Գառնիկ Պետրոսյան

Ինչ պետք է անել Հայաստանում պտղաբուծությունը զարգացնելու համար

30
(Թարմացված է 15:14 15.09.2020)
ՀՀ գյուղատնտեսության նախկին փոխնախարար Գառնիկ Պետրոսյանը Sputnik Արմենիայի եթերում անդրադարձել է Նիկոլ Փաշինյանի կողմից ներկայացված գյուղատնտեսական ցուցանիշներին։ 
Պետրոսյան. «Պետք է մեծացնել պտղաբուծության աշխարհագրությունը` ներառելով ավելի բարձր տարածաշրջանն»

Կորիզավոր պտուղների մշակումը Հայաստանում պետք է պարբերաբար զարգացնել` օգտվելով մեր բնակլիմայական պայմանների ընձեռած հնարավորություններից։ Sputnik Արմենիայի հետ զրույցում նման տեսակետ է հայտնել ՀՀ գյուղատնտեսության նախկին փոխնախարար Գառնիկ Պետրոսյանը։

ՀՀ վարչապետ Նիկոլ Փաշինյանն իր ֆեյսբուքյան էջում գրել էր, որ կորոնավիրուսով պայմանավորված տնտեսական ճգնաժամի ֆոնին կան նաև լավ լուրեր, օրինակ` 2020 թ.–ի հունվար– հուլիս ամիսներին գրանցվել է պտուղ–բանջարեղենի ապրանքախմբերի արտահանման աճ։

«Պետք է ավելի մեծ ուշադրություն դարձնել հատապտուղների արտադրության զարգացմանը։ Ելակի ծավալներն այս տարի ավելացել են, արտահանումն էլ բավականաչափ լավ էր ընթանում, ինչի շնորհիվ ներքին շուկայում գները միշտ մնացին բարձր կայուն մակարդակի վրա, և նախորդ տարիների նման անկում չգրանցվեց։ Հատապտուղներ աճեցնելու բարենպաստ պայմաններ ունենք հատկապես նախալեռնային գոտիներում։ Աշխարհագրությունը պետք է մեծացնել` ներառելով ավելի բարձր տարածաշրջաններ»,– նշում է գյուղատնտեսության նախկին փոխնախարարը։

Արմավիրի մարզի «թաքուն» այգիները, կամ ինչու է պայմանագիր կնքելը ձեռնտու գյուղատնտեսներին

Նրա փոխանցմամբ` թեև հնարավորությունները բավականին մեծ են խաղողագործության ոլորտում, սակայն այդ ճյուղին պատշաճ ուշադրություն չի դարձվում, մինչդեռ կոնյակագործությունն ու գինեգործությունը միշտ բարձր արդյունք ապահովող և մեծ ներուժ ունեցող ուղղություններ են եղել։ 

«Մեր արտադրատեսակներից արտասահմանում, բնականաբար, ամենապահանջվածը շարունակում է մնալ հայկական ծիրանը, բավական մեծ է նաև կեռասի պահանջարկը։ Մեզ համար հիմա շատ կարևոր է նաև չորացված մրգերի արտադրության զարգացումն ու արտահանումը, և այս ուղղությունը նույնպես հեռանկարային է»,– նշում է գյուղատնտեսության փոխնախարարը։

Պետրոսյանը լուրջ ուշադրություն է հրավիրում նաև օրգանական գյուղատնտեսության զարգացման վրա` հաշվի առնելով այն հանգամանքը, որ Հայաստանի բարձրադիր գոտիներում առկա են հրաշալի պայմաններ, արդյունաբերական արտանետումներ չկան, հողերը զերծ են ծանր մետաղներից, շատ հատվածներում կան մաքուր ջրաղբյուրներ։

Ըստ նրա` թեև դա չի կարող լինել մեծ ծավալներով, բայցևայնպես, կան ռեսուրսներ, որոնք չեն օգտագործվում, մինչդեռ եվրոպական շուկաներում օրգանիկ բնամթերքի պահանջարկը գնալով ավելի շատ է մեծանում։ 

«Աշխարհը փոխել է մեր խնդիրները». նախագահը գյուղատնտեսներին առաջարկել է օգտվել իր կապերից

30
թեգերը:
հատապտուղ, ՀՀ Գյուղատնտեսության նախարարություն, գյուղատնտեսություն, Գառնիկ Պետրոսյան
Ըստ թեմայի
Պետրոսյան. «Եթե մինչև ապրիլի 10 ցրտահարություններ չլինեն, ծիրանի բերքը կփրկվի»
Խաղողը կմնա՞ դաշտերում. խաղողագործն ու գինեգործը հայտնվել են դժվար իրավիճակում
Չի կարելի թույլ տալ, որ ամեն ինչ լինի միայն գյուղացու հաշվին. նախկին փոխնախարար
Վահան Վարդապետյանը

