Սուրեն Սարգսյան

Հայերի դիրքորոշումը երկփեղկված է. Սարգսյանը` ԱՄՆ նախագահի ընտրությունների մասին

50
(Թարմացված է 18:38 26.08.2020)
Քաղաքագետ Սուրեն Սարգսյանը Sputnik Արմենիայի եթերում անդրադարձել է ԱՄՆ–ում ընթացող նախագահական ընտրապայքարին և մասնավորապես տեղի հայ համայնքի, հայկական կառույցների մոտեցումներին և ընդհանրապես այդ գործընթացի նկատմամբ ամերիկահայերի վերաբերմունքին։
Սարգսյան. «Հայ համայնքը բնակվում է այն նահանգներում, որոնք սովորաբար ընտրում են դեմոկրատներին»

Սուրեն Սարգսյանի փոխանցմամբ` ԱՄՆ–ում բնակվող հայ համայնքը բաժանված է երկու մասի, որոնցից յուրաքանչյուրը պատրաստվում է իր քվեն տալ թեկնածուներից մեկին, ինչը շատ տրամաբանական է, ու հետաքրքիր է նաև այն հանգամանքը, որ հայերը բնակվում են հիմնականում այն նահանգներում, որոնք սովորաբար ընտրում են դեմոկրատ թեկնածուներին։

«Այս պահին հայերի շրջանում մեծ թվով համակիրներ ունի և՛ Թրամփը, և՛ Բայդենը։ Այդուհանդերձ համայնքի ներկայացուցիչները, հայկական կառույցների ու կազմակերպությունների պատվիրակներն ու լոբբիստները վերջնական հայտարարություններ դեռ չեն արել, ընդ որում` նրանց հետաքրքրությունների շրջանակը չի սահմանափակվում միայն թեկնածուների դիրքորոշումներով, որոնք առնչվում են Հայոց հարցին կամ Հայաստանի հետ հարաբերություններին»,– Sputnik Արմենիային ասաց քաղաքագետը։

Սարգսյանի դիտարկմամբ` հայ համայնքն ունի նաև այլ առաջնահերթություններ, տեղի հայերը ԱՄՆ–ի քաղաքացիներ են և ամենօրյա ռեժիմով առնչվում են բազմաթիվ խնդիրների, ուստի լուծումներ են պահանջում հենց երկրի ղեկավարներից։

«Եթե խոսքը վերաբերում է Հայոց ցեղասպանության ճանաչմանը, ապա Ջո Բայդենը վերջերս խոստացել է նախագահ ընտրվելու դեպքում ճանաչել Մեծ եղեռնը, բայց այդ հանգամանքը մեծ հույս չի ներշնչում, որովհետև ժամանակին Բայդենը եղել է նաև Բարաք Օբամայի փոխնախագահը, որը նույնպես նախընտրական շրջանում խոստացել էր ճանաչել Հայոց ցեղասպանությունը, սակայն նման բան տեղի չունեցավ։ Իսկ Թրամփը վերջին տասնամյակներում ԱՄՆ–ի թերևս միակ նախագահն է, որը նախապես հայերին ոչինչ չի խոստացել, բայց հենց նրա պաշտոնավարման օրոք Կոնգրեսում ընդունվեցին ցեղասպանությանն առնչվող երկու բանաձևերը։ Ավելին Թրամփի վարչախմբի կողմից որևէ ճնշում կամ առարկություն չեղավ իրավական այդ գործընթացի նկատմամբ»,– ընդգծեց քաղաքագետը։

Սարգսյանի կարծիքով`վերջին երկու տարիներին հայ–ամերիկյան հարաբերություններում ամբողջովին ճահճացած վիճակ է, բարձր մակարդակի շփումներ չկան, և դա ցուցիչ է նրա, որ չկա օրակարգ, որի շուրջ կարող են հանդիպել բարձրաստիճան այրերն ու քննարկել կարևոր հարցեր։ Ավելին, Հայաստանը հարևանների համեմատ ԱՄՆ–ի հետ հարաբերություններում գտնվում է ոչ շահեկան վիճակում։ Քաղաքագետի փոխանցմամբ` թեև հայ համայնքի համար շարունակում է կարևորագույն հարց լինել Ցեղասպանության ճանաչումը նախագահի մակարդակով և այդ եզրույթի օգտագործմամբ, բայց նախընտրելի կլիներ, որ նշված օրակարգում առաջնահերթություն համարվեր նաև ղարաբաղյան հիմնախնդիրը, ինչը սակայն հայ համայնքի որոշելիքն է։

