Արա Բաբլոյան

Բաբլոյան. ««Արաբկիրը» պատրաստ է օգնել բուժհիմնարկներին` չմտածելով փոխհատուցման մասին»

1762
(Թարմացված է 15:23 12.06.2020)
Արա Բաբլոյանը Sputnik Արմենիայի եթերում ասել է, թե ինչպես է կորոնավիրուսի համավարակն ազդում երեխաների վրա։ Նա մանրամասն ներկայացրել է նաև` ինչպես է «Արաբկիր» բուժկենտրոնն ընդունում ու կազմակերպում երեխաների բուժումը։
Բաբլոյան. «Արաբկիրը» պատրաստ է օգնել մանկական բուժհիմնարկներին` չմտածելով փոխհատուցման մասին

«Արաբկիր» բժշկական համալիր – երեխաների և դեռահասների առողջության ինստիտուտի գիտական ղեկավար, պրոֆեսոր Արա Բաբլոյանի փոխանցմամբ` բարեբախտաբար տոկոսային հարաբերությամբ երեխաներն ավելի թեթև են տանում Covid 19 վարակը։ Ըստ նրա` «Արաբկիր» բժշկական համալիրը, որպես բազմապրոֆիլային խոշոր բժշկական հաստատություն, հենց առաջին ժամանակահատվածում ցույց տվեց իր ներուժը, հետևաբար որոշում ընդունվեց պետական ծրագրի շրջանակում ամենածանր հիվանդներին ուղղորդել դեպի այս բուժհաստատություն։

«Մեր բժշկական համալիրն ընդունում է այն երեխաներին, որոնց պարագայում գործ ունենք ամենածանր ընթացք ունեցող կամ տարբեր հիվանդությունների հետ զուգակցված դեպքերի հետ, և այնպես չէ, որ «Արաբկիրը» կարողանում է հեշտությամբ հաղթահարել երեխաների մոտ առկա խնդիրները։ Այդուհանդերձ տոկոսային հարաբերությամբ երեխաներն ավելի թեթև են տանում այս վարակը և ավելի քիչ թվով են հոսպիտալացվում, բայց չնայած այդ հանգամանքին`մենք հանրապետության տարբեր մարզերից ընդունում ենք ծանր հիվանդ երեխաներին»,– նշում է «Արաբկիր» ԲՀ-ԵԴԱԻ գիտական ղեկավարը։

Բաբլոյանի փոխանցմամբ` «Արաբկիր» բժշկական համալիրը հիմա բաժանված է չորս մասի, որպեսզի մատուցվող ծառայությունները կազմակերպվեն ավելի ճիշտ ու արդյունավետ։ Առաջին մասում գործում է ժամանակավոր մեկուսացման ծառայության բաժանմունքը, որտեղ ընդունվում են անհետաձգելի դեպքերով ջերմող երեխաները։

Նրանց տեղավորում են առանձին սենյակներում` բացառելով շփումը մյուս երեխաների հետ, մինչ կիրականացվի նրանց թեստավորումն ու պարզ կլինի հետազոտության արդյունքը։ Այդ ընթացքում կատարվում են նաև մյուս անհրաժեշտ հետազոտություններն ու իրականացվում համապատասխան բուժական միջոցառումները։

«Թեստի պատասխանից հետո, եթե այն դրական է, երեխային ուղարկում են կորոնավիրուսի բուժմամբ զբաղվող բաժանմունք, որն ամբողջությամբ հագեցած է համապատասխան ենթակառուցվածքներով, ինտենսիվ թերապիայով ու ռեանիմացիայով։ Իսկ թեստի բացասական արդյունքի դեպքում երեխաներին ուղարկում են այն բաժանմունքներ, որտեղ նրանց մյուս հիվանդությունները բուժվում են ավելի հանգիստ պայմաններում»,– նշում է «Արաբկիր» ԲՀ-ԵԴԱԻ գիտական ղեկավարը։

