Համբարձում Մաթևոսյան

Արմավիրի մարզի «թաքուն» այգիները, կամ ինչու է պայմանագիր կնքելը ձեռնտու գյուղատնտեսներին

99
ՀՀ Արմավիրի մարզպետ Համբարձում Մաթևոսյանը Sputnik Արմենիայի եթերում անդրադարձել է մարզում տարիներ շարունակ գոյություն ունեցած ստվերային այգիների խնդրին, այդ երևույթի դեմ պայքարին, ինչպես նաև ոռոգման համակարգում առկա հիմնական հարցերին:
Մաթևոսյան. «Թաքցված հեկտարների, ստվերային այգիների խնդիրն Արմավիրի մարզում մեծապես լուծված է»

Համբարձում Մաթևոսյանի տեղեկացմամբ՝ դեռ անցած տարվանից մարզպետարանի կողմից ստեղծվել է հանձնաժողով, որը գործում է գյուղատնտեսության և բնապահպանության մարզային վարչության ներքո, և որի աշխատանքներին մասնակցում են նաև համայնքների ղեկավարները, ջուր օգտագործող ընկերությունների ղեկավար կազմի ներկայացուցիչները: 

«Աշխատանքների և ուսումնասիրությունների արդյունքում մենք բացահայտել ենք 1700 հողատարածք, ստվերային այգիներ, որոնք բոլորն էլ այս պահի դրությամբ արդեն ունեն համապատասխան պայմանագրեր: Ընթացիկ աշխատանքների համար հանձնաժողովն արդեն ունի պլանային գրաֆիկ, որի համաձայն այցելում է համայնքներ, սերտ համագործակցությամբ աշխատում է նաև ՋՕ-երի, համայնքապետարանների հետ, և պարբերաբար ստուգումների արդյունքում եթե հայտնաբերվում են նմանատիպ խնդիրներ, ապա արձանագրվում են և կնքվում համապատասխան պայմանագրեր՝ հողատերերին բերելով օրինական դաշտ»,- նշում է Արմավիրի մարզպետը: 

Մաթևոսյանի փոխանցմամբ՝ նոր այգիներ են հիմնվել մարզում, իսկ այն տարածքները, որոնք նախկինում ոռոգվում էին, սակայն ֆինանսական միջոցներ չէին ներդրվում դրանք մշակելու համար, հիմա այդ բացը լրացվում է, և արձանագրվել է բավականին լուրջ առաջընթաց: Մարզպետի հավաստմամբ՝ թաքցված հեկտարների, ստվերային այգիների խնդիրն Արմավիրի մարզում մեծապես լուծված է:

Անդրադառնալով ոռոգման համակարգի խնդիրներին՝ Արմավիրի մարզպետն ընդգծում է, որ հողատարածքների համար համապատասխան պայմանագրեր չունեցողների ոռոգման գրաֆիկը միշտ կխախտվի, հետևաբար, հենց գյուղատնտեսներին է ձեռնտու, որ հենց սկզբից գան և պայմանագիր կնքեն՝ վստահ լինելով, որ որոշակի ժամանակահատվածում որոշակի քանակով ջուր անպայման կստանան:

«Այս տարի ոռոգման հետ կապված ամենամեծ խնդիրն արձանագրվեց Էջմիածնի տարածաշրջանի համայնքներում, սակայն դա ոչ այնքան կապված էր ջրի սակավություն, որքան ՋՕ կառավարման խնդրի հետ: Այժմ Էջմիածնի տարածաշրջանային ՋՕ-ում ունենք նոր ղեկավար, որի պաշտոնավարման ընթացքում լուրջ պրոբլեմներ չեն առաջացել: Ոռոգմանն առնչվող մյուս հանգամանքը կապված է ենթակառուցվածքների հետ, քանի որ ոչ բոլոր համայնքներում դրանք կան, և որոշ դեպքերում ունենում ենք ջրի լուրջ կորուստներ: Իրավիճակը շտկելու ուղղությամբ նույնպես կատարվում են համարժեք աշխատանքներ»,- նշում է մարզպետը։

