Դիանա Գալոյան

ՀՀ տնտեսությունն այնքան էլ վատ վիճակում չէ. որը պետք է լինի պետության միակ անելիքը

144
(Թարմացված է 19:39 10.06.2020)
Տնտեսագիտության դոկտոր, պրոֆեսոր Դիանա Գալոյանը Sputnik Արմենիայի եթերում անդրադարձել է կորոնավիրուսով պայմանավորված տնտեսական որոշ զարգացումների (որոնք առնչվում են ներկա իրավիճակի հետ) և խոսել Համաշխարհային բանկի կանխատեսումների մասին։
Գալոյան. «Համավարակի ակտիվ փուլում ՀՀ-ի համար տնտեսական 2,8 տոկոս անկումն այնքան էլ վատ չէ»

Տնտեսագիտության դոկտոր, պրոֆեսոր Դիանա Գալոյանի փոխանցմամբ` 2020թ.–ի կտրվածքով շատ երկրների համար Համաշխարհային բանկն արել է կանխատեսումներ, ու եթե համեմատենք դրանք, ապա կտեսնենք, որ Հայաստանն այնքան էլ վատ վիճակում չի գտնվում, որովհետև որոշ երկրների համար կանխատեսվել է 4 տոկոս անկում, իսկ Հայաստանի համար` 2,8 տոկոս։

Ըստ տեղեկատվության` նույնիսկ Վրաստանը, որն ավելի հաջող է պայքարում կորոնավիրուսի տարածման դեմ, կունենա 4,8 տոկոս անկում։ 

«Թեև Հայաստանում այս պահին մեծ են համավարակի տարածման ցուցանիշները, և կորոնավիրուսը դեռ գտնվում է ակտիվ փուլում, այդուհանդերձ, 2,8 տոկոս անկումը թերևս լավ կանխատեսում է։ Մենք պանդեմիայի արդյունքում գնացինք տոտալ «լոքդաունի», և տնտեսությունը որոշ ժամանակ փակվեց, ինչն առաջացրել էր պահանջարկի ու առաջարկի տնտեսական շոկ։ Եղան զգալի կրճատումներ։ Նման իրավիճակում պետությունն այլ բան չունի անելու, քան խթանել սպառողական պահանջարկը»,– նշում է տնտեսագետը։    

Կորոնավիրուսը կկարողանա՞ բուժել Հայաստանի տնտեսության խրոնիկ հիվանդությունը

Գալոյանի տեղեկացմամբ` զարգացած երկրներում ՀՆԱ–ի 15-20 տոկոսի չափով կատարվել են ֆինանսական ներարկումներ, որոնք ուղղվել են տնտեսության ակտիվության պահպանմանը, իսկ զարգացող երկրներում, այդ թվում` Հայաստանում, նման գործընթացը տեղի է ունեցոլ մոտավորապես 2-3 տկոսի չափով, և միջոցներն ուղղվել են սոցիալ–տնտեսական ծրագրերի իրականացմանը։ Ըստ այդմ` ներգրավվել են մոտ 80 միլիարդ դրամի չափով ֆինանսական միջոցներ։ 

«Մեզ մոտ ներկայում գրեթե զրոայական վիճակում են գտնվում զբոսաշրջությունը, ավիացիոն բիզնեսը, հյուրանոցառեստորանային բիզնեսը, զգալի անկում կա արդյունաբերության մեջ, արտաքին առևտուրն է էականորեն կրճատվել, բայց խնդիրն այն է, որ երբ բացենք տնտեսությունը, նշված ոլորտներն արագ վերականգնվելու հնարավորություն կունենան»,– նշում է տնտեսագետը։ 

Դիանա Գալոյանի դիտարկմամբ` տնտեսության աշխուժացման ու համավարակի նահանջի դեպքում մինչև տարեվերջ կունենանք կորստի որոշակի վերականգնում, իսկ 2021թ.–ից աճը կդառնա իրատեսական։  

«Մեր տնտեսությունը և բնակչությունը պետք է պատրաստվեն տնտեսական մեծ անկման». Պարսյան

