Վահե Էնֆիաջյան

ԱԳ նախարարից մինչև պատկան մարմիններ. Էնֆիաջյանը խոստանում է ՌԴ քաղաքացիների խնդրով զբաղվել

57
(Թարմացված է 19:10 04.09.2020)
ԱԺ «Բարգավաճ Հայաստան» խմբակցության պատգամավոր Վահե Էնֆիաջյանը Sputnik Արմենիայի եթերում անդրադարձել է խորհրդարանի շենքի առջև բողոքի ակցիա իրականացրած քաղաքացիների հետ իր հանդիպմանն ու նրանց հուզող խնդրին։
Էնֆիաջյան. «Դիմելու ենք ԱԳ նախարարին, որ ՀՀ և ՌԴ պատկան մարմինները շուտ լուծում գտնեն»

ԱԺ «Բարգավաճ Հայաստան» խմբակցության պատգամավոր Վահե Էնֆիաջյանի փոխանցմամբ` տևական ժամանակ է, ինչ ինքը խնդրի հետ կապված ստանում է նամակներ և դիմումներ, որ կան բազմաթիվ քաղաքացիներ, որոնք գտնվում են Հայաստանի տարածքում, ցանկանում են մեկնել Ռուսաստան և հակառակը: ՌԴ–ում նույնպես կան շատ հայրենակիցներ, որոնք մտադիր են վերադառնալ Հայաստան, հետևաբար իրենց տեղաշարժին առնչվող սահմանափակումների ու անորոշության հետ կապված հարցերը օրեցօր ավելի հրատապ են դառնում և իրենք ստիպված են ավելի կազմակերպված ձևով գործել։

«4300-ից ավելի ստորագրություն են հավաքել։ Նրանք իսկապես հայտնվել են անելանելի վիճակում` կապված իրենց աշխատանքի, կենցաղային հարցերի հետ։ Շատերի պարագայում ընտանիքի կեսը գտնվում է Հայաստանում, մյուս կեսը Ռուսաստանում, մարդիկ բնականաբար ցանկանում են միանալ հարազատներին։ Որոշ մարդիկ առողջության հետ կապված խնդիրներ ունեն, մյուսներն իրենց բիզնես ծրագրերի, որովհետև վարկեր են վերցրել, և հիմա խնդիրներ են առաջացել բանկերի հետ։ Պրոբլեմն, ինչ խոսք, դարձել է ավելի ծավալուն»,–Sputnik Արմենիայի հետ զրույցում ասաց նա։

Էնֆիաջյանի դիտարկմամբ` քանի որ պետական մարմինների ներկայացուցիչները նրանց հարցերին պատշաճ չեն պատասխանել, նրանք ստիպված եկել էին խորհրդարանի շենքի մոտ` իրականացնելու բողոքի ակցիա։ Պատգամավորը նրանց հետ հանդիպման ժամանակ խոստացել է վարման կարգով անպայման անդրադառնալ խնդրին, և գրավոր կերպով այն ներկայացնել արտգործնախարարին։ Հարյուրավոր մարդիկ պահանջել են իրենց հարցերը ներառել քննարկումներում, որպեսզի դրանք գործնական տեսքի բերվեն առկա գործընթացում, և մարդիկ էլ հասկանան, թե երբ կարող են Հայաստանից մեկնել։

Ավելի քան 120 ռուսաստանցի տուն են վերադարձել Երևան-Նովոսիբիրսկ չվերթով

«Քաղաքացիներն իրենց դժգոհությունը բարձրաձայնելով հանդերձ` պետությունից որևէ գումար չեն ակնկալում, ուզում են հարցի լուծում և պատրաստ են տեղափոխման համար վճարել պահանջվող գումարներն ու անցնել համապատասխան թեստավորում ինչպես ՀՀ–ում, այնպես էլ՝ ՌԴ–ում, միայն թե խնդիրը լուծվի և իրենք կարողանան տեղաշարժվել»,– նշեց պատգամավորը։

Էնֆիաջյանի տեղեկացմամբ` քաղաքացիներից շատերը տարակուսում են չարտերային չվերթերի կապակցությամբ, նշում են, որ կան մի խումբ մարդիկ, որոնց հաջողվում է հարցեր լուծել ու մեկնել ՌԴ, իսկ իրենք մնացել են անորոշության մեջ։

