Լիդիան, հանք, Ամուլսար, Նիկոլ Փաշինյան, Ջերմուկ, Lidian, amulsar, novosti armenii, hanq shahagorcum,
Սուրեն Սուրենյանց

Փաշինյանը մանևրում է` չցանկանալով նեղացնել ո՛չ «Լիդիանին», ո՛չ ջերմուկցիներին. Սուրենյանց

141
Սուրեն Սուրենյանցը Sputnik Արմենիայի եթերում անդրադարձել է Ամուլսարի շուրջ ստեղծված իրավիճակին, խնդրի շահարկումներին և դեպի հանք տանող ճանապարհին առկա լարվածությանը։ 
Սուրենյանց. «Փաշինյանը մանևրում է` չցանկանալով նեղացնել ո՛չ «Լիդիանին», ո՛չ ջերմուկցիներին»

Քաղաքագետ Սուրեն Սուրենյանցի դիտարկմամբ` հետհեղափոխական կառավարությունը երկու տարվա ընթացքում այդպես էլ չկարողացավ ձևավորվել արդյունավետ համակարգ, որը կարողանար բոլոր ռիսկերը հաշվի առնելով` որոշում ընդունել որևէ սկզբունքային հարցում, և դա կապված չէ միայն Ամուլսարի հետ։

«Ամուլսարն ինքնին բազմաշերտ խնդիր է` կապված թե՛ ներդրումների, թե՛ քաղաքացիական հասարակություն–իշխանություն հարաբերությունների, թե՛ հեղափոխությունից առաջ և հետհեղափոխական Հայաստանի հարաբերության հետ, որտեղ բախվում ենք նույն իրականությանը։ Նիկոլ Փաշինյանն ըստ էության մանևրում է և չի ցանկանում  նեղացնել ո՛չ «Լիդիան Արմենիային», ո՛չ էլ ջերմուկցիներին ու բնապահպաններին»,– Sputnik Արմենիայի հետ զրույցում ասաց նա։

Քաղաքագետի կարծիքով` եթե հետհեղափոխական էյֆորիան առաջին տարում թույլ էր տալիս խուսանավել խնդրից, ապա հիմա արդեն նման իրավիճակ չկա, քանզի երկու կողմերն էլ առաջ են քաշում կոնկրետ պահանջներ և նրանց գործողությունների պարագայում կառավարության հապաղումը կարող է հանգեցնել մեծ ու փոքր ճգնաժամերի կամ ֆորսմաժորային իրավիճակների։ 

«Պատասխանատուն միանշանակ կառավարությունն է, քանզի երկու տարվա մեջ պետք է որոշեր շահագործե՞լ հանքը, թե՞ ոչ, և հիմա մոտ ենք մի իրավիճակի, երբ գործընթացը նույնիսկ կարող է դուրս գալ վերահսկողությունից»,– նշեց  քաղաքագետը։

ՄԻՊ-ն ամփոփել է Ամուլսարի դեպքերով արագ արձագանքման խմբի աշխատանքները

Սուրենյանցի փոխանցմամբ` Ամուլսարի խնդրով ներկայումս շահագրգռված են տարբեր խմբեր` բնապահպաններից մինչև քաղաքական ուժեր, որոնք ձգտելու են ստեղծված իրավիճակում ստանալ դիվիդենտներ, մինչդեռ կառավարությունը, եթե ուզում էր հարցը լուծել, պետք է ի սկզբանե բանապահպանների հետ երկխոսության ուղիներ հարթեր, այլ ոչ թե «խաղար» ժամանակի վրա։

