Նորայր Դունամալյան

Ճգնաժամ, քաղաքական ակտիվություն, բողոքի ակցիաներ. ինչպիսի աշուն է կանխատեսում քաղաքագետը

69
(Թարմացված է 23:45 01.09.2020)
Քաղաքագետ Նորայր Դունամալյանը Sputnik Արմենիայի եթերում անդրադարձել է ներքաղաքական հնարավոր զարգացումներին, որոնք կարող են տեղի ունենալ աշնանը, ինչպես նաև խոսել է ընդդիմություն–իշխանություն փոխհարաբերությունների մասին։
Դունամալյան. «Իշխանությանը որևէ բան հնարավոր է ստիպել միայն ինստիտուցիոնալ պայքարի միջոցով»

Նորայր Դունամալյանի դիտարկմամբ` ունենք ընդհանուր քաղաքական գործընթաց, որը դեռ շարունակվում է։ Իշխանությունը, նրա խոսքով, մինչև հիմա չի գործարկել հստակ քաղաքական ծրագիր, և խնդիրն ավելի շատ առնչվում է սահմանադրական փոփոխություններին, քան թե նախկին նախագահների ասուլիսներին կամ ԲՀԿ առաջնորդի ակտիվացման հեռանկարին։

«ՀՀ նախկին նախագահների նախաձեռնությունն իրենց քաղաքական կապիտալը պահպանելու փորձեր են, այլ ոչ թե քաղաքականություն վերադառնալու միտում, իսկ ԲՀԿ–ն իշխանության հետ առճակատումից հետո քաղաքական կապիտալի զգալի մասը կորցրեց և հիմա փորձում է վերականգնել կարգավիճակը, հետևաբար կարելի է ասել, որ լինելու է բուռն աշուն, սակայն հենց իշխանության վարքագծի պատճառով»,– նշում է քաղաքագետը։

Նորայր Դունամալյանի կարծիքով` ընդդիմությունը գործող իշխանությանը որևէ բան կարող է ստիպել միայն ինստիտուցիոնալ պայքարի միջոցով, իշխանությունն իր հերթին փորձում է իր դիմագիծը ներկայացնել տարբեր մարտավարություններ փոխելով։ Ըստ քաղաքագետի`ընդդիմադիր դաշտում առաջացած վակուումը պետք է լցվի, և դա բնական գործընթաց է։

«Մեր քաղաքական համակարգն այդքան զարգացած չէ, որ հստակ ասենք, թե հիմնական գործընթացները կլինեն խորհրդարանում, թե դրսում, հետևաբար համակարգի փոփոխություններն ավելի շուտ կարող են բերել տարբեր անակնկալների, ճգնաժամեր կարող են լինել քաղաքական դաշտի տարբեր հատվածներում, իսկ ակտիվություն կարող է դրսևորվել ցանկացած սոցիալական խնդրի առնչությամբ»,– նշում է նա։

Իշխանությունը լռում է, ակտիվիստը` գոռում. ինչու է Ամուլսարի թեման նորից թարմացել

Դունամալյանի գնահատմամբ` ընդդիմադիր դաշտում կոնսոլիդացիայի գործընթացը մեծապես կախված կլինի քաղաքական ուժերի վարքագծից ու կամքից։ Ըստ նրա` կար եռյակ ձևաչափ, որը գործում էր 2018 թվականից առաջ, սակայն արդյունավետ չէր, իսկ այսօր հակադիր բևեռն ավելի շատ փորձում է հարվածել իշխանության թույլ կետերին և նպատակային քննադատությամբ ձգտում է իջեցնել իշխանության վարկանիշը։ Եթե այն իջնի 50 տոկոսից ներքև,ապա միգուցե ընդդիմությանը հաջողվի միասնական ձևաչափ ստեղծել ու պայքարել ընդհանուր ճակատով։

Ըստ քաղաքագետի` այդուհանդերձ միասնության որևէ միտում չկա, մարտավարության գործիքները չեն փոխվում, ուստի հասարկությունը հայտնվել է պատային իրավիճակում։    

