Ավագ Հարությունյան

Խաղողի առատ բերքը լուրջ խնդիր կառաջացնի. Հարությունյանը գնդակն ուղղում է գործադիրի դաշտ

125
(Թարմացված է 22:06 27.06.2020)
Գինու ազգային կենտրոնի նախագահ Ավագ Հարությունյանը նշում է, որ կորոնավիրուսի պատճառով հայկական գինիների արտահանման ծավալները կիսով չափ կրճատվել են։

Գինու ազգային կենտրոնի նախագահ Ավագ Հարությունյանը Sputnik Արմենիայի հետ զրույցում ասաց, որ ընթացիկ տարին խաղողի բերքի առումով ոչ միայն առատ է լինելու, այլև առկա է բարձր որակի բերք, հետևաբար տարին այդ առումով իսկապես աննախադեպ է։

«Չնայած այդ հանգամանքին` համավարակի պատճառով ի հայտ են եկել լուրջ խնդիրներ, որոնք կարող են վնաս հասցնել մթերման ու իրացման աշխատանքներին։ Մենք չենք կարողացել իրացնել անցյալ տարվա ծավալների նույնիսկ 30 տոկոսը, ինչը նշանակում է, որ տարաները լիքն են, և որակի առումով խնդիր կառաջանա, եթե փորձենք վերցնել ողջ բերքը, այլ ոչ թե այնքան, որքան անհրաժեշտ է»,– նշեց նա։

Հարությունյանի համոզմամբ` քանակի խնդիր չի առաջանա, եթե փորձեն բերքը վերածել սպիրտի, բայց դրա համար անհրաժեշտ է լուծել երկու հարց։ Նախ` կառավարությունը պետք է աջակցի գինեգործներին և թույլատրի անխտիր բոլորին արտադրել կոնյակի սպիրտ, ինչն այժմ հնարավոր չէ բարձր տուրքի պատճառով, և երկրորդ` կառավարությունը պետք է թորման աշխատանքների համար անհրաժեշտ գազի շուրջ բանակցություններ վարի «Գազպրոմ Արմենիայի» հետ, որպեսզի վճարումների ժամկետները երկարաձգվեն ու այդ նպատակով ձևակերպվեն համապատասխան վարկեր։

Եղեգնուտում կրքերը բորբոքվել են. գյուղացիները դեմ են նախկին համայնքապետի վերադարձին

«Ինչ վերաբերում է մթերմանը, ապա այստեղ կա երկու խնդիր։ Ազատ տարաներ չունենք մթերելու, որովհետև անցյալ տարվա բերքի միայն 30 տոկոսն է իրացվել, հետևաբար այս տարվա ամբողջ ծավալների համար տեղ չի լինելու, և երկրորդ` մթերումն ամբողջականորեն իրացնելու համար համապատասխան գումարներ չեն լինելու։ Վերջին հանգամանքի հետ կապված էկոնոմիկայի նախարարը հանդիպել է մարդկանց և խոստացել, որ ամեն ինչ լավ կլինի, մթերումների հետ կապված կտրամադրվեն երկամյա անտոկոս վարկեր, կլինի սուբսիդավորում, և հին վարկերը, որոնց մարման ժամկետները լրանում են աշնանը, կերկարաձգվեն առնվազն երեք ամսով։ Այդ ամենն ինչ խոսք դրականորեն կազդի սեզոնի վրա»,– նշում է Գինու ազգային կենտրոնի նախագահը։

Հարությունյանի խոսքով`համավարակի պատճառով հայկական գինիների արտահանման ծավալները կրճատվել են կիսով չափ։ Ըստ նրա` այստեղ կա ևս մեկ կարևոր հանգամանք, թե որքանով կհաջողվի Ռուսաստանին վերականգնվել, վերաբացել իր շուկաները, որքանով այնտեղ կբարձրանա բնակչության վճարողունակությունը, որովհետև հայկական գինու 75 տոկոսն ու կոնյակի 90 տոկոսն արտահանվում է Ռուսաստան։

Ոչխարի պանիր և մոցարելա․ Արթուր Մարտիրոսյանը որոշել է Իրկուտսկը պանրային քաղաքի վերածել

125
թեգերը:
Գինի, Խաղող, Ավագ Հարությունյան (Գինեգործների միության նախագահ), Հայաստան
Ըստ թեմայի
Մայիսին վերականգնվել է ապրիլին փակված 71 471 աշխատատեղից 50 094-ը․ Փաշինյան
Կառավարությունը կաջակցի աշխատանքից զրկվածներին, բայց ոչ բոլորին
Ճանապարհորդե՞լ Հայաստանում, թե՞ սպասել սահմանների բացմանը. հայկական զբոսաշրջության ներկան
Հայկ եսայան

Beeline-ի մասնագետները, որ պղնձային ցանց են ապահովել, կկարողանան նոր ցանց կառուցել. Եսայան