Վարչապետի կարգադրությունը վերջ դրեց իմ անհանգստությանը. բժիշկ–գինեկոլոգ

341
(Թարմացված է 15:56 19.09.2020)
Բժիշկ–գինեկոլոգ Վահան Վարդապետյանը Sputnik Արմենիայի եթերում անդրադարձել է արյունաբանական կենտրոնի հետ կապված վերջին օրերի վիճահարույց խնդրին։

 

Վարդապետյան. «Հայաստանի բոլոր բնագավառներում ու նաև առողջապահության մեջ կադրային սով է»

Վահան Վարդապետյանի փոխանցմամբ` երբ արյունաբանական ինստիտուտի շուրջ խոսակցությունները սկսեցին զարգանալ, այնժամ իր` ոչ միայն որպես բժշկի, այլև առողջապահության բնագավառի բազմափորձ աշխատողի մեջ խորն անհանգստություն և հիասթափություն առաջացավ, որ կարող էր Սամվել Դանիելյանի նման պրոֆեսիոնալ կադրից ազատվելու որոշում կայացվել։

«Ապրումներ ունեցա, որովհետև այսօրվա Հայաստանի բոլոր բնագավառներում ու նաև առողջապահության մեջ կադրային սով է։ Միաժամանակ շատ մեծ նշանակություն ունի և՛ պրոֆեսիոնալիզմը, և՛ մարդկային նկարագիրը։ Չեմ ուզում թաքցնել, երբ 2018 թվականին արյունաբանական կենտրոնում կադրային փոփոխություններ էին սպասվում, շատերը նաև ինձանից հետաքրքրվեցին։ Ես իմ բավականին լավ կարծիքը հայտնեցի Սամվել Դանիելյանի մասին, հետևաբար շատ ուրախացա, որ նրա մասին բոլորը շատ բարձր կարծիք էին հայտնել»,– նշում է բժիշկ–գինեկոլոգը։

Վահան Վարդապետյանի գնահատմամբ` 65 տարին լրանալու առթիվ ահազանգ հնչեցնելն ու պնդելը, որ ազատվեն աշխատանքից, սխալ է։ Ըստ նրա` կա՞ արդյոք մեկ այլ անձ, ով պրոֆեսիոնալիզմով ու մարդկային որակներով նրան հավասար է կամ մոտ է նրա մակարդակին, կամ կա՞ արդյոք Սամվել Դանիելայնին փոխարինելու ծրագիր, որպեսզի այս չափազանց կարևոր ոլորտը չտուժի։

«Պատահական նշանակումներն ու հապճեպ որոշումները ճիշտ չեն։ Այդ առումով իմ անհանգստությանն ու հուզմունքին վերջ դրեց վարչապետի կարգադրությունը։ Սա այն դեպքն է, որ կարծես ամեն ինչ ընկնում է իր տեղը։ Այո, պետք է գնահատել բարձր մարդկային որակներ ունեցող պրոֆեսիոնալ կադրին»,– նշում է բժիշկ–գինեկոլոգը։

Ուռուցքաբանակում հիվանդին ջուր չեն տվել, սպասարկող բժիշկ չի եղել. ազատում և նկատողություն

Վարդան Վարդապետյանը ցանկանում է շնորհավորել առողջապահական համակարգին, որ Սամվել Դանիելյանի գործունեությունը պետք է շարունակվի։ 

Հիշեցնենք` ՀՀ առողջապահության նախարարը ծանուցել էր, որ այլևս չի երկարաձգվելու արյունաբանական կենտրոնի տնօրեն Սամվել Դանիելյանի աշխատանքային պայմանագիրը, ինչն էլ առողջապահության ոլորտի աշխատակիցների շրջանում դարձել էր բողոքի  և հուզումների պատճառ։ 

Սեպտեմբերի 17-ի երեկոյան ՀՀ վարչապետ Նիկոլ Փաշինյանը հայտարարեց, որ Սամվել Դանիելյանը կշարունակի պաշտոնավարել և որ ինքն առողջապահության նախարարին հանձնարարել է երկարացնել նրա հետ աշխատանքային պայմանագիրը։

