Սուրեն Պարսյան

Նախատեսվածից շատ ծախսեր են արվել. տնտեսագետը՝ պետբյուջեի սխալ պլանավորման մասին

78
(Թարմացված է 00:02 04.09.2020)
ՀՅԴ Բյուրոյի տնտեսական հետազոտությունների գրասենյակի պատասխանատու Սուրեն Պարսյանը Sputnik Արմենիայի եթերում անդրադարձել է Հայաստանի պահուստային ֆոնդի ներկա վիճակին և այդ կապակցությամբ ֆինանսների նախարարի տեսակետին։
Նախատեսվածից շատ ծախսեր են արվել. տնտեսագետը՝ պետբյուջեի սխալ պլանավորման մասին

ՀՅԴ Բյուրոյի տնտեսական հետազոտությունների գրասենյակի պատասխանատու Սուրեն Պարսյանի դիտարկմամբ` պահուստային ֆոնդն առհասարակ պետական բյուջեի համար ունի ռազմավարական նշանակություն, քանի որ օգտագործվում է չնախատեսված ծախսերի, դեպքերի համար, ու երբ հայտարարվում է, որ ֆոնդը գերծանրաբեռնված է, դա նշանակում է, որ պետական բյուջեն ի սկզբանե սխալ է պլանավորվել և հաշվի չեն առնվել բազմաթիվ ռիսկեր, որոնք հնարավոր են տարվա ընթացքում։ Ըստ նրա` պահուստային ֆոնդն ավելացնելու համար հաճախակի նաև օգտագործվում է պետական պարտքը, նվիրատվությունները, վերադարձված գույքերը, սակայն այս պահի դրությամբ նման պլանավորում չկա։

«Եթե ֆինանսների նախարարը հայտարարում է, որ խնդիր ունեն, ապա պետք է հասկանալ, որ այդ խնդիրն իրենց աշխատանքի մեջ է, և կառավարությունն ի դեմս վարչապետի կամ ճյուղային գերատեսչությունների`պետք է իմանան, որ ֆինանսների նախարարությունը պետք է համապատասխան կանխատեսումներ աներ` առաջարկելով համապատասխան մեխանիզմներ նման դեպքերի համար»,– Sputnik Արմենիայի հետ զրույցում ասաց նա։

Պարսյանի խոսքով` վերջին տարիների ընթացքում պահուստային ֆոնդը հաճախակի օգտագործվել է լրացուցիչ պարգևավճարների ու հավելավճարների համար, մինչդեռ նույն կառավարության կողմից չծախսված գումարները, մասնավորապես 2019 թվականի կապիտալ շինարարական ծրագրերի թերակատարման արդյունքում բազմաթիվ գումարները, ավանդ են դրվել  ու դրանց տոկոսները մուտքագրվել են պահուստային հաշվին, սակայն հատկացվել են պարգևավճարների և այլնի համար։

«Թանկարժեք» արտակարգ դրությունը. որքան են տուգանվել քաղաքացիները, և ինչքան է լցվել բյուջեն

Տնտեսագետի համոզմամբ` ֆինանսների նախարարությունը պետք է վերանայի իր քաղաքականությունը, ինչպես նաև կոնկրետ այս ուղղությամբ կադրերի աշխատանքը։ Ըստ նրա`եթե անգամ թղթի վրա գոյություն ունի պահուստային ֆոնդից կատարվող ծախսերի արդյունավետության ռազմավարություն, միևնույն է, ֆոնդի ծանրաբեռնված լինելու հանգամանքը վկայում է, որ նախատեսվածից շատ ծախսեր են կատարվել։ 

Սայլը ձիերից առաջ են դրել. նա, ով պաշտոն է ստանում, հետն էլ պարգևավճար են տալիս․ Ավետիսյան

Հիշեցնենք՝ կառավարության հերթական նիստում փոխվարչապետ Տիգրան Ավինյանն առաջարկել էր հանրակրթական հաստատությունների համար որոշակի քանակով պաշտպանիչ միջոցներ գնել, ինչին ֆինանսների նախարար Ատոմ Ջանջուղազյանը հակադարձել էր, որ պահուստային ֆոնդն ամբողջությամբ ծանրաբեռնված է։