69
թեգերը:
աշուն, Իշխանություն, ընդդիմություն, քաղաքականություն, Հայաստան
Ըստ թեմայի
Իշխանությունների վարկանիշն ընկնում է, ընդդիմությանը կհաջողվի՞ օգտվել իրավիճակից
Բելառուսում կարո՞ղ է կրկնվել հայաստանյան սցենարը` ընդդիմությունը ճիշտ էր, մենք սխալվեցինք
Ի՞նչը կարող է միավորել Հայաստանի ընդդիմությանը. քաղտեխնոլոգի մեկնաբանությունը

Նորություններն ու «Ուրիշ նորությունները»` Sputnik–ի ռադիոեթերի ուղիղ տեսահեռարձակմամբ

11
(Թարմացված է 09:14 22.09.2020)
Այս եթերում` Ի՞նչ պետք է արվի, որ Փաշինյանի ներկայացրած ծրագիրը կենացների փաստաթուղթ չդառնա. Թևան Պողոսյանի դիտարկումները։ ԱԺ փոխնախագահ Ալեն Սիմոնյանը` «Դոսյե» կենտրոնի հրապարակման մասին։ Կանդրադառնանք նաև այլ թեմաների։

Լուրերի հաղորդավար` Հովհաննես Շողիկյան
«Ուրիշ նորությունների» հաղորդավարներ` Արամ Չախոյան, Կարեն Ավետիսյան, Աննա Ապրեսովա

11
Արամ Մխիթարյան

Հայաստանը՝ բարձր տեխնոլոգիական արդյունաբերական երկիր. ինչ ռիսկեր և հնարավորություններ կան

32
ՏՏ ոլորտի մասնագետ, «Հելիքս» ընկերության նախագահ Արամ Մխիթարյանը Sputnik Արմենիայի հետ զրույցում անդրադարձել է ՀՀ վարչապետ Նիկոլ Փաշինյանի կողմից ներկայացված Հայաստանի՝ մինչև 2050 թ. վերափոխման ռազմավարությանը, որում անդրադարձ կա նաև ՏՏ ոլորտին։ 
Մխիթարյան. «ՏՏ ոլորտը զարգացնելու համար Հայաստանը գոնե պետք է համարվի ոչ ռիսկային երկիր»

ՏՏ ոլորտի մասնագետ, «Հելիքս» ընկերության նախագահ Արամ Մխիթարյանի դիտարկմամբ` Հայաստանը բարձր տեխնոլոգիական արդյունաբերական երկիր դարձնելու հնարավորություն կա, սակայն այդպիսի արդյունքի հասնելու համար հարկավոր է իրականացնել մեծ աշխատանք և առաջին հերթին անհրաժեշտ է, որ գործող կազմակերպությունները փոխեն իրենց մտածելակերպն ու գործելաոճը` դառնալով որպես սեփական պրոդուկ արտադրող ու արտահանող, քանի որ այս պահին մեր ՏՏ ոլորտի ընկերությունները հիմնականում այլ կազմակերպությունների համար են ստեղծում այդ պրոդուկտը։

«Եթե փոխվի մտածելակերպը, ապա նման հնարավորությունն անպայման կդառնա իրական, որովհետև անկախ ամեն ինչից` տեղեկատվական տեխնոլոգիաների ոլորտը Հայաստանում գտնվում է զարգացման փուլում»,–Sputnik Արմենիայի հետ զրույցում ասաց նա։

Մխիթարյանի գնահատմամբ` Հայաստանում ՏՏ ոլորտի շուկան բավական փոքր է և ներքին շուկայի սպառման համար նախատեսված պրոդուկտները հիմնականում արդեն զբաղեցրել են նիշաները։ Ըստ նրա`իհարկե, հնարավոր է, որ ստեղծվեն նոր նիշաներ, բայց զարգացման համար պետք չէ կենտրոնանալ միայն ներքին շուկայի վրա, անհրաժեշտ է մտածել ավելի գլոբալ, քանի որ հենց այդպիսի պրոդուկտներն են հաջողության հասնում, որոնք կոնկրետ ֆիքսված չեն տեղական շուկայի վրա։  

