Գազալցակայաններում թանկացել է գազը. կամայականությո՞ւն, մրցակցությո՞ւն, թե՞ բնական հետևանք
Տիգրանյան. «Սեղմված գազի գնի 10 տոկոսով թանկացումը փորձնական է, կարող է փոփոխվել»
Մկրտիչ Տիգրանյանի դիտարկմամբ` բանական է, որ գազի գինը պետք է թանկանար, որովհետև «Գազպրոմ Արմենիան» հուլիսի 19–ից գազն արդեն սպառող տնտեսվարողներին մատակարարում է ավելի թանկ գնով։ Ըստ նրա` հանրապետությունում գազալցակայանների շուկայում վաղուց հաստատվել է չոր և խիստ մրցակցություն, այդտեղ գործում են տասնյակ, եթե ոչ հարյուրավոր տնտեսվարողներ, ովքեր հաստատ չեն կարող ստվերային համաձայնության գալ գազի գնի փոփոխման հարցում։
©
Sputnik / Дмитрий Астахов
«Բացի դրանից, բոլոր գազալցակայաններում տարին մեկ անգամ պարտադիր հարկային ստուգումներ են կատարվում, այնպես որ բացառվում է քմահաճույքով կամ կամայականորեն գնի բարձրացումը։ Մեր վարորդները շատ օպերատիվ են և օրվա ընթացքում շատ արագ կարող են տեղեկանալ գնային փոփոխություններից։ Նրանք անշուշտ կգնան այնտեղ, որտեղ սեղմված գազն ավելի մատչելի գնով է վաճառվում, բայց կրկնում եմ, գնային կամայականությունը բացառվում է»,– նշում է Տիգրանյանը ։
Նրա կարծիքով` տնտեսվարողներին նույնպես ձեռնտու չէ այնպիսի գնի սահմանումը, որի պարագայում կկորցնեն իրենց հաճախորդներին։ Ըստ Տիգրանյանի` եթե առաջ բենզինի և գազի գնի միջև տարբերությունը շուրջ 2,5 անգամ էր, հիմա պակասել է ու դարձել 1,8-ից 2 անգամ։ Ընդ որում` գները տարբեր մարզերում տարբեր են, ու թեև բենզինի շուկայում խաղացողներն անհամեմատ քիչ են, սակայն այդտեղ էլ կա կոշտ մրցակցություն։
Անդրադառնալով գազալցակայաններում սահմանված գնի դիմաց լիցքավորվող գազի չափաքանակի վերաբերյալ առաջացած բողոքներին` Մկրտիչ Տիգրանյանն ընդգծում է, որ եթե նույնիսկ գազալցակայանը գազն անվճար տա վարորդներին, միևնույն է, ոմանք կրկին բողոքելու են, ուստի նման խնդիրները բացառելու նպատակով գազալցակայաններում տեղադրվել են սարքեր։ Դրանք տարին մեկ անգամ չափագրվում են, գազը կշռվում է կիլոգրամով, կապարանկնքվում է և՛ չափագրողների, և՛ հարկային մարմնի կողմից, հետևաբար կիլոգրամով հաշվարկն ավելի ճիշտ է, քան խորանարդ մետրով հաշվարկը։
Հայաստանում գազի պատճառով մթերքը գուցե չթանկանա, բայց դրա համը կարող է դուրս գալ
Ընկերության տնօրենի փոխանցմամբ` վարորդները հիմնականում ըմբռնումով են մոտենում սեղմված գազի թանկացման հարցին, որովհետև գնագոյացումը պայմանավորված է շուկայական գործոնով։
Ըստ նրա` սեղմված գազի գնի 10 տոկոսով թանկացումը փորձնական է, կարող է փոփոխվել, մեկ ամսից պարզ կլինեն գազալցակայանների տերերի եկամուտները կամ վնասները, և երբ ի մի բերվեն ծախսերը, պարզ կդառնա` արդյո՞ք արդարացված է գնի փոփոխությունը։