Այգիներ, մանկապարտեզներ, շենքեր են յուրացրել. Լոռու մարզպետը բացահայտումներ է խոստանում

Համբարձում Մաթևոսյանի տեղեկացմամբ՝ 2020թ.-ի կտրվածքով ոռոգման համակարգի բարելավման համար նախատսված ծրագրերն արդեն ընթացքի մեջ են, նախատեսվում է եվրասիական բանկի ֆինանսական միջոցներով 100 կիլոմետրից մի փոքր ավել ոռոգման ներտնտեսային ցանցերի վերանորոգման աշխատանքներ իրականացնել առնվազն 45 համայնքներում, իսկ մյուս մասն էլ կիրականացվի սուբվենցիոն ծրագրերով: 

Ավագյան․ «Ոռոգման ջուրն անջատում են, գնում, լցվում է Թուրքիա»

99
թեգերը:
Հող, ոռոգման ջուր, Պայմանագիր, գյուղապահովագրություն, Գյուղապետ, Համբարձում Մաթևոսյան (Արմավիրի մարզպետ), Արմավիրի մարզ, Արմավիր
Ըստ թեմայի
ԲՀԿ–ն առաջարկում է վերջ տալ ստվերային բիզնեսին և ոռոգման ջրի գումարները վճարել բանկով
Եղեգնուտում կրքերը բորբոքվել են. գյուղացիները դեմ են նախկին համայնքապետի վերադարձին
Միլիարդներ են մսխվել. Համբարձում Մաթևոսյանը` կոռուպցիայի ու չարաշահումների մասին
Շահան Գանդահարյան

Ի՞նչ է առաջարկել հայկական խմբակցությունը. Գանդահարյանը` Ադիբի հրաժարականի մասին

51
(Թարմացված է 19:14 26.09.2020)
Բեյրութի «Ազդակ» թերթի գլխավոր խմբագիր Շահան Գանդահարյանը Sputnik Արմենիայի եթերում անդրադարձել է Լիբանանի վարչապետի ԺՊ Մուստաֆա Ադիբի հրաժարականի հանգամանքներին և այն հարցին, թե ինչպես է դրան վերաբերվում հայկական համայնքը։
Գանդահարյան. «Հայկական երեսփոխանական խմբակցությունը առաջարկում էր կազմել փրկության կառավարություն»

Լիբանանի վարչապետի ժամանակավոր պաշտոնակատար Մուստաֆա Ադիբն այսօր հրաժարական է ներկայացրել։ Իր որոշման պատճառը ներկայացրել է տեսաուղերձի ժամանակ։ «Քաղաքական բլոկները չեն կատարել պայմանս` չեն հրաժարվել կառավարության ձևավորման գործընթացի քաղաքականացումից»,– ասել է Ադիբը։

Բեյրութի «Ազդակ» թերթի գլխավոր խմբագիր Շահան Գանդահարյանը Sputnik Արմենիայի հետ զրույցում ասաց` Աբիդի, ինչպես նաև տվյալ նախաձեռնությունը հովանավորող պաշտոնական Փարիզի կողմից կար սկզբունքային մոտեցում, որպեսզի լինի սեղմ կառավարություն, որը չի ձևավորվելու ավանդական, դասական ձևով, պետք է բաղկացած լինի տեխնոկրատ մասնագետներից։ Ըստ նրա`վարչապետը պետք է լիազորված լիներ նախարարական թեկնածուների անունները ճշտել համապատասխան պաշտոնների համար, բայց հատկապես շիա համայնքը ներկայացնող հիմնական քաղաքական ուժերը թեև մասնակիորեն համաձայն էին գործընթացին, այդուհանդերձ վերջում ունեցան տարաձայնություններ։