144
թեգերը:
տնտեսություն, Հայաստան, կորոնավիրուս
թեմա:
Կորոնավիրուսը Հայաստանում և Արցախում (1350)
Ըստ թեմայի
Հայաստանը պետք է լինի պատրաստի արտադրանքի երկիր. կորոնավիրուսը կանցնի, տնտեսությունը կմնա
«Տնտեսության որոշ ոլորտներ կվերականգնվեն համավարակի հաղթահարումից 1 տարի անց». Սարգսյան
Կորոնավիրուսի համավարակն ու Հայաստանի տնտեսությունը. կկարողանա՞նք ոտքի վրա մնալ
Ալեքսանդր Մարկարով

Լուկաշենկոն ստիպված կլինի՞ թողնել պաշտոնը. ըստ Մարկարովի` հանգուցալուծման 2 տարբերակ կա

184
(Թարմացված է 20:07 10.08.2020)
Քաղաքագետ, ԱՊՀ ինստիտուտի հայաստանյան մասնաճյուղի տնօրեն Ալեքսանդր Մարկարովը Sputnik Արմենիայի եթերում անդրադարձել է Բելառուսի նախագահական ընտրություններին հաջորդած իրադարձություններին և հետընտրական լարվածության հանգուցալուծման տարբերակներին։
Մարգարով. «Լուկաշենկոն ժամանակի հետ վատացրեց հարաբերությունները և՛ Արևմուտքի, և՛ ՌԴ–ի հետ»

Ալեքսանդր Մարկարովը մատնանշում է հանգուցալուծման երկու տարբերակ, և ըստ այդմ` խոսքը վերաբերում է կա՛մ արմատական փոփոխություններին, որոնց արդյունքում Լուկաշենկոն ստիպված կլինի թողնել իր պաշտոնը, կա՛մ ավելի մեղմ քաղաքական փոփոխություններին, երբ Լուկաշենկոն կշարունակի պաշտոնավարել, սակայն ստիպված կլինի իրականացնել որոշակի բարեփոխումներ։

«Համակարգը, որը չի արձագանքում ներսում եղած փոփոխություններին, վաղ թե ուշ կարող է փլուզվել, քանզի չի ադապտացվում օրվա պահանջներին։ Բելառուսում երկար ժամանակ առկա է եղել փոփոխությունների պահանջարկը, որն հանդիպում էր կոշտ դիրքորոշման նախագահ Լուկաշենկոյի կողմից, իսկ ընդդիմություն որպես այդպիսին չկար, և ինչ էլ կար, պարզապես մարգինալ վիճակում էր, հետևաբար իրական մրցակցային գործընթացը երկար ժամանակ երկրում բացակայում էր։ Համակարգն առանց մրցակցության ժամանակակից պայմաններում շատ բարդ է պատկերացնել»,– նշում է քաղաքագետը։

Մարկարովի կարծիքով` Բելառուսում տեղի ունեցող հետընտրական իրադարձությունները սպասելի էին, հետևաբար խնդիրն այն է, թե արդյո՞ք Լուկաշենկոն կգնա ավելի կոշտ քայլերի, իսկ ընդդիմությունն իր կերթին կկարողանա՞ արդյոք պահպանել լարվածության աստիճանը, կլինի՞ ավելի վճռական, որպեսզի հասնի արմատական փոփոխությունների, և չկրկնվի նախորդ ընտրություններին հաջորդած իրավիճակը, երբ ամեն ինչ հետզհետե հանդարտվել է ու մնացել առանց համակարգային փոփոխության։

Ալեքսանդր Լուկաշենկոն նախագահական ընտրություններից հետո առաջին հայտարարությունն է արել

«Չնայած Լուկաշենկոն տարիներ առաջ ստանում էր արտաքին մեծ օժանդակություն, սակայն այժմ ունի լուրջ խնդիրներ նաև արտաքին քաղաքականության իրականացման տեսանկյունից, որովհետև ժամանակի հետ վատացրել է հարաբերություններն ինչպես Արևմուտքի հետ, այնպես էլ Ռուսաստանի»,– նշում է քաղաքագետը։