341
թեգերը:
Նիկոլ Փաշինյան, բժիշկ, Յոլյանի անվան արյունաբանական կենտրոն, Սամվել Դանիելյան
Ըստ թեմայի
Արյունաբանական կենտրոնի 41 բժիշկ պատրաստվում են ազատվել աշխատանքից. դիմել են Փաշինյանին
Արյունաբանականի ևս 13 աշխատակից ազատման դիմումներ են գրել
Ինչու՞ վարչապետի տիկինն անձամբ չի հանձնել նվերները արյունաբանականում բուժվող փոքրիկներին
Ահարոն Վարդանյան

ԱՄՆ–ն ընդդեմ ԱՄՆ-ի. Վաշինգտոնը զրկվել է Իրանի էմբարգոն երկարաձգելու իրավական լծակից

30
Իրանագետ Ահարոն Վարդանյանը Sputnik Արմենիայի եթերում անդրադարձել է Իրանի Իսլամական Հանրապետության շուրջ ստեղծված աշխարհաքաղաքական իրադրությանն ու Իրանին զենք վաճառելու արգելքի հետ կապված խնդրին։
Վարդանյան. «ԱՄՆ–ն Իրանի սպառազինության էմբարգոն երկարաձգելու իրավական լծակ չունի»

Ահարոն Վարդանյանի դիտարկմամբ` խնդիրն այն է, որ սպառազինության արգելքը լրանում է ոչ թե ԱՄՆ-ի կողմից, այլ ՄԱԿ-ի կողմից սահմանված պատժամիջոցային համակարգում։ Անվտանգության խորհրդի 2231 բանաձևն էլ հենց այդ մասին է վկայում, և այստեղ, ըստ իրանագետի, կա մի նրբություն. ԱՄՆ–ն 2018 թվականին դուրս գալով միջուկային համաձայնագրից` փաստորեն ոչ մի իրավական լծակ չունի սպառազինության հետ կապված պատժամիջոցային արգելքը երկարաձգելու։

«Տարօրինակն այն է, որ ԱՄՆ-ն հղում էր անում մի համաձայնագրի, որի անդամ չէ 2018 թվականից, ինչն աշխատում է հենց Միացյալ Նահանգների դեմ։

Վերջինս դիմեց տարատեսակ քայլերի, բերեց տարաբնույթ պատճառաբանություններ, որպեսզի ՄԱԿ-ի Անվտանգության խորհրդին կարողանար համոզել, որ Իրանի դեմ արգելքի ժամկետները պետք է երկարաձգվեն, սակայն ԱԽ-ն դեմ արտահայտվեց ամերիկյան նախաձեռնությանը»,– նշում է իրանագետը։

Ահարոն Վարդանյանի կարծիքով` Իրանը շուտով հնարավորություն կունենա թարմացնել իր զինանոցը` տարբեր երկրներից ու ընկերություններից գնելով համապատասխան սպառազինություն։

Իրանի դեմ պատժամիջոցներ․ ԱՄՆ-ն կկարողանա՞ հասնել ուզածին

«Անկախ ամեն ինչից՝ միջուկային պայմանագրով նախատեսված պատժամիջոցներն ու նախապայմաններն ուժի մեջ են, սակայն ԱՄՆ–ի դուրս գալուց հետո Իրանը մյուս պետությունների առջև իր հերթին նույնպես պայման է դրել, որպեսզի ոչ միայն ինքը, այլև պայմանագրի անդամ մյուս բոլոր երկրները կատարեն ստանձնած պարտավորությունները»,– նշում է իրանագետը։

Ահարոն Վարդանյանի տեղեկացմամբ` պաշտոնական Թեհրանն առաջարկում է ստեղծել գոնե այնպիսի համակարգ, որ Իրանը կարողանա օգտվել մասնավորապես բանկային փոխանցումներից և այլ գործառույթներից, որոնք սառեցվել կամ կասեցվել են միջուկային կոնֆլիկտի պատճառով։

30
թեգերը:
սպառազինություն, ԱՄՆ, Իրանի Իսլամական Հանրապետություն
Ըստ թեմայի
Ամերիկա-իրանյան առճակատման գերին. ԱՄՆ-ի հաղթանակներն ու պարտություններն Իրաքում
Իրանը զորավարժությունների ընթացքում պայթեցրել է ԱՄՆ ավիակրի մանրակերտը․ լուսանկարներ
ԱՄՆ–ն ձգտում է Մերձավոր Արևելքում հնարավորիս լայն ճակատ ստեղծել Իրանի դեմ. Պողոսյան
Եվգենի Պետրոսյան, Ելենա Ստեպանենկո