8
(Թարմացված է 15:34 08.07.2020)
Նոր օպտիկամանրաթելային ցանցի նախագծման աշխատանքները «Թիմ» ընկերությունը մտադիր է իրականացնել հայաստանյան ինժեներական ներուժով ու գումար չվատնել «դրսի» մասնագետների ծառայությունների համար:
«Beeline-ի մասնագետները, որ որը տարիներով պղնձային ցանց են ապահովել, կկարողանան նոր ցանց կառուցել». Եսայան

Հայաստանյան հեռահաղորդակցության ոլորտի նորաստեղծ «Թիմ» ընկերությունը այս պահին 5G ցանց ստեղծելու ծրագիր չունի: Այս մասին Sputnik Արմենիային հայտնեց «Թիմ» ընկերության հիմնադիր Հայկ Եսայանը:

Փոխարենը նոր ընկերությունը մտադիր է գնել Հայաստանում արդեն կայացած Beeline ապրանքանիշի սեփականատեր «Վեոն Արմենիա» ընկերությունն ու դրա հիման վրա ստեղծել նոր NGN (Next Generation Network) ցանց:

«Մենք 10 գիգաբիթ թողունակությամբ ցանց ենք կառուցելու, և վստահ եմ՝ այն ինժեներական ներուժը, որ ունի Beeline ընկերությունը, որը տարիներով պղնձային ցանց է ապահովել, շատ հեշտ կկարողանա ավելի հետաքրքիր, նոր ցանց կառուցել ու միասին ապացուցել, որ այդ ընկերության ցուցանիշները կարելի է շատ արագ լավացնել»,- ասաց Եսայանը:

Ընդ որում, նոր օպտիկամանրաթելային ցանցի նախագծման աշխատանքները «Թիմ» ընկերությունը մտադիր է իրականացնել հայաստանյան ինժեներական ներուժով ու գումար չվատնել «դրսի» մասնագետների ծառայությունների վրա:

«Մենք ուզում ենք հայ ինժեներներն անեն: Այն կապիտալ ծախսերը, որ պիտի անենք, գնան աշխատավարձային ֆոնդին։ Մեր խնդիրը ընկերությունը զարգացնելն է, նոր ծառայություններ առաջարկելը: Մենք ուզում ենք ավելացնել աշխատակիցների քանակը՝ տարիների ընթացքում»,- նշեց Եսայանը:

Beeline–ի վաճառքի շուրջ կրքերը թեժանում են. աշխատակիցները բողոքում են, պետությունը՝ լռում

Իրենց նորաստեղծ ընկերությունը Եսայանները մտադիր են վերածել բաց բաժնետիրական ընկերության, այնպես, ինչպես ժամանակին փորձել էին անել Ucom-ում, բայց չէին ստացել բաժնետերերի համաձայնությունը:

Իսկ առայժմ Եսայանները սպասում են ՀՀ տնտեսական մրցակցության պաշտպանության պետական հանձնաժողովի որոշմանը՝ Beeline-ի ակտիվները ձեռք բերելու վերաբերյալ:

Այդ հարցը հուլիսի 7-ին քննարկվել է հանձնաժողովի նիստում, կողմերը ներկայացրել են իրենց դիրքորոշումները: Հանձնաժողովի վերջնական որոշումը կհրապարակվի ավելի ուշ:

Իսկ մինչ այդ՝ հունիսի 26-ին Հայաստանի հանրապետության Տնտեսական մրցակցության պաշտպանության պետական հանձնաժողովը դիմել է Ucom ՓԲԸ-ին՝ «Թիմ» ՍՊԸ կողմից «ՎԵՈՆ Արմենիա» ՓԲԸ 100% փայաբաժնի ձեռքբերման միջոցով համակենտրոնացման վերաբերյալ Ucom ընկերության դիրքորոշումը պարզելու նպատակով։

Այս առիթով Ucom–ը երեկ՝ հուլիսի 6-ին, հանդես էր եկել հայտարարությամբ, որտեղ մասնավորապես նշում էր, որ այդ գործարքը ենթակա է արգելման:

Կհայտնվենք կորպորատիվ ստրուկի կարգավիճակում. Beeline–ի աշխատակիցները դիմել են վարչապետին

Ըստ Ucom–ի` «Թիմ» ՍՊԸ-ի ու և նրա ղեկավարության գործողությունները պետք է որակվեն որպես անբարեխիղճ մրցակցություն, քանի որ Եսայանները նոր գործարքի համար բանակցություններում օգտագործել են Ucom ընկերությունում իրենց հասանելի գաղտնի տեղեկությունը:

Հետևաբար՝ քննարկվող գործարքի կնքումը, ըստ Ucom-ի, հակասում է Տնտեսական մրցակցության պաշտպանության մասին օրենքին, ու այդ առաջարկը ենթակա է արգելման ՏՄՊՊՀ կողմից։