Մարկարովի խոսքով` երկու կողմերն էլ պնդում են, որ ստացել են ավելի շատ ձայներ, հետևաբար խնդիրն այն է, թե կողմերից յուրաքանչյուրն ինչպես կպաշտպանի ընտրության արդյունքներն ու ինչպես կապացուցի իր տեսակետի ճշմարտացիությունը։ Ըստ նրա` բոլոր դեպքերում միանշանակ է, որ փոփոխությունների պահանջարկը վաղուց արդեն հասունացել է այդ երկրում, և դժգոհության աստիճանը նույնիսկ ոչ ինստիտուցիոնալ ու ոչ լիովին կազմակերպված ընդդիմության պարագայում այսօր ավելի ուժեղ է, քան եղել է նախկինում։

Հիշեցնենք` պաշտոնական տվյալների համաձայն՝ Բելառուսի նախագահի ընտրություններում հաղթել է գործող նախագահ Ալեքսանդր Լուկաշենկոն, նրա օգտին է քվեարկել ընտրողների 80,23 տոկոսը:

Նախագահի թեկնածու Սվետլանա Տիխանովսկայայի շտաբը չի ընդունել ընտրությունների արդյունքները:

Մինսկում և Բելառուսի այլ քաղաքներում զանգվածային ցույցեր են սկսվել, ցուցարարների և ոստիկանության միջև բախումներ են եղել։ Իրավապաշտպանները հայտնում են, որ դրանց հետևանքով մեկ մարդ է մահացել։

Sputnik Բելառուսի լրագրողին ծեծել են Մինսկում բախումների ժամանակ

184
թեգերը:
Ալեքսանդր Մարկարով, Ալեքսանդր Լուկաշենկո, Բելառուս
Ըստ թեմայի
Ռուսատանի և Բելառուսի հարաբերությունները լարվա՞ծ են. Լուկաշենկոն հերքում է
Մինսկում բողոքի ակցիան վերածվել է ՕՄՕՆ –ի հետ բախումների․ կան տուժածներ
«Վահանները ցա՛ծ դրեք». ինչ էր կատարվում գիշերը Մինսկում. տեսանյութ
Հովհաննես Քոչարյան

Կադրային արագ փոփոխությունները բերում են շփոթի և անորոշության. նախկին փոխոստիկանապետ

49
ՀՀ ոստիկանապետի նախկին տեղակալ Հովհաննես Քոչարյանը Sputnik Արմենիայի եթերում անդրադարձել է Ոստիկանության ղեկավար կազմում վերջին կադրային փոփոխություններին։
Քոչարյան. «Ոստիկանությունում կադրային արագ փոփոխությունները բերում են շփոթի և անորոշության»

ՀՀ ոստիկանապետի նախկին տեղակալ Հովհաննես Քոչարյանի դիտարկմամբ` հավանաբար ոստիկանության համակարգում փոփոխությունների պատճառն այն է, որ գործադիր իշխանության ղեկավարը գոհ չէ ոստիկանության աշխատանքից։ Ըստ նրա` կադրային քաղաքականության կայունությունն ու կանխատեսելիությունը միշտ բարձրացնում է աշխատանքի արդյունավետությունը, իսկ արագ փոփոխությունները հանգեցնում են շփոթի և անորոշության։

«Որքան շուտ կատարվեն նշանակումները և ներկայացվեն պաշտոնաթողությունների հանգեցրած պատճառները, այնքան համակարգը շուտ կգա իր բնականոն վիճակին։ Այնպես չէ, որ և՛ ոստիկանապետի, և՛ նրա տեղակալների պաշտոնները չպետք է արագ փոփոխվեն, քանի որ օրենքով ստատիկ պաշտոններ չեն։ Եթե չկա ցանկություն, որ այդ մարդիկ աշխատեն, ուրեմն նրանք կփոխարինվեն, իսկ նրանցից ներքև գտնվող ծառայողների պարագայում վիճակը մի փոքր այլ է, օրենքով հստակ սահմանված են այն դեպքերը, երբ նրանք կարող են պաշտոնանկ արվել, բայց պետի ու նրա տեղակալների պարագայում նման հիմքեր նախատեսված չեն»,– Sputnik Արմենիայի հետ զրույցում ասաց նա։ 