Հիշեցնենք՝ օգոստոսի 3-ին «Լիդիան Արմենիա» ընկերությունը հանել էր դեպի Ամուլսարի հանքավայր տանող ուղու վրա տեղադրված Ամուլսարի պահապանների վագոն—տնակները ու դրանց փոխարեն տեղադրել պահնորդների համար նախատեսված վագոն-տնակները, ինչն առաջ էր բերել բողոքի ակցիայի մասնակիցների դժգոհությունը: Վերջինները հայտարարություն էին տարածել. պահանջում էին վերադարձնել իրենց տնակները նախկին տեղը՝ միաժամանակ քաղաքացիներին կոչ անելով ընտանիքներով, երեխաների հետ գնալ Ջերմուկ ու միանալ բողոքի ակցիաներին:

Ամուլսարում կրքերն ավելի են թեժացել. ոստիկանության ավտոմեքենան անցավ քաղաքացու ոտքի վրայով

141
թեգերը:
Լիդիան, Նիկոլ Փաշինյան, Ջերմուկ, հանք, Ամուլսար, Սուրեն Սուրենյանց
թեմա:
Ամուլսարի հանքի շահագործումը և «Լիդիան Արմենիայի» շուրջ ստեղծված իրավիճակը (88)
Ըստ թեմայի
«Լիդիան» ընկերության և «Ամուլսարի պահապանների» վագոն-տնակները կհանվե՞ն
Ամուլսարում լարված իրավիճակ է. մեծ թվով պահնորդներ են եկել
Նոր աղմուկ Ամուլսարի շուրջ, կամ ինչու են Ջերմուկի բնակիչները կրկին փողոց դուրս եկել
«Լիդիան Արմենիան» կվաճառի՞ Ամուլսարի հանքի շահագործման ծրագիրը. «Ժողովուրդ»
Թաթուլ Մանասերյան

Հետընտրական շոու, կամ ինչի մասին է խոսում Հայաստանում Ադրբեջանի դրոշով ապրանքի հայտնվելը

74
(Թարմացված է 18:43 24.06.2021)
«Այլընտրանք» հետազոտական կենտրոնի ղեկավար, տնտեսագիտության դոկտոր Թաթուլ Մանասերյանը Sputnik Արմենիայի եթերում անդրադարձել է ՀՀ կառավարության որոշմանը, որով ևս վեց ամիս ժամկետով երկարաձգվել է թուրքական ապրանքների ներմուծման արգելքը։
Մանասերյան. «Թուրքական ապրանքներն արգելելու որոշումն ավելի շատ հետընտրական շոուի է նման»

Թուրքական ապրանքների արգելանքը երկարաձգելու` կառավարության որոշումն ավելի շատ նման է հետընտրական շոուի, որովհետև լուրջ կառավարությունը պետք է որոշումն ընդունելիս նաև ցույց տա հայրենակիցներին, գործարար աշխարհի ներկայացուցիչներին, թե կոնկրետ ինչ քայլեր է արել, որպեսզի այն մարդիկ, որոնք ներմուծում էին, անգործ չմնան, ցույց տար դիվերսիֆիկացման ուղիները` քաջալերելով մարդկանց, որպեսզի ապրանքներ ներկրեն այլ երկրներից։ Sputnik Արմենիայի հետ զրույցում նման տեսակետ հայտնեց «Այլընտրանք» հետազոտական կենտրոնի ղեկավար, տնտեսագիտության դոկտոր Թաթուլ Մանասերյանը։

«Կառավարությունը պետք է նշեր, թե կոնկրետ ինչ գործողություններ է պլանավորել տեղական արտադրության զարգացումը խթանելու ուղղությամբ։ Պարտադիր չէ, որ ներմուծվող բոլոր ապրանքները փոխարինվեն, սակայն անհրաժեշտ է գոնե ներկայացնել, թե, օրինակ, 800 ներմուծվող ապրանքներից քանիսն է փոխարինվել տեղական ապրանքներով»,– նշեց տնտեսագետը։ 