8
թեգերը:
ինտերնետ, համացանց, Հայկ Եսայան, Հայաստան
Ըստ թեմայի
Ucom-ը չի գնի Beeline–ը. քննարկումները դադարեցվել են
Ucom-ի գլխավոր տնօրեն Արա Խաչատրյանը հրավիրվել է ԱԱԾ
Ucom–ի նախկին գործադիր տնօրենը նոր ընկերություն է հիմնել
Ucom ընկերության նոր տնօրենի բնակարանում խուզարկություն է իրականացվում
Տիգրան Քեյան

60 կմ/ժ և ոչ ավելի. Երևանում երթևեկության կանոնների փոփոխությունը՝ ՀԿ խոշորացույցի տակ

770
(Թարմացված է 21:50 07.07.2020)
«Վարորդի ընկեր» ՀԿ նախագահ Տիգրան Քեյանը Sputnik Արմենիայի եթերում անդրադարձել է Ճանապարհային ոստիկանության հայտարարությանը, որն առնչվում է Երևանի որոշ ճանապարհահատվածներում երթևեկության կանոնների փոփոխությանը:
Քեյան. «Չեմ կարծում, թե 60 կմ/ժ արագությունը կդանդաղեցնի Երևանի երթևեկությունը»

«Վարորդի ընկեր» ՀԿ նախագահ Տիգրան Քեյանի դիտարկմամբ՝ փոփոխությունն ուղղված է երթևեկության անվտանգության բարձրացմանը, քանի որ շատերը մինչև այս թույլատրելի արագության շեմի հաստատումն ավելի արագ էին երթևեկում հատկապես այն հատվածներում, որոնցում Ճանապարհային ոստիկանությունը սահմանափակումներ է մտցրել:

«Մենք շատ ենք տեսել, որ օրինակ, Ծովակալ Իսակովի պողոտայում վթարների քանակը տարեցտարի չի նվազում, ինչի հիմնական պատճառը արագության գերազանցումն է, այդտեղ եղել են նաև մահացու ելքով վթարներ: Իմ կարծիքով՝ բոլոր հատվածներում նույն արագությունը սահմանելը ճիշտ է, վարորդներն էլ չեն մտածի՝ արագ վարեն մեքենան, թե դանդաղ, հետևաբար չեն լինի նաև չարաշահումներ, և կտեսնենք վթարների նվազման միտում»,- Sputnik Արմենիայի հետ զրույցում ասաց նա: 

Անդրադառնալով այն հարցին, թե ինչպ՞ս կանդրադառնա փոփոխությունը խցանումների խնդրի վրա, Քեյանը նշեց, որ իր հաշվարկով՝ ներկայում Երևան քաղաքի միջին արագությունը չի անցնում 21 կիլոմետրը, և եթե առանձին հատվածներում նախկինում սահմանված էր 70 կամ 80 կմ/ժ արագություն, դա չէր նպաստում խցանումների վերացմանը, հետևաբար ներկա փոփոխությամբ ամբողջ քաղաքի համար սահմանված է նորմալ արագություն:

 Եթե ուղևորը չենթարկվի, վարորդը չի շարունակի ընթացքը. տրանսպորտից օգտվելու նոր կանոնները

Քեյանի հավաստմամբ՝  երբ նախկինում տարբեր հատվածներում սահմանված էր տարբեր արագություն, դրանց սահմանագծին կամ խաչմերուկներում հաճախակի էին լինում վթարներ, հետևաբար «Վարորդի ընկեր» ՀԿ նախագահը չի կարծում, որ 60կմ/ժ արագությունը կդանդաղեցնի Երևանի երթևեկությունը, միայն թե ավելի չնվազեցնեն: 

Հիշեցնենք՝ Ճանապարհային ոստիկանության որոշմամբ՝ 2020թ. հուլիսի 18-ից Երևան քաղաքի բոլոր ճանապարհահատվածներում երթևեկության թույլատրելի առավելագույն արագությունը կսահմանվի 60 կմ/ժ:

Փոփոխությունը վերաբերում է մասնավորապես Իսակովի, Մյասնիկյան և Սարալանջի պողոտաներին, Թբիլիսյան և Աշտարակի խճուղիներին, Մոնթե Մելքոնյան, Աճառյան, Դավիթ-Բեկի փողոցներին:

ՃԵԿ օրինախախտներին կհետևեն հեռախոսով. վարչապետը կոչ արեց ներառել նաև դիմակ չկրողներին

770
թեգերը:
որոշում, Ճանապարհային ոստիկանություն(ՃՈ), Երևան, վարորդ, Տիգրան Քեյան
Ըստ թեմայի
Ժամանակավորապես կասեցվում է Երևան-Թբիլիսի-Երևան գնացքների երթևեկությունը
Մյասնիկյան պողոտայի երթևեկությունը ժամանակավորապես կդադարեցվի
Վերին Լարս տանող ճանապարհի որոշ հատվածում կարգելվի կոնկրետ մեքենաների երթևեկությունը
Վրաստանից Ռուսաստան բեռնատար և մարդատար կցորդիչով մեքենաների երթևեկությունը կդադարեցվի