Արմեն Բադալյան

Սերժ Սարգսյան Նիկոլ Փաշինյան «անդրկուլիսային կապերն» ու Ռոբերտ Քոչարյանի ձգտումները

525
(Թարմացված է 14:33 30.08.2020)
Քաղտեխնոլոգ Արմեն Բադալյանը Sputnik Արմենիայի եթերում անդրադարձել է այն քաղաքական գործիչներին և ուժերին, որոնք կարող են աշնանը վարել ավելի ակտիվ գործունեություն։ 
Բադալյան. «ԲՀԿ–ն Ռոբերտ Քոչարյանի ու ՀՀԿ–ի համեմատությամբ ամենակազմակերպված քաղաքական ուժն է»

ՀՀ երկրորդ նախագահ Ռոբերտ Քոչարյանը գնալով ակտիվանում է և իր հարցազրույցներով ցույց տվեց, որ բավանաչափ տիրապետում է երկրի առջև ծառացած քաղաքական ու տնտեսական խնդիրներին։ Այս կարծիքին է քաղտեխնոլոգ Արմեն Բադալյանը։

Նա ընդգծում է, որ Ռոբերտ Քոչարյանի հարցազրույցները պատահական չեն ընտրվում, այլ բավականին լավ մշակված են, որոնց հիմնական բովանդակությունը քաղաքական PR-ի տեսանկյունից կառուցվում է գործող վարչապետին հակադրվելու հանգամանքի վրա։

«Մարդիկ տեսնում են, որ Նիկոլ Փաշինյանը հեռուն գնացող լուրջ տնտեսական ծրագրեր չի առաջադրում, և այդ ֆոնին ակնառու են դառնում Ռոբերտ Քոչարյանի տնտեսագիտական մոտեցումները, որոնք կառուցվում են կերպարային հակադրության վրա։ ՀՀ երկրորդ նախագահի ակտիվության աստիճանը ցույց կտա ժամանակը, սակայն ակնհայտ է, որ միայն հարցազրույցներ տալով նա հեռուն չի գնա, առավել ևս, հնարավոր չէ քաղաքական դաշտում արդյունք ունենալ առանց համապատասխան կազմակերպչակառուցվածքային միավորի, տվյալ դեպքում` կուսակցության կամ դաշինքի»,– նշում է քաղտեխնոլոգը։

Ամուլսարի հարցում պետություն գոյություն չունի. Ռոբերտ Քոչարյանը քննադատեց իշխանությանը

Անդրադառնալով Սերժ Սարգսյանի գործունեությանը` Արմեն Բադալյանն ընդգծում է, որ թեև ՀՀ երրորդ նախագահը կազմակերպեց ասուլիս և այս օրերին հանդիպումներ է ունենում, այդուհանդերձ, նրա քայլերն ուղղված են ՀՀԿ–ի PR-ին, բայց ոչ ռեբրենդինգին, ինչը հնարավոր չէ, եթե կուսակցության ղեկին մնա Սերժ Սարգսյանը, որովհետև 2018 թվականին բնակչության զգալի մասը մերժեց նրան։ 

«Հանրապետական կուսակցությունը կենթարկվի ռեբրենդինգի միայն նոր նախագահի պարագայում, որովհետև այդ քաղաքական ուժը թեև փոքր ծավալով, բայց որոշակի ազդեցություն ունի` չնայած, որ գործող իշխանությանների վարած քաղաքականության արդյունքում շատերը խզում են իրենց կապերն այդ կուսակցության հետ։ Չմոռանանք նաև, որ շրջանառվող լուրերի համաձայն` Սերժ Սարգսյանի և Նիկոլ Փաշինյանի միջև կան անդրկուլիսային կապեր, ինչը նույնպես ազդում է ՀՀԿ–ի իմիջի վրա»,– նշում է քաղտեխնոլոգը։ 

Բադալյանի կարծիքով` ԲՀԿ–ն Ռոբերտ Քոչարյանի ու ՀՀԿ–ի համեմատությամբ ամենակազմակերպված ուժն է, որովհետև իշխանությունների բավականին ակտիվ ջանքերի արդյունքում հաջողվեց «Բարգավաճ Հայաստան» խմբակցությունից պոկել ընդամենը մեկ պատգամավորի։ 

