Արամ Մինասյան

Ինչ է արվում ՔԿՀ–ներում դատապարտյալների իրավունքների խախտումները բացառելու համար

384
(Թարմացված է 23:10 02.09.2020)
ՄԻՊ աշխատակազմի քրեական արդարադատության ոլորտում իրավունքների պաշտպանության վարչության պետ Արամ Մինասյանը Sputnik Արմենիայի եթերում խոսել է ՔԿՀ–ներում մարդու իրավունքների պաշտպանությանն ուղղված ջանքերի արդյունավետության մասին։
Մինասյան. «Նուբարաշեն» ՔԿՀ–ի դեպքի առթիվ քրեական գործ հարուցելու բավարար հիմքեր ենք գտել

Արամ Մինասյանի դիտարկմամբ` տարիների ընթացքում քրեակատարողական հիմնարկներում ազատությունից զրկված անձանց իրավունքների առնչությամբ տարբեր աշխատանքների արդյունքում վեր են հանվել ՔԿՀ–ներում առկա խնդիրներն ու դրանց հնարավոր լուծման տարբերակները։

Մասնավորապես` անդրադառնալով «Նուբարաշեն» ՔԿՀ–ում այս տարվա օգոստոսի 24-ին գրանցված դեպքին, որի վերաբերյալ ՄԻՊ գրասենյակը ստացել էր ահազանգ առ այն, որ քրեակատարողական ծառայողների կողմից ազատազրկված անձի նկատմամբ կիրառվել է անհամաչափ ուժ, Արամ Մինասյանը հայտնում է, որ այցի ընթացքում իրենք դեպքի առթիվ քրեական գործ հարուցելու բավարար հիմքեր են գտել և հաղորդագրություն են ուղարկել դատախազություն։

«Պետությունը պետք է ավելի մեծ ջանքեր գործադրի, որպեսզի բացառվեն ազատազրկման վայրերում ազատությունից զրկված անձանց իրավունքների խախտումները։ Ցանկացած նման, նույնիսկ ենթադրյալ դեպք պետք է արժանանա պատշաճ գնահատականի, և յուրաքանչյուր քրեակատարողական ծառայող պետք է գիտակցի, որ նման իրավիճակներում ոչ համաչափ ուժի գործադրման և վատ վերաբերմունքի արժանացնելու դեպքում ինքը կարող է ենթարկվել քրեական պատասխանատվության»,– նշում է ՄԻՊ աշխատակիցը։

Արամ Մինասյանի գնահատմամբ` փակ հաստատությունն ինքնին չի ենթադրում, որ տվյալ ՔԿՀ–ում կարող են խախտվել անձանց իրավունքները, հետևաբար նա ևս մեկ անգամ ուշադրություն է հրավիրում այն հանգամանքին, որ նույնիսկ եթե փակ հաստատությունում լինում են նմանատիպ դեպքեր, դրանք թե՛ ՄԻՊ–ի, թե՛ մյուս շահագրգիռ իրավապաշտպան կազմակերպությունների կողմից արժանանում են համապատասխան արձագանքի։

«Նուբարաշեն» ՔԿՀ երկու աշխատակից ձերբակալվել են

Անդրադառնալով այն հարցին, թե արդյո՞ք կանխակալ վերաբերմունք չկա ազատազրկված մարդկանց վերաբերյալ կամ չե՞ն խախտվում արդյոք  էթիկայի որոշ նորմեր նրանց գործերի լուսաբանման ժամանակ, Արամ Մինասյանն ընդգծում է, որ յուրաքանչյուր դեպքում, անկախ նրանից, թե ինչ կարգավիճակում է գտնվում անձը, նույնիսկ քրեական մեղադրանքի դեպքում պետք է հարգվի նրա անմեղության կանխավարկածը, եթե դեռ չկա դատարանի վճիռը, և դրանից ելնելով բոլոր հրապարակումներում անհրաժեշտ է հնարավորիս զսպված մոտեցում ցուցաբերել անձի նկատմամբ։

