Արտակ Մարկոսյան

Կորոնավիրուսի պատճառով հետաձգվել է 2100 ամուսնություն. Հայաստանի դեմոգրաֆիկ պատկերը

87
(Թարմացված է 19:10 02.09.2020)
Միջազգային անվտանգության հայկական հարցերի ինստիտուտի ասոցացված փորձագետ Արտակ Մարկոսյանը Sputnik Արմենիայի եթերում անդրադարձել է այն հարցին, թե կորոնավիրուսն ինչ ազդեցություն է ունեցել Հայաստանի դեմոգրաֆիկ զարգացումների և միտումների վրա։ 
Մարկոսյան. «Կորոնավիրոսի պատճառով Հայաստանում հետաձգվել է 2100 ամուսնություն»

Արտակ Մարկոսյանի դիտարկմամբ` համավարակի ազդեցությունը դեմոգրաֆիկ պատկերի վրա ավելի հստակ կերևա 2021-22 թվականներին, իսկ այս պահին կոնկրետ ազդեցությունն այն է, որ կան բավականին մեծ թվով հետաձգված ամուսնություններ։

«Սահմանափակումների պատճառով մարդիկ փաստացի չեն կարողանում նշել իրենց հարսանյաց արարողությունը։ Այս տարվա առաջին վեց ամիսների կտրվածքով ունենք 2100 հետաձգված ամուսնություն, ինչը վկայում է այն մասին, որ նախորդ տարվա համեմատ ամուսնությունների թվաքանակը նույնքան նվազել է։ Բնականաբար, մինչ համավարակը պլանավորված էին ծնունդներ, սակայն կորոնավիրուսի հետևանքները դեռ կզգանք մոտակա երկու տարիներին»,– նշում է փորձագետը։

Արտակ Մարկոսյանի փոխանցմամբ`թեև իրականացվող ուսումնասիրությունների արդյունքները դեռ չեն ամփոփվել, սակայն վարքագծային փոփոխություններն ընդհանուր դեմոգրաֆիկ պատկերում արդեն իսկ առկա են։ Ըստ նրա` չի բացառվում, որ շատ ընտանիքներ հետաձգել են երեխա ունենալը։

Հարսանի՞ք, թե՞ բաժանում. ինչպես է համավարակը ազդել ամուսնությունների վրա

«Համավարակը բավականին մեծ հոգս է պատճառել հատկապես աշխատող մայրերին, որոնք աշխատանքը համատեղում են երեխայի խնամքի հետ, բայց մանկապարտեզների ու դպրոցների փակվելուց հետո նրանց համար առաջացել են լուրջ խնդիրներ։ Եթե ծնողն այս պահին չի կարողանում երեխային ուղարկել մանկապարտեզ, ապա դժվար թե մտածի հաջորդ երեխան ունենալու մասին»,– նշում է փորձագետը։ 

Մարկոսյանի տեղեկացմամբ` առաջին կիսամյակի միտումներն արդեն իսկ ցույց են տալիս, որ գալիք տարի կունենանք ծնունդների թվաքանակի նվազում։ Ըստ նրա` ծնունդներն առանց այդ էլ վերջին երկու տարում ընդհանուր առմամբ չեն աճել, ուստի անկման տեպը կարող է պահպանվել 2016-17 թվականների նման, երբ տարվա կտրվածքով բացարձակ ծնունդների անկումը կազմում էր 2700 երեխա, իսկ այս տարվա վեց ամիսների անկման ցուցանիշը կազմել է 0,8 տոկոս։ 

Փորձագետի տեղեկացմամբ` 2020 թվականի առաջին կիսամյակում ցավոք աճել է մահերի թվաքանակը, կոնկերտ կորոնավիրուսի զոհերի թիվը կազմել է ընդհանուր մահերի 3.2 տոկոսը։

Առաջին կիսամյակի տվյալներով` գրանցվել է մահացությունների թվի աճ, իսկ ինչ վերաբերում է նույն ժամանակահատվածում բնական աճի ցուցանիշին, ապա այն 1992 թվականից ի վեր ամենացածր է։  

Չկա չարիք առանց բարիքի. ինչու են Հայաստանում համավարակից հետո սկսել քիչ ամուսնալուծվել