Պատգամավորի համոզմամբ` կարելի է լուծել տեխնիկական բնույթի հարցերը, որովհետև չարտերային չվերթերը կազմակերպվում են նույն պահանջներն ու սկզբունքները պահպանելով։ Մարդիկ սպասում և ակնկալում են, որպեսզի ՀՀ և ՌԴ պատկան մարմինների միջև հնարավորինս շուտ կայացվի համապատասխան որոշում։

Հիշեցնենք՝ ՌԴ մի խումբ քաղաքացիներ այսօր հավաքվել էին Ազգային ժողովի դիմաց` պատգամավորներին իրենց խնդիրը ներկայացնելու։  Ակցիայի մասնակիցների խոսքով՝ իրենք հայտնվել են անելանելի իրավիճակում, և եկել են ԱԺ` օգնություն ստանալու ակնկալիքով։

Եվս 218 քաղաքացի Հայաստանից մեկնել են Ռուսաստան

57
թեգերը:
Բողոքի ակցիա, Բարգավաճ Հայաստան կուսակցություն (ԲՀԿ), Ռուսաստան, Հայաստան, Պատգամավոր, Վահե Էնֆիաջյան
Ըստ թեմայի
Երևան–Սամարա չվերթով հայրենիք է վերադարձել 101 ռուսաստանցի
Մոսկվա–Երևան 3 չարտերային չվերթ է նախատեսված. որտեղի՞ց կարելի է տոմս գնել
Եկատերինբուրգ–Երևան չարտերային չվերթ կկայանա. դեսպանություն
Մոսկվայից դեպի Երևան ու Գյումրի 6 նոր չվերթ կկայանա. թռիչքների օրերն ու ժամերը հայտնի են
Արա Ղազարյան

ՀՀ դիմումների քննության հարցում շատ բան կախված է ՄԻԵԴ–ի ցանկությունից. Ղազարյան

47
(Թարմացված է 23:26 28.09.2020)
Փաստաբան Արա Ղազարյանը Sputnik Արմենիայի եթերում անդրադարձել է Մարդու իրավունքների եվրոպական դատարանում Հայաստանի ներկայացրած դիմումներին և դրանց առնչվող ընթացակարգային հարցերին։ 
Ղազարյան. «ՄԻԵԴ–ը պետք է շուտ արձագանքի ՀՀ դիմումներին. խոսքը հրատապ միջոց կիրառելու մասին է»

Փաստաբան Արա Ղազարյանի տեղեկացմամբ`Եվրոպական դատական այդ բարձր ատյանը պետք է շատ արագ կայացնի որոշում` բավարարում է դիմումը, թե ոչ, և դա կարող է անել մեկ կամ մի քանի օրվա ընթացքում։

«ՄԻԵԴ–ը չի կարող եկար սպասել, որովհետև խոսք է գնում հրատապ միջոց կիրառելու մասին։ Կամ պետք է մերժի ամբողջությամբ, կամ բավարարի մեկ, երկու, երեք կետերը և դիմումը հաղորդակցի Ադրբեջանին։ Դատարանը կարող է անմիջապես բավարարել ու հաղորդակցել Ադրբեջանին, կամ էլ Ադրբեջանից հավելյալ ինֆորմացիա ուզել ու հետո որոշում կայացնել»,– Sputnik Արմենիայի հետ զրույցում ասաց նա։

Ղազարյանի դիտարկմամբ` միջպետական գանգատի շրջանակում այս դիմումների ճակատագիրը մեծ հաշվով չի կարելի համարել կանխատեսելի, որովհետև շատ բան կախված է ՄԻԵԴ–ի ցանկությունից, և հարցը չի լուծվելու միայն իրավունքի ուժով։ Այդ իմաստով շատ դիմումներ չկան եվրոպական դատարանում։

Ըստ Ղազարյանի` նախադեպ եղել է Ուկրաինայի և Ռուսաստանի միջև կոնֆլիկտի կապակցությամբ, երբ դատարանը երկու կողմին էլ ուղղել է իր որոշումը` սահմանելով պարիտետ։ 