«Լրագրողների աշխատանքն, ինչ խոսք, կարևոր է նմանատիպ դեպքերի լուսաբանման ու հանրայնացման առումով, քանզի նրանք ավելի մեծ չափով հրավիրում են շահագրգիռ կազմակերպությունների ուշադրությունն առկա խնդիրների նկատմամբ»,– նշում է ՄԻՊ աշխատակիցը։

Ըստ Մինասյանի` ՄԻՊ գրասենյակի ներկայացուցիչներն առանց լրատվամիջոցների հրապարակումների էլ պարբերաբար այցելում են քրեակատարողական հիմնարկներ, ընդ որում` այցերը դրվագային չեն, այլ կազմում են աշխատանքային կարևորագույն ուղղություններից մեկը, քանի որ յուրաքանչյուր այցի ընթացքում խորքային ուսումնասիրման է ենթարկվում ազատազրկված անձանց իրավունքների պաշտպանությանն առնչվող իրավիճակը։ 

Հիշեցնենք` Արդարադատության նախարարության «Նուբարաշեն» ՔԿՀ-ի պատժախցում օգոստոսի 23-ի առավոտյան քրեակատարողական ծառայողները դատապարտյալի են ծեծել։ Ավելի ուշ ՀՀ արդարադատության նախարարության խոսնակ Լուսինե Մարտիրոսյանը մեկնաբանեց լուրը:

««Ի գիտություն այս հարցով հետաքրքրվողների։ Քրեակատարողական հիմնարկներում օրենքով սահմանված կարգով պարբերաբար իրականացվում են չնախատեսված խուզարկություններ՝ խցերում արգելված իրեր և առարկաներ հայտնաբերելու նպատակով: Ներքին կանոնակարգի պահանջների կոպիտ խախտումները բացառելու նպատակով, ըստ անհրաժեշտության, միջոցառումներին ներգրավվում են նաև կենտրոնական մարմնի տարբեր ստորաբաժանումների, այդ թվում՝ հատուկ նշանակության բաժնի ծառայողները»,-Facebook-ի իր էջում գրել էր նա:

Մարտիրոսյանը շեշտել էր, որ պետք է նկատի ունենալ նաև, որ գործող օրենսդրական կարգավորումներով քրեակատարողական ծառայողներն իրավասու են օրինական պահանջները չկատարելու կամ խոչընդոտելու դեպքերում գործադրել նաև ֆիզիկական համաչափ ուժ և հատուկ միջոցներ:

 

 

384
թեգերը:
ՀՀ ՄԻՊ, ծեծ, դատապարտյալ, «Նուբարաշեն» ՔԿՀ
Վարդան Ասցատրյան

Դասագրքեր, ուսուցիչների պակաս... ի՞նչ խնդիրներ ունեն ազգային փոքրամասնությունները ՀՀ-ում

28
(Թարմացված է 22:49 22.09.2020)
ՀՀ վարչապետի աշխատակազմի ազգային փոքրամասնությունների և կրոնի հարցերով բաժնի պետ Վարդան Ասցատրյանը Sputnik Արմենիայի եթերում անդրադարձել է ազգային փոքրամասնությունների ինքնության պահպանության հետ կապված կարևոր հարցերին։
Ասցատրյան. «Ազգային փոքրամասնությունների մոտ առկա է նաև իրենց լեզուներով դասավանդող ուսուցիչների խնդիրը»

Վարդան Ասցատրյանի փոխանցմամբ` ազգային փոքրամասնությունների 11 համայքներն իրենց անդամների քանակով տարբեր են, հետևաբար տարբեր են նաև նրանց խնդիրների տիրույթներն ու ծավալները։ Օրինակ` մեծաքանակ եզդիների, ասորիների և հույների հետ կապված կան խնդիրներ, որոնք առնչվում են կրթական համակարգին։