թեգերը:
Ի՞նչ անել, որ ՀՀ մշտական բնակչությունը չդառնա 2.5 մլն
Մարկոսյան. «Բազմազավակ ընտանիքների համար ավելի կարևոր է երկարաժամկետ կտրվածքով դրամական աջակցությունը»
Արտակ Մարկոսյանի դիտարկմամբ` բազմազավակ ընտանիքներին ցուցաբերվող աջակցությունը դեռ համակարգված չէ, նախկինում եղել են և այսօր էլ կիրառվում են սոցաջակցության ծրագրեր, որոնք միտված են բազմազավակ ընտանիքներին օգնելուն, բայց կոնկրետ օրենք և հստակ միջոցառումների հայեցակարգ դեռ չկա։
«Բնականաբար գործում են մինչև 18 տարեկան երեխաներին մատուցվող անվճար առողջապահական ծառայությունները, բայց կոնկրետ բազմազավակ ընտանիքների համար կան առաջնահերթ խնդիրներ, ու թեև երեխայի ծնվելիս ընտանիքը ստանում է խնամքի նպաստ, սակայն ավելի կարևոր է երկար ժամանակահատվածի համար ամսական դրամական աջակցության տրամադրումը»,– նշեց նախարարության ԿՍԱԳՀ խորհրդականը։
Մարկոսյանի կարծիքով` պարզապես այլընտրանք չկա, որովհետև միայն բազմազավակությանը միտված ծրագրերով կարող ենք լուծել ժողովրդագրական խնդիրները։ Ըստ նրա`մենք, ցավոք, գտնվում ենք ժողովրդագրական փոսում և կանխատեսումների համաձայն` մեզ սպասում է դեպոպուլյացիա, սակայն իրավունք չունենք ցույց տալու այդ դեպոպուլյացիան, քանի որ մինչ օրս ՀՀ մշտական բնակչությունը չի նվազել ավելի շատ այն պատճառով, որ ունեցել ենք բնակչության բնական աճ։
«Մեր բնական աճը նախորդ տարիներին եղել է դրական, հետևաբար պետք է թույլ չտանք, որ բնական աճը փոխակերպվի բացասականով, որովհետև այդ դեպքում մշտական թվաքանակը կլինի ոչ թե 2 միլիոն 963 հազար, այլ մոտ 2 միլիոն 500 հազար։ Այդ պարագայում մեր վիճակն ավելի վատ կլիներ»,– նշեց նախարարության ԿՍԱԳՀ խորհրդականը։
Մարկոսյանի համոզմամբ` բոլոր ծրագրերը պետք է միտված լինեն նրան, որ ընտանիքների համար ստեղծեն բարեկեցիկ պայմաններ, որպեսզի երեխա ունենալը բեռ չդառնա։ Ըստ այդմ` ընտանիքները պետք է նախապես ունենան հստակ ամրագրված սոցիալական երաշխիքներ։
Ուզում եմ` էլ չկրակեն ու տուն վերադառնանք. Մկրտչյանների բազմազավակ ընտանիքի ոդիսականը
Տեղեկացնենք, որ շրջանառվող օրինագծի համաձայն` Հայաստանում պաշտոնապես բազմազավակ կճանաչվեն 4 և ավելի երեխաներ ունեցող ընտանիքները։
Առաջարկվող օրենքը նախատեսում է դրամական աջակցություն, առողջության ապահովագրություն, բնակարանային պայմանների բարելավման աջակցություն, բնակարանի կամ ապաստանի տրամադրում, կրթության վճարի փոխհատուցում, պատմական և մշակութային կենտրոններ այցելությունների վճարի փոխհատուցում, աշխատող բազմազավակ ծնողներին ամենամյա լրացուցիչ արձակուրդի տրամադրում:
Պաշտոնական խողովակով որևէ հրավերք չենք ստացել. Աբովյանը հերքո՞ւմ է Լիլիթ Մակունցի ասածները
(Թարմացված է 11:31 05.03.2021)
«Բարգավաճ Հայաստան» խմբակցության քարտուղար Արման Աբովյանը Sputnik Արմենիայի եթերում խոսել է Նիկոլ Փաշինյանի կողմից Գագիկ Ծառուկյանին ուղարկված հանդիպման հրավերի և արտահերթ խորհրդարանական ընտրությունների վերաբերյալ քննարկումների մասին։Հրավերք չի՞ եղել. Աբովյանը պարզաբանում է Մակունցի ասածները
Ես` որպես «Բարգավաճ Հայաստան» խմբակցության քարտուղար, ոչ մի պաշտոնական փաստաթուղթ չեմ ստացել։ Sputnik Արմենիայի հետ զրույցում ասաց Արման Աբովյանը` մեկնաբանելով «Իմ քայլը» խմբակցության ղեկավար Լիլիթ Մակունցի այն հայտարարությունը, թե Նիկոլ Փաշինյանը Գագիկ Ծառուկյանին հանդիպման հրավեր է ուղարկել։
Նրա խոսքով` ԲՀԿ-ում դեռևս չեն քննարկել ներքաղաքական իրավիճակն ու արտահերթ ընտրությունների անցկացման հարցը։
©
Photo : official site of the MoD of RA
«Դեռևս քննարկում չենք ունեցել։ Առաջիկայում անպայման քննարկում կունենանք։ Մոտավոր ժամկետներ չեմ կարող ասել»,- նշեց Աբովյանը։
Հիշեցնենք, որ այսօր` մարտի 4-ին, «Իմ քայլը» խմբակցության ղեկավար Լիլիթ Մակունցը լրագրողների հետ զրույցում հայտնել էր, որ ՀՀ վարչապետ Նիկոլ Փաշինյանը ԲՀԿ ղեկավար Գագիկ Ծառուկյանին հանդիպելու հրավեր է ուղարկել։
Փաշինյանն ավելի վաղ հայտել էր, որ հանդիպումներ է ունենալու խորհրդարանական ընդդիմադիր ուժերի հետ` արտահերթ խորհրդարանական ընտրություններ անցկացնելու հարցը քննարկելու համար։ Արդեն իսկ կայացել է Մարուքյան–Փաշինյան հանդիպումը։ ԼՀԿ առաջնորդը հայտնել է, որ Հայաստանում ստեղծված ներքաղաքական իրավիճակից դուրս գալու ճանապարհը արտահերթ ընտրություններն են, որն անցկացնելու կամք ունի նաև վարչապետը։
Փաշինյանը «Եռաբլուր» չի այցելել. նա Վազգեն Սարգսյանի փողոցի հուշարձանին է ծաղկեփունջ դրել
(Թարմացված է 13:03 05.03.2021)
Լրագրողներին թույլ չեն տվել մոտենալ ու հարցեր ուղղել վարչապետ Նիկոլ Փաշինյանին։ ԵՐԵՎԱՆ, 5 մարտի - Sputnik. ՀՀ վարչապետ Նիկոլ Փաշինյանն այսօր Սպարապետ Վազգեն Սարգսյանի ծննդյան օրվա առիթով «Եռաբլուր» զինվորական պանթեոն չի այցելել։ Փոխարենը նա այցելել է Երևանի Վազգեն Սարգսյանի անունը կրող փողոցում գտնվող Սպարապետ Վազգեն Սարգսյանի հուշարձանին ու ծաղկեփունջ դրել։
Նշենք, որ Փաշինյանը հուշարձանին մոտեցել է ոտքով, իր աշխատակազմի մի քանի աշխատակիցների ու թիկնազորի ուղեկցությամբ։
Վերջինները լրագրողներին թույլ չեն տվել մոտենալ ու հարցեր ուղղել Փաշինյանին։
Նշենք, որ այսօր ՀՀ նախագահ Արմեն Սարգսյանը ևս Եռաբլուր չի այցելել, նրա անունից ծաղիկներ են դրվել Վազգեն Սարգսյանին շիրիմին և նրա հայրենի գյուղի հուշարձանի մոտ։
թեգերը: