Սամվել Մարտիրոսյան

Վտանգը կարող է լինել ոչ թե հարթակից, այլ մարդկանցից. Մարտիրոսյանը` ԱԳՆ–ի առաջարկի մասին

105
(Թարմացված է 21:29 25.06.2020)
Տեղեկատվական անվտանգության փորձագետ Սամվել Մարտիրոսյանը Sputnik Արմենիայի եթերում անդրադարձել է ՀՀ արտգործնախարարության մտահոգությանը, որի համաձայն` կորոնավիրուսի համաճարակի ընթացքում լայնորեն կիրառված Viber, Skype, Zoom, Webex և այլ հարթակներն անվտանգ չեն:
Մարտիրոսյան. «Տեղեկատվական արտահոսք կարող է լինել ոչ թե հարթակից, այլ թրեյնինգ չանցած մարդկանցից»

Սամվել Մարտիրոսյանի դիտարկմամբ` խնդիրն այն է, թե ինչի համար են օգտագործվում նշված հարթակները։ Ըստ այդմ` Հայաստանում կա երկու ծայրահեղ մոտեցում։ Մի մասը համարում է, որ թաքցնելու բան չկա և օգտվում է ամեն ինչից, իսկ մյուս մասն, օրինակ, մանկապարտեզի երեխաների ծնողների հավաքն ուզում է իրականացնել հույժ գաղտնիություն ապահովող հարթակի միջոցով, որպեսզի հանկարծ գաղտնալսում չլինի։ 

«Հասկանալի է, որ ԱԳՆ–ի դեպքում գործ ունենք գաղտնի ու կարևոր տեղեկատվության փոխանակման հետ, հետևաբար այստեղ հարցը վերաբերում է ոչ միայն հարթակի ընտրությանը, այլև այն հանգամանքին, որ պետք է հաղորդակցվողներին ընկալենք որպես միատարր զանգված։ Հարթակը կարող է պաշտպանված լինել, սակայն համակարգիչներն ու հեռախոսները, որոնցից օգտվում են, կարող են և պատշաճ կերպով պաշտպանված չլինել։ Կարող են լինել թրեյնինգ չանցած մարդիկ, որոնցից էլ կարող է լինել տեղեկատվական արտահոսք, այլ ոչ թե հարթակից»,– նշում է փորձագետը։

Սամվել Մարտիրոսյանի փոխանցմամբ` խնդիրը ոչ միայն սերվերի հարցն է, այլև ծրագրային ապահովման։ Որոշ հարթակներ ունեն գաղնիություն ապահովող սարքեր, որոնց շնորհիվ հնարավոր չէ վերծանել ազդակները, սակայն դրանց ծրագրային ապահովումն է փակ, հայտնի չէ, թե դրանց մեջ ինչ է ներդրված, ուստի կա տարբերակ, որպեսզի օգտագործվեն, օրինակ, բաց կոդով լուծումներ։

«Դրանցից մեկը սեփական ծրագրային հարթակի ստեղծումն է, բայց դեռ հարց է, թե որքանով այն պաշտպանված կլինի։ Երկրորդը ժամկետն է, երրորդը` ֆինանսավորումը։ Այն շատ թանկ արժե։ Այդուհանդերձ հավանականությունը շատ քիչ է, որ ամբողջ հայ ազգը կնետիվի դեպի նոր հարթակ, թեկուզ սեփականը, որովհետև մարդիկ հիմնականում օգտվում են Zoom–ից, և դժվար է նրանց կտրել այդ հարթակից»,– նշում է փորձագետը։

Սամվել Մարտիրոսյանի կարծիքով` կարելի է օգտագործել արդեն իսկ գոյություն ունեցող բաց կոդերով հարթակները, օրինակ` GT հարթակը, որում հատուկ ծառայությունների կամ երրորդ երկրների կողմից որևէ բան ներդրված չէ, և կարելի է դա վերցնել, տեղադրել սեփական սերվերի վրա ու առանձին օգտագործել։     

ՀՀ-ի դեմ ծրագրեր միշտ էլ եղել են. փորձագետները՝ Թուրքիայի ԳՇ փաստաթղթերի արտահոսքի մասին