Հիշեցնենք` ԱՄՆ նախագահի ընտրությունները տեղի կունենան 2020 թվականի նոյեմբերի 3-ին: Հանրապետականներն առաջադրել են գործող նախագահ Դոնալդ Թրամփի, իսկ դեմոկրատները՝ նախկին փոխվարչապետ Ջո Բայդենի թեկնածությունը։

50
Ըստ թեմայի
«Դուք կվճարեք դրա համար»․ Անկարան սպառնացել է ԱՄՆ-ին Էրդողանի հասցեին Բայդենի ասածի համար
«Արդեն շտաբներ են տեղակայում»․ ի՞նչ է ԱՄՆ-ի բանակը պատրաստում Եվրոպայի արևելքում
Կիբեռհարձակումների 75%-ն ԱՄՆ-ից է իրականացվում․ ՌԴ անվտանգության խորհուրդ
Դավիթ Բաբայան

Այս պահին կա 2 գերխնդիր. Դավիթ Բաբայանը` Շուշիի, առաջնագծի և դիվանագիտական աշխատանքի մասին

1032
(Թարմացված է 21:04 30.10.2020)
Արցախի նախագահի խորհրդականը չի բացառում, որ Ղարաբաղյան հակամարտության հարցերը քննարկելու համար ԵԱՀԿ ՄԽ եռանախագահության ձևաչափին զուգահեռ լինեն նաև այլ` տարածաշրջանային ձևաչափեր:
Բաբայան. «Մենք տեսնում ենք, որ դիվանագիտական աշխատանքը ուժեղանում է, և տարբեր երկրներ են ներգրավվում»

Արցախի նախագահի խորհրդական Դավիթ Բաբայանը Sputnik Արմենիայի հետ զրույցում, խոսելով սահմանին տիրող իրավիճակի մասին, հայտնեց, որ այն որևէ ձևով չի տարբերվում նախորդ օրերից, այսինքն լայնածավալ պատերազմ է։

«Հակառակորդը փորձում է մխրճվել մեր պաշտպանության համակարգ, մենք պահում ենք։ Գիշերվանից համառ մարտեր էին ընթանում որոշ հատվածներում։ Հակառակորդը փորձել է հենարան ստեղծել` այնուհետև իր գործողությունները Շուշիի վրա ծավալելու համար, և այդ հենարանը ոչնչացվել է մեր բանակի, տղաների, աշխարհազորի կողմից»,– նշեց Արցախի նախագահի խորհրդականը։

Բաբայանն անդրադարձավ նաև պատերազմին զուգահեռ ընթացող դիվանագիտական աշխատանքներին։ Իրանի ակտիվացման ու պաշտոնական բանագնաց, ԻԻՀ արտաքին գործերի նախարարի տեղակալ Աբբաս Արաղչիի` Ժնևում մեկնարկած Մնացականյան–Բայրամով հանդիպմանը նախորդած Բաքու, Մոսկվա, Երևան կատարած այցերի մասին խոսելով` Արցախի նախագահի խորհրդականն ընդգծեց Իրանի հավասարակշռված դերակատարությունը տարածաշրջանում։

Բաբայանի խոսքով` հակամարտության կարգավորման գործընթացում Իրանը հանդես է գալիս իր համար օբյեկտիվ տեսակետներից։

«Հասկանալով Իրանի յուրահատկությունը` ներքաղաքական, էթնոքաղաքական, մենք պետք է հասկանանք, որ դա այդքան էլ հեշտ գործ չէ` նման հակամարտության մեջ պահպանել հավասարակշռված մոտեցում։ Բայց Թեհրանը միշտ էլ այդպիսի մոտեցում ցուցաբերել է. հետևաբար ողջունում ենք Թեհրանի ներգրավումը այդ գործընթացին, որովհետև այդ գործում կապ չունի, որ նա ԵԱՀԿ ՄԽ–ի եռանախագահության անդամ չէ, բայց այնուամենայնիվ ակտիվ դերակատարություն ունի տարածաշրջանում խաղաղության և կայունության պահպանման գործում»,– ասաց նա։