Նախկին փոխոստիկանապետի կարծիքով` պաշտոնատար անձանց մոտ անորոշությունն ու անկանխատեսելիությունը բերում է նաև որոշակի ստանդարտացման, սակայն կառավարությունն այդ իրավիճակը հարթելու համար կարծես գիտակցել է, որ կազմակերպաիրավական ձևի փոփոխության խնդիր կա ոստիկանությունում, և պատահական չէ, որ վերջերս անընդհատ խոսվում է Ներքին գործերի նախարարություն հիմնելու մասին։ 

ՀՀ երկու փոխոստիկանապետներն աշխատանքից ազատվելու դիմում են ներկայացրել. ԶԼՄ

«Գաղափարը, որպես այդպիսին, ճիշտ է և կբերի նրան, որ ոստիկանապետի ու նրա տեղակալների պաշտոններն արագ չեն փոփոխվի, այլ կփոփոխվեն քաղաքական թիմը ներկայացնող պաշտոնները` նախարարն ու տեղակալը, այսինքն՝ քաղաքական–տեխնոկրատական պաշտոնի դուալիզմն իր լուծումը կստանա միայն այդ դեպքում, և վերջապես կհստակեցվեն այն պաշտոնները, որոնք պետք է զբաղվեն գերատեսչական քաղաքականության մշակմամբ, ու միայն այդ դեպքում խնդիրները կլուծվեն»,– նշեց նախկին պաշտոնյան։ 

Քոչարյանի գնահատմամբ` կադրային փոփոխությունները պետք է իրականացվեն ոչ թե ցանկությամբ, այլ ինստիտուցիոնալ կերպով, օրենսդրական երաշխիքներով ապահովված։ Ըստ նրա` միակ բացն այն է, որ հանրությանը թերևս չի տրվում բավարար տեղեկություն պաշտոնանկությունների պատճառների վերաբերյալ։

Հիշեցնենք՝ այսօր հայտնի դարձավ, որ Տիգրան Եսայանն ազատվել է ՀՀ փոխոստիկանապետի պաշտոնից:

49
թեգերը:
կառավարություն, ազատման դիմում, Ոստիկանություն, Հովհաննես Քոչարյան
Ըստ թեմայի
ՀՀ ոստիկանությունը հայտնում է` 4 օրում քանի հանցագործություն է բացահայտել
Ոստիկանությունը զբաղվում է Սևանի ափին տեղի ունեցած «անդիմակ» համերգ–խնջույքով. տեսանյութ
Փնտրում էին Ռուսաստանում, գտան Հայաստանում. ոստիկանությունը խոշոր գործարար է ձերբակալել
Ոստիկանությունը բերման է ենթարկում Ամուլսարի պաշտպաններին. Փաշինյանի մեթոդը չօգնեց
Կարմիր հաղարջ

Ի՞նչ է կատարվում օրգանիզմում, երբ կարմիր հաղարջ ենք ուտում

0
(Թարմացված է 15:24 10.08.2020)
Այս անուշաբույր ու շատ թթու հատապտուղը կարող է բարենպաստ ազդեցությունն ունենալ տարբեր օրգանների վրա, բայց նաև հակացուցումներ ունի։ Մանրամասները՝ Sputnik Արմենիայի նյութում։

Կարմիր հաղարջը կոկռոշազգիների ընտանիքի բույս է։ Ի տարբերություն սև հաղարջի՝ կարմիր հաղարջի թփերն ավելի սեղմված են ու դեպի վեր ձգված։

Այս բույսի հայրենիքն Արևմտյան Եվրոպան է, որտեղ ժամանակին այն որպես դեղաբույս է աճեցվել։ Առաջին բերքը սկսում են հավաքել հունիսի վերջին, բայց գրեթե ամբողջ ամառ պտուղ է տալիս։

