Թևան Պողոսյան

Մեր քաղաքացիները չպետք է սպասեն, որ իրենց տեղահանեն. ի՞նչ կտա ռեադմիսիայի կիրարկումը ՀՀ-ին

106
(Թարմացված է 19:03 07.09.2020)
«Մարդկային զարգացման միջազգային կենտրոնի» ղեկավար Թևան Պողոսյանը Sputnik Արմենիայի եթերում անդրադարձել է Հայաստանի և Եվրամիության միջև ռեադմիսիայի արձանագրությունների կիրարկման խնդրին։ 
Պողոսյան. «Ռեադմիսիայի կիրարկումը Հայաստանի համար կունենա շատ մեծ դրական էֆեկտ»

«Մարդկային զարգացման միջազգային կենտրոնի» ղեկավար Թևան Պողոսյանի դիտարկմամբ` ռեադմիսիան կարևոր բաղադրիչ է և՛ վիզաների դյուրացման, և՛ վիզաների ազատականացման գործընթացի համար։ Ըստ նրա` Հայաստանը որպես իրավական պետություն պետք է միշտ պատրաստ լինի հետ ընդունել իր քաղաքացիներին, որոնք մեկնել են արտերկիր ու այսպես ասած հանձնել այնտեղ` քաղաքական, սոցիալ–տնտեսական կամ առողջական դրդապատճառներից ելնելով։ 

«Ռեադմիսիայի կիրարկումը Հայաստանի համար ունենալու է շատ մեծ դրական էֆեկտ, քանի որ վիզաների ազատականացման գործընթացն արդեն սկսվել էր։ Եվրոպական երկրներն էլ հանգիստ կլինեն այն առումով, որ Հայաստանը պատրաստ է հետ ընդունել իր քաղաքացիներին, ովքեր անօրինական կերպով հաստատվել են ԵՄ երկրների տարածքում, և պատրաստ է ապահովել այդ մարդկանց իրավունքները»,– Sputnik Արմենիայի հետ զրույցում ասաց նա։

Պողոսյանը վկայակոչում է այն իրողությունը, որ 1991 թվականից ի վեր մենք ունեցել ենք տարբեր քաղաքական, սոցիալ–տնտեսական իրավիճակներ։ Հայաստանը երեսուն տարվա ընթացքում անցել է զարգացման տարբեր փուլեր, երբ մարդիկ շատ ժամանակ ստիպված են եղել այլ երկրներում աշխատանք փնտրել ու իրենց կյանքն այնտեղ կարգավորել։ Մեկնելիս բոլորն էլ ունեցել են մուտքի օրինական արտոնագիր, բայց հետո որոշել են, որ այլևս չեն վերադառնալու Հայաստան, հետևաբար շատերի կեցությունը դարձել է անօրինական։ 

«Մեր պետությունը պետք է այնքան գրավիչ դառնա, որ իր քաղաքացիները կամովին ցանկանան վերադառնալ և չսպասեն, որ իրենց բռնի ուժով վերադարձնեն Հայաստան, և եթե նույնիսկ գա բռնի ուժով վերադառնալու պահը, երբ երկրներն այլևս չցանկանան մեր քաղաքացիներին պահել իրենց տարածքում, ապա նրանց համար բոլոր պայմանները պետք է ապահովի հայրենիքը, ինչը բխում է ռեադմիսիայի օրենքից»,– նշեց Պողոսյանը:

Խոտ և թնդանոթ․ ինչո՞ւ են Կալիֆոռնիայի հայերը զենք գնում և կանեփ աճեցնում

Նա կարծում է, որ Հայաստանն իր հերթին զարգանալով` պետք է պատրաստ լինի ընդունել իր բոլոր քաղաքացիներին, ընդ որում՝ կարևոր չէ` նրանք կվերադառնան մեկ օրում, թե տարբեր ժամանակահատվածում։

Նշենք, որ ԱԺ արտաքին հարաբերությունների մշտական հանձնաժողովը հավանություն է տվել ՀՀ–ԵՄ մի քանի պետությունների միջև «Հայաստանի հանրապետության և Եվրոպական միության միջև առանց թույլտվության բնակվող անձանց հետընդունման (ռեադմիսիա) մասին» համաձայնագրի կիրարկման արձանագրությունների վավերացմանը։ Ի դեպ, արձանագրություններն ուժի մեջ կմտնեն ՀՀ-ԵՄ հետ ընդունման հարցերով համատեղ կոմիտեին կողմերին անհրաժեշտ ներքին ընթացակարգերի ավարտման մասին ծանուցելուց հետո ՝ երկրորդ ամսվա առաջին օրը:

Հիշեցնենք, որ Եվրոստատի համաձայն` նախորդ երկու տարիներին Եվրամիության անդամ բոլոր երկրներում (ինչպես նաև Շվեյցարիայում ու Նորվեգիայում) առաջին անգամ ապաստան հայցող ՀՀ քաղաքացիների ընդհանուր թիվը կրճատվել է մոտ երկու անգամ՝ 6875-ից հասնելով 3525-ի:

2018-ին ԵՄ երկրներից Հայաստան են վերադարձրել 4 125, իսկ 2019-ին` 3 755 անօրինական միգրանտ։

106
թեգերը:
Հայաստան, միգրանտ, Թևան Պողոսյան
Ըստ թեմայի
Սեզոնային միգրանտներն ու կորոնավիրուսը. տնտեսագետը` Ռուսաստանից եկող փոխանցումների մասին
Հայաստանում շատացել են աշխատանքային միգրանտները. ի՞նչն է նրանց Հայաստան բերում
Ավետիսյան. «Աշխատանքային միգրանտների հարցում Հայաստանը չունի հստակ քվոտավորում»
«Տղերք, չքաշեք ո՛չ հայերին, ո՛չ ձեզ». ինչպես է Շավարշ քեռին խրատում Օսեթիայի միգրանտներին
Ալեն Ղևոնդյան

Թուրքիան բացառապես ուժի լեզուն է հասկանում. ինչ սպասել ՄԱԿ-ի ԱԽ քննարկումներից

10
Քաղաքագետ Ալեն Ղևոնդյանը Sputnik Արմենիայի եթերում անդրադարձել է այն հարցին, թե  ինչ կարելի է ակնկալել ՄԱԿ–ի Անվտանգության խորհրդում արցախյան հակամարտությանն առնչվող քննարկումներից, որոնք տեղի կունենան սեպտեմբերի 29–ին։
Ղևոնդյան. «Մինչ այժմ Ադրբեջանը ոչ մի կերպ չի արձագանքել ՄԱԿ–ից հնչող հայտարարություններին»

ՏԱՍՍ-ի տվյալներով ՝ հանդիպումը նախաձեռնել են մի շարք եվրոպական երկրներ։ Խորհրդակցությունների ձևաչափը ենթադրում է, որ դրանց մասնակցում են միայն ԱԽ 15 երկրների դիվանագետներ ՝ առանց հակամարտության կողմերի ներկայացուցիչների։

Ալեն Ղևոնդյանի կարծիքով` ՄԱԿ–ն իր առաքելությամբ այս ոլորտում ընդհանուր առմամբ ունի կարևոր դերակատարություն։ Հասկանալի է, որ ԱԽ անդամ երկրները տեսնում են, թե ինչ է կատարվում մեր տարածաշրջանում կոնկրետ հայ–ադրբեջանական հակամարտության շուրջ, սակայն քաղաքագետը քննարկումներից մեծ ակնկալիքներ չունի այն իմաստով, որ ԱԽ մշտական և ոչ մշտական անդամները կրակի դադարեցման ու խաղաղ բանակցությունների ձևաչափի վերադառնալու մասին արդեն տարբեր կոչերով ու հայտարարություններով հանդես են եկել, մինչդեռ ագրեսոր կողմ հանդիսացող Ադրբեջանը ոչ մի կերպ չի արձագանքել դրանց։ Ավելին` շեշտակիորեն ավելացրել է ռազմական, ծավալապաշտական գործողությունները ռազմաճակատի ողջ երկայնքով։