«Մեր ոլորտում գործում են այսպես կոչված «այծեղջյուրներ», դրանք այն կազմակերպություններն են, որոնք ունեն ավելի քան մեկ միլիարդի արժեք։ Թեորիապես, իհարկե, հավանական է, որ Հայաստանում 30 տարի հետո լինեն ավելի քան 10 միլիարդի գնահատում ունեցող ընկերություններ, բայց նմանատիպ ընկերություններն ամբողջ աշխարհում էլ բավականին քիչ են, այնպես որ ես չեմ հավատում նման հեռանկարին»,– նշեց Հելիքս» ընկերության նախագահը։ 

Մխիթարյանի թերահավատության պատճառը հիմնականում մասնագիտական կադրերի սովն է, որը միշտ համարել է ամենայն սրությամբ դրված հարցերից մեկը։ Ըստ նրա` եթե ինչ–որ կերպ հաջողվի 10-15 տարվա ընթացքում հաղթահարել խնդիրն ու ունենալ մեծ կադրային բազա, գուցե հնարավոր լինի հասնել նման արդյունքի։ Այդուհանդերձ  Մխիթարյանի ուշադրության կենտրոնում են նաև այս պահին առկա խնդիրները, ֆինանսական շուկաների և ֆինանսական գործիքների անհասանելիությունը, գլոբալ աշխարհից որոշ չափով կտրված լինելը, և նշված խնդիրներն, ըստ նրա, չեն նպաստելու, որ ՀՀ–ում վարչապետի կողմից նշված ժամանակահատվածում ստեղծվեն 10 միլիարդ և ավել արժեք ունեցող ՏՏ ոլորտի հինգ ընկերություններ։

Մյուս կողմից` նման ընկերությունների առկայությունը նշանակում է նաև մեծ մասնաճյուղերի տարածում ամբողջ աշխարհում, հետևաբար խիստ կասկածելի է, որ նման չափի ընկերությունները գործեն միայն տեղական շուկայում և միայն տեղական ռեսուրսի հաշվին։

Մխիթարյանի կարծիքով` ցանկացած նման մեծ կազմակերպություն ստեղծվում է կոնկրետ ֆինանսական հոսքերի ու ներդրողների գումարների շնորհիվ, իսկ նմանատիպ միջոցներ շրջանառելու համար Հայաստանը գոնե պետք է համարվի ոչ ռիսկային երկիր, ինչը ներկա պահին այդպես չէ` ելնելով նույն ղարաբաղյան հիմնահարցից ու տարածաշրջանային խնդիրներից։

Բացի դրանից, Մխիթարյանը թերահավատորեն է մոտենում նրան, որ ՀՀ–ում գալիք 30 տարիներին կստեղծվեն 10000 ստարտափեր։ Թեև ցանկացած գործունեություն, որը գտնվում է սաղմնային վիճակում, արդեն իսկ համարվում է ստարտափ, սակայն պանդեմիայի ընթացքում բազմաթիվ նորաստեղծ ստարտափեր ստիպված փակվեցին կամ սառեցրին իրենց գործունեությունը։ 

Մոսկվայում «Թումո» միջազգային կենտրոն է բացվել. Հակոբ Արշակյանը լուսանկարներ է հրապարակել

Հիշեցնենք՝ ՀՀ վարչապետ Նիկոլ Փաշինյանը ներկայացնելով Հայաստանի՝ մինչև 2050 թ-ի վերափոխման ռազմավարությունը՝ նշել էր, որ մինչ այդ Հայաստանը կդառնա բարձր տեխնոլոգիական արդյունաբերական երկիր։ Նախատեսվում է ունենալ մինչև 10 մլրդ և ավելի արժեքով առնվազն 5 տեխնոլոգիական ընկերություն և առնվազն 10 000 աշխատող ստարտափ։