«Ամբողջ Հայաստանում և ոչ միայն նշված փոքրամասնությունների համայնքներում սրությամբ դրված է դպրոցների ու մանկապարտեզների շենքերի հարցը։ Նախորդ շրջանում դրանք մասամբ սեփականաշնորհվել են, մյուսները` քայքայվել, կապիտալ շինարարություններ չեն իրականացվել, իսկ եղած աշխատանքներն էլ եղել են մակերեսային, որոշ դեպքերում` անորակ։ Սա բնորոշ է ինչպես հայկական բնակավայրերին, այնպես էլ ազգային փոքրամասնություններով բնակեցված շրջաններին, հետևաբար տարածքները նորից պետք է վերաբացվեն, նորոգվեն ու հարիր լինեն մեր ժամանակի պահանջներին»,– նշում է ՀՀ վարչապետի աշխատակազմի ազգային փոքրամասնությունների և կրոնի հարցերով բաժնի պետը։

Վարդան Ասցատրյանի տեղեկացմամբ` ազգային փոքրամասնությունների համայնքներում առկա է նաև նրանց լեզուներով դասավանդող ուսուցիչների մասնագիտական, կրթամանկավարժական խնդիրը, քանի որ ցենզը պետք է պահպանվի, համապատասխանի որոշակի չափանիշներին ու շարունակ լինի վերապատրաստման գործընթաց։

Թող նրանք էլ նշեն. ՀՀ–ում ապրող ազգային փոքրամասնությունների համար նոր օրենք ընդունվեց

Այդ առումով Հայաստանում պետք է ունենանք ակադեմիական մակարդակի մասնագետներ, որոնք փոքրամասնությունների լեզուներով կարողանան պատրաստել մասնագետներ ու մանկավարժներ։ Մյուս կողմից` նրանց ժամաքանակը սահմանափակ է, ինչով էլ պայմանավորվում է աշխատավարձի չափն ու կարգավորվում սոցիալական փաթեթի խնդիրը։ Մինչև բնակավայրերի խոշորացումը, որը դեռ ամբողջապես չի ավարտվել, աշակերտների թվաքանակը քիչ էր, հետևաբար աշխատավարձն էլ չէր կարող շահագրգռել կադրերի պատրաստման հարցում։ Նշված խնդիրները պետք է ստանան հեռահար լուծում»,– նշում է Վարդան Ասցատրյանը։

Հնագույն Սոզոպոլն ու նրա հայ զբոսավարը. «քայլող վիքիպեդիային» այստեղ բոլորն են սիրում

Նա առանձնացնում է նաև դասագրքերի հարցը, նշելով, որ համայնքները մինչ օրս կարողացել են ինքնուրույն ներկայացնել իրենց լեզվով կազմված դասագրքերը, որոնք տպագրվել են, բայց այժմ կարիք ունեն բովանդակային բարեփոխումների, որպեսզի դրանցում առկա թեմաները զարգացվեն, և այդ մասին նշում են հենց փոքրամասնությունների ներկայացուցիչները։

Հետևաբար կա բարձր չափորոշիչների հաստատման անհրաժեշտություն, որոնց պետք է համապատասխանեցվի գրքերի բովանդակությունը, և աշակերտներն իրենց հարազատ լեզուներով ճանաչեն գրական, մշակութային բարձր արժեքները։ 

28
թեգերը:
դասագիրք, դպրոց, ազգային փոքրամասնություն
Ըստ թեմայի
Ուսուցիչներին թեստավորող ԲԿ–ներում խախտումներ են գրանցվել. մանրամասներ
Գեղարքունիքի դպրոցների մի մասում վառարանից ազատվելու միակ տարբերակը նոր շենք կառուցելն է
Ռուսատյացություն և հակասեմիտիզմ. ում և ինչու է խանգարում Հոլոքոստի մասին հիշողությունը
Ջոնի Մելիքյան

ՆԱՏՕ–ին անդամակցելու հարցն արդեն ռազմական տիրույթում չէ. Մելիքյանը` Վրաստանի մասին