«Բարգավաճ Հայաստանի» պատգամավորներից մեկը որոշել է լքել խմբակցությունը

«ԲՀԿ–ն ունի նաև զգալի մարզային ու համայնքային ներկայացվածություն, և թեև դրանց վրա նույնպես կան ճնշումներ, այդուհանդերձ, կառույցներն ունեն որոշակի ներուժ»,– նշում է քաղտեխնոլոգը։

Ըստ Բադալյանի` կան նաև այլ քաղաքական ուժեր, ինչպիսիք են ՀՅԴ–ն և նորաստեղծ «Հայրենիքը», սակայն նրանք էականորեն ամրանալու խնդիր ունեն։ 

525
թեգերը:
Նիկոլ Փաշինյան, Սերժ Սարգսյան, Ռոբերտ Քոչարյան, քաղաքականություն, Հայաստան, Արմեն Բադալյան
Ըստ թեմայի
«Իմ քայլը» գտել է Հրայր Թովմասյանին պաշտոնից ազատելու տարբերակը
Երկու տարի տևած լռություն․ ի՞նչ հայտ է ներկայացնում Հայաստանի երրորդ նախագահը
Իշխանությունների վարկանիշն ընկնում է, ընդդիմությանը կհաջողվի՞ օգտվել իրավիճակից
Ակցիա Թբիլիսիում

Վրաստանը կճանաչի՞ Արցախի անկախությունը. Էրոյանցը` հայերի կազմակերպած ակցիայի մասին

579
(Թարմացված է 18:42 23.10.2020)
Վրացագետ Ալիկ Էրոյանցը Sputnik Արմենիայի եթերում անդրադարձել է Թբիլիսիում Վրաստանի հայ քաղաքացիների բողոքի բազմամարդ երթին` ի աջակցություն Արցախին և Հայաստանին։
Էրոյանց. Վրաստանի կողմից Արցախի անկախության ճանաչումն այս պահին իրատեսական չէ

Ալիկ Էրոյանցի դիտարկմամբ` ինչպես ամբողջ աշխարհում, այդ թվում նաև Վրաստանում մեր հայրենակիցները ոտքի են կանգնել և, բնականաբար, չեն կարող անտարբեր մնալ այն ամենի հանդեպ, ինչ կատարվում է մեր տարածաշրջանում, մասնավորապես արցախա–ադրբեջանական սահմանին։ Վիրահայությունը նույնպես ցանկանում է աջակցություն ցուցաբերել Արցախին ու Հայաստանին, ճակատում կռվող զինվորներին։

Ավելի վաղ հայտնել էինք, որ երեկ Թբիլիսիում բազմամարդ ակցիա է անցկացվել։ Ցուցարարները հայտարարել են, որ սեպտեմբերի 27-ին Ադրբեջանը բացահայտ կերպով լայնամասշտաբ հարձակում է սկսել Արցախի վրա` նպատակ ունենալով պատերազմի միջոցով լուծելու արցախյան հիմնահարցը։ Երթի մասնակիցներն անցել են Թբիլիսիի փողոցներով «Արցախը Հայաստան է» և «Ճանաչել Արցախը» գրությամբ պաստառներով։

«Ակցիան, բնականաբար, ուղղված է ադրբեջանա–թուրքական ագրեսիային։ Վրաստանի մայրաքաղաքում նախորդ անգամ հավաք էր անցկացվել հոկտեմբերի 1-ին ընդդիմադիր «Մթավարի» հեռուստաընկերության շենքի մոտ` արդար լուսաբանման պահանջով, քանի որ լրատվամիջոցը կողմնապահորեն էր ներկայացնում իրավիճակը»,– նշում է վրացագետը։

Էրոյանցի կարծիքով` նրանք, ովքեր տեղյակ են Վրաստանում տիրող իրավիճակին, կփաստեն, որ վերջին տասնամյակի ընթացքում Ադրբեջանի ու Թուրքիայի կողմից հարևան երկրում խոր արմատներ գցելուն և ազդեցությունը մեծացնելուն ուղղված զարգացումները նպաստել են նրան, որ նաև մեդիադաշտում իրականացվում են ակտիվ գործողություններ հատկապես այս պատերազմական շրջանում, ինչն էլ բերում է որոշակի հաջողության, քանզի «Մթավարի» հեռուստաընկերությունն ուղղորդվում է Սաակաշվիլու կողմից և որդեգրել է ադրբեջանամետ դիրքորոշում։

