Շուշան Դոյդոյան

«Դա կարող է սպառնալ լրատվամիջոցի գոյությանը». Դոյդոյանը` Ալեն Սիմոնյանի առաջարկի մասին

67
(Թարմացված է 22:28 07.09.2020)
«Ինֆորմացիայի ազատության կենտրոնի» նախագահ Շուշան Դոյդոյանը Sputnik Արմենիայի եթերում անդրադարձել է ԱԺ փոխնախագահ Ալեն Սիմոնյանի առաջարկին, որն առնչվում է մամուլի հրապարակումներում առկա վիրավորանքներին ու զրպարտությանը։
Դոյդոյան. «Տուգանքն արհեստականորեն բարձրացնելը ոչնչի, բացի բացասական հետևանքներից, չի բերի»

ԱԺ փոխնախագահ Ալեն Սիմոնյանը մասնավորապես առաջարկել է վիրավորանքի համար նախատեսված նախկին մեկ միլիոն դրամը տուգանքը դարձնել 5 միլիոն, իսկ զրպարտության համար տուգանքը` 2 միլիոնից դարձնել 10 միլիոն դրամ։

Շուշան Դոյդոյանի դիտարկմամբ` դա սխալ ընտրված ճանապարհ է, ու թեև նպատակն ու ցանկությունը բարի է, բայցևայնպես այն միջոցը, որն ընտրվում է նպատակին հասնելու համար, ամենևին չի արդարացվում, ավելին` դաշտը լցվելու է բացասական պրոբլեմներով։ Ըստ նրա` դա կարող է մասնավորապես սպառնալ որոշ լրատվամիջոցներին`առաջացնելով ֆինանսական լրջագույն խնդիրներ, ընդհուպ մինչև փակում։

«Չմոռանանք, որ կան լրատվամիջոցներ, որոնք միաժամանակ կարող են ներգրավվել մի քանի դատական գործընթացներում։ Այսօր էլ կան լրատվամիջոցներ, որոնց դեմ ներկայացվել է 10-12 հայց։ Լրատվամիջոցը միայն բացառիկ դեպքերում է ներգրավված լինում մեկ–երկու գործում։ Նման գործերի առատության և նման բարձր տուգանքների առկայության պարագայում դա կարող է ուղղակի սպառնալ լրատվամիջոցի գոյությանը, առհասարակ սպառնալ խոսքի ազատությանը»,– նշում է Դոյդոյանը։

Նա նշում է, որ նման նախաձեռնությունները չպետք է ցուցաբերվեն քաղաքական գործիչների կողմից, ովքեր ընտրված են կամ նշանակված, գտնվում են հանրային մեծ ուշադրության ներքո և նրանց յուրաքանչյուր նման քայլը կարող է առաջ բերել որոշակի վիճահարույց հրապարակումներ, այդ թվում`զրպարտական կամ վիրավորական արտահայտություններ։

«Այս պարագայում առաջարկը պետք է գա բացառապես լրագրողական հանրույթի կողմից և ոչ քաղաքական գործիչների, որոնք միշտ էլ երազում են, որպեսզի քննադատող և համարձակ հրապարակումներով հանդես եկող մամուլը լինի ճնշված և սահմանափակումների մեջ գործող։ Բոլորս էլ հասկանում ենք, որ մարդու պատիվն ու արժանապատվությունը կարևոր արժեքներ են, պետք է պաշտպանվեն։ Եվ այն իրավական լուծումները, որոնք այսօր տրված են Քաղաքացիական  օրենսգրքի հիման վրա, դատական հարուստ և նախադեպային իրավունքի վրա, ավելի քան բավարար են այդ խնդիրը լուծելու համար»,– նշում է «Ինֆորմացիայի ազատության կենտրոնի» նախագահը։