78
թեգերը:
կառավարություն, Ատոմ Ջանջուղազյան, Տիգրան Ավինյան, բյուջե, պարգևավճար, Սուրեն Պարսյան, տնտեսագետ, Հայաստան
Ըստ թեմայի
Ինչպես են ավտոներկրումներն ու կորոնավիրուսն ազդել բյուջեի վրա. ներկայացրել է ՊԵԿ նախագահը
Հայաստանը հեղափոխությունից հետո սկսել է ավելի շատ գումար վճարել ԵԱՏՄ բյուջե
«Բյուջեի կապիտալ ծախսերն աննախադեպ թերակատարվել են». Ավետիսյան
Կորոնավիրուսի թեստերի վրա Հայաստանի բյուջեից ամսական 1 մլն դոլար է ծախսվում
Արա Ղազարյան

ՀՀ դիմումների քննության հարցում շատ բան կախված է ՄԻԵԴ–ի ցանկությունից. Ղազարյան

48
(Թարմացված է 23:26 28.09.2020)
Փաստաբան Արա Ղազարյանը Sputnik Արմենիայի եթերում անդրադարձել է Մարդու իրավունքների եվրոպական դատարանում Հայաստանի ներկայացրած դիմումներին և դրանց առնչվող ընթացակարգային հարցերին։ 
Ղազարյան. «ՄԻԵԴ–ը պետք է շուտ արձագանքի ՀՀ դիմումներին. խոսքը հրատապ միջոց կիրառելու մասին է»

Փաստաբան Արա Ղազարյանի տեղեկացմամբ`Եվրոպական դատական այդ բարձր ատյանը պետք է շատ արագ կայացնի որոշում` բավարարում է դիմումը, թե ոչ, և դա կարող է անել մեկ կամ մի քանի օրվա ընթացքում։

«ՄԻԵԴ–ը չի կարող եկար սպասել, որովհետև խոսք է գնում հրատապ միջոց կիրառելու մասին։ Կամ պետք է մերժի ամբողջությամբ, կամ բավարարի մեկ, երկու, երեք կետերը և դիմումը հաղորդակցի Ադրբեջանին։ Դատարանը կարող է անմիջապես բավարարել ու հաղորդակցել Ադրբեջանին, կամ էլ Ադրբեջանից հավելյալ ինֆորմացիա ուզել ու հետո որոշում կայացնել»,– Sputnik Արմենիայի հետ զրույցում ասաց նա։

Ղազարյանի դիտարկմամբ` միջպետական գանգատի շրջանակում այս դիմումների ճակատագիրը մեծ հաշվով չի կարելի համարել կանխատեսելի, որովհետև շատ բան կախված է ՄԻԵԴ–ի ցանկությունից, և հարցը չի լուծվելու միայն իրավունքի ուժով։ Այդ իմաստով շատ դիմումներ չկան եվրոպական դատարանում։

Ըստ Ղազարյանի` նախադեպ եղել է Ուկրաինայի և Ռուսաստանի միջև կոնֆլիկտի կապակցությամբ, երբ դատարանը երկու կողմին էլ ուղղել է իր որոշումը` սահմանելով պարիտետ։ 

«Հայաստանի պարագայում կա մի առանձնահատկություն, որը երբեք չի եղել։ Հայաստանը ոչ միայն հայցում է հրատապ միջոց իր տարածքի, այլև իր տարածքից դուրս տարածքի համար։ Այս իմաստով ՀՀ դիմումներն առանձնահատուկ են»,– նշեց փաստաբանը։

Բաքուն ազգային փոքրամասնություններին օգտագործում է որպես կենդանի պատնեշ. Վարդանյան

Անդրադառնալով այն հարցին, թե կարո՞ղ է Արցախն իր խաղաղ բնակչության նկատմամբ Ադրբեջանի կողմից սանձազերծված վայրագությունների առթիվ դիմել Հաագայի ռազմական տրիբունալ, Ղազարյանն ընդգծեց, որ այդ ատյանին սովորաբար հայցադիմում են ներկայացնում կոնկրետ անձի դեմ, օրինակ՝ որևէ գեներալի գործով, սակայն դրա համար անհրաժեշտ է ունենալ բավարար փաստակազմ, պետք է ժամանակ պատրաստվելու համար, որովհետև Հաագայի դատական ատյանում չափանիշները շատ բարձր են և դա մարդու իրավունքների դատարան չէ, հիմքերը մի փոքր այլ են, ուստի այս պահի դրությամբ դեռ վաղաժամ է դատել այդ մասին։ 