«Բողոքի ակցիաներով տեղի հայությունն արտահայտում է իր դժգոհությունը նմանատիպ երևույթների դեմ և կոչ անում անկողմնակալ լուսաբանել իրադարձությունները։ Թեև էլեկտրոնային ռեսուրսների ոլորտում մենք ունենք խնդիր, սակայն լրատվամիջոցները, որոնց թղթակիցներն այժմ էլ գտնվում են Արցախում, ընդհանուր առմամբ չեզոքություն են պահպանում, ինչը չի կարելի ասել «Մթավարի» հեռուստաընկերության մասին»,– նշում է վրացագետը։

Անդրադառնալով այն հարցին, թե որքանով է իրատեսական այն հեռանկարը, որ Վրաստանը կճանաչի Արցախի անկախությունը, ինչն ի դեպ պահանջում էին նաև բողոքի երթի մասնակիցները, Էրոյանցն ընդգծում է, որ դա իրականությանը մոտ չէ, և պետք է հասկանալ այն տրամաբանությունը, որ Վրաստանն ունի խնդիր Հարավային Օսեթիայի և Աբխազիայի հետ կապված, ուստի Վրաստանում փորձում են զուգահեռներ անցկացնել ու նմանեցնել նշված տարածքային խնդիրները, որոնց առկայության պարագայում Վրաստանի կողմից Արցախի անկախության ճանաչումն այս պահին իրատեսական չէ։

Այդուհանդերձ Էրոյանցը կարծում է, որ այդ պրոցեսն ամբողջ աշխարհում պետք է գործարկվի, իսկ թե որքանով այն կհաջողի, այդ թվում` նաև Վրաստանում, ցույց կտա ժամանակը։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 23-ի ժամը 14։30-ի դրությամբ` հակառակորդի կրակոցների հետևանքով զոհվել են 927 զինծառայողներ և 37 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6539 զոհ ունի և բազմաթիվ վիրավորներ։ 

Ըստ վերջին տվյալների՝ Ադրբեջանի զինված ուժերը կորցրել են 24 ինքնաթիռ, 16 ուղղաթիռ, 206 անօդաչու սարք, 4 ՏՈՍ-1 «Սոլնցեպեկ» համազարկային կրակի ռեակտիվ համակարգ, 588 տանկ և ՀՄՄ:

Հայը, «սիրիացին» ու բելառուսը. «հին գելերը» մեկնել են առաջնագիծ

Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։ 

Պատերազմ Արցախում` առանց սեփական զինվորների. ո՞րն է Էրդողանի գերնպատակը

579
թեգերը:
Արցախ
Ըստ թեմայի
«Կանգնեցրեք երկրորդ Հիտլերին». բողոքի ակցիա ՀՀ–ում Գերմանիայի դեսպանատան առջև
«Եվրոպայում գիտեն` ով է սկսել պատերազմը». ԵՄ դեսպանն ընդունել է բողոքի ակցիա անողներին
Իսրայելի հայերը բողոքի ակցիա են իրականացրել Երուսաղեմի ԱԳՆ շենքի դիմաց
«Արյունոտ լվացք» Տորոնտոյում. հայ երիտասարդները լուռ ակցիա են կազմակերպել
Գարիկ Քեռյանը

Ինչպես է Ադրբեջանը հիմնավորում Թուրքիային Մինսկի խմբում ներգրավելու իր առաջարկը

188
(Թարմացված է 16:18 23.10.2020)
Քաղաքագետ Գարիկ Քեռյանը Sputnik Արմենիայի եթերում անդրադարձել է Ադրբեջանի նախագահ Իլհամ Ալիևի առաջ քաշած թեզին և Ղարաբաղյան հակամարտութան կարգավորման ձևաչափի նրանց ցանկացած փոփոխությանը։
Ադրբեջանում ցանկացած արտաքին քաղաքական կամ ռազմական քայլ մշակվում է Թուրքիայում. քաղաքագետ

«Երկու պետություն, մեկ ազգ» հայեցակարգն Ադրբեջանի և Թուրքիայի մտածողության մաս է կազմում, հետևաբար պետք չէ զարմանալ, որ Ադրբեջանի ցանկացած քայլ ուղղորդվում է Թուրքիայի կողմից։ Sputnik Արմենիայի հետ զրույցում նման կարծիք հայտնեց քաղաքագետ Գարիկ Քեռյանը` մեկնաբանելով Իլհամ Ալիևի առաջ քաշած այն թեզը, որ Թուրքիան պետք է ներգրավվի Ղարաբաղյան հակամարտության կարգավորման գործընթացում։