«Այդ ուժերը, անշուշտ, որոշակի պատկերացում ունեին իրենց տրվելիք նախարարությունների մասին և պետք է առաջադրեին անուններ։ Վարչապետը, նախագահը, ինչպես նաև շիա համայնքը ներկայացնող պատգամավորական խմբակցությունների ներկայացուցիչները վարում էին բանակցություններ։ Սպասվում էր նաև, որ կա՛մ կհետաձգվեր կառավարության նշանակումը, կա՛մ վարչապետի ժամանակավոր պաշտոնակատարը հրաժարական կտա։ Փաստորեն ընտրվեց երկրորդ տարբերակը, և Մուստաֆա Ադիբը հայտարարեց, որ իր առաքելությունն ու առաջադրանքը չեն կատարվել, կողմերը համաձայնության չեն եկել։ Առանց այդ էլ կառավարությունը պետք է ձևավորվեր Ադիբի պաշտոնավարման մեկնարկից հետո 15 օրում, սակայն գործընթացը հավելյալ ձգձգվեց ևս 10 օր և հասավ նման հանգուցալուծման»,– նշեց «Ազդակի» գլխավոր խմբագիրը։

Գանդահարյանի խոսքով` հայ համայնքի քաղաքական գործոնը հետաքրքիր է այն առումով, որ նաև դաշնակցությունը չէր ցանկանում խանգարել գործընթացին, որպեսզի տնտեսական ճգնաժամի պայմաններում հնարավորիս շուտ ձևավորվեր նոր կառավարություն։ Կար այն ակնկալությունը, որ գործընթացը կլինի հեզասահ, թեկնածուների անունները կհամաձայնեցվեին գլխավոր համայնքների հետ, քանի որ միանգամից անցումը համայնքայինից լրիվ քաղաքացիական պետության հնարավոր չէ, որովհետև համայնքների կշիռը հասարակական, ներքաղաքական կյանքում բավականին մեծ է, և այդ համակարգը Լիբանանում գործում է տասնամյակներ։

«Անցումը պետք է լինի աստիճանաբար, հանգրվանային, երկխոսությամբ, համաձայնությամբ։ Ի վերջո սա միայն վարչակարգի փոփոխություն չէ, այլ նախանշվում են նոր հարաբերություններ»,– ասաց «Ազդակ» թերթի գլխավոր խմբագիրը։

Գանդահարյանի փոխանցմամբ` հայկական համայնքն ընդհանրապես ուզում էր, որ գործընթացն ավարտվեր հնարավորինս շուտ, նույնիսկ հայկական երեսփոխանական խմբակցությունը առաջարկում էր կազմել փրկության կառավարություն, որի հիմնական գործառույթը պետք է լիներ տնտեսական բարեկարգումների ապահովումը, տնտեսական ճգնաժամի հարուցած խնդիրների լուծումը։

Հիշեցնենք` Լիբանանի վարչապետ Հասան Դիաբը հրաժարական էր տվել Բեյրութի նավահանգստի պայթյունին հաջորդած բողոքի ցույցերից հետո:

51
թեգերը:
Շահան Գանդահարյան, Լիբանան
Ըստ թեմայի
Լիբանանում մահացել է ԱՍԱԼԱ–ի մարտիկներից Աբրահամ Թովմասյանը
«Ստուգված տվյալներ չկան». Զախարովան` Արցախում լիբանանահայերին տեղավորելու մասին
Լիբանանում հզոր պայթյուն է որոտացել. տեսանյութ
Հրանտ Միքայելյան

Ինչ կտա կոնֆիդենցիալ ինֆորմացիաների բացահայտումը. Միքայելյանը` բանակցային գործընթացի մասին

87
(Թարմացված է 15:35 26.09.2020)
Քաղաքագետ, «Կովկաս» ինստիտուտի փորձագետ Հրանտ Միքայելյանը Sputnik Արմենիայի եթերում անդրադարձել է Ադրբեջանի կողմից կոնֆիդենցիալ տեղեկությունների բացահայտման խնդրին։
Միքայելյան. «Կոնֆիդենցիալ ինֆորմացիաների բացահայտումից մեծապես կտուժի բանակցային գործընթացը»