Ի՞նչ է կատարվում օրգանիզմում, երբ եգիպտացորեն ենք ուտում

Կարմիր հաղարջն իր հատկություններով ամենաարժեքավոր հատապտուղներից է։ Հարուստ է օրգանական թթուներով, որի համադրությամբ էլ պայմանավորված է հաճելի, թարմացնող համը։ Պարունակում է А, С, Е վիտամիններ, նաև երկաթ, կալիում, սաթաթթու ու խնձորի թթու։ Բացի այդ, հաղարջի մեջ մեծ քանակությամբ հակաօքսիդանտեր կան, որոնք կարող են դանդաղեցնել ծերացումն ու հակազդել քաղցկեղային բջիջներին։

Երիտասարդություն ու տոնուս

Կարմիր հաղարջի մեջ եղած սաթաթթուն ու խնձորի թթուն, որոնք էներգիա տվող միացությունների խմբին են պատկանում, արդյունավետ են գերհոգնածության ժամանակ։ Հենց այդ պատճառով էլ մարզիկներին խորհուրդ է տրվում հաղարջի հյութ խմել՝ մարաթոնյան վազքի ժամանակ տոնուսը պահելու ու մրցումներից հետո ուժերն արագ վերականգնելու համար։ Նշված թթուները շատ օգտակար են նաև տարեցներին։

Ի՞նչ է կատարվում օրգանիզմում, երբ մոշ ենք ուտում

Սրտի ու նյութափոխանակության համար

Կարմիր հաղարջի մեջ շատ է անոթներին անհրաժեշտ երկաթը, ինչպես նաև կալիումը, որը բարենպաստ ազդեցություն ունի սրտի վրա ու օրգանիզմից հանում է ավելորդ հեղուկը՝ կանխելով այտուցներն ու աչքերի տակի պարկերը։

Կարմիր հաղարջը ախորժակ է բացում և նպաստում կենդանական սպիտակուցի յուրացմանը։

Բուժիչ հատկություններ

Կարմիր հաղարջի հյութը ջերմիջեցնող, հակաբորբոքային ու քրտնաբեր հատկություն ունի, օգնում է սակավարյունության ժամանակ։ Օգտակար է միզաքարային հիվանդություններ ունեցողներին, քանի որ նպաստում է ուրատների՝ միզաթթվի աղերի դուրս բերմանը։

Օգտակար են նաև կարմիր հաղարջի թարմ ու չորացրած տերևները։

Ինչպե՞ս ընտրել

Կարմիր հաղարջ գնելիս ուշադրություն դարձրեք, որ հատիկները լինեն ամբողջական ու չոր։ Այս հատապտուղը չի կարելի երկար պահել, բայց սառեցման ժամանակ շատ լավ են պահպանվում օգտակար հատկությունները ։

Կիրառությունը

Հաղարջով մսային ու ձկնային ուտեստների սոուսներ, դոնդող ու մարմելադ են պատրաստում, հատապտուղն ավելացնում են սմուզիի մեջ ու անուշաբույր խմորեղեն թխում։ Բացի այդ, կարելի է հիանալի հյութ ու կոմպոտ սարքել։

Հակացուցումներ

Չնայած այս հատապտղի օգտակար հատկություններին, կան նաև հակացուցումներ։ Օրինակ` կարմիր հաղարջի հյութը հակացուցված է ստամոքսի ու տասներկումատնյա աղիքի խոցի, սուր գաստրիտի ու հեպատիտների, ինչպես նաև արյան ցածր մակարդելիության դեպքում։

Ի՞նչ է կատարվում օրգանիզմում, երբ սեխ ենք ուտում

0
թեգերը:
օրգանիզմ, հաղարջ
Ըստ թեմայի
Ի՞նչ է կատարվում օրգանիզմում, երբ ծիրան եք ուտում
Ինչ է տեղի ունենում օրգանիզմում, երբ մեղր ենք ուտում
Ի՞նչ է տեղի ունենում օրգանիզմում, երբ հապալաս եք ուտում
Ի՞նչ է կատարվում օրգանիզմում, երբ «շպանկա» ենք ուտում