Արմեն Եղիազարյան

ԿԳՄՍ նախարար Արայիկ Հարությունյանի գնալու ժամանակն է

256
(Թարմացված է 18:08 10.09.2020)
ԱԺ «Լուսավոր Հայաստան» խմբակցության պատգամավոր Արմեն Եղիազարյանը Sputnik Արմենիայի եթերում անդրադարձել է ԼՀԿ–ի նախաձեռնությանը, որն առնչվում է ԿԳՄՍ նախարար Արայիկ Հարությունյանին։
Եղիազարյան. «Եկել է պահը, որ ԱԺ–ում արդեն քննարկվի Արայիկ Հարությունյանի անվստահության հարցը»

«Լուսավոր Հայաստան» խմբակցության նախաձեռնությամբ` սեպտեմբերի 16-ին` ժամը 14։30-ին, Ազգային ժողովում քննարկվելու է ԿԳՄՍ նախարար Արայիկ Հարությունյանին անվստահություն հայտնելու հարցը։ 

Մխիթարյան. «ԿԳՄՍ նախարարության ներկայացրած նախագիծը թերի է և միակողմանի»

ԱԺ «Լուսավոր Հայաստան» խմբակցության պատգամավոր Արմեն Եղիազարյանի փոխանցմամբ` իրենք մշակել էին հարցապնդում, հետևաբար, մինչև գարնանային նստաշրջանի ավարտն այն արդեն իսկ մուտքագրել էին ԱԺ կանոնակարգ–օրենքի համաձայն և սպասում էին, որ ամառային նստաշրջանի սկզբում հարցը կքննարկվեր։

Ըստ Եղիազարյանի` եկել է պահը, որ ԱԺ–ում արդեն քննարկվի Արայիկ Հարությունյանին անվստահություն հայտնելու հարցը։

«Այս ընթացքում Արայիկ Հարությունյանի գործունեության առթիվ այլ հարցերով վերստին ակտիվացան բողոքները, նույնիսկ առաջ են եկել նոր հարցեր, որոնք ժամանակին մեր հարցապնդման մեջ ներառված չէին։ Այդ բողոքները վերաբերում են կորոնավիրուսի ժամանակաշրջանում ի հայտ եկած այն խնդիրներին, որոնք առնչվում են, օրինակ, ընդունելության քննություններին, դպրոցների հաճախելիությանը և այլ հարցերին։ Այդ ամենը գումարվեց ամբողջ գործընթացին, ինչը մենք սեպտեմբերի 16-ին կներկայացնենք համապարփակ ձևով` ի լրումն այն հարցերի, որոնք նախապես ներառել էինք անվստահություն հայտնելու հարցապնդման մեջ»,– նշում է ԱԺ պատգամավորը։

Ուսումնական տարին վերսկսելու 3 սցենար է քննարկվել. ԿԳՄՍՆ

Անդրադառնալով նաև ակցիա կազմակերպելու իրենց կոչին` պատգամավորը տեղեկացրեց, որ հաշվի առնելով բողոքի ալիքի ընդգրկելիությունն ու ամբողջ բնակչության շրջանում առաջացած ընդհանուր կարծիքն Արայիկ Հարությունյանի գործունեության վերաբերյալ, ԼՀԿ–ն, որպես պառլամենտական ուժ և պաշտոնապես գործընթաց սկսած կուսակցություն, հանդես է գալիս կոչով և առաջարկում  իրենց տեսակետները կիսող քաղաքացիներին սեպտեմբերի 16-ին, երբ ԱԺ–ում կքննարկվի ԿԳՄՍ նախարարի անվստահության հարցը, զուգահեռաբար ակցիա անցկացնել և նույն պահանջով հավաքվել խորհրդարանի շենքի մոտ։  

Եղիազարյանը խոսեց նաև «Իմ քայլից» Արսեն Ջուլֆալակյանի մանդատը վայր դնելու մասին։

Վերջինս հայտարարել էր, որ իր հրաժարականի պատճառը ԿԳՄՍ նախարար Արայիկ Հարությունյանի հետ ունեցած սկզբունքային անհամաձայնություններն են նրա ենթակայության տակ գտնվող ոլորտների ներկա կառավարման մոտեցումների վերաբերյալ: Արմեն Եղիազարյանի կարծիքով` գուցե իշխանական խմբակցությունում նույնպես դժգոհ են եղել Արայիկ Հարությունյանի գործունեությունից, սակայն զուտ քաղաքական նկատառումներով դա ցույց չեն տվել։ 