Հիշեցնենք, որ այսօր ՀՀ ԱԳՆ–ն հայտարարությւոն էր տարածել, որում ասվում էր, որ  անհանգստացած է հեռավար խորհրդակցությունների անվտանգության պահպանմամբ:
«Չնայած այն հանգամանքին, որ տեսակոնֆերանսներ ապահովող տվյալ հարթակների կազմակերպությունները հայտարարում են, որ տվյալները պաշտպանված են, ստեղծված են անվտանգ կապուղիներ, և չի պահպանվում ոչ մի ձայնագրություն, այնուամենայնիվ անհրաժեշտության դեպքում, համապատասխան ծառայությունների կողմից հնարավոր են վերոնշյալ պայմանների խախտում և տվյալների ձեռքբերում»,- ասված է ԱԳՆ-ի հիմնավորման մեջ:

Անվտանգության նկատառումներից ելնելով` ԱԳՆ առաջարկում է ստեղծել տեսակոնֆերանսների անցկացման սեփական համակարգը, որի կառավարման սարքավորումները կգտնվեն ԱԳՆ տարածքում: Միաժամանակ տեսակոնֆերանսի համակարգ է նախատեսվում գնել նաև օտարերկրյա պետություններում գտնվող ՀՀ դիվանագիտական ներկայացուցչությունների համար: 

105
թեգերը:
տեսակապ, ՀՀ Արտաքին գործերի նախարարություն. ԱԳՆ, Սամվել Մարտիրոսյան
Վիկտոր Մնացականյան, Կետրոն համայնքի նախկին ղեկավար, արխիվային լուսանկար

Հուսամ` Արթուր Մեսչյանը կլինի Երևանի վերջին գլխավոր ճարտարապետը. Մնացականյան

209
(Թարմացված է 01:21 05.08.2020)
Երևանի Կենտրոն վարչական շրջանի նախկին ղեկավար Վիկտոր Մնացականյանը Sputnik Արմենիայի եթերում անդրադարձել է Մաշտոցի պուրակում ընթացող կառուցապատման աշխատանքներին և ընդհանուր առմամբ Երևանի քաղաքաշինական խնդիրներին։
Մնացականյան. «Հուսամ` Արթուր Մեսչյանը կլինի Երևանի վերջին գլխավոր ճարտարապետը»

Երևանի Կենտրոն վարչական շրջանի նախկին ղեկավար Վիկտոր Մնացականյանի դիտարկմամբ` սրճարաններ կառուցելու նպատակով ծառահատումներն, իհարկե, լավ չեն, սակայն մյուս կողմից՝ որոշ տեղերում պետք է սրճարաններ լինեն։ Պարզապես անհրաժեշտ է պահպանել համաչափության սկզբունքը` մեկից տասը հեկտար տարածքով այգում տեղակայել մեկ սրճարան, և կարևոր է, որ ավագանին հաստատի այդ կարգը։ Նախընտրելի է, որ սրճարաններն աշխատեն ամբողջ տարվա ընթացքում։

«Նրանք, ովքեր թեկուզ անզգուշությամբ ծառեր են հատել Մաշտոցի պուրակում, թող ենթարկվեն պատասխանատվության, իսկ եթե նրանք ունեն համապատասխան թույլտվություն, թող պատասխան տան նրանք, ովքեր թույլատրել են այդ ծառահատումները»,– Sputnik Արմենիայի հետ զրույցում ասաց նա։

Մնացականյանի համոզմամբ` պետք է մայրաքաղաքի կենտրոնում հայտարարվի մորատորիում բարձրահարկ շենքերի կառուցման համար, այսինքն` քաղաքապետարանը քննարկի միայն մինչև հինգ հարկանի շենքերի կառուցմանն առնչվող նախագծերը։ Իսկ հետագայում, երբ քննարկվի հիմնական հատակագիծը, այն, ըստ Մնացականյանի, պետք է լինի ոչ թե նախկին խորհրդային կիսամեռ տարբերակը, որը նախատեսված էր միայն ճարտարապետների համար, այլ լինի միջազգային չափանիշներին համապատասխան զարգացման «մաստեր–պլան»։

Ինչը կարող էր ստիպել Արթուր Մեսչյանին հրաժարվել պաշտոնից. Մինասյանի տեսակետը

«Ինչ վերաբերում է Արթուր Մեսչյանի գործունեությանը, ապա նա փայլուն և լուսավոր անձնավորություն է, մեր եզակի, լավագույն ճարտարապետներից մեկը, սակայն գլխավոր ճարտարապետ լինելու համար թերևս պետք են նաև այլ հատկանիշներ։ Հուսամ, որ Արթուր Մեսչյանը կլինի Երևանի վերջին գլխավոր ճարտարապետը»,– նշեց Կենտրոն վարչական շրջանի նախկին ղեկավարը։