«Լիդիան Արմենիան» դատի է տվել ԱԺ պատգամավոր Արման Բաբաջանյանին

Դոյդոյանի խոսքով` դրան զուգահեռ պետք է զարգանան ու ավելի մեծ ուշադրության արժանանան արտադատական մեխանիզմները։ Ներկայումս կան քաղաքական գործիչներ, ովքեր զրպարտող կամ վիրավորական հրապարակումների հանդիպելիս շտապում են ոչ թե արագ դատական հաշվեհարդար տեսնել մամուլի հետ, այլ փորձում են խնդիրը լուծել էթիկական միջավայրում։ Ըստ Դոյդոյանի` կան արտադատական մարմիններ, որոնք կարող են շատ ավելի մեծ, էական ազդեցություն ունենալ խնդրի լուծման գործում, մինչդեռ տուգանքներն արհեստականորեն բարձրացնելը ոչնչի, բացի բացասական հետևանքներից, չի բերի։   

67
թեգերը:
Տուգանք, ԶԼՄ, Ալեն Սիմոնյան
Ռոբերի Նազարյան

Ադրբեջանի նախնական պլանը ձախողվել է. Բաքուն մարտի է նետում ռեզերվային տեխնիկան

244
«Ռազմինֆո» կայքի վերլուծաբան Ռոբերտ Նազարյանը Sputnik Արմենիայի եթերում անդրադարձել է Ադրբեջանի կողմից կիրառվող մարտավարությանը, մասնավորապես ավիացիայի օգտագործմանն ու նախապատրաստական աշխատանքներին։
Նազարյան. «Ադրբեջանի կողմից ռեզերվի օգտագործումը վյակում է, որ նա չի հասել նախնական նպատակին»

Ըստ վերջին տեղեկությունների` Ադրբեջանը կրել է նաև օդուժի կորուստներ, զրկվել է 50 ԱԹՍ–ից, 6 ուղղաթիռից և 1 ինքնաթիռից։

Ռոբերտ Նազարյանի դիտարկմամբ` Ադրբեջանը մարտական գործողություններին պատրաստվելուց առաջ բավական մեծ ուշադրություն է դարձրել ավիացիային և հատկապես ԱԹՍ–ների կիրառելիության խնդրին։ Փորձագիտական վերլուծությունները վկայում են այն մասին, որ Ադրբեջանի տրամադրության տակ են գտնվում նաև թուրքական «Բայրաքթար» մակնիշի անօդաչու թռչող սարքերը, որոնք մինչ այդ չկային ադրբեջանական սպառազինության մեջ։

«Հուլիսի 29-ին մեկնարկած թուրք–ադրբեջանական զորավարժություններից հետո թուրքական տեխնիկան F-16 կործանիչների հետ մեկտեղ փաստացի մնաց Ադրբեջանի տարածքում, և վերջինս կիրառում է թուրքական տեխնիկան, այդ թվում ավիացիոն միավորները, ինչի մասին անդրադարձ է եղել նաև Արցախի ՊԲ հրապարակումներում։ Հետևությունը մեկն է. եթե օդային հարվածներով խոցվում են հակառակորդի ՀՕՊ միջոցները, ապա դա տեղավորվում է հարձակողական բնույթի գործողություններ ծավալելու տրամաբանության մեջ։ Այլ կերպ չի կարող բացատրվել հայկական կողմի ՀՕՊ շղթան կոտրելու ադրբեջանական ձգտումը»,– նշում է վերլուծաբանը։

Ռոբերտ Նազարյանի կարծիքով`փաստերի համադրությամբ կարելի է եզրակացնել, որ Ադրբեջանը նախահարձակ կողմ է և պատերազմին պատրաստվել է առնվազն մեկ ամիս առաջ, և պատրաստության մասին առաջին տեսանելի ապացույցները ֆիքսվել են մասնավորապես թուրք–ադրբեջանական զորավարժությունների ավարտից հետո։