Բաբայանի խոսքով` դիվանագիտական աշխատանքը ուժեղանում է, և տարբեր երկրներ ավելի ակտիվ ձևով են ներգրավվում դիվանագիտական, քաղաքական ասպարեզներում։

«Մենք արժևորում ենք ցանկացած հանդիպում և այս հանդիպումը ևս (իրանի բանագնացի – խմբ.)։ Չենք բացառում, որ կարող է լինել մի համաձայնագիր, որ Ադրբեջանը էլի կխախտի, բայց դա կարևոր չէ. կարևորը, որ հանդիպեն, և ցանկացած երկխոսություն իհարկե իր լուման պետք է որ ներդնի խաղաղ կարգավորման գործընթացում»,–հավելեց Արցախի նախագահի խորհրդականը։

Որքանո՞վ է Արցախի համար ընդունելի Իրանի առաջարկած Իրան–Ռուսաստան—Թուրքիա ձևաչափը. մանավանդ որ Իրանը թերագնահատել է ԵԱՀԿ ՄԽ–ի անցած երեք տասնամյակների գործունեությունը։

Արցախի նախագահի խորհրդականը հիշեցրեց`մենք երբևիցե դեմ չենք եղել ԵԱՀԿ ՄԽ ձևաչափին։

«Միշտ ասել ենք, որ հակամարտությունը պետք է կարգավորվի այս ձևաչափի ներքո։ Հիմա էլ ենք կարծում։ Բայց հաշվի առնելով խորքային փոփոխությունները տարածաշրջանում` իսկապես խորքային մի շարք փոփոխություններ են տեղի ունեցել` Թուրքիան է մտել խաղի մեջ, Թուրքիան ներխուժել է Անդրկովկաս, և կարելի է ասել` Ադրբեջանի դեպքում անշլյուսի պես բան է տեղի ունեցել, ոնց որ ֆաշիստական Գերմանիայի և Ավստրիայի միջև։ Սա նոր իրականություն է, և Թուրքիան կամավոր դուրս չի գալու տարածաշրջանից` դա բոլորի համար պետք է պարզ լինի։ Այս իրավիճակում, երբ Թուրքիան է ներխուժում և նույնպես ուզում է դերակատարություն ունենալ, բնական է, որ Իրանն էլ պետք է նման դերակատարություն ունենա։ Ես չեմ բացառում, որ ԵԱՀԿ ՄԽ եռանախագահության ձևաչափին զուգահեռ լինեն նաև այլ` տարածաշրջանային ձևաչափեր` հարցերը քննարկելու համար։ Ժամանակը ցույց կտա` ինչպես է զարգանում այդ ամենը»,– ասաց Բաբայանը։

«Ցավոտ փոխզիջումների» մասին հարցին պատասխանելով` նա կրկին մատնանշեց դիվանագիտական աշխատանքների և ժամանակի հանգամանքը. «Այս պահին մենք տանում ենք արյունալի մարտեր, և խոսել ցանկացած քաղաքական բաներից պետք է միայն պատերազմի ավարտից հետո։ Ինչպիսին կլինեն այդ փոխզիջումները` ում համար ցավոտ, ում համար ոչ պակաս ցավոտ` ցույց կտա ժամանակը»։

Արցախի նախագահի խորհրդականի խոսքով` այս պահին, սակայն, կա երկու գերխնդիր` պետք է ամեն ինչ անենք, որպեսզի պահպանենք Արցախը և կանգնեցնենք պատերազմը։

1032
թեգերը:
առաջնագիծ, Իրանի Իսլամական Հանրապետություն, Շուշի, Դավիթ Բաբայան, Արցախ
Ըստ թեմայի
Ճակատ մեկնելու ցանկություն հայտնածները Երևանում սովորում են ողջ մնալու արվեստը. տեսանյութ
Բելգիացի պատգամավորները ցնցված են Արցախում տեսածից. Արայիկ Հարությունյանը ընդունել է նրանց
Դավիթ Տոնոյանն ու ԱՄՆ դեսպանը քննարկել են Արցախի թեման
Գևորգ Հայրապետյան

Ինչ անել ադրբեջանցի հաքերների զոհը չդառնալու համար. խորհուրդ է տալիս Հայրապետյանը