Մանասերյանի գնահատմամբ` կառավարությունում զգացվում է արհեստավարժ մասնագետների բացակայություն, հետևաբար նա մեծ ակնկալիքներ չունի գործադիր մարմնի գործունեությունից։ Ըստ նրա` անհրաժեշտ է մշակել հստակ մեխանիզմներ, որոնք անպայման պետք է աշխատեն, կառավարությունն ինքը պետք է գնա ձեռնարկատիրությամբ զբաղվողների մոտ, տեսնի, թե նրանք արտադրության ինչ միջոցների, կապիտալ ներդրումների կամ շրջանառու ինչ միջոցների կարիք ունեն, նրանց արտոնյալ պայմաններով վարկեր տրամադրի կամ իրականացնի համաֆինանսավորում։ 

Տնտեսագետը հիշեցրեց, որ Հայաստանում թուրքական ապրանքների դեմ էմբարգո կիրառելու նախաձեռնողներից մեկն էլ եղել է ինքը և շեշտեց, որ մեր կառավարությունը տարիներ առաջ խորությամբ չէր գիտակցում, որ թուրքերից ինչ–որ բան գնելու պարագայում այդ գումարը գնում էր հարևան երկրի պետական բյուջե` դառնալով հավելյալ եկամուտ և ուղղվելով նաև զենքի արտադրությանը։ 

«Ես կողմնակից եմ պրոակտիվ քաղաքականությանը, այլ ոչ թե միայն ռեակտիվ քաղաքականությանը։ Այո, պետք է արգելել, ընդհանրապես պետք է զգոն լինել թուրքերի հետ առևտրից։ Եթե Հայաստանում հայտնվում է որևէ ապրանք Ադրբեջանի դրոշով, ապա դա խոսում է պետության չգոյության մասին, մաքսային մարմինների անգործության մասին»,– նշեց տնհտեսագետը։

ՀՀ–ն չի ֆինանսավորի Թուրքիայի գանձարանը. թուրքական ապրանքների արգելքը երկարաձգվեց 6 ամսով

Նշենք, որ ՀՀ կառավարությունն այսօրվա նիստում վեց ամիս ժամկետով երկարաձգեց թուրքական ապրանքների ներմուծման արգելքը։

Էկոնոմիկայի նախարարի պաշտոնակատար Վահան Քերոբյանն ասել է, որ նախորդ որոշման վեցամսյա ժամկետը լրանում է հուլիսի մեկին, ինչը նշանակում է, որ կա անհրաժեշտություն նոր որոշման, որով կնախատեսի ևս վեց ամսով երկարաձգել թուրքական ծագում ունեցող վերջնական սպառում ունեցող ապրանքների ներմուծումը ՀՀ։

Հիշեցնենք, որ ՀՀ կառավարությունն իր 2020 թվականի հոկտեմբերի 20-ի թիվ 1708-Ն որոշմամբ ժամանակավոր արգելք է դրել թուրքական ծագում ունեցող վերջնական սպառման ապրանքների ներմուծման վրա: Արգելքն ուժի մեջ է մտել 2020 թվականի դեկտեմբերի 31-ից:

Վրաստանի սահմանի բացումը չի նշանակում թուրքական ապրանքների ներկրում. ՊԵԿ նախագահ

74
թեգերը:
ՀՀ կառավարություն, Թաթուլ Մանասերյան, ներմուծում, Թուրքիա
Ըստ թեմայի
Ինչպես կարելի է դուրս գալ այս իրավիճակից. Թաթուլ Մանասերյանը «դեղատոմս» է առաջարկում
Մանասերյան. «ՀՀ–ն շատ ցուցանիշներով ամենաշատն է օգտվել ԵԱՏՄ ընձեռած հնարավորություններից»
Տնտեսական իրողությունները վերանայելու` Կենտրոնական բանկի մոտեցումը տեղին է. Մանասերյան
Հասմիկ Աբովյան