«Հայաստանի պարագայում կա մի առանձնահատկություն, որը երբեք չի եղել։ Հայաստանը ոչ միայն հայցում է հրատապ միջոց իր տարածքի, այլև իր տարածքից դուրս տարածքի համար։ Այս իմաստով ՀՀ դիմումներն առանձնահատուկ են»,– նշեց փաստաբանը։

Բաքուն ազգային փոքրամասնություններին օգտագործում է որպես կենդանի պատնեշ. Վարդանյան

Անդրադառնալով այն հարցին, թե կարո՞ղ է Արցախն իր խաղաղ բնակչության նկատմամբ Ադրբեջանի կողմից սանձազերծված վայրագությունների առթիվ դիմել Հաագայի ռազմական տրիբունալ, Ղազարյանն ընդգծեց, որ այդ ատյանին սովորաբար հայցադիմում են ներկայացնում կոնկրետ անձի դեմ, օրինակ՝ որևէ գեներալի գործով, սակայն դրա համար անհրաժեշտ է ունենալ բավարար փաստակազմ, պետք է ժամանակ պատրաստվելու համար, որովհետև Հաագայի դատական ատյանում չափանիշները շատ բարձր են և դա մարդու իրավունքների դատարան չէ, հիմքերը մի փոքր այլ են, ուստի այս պահի դրությամբ դեռ վաղաժամ է դատել այդ մասին։ 

Իսկ այն հարցին, թե կարո՞ղ է Հաագայի դատարանում դատվել Իլհամ Ալիևը որպես պատերազմ հրահրած և խաղաղ բնակչության նկատմամբ վայրագություններ սանձազերծած բանակի գերագույն գլխավոր հրամանատար, Ղազարյանը պատասխանեց, որ սկզբունքորեն հնարավոր է, բայց դեռ վաղ է այդ կապակցությամբ կարծիք հայտնել, քանի որ այս պահին դեռ բավարար հանցակազմ չկա նման դիմում ներկայացնելու համար, պետք է լինի բավականին անհատականացված դիմում, ունենա անհրաժեշտ ապացուցողական բազա։ 

Նշենք, որ ՄԻԵԴ–ում ՀՀ ներկայացուցչի ֆեյսբուքյան էջում նշվում է, որ ՀՀ–ն նոր փաստեր է ներկայացրել ադրբեջանական զինված ուժերի կողմից բնակավայրերը, քաղաքացիական օբյեկտները և բնակչությանը թիրախավորելու վերաբերյալ։

Մարտակերտում Ադրբեջանը կրակել է նաև հայ լրագրողների ուղղությամբ. տեսանյութ

47
թեգերը:
Ադրբեջան, դիմում, Մարդու Իրավունքների Եվրոպական դատարան (ՄԻԵԴ), փաստաբան, Արա Ղազարյան
թեմա:
Ադրբեջանական ագրեսիա Արցախում. 2020
Ըստ թեմայի
Իրանի ԱԳՆ-ն մարտական գործողություններն անհապաղ դադարեցնելու կոչ է արել
Սպասում ենք Բեռլինի պատասխանին. ՌԴ ԱԳՆ–ն` Նավալնուն «Նովիչոկով թունավորելու» մասին
Արցախն իրացնում է ինքնապաշտպանության իր անքակտելի իրավունքը. ԱՀ ԱԳՆ
Թուրքիան հավաքագրում է օտարազգի ահաբեկիչ զինյալների և տեղափոխում Ադրբեջան. ՀՀ ԱԳՆ
Ահարոն Վարդանյան

Բաքուն ազգային փոքրամասնություններին օգտագործում է որպես կենդանի պատնեշ. Վարդանյան

335
(Թարմացված է 20:52 28.09.2020)
Իրանագետ Ահարոն Վարդանյանը Sputnik Արմենիայի եթերում անդրադարձել է այն հարցին, թե ինչ ներգրավվածություն ունեն Ադրբեջանի ազգային փոքրամասնության ներկայացուցիչներն արցախյան պատերազմում, և ինչ հակասություններ ունեն պաշտոնական Բաքվի հետ։ 
Վարդանյան. «Բաքուն կոնֆլիկտում ազգային փոքրամասնություններին օգտագործում է որպես կենդանի պատնեշ»

