Գևորգ Գորգիսյան

Հնարավոր է, որ «Լիդիան Արմենիայի» դեմ դիմենք իրավական քայլերի. Գորգիսյանը` միջադեպի մասին

149
(Թարմացված է 23:17 07.09.2020)
ԱԺ «Լուսավոր Հայաստան» խմբակցության պատգամավոր Գևորգ Գորգիսյանը Sputnik Արմենիայի եթերում անդրադարձել է «Լիդիան Արմենիայի» կողմից տարածած տեղեկատվությանը, որն առնչվում է խմբակցության պատգամավորների այցից հետո տեղի ունեցած խժդժություններին։
Գորգիսյան. «Չի բացառվում, որ «Լիդիան Արմենիայի» դեմ կդիմենք իրավական քայլերի»

Գևորգ Գորգիսյանի փոխանցմամբ` հանրությունը վերջապես տեսավ «Լիդիան Արմենիայի» իրական դեմքը, որ այդ մարդիկ բանսարկու են, ստախոս և իրենց կեղտոտ նպատակներին հասնելու համար պատրաստ են ցանկացած մանիպուլյացիայի։

«Այո, ես իմ գործընկեր տիկին Սամսոնյանի հետ եղել եմ Ջերմուկում, որտեղ ունեինք քաղաքական բնույթի տարբեր գործեր։ Ինչպես միշտ, Ջերմուկ գնալիս այցելել ենք Ամուլսարի պահապաններին, հարցրել ենք նրանց որպիսությունը, մաղթել ենք ուժ ու կորով իրենց ազգանվեր գործում, որովհետև եթե նրանք չլինեին, ապա Ջերմուկ առողջարանն արդեն չէր լինի։ Ես կոչ եմ անում մեր բոլոր հայրենակիցներին, ովքեր գնում են Ջերմուկ, առնվազն կանգնեն և հարցնեն այդ տղաների որպիսությունը, քանի որ նրանց ջանքերի շնորհիվ ՀՀ քաղաքացիները դեռ կարող են հանգստանալ Ջերմուկում, շնչել այնտեղի օդը»,– ասում է Գորգիսյանը։

Նա նույնիսկ չի պատկերացնում, թե ինչպիսի հիվանդ երևակայություն պետք է ունենան, որպեսզի միջադեպը վերագրեն իրենց այցին, ընդ որում` պատգամավորը խիստ կասկածում է, որ դեպքերը տեղի են ունեցել ըստ «Լիդիանի» ներկայացրածի։ Գորգիսյանի դիտարկմամբ` դեռ չի ավարտվել հետաքննությունը և չի պարզվել` արդյո՞ք «Լիդիանի» նոր պահնորդները հների նման ագրեսիվ պահվածքով տղաներին չեն դրդել նման քայլի, թե՞ տղաներն են իրենց թույլ տվել նման անկարգություն։   

«Վստահ եմ` տղաները գիտեն, թե ինչի համար են այնտեղ, տրամադրված են շատ կառուցողական, ամուր են իրենց կամքով և պատրաստ չեն որևէ սադրանքի գնալ։ Նրանք հասկանում են, որ դա կարող է ունենալ անցանկալի հետևանքներ այն կարևոր խնդրի համար, որով իրենք զբաղվում են և հանուն որի արդեն երկու տարուց ավել է, ինչ գտնվում են դիտակետերում։ Ավելի շուտ հակված եմ նրան, որ դա եղել է սադրանք «Լիդիանի» կողմից»,– նշում է ԱԺ պատգամավորը։

Գորգսիյանի տեղեկացմամբ` չի բացառվում, որ իրենք իրենց մասին տարածված տեղեկատվության վերաբերյալ իրավական դաշտում դիմեն որոշակի քայլերի։ Պատգամավորի պնդմամբ` ցանկացած սուտ և զրպարտություն պետք է պատժվի, հակառակ դեպքում կդառնա գործելաոճ։   

Չնայած Ամուլսարի ցույցերին, «Լիդիանը» Սյունիքում վերաբացում է իր քիմիական լաբորատորիան

Նշենք, որ այսօր «Լիդիան Արմենիան» տեղեկացրել էր, որ անցած գիշերվա ընթացքում ոչ սթափ վիճակում ապօրինություն իրականացրած խմբավորումը ներխուժել է Ամուլսարի տարածք, քարեր նետել, հայհոյանքներ ու սպառնալիքներ տեղացել տարածքում գտնվող պահնորդների, «Լիդիանի աշխատակիցների» հասցեին։ Իսկ և նախօրեին այդ խմբավորման անդամներին այցելել են ԼՀԿ պատգամավորները, որոնց այցից հետո էլ գիշերը տեղի է ունեցել հարձակումը։