32
թեգերը:
Արամ Մխիթարյան, ՏՏ, Նիկոլ Փաշինյան, Հայաստան
Ըստ թեմայի
ՏՏ ոլորտի հայ գործարարները դասընթացներ կանցնեն Սիլիկոնյան հովտում. նախարար
ՊՆ-ն հայտարարում է ՏՏ մասնագետ-զորակոչիկների մրցույթ
ՏՏ 23-րդ համաշխարհային համաժողովի մեկնարկը` Հանրապետության հրապարակում. լուսանկարներ
Երևանում մեկնարկեց WCIT համաշխարհային ՏՏ համաժողովը
Ռոբերտ Քոչարյան. արխիվային լուսանկար

«Այս անիմաստ դատը բավական երկար է տևելու». Քոչարյանը դատից առաջ խոսեց աջակիցների հետ

3
(Թարմացված է 13:38 22.09.2020)
ՀՀ Երկրորդ նախագահն իր աջակիցներին խնդրեց չմնալ դատարանի մոտ, այլ գնալ տուն։ Աջակիցները նրան ճանապարհեցին «Հաղ–թա–նակ» վանկարկումներով։

ԵՐԵՎԱՆ, 22 սեպտեմբերի – Sputnik. Դատական նիստից առաջ ՀՀ երկրորդ նախագահ Ռոբերտ Քոչարյանն այսօր մոտեցավ Շենգավիթի դատարանի բակում հավաքված իր աջակիցներին։

Քոչարյանը շնորհակալություն հայտնեց նրանց` դատավարության ընթացքում իրեն ուժ ու տոկունություն հաղորդելու համար։

«Բայց նաև պիտի ասեմ, որ այս անիմաստ դատը բավական երկար է տևելու` ոչ միայն այսօր, այլև ընդհանրապես։ Ես արդեն ասել եմ, որ իմ օրացույցից երեքշաբթի օրերը ջնջել եմ, չէի ցանկանա, որ ձերն էլ այդպես լինի»,– ասաց նա` իր աջակիցներին խնդրելով չմնալ դատարանի մոտ, այլ գնալ տուն։

Դատարանի բակում հավաքված մարդկանց հետ զրույցից հետո Քոչարյանը մտավ դատարանի շենք։ Աջակիցները նրան ճանապարհեցին «Հաղ–թա– նակ» վանկարկումներով։

Ռոբերտ Քոչարյանի գույքի մի մասն ազատվեց կալանքից

Հիշեցնենք, որ ՀՀ երկրորդ նախագահը մասնակցում է 2008 թվականի մարտի 1-ի դեպքերի վերաբերյալ քրեական գործի դատաքննությանը:

Նրա դեմ քրեական հետապնդումը սկսվել է 2018-ին Հայաստանում իշխանափոխությունից հետո։ Այդ ժամանակ էլ Ռոբերտ Քոչարյանը հայտարարել էր քաղաքականություն վերադառնալու մասին։ ՀՀ երկրորդ նախագահին երեք անգամ կալանավորել են։ Կալանավայրում նա ընդհանուր առմամբ 500 օր է անցկացրել։

2020 թվականի հունիսին Վերաքննիչ դատարանը նրան գրավի դիմաց ազատ արձակելու որոշում է կայացրել։

Քոչարյանը բազմիցս հայտարարել է, որ իր դեմ հարուցված քրեական գործն ամբողջությամբ շինծու է և իրենից ներկայացնում է ոչ այլ ինչ, քան քաղաքական հետապնդում։

Քոչարյանի փաստաբանն ասաց` ինչու պետք է Վճռաբեկ դատարանը մերժի գլխավոր դատախազի բողոքը

3
թեգերը:
դատ, Ռոբերտ Քոչարյան
թեմա:
«Մարտի 1»-ի գործը
Ըստ թեմայի
Ո՞նց հավատանք, որ Հայաստանում համակարգային կոռուպցիա չկա. Ռոբերտ Քոչարյան
«Գողանում էին». Քոչարյանն ասաց` ինչու են «ՀայՌուսգազարդի» բաժնետոմսերը վաճառել Ռուսաստանին
Քոչարյանը զուգահեռներ անցկացրեց «թավշյա հեղափոխության» և Բելառուսի իրադարձությունների միջև