Մերոնք վիրտուոզ են. հայկական կողմը ադրբեջանական տանկ է ոչնչացրել ականանետով

«Ադրբեջանի կողմից ԱԹՍ–ների զանգվածային կիրառումը սկսվել է դեռ 2016 թվականի ապրիլյան պատերազմից, այսինքն` ցանկացած ռազմական բախում արդեն իսկ ենթադրում է անօդաչուների օգտագործում Ադրբեջանի կողմից։ Ընդ որում աշխատելու են ինչպես հետախուզական, այնպես էլ հարվածային ԱԹՍ–ները։ ՀՀ ՊՆ հրապարակումներից և Արցախում գտնվող մեր լրագրողների տարածած լուսանկարներից երևում է, որ Ադրբեջանը հարվածային ԱԹՍ–ներ կիրառում է նաև խաղաղ բնակչության ուղղությամբ»,– նշում է վերլուծաբանը։ 

Անդրադառնալով Վարդենիս քաղաքի և հարակից գյուղերի հրթիռակոծումներին` Ռոբերտ Նազարյանը շեշտում է, որ Ադրբեջանին չի հաջողվել Արցախի հետ շփման գծում հասնել իր նախնական նպատակին, հետևաբար կոնֆլիկտը տեղափոխել է ՀՀ տարածք ավելի մեծ սադրիչ գործողություններ սկսելու համար։ Ըստ վերլուծաբանի` Ադրբեջանը հրթիռակոծումների համար նախապես հող էր պատրաստել և առնվազն երկու օր հայտարարություններ էր տարածում, որ Վարդենիսից հայկական կողմն իբր հարվածել է Դաշքեստանին, ինչը բնականաբար ապատեղեկատվություն է։ 

Պետք է չեզոքացնել թուրք-ադրբեջանական մտադրությունները. ՀԱՊԿ-ում ՀՀ ներկայացուցիչ

Ռոբերտ Նազարյանի գնահատմամբ` Եվլախում խոցված ադրբեջանական զինտեխնիկան գրանցված էր այդ երկրի պետական սահմանապահ ծառայության հաշվեկշռում, և եթե Ադրբեջանը մարտական գործողությունների արդեն երկրորդ օրը մարտի է նետում իր ռեզերվը, որը կոչված չէր առաջնագծում մարտնչելու, ապա դա ևս վկայում է այն մասին, որ Ադրբեջանի նախնական պլանը ձախողվել է։

244
թեգերը:
Թուրքիա, Զորավարժություններ, հայ-ադրբեջանական, Ռոբերտ Նազարյան
թեմա:
Ադրբեջանական ագրեսիան Հայաստանի վրա - 2020
Ըստ թեմայի
Թուրքիան աջակցում է Ադրբեջանին էլեկտրոնային դրոնների, F-16 կործանիչների միջոցով. Սարգսյան
Սիրիայում ապացույցներ ունեն, որ Թուրքիան գրոհայիններ է ուղարկել Ադրբեջան
Թուրքիան բացառապես ուժի լեզուն է հասկանում. ինչ սպասել ՄԱԿ-ի ԱԽ քննարկումներից
Ալեն Ղևոնդյան

Թուրքիան բացառապես ուժի լեզուն է հասկանում. ինչ սպասել ՄԱԿ-ի ԱԽ քննարկումներից

240
(Թարմացված է 15:13 29.09.2020)
Քաղաքագետ Ալեն Ղևոնդյանը Sputnik Արմենիայի եթերում անդրադարձել է այն հարցին, թե  ինչ կարելի է ակնկալել ՄԱԿ–ի Անվտանգության խորհրդում արցախյան հակամարտությանն առնչվող քննարկումներից, որոնք տեղի կունենան սեպտեմբերի 29–ին։
Ղևոնդյան. «Մինչ այժմ Ադրբեջանը ոչ մի կերպ չի արձագանքել ՄԱԿ–ից հնչող հայտարարություններին»

ՏԱՍՍ-ի տվյալներով ՝ հանդիպումը նախաձեռնել են մի շարք եվրոպական երկրներ։ Խորհրդակցությունների ձևաչափը ենթադրում է, որ դրանց մասնակցում են միայն ԱԽ 15 երկրների դիվանագետներ ՝ առանց հակամարտության կողմերի ներկայացուցիչների։