87
թեգերը:
կորոնավիրուս, դեմոգրաֆիա, ամուսնալուծություն, ամուսնություն, Հայաստան, Արտակ Մարկոսյան
Ըստ թեմայի
Համաճարակաբանն ասել է, թե երբ կարող է ավարտվել COVID-19–ի համավարակը
Ինչո՞ւ դիմակով չեք․ ճապոնացին ոտքով հասել է Հայաստան ու համավարակի պատճառով մնացել այստեղ
Տունը վաճառեցինք, բա հետո՞․ ինչու են Հայաստանում համավարակի ժամանակ բնակարանները թանկանում

Իրավիճակը շարունակում է լարված մնալ. Sputnik Արմենիայի ռադիոեթերը` ուղիղ տեսահեռարձակմամբ

14
(Թարմացված է 09:04 28.09.2020)
Այս ժամի լուրերը Արցախից` ըստ պաշտոնական լրահոսի. Հայկական ԶՈւ-ն վերականգնել է նախկինում կորցրած մի շարք դիրքեր։ «Ցավոք քիչ առաջ տեղեկություն ստացանք, որ հրետակոծվել է Մարտունի քաղաքը». զրուցել ենք Արցախի նախագահի մամուլի խոսնակ Վարհամ Պողոսյանի հետ։
14
Վարդան Ոսկանյան

Արցախի դեմ ադրբեջանական ագրեսիան ոտնահարում է նաև Իրանի անվտանգային շահերը. Ոսկանյան

144
(Թարմացված է 22:40 27.09.2020)
Իրանագետ, ԵՊՀ արևելագիտության ամբիոնի վարիչ Վարդան Ոսկանյանը Sputnik Արմենիայի եթերում անդրադարձել է Արցախի դեմ սանձազերծված լայնածավալ ագրեսիային և հատկապես Իրանի դիրքորոշմանը, առավել ևս, որ մարտական գործողություններն ընթանում են Իրանի հետ սահմանի հարևանությամբ։ 
Ոսկանյան. «Արցախի դեմ Ադրբեջանի ագրեսիան ոտնահարում է նաև Իրանի անվտանգային շահերը»

Իրանագետ, ԵՊՀ արևելագիտության ամբիոնի վարիչ Վարդան Ոսկանյանի դիտարկմամբ` Բաքվի բռնապետական վարչակարգի սանձազերծած ագրեսիան անհանգստացնում է Իրանին, քանզի վերջինս սահմանակից է հակամարտության գոտուն և ըստ էության ոտնահարվում են նաև Իրանի անվտանգային շահերը։

«Եթե հետևենք իրանական մամուլին, որտեղ շատ ակտիվորեն աշխատում են տելեգրամյան ալիքները տարածում են հայկական պաշտոնական տեղեկատվությունը` կատարելով չափազանց հետաքրքիր շեշտադրումներ։ Մասնավորապես նույն տելեգրամյան ալիքների տեղեկատվության մեջ «ադրբեջանական հանրապետություն» եզրույթը չի կիրառվում, այլ օգտագործվում է «Բաքվի վարչախումբ» եզրույթը, ինչը հստակ ցուցիչն է բարեկամական կապերի, որոնք առկա են հայաստանյան իրանագիտական դպրոցի ու իրանցի գործընկերների միջև»,– Sputnik Արմենիայի հետ զրույցում ասաց իրանագետը։

Ոսկանյանի կարծիքով` իրանական կողմին ամենևին ձեռնտու չէ, որ արցախա-ադրբեջանական հակամարտության գոտու երկայնքով մեկ Ադրբեջանը ստանա որևէ առավելություն, որովհետև դա ուղղակիորեն կխաթարի Իրանի անվտանգությունը։

Ադրբեջանցիները կեղծ հաղորդագրություններ են ուղարկում. ԱԱԾ-ն հորդորում է զգոն լինել

Ըստ նրա` արդեն իսկ կան որոշակի լուրեր, որ ադրբեջանական կողմը փորձում է ներազդել Իրանի հյուսիսի թուրքալեզու բնակչության վրա և դեռ չճշգրտված տեղեկությունների համաձայն`  փորձ է արվում այնտեղից հավաքագրել վարձկաններ, ինչը նույնպես խաթարում է Իրանի ներքին անվտանգային միջավայրը։ 