217
(Թարմացված է 18:13 27.10.2020)
Անձնական տվյալների պաշտպանության գործակալության պետ Գևորգ Հայրապետյանը Sputnik Արմենիայի հետ զրույցում անդրադարձել է թշնամու կողմից իրականացվող ևս մեկ վտանգավոր գործունեությանը, որ կարող է վտանգի ենթարկել անձնական տվյալները:
Ինչ անել ադրբեջանցի հաքերների զոհը չդառնալու համար. խորհուրդ է տալիս Հայրապետյանը

Անձնական տվյալների պաշտպանության գործակալությունը մոնիթորինգի արդյունքում պարզել է, որ ադրբեջանցի հաքերներին հաջողվել է կոտրել Հայաստանի մասնավոր սեկտորի մի քանի տեսանկարահանող սարքեր և տեսագրությունը տեղադրել Youtube-ում: Խոսքը բնակարանների տեսախցիկների և մի քանի տնտեսվարողների տեսանկարահանող սարքերի մասին է:

«Այսինքն` նրանք կարողացել են մարդկանց տանը, խանութում և այլ վայրերում տեղադրված տեսախցիկների հասանելիություն ստանալ, քանի որ դրանք բավականաչափ պաշտպանված չեն»,- Sputnik Արմենիային ասաց Հայրապետյանը։

Նրա խոսքով՝ տեսախցիկներ ունեցողները պետք է պաշտպանության համապատասխան միջոցառումներ իրականացնեն` ընտրելով ապահով գաղտնաբառ: Եթե ինքնուրույն հնարավոր չէ ապահովել տեսահսկման համակարգերի անվտանգությունը, ապա պետք է դիմել համապատասխան մասնագետների, իսկ եթե չկա օգտագործման խիստ անհրաժեշտություն, ճիշտ կլինի որոշ ժամանակով անջատել սարքերը։

Հայրապետյանը զգոնության կոչ արեց և ասաց, որ տեսահսկման համակարգերին միջամտություն նկատելու դեպքում անհապաղ պետք է տեղեկացնել իրենց գործակալությանը և իրավապահ մարմիններին:

Ինչպես տարբերել թացը չորից, կամ ինչ պետք է իմանան հայերը պատերազմի ժամանակ

217
թեգերը:
հաքեր, Ադրբեջան, Հայաստան
Ըստ թեմայի
Հայ հաքերները կոտրել են Իլհամ Ալիևի պաշտոնական կայքը
Ադրբեջանական 13 հեռուստաալիքով հայկական տեսանյութ է ցուցադրվել
Ինչպես պաշտպանել Facebook-յան էջերն ադրբեջանական հարձակումներից. կարևոր կանոններ
Զինծառայող

Հայկական զինված ուժերը մշակում են հրադադարի վերֆիկացիայի առաջարկներ. Արծրուն Հովհաննիսյան

59
(Թարմացված է 22:24 31.10.2020)
Արծրուն Հովհաննիսյանը վստահեցնում է` պետք են կոնկրետ մեխանիզմներ, որոնք թույլ կտան արձանագրել խախտումներն ու նաև այն, որ պատերազմը սկսել է Ադրբեջանը։

ԵՐԵՎԱՆ, 31 հոկտեմբերի - Sputnik. Հայկական զինված ուժերը հրադադարի վերիֆիկացիոն մեխանիզմների ներդրման համար առաջարկներ են մշակում։ Տեղեկությունն այսօր կայացած ճեպազրույցի ժամանակ հայտնեց ՀՀ պաշտպանության նախարարության ներկայացուցիչ Արծրուն Հովհաննիսյանը։

«Ինչ էլ բանակցեն, ինչ էլ պայմանավորվեն, մինչև չլինեն վերֆիկացիայի լիարժեք մեխանիզմներ, որի վերաբերյալ, ի դեպ, մեր զինված ուժերը սեղմ ժամկետում հարցադրումներ ու առաջարկներ են մշակում, լիարժեք հրադադար լինել չի կարող»,- նշեց Հովհաննիսյանը՝ անդրադառնալով ժնևյան բանակցությունների արդյունքում կողմերի ձեռք բերած պայմանավորվածություններին։