«Արսեն Ջուլֆալակյանն ավելի մեծ կամք ունեցավ ու չկարողացավ աչք փակել այդ ամենի վրա, քանզի ճանաչելով Արսեն Ջուլֆալակյանին, որի հետ բազմիցս քննարկել ենք տարաբնույթ հարցեր, կարող եմ ասել, որ Ջուլֆալակյանը սպորտի կարկառուն ներկայացուցիչներից է, լավ տիրապետում է այդ ոլորտի խնդիրներին, հետևաբար, ավելի ակնառու է տեսնում, թե ինչ է տեղի ունեցել այդ բնագավառում և չի ցանկանում այլևս մաս կազմել մի գործընթացի, որտեղ գրացվում է ռեգրես»,– նշում է պատգամավորը։

«Պատուհանը փակում էին, երդիկից էինք մտնում». ԿԳՄՍ նախարարը պնդում է՝ իրազեկումը պատշաճ էր

Արմեն Եղիազարյանի պնդմամբ`ԼՀԿ–ն  երբեք որևէ խնդիր անձնական դաշտում չի դիտարկում, այլ դա անում է քաղաքական մակարդակով, հետևաբար, անձնական մղումները բացառում է` նշելով վերջին ժամանակահատվածում Արայիկ Հարությունյանի ղեկավարած գերատեսչության աշխատանքների արդյունքները, որոնք «Լուսավոր Հայաստանը», մեղմ ասած, գնահատում է անբավարար։  

256
թեգերը:
Արմեն Եղիազարյան, Հրաժարական, Նախարար, Կրթության, գիտության, մշակույթի և սպորտի նախարարություն (ԿԳՄՍ), Արայիկ Հարությունյան
Ըստ թեմայի
Դասղեկները հավելավճար կստանա՞ն. քննարկվել է դպրոցների ֆինանսավորման նոր կարգը
Դպրոցները պատրա՞ստ են նոր կանոններին. անպատասխան հարցեր կան
«Արայիկ, հեռացիր». Երևանում պահանջում են ԿԳՄՍ նախարարի հրաժարականը
Ռուբեն Մելիքյան

Միջազգային չափորոշիչների խախտումը դարձել է թուրքական քաղաքականության գործելաոճ. Մելքոնյան

1
(Թարմացված է 19:24 18.09.2020)
ԵՊՀ արևելագիտության ֆակուլտետի դեկան, թուրքագետ Ռուբեն Մելքոնյանը Sputnik Արմենիայի եթերում անդրադարձել է Միջերկրական ծովի արևելյան հատվածում ստեղծված թուրք–հունական լարվածությանն ու Թուրքիայի քաղաքական նկրտումներին։
Մելքոնյան. «Միջազգային չափորոշիչների խախատումն արդեն դարձել է թուրքական քաղաքական գործելաոճ»

ԵՊՀ արևելագիտության ֆակուլտետի դեկան, թուրքագետ Ռուբեն Մելքոնյանի դիտարկմամբ`քաղաքակիրթ աշխարհը հերթական անգամ բախվել է թուրքական նկրտումների դրսևորմանը և թուրքական քաղաքական գործելաոճին, որի սովորական մեթոդներից է միջազգային չափորոշիչների խախատումը, այլ պետությունների շահերի ու տարածքային ամբողջականության, սահմանների հանդեպ հարգանքի բացակայությունը, ինչպես նաև այնպիսի վիճակի ստեղծումը, որի պարագայում կկարողանա ավելի շատ մանևրել` իր քողարկված նպատակներն իրականացնելու համար։