Իսկ այն հարցին, թե կարո՞ղ է Հաագայի դատարանում դատվել Իլհամ Ալիևը որպես պատերազմ հրահրած և խաղաղ բնակչության նկատմամբ վայրագություններ սանձազերծած բանակի գերագույն գլխավոր հրամանատար, Ղազարյանը պատասխանեց, որ սկզբունքորեն հնարավոր է, բայց դեռ վաղ է այդ կապակցությամբ կարծիք հայտնել, քանի որ այս պահին դեռ բավարար հանցակազմ չկա նման դիմում ներկայացնելու համար, պետք է լինի բավականին անհատականացված դիմում, ունենա անհրաժեշտ ապացուցողական բազա։ 

Նշենք, որ ՄԻԵԴ–ում ՀՀ ներկայացուցչի ֆեյսբուքյան էջում նշվում է, որ ՀՀ–ն նոր փաստեր է ներկայացրել ադրբեջանական զինված ուժերի կողմից բնակավայրերը, քաղաքացիական օբյեկտները և բնակչությանը թիրախավորելու վերաբերյալ։

Մարտակերտում Ադրբեջանը կրակել է նաև հայ լրագրողների ուղղությամբ. տեսանյութ

48
թեգերը:
Ադրբեջան, դիմում, Մարդու Իրավունքների Եվրոպական դատարան (ՄԻԵԴ), փաստաբան, Արա Ղազարյան
թեմա:
Ադրբեջանական ագրեսիա Արցախում. 2020
Ըստ թեմայի
Իրանի ԱԳՆ-ն մարտական գործողություններն անհապաղ դադարեցնելու կոչ է արել
Սպասում ենք Բեռլինի պատասխանին. ՌԴ ԱԳՆ–ն` Նավալնուն «Նովիչոկով թունավորելու» մասին
Արցախն իրացնում է ինքնապաշտպանության իր անքակտելի իրավունքը. ԱՀ ԱԳՆ
Թուրքիան հավաքագրում է օտարազգի ահաբեկիչ զինյալների և տեղափոխում Ադրբեջան. ՀՀ ԱԳՆ
Ահարոն Վարդանյան

Բաքուն ազգային փոքրամասնություններին օգտագործում է որպես կենդանի պատնեշ. Վարդանյան

337
(Թարմացված է 20:52 28.09.2020)
Իրանագետ Ահարոն Վարդանյանը Sputnik Արմենիայի եթերում անդրադարձել է այն հարցին, թե ինչ ներգրավվածություն ունեն Ադրբեջանի ազգային փոքրամասնության ներկայացուցիչներն արցախյան պատերազմում, և ինչ հակասություններ ունեն պաշտոնական Բաքվի հետ։ 
Վարդանյան. «Բաքուն կոնֆլիկտում ազգային փոքրամասնություններին օգտագործում է որպես կենդանի պատնեշ»

Իրանագետ Ահարոն Վարդանյանի դիտարկմամբ` ներկայումս պաշտոնական Բաքուն կրկին օգտագործում է ազգային փոքրամասնություններին որպես կենդանի պատնեշ հայկական զորքերի դեմ և առաջնագծում դիրքավորում է հիմնականում թալիշներին, թաթերին, լեզգիներին, ավարներին, ու եթե նայեք զոհերի անունները և տվյալները, թե որ տարածքներից են ժամանել արցախյան ճակատ, ապա վերոհիշյալ հանգամանքը առավել ակնառու կդառնա։ 

«Ադրբեջանի իշխանությունները փորձում են նշված հանգամանքն օգտագործելով` ազատվել թալիշներից, քանզի այստեղ գործում է հետևյալ սկզբունքը` չկա թալիշ, չկա նաև թալիշական հարց, չկա թաթ, չկա նաև թաթական խնդիր։ Ազգային փոքրամասնություններն իհարկե շատ լավ հասկանում են իրողությունը, և մի քանի օր առաջ Ադրբեջանում այդ քաղաքականության դեմ տեղի են ունեցել ընդհարումներ, ցույցեր և ընդվզումներ։ Նույնիսկ կան տեղեկություններ, որ Իրանի սահմանամերձ հատվածում, թալիշաբնակ վայրերում տեղակայվել են նաև Սիրիայից եկած ահաբեկիչները և բախումներ են տեղի ունեցել նրանց ու տեղաբնակների միջև, քանզի վարձկանները փորձել են մարդկանց պարտադրել շարիաթի օրենքները»,– Sputnik Արմենիայի հետ զրույցում ասաց նա։