149
թեգերը:
Գևորգ Գորգիսյան, «Լուսավոր Հայաստան» կուսակցություն, Ամուլսար, Լիդիան
Ըստ թեմայի
Ամուլսարի հարցում պետություն գոյություն չունի. Ռոբերտ Քոչարյանը քննադատեց իշխանությանը
Ամուլսարի տարածքը կհսկեն նոր պահնորդները. «Լիդիան Արմենիան» պայմանագիր է կնքել
Ամուլսարում գիշերն անհանգիստ է եղել. կողմերը միմյանց են մեղադրում ծեծի ու սադրանքի մեջ
Շահան Գանդահարյան

Ի՞նչ է առաջարկել հայկական խմբակցությունը. Գանդահարյանը` Ադիբի հրաժարականի մասին

42
(Թարմացված է 19:14 26.09.2020)
Բեյրութի «Ազդակ» թերթի գլխավոր խմբագիր Շահան Գանդահարյանը Sputnik Արմենիայի եթերում անդրադարձել է Լիբանանի վարչապետի ԺՊ Մուստաֆա Ադիբի հրաժարականի հանգամանքներին և այն հարցին, թե ինչպես է դրան վերաբերվում հայկական համայնքը։
Գանդահարյան. «Հայկական երեսփոխանական խմբակցությունը առաջարկում էր կազմել փրկության կառավարություն»

Լիբանանի վարչապետի ժամանակավոր պաշտոնակատար Մուստաֆա Ադիբն այսօր հրաժարական է ներկայացրել։ Իր որոշման պատճառը ներկայացրել է տեսաուղերձի ժամանակ։ «Քաղաքական բլոկները չեն կատարել պայմանս` չեն հրաժարվել կառավարության ձևավորման գործընթացի քաղաքականացումից»,– ասել է Ադիբը։

Բեյրութի «Ազդակ» թերթի գլխավոր խմբագիր Շահան Գանդահարյանը Sputnik Արմենիայի հետ զրույցում ասաց` Աբիդի, ինչպես նաև տվյալ նախաձեռնությունը հովանավորող պաշտոնական Փարիզի կողմից կար սկզբունքային մոտեցում, որպեսզի լինի սեղմ կառավարություն, որը չի ձևավորվելու ավանդական, դասական ձևով, պետք է բաղկացած լինի տեխնոկրատ մասնագետներից։ Ըստ նրա`վարչապետը պետք է լիազորված լիներ նախարարական թեկնածուների անունները ճշտել համապատասխան պաշտոնների համար, բայց հատկապես շիա համայնքը ներկայացնող հիմնական քաղաքական ուժերը թեև մասնակիորեն համաձայն էին գործընթացին, այդուհանդերձ վերջում ունեցան տարաձայնություններ։

«Այդ ուժերը, անշուշտ, որոշակի պատկերացում ունեին իրենց տրվելիք նախարարությունների մասին և պետք է առաջադրեին անուններ։ Վարչապետը, նախագահը, ինչպես նաև շիա համայնքը ներկայացնող պատգամավորական խմբակցությունների ներկայացուցիչները վարում էին բանակցություններ։ Սպասվում էր նաև, որ կա՛մ կհետաձգվեր կառավարության նշանակումը, կա՛մ վարչապետի ժամանակավոր պաշտոնակատարը հրաժարական կտա։ Փաստորեն ընտրվեց երկրորդ տարբերակը, և Մուստաֆա Ադիբը հայտարարեց, որ իր առաքելությունն ու առաջադրանքը չեն կատարվել, կողմերը համաձայնության չեն եկել։ Առանց այդ էլ կառավարությունը պետք է ձևավորվեր Ադիբի պաշտոնավարման մեկնարկից հետո 15 օրում, սակայն գործընթացը հավելյալ ձգձգվեց ևս 10 օր և հասավ նման հանգուցալուծման»,– նշեց «Ազդակի» գլխավոր խմբագիրը։

Գանդահարյանի խոսքով` հայ համայնքի քաղաքական գործոնը հետաքրքիր է այն առումով, որ նաև դաշնակցությունը չէր ցանկանում խանգարել գործընթացին, որպեսզի տնտեսական ճգնաժամի պայմաններում հնարավորիս շուտ ձևավորվեր նոր կառավարություն։ Կար այն ակնկալությունը, որ գործընթացը կլինի հեզասահ, թեկնածուների անունները կհամաձայնեցվեին գլխավոր համայնքների հետ, քանի որ միանգամից անցումը համայնքայինից լրիվ քաղաքացիական պետության հնարավոր չէ, որովհետև համայնքների կշիռը հասարակական, ներքաղաքական կյանքում բավականին մեծ է, և այդ համակարգը Լիբանանում գործում է տասնամյակներ։