«Բավականին երկար ժամանակ է, որ Ադրբեջանն իր արտաքին քաղաքական բոլոր ձեռնարկումները կոորդինացնում է Թուրքիայի հետ, ավելին` թուրքական գաղտնի ծառայությունները, հետախուզական, արտաքին քաղաքական-վերլուծական կենտրոններն են, որ ուղղորդում և մատակարարում են Ադրբեջանի գործելաոճը։ Ադրբեջանում ցանկացած առաջարկ կամ նախաձեռնություն, ցանկացած արտաքին քաղաքական կամ ռազմական քայլ մշակվում է, քննարկվում է Թուրքիայում, հետո նոր Ադրբեջանն այդ մասին հայտարարում է»,- ասաց նա։

Նրա խոսքով` տևական ժամանակ է, որ Ալիևը և իր քարոզչամեքենան աղմկում են Մինսկի խմբի և դրա համանախագահության անարդյունավետ աշխատանքի մասին։ Այդ փաստը հիմնավորում են նրանով, թե իբր համանախագահող երկրները կողմնակալ վերաբերմունք են ցուցաբերում և աջակցում են Հայաստանին։

«Նրանց հիմնական փաստարկն այն է, որ Մինսկի խմբի համանախագահներից Ռուսաստանը Հայաստանի ռազմավարական դաշնակիցն է, իսկ Ֆրանսիան ունի հակաթուրքական դիրքորոշում և հռետորաբանություն։ Այս առումով նրանց առաջարկը հիմնավորվում է այսպես` վերականգնենք հավասարակշռությունը, որպեսզի համանախագահների ձևաչափում Ադրբեջանն էլ ունենա աջակից պետություն»,- պարզաբանեց Քեռյանը։

Հայկական զինուժը կրկին թուրքական «Բայրաքթար» է ոչնչացրել. տեսանյութ

Նշենք, որ Ադրբեջանի նախագահ Իլհամ Ալիևը, խոսելով եռակողմ հանդիպման մասին, նշել էր, որ շատ բան կախված է օրակարգից և պնդել, որ Թուրքիան պետք է ներգրավվի ղարաբաղյան կարգավորման գործընթացում։

188
թեգերը:
Արցախ, Ղարաբաղյան հակամարտություն, Լեռնային Ղարաբաղ, Հայաստան, Թուրքիա, Ադրբեջան
թեմա:
Ադրբեջանական ագրեսիան Արցախում - 2020
Ըստ թեմայի
Ինչ է Անկարան հասկացնում Մոսկվային, և որ դեպքում ՌԴ–ն ռազմական օգնություն կտրամադրի ՀՀ–ին
Արցախում զոհվել է Ալեքսանդր Նեչաևը` մոլոկանների Լերմոնտովո գյուղից
Ադրբեջանում օգտագործվում է ցանկացած առիթ՝ խորացնելու համար ատելությունը հայերի նկատմամբ
ԱԱԾ

Զինծառայողին զորահավաքից ազատելու համար Covid-19-ի կեղծ եզրակացություն են տվել. տեսանյութ

383
(Թարմացված է 00:40 25.10.2020)
Ձերբակալվել է և՛ զինծառայողը,  և՛ հանցագործությանն օժանդակած բժշկական կենտրոնի ծառայողները:

ԵՐԵՎԱՆ, 25 օգոստոսի – Sputnik. ՀՀ ազգային անվտանգության ծառայությունը պարզել է, որ զորահավաքային զինծառայող Ա. Ս.-ի հայրը` Ն.Ս.-ն, բժշկական կենտրոնի լաբորատորիայի վարիչին և նույն լաբորատորիայի լաբորանտին համոզելու կամ այլ եղանակով դրդել է, որ վերջիններս իրենց  լիազորություններն օգտագործեն կազմակերպության շահերին հակառակ և զորահավաքային զինծառայողի օգտին։ Տեղեկությունը հայտնում է ԱԱԾ մամուլի ծառայությունը։

Նրանք 2020 թվականի հոկտեմբերի 22-ին զորահավաքային զինծառայողի անվամբ կազմել են կեղծ փաստաթղթեր առ այն, որ իրականացրել են Covid-19–ի նմուշառում, մինչդեռ վերջինից փաստացի որևէ նմուշ  չի ստացվել, իսկ լաբորատոր հետազոտության համար համապատասխան փորձաքննության են ուղարկել այլ անձի նմուշ։