Կորոնավիրուսի թեստերի վրա Հայաստանի բյուջեից ամսական 1 մլն դոլար է ծախսվում

Ըստ պրոֆեսորի` «Արաբկիր» բժշկական համալիրի չորրորդ մասը պլանային գործունեություն իրականացնող հատվածն է, որտեղ բուժվում են դիսպանսերի տակ գտնվող երեխաները, այստեղ կան նաև վերականգնողական ծառայություններ, պլանային վիրաբուժություն։

Բաբլոյանի խոսքով` «Արաբկիր» ԲՀ–ի ներուժն այնքան մեծ է, որ ոչ միայն իր շենքային պայմաններում է աշխատանքներ իրականացնում, այլև սպասարկում է Իզմիրլյանի անվան մանկատանը, և եթե որևէ մանկական բուժհաստատությունում դժվարություն է առաջանում, «Արաբկիրն» անմիջապես պատրաստ է իր աջակցությունը ցուցաբերել և տեղում օգնել գործընկերներին` չմտածելով որևէ փոխհատուցման մասին։

Կորոնավիրուսով հիվանդ 120 պացիենտ այս պահին սպասում են հիվանդանոց տեղափոխվելուն

1762
թեգերը:
կորոնավիրուս, Արա Բաբլոյան, Հայաստան
թեմա:
Կորոնավիրուսը Հայաստանում և Արցախում (1509)
Ըստ թեմայի
Հայաստանում կորոնավիրուսով վարակվածների թիվը մեկ օրում ավելացել է 612–ով և դարձել 15 281
Լինելու են բժշկական կենտրոններ, որոնք պետք է հեռու մնան կորոնավիրուսից. Թորոսյան
Դեռ վաղ է խոսել կորոնավիրուսի աճի տեմպերի անկման մասին. Թորոսյան
Բագրատ Էստուկյան

Թուրքական մամուլը հեղեղված է միակողմանի տեղեկատվությամբ. ինչ վիճակում է հայ համայնքը

145
(Թարմացված է 17:15 30.09.2020)
Արցախյան պատերազմի ֆոնին, որում անուղղակիորեն ներգրավված է նաև Թուրքիան, կա՞ն արդյոք ճնշումներ Թուրքիայի հայ համայնքի վրա. Sputnik Արմենիայի եթերում հարցին անդրադարձել է «Ակոս» շաբաթաթերթի հայերեն բաժնի խմբագրապետ Բագրատ Էստուկյանը:
Էստուկյան. «Արցախյան պատերազմի մասին թուրքական մամուլում գրգիռիչ և միակողմանի տեղեկատվության տարափ է»

«Ակոս» շաբաթաթերթի հայերեն բաժնի խմբագրապետ Բագրատ Էստուկյանի փոխանցմամբ` թեև տեղի հայկական համայնքի վրա ճնշումների մասին խոսելն անիմաստ է, քանի որ այստեղ ուղղակիորեն ճնշումներ չկան, սակայն ընդհանուր առմամբ պատերազմի հոգեբանությունն ինքնին արդեն մեծ մտահոգություն է հայության համար, որովհետև պատերազմի պայմաններում կամ հակամարտությանների սրման դեպքում հայերը միշտ այս երկրում դառնում են աչքի փուշ, և այս դեպքն էլ ոչնչով չի տարբերվում։ 

«Այդուհանդերձ ուղղակի սպառնալիքին դեմ հանդիման չենք, թեև մտավախություն անշուշտ կա, քանզի երկու օր առաջ ցույց կազմակերպվեց ի աջակցություն Ադրբեջանի և կազմվեց ավտոշարասյուն, որը բարձր ազդականչերով երկու երկրների դրոշներով անցավ հայկական պատրիարքարանի փողոցով։ Սա որոշ չափով սպառնալիքի բնույթ էր կրում և անհանգստություն պատճառեց տեղաբնակ հայերին, իսկ մեր հիմնական մտահոգությունները կապված են ռազմաճակատում տիրող իրադրության, հայ զինվորների վիճակի հետ»,– Sputnik Արմենիայի հետ զրույցում ասաց նա:

Էստուկյանի տեղեկացմամբ` թուրքական մամուլն արցախյան պատերազմի վերաբերյալ հաղորդում է գրգռիչ ու միակողմանի տեղեկություն, այստեղ նման հաղորդագրությունների տարափ է, հատկապես թերթերը մեծ ոգևորությամբ են գրում հայկական դիրքերի ու բազաների ոչնչացման մասին։