«Անցումը պետք է լինի աստիճանաբար, հանգրվանային, երկխոսությամբ, համաձայնությամբ։ Ի վերջո սա միայն վարչակարգի փոփոխություն չէ, այլ նախանշվում են նոր հարաբերություններ»,– ասաց «Ազդակ» թերթի գլխավոր խմբագիրը։

Գանդահարյանի փոխանցմամբ` հայկական համայնքն ընդհանրապես ուզում էր, որ գործընթացն ավարտվեր հնարավորինս շուտ, նույնիսկ հայկական երեսփոխանական խմբակցությունը առաջարկում էր կազմել փրկության կառավարություն, որի հիմնական գործառույթը պետք է լիներ տնտեսական բարեկարգումների ապահովումը, տնտեսական ճգնաժամի հարուցած խնդիրների լուծումը։

Հիշեցնենք` Լիբանանի վարչապետ Հասան Դիաբը հրաժարական էր տվել Բեյրութի նավահանգստի պայթյունին հաջորդած բողոքի ցույցերից հետո:

42
թեգերը:
Շահան Գանդահարյան, Լիբանան
Ըստ թեմայի
Լիբանանում մահացել է ԱՍԱԼԱ–ի մարտիկներից Աբրահամ Թովմասյանը
«Ստուգված տվյալներ չկան». Զախարովան` Արցախում լիբանանահայերին տեղավորելու մասին
Լիբանանում հզոր պայթյուն է որոտացել. տեսանյութ
Հրանտ Միքայելյան

Ինչ կտա կոնֆիդենցիալ ինֆորմացիաների բացահայտումը. Միքայելյանը` բանակցային գործընթացի մասին

77
(Թարմացված է 15:35 26.09.2020)
Քաղաքագետ, «Կովկաս» ինստիտուտի փորձագետ Հրանտ Միքայելյանը Sputnik Արմենիայի եթերում անդրադարձել է Ադրբեջանի կողմից կոնֆիդենցիալ տեղեկությունների բացահայտման խնդրին։
Միքայելյան. «Կոնֆիդենցիալ ինֆորմացիաների բացահայտումից մեծապես կտուժի բանակցային գործընթացը»

Հրանտ Միքայելյանը կարծում է, որ Ադրբեջանը բանակցությունների գործընթացն այլևս չի դիտարկում որպես հեռանկարային, ինչի մասին բարձրաձայն հայտարարել է այդ երկրի ղեկավարությունը, ուստի ադրբեջանական կողմին դիվանագիտական սահմանափակումները, բանակցային գործընթացին վերաբերող խաղի օրենքներն այլևս չեն հետաքրքրում։

Նիկոլ Փաշինյանը երեկ կառավարությունում ընդունել է Արցախի Ազգային ժողովի նախագահ Արթուր Թովմասյանի գլխավորած պատվիրակությանը. «Մենք պետք է չարչարվենք, աշխատենք՝ գտնել այնպիսի լուծում, որն ընդունելի կլինի Հայաստանի ժողովրդի համար, Արցախի ժողովրդի համար, Ադրբեջանի ժողովրդի համար»,- հայտարարել է Փաշինյանը՝ հավելելով, որ, սակայն, Ադրբեջանի ղեկավարությունը շարունակում է գնալ հին ճանապարհով՝ քարոզչական արշավին ավելացնելով մի նոր կոմպոնենտ՝ «կոնֆիդենցիալ ինֆորմացիաների բացահայտում»։

«Քանի որ Ադրբեջանը գտնում է, որ այլևս չի կարող օգուտ քաղել բանակցություններից, ապա պետք է դիմի իրեն ուղղակի նպաստառու քաղաքականություն վարելուն և իր պահվածքը որևէ կերպ չի սահմանափակելու»,– Sputnik Արմենիային ասաց քաղաքագետը։

Միքայելյանի կարծիքով` եթե Ադրբեջանի իշխանությունը շատ է բարկացած Նիկոլ Փաշինյանի վրա, ինչը երևաց ՄԱԿ–ում Ալիևի ելույթից, ապա կարող է դիմել նման գործողությունների, որպեսզի խանգարի ՀՀ վարչապետին, ինչն արել է նախկինում Սերժ Սարգսյանի նկատմամբ` կարծելով, որ Հայաստանի ղեկավարին թուլացնելով կարող է թուլացնել նաև մեր երկրի դիրքերը։ Նույնը կատարվում է նաև Փաշինյանի նկատմամբ։