Իրանագետ Ահարոն Վարդանյանի դիտարկմամբ` ներկայումս պաշտոնական Բաքուն կրկին օգտագործում է ազգային փոքրամասնություններին որպես կենդանի պատնեշ հայկական զորքերի դեմ և առաջնագծում դիրքավորում է հիմնականում թալիշներին, թաթերին, լեզգիներին, ավարներին, ու եթե նայեք զոհերի անունները և տվյալները, թե որ տարածքներից են ժամանել արցախյան ճակատ, ապա վերոհիշյալ հանգամանքը առավել ակնառու կդառնա։ 

«Ադրբեջանի իշխանությունները փորձում են նշված հանգամանքն օգտագործելով` ազատվել թալիշներից, քանզի այստեղ գործում է հետևյալ սկզբունքը` չկա թալիշ, չկա նաև թալիշական հարց, չկա թաթ, չկա նաև թաթական խնդիր։ Ազգային փոքրամասնություններն իհարկե շատ լավ հասկանում են իրողությունը, և մի քանի օր առաջ Ադրբեջանում այդ քաղաքականության դեմ տեղի են ունեցել ընդհարումներ, ցույցեր և ընդվզումներ։ Նույնիսկ կան տեղեկություններ, որ Իրանի սահմանամերձ հատվածում, թալիշաբնակ վայրերում տեղակայվել են նաև Սիրիայից եկած ահաբեկիչները և բախումներ են տեղի ունեցել նրանց ու տեղաբնակների միջև, քանզի վարձկանները փորձել են մարդկանց պարտադրել շարիաթի օրենքները»,– Sputnik Արմենիայի հետ զրույցում ասաց նա։

Վարդանյանի կարծիքով` տեղաբնակ փոքր ժողովուրդները կարող են միավորվել Ադրբեջանի նենգ քաղաքականության դեմ, առավել ևս, որ նման փորձ արդեն իսկ եղել է 1990–ական թվականներին, արցախյան պատերազմի սկզբնական շրջանում, և եթե կա փորձը, ապա ինչու՞ չկրկնել այն։

Ռուսաստանը Թուրքիային զսպելու համարժեք գործիքակազմ ունի. թուրքագետ

Ըստ իրանագետի` Ադրբեջանում նրանց համար ներկայումս կա համախմբվելու հիմք, քանզի եթե Ադրբեջանը շարունակի սադրիչ գործողություններն ու փորձի ավելի խորանալ ռազմական գործողությունների մեջ, ապա կստանա պատերազմ իր ներսում։ 

«Ադրբեջանի իշխանությունները հայտարարել են, որ զորակոչից խուսափողներն անկախ ազգային պատկանելությունից խստորեն կպատժվեն։ Տարբեր շրջաններում տեղակայվել են ռազմական ուժեր, որպեսզի ընդվզումները կասեցնեն։ Նույնիսկ կար տեղեկատվություն այն մասին, որ բանակ են տանում անգամ զորակոչային տարիքը չլրացած պատանիներին»,– նշեց Վարդանյանը։ 

Թուրքիան աշխարհում միակ երկիրն է, որը աջակցում է Արցախում հակամարտության սրմանը. Փայլան

Նրա խոսքով` Իրանը նույնպես անհանգստացած է իր սահմանների երկայնքով ահաբեկիչների տեղակայումից և մի քանի հայտարարություն է տարածել` նշելով, որ չի հանդուրժի ահաբեկիչների ներկայությունը, առավել ևս, որ նրանք երբեք այդքան մոտ չեն եղել Իրանի սահմանին։

Իրանն իրեն հռչակել է որպես շիաների պահապան պետություն, հետևաբար եթե շիաների և սունի վահաբիթների միջև հակասությունները խորանան, Իրանը կմիջամտի և իր ուժերի չափով կփորձի կանխել նման զարգացումները։