«Ադրբեջանը կտրել է իր կապն արտաքին աշխարհի հետ` ինտերնետի հասանելիության, օտարերկրյա լրագրողների մուտքի և իրադարձությունների օբյեկտիվ լուսաբանման տեսանկյունից։ Թերևս Ադրբեջանի կապի հիմնական օղակն այս պահին Թուրքիան է, այդ երկրի կուրացիայի ներքո իրականացնում է գործողություններ, հետևաբար այս համատեքստում ՄԱԿ–ի Անվտանգության խորհրդի ցանկացած բանաձև, որն առավելապես կլինի կոչի ֆորմատի, կարծում եմ՝ իր նպատակին չի հասնի։ Թերևս հետագայում որոշակի արարողակարգի միջոցով կարող է մտնել մեծ նստաշրջանի օրակարգ, սակայն այս պահին կիրառական, թիրախային որևէ արդյունավետ գործիքակազմ չեմ տեսնում, որ կարող է գործարկել ԱԽ–ն և դա որևէ դրական հետևանք կունենա ռազմական գործողությունների դադարեցման տեսանկյունից»,– նշում է քաղաքագետը։

Անդրադառնալով հայ–ադրբեջանական կոնֆլիկտում Թուրքիայի միջամտության խնդրին` Ալեն Ղևոնդյանն ընդգծում է, որ եթե ուշադիր հետևենք Անկարայի վերջին մի քանի տարիների վարքագծին, նրա ռեգիոնալ ագրեսիվ ոճին ու քաղաքականությանը, նրա ազգային շահերի սպասարկման ինքնուրույն մոտեցումներին` առանց հաշվի առնելու միջազգային հանրության, անգամ իր դաշնակիցների մոտեցումները, շատ դեպքերում կոնֆլիկտի գնալով ԱՄՆ–ի ու եվրոպական գործընկերների հետ, ապա կասկածելի է, որ որևէ մեկն ԱԽ ֆորմատում կկարողանա ուղղակիորեն ազդեցություն ունենալ Թուրքիայի վրա, քանզի վերջինս հասկանում է բացառապես ուժի, ռազմական հաղթանակների լեզուն, և եթե զսպվի, ապա միայն այդ ճանապարհով։ 

Ըստ քաղաքագետի` Թուրքիան փորձելու է նաև գնալ առևտրի, որպեսզի դադարեցնի իր աջակցությունն Ադրբեջանին, որն իր հերթին կամովին դարձել է Թուրքիայի գործիքը ռեգիոնում այդ երկրի դիրքերն ամրապնդելու տեսանկյունից։ Ըստ այդմ` Թուրիքային ընդդիմանալու տեսանկյունից հիմնական շահառու կողմը Ռուսաստանն է, որն արդեն իսկ որոշակի քայլեր ձեռնարկում է այդ ուղղությամբ, մինչդեռ ՄԱԿ-ի ԱԽ անդամ երկրներն ունեն Թուրքիայի վրա ազդելու սահմանափակ հնարավորություններ, առավել ևս, որ Թուրքիան վաղուց կասկածի տակ է դնում ՄԱԿ–ի արդյունավետությունը և ընդհանրապես ներկա ձևաչափը ԱԽ կազմով։

10
թեգերը:
Միավորված ազգերի կազմակերպություն (ՄԱԿ), Արցախ, տարածաշրջան, Թուրքիա, Ալեն Ղևոնդյան
Արա Ղազարյան

ՀՀ դիմումների քննության հարցում շատ բան կախված է ՄԻԵԴ–ի ցանկությունից. Ղազարյան

49
(Թարմացված է 23:26 28.09.2020)
Փաստաբան Արա Ղազարյանը Sputnik Արմենիայի եթերում անդրադարձել է Մարդու իրավունքների եվրոպական դատարանում Հայաստանի ներկայացրած դիմումներին և դրանց առնչվող ընթացակարգային հարցերին։ 
Ղազարյան. «ՄԻԵԴ–ը պետք է շուտ արձագանքի ՀՀ դիմումներին. խոսքը հրատապ միջոց կիրառելու մասին է»

Փաստաբան Արա Ղազարյանի տեղեկացմամբ`Եվրոպական դատական այդ բարձր ատյանը պետք է շատ արագ կայացնի որոշում` բավարարում է դիմումը, թե ոչ, և դա կարող է անել մեկ կամ մի քանի օրվա ընթացքում։

«ՄԻԵԴ–ը չի կարող եկար սպասել, որովհետև խոսք է գնում հրատապ միջոց կիրառելու մասին։ Կամ պետք է մերժի ամբողջությամբ, կամ բավարարի մեկ, երկու, երեք կետերը և դիմումը հաղորդակցի Ադրբեջանին։ Դատարանը կարող է անմիջապես բավարարել ու հաղորդակցել Ադրբեջանին, կամ էլ Ադրբեջանից հավելյալ ինֆորմացիա ուզել ու հետո որոշում կայացնել»,– Sputnik Արմենիայի հետ զրույցում ասաց նա։