«Թուրքիան վերջին շրջանում ակտիվացրել է իր քաղաքականությունը ծովային տարածքում` առաջ քաշելով մի նոր տեսություն, այսպես կոչված «Ծովային հայրենիքի» տեսությունը, հետևաբար հայտարարել է, որ Միջերկրական ծովում իր իրավունքներն ու իրավասությունները շատ ավելին են, քան ամրագրված են տարատեսակ պայմանագրերով, և այդ կապակցությամբ բերում է հիմնավորումներ` նշելով, որ Հունաստանին պատկանող կղզիների հարակից ջրային տարածքը նաև կարող է օգտագործվել Թուրքիայի կողմից»,– Sputnik Արմենիայի հետ զրույցում ասաց նա։
Մելքոնյանի կարծիքով` Թուրքիան գծել է մի ծովային սահման, որը ոտնահարում է Հունաստանի տարածքային ամբողջականությունը, և տարածաշրջանային այս հերթական լարվածությունը ստեղծելու համատեքստում հրահրում է տարատեսակ խնդիրներ Հունաստանի հետ ծովային հատվածում ու բնական է, որ այդ երկրի օրեցօր ակտիվացող ագրեսիվ քաղաքականությունը պետք է հանդիպեր քաղաքակիրթ աշխարհի ու մեծ խաղացողների արձագանքին: 

«Քո ժամանակը լրացել է». Էրդողանը մեղադրել է Մակրոնին պատմություն չիմանալու մեջ

Թուրքագետի համոզմամբ` եվրոպական պետությունների երբեմն կոշտ արձագանքը բխում է ոչ թե հումանիզմից, համամարդկային շահերից, այլ ավելի շատ հենց իրենց շահերից, որովհետև այս անգամ թուրքական նկրտումները ուղղակիորեն արդեն խաչվում են նրանց կենսական շահերի հետ։

1
թեգերը:
Ռուբեն Մելքոնյան (թուրքագետ), Հունաստան, Թուրքիա
Ըստ թեմայի
Թուրքիայի նկրտումները Հարավային Կովկասում փոխադրվում են գործնական տիրույթ. Ոսկանյան
Թուրքիայի և Հունաստանի միջև տեղի է ունենում մինչ այժմ չտեսնված սրացում. Սաֆրաստյան
Թուրքիայի ագրեսիվ պահվածքը և Մնացականյանի այցը Եգիպտոս. Հայաստանը պետք է զգույշ լինի
Թուրքիայում փաստաբանների զանգվածային ձերբակալություններ են ընթանում
Արամ Սարգսյան

Ուր է տանում Լուկաշենկոյի մաքոքային քաղաքականությունը, և երբ Մինսկում կհանդարտվեն կրքերը

9
(Թարմացված է 17:30 18.09.2020)
Հայաստանի դեմոկրատական կուսակցության նախագահ Արամ Սարգսյանը Sputnik Արմենիայի եթերում անդրադարձել է Բելառուսում տեղի ունեցող հետընտրական զարգացումներին և դրանցով պայմանավորված աշխարհաքաղաքական նշանակություն ձեռք բերած իրողություններին։
Սարգսյան. «Բելառուսն Արևմուտքի համար դարձավ հիանալի թիրախ` իրականացնելու գունավոր հեղափոխություն»

Հայաստանի դեմոկրատական կուսակցության նախագահ Արամ Սարգսյանի դիտարկմամբ` Բելառուսում տեղի ունեցող իրադարձությունների պատճառները բավականին լուրջ են ու խորքային, որովհետև այդ երկիրը տարբերվում է հետխորհրդային բոլոր պետություններից, պահպանել է խորհրդային տարիներին հիմնադրված ձեռնարկությունները, անգամ կոլտնտեսությունները, ուստի պահպանում է նաև տնտեսական կարողությունները։

«Բայց Բելառուսի նախագահը չէր նայում, թե ինչ է աշխարհում կատարվում, ինչ փոփոխություններ են տեղի ունենում և ինչպես պետք է դրանց համարժեքորեն արձագանքել։ 26 տարի մնալ իշխանության, ինքնին հասկանալի է, որ դա սխալ է, հոգնեցնում է։ Որքան էլ լավ կառավարիչ լինես, 26–ամյա իշխանությունը դառնում է թագավորի կառավարման պես մի բան։ ժողովուրդն ուզում է փոփոխություններ, որոնք կապում էին արդեն Լուկաշենկոյի անձի հետ, թեև մեծահասակաների խավին բավարարում էր ստեղծված իրավիճակը»,– Sputnik Արմենիայի հետ զրույցում ասաց նա։