Մնացականյանի կարծիքով` Երևանը պետք է արդեն ունենա ոչ թե գլխավոր ճարտարապետ, այլ գլխավոր ուրբանիստ, որը քաջածանոթ է ճարտարապետական, քաղաքաշինական, տրանսպորտային, էկոլոգիական խնդիրներին և կկարողանա օգնել քաղաքապետին, ավագանուն և ընդհանրապես մայրաքաղաքին։

Թույլ չեմ տա արտաժամյա աշխատեն. Մեսչյանը զայրացած է աշխատավարձների շուրջ ծավալված աղմուկից

Նշենք, որ արդեն մի քանի օր է, ինչ բնապահպանները բողոքի ակցիաներ են անցկացնում Մաշտոցի պուրակում իրականացվող շինարարական աշխատանքների դեմ, ինչպես նաև ահազանգում են նաև հատված ծառերի մասին։

209
թեգերը:
Հրաժարական, Մաշտոցի պուրակ, Վիկտոր Մնացականյան, Արթուր Մեսչյան, Երևան, Հայաստան
Ըստ թեմայի
Երևանի վարչական շրջանների ղեկավարների լիազորությունները կընդլայնվեն. Մեսչյան
Ի՞նչ է թաքնված Հանրապետության հրապարակի տակ. Մեսչյանը կասկածում է դրա կարևոր նշանակությանը
«Մեսչյանը հանգստացրեց». ինչպես են շարունակում աշխատել օպերայի հարակից հաստատությունները
Փաշինյանին հարգում եմ, բայց Երևանն ավելի թանկ է. Մեսչյանը խոսել է իր ծրագրերի մասին
Մկրտիչ Մինասյան

Ինչը կարող էր ստիպել Արթուր Մեսչյանին հրաժարվել պաշտոնից. Մինասյանի տեսակետը

241
(Թարմացված է 18:04 04.08.2020)
Հայաստանի ճարտարապետների պալատի նախագահ Մկրտիչ Մինասյանը Sputnik Արմենիայի եթերում անդրադարձել է Երևանի գլխավոր ճարտարապետ Արթուր Մեսչյանի` պաշտոնից հրաժարվելու լուրին և գնահատել նրա երկամյա գործունեությունը։
Մինասյան. «Հնարավոր է` Մեսչյանն առնչվել է խնդիրներին, բայց չի կարողացել անցնել պատնեշները»

Մկրտիչ Մինասյանի կարծիքով` շատ դժվար է ներկա պայմաններում խստորեն դադարեցնել ճարտարապետական լուծումներին առնչվող որոշ գործընթացներ, և դրա համար պետք է լինեն քաղաքական հստակ որոշումներ։ Մինասյանն իր տեսակետը հայտնեց` անդրադառնալով Երևանի քաղաքապետ Հայկ Մարությանի այսօրվա հայտարարությանը, ըստ որի` Երևանի գլխավոր ճարտարապետ Արթուրը Մեսչյանը պաշտոնից հրաժարվելու դիմում է գրել։

«Օրինակ` հիմա Մաշտոցի պուրակում կրկին տեղադրվել են սրճարաններ։ Սեփականատերերին ժամանակին տրվել են երկարաժամկետ թույլտվություններ, և հիմա չեն կարողանում այդ գործընթացի դեմն առնել։ Շատ հնարավոր է, որ Մեսչյանն առնչվել է նման խնդիրների հետ և չի կարողացել անցնել պատնեշները։ Դա նրա անելիքն էր, բայց ուժերից վեր էր։ Ես վաղուց ճանաչում են Արթուրին, նա իր բնույթով խնդիրները լուծելու ճանապարհին էր, բայց ամենօրյա պայքարը ջլատում է մարդուն»,– Sputnik Արմենիայի հետ զրույցում ասաց Հայաստանի ճարտարապետների պալատի նախագահը։

Մինասյանը մատնանշեց այն հակասությունը, որ մի դեպքում սեփականատերերն ասում են, թե իրենց տարածքում կարող են անել ամեն ինչ, բայց մյուս կողմից էլ քաղաքն իր ճարտարապետական օրինաչափություններն ունի, հետևաբար սեփականատերերը պետք է հետևեն դրանց, և այդ խնդիրն առհասարակ, ըստ Մինասյանի, պետք է լուծվի օրենսդրական դաշտում։