«Իրանը պետականության հնագույն ավանդույթներ ունեցող երկիր է, հետևաբար իրանցիները ուշի–ուշով հետևում են ներկա գործընթացներին, հետևաբար մենք պետք է սերտացնենք աշխատանքները թե՛ Իրանի ԱԳՆ–ի, թե՛ այլ պատկան մարմինների հետ, որպեսզի իրանական դիրքորոշումներն ու մոտեցումները համահունչ լինեն հայկական կողմի դիրքորոշումներին ու մոտեցումներին։ Իրանագետներն էլ պատրաստ են իրենց ողջ ունեցած ներուժն ու հնարավորություններն ի սպաս դնել մեր պետությանը»,– նշեց Ոսկանյանը։

Իրանագետի գնահատմամբ` իրանցիները հռետորաբանության մակարդակում փորձելու են պահպանել հավասարակշռություն, սակայն տեղեկատվական տիրույթում վարելու են հայամետ քաղաքականություն, որպեսզի թուրքական ներգրավվածությունն այդ դաշտում հասցվի նվազագույնի։

Ոսկանյանի խոսքով`ուղղակի թշնամանք կդիտվի Իրանի դեմ նաև այն, որ թուրքական ներգրավվածություն իր մասին զգացնել տա նաև Նախիջևանի հատվածում, որն Իրանի անվտանգության համար պարզապես կենսական գոտի է։

 

144
թեգերը:
Իրանի Իսլամական Հանրապետություն, Պատերազմ, Ադրբեջան, Արցախ, Վարդան Ոսկանյան
թեմա:
Ադրբեջանական ագրեսիա Արցախում. 2020
Ըստ թեմայի
«Գնալու ենք այդ հարցը վերջնական լուծելու». ՀՅԴ–ականները կազմ–պատրաստ սպասում են հրամանի
Բոլոր փաստերը կհավաքենք ու կներկայացնենք. ինչպես է իրականում Ադրբեջանը հարձակումը սկսել
Դավիթ Տոնոյանը Մոսկվա չի մեկնել. ՌԴ-ում ՀՀ դեսպանությունը հերքում է լուրը
Արցախի պաշտպանության բանակն առաջնագծից տեսանյութ է հրապարակել
Դավիթ Տոնոյանն օպերատիվ խորհրդակցություն է անցկացրել

Դավիթ Տոնոյանն օպերատիվ խորհրդակցություն է անցկացրել

0
(Թարմացված է 09:14 28.09.2020)
Նախարարը համապատասխան հանձնարարականներ է տվել հակառակորդի զսպման, նախահարձակ գործողությունների կազմաքանդող հակազդման և այլ հարցերի շուրջ։

ԵՐԵՎԱՆ, 28 սեպտեմբերի - Sputnik. ՀՀ պաշտպանության նախարար Դավիթ Տոնոյանն այսօր վաղ առավոտյան օպերատիվ խորհրդակցություն է անցկացրել։ Տեղեկությունը Facebook-ի իր էջում հայտնում է ՊՆ մամուլի խոսնակ Շուշան Ստեփանյանը։
Խորհրդակցությանը մասնակցել են պաշտպանության նախարարության, Գլխավոր շտաբի և Զինված ուժերի ղեկավար անձնակազմը։
«Նախարարին է զեկուցվել արցախա-ադրբեջանական շփման գծում և Հայաստանի պետական սահմանագոտում տիրող օպերատիվ իրավիճակը։ Խորհրդակցության առանցքում էր ադրբեջանական կողմի սանձազերծած ռազմական գործողությունների հետևանքով ստեղծված իրավիճակը»,- նշված է հաղորդագրության մեջ։

Նախարարը համապատասխան հանձնարարականներ է տվել հակառակորդի զսպման, նախահարձակ գործողությունների կազմաքանդող հակազդման, պաշտպանական բանակին անհրաժեշտ աջակցության ցուցաբերման վերաբերյալ։

0
թեգերը:
Ղարաբաղյան հակամարտություն, Լեռնային Ղարաբաղ, Արցախ, Հայաստան, Դավիթ Տոնոյան