Ալեն Ղևոնդյանի կարծիքով` ՄԱԿ–ն իր առաքելությամբ այս ոլորտում ընդհանուր առմամբ ունի կարևոր դերակատարություն։ Հասկանալի է, որ ԱԽ անդամ երկրները տեսնում են, թե ինչ է կատարվում մեր տարածաշրջանում կոնկրետ հայ–ադրբեջանական հակամարտության շուրջ, սակայն քաղաքագետը քննարկումներից մեծ ակնկալիքներ չունի այն իմաստով, որ ԱԽ մշտական և ոչ մշտական անդամները կրակի դադարեցման ու խաղաղ բանակցությունների ձևաչափի վերադառնալու մասին արդեն տարբեր կոչերով ու հայտարարություններով հանդես են եկել, մինչդեռ ագրեսոր կողմ հանդիսացող Ադրբեջանը ոչ մի կերպ չի արձագանքել դրանց։ Ավելին` շեշտակիորեն ավելացրել է ռազմական, ծավալապաշտական գործողությունները ռազմաճակատի ողջ երկայնքով։

«Ադրբեջանը կտրել է իր կապն արտաքին աշխարհի հետ` ինտերնետի հասանելիության, օտարերկրյա լրագրողների մուտքի և իրադարձությունների օբյեկտիվ լուսաբանման տեսանկյունից։ Թերևս Ադրբեջանի կապի հիմնական օղակն այս պահին Թուրքիան է, այդ երկրի կուրացիայի ներքո իրականացնում է գործողություններ, հետևաբար այս համատեքստում ՄԱԿ–ի Անվտանգության խորհրդի ցանկացած բանաձև, որն առավելապես կլինի կոչի ֆորմատի, կարծում եմ՝ իր նպատակին չի հասնի։ Թերևս հետագայում որոշակի արարողակարգի միջոցով կարող է մտնել մեծ նստաշրջանի օրակարգ, սակայն այս պահին կիրառական, թիրախային որևէ արդյունավետ գործիքակազմ չեմ տեսնում, որ կարող է գործարկել ԱԽ–ն և դա որևէ դրական հետևանք կունենա ռազմական գործողությունների դադարեցման տեսանկյունից»,– նշում է քաղաքագետը։

Թուրքիան աջակցում է Ադրբեջանին էլեկտրոնային դրոնների, F-16 կործանիչների միջոցով. Սարգսյան

Անդրադառնալով հայ–ադրբեջանական կոնֆլիկտում Թուրքիայի միջամտության խնդրին` Ալեն Ղևոնդյանն ընդգծում է, որ եթե ուշադիր հետևենք Անկարայի վերջին մի քանի տարիների վարքագծին, նրա ռեգիոնալ ագրեսիվ ոճին ու քաղաքականությանը, նրա ազգային շահերի սպասարկման ինքնուրույն մոտեցումներին` առանց հաշվի առնելու միջազգային հանրության, անգամ իր դաշնակիցների մոտեցումները, շատ դեպքերում կոնֆլիկտի գնալով ԱՄՆ–ի ու եվրոպական գործընկերների հետ, ապա կասկածելի է, որ որևէ մեկն ԱԽ ֆորմատում կկարողանա ուղղակիորեն ազդեցություն ունենալ Թուրքիայի վրա, քանզի վերջինս հասկանում է բացառապես ուժի, ռազմական հաղթանակների լեզուն, և եթե զսպվի, ապա միայն այդ ճանապարհով։ 

Պետք է կանխվի դրսից եկող ապակայունացնող ազդեցությունը. ՌԴ դեսպան

Ըստ քաղաքագետի` Թուրքիան փորձելու է նաև գնալ առևտրի, որպեսզի դադարեցնի իր աջակցությունն Ադրբեջանին, որն իր հերթին կամովին դարձել է Թուրքիայի գործիքը ռեգիոնում այդ երկրի դիրքերն ամրապնդելու տեսանկյունից։ Ըստ այդմ` Թուրիքային ընդդիմանալու տեսանկյունից հիմնական շահառու կողմը Ռուսաստանն է, որն արդեն իսկ որոշակի քայլեր ձեռնարկում է այդ ուղղությամբ, մինչդեռ ՄԱԿ-ի ԱԽ անդամ երկրներն ունեն Թուրքիայի վրա ազդելու սահմանափակ հնարավորություններ, առավել ևս, որ Թուրքիան վաղուց կասկածի տակ է դնում ՄԱԿ–ի արդյունավետությունը և ընդհանրապես ներկա ձևաչափը ԱԽ կազմով։