Հայաստանի ճարտարապետների պալատի նախագահը վկայակոչեց ևս մեկ հակասական իրավիճակ, որն առնչվում է Նորքի կանաչապատ տարածքներին։ Նրա խոսքով` գույքի վարչությունը պատրաստվում է հողահատկացումների աճուրդ կազմակերպել։ Եթե գլխավոր հատակագծով դա չկա, կամ եթե նախկինում եղել են նման որոշումներ, ապա ինչո՞ւ են փորձում դրանք ռեանիմացիայի ենթարկել, տարակուսում է Մկրտիչ Մինասյանը և հավելում, որ Երևանը ճարտարապետական առումով ոչ միայն անհարազատ, այլև անհարմար է դարձել։

«Արթուր Մեսչյանի պաշտոնավարման վերջնահատվածում արդեն կար համավարակը, իսկ դրանից առաջ, երբ տեղի ունեցավ հեղափոխությունը, մեծ ներդրումներ չէին արվում, և այս հանգամանքները նույնիսկ օգնել են, որ մի փոքր դադար առնենք, որովհետև շատ մեծ ներդրումները հղի են շատ մեծ կառույցներով, որոնք կարող են աղճատել քաղաքի ճարտարապետական դիմագիծը։ Մենք փրկվել ենք դրանից։ Պարզապես պետք էր այս դադարն օգտագործել և ստեղծել այնպիսի մոդուլ, որ քաղաքը ազատեինք անհարկի կառուցապատումներից»,– ասաց Հայաստանի ճարտարապետների պալատի նախագահը։

Ըստ Մինասյանի` ճարտարապետության ռազմավարությունը պետք է արտացոլվի գլխավոր հատակագծում։ Նրա խոսքով`1990–ականներից ի վեր գլխավոր ճարտարապետներն ինքնուրույն են որոշումներ կայացրել, նրանց թվացել է, թե յուրատեսակ լուծումներ են առաջարկել, բայց արդյունքում ի հայտ են եկել նոր խնդիրներ։ Ըստ այդմ`չկա ապագայի հեռանկարին միտված հստակ հայեցակարգ, անհրաժեշտ է էապես վերանայել Երևանի գլխավոր հատակագիծը, որն, ըստ Մինասյանի, կարծես կորցրել է ուժը։

241
թեգերը:
Արթուր Մեսչյան, Հայաստան
Ըստ թեմայի
Երևանի քաղաքապետը պատմեց` որքան գումար է ստանում ու ինչերից է հրաժարվել պաշտոնը ստանձնելով
Հանուն 1 միլիոնի. ինչու է քաղաքապետը «վատամարդ» դառնում Սամվել Ալեքսանյանի և մյուսների մոտ
Раненые после взрыва в Бейруте (4 августа 2020). Ливан

Բեյրութում հայ զոհերի թիվն ավելացել է ևս մեկով

0
(Թարմացված է 12:12 05.08.2020)
Լիբանանում դեսպանությունն աշխատում է արտակարգ ռեժիմով, գործում է թեժ գիծ։

ԵՐԵՎԱՆ, 5 օգոստոսի - Sputnik. Բեյրությում տեղի ունեցած պայթյունի հետևանքով հայազգի մահացածների թիվն այս պահի դրությամբ վեցն է։ Տեղեկությունը հայտնել է ԱԳՆ մամուլի խոսնակ Աննա Նաղդալյանը:
«ԱԳՆ-ում ձևավորվել է աշխատանքային խումբ՝ Լիբանանին թիրախային աջակցության տրամադրումն Լիբանանի ճգնաժամային կառույցի հետ համակարգելու նպատակով։ Լիբանանում ՀՀ դեսպանությունը մշտական կապի մեջ է տեղի պատկան մարմինների հետ՝ միասնաբար գնահատելու լիբանանյան կողմի կարիքները և աջակցության շրջանակը»,- Faceboook-ի իր էջում գրել է նա։

Նաղդալյանը նշել է, որ զուգահեռաբար կապ է պահպանվում հայ համայնքային կառույցների հետ՝ կարիքները գնահատելու նպատակով։

Լիբանանում դեսպանությունն աշխատում է արտակարգ ռեժիմով, գործում է թեժ գիծ։

ԱԳՆ խոսնակը միաժամանակ լրատվամիջոցների ներկայացուցիչներին հորդորել է  կապ պահպանել բացառապես իր հետ՝ դեսպանությանը թույլ տալով անխափան իրականացնել համակարգման ողջ աշխատանքը և հավելել, որ ձեռնարկվող քայլերի մասին տեղեկատվությունը կտրամադրվի հավելյալ։

 

0