Ղազարյանի դիտարկմամբ` միջպետական գանգատի շրջանակում այս դիմումների ճակատագիրը մեծ հաշվով չի կարելի համարել կանխատեսելի, որովհետև շատ բան կախված է ՄԻԵԴ–ի ցանկությունից, և հարցը չի լուծվելու միայն իրավունքի ուժով։ Այդ իմաստով շատ դիմումներ չկան եվրոպական դատարանում։

Ըստ Ղազարյանի` նախադեպ եղել է Ուկրաինայի և Ռուսաստանի միջև կոնֆլիկտի կապակցությամբ, երբ դատարանը երկու կողմին էլ ուղղել է իր որոշումը` սահմանելով պարիտետ։ 

«Հայաստանի պարագայում կա մի առանձնահատկություն, որը երբեք չի եղել։ Հայաստանը ոչ միայն հայցում է հրատապ միջոց իր տարածքի, այլև իր տարածքից դուրս տարածքի համար։ Այս իմաստով ՀՀ դիմումներն առանձնահատուկ են»,– նշեց փաստաբանը։

Բաքուն ազգային փոքրամասնություններին օգտագործում է որպես կենդանի պատնեշ. Վարդանյան

Անդրադառնալով այն հարցին, թե կարո՞ղ է Արցախն իր խաղաղ բնակչության նկատմամբ Ադրբեջանի կողմից սանձազերծված վայրագությունների առթիվ դիմել Հաագայի ռազմական տրիբունալ, Ղազարյանն ընդգծեց, որ այդ ատյանին սովորաբար հայցադիմում են ներկայացնում կոնկրետ անձի դեմ, օրինակ՝ որևէ գեներալի գործով, սակայն դրա համար անհրաժեշտ է ունենալ բավարար փաստակազմ, պետք է ժամանակ պատրաստվելու համար, որովհետև Հաագայի դատական ատյանում չափանիշները շատ բարձր են և դա մարդու իրավունքների դատարան չէ, հիմքերը մի փոքր այլ են, ուստի այս պահի դրությամբ դեռ վաղաժամ է դատել այդ մասին։ 

Իսկ այն հարցին, թե կարո՞ղ է Հաագայի դատարանում դատվել Իլհամ Ալիևը որպես պատերազմ հրահրած և խաղաղ բնակչության նկատմամբ վայրագություններ սանձազերծած բանակի գերագույն գլխավոր հրամանատար, Ղազարյանը պատասխանեց, որ սկզբունքորեն հնարավոր է, բայց դեռ վաղ է այդ կապակցությամբ կարծիք հայտնել, քանի որ այս պահին դեռ բավարար հանցակազմ չկա նման դիմում ներկայացնելու համար, պետք է լինի բավականին անհատականացված դիմում, ունենա անհրաժեշտ ապացուցողական բազա։ 

Նշենք, որ ՄԻԵԴ–ում ՀՀ ներկայացուցչի ֆեյսբուքյան էջում նշվում է, որ ՀՀ–ն նոր փաստեր է ներկայացրել ադրբեջանական զինված ուժերի կողմից բնակավայրերը, քաղաքացիական օբյեկտները և բնակչությանը թիրախավորելու վերաբերյալ։

Մարտակերտում Ադրբեջանը կրակել է նաև հայ լրագրողների ուղղությամբ. տեսանյութ

49
թեգերը:
Ադրբեջան, դիմում, Մարդու Իրավունքների Եվրոպական դատարան (ՄԻԵԴ), փաստաբան, Արա Ղազարյան
թեմա:
Ադրբեջանական ագրեսիա Արցախում. 2020
Ըստ թեմայի
Իրանի ԱԳՆ-ն մարտական գործողություններն անհապաղ դադարեցնելու կոչ է արել
Սպասում ենք Բեռլինի պատասխանին. ՌԴ ԱԳՆ–ն` Նավալնուն «Նովիչոկով թունավորելու» մասին
Արցախն իրացնում է ինքնապաշտպանության իր անքակտելի իրավունքը. ԱՀ ԱԳՆ
Թուրքիան հավաքագրում է օտարազգի ահաբեկիչ զինյալների և տեղափոխում Ադրբեջան. ՀՀ ԱԳՆ