Հրանտ Միքայելյանը կարծում է, որ Ադրբեջանը բանակցությունների գործընթացն այլևս չի դիտարկում որպես հեռանկարային, ինչի մասին բարձրաձայն հայտարարել է այդ երկրի ղեկավարությունը, ուստի ադրբեջանական կողմին դիվանագիտական սահմանափակումները, բանակցային գործընթացին վերաբերող խաղի օրենքներն այլևս չեն հետաքրքրում։

Նիկոլ Փաշինյանը երեկ կառավարությունում ընդունել է Արցախի Ազգային ժողովի նախագահ Արթուր Թովմասյանի գլխավորած պատվիրակությանը. «Մենք պետք է չարչարվենք, աշխատենք՝ գտնել այնպիսի լուծում, որն ընդունելի կլինի Հայաստանի ժողովրդի համար, Արցախի ժողովրդի համար, Ադրբեջանի ժողովրդի համար»,- հայտարարել է Փաշինյանը՝ հավելելով, որ, սակայն, Ադրբեջանի ղեկավարությունը շարունակում է գնալ հին ճանապարհով՝ քարոզչական արշավին ավելացնելով մի նոր կոմպոնենտ՝ «կոնֆիդենցիալ ինֆորմացիաների բացահայտում»։

«Քանի որ Ադրբեջանը գտնում է, որ այլևս չի կարող օգուտ քաղել բանակցություններից, ապա պետք է դիմի իրեն ուղղակի նպաստառու քաղաքականություն վարելուն և իր պահվածքը որևէ կերպ չի սահմանափակելու»,– Sputnik Արմենիային ասաց քաղաքագետը։

Միքայելյանի կարծիքով` եթե Ադրբեջանի իշխանությունը շատ է բարկացած Նիկոլ Փաշինյանի վրա, ինչը երևաց ՄԱԿ–ում Ալիևի ելույթից, ապա կարող է դիմել նման գործողությունների, որպեսզի խանգարի ՀՀ վարչապետին, ինչն արել է նախկինում Սերժ Սարգսյանի նկատմամբ` կարծելով, որ Հայաստանի ղեկավարին թուլացնելով կարող է թուլացնել նաև մեր երկրի դիրքերը։ Նույնը կատարվում է նաև Փաշինյանի նկատմամբ։

Բլե՞ֆ, թե՞ պատերազմի նախապատրաստություն. Ադրբեջանում զորահավաքներ են

«Հարցն այն է, որ կոնֆիդենցիալ ինֆորմացիաների բացահայտումից զգալիորեն կտուժի հենց բանակցային գործընթացը, և եթե նման բան նախկինում չէր արվում բանակցային գործընթացը պահպանելու համար, ապա հիմա Հայաստանը ցույց է տալիս, որ եթե Ադրբեջանին բանակցային գործընթացն այլևս չի հետաքրքրում, կարող է չհետաքրքրել նաև իրեն»,– նշեց քաղաքագետը։

Միքայելյանի գնահատմամբ` հուլիսյան բախումներից հետո բանակցային գործընթացը, որը վերսկսվել էր 2019–ի ապրիլին Լավրովի պնդմամբ, արդեն կարելի է համարել տապալված, և այժմ արդեն ձևավորվում է նոր խաղ։ Ըստ նրա` տարբերակներից մեկը կողմերից յուրաքանչյուրի դիրքորոշումն է առ այն, թե որքան կարող են մեկը մյուսին խանգարել, մյուս տարբերակն ընդհանուր եզրեր գտնելն է, ինչի համար կողմերը պետք է տեսնեն համագործակցության նպաստավորությունը, քան հակամարտելը։

Քաղաքագետը համոզված է, որ այս փուլում տեղի է ունենում իրավիճակի վերագնահատման գործընթաց, Ալիևը փորձում է գտնել նոր ռազմավարություն` ակտիվորեն համագործակցելով Թուրքիայի հետ։ Այդուհանդերձ Հրանտ Միքայելյանը հակված չէ այն մտքին, որ Թուրքիան դրդում է Ադրբեջանին, որպեսզի վերջինս իրականացնի կոնֆիդենցիալ ինֆորմացիաների գաղտնազերծում, ուստի այդ գործընթացի հետևում, ըստ նրա, կանգնած է լոկ Ադրբեջանը։

87
թեգերը:
բանակցային գործընթաց, Ղարաբաղյան հակամարտություն, Հրանտ Միքայելյան (քաղաքագետ), Հայաստան, Ադրբեջան
Ըստ թեմայի
Ինչո՞ւ էր Ադրբեջանը «խառնել» Փաշինյանին ու Լավրովին
Զգուշացեք. ադրբեջանցիները խուճապ տարածող հաղորդագրություններ են ուղարկում
Հայաստանը սահմանին զորքեր չի կուտակում. ՊՆ–ն պատասխանում է ադրբեջանական ապատեղեկատվությանը
Ադրբեջանի գործելաոճն անարգանք է ՍԾՏՀ կազմակերպության հանդեպ. ԱԳ նախարար

Հռոմի պապն աղոթել է Կովկասում խաղաղության համար ու կոչ արել բանակցություններ վարել

0
(Թարմացված է 15:21 27.09.2020)
Հռոմի պապ Ֆրանցիսկոսը՝  դիմելով Վատիկանի Սուրբ Պետրոսի հրապարակում հավաքված հավատացյալներին, Կովկասի խաղաղության համար աղոթք է հնչեցրել առ Աստված։

ԵՐԵՎԱՆ, 27 սեպտեմբերի – Sputnik. Հռոպի պապ Ֆրանցիսկոսն աղոթել է Կովկասում խաղաղության համար ու հակամարտող կողմերին կոչ արել երկխոսություն ու բանակցություններ վարել։

«Սիրելի եղբայրներ ու քույրեր։ Մտահոգիչ լուրեր են եկել Կովկասի գոտում բախումների մասին։ Աղոթում եմ Կովկասում խաղաղության համար ու խնդրում հակամարտող կողմերին խնդիրը լուծել ոչ թե ուժի կամ զենքի կիրառմամբ, այլ երկխոսության ու բանակցությունների միջոցով», - ասել է նա՝ Վատիկանի առաքելական պալատի լուսամուտից դիմելով հավատացյալներին ու ուխտավորներին։

Բանակը վերստին ապացուցում է, որ հայ ժողովրդի անվտանգության հուսալի երաշխավորն է. Սարգսյան

Հիշեցնենք, որ այսօր վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով:

Արցախի պաշտպանության նախարարությունը տեղեկացրել էր, որ ճշտված տեղեկություններով` ադրբեջանական զինուժը կորցրել է 2 ուղղաթիռ, 14 անօդաչու թռչող սարք, ինչպես նաև ունի զրահատեխնիկայի կորուստներ:

Անհրաժեշտ է լրացնել արյան պահուստային քանակը. ԱՆ–ն դոնորության կոչ է անում

Հայտնի է, որ հակառակորդի կրակոցների հետևանքով Մարտունիում մեկ կին և մեկ երեխա են մահացել։ 

Արցախում և Հայաստանում ռազմական դրություն և համատարած զորահավաք է հայտարարվել։

0
թեգերը:
աղոթք, բանակցային գործընթաց, Հռոմի պապ, Ադրբեջան, Արցախ, Հայաստան
թեմա:
Ադրբեջանական ագրեսիա Արցախում. 2020
Ըստ թեմայի
Մարտունիում զոհվածները տատ ու թոռ են. թոռնիկն 9 տարեկան էր
Բանակը վերստին ապացուցում է, որ հայ ժողովրդի անվտանգության հուսալի երաշխավորն է. Սարգսյան
Գեղարքունիքի սահմանային դիրքերում իրավիճակը վերահսկելի է. մարզպետ
Հակառակորդի հրետակոծությունից վնասված բնակելի տները Ստեփանակերտում. նոր տեսանյութ