Վահրամ Պետրոսյան

Հրատապ հարցերը պահանջում են շտապ լուծումներ. ինչու է գործադիրը հրաժարվել ռուսական վարկից

332
(Թարմացված է 14:29 15.06.2020)
«Հայատոմ» գիտահետազոտական ինստիտուտ» ՓԲԸ գլխավոր տնօրեն, «Հայկական ատոմային էլեկտրակայան» ՓԲԸ տնօրենների խորհրդի նախագահ, տեխնիկական գիտությունների դոկտոր, պրոֆեսոր Վահրամ Պետրոսյանը Sputnik Արմենիայի եթերում անդրադարձել է ԱԷԿ–ի վարկի մասին` ՀՀ կառավարության որոշմանը։
Պետրոսյան. «Ատոմակայանին վերաբերող կառավարության որոշումը կբերի աշխատանքների արագացման»

ՀՀ գործադիր մարմինը հրաժարվել է Մեծամորի ատոմակայանի երկրորդ էներգաբլոկի վերազինման նպատակով ռուսական վարկից։ 

Վահրամ Պետրոսյանի տեղեկացմամբ` 270 մլն դոլարի վարկն ու 30մլն դոլարի գրանտը պետք է ուղղվեն ատոմակայանի շահագործման ժամկետի երկարացման հետ կապված խնդիրների լուծմանը, և աշխատանքները պետք է ավարտվեին 2019թ.–ի վերջին, սակայն աշխատանքների մի մասը տարբեր պատճառներով մնացել է անավարտ։ 

«Իմ կարծիքով` ընտրված էր պայմանագրերի կնքման գործընթացին առնչվող բավականին բարդ մեխանիզմ` կապված սարքավորումների ձեռքբերման հետ, ընդ որում` յուրաքանչյուր պայմանագրի կնքումը տևում էր ամիսներ։ Օրինակ` «Հայատոմի» հետ պայմանագրերի կնքումը նույնիսկ տևել է տարի ու կես։ Բնական է, որ նման դեպքում նախատեսված աշխատանքները կարող էին ուշանալ»,– նշում է «Հայկական ատոմային էլեկտրակայան» ՓԲԸ-ի տնօրենների խորհրդի նախագահը։ 

Պետրոսյանի փոխանցմամբ` վարկն ամբողջությամբ չի օգտագործվել, հետևաբար, հարցը պետք է շտապ լուծում ստանար։ Նախատեսված գումարից մնացել էր 107 մլն դոլարը, որի օգտագործման կապակցությամբ ՌԴ ֆինանսաների նախարարությունը պնդում էր, որ ժամկետը երկարացվեր, բայց կային պայմանագրեր, որոնց ժամկետն անցնում էր, հետևաբար, ՀՀ կառավարությունը կայացրեց ճիշտ որոշում, քանի որ, ըստ Պետրոսյանի, հրատապ հարցերը պահանջում են շտապ լուծումներ։ 

«Օրինակ` ատոմակայանի ռեակտորի դատարկման ու սարքավորումների տեղադրման առնչությամբ անհրաժեշտ էր ունենալ կոնկրետ ժամկետներով պայմանագիր, որովհետև այդ աշխատանքներին մասնակցում են մի շարք կազմակերպություններ։ Ընդ որում` սարքավորումներն հենց այնպես այնտեղ դրված չեն, գտնվում են հերթի մեջ, թե երբ պետք է բերվեն Հայաստան»,– նշում է պրոֆեսորը։

Նրա դիտարկմամբ` հընթացս առաջացավ նաև այնպիսի խնդիր, որ պետք է աշխատանքները կատարվեն վարկավորման եղանակով, սակայն վարկերի ժամկետրները նույնպես ուշանում են, ուստի հայկական կողմը որոշեց նախ կնքել պայմանագիր, որպեսզի աշխատանքները չդադարեն, այնուհետև նշեց, որ «փափուկ վարկի» 3 տոկոսը կվճարի ՀՀ կառավարությունը` պետբյուջեի հաշվին, գումարը բաշխելով ըստ տարիների։ Ընդ որում` տոկոսների վճարման հիմնական մասը նախատեսված է գալիք տարի։ 

Ռուսական վարկից հրաժարվելը կապ չունի հայ-ռուսական հարաբերությունների հետ. Պապիկյան

«Ստեղծվելու է նաև հանձնաժողով, որը պետք է հսկի և կառավարի գումարի ծախսն ու բաշխումը, մրցույթների կազմակերպումը, գների որոշումը, և որի կազմում կընդգրկվեն տարբեր գերատեսչությունների ներկայացուցիչներ, մասնագետներ ու գնահատողներ»,– նշում է «Հայատոմ» գիտահետազոտական ինստիտուտ» ՓԲԸ գլխավոր տնօրենը։

Պետրոսյանի կարծիքով` կառավարության որոշումը կբերի աշխատանքների արագացման, քանի որ ատոմակայանը կարող է ինքնուրույն կնքել պայմանագրեր, կազմակերպել տենդերներ, հայտարարել մրցույթներ, որոնց կարող են ակտիվորեն մասնակցել տեղի կազմակերպությունները։ Ըստ նրա` հայաստանյան կազմակերպություններն ավելի էժան գնով կկատարեն աշխատանքները։

Հայաստանը հրաժարվել է ռուսական վարկից. նախարարը հայտնել է, թե ինչ է լինելու ատոմակայանում

332
թեգերը:
ՀՀ կառավարություն, կառավարություն, Հայաստան, Ռուսաստան, վարկ, Հայաստանի Ատոմային էլեկտրակայան (ԱԷԿ)
Ըստ թեմայի
Ինչպես է Հայաստանի ատոմակայանն աշխատում արտակարգ դրության պայմաններում
Հայաստանը Մեծամորի ատոմակայանի վերազինման համար նոր միջոցներ կներգրավի
ՀՀ կառավարությունն ուժը կորցրած ճանաչեց ատոմակայանի վերանորոգման պայմանագիրը
Բագրատ Ասատրյան

Վարկային համաներումների ու արձակուրդների առաջարկը քաղաքական շանտաժ է. Ասատրյան

31
ՀՀ կենտրոնական բանկի նախկին նախագահ Բագրատ Ասատրյանը Sputnik Արմենիայի եթերում անդրադարձել է այն հարցին, թե ինչ կլինի, եթե բանկային համակարգում պարբերաբար համաներումներ ու արձակուրդներ տրամադրվեն։
Ասատրյան. «Վարկային համաներումների ու արձակուրդների առաջարկը քաղաքական շանտաժ է»

ԱԺ-ում «Բարգավաճ Հայաստան» խմբակցության կազմակերպած խորհրդարանական լսումների ժամանակ հնչել է վարկային համաներումներ ու արձակուրդներ տրամադրելու առաջարկություն։ ՀՀ ԿԲ փոխնախագահ Ներսես Երիցյանի խոսքով` վարկերի հակառակ կողմում ավանդատուներն են, որոնք առաջինն են տուժելու վարկերի համաներման դեպքում, այսինքն` եթե վարկերը համաներվեն, բնականաբար այդ կորուստների վնասները պետք է կրեն դեպոզիտորները։ 

Բագրատ Ասատրյանի դիտարկմամբ` դա տնտեսագիտական բովանդակություն չունեցող հարցադրում է, որին պետք է արձագանքի իշխող ուժը` թույլ չտալով նման շահարկումներ, որովհետև դա քայքայիչ առաջարկություն է, սոցիալական պոպուլիզմով հագեցած քաղաքական շանտաժ է։ 

«Բանկային համակարգը միջնորդ է, մի տեղից վերցնում է, մեկ այլ տեղ տալիս։ Որևէ մեկը, ով իր միջոցները տվել է բանկին, չի համաձայնվի համաներումներին կամ արձակուրդներին։ Եթե բանկերը մեկ անգամ դա արեցին, չի նշանակում, որ մշտապես կարող են անել։ Ես հասկանում եմ, խորհրդարանում ընթանում են քննարկումներ, ուստի պարզ կարող եմ ասել, որ դա քաղաքական շահարկումների խնդիր է, որովհետև առաջադրված հարցերը չեն կարող նման լուծումներ ստանալ։ Յուրաքանչյուր պատգամավոր, ով հանդես է գալիս նման առաջարկությամբ, ուրեմն թող առաջարկի, թե ինչ է արվելու դրա դիմաց»,– նշում է ԿԲ նախկին նախագահը։

Վանաձորում տղամարդը դիզվառելիքով շիշը նետել է վարկային կազմակերպությունների սրահներ

Բագրատ Ասատրյանի կարծիքով` բանկերը չեն կարող իրենց միջոցների հաշվին անվերջ ինչ–որ բաներ անել, որովհետև վարկային համաներումների ու արձակուրդների դեպքում կա մեծ ռիսկ, և վնաս է հասցվելու ֆինանսական համակարգին, նույնիսկ կարող ենք կորցնել բանկային համակարգը։ Ըստ նրա` ավանդատուները պատրաստ չեն հրաժարվել իրենց եկամուտներից, մանավանդ եթե դրանք մարդկանց ապրուստի միջոցն են։ Կան մեծ թվով ավանդատուներ, ովքեր իրենց ակտիվները գումար են դարձրել և այդ եկամուտի հաշվին են այսօր գոյատևում, այլ ոչ թե լավ ապրում։ 

«Քաղաքական շահարկման պահն այստեղ առավել քան ակնհայտ է, դրանք այն ուժերն են, որոնք մինչև վերջերս բյուջեն էին հաստատում։ Եթե իշխանությունը, լինի խորհրդարան, թե կառավարություն, խոսում է ինչ–որ զիջումների կամ ներումների մասին, ապա միշտ պետք է ցույց տա աղբյուրը։ Խնդրեմ, բյուջեն հաստատելիս բերեք նորից առաջարկեք ինչ–որ ծախս չիրականացնել և դրա հաշվին համաներումներն անել։ Այն պատգամավորները, ովքեր հանդես են գալիս նման առաջակրությամբ, թող առնվազն իրենց ապագա վեց ամիսների աշխատավարձը դնեն, ու թող այդ չափով ներումներ լինեն վարկառուներին կամ թող ԲՀԿ առաջնորդն իր գրպանից այդքանը վճարի»,– նշում է ԿԲ նախկին նախագահը։

Բագրատ Ասատրյանի խոսքով` դեռ 1990–ական թվականներին, երբ բանկային համակարգն ուղղակի հայտնվել էր կոլապսի առջև, եղել են տեսական քննարկումներ, որոնց ընթացքում առաջ էր քաշվել «հոսպիտալ բանի» գաղափարը. այն առանձնահատուկ կառույց է, որը ձեռք է բերում վտանգված վարկերը, այսինքն` ստեղծվում է հատուկ օղակ, որտեղ ներդրողը հիմնականում պետությունն է, որը դիմում է բանկերին վտանգված ակտիվներն իրենց պարտավորություններով ձեռք բերելու համար։ Ըստ Ասատրյանի` դրանով բանկային համակարգի բեռը կթեթևանար և հնարավորություն կստեղծվեր բացասական հետևանքներից խուսափելու համար։ 

Անդրադառնալով ՀՀ ԿԲ փոխնախագահ Ներսես Երիցյանի տեսակետին, որ եթե ավանդատուները համաձայնեն այլևս տոկոս չուզել, ապա կնստեն և բոլորն իրար հետ կփորձեն գալ համաձայնության, Բագրատ Ասատրյանը համոզված ընդգծում է, որ պարոն Երիցյանը դա ասել է հեգնանքով, ուղղակի դրսևորել է ԿԲ–ին հատուկ քաղաքական զսպվածություն։ 

31
թեգերը:
վարկ, Կենտրոնական բանկ (ԿԲ), Բագրատ Ասատրյան
Ըստ թեմայի
«Բարգավաճ Հայաստանն» ԱԺ–ում քննարկման է ներկայացրել ցավոտ և էմոցիոնալ թեմա
«Լավ է, որ համավարակի պայմաններում ավանդների նվազման ցուցանիշն ընդամենը 2,4 % է». Ճզմաչյան
Զուտ օպերատոր փոխելով հնարավոր չէ զարգացնել Հայաստանի ֆոնդային բորսան. տնտեսագետ
Նելլի Բաղդասարյան

Ինչպե՞ս հակազդել թուրք-ադրբեջանական տեղեկատվական մանիպուլյացիաներին. մասնագիտական կարծիք

98
(Թարմացված է 18:46 24.09.2020)
Արցախի նախագահի միջազգային հարաբերությունների գծով խորհրդական Նելլի Բաղդասարյանը Sputnik Արմենիայի եթերում անդրադարձել է ադրբեջանական տեղեկությանը, ըստ որի`Արցախի հանրապետությունում քուրդ զինյալներ են տեղակայվել։ 
Բաղդասարյան. «Թուրք–ադրբեջանական սցենարի մշակումը տեղեկատվական մանիպուլյացիաների դաշտում է»

Արցախի նախագահի միջազգային հարաբերությունների գծով խորհրդական Նելլի Բաղդասարյանի փոխանցմամբ` այդ տեղեկության առթիվ պետք է ասել, որ Թուրքիան հող է նախապատրաստում Հայաստան ներխուժելու համար և դա արվում է դարձյալ քրդական գործոնի հաշվին` մասնավորապես շրջանառության մեջ դնելով Քրդական բանվորական կուսակցության գործոնը, ընդ որում՝ սա նույն մեթոդն է, որով Թուրքիան գործել է Սիրիայում և Իրաքում, սկզբում առաջ է քաշել քրդական գործոնը, որպեսզի հետո հարվածի կոնկրետ տարածքներին։

«Հայաստան ներխուժելու բացատրությունը պետք է, որ լինի հետևյալը՝ քանի որ ՔԲԿ–ն Թուրքիայում հայտարարված է որպես ահաբեկչական կառույց և Թուրքիայի սահմաններին վտանգ է սպառնում, հետևաբար նշված կառույցին հարվածելու համար Թուրքիան այդկերպ ապահովագրելու է իրեն։ Փաստորեն գործում է Թուրքիա–Ադրբեջան մեդիապլատֆորմի առաջին քայլը, հետևաբար սցենարի մշակումը տեղեկատվական մանիպուլյացիաների դաշտում է, քանի որ վերոհիշյալ տեղեկատվությունը շրջանառության մեջ դրվեց եգիպտական լրատվական կայքերի միջոցով, թե իբր ՔԲԿ–ի զինյալները Սիրիայից Իրանի տարածքով անցնում են Հայաստան։ Այդ տեղեկատվությունն այնուհետև հրապարակվեց ռուսական մամուլում»,– Sputnik Արմենիայի հետ զրույցում ասաց նա։

Բաղդասարյանի կարծիքով` փորձ է արվում ստեղծել միասնական թուրք–ադրբեջանական բլոկ, և պատահական չէ, որ Թուրքիան մի քանի եղանակով անդրադարձել է շփման գծում զոհված ադրբեջանցի զինվորականների թեմային, սկզբում պաշտպանության, այնուհետև արտաքին գործերի նախարարի մակարդակով, որոնք իրավիճակի սրման համար դատապարտում են հայկական կողմին։

«Կարծում եմ, որ տեղեկատվությունը պետք է հերքվի նաև Իրանի կողմից, որովհետև թուրքերը հիշատակել են նաև այդ երկրի անունը` քուրդ զինյալների տեղաշարժերի առթիվ, ինչը բացահայտ մեղադրանք է առ այն, որ կոնկրետ պետության տարածքով օտար վարձկաններ կարող են անցնել երրորդ երկիր»,– նշեց Արցախի նախագահի միջազգային հարաբերությունների գծով խորհրդականը։

Անդրադառնալով այն տեղեկությանը, որ Թուրքիան իր հերթին վարձկաններին Սիրիայից տեղափոխում է Ադրբեջան, Բաղդասարյանն ընդգծում է, որ դա ցույց է տալիս, թե որքան զգայուն է այդ թեման Ադրբեջանի համար, որը վարձկաններ է օգտագործել նաև 1991–94 թվականներին։

«Եթե Ալիևը հայտարարում է, որ 50 հազար կամավոր ունեն, որ իրենց բանակը հզոր է, ապա ինչու է շահագրգռված, որ Սիրիայից վարձկաններ ներգրավվեն, որոնցից յուրաքանչյուրին պետք է տրվի 4000 դոլար աշխատավարձ այն դեպքում, երբ ադրբեջանցի սպայի աշխատավարձը կազմում է 600–700 դոլար։ Այսինքն` սա մի խնդիր է, որի համար ադրբեջանական զինուժը պետք է պատասխանատվության կանչի քաղաքական վերնախավին»,– ընդգծեց Բաղդասարյանը։

Ադրբեջանցիները սպառնացել են Բուրգ լե Վալանսի քաղաքապետին և պահանջել հանել Արցախի դրոշը

Նրա  համոզմամբ` պետք է բոլոր եղանակներով ժխտել Ադրբեջանի կողմից տարածվող ցանկացած ապատեղեկատվություն, իսկ հայկական զինուժն այնքան զորեղ է, որ կարող է ինքնուրույն պաշտպանել սեփական սահմաններն՝ առանց վարձկանների օժանդակությանը դիմելու։

98
Ըստ թեմայի
Հայաստանի ՊՆ-ն հերքում է Ադրբեջանի տարածած հայտարարությունը
Տոնոյանը ԿԽՄԿ հայաստանյան ղեկավարի հետ քննարկել է Ադրբեջանում գերեվարված հայ սպայի հարցը
2300 կրակոց` 1 շաբաթում. արցախա–ադրբեջանական սահմանին հրադադարի խախտման դեպքերը նվազել են
Ադրբեջանը պետք է հրաժարվի ռազմական շանտաժի քաղաքականությունից. Արցախի ԱԳՆ-ն՝ Ալիևին

Ի՞նչը պետք է պահպանել. համաշխարհային առաջնորդները որոշել են ՄԱԿ-ում փոփոխություններ անել

0
(Թարմացված է 23:43 24.09.2020)
Այս տարի լրացավ ՄԱԿ–ի 75-ամյակը։ Անդամ երկրները որոշել են, որ կառույցում պետք է փոփոխություններ անել։

ՄԱԿ-ի անդամ երկրների առաջնորդները մտադիր են բարեփոխումներ իրականացնել ՄԱԿ-ում։ Գլխավոր ասամբլեայի հոբելյանական նիստի ժամանակ նման կոչով են հանդես եկել համաշխարհային մի քանի առաջնորդներ։

Օրինակ՝ Գերմանիայի կանցլեր Անգելա Մերկելը հայտարարել է, որ Բեռլինը կարող է դառնալ Անվտանգության խորհրդի ընդլայնման գործընթացի նախաձեռնողը։

«Գլոբալ խնդիրները համաձայնություն և համագործակցություն են պահանջում, անկախ ազգային սահմաններից։ Չափազանց հաճախ է ԱԽ–ն արգելափակման մեջ հայտնվում, երբ կարևոր որոշումներ ընդունելու կարիք կա»,-հայտարարել է նա:

Փոփոխությունների անհրաժեշտության մասին խոսել է նաև Ռուսաստանի նախագահ Վլադիմիր Պուտինը, այլապես, նրա կարծիքով, «կարելի է ընդարմանալ»։ 

Հակամարտությունները պետք է լուծվեն միայն խաղաղ ճանապարհով. Լավրով

ՌԴ առաջնորդը միաժամանակ ընդգծել է, որ պետք է պահպանել գլխավորը՝ ՄԱԿ–ի Անվտանգության խորհրդի մշտական անդամների վետոյի իրավունքը, թեև Արևմուտքը պնդում է, որ այն չեղարկվի:

Իսկ, թե ինչով է այն կարևոր աշխարհում կայունության պահպանման համար՝ դիտեք տեսանյութում:

0
թեգերը:
Անգելա Մերկել, Վլադիմիր Պուտին
Ըստ թեմայի
ՄԱԿ-ի գլխավոր քարտուղարը կոչով դիմել է Երևանին ու Բաքվին
ԱՄՆ պետքարտուղարության օրինագծում տեղ է գտել հստակ ձևակերպում` Լեռնային Ղարաբաղ. Մակունց
Ադրբեջանը չի հետևում ՄԱԿ-ի հրադադարի կոչին. Եկեղեցիների համաշխարհային խորհրդի արձագանքը
Որն է COVID-19–ից մահացության ամենաբարձր ցուցանիշ ունեցող երկիրը. ՄԱԿ–ի տվյալները