Սարգսյանի կարծիքով` Լուկաշենկոն իրեն հավասարակշռված չպահեց քաղաքական թատերաբեմում, իսկ նրա կողմից իրականացվող մաքոքային քաղաքականությունը բավականին նուրբ արվեստ է պահանջում։

«Եթե դու քո հիմնական դաշնակցի հետ  սկսում ես խաղեր տալ, որի հետ ունես դաշնակցային հարաբերություններ, տնտեսական լուրջ կապեր, պատմական ու ռազմական համագործակցություն, ապա ինքնին հասկանալի է, որ քո հնարավորությունները պակասում են, ուստի պատահական չէ, որ ժողովրդի կրթված հատվածը փորձեց Լուկաշենկոյից ազատվել»,– նշեց ՀԴԿ նախագահը։

Սարգսյանի գնահատմամբ` գործընթացները դեռ երկար կշարունակվեն, որովհետև մի կողմից Լուկաշենկոն չունի բողոքի ալիքն ամբողջությամբ մարելու ռեսուրսներ, մյուս կողմից բողոքողները չունեն բավարար ռեսուրսներ, որպեսզի խնդիրը շուտափույթ կերպով լուծեն։

«Գուցեև մի քիչ երկար մնացի»․ Լուկաշենկոն պատմել է, թե ինչ է կատարվում Բելառուսում

Ըստ նրա` Բելառուսն Արևմուտքի համար դարձավ թիրախ, հիանալի հնարավորություն` Ռուսաստանին ավելի ծանրաբեռնելու աշխարհաքաղաքական խնդիրներով և Բելառուսում իրականացնելու «գունավոր հեղափոխություն»։ 

9
թեգերը:
տնտեսություն, Վլադիմիր Պուտին, Ռուսաստան, Ալեքսանդր Լուկաշենկո, քաղաքականություն, Բելառուս, Արամ Սարգսյան
Ըստ թեմայի
Ռուսական զորքը Բելառուս մտցնելու կարիք դեռ չկա. Պուտին
Լուկաշենկոն բելառուսցիներին խնդրել է «գլուխները տնից դուրս չհանել»
ՌԴ–ի և Բելառուսի ղեկավարները կրկին զրուցել են. Լուկաշենկոն խնդրանքով է դիմել Պուտինին
Քոչարյանը զուգահեռներ անցկացրեց «թավշյա հեղափոխության» և Բելառուսի իրադարձությունների միջև
Շիրակի մարզ, արխիվային լուսանկար

Արյունոտ վենդետա Գյումրիում. 35-ամյա տղամարդը սպանվել է 23-ամյա երիտասարդին ծեծելու համար

0
(Թարմացված է 19:46 18.09.2020)
Սպանության վայրում և նույն ժամանակահատվածում խուլիգանություն է կատարել 34-ամյա մեկ այլ գյումրեցի, անգամ բռնություն գործադրել միջադեպի մասնակիցների նկատմամբ։

ԵՐԵՎԱՆ, 18 սեպտեմբերի - Sputnik. Գյումրիում օրերս տեղի ունեցած 35-ամյա տղամարդու սպանության մի շարք հանգամանքներ են պարզվել։ ՀՀ քննչական կոմիտեի մամուլի ծառայությունը հայտնում է, որ սեպտեմբերի 13-ին՝ ժամը 14:00-ի սահմաններում, 23-ամյա բնակիչը Գյումրի քաղաքի Կամոյի փողոցում գտնվող զրուցարանում ծեծի է ենթարկվել և մահակի հարվածներ ստացել 35-ամյա տղամարդու կողմից։

Ծեծի հետևանքով երիտասարդն արյունահոսող վնասվածքներ է ստացել։ Այնուհետև 23-ամյա երիտասարդը՝ տեղեկանալով, որ իրեն ծեծի ենթարկող տղամարդը Շիրակացի փողոցի 61 թաղամասի պուրակում է, վրեժխնդիր լինելու նպատակով, նույն օրը՝ ժամը 18:00-ի սահմաններում, գնացել է նշված վայր։ Վիճաբանության ընթացքում իր հետ նախապես վերցրած դանակով հարվածել է 35-ամյա տղամարդու ձախ զստափոսի շրջանին՝ պատճառելով կտրած-ծակած մարմնական վնասվածք: Վերջինս, ստացած մարմնական վնասվածքներից, հիվանդանոց տեղափոխվելու ճանապարհին մահացել է:

Որոշում է կայացվել 23-ամյա երիտասարդին ՀՀ քրեական օրենսգրքի 104-րդ հոդվածի (սպանություն) 1-ին մասով որպես մեղադրյալ ներգրավելու մասին, նրա նկատմամբ հայտարարվել է հետախուզում, որպես խափանման միջոց ընտրվել է կալանավորումը:

2 աղջիկների բռնաբարության և սպանության մեջ մեղադրվողի «գլխի» համար պարգև են խոստանում

«Բացի այդ, քրեական գործի նախաքննության ընթացքում հիմնավորվել է, որ Գյումրի քաղաքի մեկ այլ բնակիչ՝ ծնված 1986թ., նույն օրը՝ ժամը 18:00-ից 19:00-ն ընկած ժամանակահատվածում, վերոնշյալ պուրակում, սեփական անձի առավելությունն ընդգծելու մոլուցքով, մի քանի մտերիմների հետ տևական ժամանակ կոպիտ կերպով խախտել է հասարակական կարգը և արտահայտելով բացահայտ անհարգալից վերաբերմունք հասարակության նկատմամբ` անցորդների և մոտակա շենքի բնակիչների ներկայությամբ վիճաբանել է Գյումրի քաղաքի մի քանի բնակիչների հետ, որի ընթացքում աղմկել է, բղավել, հայհոյել, բռնություն գործադրել միջադեպի մասնակիցների նկատմամբ, այդ թվում` մահակով, քարերով վնասել նրանցից մեկի «Մերսեդես Բենց» մակնիշի ավտոմեքենան և դանակի բացահայտ ցուցադրմամբ ոտքով հարվածել դեպքի վայրին կից փողոցի բանուկ հատվածով երթևեկող տրանսպորտային միջոցին, վիրավորել նշված տրանսպորտային միջոցի վարորդին»,- նշված է կոմիտեի տարածած հաղորդագրության մեջ։

Նշվում է, որ նոր քրեական գործ է հարուցվել նաև խուլիգանության դեպքի առթիվ՝ ՀՀ քրեական օրենսգրքի 258-րդ հոդվածի (խուլիգանություն) 4-րդ մասի հատկանիշներով։ Երկու քրեական գործերը միացվել են։

Ձեռք բերված բավարար ապացույցների համակցությամբ՝ 34-ամյա տղամարդուն մեղադրանք է առաջադրվել՝ ՀՀ քրեական օրենսգրքի 258-րդ հոդվածի 4-րդ մասով: Դատարան միջնորդություն է ներկայացվել՝ նրա նկատմամբ որպես խափանման միջոց կիրառել կալանավորումը։

Նախաքննությունը շարունակվում է:

Ավելի վաղ հաղորդել էինք, որ սեպտեմբերի 13-ին՝ ժամը 19:00 սահմաններում, «Գյումրի» բժշկական կենտրոն են տեղափոխվել դանակահարված մոտ 35 տարեկան երկու տղամարդ:

Դանակահարություն Էրեբունիում. երկու երիտասարդ կրծքավանդակի վնասվածքով հիվանդանոցում են

Նրանցից մեկն, ըստ կենտրոնի փոխտնօրեն Արմեն Խաչատրյանի, հիվանդանոց է տեղափոխվել արդեն մահացած, մյուսին հարցազրույցի պահին վիրահատում էին։ Երիտասարդի գոտկային շրջանում ձախից առկա է կտրած-ծակած վերք:

0
թեգերը:
Քննչական կոմիտե, Մեղադրանք, հիվանդանոց, Մահ, Երիտասարդ, Սպանություն, վենդետա, Գյումրի, Հայաստան
Ըստ թեմայի
Սպանություն Լոռու մարզում. «Բիոնիկի» պահակի դին հայտնաբերել է կինը
Սահմռկեցուցիչ սպանություն Երևանում. եղբայրը գլխատել է քրոջը
Ֆլոյդի սպանությունը․ դատարանը ոստիկան Դերեկ Շովինի համար $1,25 միլիոն գրավ է սահմանել
Խմիչքի ազդեցության տակ է եղել. Արտաշատում 39-ամյա տղամարդու սպանությունը բացահայտված է