Նրա խոսքով՝ պետք են կոնկրետ մեխանիզմներ, որոնք թույլ կտան արձանագրել խախտումներն ու նաև այն, որ պատերազմը սկսել է Ադրբեջանը։

Հովհաննիսյանը նշեց՝ այս մեկ ամսվա ընթացքում կարծես թե բոլորի ուշադրությունից դուրս է մնացել այն հանգամանքը, թե ինչպես սկսվեց պատերազմը։

ՊՆ ներկայացուցիրչը մատնանշեց՝ քաղաքակիրթ աշխարհն առնվազն երեք-չորս անգամ փորձեց Ադրբեջանին «նստեցնել հրադադարի իրավիճակի առջև», բայց դա չստացվեց, որովհետև չկան վերֆիկացիայի մեխանիզմներ։ Նա ևս մեկ անգամ ընդգծեց՝ կարևոր է, որ հստակ մատնացույց արվի՝ պատերազմը սկսել է Ադրբեջանը, և այս երկիրն է ագրեսիա իրականացրել հայ ժողովրդի հանդեպ։ Նրա համոզմամբ՝ առանց վերֆիկացիոն մեխանիզմների և այս արձանագրման լիարժեք հրադադար չի կարող լինել։

​Հիշեցնենք` Հայաստանի և Ադրբեջանի արտգործնախարարներ Զոհրաբ Մնացականյանն ու Ջեյհուն Բայրամովը հոկտեմբերի 9–ին Մոսկվա էին մեկնել` խորհրդատվություններ անցկացնելու։ ՌԴ արտգործնախարար Սերգեյ Լավրովի հետ համատեղ հանդիպումը տևեց գրեթե 11 ժամ և ավարտվեց համաձայնագրի ընդունմամբ, որը հակամարտության կարգավորման չորս կետ է պարունակում։

Մասնավորապես, կողմերը պայմանավորվեցին, որ հոկտեմբերի 10-ին, ժամը 12։00-ից սկսած հումանիտար նպատակներով հրադադար կհաստատվի ռազմագերիներին, այլ պահվող անձանց և զոհվածների մարմինները փոխանակելու համար՝ Միջազգային Կարմիր խաչի չափանիշներին համապատասխան։ Հրադադարի վերաբերյալ պայմանավորվածությունից հետո Ադրբեջանը շարունակեց հրետակոծել Արցախը։

Հոկտեմբերի 17-ին ՀՀ արտգործնախարարությունը հայտնեց, որ Հայաստանի Հանրապետությունը և Ադրբեջանի Հանրապետությունը երկրորդ պայմանավորվածությունն են ձեռք բերել. որոշվել է հոկտեմբերի 18-ին, տեղական ժամանակով ժամը 00:00-ից հաստատել մարդասիրական զինադադար։

Արցախի ՊԲ–ն, սակայն, հոկտեմբերի 18-ի առավոտյան տեղեկացրեց, որ 07:20-ի սահմաններում հրետանային ակտիվ կրակից հետո ադրբեջանական զինուժը հարավային ուղղությամբ անցել է հարձակման: Երկուստեք եղել են զոհեր ու վիրավորներ: 

Հոկտեմբերի 26-ին ՀՀ ԱԳՆ–ն հայտարարեց, որ Հայաստանի և Ադրբեջանի արտգործնախարարները հումանիտար հրադադարի հաստատման երրորդ ժամկետի մասին են պայմանավորվել, որը պետք է ուժի մեջ մտներ 2020թ. հոկտեմբերի 26-ին, տեղական ժամանակով 08:00-ին։ Սակայն Ադրբեջանը խախտեց նաև երրորդ պայմանավորվածությունը։

59
թեգերը:
Արծրուն Հովհաննիսյան, Ադրբեջան, Արցախ
թեմա:
Ադրբեջանական ագրեսիան Արցախում - 2020
Ըստ թեմայի
Հայերն Ադրբեջանի պետական փաստաթղթերի հասանելիություն են ստացել. տեսանյութ
Ֆոսֆորը կարող է վնասել ոսկորներն ու ոսկրածուծը. ՊՆ-ն` Ադրբեջանի կիրառած զինամթերքի մասին
«Պետք է սպանենք հայերին» գրառման համար ՀՖՖ–ն պահանջում է պատժել ադրբեջանական «Ղարաբաղին»