Մենք դա թույլ չենք տա. Մակրոնն անդրադարձել է Ղարաբաղի մասին Թուրքիայի ռազմատենչ կոչերին

Ըստ Էստուկյանի` տեղաբնակ հայերը ստիպված են հետևել ադրբեջանական քարոզչամեքենայի ազդեցությամբ ուղղորդված լրատվությանը։ 

Նրա խոսքով` Թուրքիայում կան շատ քիչ թվով լրատվամիջոցներ, որոնք փորձում են օբյեկտիվ տեղեկություն հաղորդել նույնիսկ մերթընդմերթ տեղ են տալիս հայկական պաշտոնական լրահոսին, սակայն դրանց թվաքանակը շատ քիչ է։ Այդպիսի թերթերից է նաև «Ակոսը», որի ձայնն ընդհանուր աղմուկի մեջ քիչ լսելի է։ 

Հենրիխ Մխիթարյանի մտքերն Արցախում են. «Ռոման» աջակցում է հայ ֆուտբոլիստին

Նշենք, մոր երկու օր առաջ Ստամբուլի այն փողոցում, որտեղ տեղակայված է հայկական պատրիարքարանը, ադրբեջանցիներն ու թուրքերն՝ ի տես հայերի, երկու երկրների դրոշներով պարուրված ավտոերթ են կազմակերպել։

145
թեգերը:
Հայ համայնք, Բագրատ Էստուկյան, Թուրքիա
թեմա:
Ադրբեջանական ագրեսիա Արցախում. 2020
Ըստ թեմայի
«Մենք Թուրքիան չենք»․ Զախարովան խոսել է ղարաբաղյան խնդրում Ռուսաստանի դերի մասին
Ռուսաստանը Թուրքիային զսպելու համարժեք գործիքակազմ ունի. թուրքագետ
Սիրիայում ապացույցներ ունեն, որ Թուրքիան գրոհայիններ է ուղարկել Ադրբեջան
Ինչու է Թուրքիան այս անգամ այդքան ակտիվորեն սատարում Ադրբեջանին
Ռոբերի Նազարյան

Ադրբեջանի նախնական պլանը ձախողվել է. Բաքուն մարտի է նետում ռեզերվային տեխնիկան

810
«Ռազմինֆո» կայքի վերլուծաբան Ռոբերտ Նազարյանը Sputnik Արմենիայի եթերում անդրադարձել է Ադրբեջանի կողմից կիրառվող մարտավարությանը, մասնավորապես ավիացիայի օգտագործմանն ու նախապատրաստական աշխատանքներին։
Նազարյան. «Ադրբեջանի կողմից ռեզերվի օգտագործումը վյակում է, որ նա չի հասել նախնական նպատակին»

Ըստ վերջին տեղեկությունների` Ադրբեջանը կրել է նաև օդուժի կորուստներ, զրկվել է 50 ԱԹՍ–ից, 6 ուղղաթիռից և 1 ինքնաթիռից։

Ռոբերտ Նազարյանի դիտարկմամբ` Ադրբեջանը մարտական գործողություններին պատրաստվելուց առաջ բավական մեծ ուշադրություն է դարձրել ավիացիային և հատկապես ԱԹՍ–ների կիրառելիության խնդրին։ Փորձագիտական վերլուծությունները վկայում են այն մասին, որ Ադրբեջանի տրամադրության տակ են գտնվում նաև թուրքական «Բայրաքթար» մակնիշի անօդաչու թռչող սարքերը, որոնք մինչ այդ չկային ադրբեջանական սպառազինության մեջ։