19
(Թարմացված է 22:06 22.09.2020)
Վրացագետ, ՀՀ պետական կառավարման ակադեմիայի տարածաշրջանային հետազոտությունների կենտրոնի գիտաշխատող Ջոնի Մելիքյանը Sputnik Արմենիայի եթերում անդրադարձել է Վրաստանում անցկացված «Արժանի գործընկեր 2020» զորավարժություններին։ 
Մելիքյան. «ՆԱՏՕ–ին Վրաստանի անդամակցության հարցը ոչ թե ռազմական, այլ քաղաքական տիրույթում է»

Վրացագետ, ՀՀ պետական կառավարման ակադեմիայի տարածաշրջանային հետազոտությունների կենտրոնի գիտաշխատող Ջոնի Մելիքյանի դիտարկմամբ` Վրաստանում վերջին շրջանի զորավարժությունները սկիզբ են առել վրաց–ամերիկյան համագործակցությունից, դրանք ոչ այնքան ՆԱՏՕ–ի զորավարժություններ են, որքան վրաց–ամերիկյան, որոնց շրջանակն անցած մի քանի տարիների ընթացքում զգալիորեն ընդլայնվել է Հյուսիսատլանտյան դաշինքի անդամների ու գործընկերների մասնակցության հաշվին, որովհետև 2015 թվականին կայացած զորավարժություններում ընդգրկված էր ընդամենը երկու երկիր։

«Այսօր փաստորեն առաջ է քաշվում բազմազգ զորավարժությունների ձևաչափը։ ՆԱՏՕ–ի անդամ և գործընկեր պետությունները այդ զորավարժությունների շրջանակում կարողանում են սինթեզել ու սինխրոնիզացնել գործողությունները տարբեր իրավիճակներում։ Վրաստանն ակտիվորեն ընդգրկված է դաշինքի խաղաղապահ առաքելություններում։ Վերջին տարիներին կայացած զորավարժությունների հիմնական նպատակը Վրաստանին ու գործընկեր երկրներին մոտ բերելն է ՆԱՏՕ–ի ստանդարտներին»,– Sputnik Արմենիայի հետ զրույցում ասաց նա։

Մելիքյանի կարծիքով` քանի որ Վրաստանը համարվում է դաշինքին լիիրավ անդամակցելու պոտենցիալ երկիր, որը կարողացել է վրաց–ամերիկյան համագործակցությունն ընդլայնել, հետևաբար ընտրվել է հենց Վրաստանը, որտեղ գրեթե ամեն տարի անցկացվում են նման զորավարժություններ` հնարավորություն տալով լուծելու օրակարգում ընդգրկված ինչ–որ հարց։ 

Ինչո՞ւ են Պենտագոնի չինովնիկներն ամերիկացիներին ահաբեկում մեծ պատերազմով

«Շատ հարցերում Վրաստանն իսկապես առաջընթաց է գրանցել, և այսօր ՆԱՏՕ–ին անդամակցելու խնդիրը ոչ թե ռազմական տիրույթում է, քանզի Վրաստանն արդեն իսկ ապահովում է նվազագույն չափանիշները, այլ քաղաքական, որտեղ Վրաստանն ունի լուրջ խոչընդոտներ։ Պետք է կայացվի քաղաքական որոշում, սակայն եվրոպական որոշ խոշոր պետություններ դեռ պատրաստակամություն չեն ցուցաբերում այդ հարցում, որոնց վրա ազդում է նաև Ռուսաստանի գործոնը։ Թեև Բալթյան երկրներն ու Լեհաստանն անընդհատ ուզում են առաջ քաշել այդ օրակարգը, սակայն նրանց լոբբինգն ու քաշը թե՛ ՆԱՏՕ–ում, թե՛ Եվրամիությունում այդքան բարձր չէ»,– նշեց վրացագետը։ 