Բլե՞ֆ, թե՞ պատերազմի նախապատրաստություն. Ադրբեջանում զորահավաքներ են

«Հարցն այն է, որ կոնֆիդենցիալ ինֆորմացիաների բացահայտումից զգալիորեն կտուժի հենց բանակցային գործընթացը, և եթե նման բան նախկինում չէր արվում բանակցային գործընթացը պահպանելու համար, ապա հիմա Հայաստանը ցույց է տալիս, որ եթե Ադրբեջանին բանակցային գործընթացն այլևս չի հետաքրքրում, կարող է չհետաքրքրել նաև իրեն»,– նշեց քաղաքագետը։

Միքայելյանի գնահատմամբ` հուլիսյան բախումներից հետո բանակցային գործընթացը, որը վերսկսվել էր 2019–ի ապրիլին Լավրովի պնդմամբ, արդեն կարելի է համարել տապալված, և այժմ արդեն ձևավորվում է նոր խաղ։ Ըստ նրա` տարբերակներից մեկը կողմերից յուրաքանչյուրի դիրքորոշումն է առ այն, թե որքան կարող են մեկը մյուսին խանգարել, մյուս տարբերակն ընդհանուր եզրեր գտնելն է, ինչի համար կողմերը պետք է տեսնեն համագործակցության նպաստավորությունը, քան հակամարտելը։

Քաղաքագետը համոզված է, որ այս փուլում տեղի է ունենում իրավիճակի վերագնահատման գործընթաց, Ալիևը փորձում է գտնել նոր ռազմավարություն` ակտիվորեն համագործակցելով Թուրքիայի հետ։ Այդուհանդերձ Հրանտ Միքայելյանը հակված չէ այն մտքին, որ Թուրքիան դրդում է Ադրբեջանին, որպեսզի վերջինս իրականացնի կոնֆիդենցիալ ինֆորմացիաների գաղտնազերծում, ուստի այդ գործընթացի հետևում, ըստ նրա, կանգնած է լոկ Ադրբեջանը։

77
թեգերը:
բանակցային գործընթաց, Ղարաբաղյան հակամարտություն, Հրանտ Միքայելյան (քաղաքագետ), Հայաստան, Ադրբեջան
Ըստ թեմայի
Ինչո՞ւ էր Ադրբեջանը «խառնել» Փաշինյանին ու Լավրովին
Զգուշացեք. ադրբեջանցիները խուճապ տարածող հաղորդագրություններ են ուղարկում
Հայաստանը սահմանին զորքեր չի կուտակում. ՊՆ–ն պատասխանում է ադրբեջանական ապատեղեկատվությանը
Ադրբեջանի գործելաոճն անարգանք է ՍԾՏՀ կազմակերպության հանդեպ. ԱԳ նախարար
ԼՂՀ

Մարտերը շարունակվում են. հայկական կողմը խոցել է 2 ուղղաթիռ, 14 ԱԹՍ, տանկեր. տեսանյութ

119
(Թարմացված է 11:18 27.09.2020)
Պաշտպանության բանակի առաջապահ ստորաբաժանումները հաջողությամբ հետ են մղում հակառակորդի բոլոր գրոհները։

ԵՐԵՎԱՆ, 27 սեպտեմբերի – Sputnik. Արցախի պաշտպանության նախարարությունը տեղեկացնում է, որ ճշտված տեղեկություններով` ադրբեջանական զինուժը կորցրել է 2 ուղղաթիռ, 14 անօդաչու թռչող սարք, ինչպես նաև ունի զրահատեխնիկայի կորուստներ:

Տոնոյանը Ադրբեջանի հերթական սադրանքի մասին տեղեկացրել է Կասպշիկին

«Հակառակորդը, ռազմական ավիացիայի, անօդաչու թռչող սարքերի, զրահատեխնիկայի ու հրետանու կիրառմամբ, գրոհներ է ձեռնարկում առաջնագծի տարբեր հատվածներում»,–նշված է հաղորդագրության մեջ։

ՊԲ առաջապահ ստորաբաժանումները հաջողությամբ հետ են մղում հակառակորդի բոլոր գրոհները: Մարտերը շարունակվում են:

Հիշեցնենք՝ այսօր վաղ առավոտյան Ադրբեջանը լայնածավալ ռազմական հարձակում է սկսել ԼՂՀ սահմանի ողջ երկայնքով:
Հակառակորդի կրակոցների հետևանքով մեկ կին և մեկ երեխա են մահացել։ Կան նաև վիրավորներ։

119
թեգերը:
Հայաստան, Ղարաբաղյան հակամարտություն, Լեռնային Ղարաբաղ, Արցախ
Ըստ թեմայի
Հայաստանում կորոնավիրուսից 2 կին և 1 տղամարդ են մահացել
Ինչ իրավիճակ է Ստեփանակերտում. տեսանյութ
ԱԱԾ-ն հորդորում է սոցիալական կայքերում կասկածելի տեղեկատվություն հանդիպելիս դիմել իրենց