«Ստեպանենկոյին կյանքիցս դուրս չեմ նետել»․ Պետրոսյանը խոսել է ամուսնալուծության մասին

6
(Թարմացված է 19:39 19.09.2020)
Հոգնելով բազմաթիվ մեղադրանքներից` դերասան Եվգենի Պետրոսյանը որոշել է մեկնաբանել իր և Ելենա Ստեպանենկոյի ամուսնալուծությունը։

ԵՐԵՎԱՆ, 19 սեպտեմբերի – Sputnik. Հայտնի երգիծաբան Եվգենի Պետրոսյանն առաջին անգամ խոսել է նախկին կնոջ՝ Ելենա Ստեպանենկոյի հետ բաժանման պատճառների մասին։

Արտիստը Instagram սոցիալական ցանցում բանավեճի մեջ է մտել իր հետևորդուհիներից մեկի հետ։ Աղջիկը Պետրոսյանին քննադատել է Ստեպանենկոյից բաժանվելու համար։

«Նորաձև է դարձել «ռեսուրսը սպառած» կանանց տախտակամածից նետելը, որոնք տարիներ շարունակ մարդու կողքին են եղել»,-գրել է նա։

Նա առաջին մարդը չէր, որվ մեղադրել է արտիստին կնոջ հետ վատ վարվելու համար։ Այս անգամ դերասանը չի դիմացել և պատասխանել է քննադատությանը։

Մասնավորապես Պետրոսյանը հայտարարել է, որ Ստեպանենկոյից բաժանվել է ոչ իր կամքով։ Նա խոստովանել է, որ բաժանման նախաձեռնությունը հենց արտիստուհունն է եղել։

«Ես Ելենա Ստեպանենկոյին կյանքիցս դուրս չեմ նետել։ Նա է արել դա, ընդ որում՝ շատ վաղուց»,-բակացած ասել է երգիծաբանը։

Մեկնաբանությունները, ըստ ամենայնի, արդեն հեռացվել են արտիստի էջից։ Սակայն այդ մասին  հայտնում է «Комсомольская правда» թերթը։

Եվգենի Պետրոսյանը վաճառում է Սոչիի իր 2 բնակարանները. հարևանները պատմել են, թե ինչու

Պետրոսյանն ու Ստեպանենկոն ամուսնալուծվել են 2018 թվականին` 33 տարվա ամուսնական կյանքից հետո։ 67-ամյա հեռուստահաղորդավարուհին բազմիցս հայտարարել է, որ զայրացած չէ նախկին ամուսնու վրա, նրան միմիայն երջանկություն է մաղթում։ Անցած տարվա դեկտեմբերին Եվգենի Պետրոսյանն ամուսնացել է իր երիտասարդ օգնականի՝ 31-ամյա Տատյանա Բրուխունովայի հետ։ Այս տարվա մարտին զույգը որդի է ունեցել։ Շատերը կարծում էին, որ ամուսիններն օգտվել են փոխնակ մոր ծառայությունից։ Սակայն այդ վարկածը կտրականապես հերքեցին սկզբում Պետրոսյանը, իսկ այնուհետև ինքը՝ Տատյանան։

«Շնորհակալ եմ կարանտինին. ոչ ոք և ոչինչ չէր շեղում ինձ նոր մարդու հետ ծանոթանալու հետաքրքրական գործընթացից։ Գարնանը մեկնեցի  շատ սպասված ճանապարհորդության, որտեղ ինձ պատասխանատու դեր էր վստահված․այսուհետ և ընդմիշտ ես մայր եմ...»,-իր անձնական բլոգում գրել է արտիստի ընտրյալը։

View this post on Instagram

A post shared by Евгений Петросян (@petrosyanevgeny) on

Որդին՝ Վահանը, Բրուխունովայի առաջին երեխան է։ Պետրոսյանն առաջին ամուսնությունից դուստր ունի՝ Վիկտորիան։

6
թեգերը:
Տատյանա Բրուխունովա, ամուսնալուծություն, Ելենա Ստեպանենկո, Եվգենի Պետրոսյան
Ըստ թեմայի
Երիտասարդացած Եվգենի Պետրոսյանը կնոջ հետ հանգստանում է Սոչիում. լուսանկարներ
Քանի՞ ամսական է երեխան. Եվգենի Պետրոսյանի երիտասարդ կինը պատասխանել է օգտատերերի հարցերին
«Ցուրտ է, իսկ ջուրը` կեղտոտ»․ Եվգենի Պետրոսյանի կինը զայրացրել է հետևորդներին