բաքվի բռնապետական վարչակարգի սանձազերծած ագրեսիան անհանգստացնում է Իրանին, քանզի վերջինս սահմանակից է հակամարտության գոտուն և ըստ էության ոտնահարվում են նաև Իրանի անվտանգային շահերը։

«Եթե հետևենք իրանական մամուլին, որտեղ շատ ակտիվորեն աշխատում են տելեգրամյան ալիքները տարածում են հայկական պաշտոնական տեղեկատվությունը` կատարելով չափազանց հետաքրքիր շեշտադրումներ։ Մասնավորապես նույն տելեգրամյան ալիքների տեղեկատվության մեջ «ադրբեջանական հանրապետություն» եզրույթը չի կիրառվում, այլ օգտագործվում է «Բաքվի վարչախումբ» եզրույթը, ինչը հստակ ցուցիչն է բարեկամական կապերի, որոնք առկա են հայաստանյան իրանագիտական դպրոցի ու իրանցի գործընկերների միջև»,– Sputnik Արմենիայի հետ զրույցում ասաց իրանագետը։

Ոսկանյանի կարծիքով` իրանական կողմին ամենևին ձեռնտու չէ, որ արցախա-ադրբեջանական հակամարտության գոտու երկայնքով մեկ Ադրբեջանը ստանա որևէ առավելություն, որովհետև դա ուղղակիորեն կխաթարի Իրանի անվտանգությունը։

Ադրբեջանցիները կեղծ հաղորդագրություններ են ուղարկում. ԱԱԾ-ն հորդորում է զգոն լինել

Ըստ նրա` արդեն իսկ կան որոշակի լուրեր, որ ադրբեջանական կողմը փորձում է ներազդել Իրանի հյուսիսի թուրքալեզու բնակչության վրա և դեռ չճշգրտված տեղեկությունների համաձայն`  փորձ է արվում այնտեղից հավաքագրել վարձկաններ, ինչը նույնպես խաթարում է Իրանի ներքին անվտանգային միջավայրը։ 

«Իրանը պետականության հնագույն ավանդույթներ ունեցող երկիր է, հետևաբար իրանցիները ուշի–ուշով հետևում են ներկա գործընթացներին, հետևաբար մենք պետք է սերտացնենք աշխատանքները թե՛ Իրանի ԱԳՆ–ի, թե՛ այլ պատկան մարմինների հետ, որպեսզի իրանական դիրքորոշումներն ու մոտեցումները համահունչ լինեն հայկական կողմի դիրքորոշումներին ու մոտեցումներին։ Իրանագետներն էլ պատրաստ են իրենց ողջ ունեցած ներուժն ու հնարավորություններն ի սպաս դնել մեր պետությանը»,– նշեց Ոսկանյանը։

Իրանագետի գնահատմամբ` իրանցիները հռետորաբանության մակարդակում փորձելու են պահպանել հավասարակշռություն, սակայն տեղեկատվական տիրույթում վարելու են հայամետ քաղաքականություն, որպեսզի թուրքական ներգրավվածությունն այդ դաշտում հասցվի նվազագույնի։

Ոսկանյանի խոսքով`ուղղակի թշնամանք կդիտվի Իրանի դեմ նաև այն, որ թուրքական ներգրավվածություն իր մասին զգացնել տա նաև Նախիջևանի հատվածում, որն Իրանի անվտանգության համար պարզապես կենսական գոտի է։

 

157
թեգերը:
Իրանի Իսլամական Հանրապետություն, Պատերազմ, Ադրբեջան, Արցախ, Վարդան Ոսկանյան
թեմա:
Ադրբեջանական ագրեսիա Արցախում. 2020
Ըստ թեմայի
«Գնալու ենք այդ հարցը վերջնական լուծելու». ՀՅԴ–ականները կազմ–պատրաստ սպասում են հրամանի
Բոլոր փաստերը կհավաքենք ու կներկայացնենք. ինչպես է իրականում Ադրբեջանը հարձակումը սկսել
Դավիթ Տոնոյանը Մոսկվա չի մեկնել. ՌԴ-ում ՀՀ դեսպանությունը հերքում է լուրը
Արցախի պաշտպանության բանակն առաջնագծից տեսանյութ է հրապարակել
Նիկոս Դենդիաս

Հունաստանը պատրաստ է աջակցել ԼՂ–ում հակամարտության լարվածությունը մեղմելու ջանքերին

0
(Թարմացված է 10:20 28.09.2020)
Հունաստանի արտաքին գործերի նախարար Նիկոս Դենդիասը հիշեցրել է, որ Մնացականյանի հետ հեռախոսազրույցի ընթացքում վերահաստատվել են Հունաստանի և Հայաստանի միջև բարեկամական ամուր կապերը։

ԵՐԵՎԱՆ, 28 սեպտեմբերի – Sputnik. Հունաստանը հայտարարել է, որ պատրաստ է աջակցել Լեռնային Ղարաբաղում հակամարտության լարվածությունը մեղմելու ջանքերին։ Հունաստանի ԱԳ նախարարը նման գրառում է արել Twitter-ի իր էջում՝ Հունաստանի և Հայաստանի ԱԳ նախարարներ Նիկոս Դենդիասի և Զոհրաբ Մնացականյանի երեկ կայացած հեռախոսազրույցից հետո։

«Մնացականյանի հետ հեռախոսազրույցի ընթացքում վերահաստատվել են Հունաստանի և Հայաստանի միջև բարեկամական ամուր կապերը: Դենդիասը դատապարտել է մարդկային կորուստները և պատրաստակամություն հայտնել աջակցել Լեռնային Ղարաբաղում անհապաղ դեսկալացիային ուղղված ջանքերին»,- նշվածէ գրառման մեջ։

Հիշեցնենք, որ սեպտեմբերի 27–ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով:

Ըստ վերջին տեղեկությունների` ադրբեջանական զինուժը կորցրել է 5 ուղղաթիռ, 27 անօդաչու թռչող սարք, 33 տանկ և ՀՄՄ, 2 ինժեներական զրահատեխնիկա։

«Հպարտ և շնորհակալ եմ մեր ժողովրդին». Արայիկ Հարությունյանը դիմել է բնակչությանը

Հակառակորդի կրակոցների հետևանքով զոհվել են 31 զինծառայողներ և 2 քաղաքացիական անձինք։ Հայկական կողմը 100–ից ավելի վիրավոր ունի։ Հակառակորդի կորուստներն անհամեմատ մեծ են։ Արցախում և Հայաստանում ռազմական դրություն և համատարած զորահավաք է հայտարարվել։

0
թեգերը:
Ադրբեջան, Հայաստան, Արցախ, Ղարաբաղյան հակամարտություն, Լեռնային Ղարաբաղ, Հունաստան
թեմա:
Ադրբեջանական ագրեսիա Արցախում. 2020
Ըստ թեմայի
Հակառակորդը «Սմերչ» է օգտագործել. տեսանյութ
Հակառակորդի մի քանի տասնյակ դիակներ հայկական կողմում են. տեսանյութ 18+
Արդեն երկրորդ օրն է՝ Ադրբեջանում սոցցանցերը չեն աշխատում