240
թեգերը:
Միավորված ազգերի կազմակերպություն (ՄԱԿ), Արցախ, տարածաշրջան, Թուրքիա, Ալեն Ղևոնդյան
Ըստ թեմայի
Փաշինյանը Մերկելին կոչ է արել ամեն ջանք գործադրել Թուրքիայի կեցվածքը սանձելու համար
Ռուսաստանը մշտական շփման մեջ է նաև ԵԱՀԿ ՄԽ համանախագահների հետ
Ռուսաստանը Թուրքիային զսպելու համարժեք գործիքակազմ ունի. թուրքագետ

Մենք պատրաստ ենք ամեն ինչի. ՊԲ–ն հայ հրետանավորների մասնակցությամբ տեսանյութ է հրապարակել

0
(Թարմացված է 00:22 30.09.2020)
Առաջնագծում գտնվող տղաները տեսանյութում ևս մեկ անգամ վերահաստատում են՝ պատրաստ են մինչև վերջ ջախջախել հակառակորդի բոլոր ուժերը։

Արցախի պաշտպանության բանակի մամուլի ծառայությունը նոր տեսանյութ է հրապարակել, որը նկարահանվել է ՊԲ հրթիռահրետանային կրակակետերից մեկում։ Նշվում է, որ նկարահանումներից րոպեներ առաջ զինծառայողները հերթական խնդիրն են կատարել։

«Տրամադրությունը բարձր, մարտական։ Անձնակազմը գործում է ոգևորված, ավելի ակտիվ, խնդիրը ստանալուց մեկ րոպե հետո հասցնում ենք նպատակին»,– պատմում է զինծառայողներից մեկը։

«Կատարում ենք տարբեր մարտական խնդիրներ, ամենակարևորը` զգոն ենք ու կանգնած հայ ազգի թիկունքի»,– ավելացնում է զինակից ընկերը։

«Մենք պատրաստ ենք ամեն ինչի. խոցել ենք թշնամուն ու կանգնած ենք էստեղ` սահմանին»,– եզրափակում է մեկ ուրիշը։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Վերջին 3 ժամում Ադրբեջանը կորցրել է ևս 12 տանկ. տեսանյութ

Վերջին տեղեկություններով` հակառակորդի կրակոցների հետևանքով զոհվել են 80 զինծառայողներ և 3 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդի կորուստներն անհամեմատ մեծ են։

Զոհվածների ցուցակում հայտնված ևս երեք զինծառայողներ ողջ են

Սեպտեմբերի 29–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել է Վարդենիսի տարածաշրջանը։ Վարդենիսում թշնամու ԱԹՍ հարվածից քաղաքացիական ավտոբուս է այրվել և մեկ խաղաղ բնակիչ զոհվել։

0
թեգերը:
հրետակոծություն, հրետանի, տեսանյութ, Ադրբեջան, Արցախ
թեմա:
Ադրբեջանական ագրեսիա Արցախում. 2020
Ըստ թեմայի
Առաջնագծից հեռու, բայց հրաձգության ներքո․ ի՞նչպիսին է Ստեփանակերտն այս օրերին
Լրագրողները ռազմական թիրախ չեն. միջազգային կազմակերպությունը դատապարտել է Ադրբեջանին
Հայաստանն ու Ադրբեջանը գիտեն. Վրաստանում մեկնաբանել են ռազմական տարանցման արգելքը
Հայ զինծառայողները մեկ կադրում երկու ԱԹՍ են խոցում. տեսանյութ