2020 թվականի հոկտեմբերի 23-ին զորահավաքային զինծառայողի անվամբ կազմվել և շրջանառության մեջ է դրվել բովանդակությամբ կեղծ եզրակացություն առ այն, որ վերջինիս մոտ իբր հայտնաբերվել է Covid-19 հիվանդություն,  այդ հանգամանքը հնարավորություն է տվել զորահավաքային զինծառայողին ռազմական դրության պայմաններում ապօրինի ժամանակավորապես դադարեցնելու զինվորական ծառայության կամ դրա առանձին պարտականությունների կատարումը:

Դեպքի առթիվ ՀՀ ԱԱԾ քննչական դեպարտամենտում համապատասխան հոդվածների հատկանիշներով հարուցվել է քրեական գործ, որի շրջանակներում զինծառայողի կողմից ռազմական դրության պայմաններում հիվանդության սիմուլյացիայի եղանակով զինվորական ծառայությունը կամ դրա առանձին պարտականությունների կատարումը ժամանակավորապես դադարեցնելու, ինչպես նաև հիշյալ առերևույթ հանցագործությանն օժանդակելու, իրավունք վերապահող կեղծ փաստաթղթեր կազմելու և օգտագործելու կասկածանքներով ձերբակալվել են ինչպես զորահավաքային զինծառայողը,  այնպես էլ՝ հանցագործությանն օժանդակած բժշկական կենտրոնի ծառայողները:

Ձեռնարկվում են անհրաժեշտ քննչական և այլ դատավարական գործողություններ՝ նույն բժշկական կենտրոնի ծառայողների կողմից նույնաբնույթ այլ հանցավոր դրսևորումները բացահայտելու, կոռուպցիոն մեխանիզմում ներգրավված անձանց ամբողջական շրջանակը պարզելու ուղղությամբ:

Ազգային անվտանգության ծառայությունը հորդորում է անմնացորդ կերպով կատարել հայրենիքի պաշտպանության սուրբ առաքելությունը, ցուցաբերել զինվորական պարտքի գիտակցված զգացողություն, զերծ մնալ տարատեսակ խարդավանքների, այդ թվում՝ հիվանդության սիմուլյացիայի միջոցով զինվորական ծառայության պարտականությունները կատարելուց խուսափելու կամ դրան օժանդակելու անթույլատրելի վարքագիծ դրսևորելուց։

ԱԱԾ–ն միաժամանակ խիստ զգուշացնում է, որ հետևողական կերպով շարունակելու է իր լիազորությունների շրջանակում ձեռնարկել իրավիճակից բխող անհրաժեշտ միջոցառումներ՝ ռազմական դրության պայմաններում բժշկական կազմակերպությունների ծառայողների կողմից հիվանդությունների ախտորոշման ընթացքում համանման չարաշահումները բացառելու, զինծառայողների համախմբվածության, մարտական պատրաստվածության, զինվորական կարգապահության կամ բանակի մարտունակության վրա բացասաբար ազդեցություն ունեցող անձանց հայտնաբերելու և նրանց նկատմամբ համարժեք քրեաիրավական ներգործության միջոցներ կիրառելու ուղղությամբ և հիշեցնում է, որ նկարագրված հանցավոր արարքը դասվում է ծանր հանցագործությունների շարքին, որի համար որպես պատիժ նախատեսված է հինգից տասը տարի ժամկետով ազատազրկում:

Ռազմական դրության սահմանափակումները խախտողները կենթարկվեն պատասխանատվության

383
թեգերը:
ՀՀ ազգային անվտանգության ծառայություն. ԱԱԾ, կորոնավիրուս, զինծառայող, Հայաստան
Ըստ թեմայի
«Զինվորը կգա, մի կտոր հաց տվող չլինի՞». France 24-ի ռեպորտաժը Արցախում մնացածների մասին
Տոնոյանն այցելել է ադրբեջանական ստորաբաժանումը ոչնչացրած զինծառայողներին
Ռուսաստանի մուայ թայի չեմպիոնն իր հաղթանակը նվիրել է հայ զինվորներին
«ՏՕՍ 1» խոցելը մի ուրիշ ուրախություն էր. վիրավոր զինծառայողն իրեն հերոս չի համարում