Ինչպես օրգանիզմը պաշտպանել ամառային շոգից. խորհուրդ է տալիս մասնագետը

175
Սննդաբան, էնդոկրինոլոգ Հասմիկ Աբովյանը Sputnik Արմենիայի եթերում նշել է, որ հատկապես սրտանոթային, շնչառական խնդիրներ և շաքարային դիաբետ ունեցողները, ճիշտ սնվելուց բացի, պետք է նաև որոշակի կանոնների հետևեն։ 
Ինչ անել, եթե օրվա մեծ մասն անցկացնում եք արևի ուղիղ ճառագայթների տակ. խորհուրդներ մասնագետից

Ամռանը ջերմաստիճանի բարձրացմանը զուգահեռ ավելանում է նաև մարդու օրգանիզմի ջերմակարգավորող համակարգի ծանրաբեռնվածությունը, և մի շարք օրգան-համակարգեր, հատկապես սրտանոթային և շնչառական, սկսում են ավելի ինտենսիվ աշխատել, որի հետևանքով առաջանում են օրգանիզմի կենսագործունեության խանգարումներ: Sputnik Արմենիայի հետ զրույցում նման կարծիք հայտնեց սննդաբան, էնդոկրինոլոգ Հասմիկ Աբովյանը։ 

«Շոգ եղանակին անոթների լայնացում է տեղի ունենում, արյունը կարող է մեծամասամբ կուտակվել ոտքերի շրջանում, անգամ կարող է լինել ուշաթափություն, անոթների, սրտի հետ կապված բազմաթիվ խնդիրներ»,- ասաց նա։

Թիրախային խմբում են գտնվում հատկապես բացօթյա վաճառակետերում աշխատող կամ արևի ուղիղ ճառագայթների տակ ֆիզիկական ծանր աշխատանք կատարող մարդիկ, քանի որ հենց նրանց մոտ կարող են առաջանալ սրտանոթային համակարգի աշխատանքի սուր խանգարումներ:

«Որքան հնարավոր է պետք է պաշտպանվել արևի ուղիղ ճառագայթներից, տնից դուրս գալիս անձրևանոցներ ունենալ, անընդհատ կում-կում ջուր խմել և աշխատելիս պասիվ չմնալ, գոնե ոտքերը շարժել կամ փոքրիկ քայլերով այս ու այն կողմ գնալ-գալ, որ անոթները չլայնանան»,- նշեց Աբովյանը։

Հիշեցնենք` ԱԻՆ–ն ավելի վաղ հայտնել էր, որ արաբական անապատներից արևադարձային տաք օդային հոսանքների ներթափանցմամբ պայմանավորված ` մինչև հունիսի 27-ը Հայաստանի ամբողջ տարածքում սպասվում է խիստ բարձր ջերմային ֆոն։ Արարատյան դաշտում, Արագածոտնի և Վայոց Ձորի նախալեռներում, ինչպես նաև Երևանում կանխատեսվում է +40, իսկ առանձին ցածրադիր հատվածներում՝ մինչև +41 աստիճան։

Սննդաբանը խոսել է շոգ եղանակին տաք թեյ խմելու օգտակարության ու վնասի մասին

175
թեգերը:
խորհուրդ, շոգ, ամառ, օրգանիզմ
Ըստ թեմայի
Ինչպես կարելի է ազատվել առավոտյան այտուցվածությունից. կոսմետոլոգի խորհուրդները
Առաջիկա օրերին Հայաստանում խիստ բարձր ջերմային ֆոն է լինելու. եղանակի տեսություն
Շեֆ-խոհարարը պատմել է շոգ ամառվա համար կատարյալ կերակրատեսակի մասին
Սահմանադրական դատարան

Ոչ մի նորություն. 25 տարի շարունակ սպասում ենք Սահմանադրական դատարանի արդար որոշմանը

7
Եկեք անկեղծ լինենք։ Հին ու բարի ժամանակները միտք չունեն ավարտվելու, հիմա կրկին սպասում ենք ՍԴ–ի` արտահերթ ընտրությունների վերաբերյալ որոշմանը. գոնե այս առումով հետընտրական իրավիճակը ՀՀ–ում բացարձակապես չի փոխվել ուղիղ քառորդ դար շարունակ՝ անկախության հռչակումից ի վեր։