«Հուլիսի 29-ին մեկնարկած թուրք–ադրբեջանական զորավարժություններից հետո թուրքական տեխնիկան F-16 կործանիչների հետ մեկտեղ փաստացի մնաց Ադրբեջանի տարածքում, և վերջինս կիրառում է թուրքական տեխնիկան, այդ թվում ավիացիոն միավորները, ինչի մասին անդրադարձ է եղել նաև Արցախի ՊԲ հրապարակումներում։ Հետևությունը մեկն է. եթե օդային հարվածներով խոցվում են հակառակորդի ՀՕՊ միջոցները, ապա դա տեղավորվում է հարձակողական բնույթի գործողություններ ծավալելու տրամաբանության մեջ։ Այլ կերպ չի կարող բացատրվել հայկական կողմի ՀՕՊ շղթան կոտրելու ադրբեջանական ձգտումը»,– նշում է վերլուծաբանը։

Ռոբերտ Նազարյանի կարծիքով`փաստերի համադրությամբ կարելի է եզրակացնել, որ Ադրբեջանը նախահարձակ կողմ է և պատերազմին պատրաստվել է առնվազն մեկ ամիս առաջ, և պատրաստության մասին առաջին տեսանելի ապացույցները ֆիքսվել են մասնավորապես թուրք–ադրբեջանական զորավարժությունների ավարտից հետո։

Մերոնք վիրտուոզ են. հայկական կողմը ադրբեջանական տանկ է ոչնչացրել ականանետով

«Ադրբեջանի կողմից ԱԹՍ–ների զանգվածային կիրառումը սկսվել է դեռ 2016 թվականի ապրիլյան պատերազմից, այսինքն` ցանկացած ռազմական բախում արդեն իսկ ենթադրում է անօդաչուների օգտագործում Ադրբեջանի կողմից։ Ընդ որում աշխատելու են ինչպես հետախուզական, այնպես էլ հարվածային ԱԹՍ–ները։ ՀՀ ՊՆ հրապարակումներից և Արցախում գտնվող մեր լրագրողների տարածած լուսանկարներից երևում է, որ Ադրբեջանը հարվածային ԱԹՍ–ներ կիրառում է նաև խաղաղ բնակչության ուղղությամբ»,– նշում է վերլուծաբանը։ 

Անդրադառնալով Վարդենիս քաղաքի և հարակից գյուղերի հրթիռակոծումներին` Ռոբերտ Նազարյանը շեշտում է, որ Ադրբեջանին չի հաջողվել Արցախի հետ շփման գծում հասնել իր նախնական նպատակին, հետևաբար կոնֆլիկտը տեղափոխել է ՀՀ տարածք ավելի մեծ սադրիչ գործողություններ սկսելու համար։ Ըստ վերլուծաբանի` Ադրբեջանը հրթիռակոծումների համար նախապես հող էր պատրաստել և առնվազն երկու օր հայտարարություններ էր տարածում, որ Վարդենիսից հայկական կողմն իբր հարվածել է Դաշքեստանին, ինչը բնականաբար ապատեղեկատվություն է։ 

Պետք է չեզոքացնել թուրք-ադրբեջանական մտադրությունները. ՀԱՊԿ-ում ՀՀ ներկայացուցիչ

Ռոբերտ Նազարյանի գնահատմամբ` Եվլախում խոցված ադրբեջանական զինտեխնիկան գրանցված էր այդ երկրի պետական սահմանապահ ծառայության հաշվեկշռում, և եթե Ադրբեջանը մարտական գործողությունների արդեն երկրորդ օրը մարտի է նետում իր ռեզերվը, որը կոչված չէր առաջնագծում մարտնչելու, ապա դա ևս վկայում է այն մասին, որ Ադրբեջանի նախնական պլանը ձախողվել է։

810
թեգերը:
Թուրքիա, Զորավարժություններ, հայ-ադրբեջանական, Ռոբերտ Նազարյան
թեմա:
Ադրբեջանական ագրեսիան Հայաստանի դեմ - 2020
Ըստ թեմայի
Թուրքիան աջակցում է Ադրբեջանին էլեկտրոնային դրոնների, F-16 կործանիչների միջոցով. Սարգսյան
Սիրիայում ապացույցներ ունեն, որ Թուրքիան գրոհայիններ է ուղարկել Ադրբեջան
Թուրքիան բացառապես ուժի լեզուն է հասկանում. ինչ սպասել ՄԱԿ-ի ԱԽ քննարկումներից

Ինչպես պետք է լուծել Ղարաբաղյան հակամարտությունը

0
0