Մելիքյանի համոզմամբ` այսօրվա ստատուս–քվոյի պարագայում բավական բարդ է պատկերացնել, որ Վրաստանը ՆԱՏՕ–ին անդամակցելու հարցում կարող է զգալի առաջընթաց գրանցել, թեև աշխատանքներ են ընթանում, որ ապագայում աշխարհաքաղաքական շահերի համադրման պարագայում այդ հարցը լուծվի։

Պատրա՞ստ է արդյոք ԱՊՀ երկրների ՀՕՊ միացյալ համակարգը դիմակայել ՆԱՏՕ–ի սադրանքներին

Զորավարժություններին մասնակցելու համար հավաքվել էին մոտ 3 հազար զինվորական ԱՄՆ-ից, Լեհաստանից, Ֆրանսիայից, Մեծ Բրիտանիայից ու բուն Վրաստանից։ ԱՄՆ դեսպանն ասել է, որ երկրներն ուզում են համատեղ ջանքերով բարելավել մարտական պատրաստականությունը և սատարել անվտանգ մթնոլորտի պահպանմանը Սև ծովի տարածաշրջանում։

19
թեգերը:
ՆԱՏՕ, Վրաստանի Հանրապետություն, Ջոնի Մելիքյան
Ըստ թեմայի
ՆԱՏՕ-ի գլխավոր քարտուղարի հատուկ ներկայացուցիչը կոչով դիմել է ԵԱՀԿ Մինսկի խմբին
Նորվեգիան կդառնա՞ երկրորդ «Լեհաստան». ՆԱՏՕ-ի զորքերն ակտիվացել են
Լավրովը հայտարարել է, որ ՆԱՏՕ–ն ջախջախել է Լիբիայի պետականությունը
Rail Baltica. ինչպես է «մահանում» ՆԱՏՕ-ի և Եվրոպական միության փայփայած նախագիծը
Անձրև

Սպասվում է կարճատև անձրև և ամպրոպ. եղանակի տեսություն

0
(Թարմացված է 16:49 22.09.2020)
Ըստ օդերևութաբանների՝ առաջիկա օրերին հանրապետության տարածքում օդի ջերմաստիճանն էապես չի փոխվի։

ԵՐԵՎԱՆ, 23 սեպտեմբերի - Sputnik. ՀՀ ԱԻՆ «Հիդրոմետ» ծառայությունից տեղեկացնում են, որ հանրապետության տարածքում սեպտեմբերի 23-25-ն առանձին շրջաններում, 26-ին շրջանների զգալի մասում կեսօրից հետո սպասվում է կարճատև անձրև և ամպրոպ։ Սեպտեմբերի 27-ին սպասվում է առանց տեղումների եղանակ: 

Փորձաքննության ենթարկված ալկոգելերում թունավոր նյութեր չեն հայտնաբերվել

Քամին` հարավարևմտյան` 3-8 մ/վ, ամպրոպի ժամանակ հնարավոր է քամու ուժգնացում՝ 15-20 մ/վ:

Օդի ջերմաստիճանն էապես չի փոխվի։

Եղանակի կանխատեսում
Եղանակի կանխատեսում

Երևան սեպտեմբերի 22-ի և 26-ի երեկոյան ժամերին քաղաքի առանձին հատվածներում սպասվում է կարճատև անձրև և ամպրոպ, ամպրոպի ժամանակ՝ քամու ուժգնացում՝ 15-18 մ/վ: Սեպտեմբերի 23-25-ը, 27-ին սպասվում է առանց տեղումների եղանակ:

Արագածոտնի մարզպետը կորոնավիրուսով է վարակվել

Ըստ օդերևութաբանների՝ մայրաքաղաքում սեպտեմբերի 23-ի ցերեկը սպասվում է +27...+29, երեկոյան՝ +22...+24, գիշերը՝  +15...17 աստիճան ջերմություն։

0
թեգերը:
Հայաստան, Անձրև, եղանակ
Ըստ թեմայի
Մասնագետը բացատրել է, թե ինչու մարմելադը չի կարող օգտակար մթերք համարվել
Ինչ է կատարվում օրգանիզմում, երբ թուզ եք ուտում