Ո′չ մի նորություն. 25 տարի շարունակ սպասում ենք Սահմանադրական դատարանի արդար որոշմանը
Միանգամից շատ կոնկրետ հարց ուղղեմ բոլորին՝ ակնկալելով միանգամայն անկեղծ պատասխան. «Հիմա, երբ ընդդիմադիր մի քանի կուսակցություններ արդեն հայտնել են Սահմանադրական դատարանում ընտրությունների արդյունքները բողոքարկելու իրենց մտադրության մասին, դուք հավատո՞ւմ եք, որ դատարանը պաշտոնական վարկածից սկզբունքորեն տարբերվող վճիռ կկայացնի այդ հարցով»։

Քանի որ այս տարի լրանում է մեր Սահմանադրական դատարանի 25-ամյակը, թույլ տվեք շնորհավորել բոլորին այդ առիթով ու նաև շատ հակիրճ անդրադառնալ մեր Սահմանադրականի հետընտրական պատմության որոշ դրվագների։

1995-ի մեր խորհրդարանական ընտրությունները ակնհայտորեն լավը չէին։ Սա ես չեմ ասում. եվրոպացի դիտորդներն այդ ընտրությունները գնահատեցին այսպես՝ ազատ, բայց ոչ արդար։ Նման խիստ, միանշանակ գնահատական միջազգային դիտորդները այլևս երբեք չտվեցին հետագա ընտրություններից որևէ մեկին։ Բա ինչո՞ւ այն ժամանակ ընդդիմությունը չդիմեց ՍԴ։ Շատ պարզ պատճառով՝ 95-ին դեռ Սահմանադրական դատարան չունեինք, նոր էինք Սահմանադրություն ընդունել։ Առանց Սահմանադրության ի՞նչ Սահմանադրական դատարան։

Ով կպատկերացներ, որ կտեսնենք Ալիևին և Էրդողանին Շուշիի կենտրոնում գրկախառնվելիս ու պարելիս

Հաջորդ տարվանից Սահմանադրական դատարանը սկսեց գործել, և միանգամից էլ հայտնվեց շատ բարդ իրավիճակում։ Ընդդիմության միասնական թեկնածուի շուրջ միավորված էին մի շարք կուսակցություններ, որոնց հաջողվեց իրենց վստահված անձանցով ապահովել ընտրատարածքների գերակշիռ մասը։ Եվ նրանք Սահմանադրական դատարան ներկայացրին կոպտագույն ընտրախախտումների մի մեծ ցուցակ։ Ինքս եմ տեսել՝ հսկայական, հաստափոր տրցակ էր։ Հիմա ասեք խնդրեմ՝ հնարավո՞ր էր արդյոք, որ Սահմանադրական դատարանը, որը ղեկավարում էր մինչ այդ փոխնախագահի պաշտոնը զբաղեցրած անձը, որոշում կայացներ նախագահի դեմ։ Շատ ճիշտ եք՝ տեսականորեն ամեն ինչ էլ հնարավոր էր, բայց ուրիշ, շատ հեռավոր մի ինչ-որ երկրում, միայն թե ոչ մեզ մոտ։

Սակայն մեր հարազատ Սահմանադրականի պատմությունը վերհիշելիս նաև չեմ կարող չփաստել, որ մեզ մոտ էլ այդ դատարանի հետ կապված այնպիսի ոչ կոնվենցիոնալ, ես կասեի՝ նույնիսկ ֆանտաստիկ, գաղափարներ են շրջանառվել, որոնք աշխարհի ցանկացած այլ պետությունում զուտ որպես շատ սրամիտ կատակ կընկալվեին։ Մինչդեռ մեզ մոտ գրեթե 20 տարի առաջ տեղի ունեցած նախագահական ընտրություններից հետո դատարանի ղեկավարն ամենայն լրջությամբ առաջարկում էր անցկացնել իր ձևակերպմամբ՝«վստահության հանրաքվե»։ Բան չունեմ ասելու՝ միգուցե այդ գաղափարը շատ բարի ու ազնիվ նպատակներ էր հետապնդում, բայց ախր շատ անսովոր էր։