335
թեգերը:
ազգային փոքրամասնություն, Ադրբեջան, իրանագետ, Ահարոն Վարդանյան
թեմա:
Ադրբեջանական ագրեսիա Արցախում. 2020
Ըստ թեմայի
Արման Թաթոյանը ՄԱԿ-ի Մարդու իրավունքների խորհրդին հատուկ հաղորդում է ուղարկել
Ադրբեջանը ևս 10 տանկ է կորցրել. տեսանյութ
#Հաղթելու_ենք. անգամ սոցցանցերում ադրբեջանցիները վախենում են մենակ մնալ հայերի հետ
Զինծառայողներից մեկը չի զոհվել. ՊՆ–ն ներողություն է հայցում սխալի համար
Անվտանգության խորհրդի քարտուղար Արմեն Գրիգորյանը հեռախոսազրույց է ունեցել Ռուսաստանի Դաշնության անվտանգության խորհրդի քարտուղար Նիկոլայ Պատրուշևի հետ

Արմեն Գրիգորյանը Նիկոլայ Պատրուշևին է ներկայացրել Ադրբեջանի վտանգավոր միտումները

0
(Թարմացված է 14:12 29.09.2020)
Ռուսաստանի Դաշնության անվտանգության խորհրդի քարտուղար Նիկոլայ Պատրուշևը խորը մտահոգություն է հայտնել ստեղված իրավիճակի առնչությամբ։

ԵՐԵՎԱՆ, 29 սեպտեմբերի – Sputnik. Այսօր Անվտանգության խորհրդի քարտուղար Արմեն Գրիգորյանը հեռախոսազրույց է ունեցել Ռուսաստանի Դաշնության անվտանգության խորհրդի քարտուղար Նիկոլայ Պատրուշևի հետ: Տեղեկությունը հայտնում են ԱԽ մամուլի ծառայությունից։

«ԱԽ քարտուղարն անդրադարձել է արցախա-ադրբեջանական սահմանագոտում տիրող իրավիճակին, ընդգծել է Ադրբեջանի կողմից սանձազերծված պատերազմի, այդ թվում նաև Ադրբեջանի կողմից հակամարտությունը Հայաստանի Հանրապետության տարածք տեղափոխելու միտումների և խաղաղ բնակչությանը թիրախավորելու փաստերին»,–ասված է հաղորդագրության մեջ:

ԱԽ քարտուղար Արմեն Գրիգորյանն ընդգծել է, որ Արցախի Պաշտպանության բանակը ռազմաճակատի ողջ երկայնքով, ինչպես նաև ՀՀ զինված ուժերը երկրի սահմաններն անառիկ պահելու առումով փայլուն կերպով կատարում են իրենց առջև դրված բոլոր մարտական առաջադրանքները և իրավիճակը պահում են լիակատար վերահսկողության տակ: Արմեն Գրիգորյանն նշել է նաև տարածաշրջանային անվտանգության վրա բացասական ազդեցություն ունեցող Թուրքիայի ապակայունացնող դիրքորոշման հանգամանքը:

Ռուսաստանի Դաշնության անվտանգության խորհրդի քարտուղար Նիկոլայ Պատրուշևը խորը մտահոգություն է հայտնել ստեղված իրավիճակի առնչությամբ և զարգացումներով՝ ընդգծելով հակամարտության միմիայն խաղաղ ճանապարհով կարգավորման անհրաժեշտությունը:

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։ Ըստ վերջին տեղեկությունների` հակառակորդի կրակոցների հետևանքով զոհվել են 84 զինծառայողներ և 4 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդի կորուստներն անհամեմատ մեծ են։

Զինվորների մասին տեղեկություն հավաքելու փորձերից պետք է զերծ մնալ. ԱԱԾ

Արցախի ՊԲ ստորաբաժանումները «Իգլաով» հակառակորդի երկու ուղղաթիռ են ոչնչացրել։

Ըստ վերջին տեղեկությունների` Ադրբեջանը զրկվել է նաև 50 ԱԹՍ–ից, 6 ուղղաթիռից, 80 զրահատեխնիկայից, 1 ինքնաթիռից և 82 ավտոտրանսպորտից։ Արցախում և Հայաստանում ռազմական դրություն և համատարած զորահավաք է հայտարարվել։

 

0
թեգերը:
Ղարաբաղյան հակամարտություն, Լեռնային Ղարաբաղ, Արցախ, Հայաստան, հայ-ադրբեջանական, Ադրբեջան, հեռախոսազրույց, Նիկոլայ Պատրուշև, Արմեն Գրիգորյան