Վարդանյանի կարծիքով` տեղաբնակ փոքր ժողովուրդները կարող են միավորվել Ադրբեջանի նենգ քաղաքականության դեմ, առավել ևս, որ նման փորձ արդեն իսկ եղել է 1990–ական թվականներին, արցախյան պատերազմի սկզբնական շրջանում, և եթե կա փորձը, ապա ինչու՞ չկրկնել այն։

Ռուսաստանը Թուրքիային զսպելու համարժեք գործիքակազմ ունի. թուրքագետ

Ըստ իրանագետի` Ադրբեջանում նրանց համար ներկայումս կա համախմբվելու հիմք, քանզի եթե Ադրբեջանը շարունակի սադրիչ գործողություններն ու փորձի ավելի խորանալ ռազմական գործողությունների մեջ, ապա կստանա պատերազմ իր ներսում։ 

«Ադրբեջանի իշխանությունները հայտարարել են, որ զորակոչից խուսափողներն անկախ ազգային պատկանելությունից խստորեն կպատժվեն։ Տարբեր շրջաններում տեղակայվել են ռազմական ուժեր, որպեսզի ընդվզումները կասեցնեն։ Նույնիսկ կար տեղեկատվություն այն մասին, որ բանակ են տանում անգամ զորակոչային տարիքը չլրացած պատանիներին»,– նշեց Վարդանյանը։ 

Թուրքիան աշխարհում միակ երկիրն է, որը աջակցում է Արցախում հակամարտության սրմանը. Փայլան

Նրա խոսքով` Իրանը նույնպես անհանգստացած է իր սահմանների երկայնքով ահաբեկիչների տեղակայումից և մի քանի հայտարարություն է տարածել` նշելով, որ չի հանդուրժի ահաբեկիչների ներկայությունը, առավել ևս, որ նրանք երբեք այդքան մոտ չեն եղել Իրանի սահմանին։

Իրանն իրեն հռչակել է որպես շիաների պահապան պետություն, հետևաբար եթե շիաների և սունի վահաբիթների միջև հակասությունները խորանան, Իրանը կմիջամտի և իր ուժերի չափով կփորձի կանխել նման զարգացումները։

337
թեգերը:
ազգային փոքրամասնություն, Ադրբեջան, իրանագետ, Ահարոն Վարդանյան
թեմա:
Ադրբեջանական ագրեսիա Արցախում. 2020
Ըստ թեմայի
Արման Թաթոյանը ՄԱԿ-ի Մարդու իրավունքների խորհրդին հատուկ հաղորդում է ուղարկել
Ադրբեջանը ևս 10 տանկ է կորցրել. տեսանյութ
#Հաղթելու_ենք. անգամ սոցցանցերում ադրբեջանցիները վախենում են մենակ մնալ հայերի հետ
Զինծառայողներից մեկը չի զոհվել. ՊՆ–ն ներողություն է հայցում սխալի համար

Ադրբեջանը երկու օր շարունակ գնդակոծել է Մարտունին. տեսանյութ

0
Ադրբեջանական կողմը Մարտունին գնդակոծել է Դ-30 հրանոթներով, «Գրադ» համազարկային կրակի ռեակտիվ համակարգերով: Sputnik Արմենիայի նկարահանող խումբը քաղաքում է եղել կրակոցներից հետո։

Սեպտեմբերի 27-ին և 28-ին ադրբեջանական զինուժը գնդակոծել է Արցախի Մարտունի քաղաքը։

Կադրերում երևում է, որ քաղաքի փողոցները գրեթե դատարկ են։ Մարտունեցի Համլետ Դավթյանը Sputnik Արմենիայի թղթակիցներին ցույց է տալիս ավերված տան դիմաց ընկած արկի «պատյանը»:

Ռմբակոծության հետևանքով նաև մարդիկ են վնասվածքներ ստացել։ Երկու հոգի` կին և աղջիկ, մահացել են։

Մարտունին զրկվել է էլեկտրաէներգիայից. գնդակոծության հետևանքով վնասվել են էլեկտրահաղորդման գծերն ու տեղի ենթակայանը: Գազ նույնպես չկա. խողովակները վնասվել են, և գազն անջատել են անվտանգության նկատառումներով։

0