Պատկերացնո՞ւմ եք՝ ասենք, անցած կիրակի ես քվեարկել եմ վարչապետի գլխավորած ուժի օգտին, որն էլ հաղթել է։ Իսկ մի քանի օրից ինձ ասում են. «Բայց լա՞վ ես մտածել, միգուցե իրականում ընդդիմության օգտին էիր ուզում ձայնդ տալ։ Գնա, վերջնականապես կողմնորոշվիր, հետո նորից արի ընտրատեղամաս»։

Դժվար է պոկվել վարչապետական աթոռից, կամ կրկին Հայաստանի և Իսրայելի նմանության մասին

Երևի հիշում եք, թե որտեղից ծագեց այդ արտասովոր գաղափարը՝ «վստահության հանրաքվե», որը, բնականաբար, երբեք էլ չանցկացվեց։ Բողոքի ալիք բարձրացավ։ Եվ ի տարբերություն հոր՝ Կարեն Դեմիրճյանի, որը 1998-ին գերադասեց գործ չունենալ Սահմանադրականի հետ, թեև շատերը պնդում էին, թե Արցախում պաշտոնավարած նրա մրցակիցն ընդհանրապես իրավունք էլ չուներ մասնակցելու հայաստանյան ընտրություններին, կրտսեր Դեմիրճյանը դրանից ուղիղ 5 տարի հետո կայացած ընտրությունների ընթացքում կատարված ենթադրյալ ընտրախախտումների ցուցակ ներկայացրեց։

Տրցակն էլի հաստափոր էր՝ 1617 էջ։ Դատարանի եզրակացությունն էլ ավանդական՝ այո՛, խախտումներ եղել են, բայց դրանք ոչ մի կերպ չեն ազդել ընտրությունների վերջնական արդյունքի վրա։

Ինչպես տեսնում եք, լավագույն ավանդույթները Սահմանադրական դատարանում սրբորեն պահպանվել են երկուսուկես տասնյակ տարիների ընթացքում։ Հիմա կասեք՝ բա էդ դեպքում դատարան դիմելու իմաստը ո՞րն է, եթե որոշումը նախօրոք, ապրիորի հայտնի է։ Խոստովանեմ` երբեք չեմ հասկացել նման դիրքորոշումը, որն այս վերջին ընտրություններից հետո էլ դրսևորեցին որոշ կուսակցություններ։ Հրապարակավ զայրացած խոսում են բազմաթիվ ու բազմապիսի ընտրախախտումների մասին, իսկ երբ հարցնում ես Սահմանադրական դատարան դիմելու մասին, բերանները ջուր են առնում։ Է, կներե՛ք, եթե դուք իսկի ձեր սեփական իրավունքների համար պատրաստ չեք օրենսդրորեն պայքարել, խորհրդարան մտնելուց հետո իմ իրավունքներն ինչպե՞ս էիք պաշտպանելու։

Հեղափոխության հետևանքները, կամ ով չի ուզում երջանիկ լինել՝ գնդակահարել

7
թեգերը:
Ընտրություններ, Սահմանադրական դատարան, Հայաստան
թեմա:
5 րոպե Դուլյանի հետ
Ըստ թեմայի
Կկատարվի՞ արդյոք Հայաստանի նախագահի նվիրական երազանքը
Արտահերթ, բայց ոչ արտառոց. հոլանդական ընտրություններն ու հայ «չգործարար» թեկնածուները
Ինչպես է ՍԴ–ն լուծում ընտրությունների արդյունքներով ընդունված որոշման հետ կապված վեճերը